كيف تجرح لك خفوق يعشقك بسكات - الفصل 23 - بقلم S3b Atrjak - مكتملة | روايتك

][ البارت الثالث والعشرون ][ بعد مرور شهر على ابطآلي فتحت عينها وهي حاسه بغثيان ضاق صدرها من كثره الغثيان اللي يجيها مايمدي تآكل شي الا ومرجعته وخايفه لا متعب يشك بالموضوع غير الخمول اللي صايبها وتحاول تخليه مايلاحظ بس شي غصب عنها وقفت وركضت بسرعه للحمام ورجعت كل اللي ببطنها غسلت وهي تتنفس بسرعه انتبهت للشباك على السفر هذا دليل على ان متعب طلع لصلاة العيد تنهدت بتعب وطلعت من الحمام بعد ماتوضت لصلاة الفجر وشافت ملابسه على الاريكه راحت واخذتهم وحطتهم بسله الغسيل وصلت الفجر وشافت الساعه 6 و35 دقيقة شهقت بروعة ماباقي شي شوي وبيجي متعب هو امس قايلها الساعه 7 بنروح لبيت جدته قامت بسرعة وطلعت لبسها ولبست على السريع جلابيه فخمة وطالعه روعة على جسمها لأنها متنانة بعد الحمل اول ماجلست على كرسي التسريحه دخل متعب ارتبكت لأنها خايفة انه يعصب عليها متعب : السلام عليكم رغد : وعليكم السلام قامت وسلمتت عليه متعب : كل عام وانتي بخير رغد : وانت بصحة وسلامه يااارب جلست رغد على الكرسي اما متعب فخلع ثوبه وبعده فانيلته وعلقهم بالشماعة ودخل غرفة التبديل اما رغد فإرتاحت اول مادخل وبدت تحط لها مكياج ناعم 10 دقايق وخلصت وطلعت للصاله وشافت متعب اللي وقف اول ماطلعت وقال : ياللا ’، جلس بعد ماسلم على جدته اللي جالسه لحالها تنهد لحالها وحزن عليه بأيام العيد المفروض البيت يكون مليان وفرح واصوات ازعاج بس بيت جدته طول ايام العيد واليوم آخرها هدوووء وكآبه خالي الا منها ومنه مايقدر يكون طول الوقت مع جدته عنده شغله بس يحاول قد مايقدر يتواجد وقت طويل معها الجده بحنان : وش فيك ياولدي ابتسم لها : ابد يمه مافيه شي الجده : لا بالله فيك قولي يمه عمر : مشاكل بالشغل ، الله يسهل الموضوع الجده : آمين ، الا اقول ياولدي ماودك تفرحني فيك ابتسم عمر : يمه وش جاب الطاري الحين الجده : والله ودي افرح فيك يايمه وتجي انت وزوجتك وتنورون هالبيت سكت شوي عمر وفكر لو تزوج الحين يمدي انه يسكن عند جدته وتكون زوجته معها وماتحس بالوحده رد وهو مرتاح لقراره : اللي تشوفينه يالغالية الجده بفرحة : وهذي الساعة المباركه الحين ادق على الناس وآخذ رايهم ضحك عمر على حماس جدته : هههههههههههههه ماشاء الله يايمه من زود الحماس مقررة من البنت الجده والفرحة تشع من عينها : والله اني اتحراااا من زماااااااان هاللحظة والبنت ومقررتها وادعي انها تكون من نصيبك وان شاء الله تكون عمر وهو فرحان لفرح جدته : اللي تشوفينه يمه سويه ’، حاطه السماعات على اذنها وتسمع لمقاطع الصوت اللي بالجوال وهي تمشي بالحديقة وسرحانة بالحالة اللي وصلت لها "كانت لابسه بلوزه طويله قبل الركبه موديلها فضفاض مرسومرعليها ورود صفرا كبيرة على البلوزة كلها وبنطلون أبيض ورافعه شعرها ذيل حصان وحاطة ربطه صفرا على شعرها ومكتفيه بالكحل والروج الوردي " بكرة زواج اخوها وماراح تحضرة صحيح انه عائلي بس الكل بكره بيجتمع بالبيت وبيعيشون الليلة الأجواء هبه راحت من امس وهاللي عندها رفض تروح معاهم ماتعرف ليه كنه حالف انه ينكد عليها قبل كل مناسبه مايكفي انه يغيب عنها بالساعات وطول اليوم تكون لحالها ماتحاول كثير تحتك بالبنات لأنها شايفه كيف هم من نفسهم ماحاولو يقربون منهاوهي بنفس البيت معاهم حاولت بالبدايه بس مالقت نتيجة لمحاولاتها وغير كذا كلام دينا اللي لحد الحين يتردد في بالها ، تنهدت بحزن وهي تجلس على الكراسي الموجودة بالحديقه ابعدت السماعات عن اذنها وحطت يدها على بطنها وهي تسولف مع اللي في بطنها بصوت واطي : شفت ياحبيبي حال ماما كيف بابا مهمل ماما كثيييير وطول الوقت برى اكيد عن زوجته اللي تزوجها بإختياره ماهي ماما اللي انفرضت عليه "امتلت عينها بالدموع وسكتت شوي بعدها رجعت تكمل " اقولك سر ماما بس ماتعلم احد "سكتت شوي " ماما تحب بابا كثييييير بس هو موحاس فيها ولا حاس فيك بابا يأذي ماما حيييييل حبيبي بس لاتخاف ، ماما بتتحمل اي شي يجيها من بابا لأنها تحبه " ابتسمت على نفسها وهي تتنهد بحزن على حالها ودها تكلم نورة بس اكيد موفاضيه لها " سمعت جوالها يرن رفعته وشافته نورة استانست حييييييل وردت عليها رغد : هلا بالعروووس نورة بخجل : هلابك حبيبتي كيفكك رغد : الحمدلله وانتي اخبارك واخبار النفسيه نورة : الحمدلله كل شي تمام الله يسهل الامور رغد : الحمدلله ياارب وان شاء الله دووم نورة : اجمعين ، كيف حالك مع الحمل رغد وهي مبتسمه : والله تمام بس تعب مافيه شي يبقى بالمعده نورة : ياحياتي عليك .. الله يسهلل عليك ياارب رغد : آمين نورة : مابعد قلتي لمتعب رغد : لا مابعد قلت لأحد نورة : وليه يارغد حرام عليك تحرمينه من الفرحة وتحرمين اهلك رغد : ايش تبيني اسوي يانورة اذا امي حست بصوتي ومن شكلي بالعيد بيومين بس وهو ماحس وانا اللي معه بنفس البيت وتبيني اقوله لا خليه يروح يستانس مع زوجته أنا هذا ولدي وماراح اخبره ، اذا هو ماعرف من حاله لاينتظر اني اعلمه نورة : بس يارغد لـ ... قاطعتها رغد وهي تبكي : نورة بليييز لاتكلميني بهالموضوع يكفي القهر اللي ماكلته منه بسبب انه ماجابني لكم وبسبب زواجه والله فيني حرقة ماانتي حاسه فيها نورة بحزن على حال صديقتها : خلاص ياقلبي اهدي ماهو زين لك البكي رغد وهي تحاول انها توقف عن البكي : خلاص نورة روحي ريحي بكره وراك يوم طويل نورة : طيب انتبهي على حالك حبيبي ولا ترهقين نفسك والله يكتب اللي فيه الخير رغد : ان شاء الله ، "وبحزن أكبر" نورة الله يخليك صوري نفسك بالفستان أبي أشوفك فيه نوره : لاتوصين حبيبتي أنا جايبه مصوره رغد : الله يوفقك يارب ويتمم عليكم نوره : أجمعين حبيبتي يالله رغود ريحي بالك ولاتفكرين مع السلامه رغد : في أمان الله سكرت رغد الجوال ووقفت وهي تجفف دموعها حتى ترجع للجناح ، رفعت راسها شافته واقف ومكتف يدينه ويناظرها بتمعن حست بربكة خفيفه منه ماتعرف ايش سببها قررت تمشي وماتعطيه بال لما لمحت شي فيه حسسها بالغثيان مرت بجانبه بس مسك يدها : وش الشي اللي مااراح تعلميني فيه لو أنا ماعرفته رغد سكتت وهي حاسه بكبدها تقلب عليها وتحاول تفك يدها متعب : ماراح افك يدك الا لما تقولين رغد خلاص وصلت معها وخايفة تستفرغ تبي يفكها قالت وهي تناظره ومكشرة بوجهه : قبل تكلمني روح امسح اللي برقبتك وبعدها تعال كلمني ارتخت يد متعب وبسرعة ركضت لداخل البيت تخاف بأي لحظة تستفرغ عنده أما هو حط يده على رقبته وتوجه للمرايات اللي بالحديقة وشاف بقعة روج من عليا لما حضنته وباسته قبل يطلع من عندها وهز راسه بضيق وهو يمسحها ’، في تركيا واقف عند الشباك بالصاله ينتظرها اليوم يكمل اسبوع على زواجه والحمدلله ربي رزقة باللي تمناها في البدايه ماكان يفكر فيها ياكثر ماسمع عنها من رغد اللي كانت تتكلم بعفوية وبدون مقصد لشي بس بعدين لما عرف بسالفتها من رغد تحركت عنده مشاعر النخوة خصوصا انها من محارم صديقة وصعبه يتكلم عن الشخص اللي كان من الممكن يكون سبب لدمار اخته فما لقى حل الا الزواج منها بخطوة جريئة منه لأنه كان شايل فكرة الزواج حاليا بس المكتوب اللي خلاه يتزوج بهالطريقة وجعل نورة زوجته شافها واقفه بعبايتها وعلى وجهها ابتسامه خجولة رد لها الابتسامه ووقف ماشي بإتجاهها مسك يدها وطلعو من الفندق حتى يكملون أيام عسلهم ’، بالمستشفى جالس على مكتبه ويراجع بعض ملفات المرضى قبل مايعمل جولته المعتادة كل صبح عليهم انضرب الباب وبدون مايرفع راسه من الملف : تفضل سمع صوت الكعب وشم ريحة العطر كشر على طول لأنه عرف من بدون نفس : نعم د. منال فيه شي د.منال : كيفكك بدر بدر : لو سمحتي د.بدر د.منال بنرفزة حاولت تخفيها : طيب آسفة د.بدر بدر مارد وكمل مراجعة للملفات شاف يدها تنحط كوفي على المكتب : تفضل د.بدر رفع بدر راسه وفي عينه نظرة غضب من تصرفاتها : من طلب منك هالشي د.منال : محد بس أنا اللي جبتها من نفسي بدر : شيليها معك واطلعي بالله ترا مافيني اعكر مزاجي د.منال : بس انا جبتها لك بدر : قلت شيليها شربت قبل مااجي للمستشفى شالت منال الكوفي بغضب وطلعت من المكتب اما بدر فخلع نظارته بضيق ورماها على المكتب وهو يفرك عينه ويزفر قام واخذ اغراضه وطلع من المكتب وهو بيقوم بجولته المعتادة على مرضاه بالمستشفى بإبتسامه مريحة ’، بالدمام في جامعة البنات جالسه ومالها خلق تداوم بس ايش تسوي تجر نفسها بالجر حتى تداوم تبي ترتاح هذي آخر سنه لها ماهي رايقة تضيع منها بسبب خمول ابتسمت لما شافت البنت من بعيد وهي تأشر بيدها جتها البنت وسلمت عليها : كيفكك رغود رغد : الحمدلله انتي اخبارك جلست معها : والله ماعلي نحمد الله رغد : عندك محاضرة الحين زفرت بضيق : ايه عندي د. مجاب ضحكت رغد عليها : الله يعينك حبيبتي "وقفت رغد وهي تآخذ شنطتها : يالله عبير اشوفك وقت البريك عندي محاضرة الحين عبير : طيب بنفس المكان هزت راسها رغد وعلى وجهها ابتسامه : ايوه نفسه سي يو عبير اختفت الابتسامه من فمها وهي تشوف رغد تمشي بمهل حتى اختفت من نظرها تنهدت وهي تقول ببالها غصب يارغد اللي اسويه آسفه وقامت من مكانها رايحة للمحاضرة اما رغد دخلت القاعة وجلست في اخر القاعه دخلت الدكتورة وسكرت الباب وراها وبدت تتكلم ورغد بدنيا ثانيه تفكر بس متى تخلص المحاضرة حتى تطلع للبيت تنام نعسااااااانه كثيييير مسكت جوالها وارسلت لمتعب : سلام صباح الخير متعب ، تقدر الساعه 10 تجي تاخذني من الجامعة انتظرت رده 5 دقايق بعدها 10 لحقتها ربع ساعه حتى صار مدة انتظارها ساعه الا ربع عزت منه ودخلت الجوال في الشنطه ولا عاد فتحته كل شوي تشوف الساعه بيدها طار الوقت بسرعه والحين الساعه 10 وربع انتبهت رغد لكلمة التحضير ودب النشاط حضرت رغد وطلعت من القاعه حست بالجوال يهتز لأنها مسويته سايلنت شافت 6 مكالمات من متعب رجف قلبها رفع الجوال لأذنها بعد مااتصلت ورد على طول متعب وهو يشدد على الحروف اللي تطلع من فمه : وينكك رغد : احم توني طالعه من المحاضرة متعب بعصبيه : طيب دام محاضرتك الزفت ماتخلص الا 10 ونص ليش تقولين تعال 10 رغد : وانا ايش يدريني عـ... قاطعها متعب : خلصيني اطلعي نتكلم بعدين وسكر بوجهها رغد نفخت هوا من فمها بضيق دخلت الجوال وراحت للوكر واخذت اغراضها وراحت للكافتيريا اخذت لها بيبسي وسنكرس من شهوتها الغريبه وشافت عبير: اهلين عبور عبير: اهلين ياقلبي خلصتي ؟! رغد وهي تفتح البيبسي والسنكرس : ايه الحين بطلع زوجي ينتظرني برى عبير : اها خلاص حبيبتي اشوفكك بكره رغد : ان شاء الله حبيبتي يالله سي يو عليا وهي مبتسمه : سي يو ’، دخل البيت هلكان بعد ماانتهى الشفت حقه ، يدور الفراش .. دخل الصاله شاف اخوه ابتسم وبمشاكسه قال : أوووه اشوف سعود هنا ، أكيد المدام طاردتك ضحك سعود وهو يوقف ويسلم عليه : هههههههههههه لا لا نورة ماتسوي هالحركات بدر: ههههههههه ليه ماتسويها اكيد انغثت منك طول اليوم مقابلها غير السفر بعد الزواج تلقى البنت طقت كبدها منك سعود بثقه : هذا لما تكون انت بدر : هههههههه ابوك يالثقه .. المهم وش اخبارك مع الشركه والموظفين الجدد سعود : الحمدلله ، اهم شي الأزمه اللي فاتت وقدرنا نسيطر عليها والشغل بدأ يخف ويرجع مثل أول بدر : زين زين الحمدلله ، وعصام وش سويت بموضوعه سعود : نفذت وعدي له وفتحت له محل يدبر اموره فيه ، انا مااقدر ابلش ناس فيه وهو خاين فخله من نفسه بشغله بيكون امين معها اكيد لأن المحل له وماراح يخسر نفسه بدر : زين سويت ، طيب وبالنسبه لكلامه مصدقه انت ؟!! سعود بحيره : والله ماادري ياخوك محتار أحيانا أقول ليه مايكون صح واحيانا اقول لا كيف ممكن يضرونا بدر : تبي كلام مني سعود : قول يمكن تقنعني بكلامك واصدقك بدر : أعتقد كلامه صح سعود بمقاطعه : وكيف؟!! بدر : أول شي عصام كيف بيدري بأسم عمتي وجدتي لو قالهم بكنياتهم ممكن تشك بس هو قالك مزنه وسلوى وفاطمه ماقال أم حسن وام عهود وام عبدالرحمن سعود : صح كلامك بس مونسبه كبيره يمكن تحليلك منطقي بهالشي بس بعد موكافي بدر بثقه : لا اضمن لك كافي "وبسخريه" واذا تبي شي يأكد لك أكثر اسأله عن خاتم جدتك ولا شامه عمتك انت تعرف انهم كل شي عندهم فري ويحبون الفخفخه سعود : ههههههههه خلاص وثقت بكلامك .. بس أعوذ بالله لهالدرجه وصل الحقد فيهم انهم يحاولون يفرقون بين أبوي وأعمامي بتهمه مثل كذا يتهمون أبوي بالسرقه عشان يشيشون عماني عليه بدر وهو يوقف وبتعب قال : الحسد الله يكفينا شره لين دخل لقلب الواحد "وكمل وهو يتثاوب " يالله يالحبيب أنا بروح أنآآآآآآآم جوعآآآآآآآآآآآآآآآآآآآآآن نووم قل لأمي هالشي عشان ماتقلق لما تشوفني متأخر سعود وهو مبتسم : نوم العافيه توها صاحية من النوم اخذت جوله سريعة بجناحها والنتيجة لوحدها مثل العاده متعب كل ماله ويبعد عنها لدرجة انه ماقرب منها من اكثر من شهرين والسبه زوجته اللي جايبها هنا صحيح هالشي مريحها من ناحية ان حملها لحد الحين مااحد يعرف عنه بس بعد مضايقها لأنه مبعدها عن متعب وغيرتها اللي تشب بصدرها لما تتوقع كيف تعامل متعب مع زوجته تذكرت النقاش اللي صار بينهم اليوم بعد مماطلعها من الجامعة .. ركبت السيار : السلام عليكم متعب : وعليكم رغد تكلم نفسها بصوت منخفض : داخله على يهودي متعب بنص عين : نعم رغد : سلامتك متعب : اسمعي مرة ثانيه بتقولين لي اطلعك ماتدقين علي الا وانتي مخلصه اما اني اجي وانلطع برى نص ساعه اسف انثبري لحد مايجي السواق وتطلعين مع ليان جرحها اسلوبه ليه كذا يتكلم دايم همجي معها لحظات نادرة يكون اسلوبه لطيف تنعد على الاصابع من غير لحظاتهم الخاصه رغد والغصه لحلقها : اليوم اللي بس تأخرت الدكتورة بالمحاضرة ولا العاده نطلع من المحاضرة بدري وجت على حظك ، اسفه متعب اتفل بوجهي لو طلبت منك شي مرة ثانيه "وصدت بوجهها للشباك وهي تحاول تبلع غصتها بس ماقدرت الدموع نزلت على خدها تبي تبكي بصوت حتى ترتاح بس ماتقدر وهذا عندها ماتقدر انسدت نفسها عن البيبسي وحطته في مكان الكوفي وصلها للبيت وراح يكمل شغله بالمستشفى تنهدت وهي تقوم من الكنبه بتنزل تحت بدل جلستها لوحدها والهواجيس اللي تجيب الهم الحين اكيد مجتمعين وقت المغرب القهوة تكون موجوده عدلت جلابيتها وتعطرت بالعطر الموجود بالصاله ونزلت لهم ، دخلت عليهم شافت عمها ابومتعب وهبه وليان يسولفون وعبود ولمور يتابعون التلفزيون سلمت رغد : السلام عليكم الكل : وعليكم السلام راحت وباست راس ابومتعب : كيفكك عمي ابومتعب : الحمدلله يابنتي انتي شخبارك واخبار متعب معكك ان شاء الله مرتاحه رغد ابتسمت : الحمدلله وسلمت باليد على هبة وليان وصبت لها قهوة وجلست معهم بدو يسولفون وهي ساكته واللي فهمته من كلامهم ان فيه ملكة بتصير بس لمن ماتعرف انتبهت لعمها ابومتعب يقوم لأن العشا أذن فهو رايح للمسجد وقامت معاه هبه بدبتها ابتسمت لها وهي تتبعتهم بنظرها لحد ماطلع من الصاله التفتت لليان لما كلمتها : هاه رغد ايش بتلبسين رغد : لإيش ؟ ليان : لملكه دينا ليه متعب ماقالك رغد بضيق اخفته : لا والله ماقالي اكيد نسى ، ماشاء الله متى ملكتها ليان : بكــرة ، لاتقولين ماعندك شي تلبسينه رغد بدهشه : بكره !!! ليان : ايه عندك شي ولا قومي نروح للسوق الحين يالله نلاقي لك الوقت مرة قصير رغد جت بتجاوب بإيه بس فكرت الحين حامل ومتنت شوي عن قبل فخافت يكون ضيق او يكون الحمل واضح عليها : لا والله شكلي بروح ليآن : حلوو ، طيب شوفي اللي ناقصك لأن أنا ولينا بنروح العشا للسوق للتشطيبات رغد : اوك بس عطوني رنه قبل تطلعون جت هبه وهي تمشي شوي شوي ويدها ورا ظهرها ابتسمت رغد عليها وليان اللي راحت جلست عند هبه بحماس وبدت تسألها : هبه متى ولادتك ضحكت هبه : هههههههههههه توني بالسابع اسبوع ونص وادخل الثامن ليان بإحباط : يوووووووووووه مطولة يامرت ابوي ’، باليوم الثاني ... جالسه على الكرسي فتحت العلبه وطلعت روج أحمر صارخ وبدت ترسمه على شفاتها وقفت وهي رافعه فستانها بأطراف اصابعها توجهت للدولاب واخذت شنطتها الحمراء الصغيره وأخذت نعالها العالية " الله يكرمكم " جلست على الاريكه وبدت تلبسها رفعت نفسها وهي تصبر نفسها على الكعب العالي اللي عارفة انه بيتسبب عليها بس مالها الا الصبر حطت اغراضها في الشنطة الصغيره من جوال ومناديل وعطر وبعض الاساسيات من المكياج وسكرتها اخذت العبايه وطلعت برى لقته متجه للغرفة بغضب يستعجلها بس وقف فجأة وشافته مركز عينه عليها حست بربكة من نظراتها اما هو فكان يتأملها يتأمل نعومتها يتأمل أنوثتها الصارخة تأملها من فستانها اللي كان صدره أحمر وبعدها فضفاض باللون البيج و فيه تموجات ناعمة بالاحمر لمكياجها الهادي الا من روجها الصارخ لشعرها اللي رافعته بف بسيط والباقي ستريت كان مبلم عندها انتبه لها وهي تناديه : هلا تكلمت ووجها مولع من الاحراج : ايش فيك هز راسه بهدوء : ولا شي يالله عشان مانتأخر زود ابوي كل شوي داق يستعجلني هزت راسها وتبعته وهي تلبس عبايتها ’، جالسه في المجلس واعصابها تلفانه من الارتباك وكل شوي تسأل نفس السؤال جلست على الكرسي وهي تفرك يدها : ليلوووه شكلي حلو ليلى : ههههههههههههههه والله حلو يا بنت وش فيك كل شوي تعيدين نفس السؤال دينا : يااختي والله خايفه لينا : هههههههه ياحبي لك يادينا هذا وهي ملكه ومافيه شي بيصير تتنافضين كذا اجل بالزواج وش بتسوين دينا بعصبيه : ليينووووه وجع اهجدي يااختي خليني الحين بهالهم ، الزواج لاحقين عليه لاتخليني اشيل همين ليلى ودينا : ههههههههههههههه دينا : انقلعوووووا برى ’، بمجلس الرجال طبعا الملكه تمت المغرب بحضور الاقارب يعني اخوان دينا وخطيبها وخواله جلس صقرجنب متعب : لا بدري كآن تأخرت ضحك متعب : ههههههه يااخي انت عارف الحريم وحوستهم صقر : بالله انا بعد عندي حرمه وجيت قبلك متعب : والله اذا ربي رزقك بأختي تخلص بسرعه أنا ربي رزقني بوحده ماتخلص بسرعه صراحة احسدك عليها صقر : ههههههههههه بعلم ترى متعب بطنازه : ايه زيد النار حطب ماهي اهي بس ناقصه معاونتك صقر : هههههه دواااكك احد قالك خذ 2 متعب : يااخي هي كذا كذا نفس الشي صقر : الا هي درت عن عليا صح متعب : ايه درت بس تعرف احسها مثل ماهي ماتغيرت مااحسها تغار او شي لدرجة ماعلمت احد عن زواجي صقر بهدوء : لا يامتعب لاتقول ماتغار ، مافيه اي زوجه ماتغار على زوجها حتى لو كانت العلاقه بينهم مو ذاك الزود تلاقيها تحترق من داخل خصوصا انك مهملها وفي اغلب الاوقات بيكون تفكيرها بحياتكم متعب : بس مافيه دليل على هالشي صقر : ايش تبيها تقول تعترض مثلا او تسوي ضجه وتشيل قشها وتروح بيت اهلها ماهو الفاس وقع بالراس لاتفرط برغد يامتعب ترى رغد من كلامك وتصرفاتها جوهره لاتضيعها منكك متعب : الله يعين ، انت قولي اخبارك مع لينا صقر بإبتسامه : الحمدلله مرتاحين يالله انك تديمها متعب : امين ، ومافيه شي بالطريق يالله عاد ابي اصير خال صقر : هههههههه يااخي مالنا الا شهرين علم نفسك انت ياللي بيتطق الـ6 شهور متعب : هههههههههه ايه عادي فيه ناس من اول شهر بعد ، انا الحمدلله مرتاح كذا ماابي عيال واوضاعنا مومستقره صقر وهو مبتسم : ايه عارفين ان فيه ناس من اول شهر متعب : ههههههه زين اختي خلها تتمتع شوي بعدين لاحقه ع العيال ’، جالسه مع هبه وتسولف معها عن حملها : وش اخبار موعدك هبه : الحمدلله كل شي تمام بس متعبني حيييل رغد بخوف : بإيش متعبك هبه : بالحركه والجلسه مااطول يعني اشياء عادية رغد : الله يعين ويسهل عليك هبه : آمين رغد سكتت شوي وهي مترددة تقول لها عن الحمل او لا قطع عليها تفكيرها شخص يناديها بإسمها : رغوووود رفعت راسها وابتسمت لما شافتها وقفت وسلمت عليها : هلاااا والله ابتسمت : ياحبي لك ماتوقعت اشوفكك انتي من اهل العروس رغد : هههههه حتى انا والله ماتوقعت اشوفكك ايه العروس تكون عمة زوجي مسكت يدها : ياقلبي عليك اجل صرنا نسايب انا المعرس اخوي من الرضاعه رغد : ههههههه سبحان الله يالصدف ، "التفتت على هبه " : هبه هذي عبير معاي بالجامعة هبه بإبتسامه وهي تسلم على عبير : هلا حبيبتي عبير : هلابك زوود ياقلبي كيفككك هبه : الحمدلله وانتي اخبارك عبير : الحمدلله ’، بمجلس الرجال ابومتعب : فاارس قرب له فارس : سم يامحمد ابومتعب : وصل عمر للمجلس عند دينا فارس : ان شاء الله التفتت فارس على عمر وهو مبتسم : يالله يالنسيب وقف عمر وهو يبادله الابتسامه : يالله ’، عند دينا لينا : يالله بناااات برى دينا بروعه : وش فيه ليه لينا : تو ابوي داق يقول المحترم خطيبك بيدخل دينا : الحين ليان : لا بعدين دينا : هاهاها يادمك ليان : عمتو احد يحصل له يتزوج ويسوي مثلك انا لو يحصل لي زين مااقوم استقبله دينا بصدمه : شوفو البنت مستعجله خبطت فرح كتف ليان : اقول امشي امشي بيمديك ونشوف وش بتسوين وقتها ’، فتح الباب فارس ودخل وراه عمر مشى لحد ماقرب منها لحد الحين مالمحها لأن فارس مغطي عليه فارس وهو يسلم على دينا : مبروك دينا بهمس : الله يبارك فيك التفت فارس وراه لقى عمر واقف ، ابتسم له وابتعد عنه ، قرب عمر لها وهو مبتسم مد يده يسلم رفعت يدها اللي ترتجف وسلمت عليه ابتسم فارس لما شاف ربكة دينا وصورهم كم صورة وطلع وخلاهم لوحده عمر : مبروك دينا دينا : الله يبارك فيك كان الصمت هو الوحيد المتحكم بالمجلس بعد المباركه ، قطع عليهم صوت دق الباب ودخول جدته وعبير وخالته اللي جات من حايل وهم الوحيدين اللي يكونون محارمه ودخلت معاهم بنت خالته الصغيره اعطوه الشبكه ولبسها وقطعو الكيكة وجلسو شوي معاهم وطلعوا من المجلس ورجعو من جديد لوحدهم حب عمر انه يكسر الصمت ويفتح موضوع عمر : اممم دينا دينا : سم عمر : شوفي نكون من البدايه واضحين ومتفقين دينا حست بخوف : ايش فيه ابتسم عمر على خوفها : بالنسبه لشروطك من ضمنها البيت انا راح اقولكك راي وانتي لك الحق بالموافقه والاعتراض اعرف انه بدري على هالكلام بس حتى لو كان عندك اعتراض نشوف بديل ، بالنسبه للسكن دينا : ايش فيه عمر : وش رايك نسكن عند جدتي يكون لنا الدور الثاني كامل ومستقل عن جدتي ومال جدتي دخل بهالجناح انا حبيت اننا نسكن عندها لأنها لوحـ .... قاطعته دينا : عمر أنا ماراح اشجعك على اننا نطلع من عند جدتك ودامها لوحدها على قولتك نجلس عندها نوسع صدرها وتوسع صدورنا بالعكس عمر بدون حتى ماتقول لو عرفت بهالشي انا راح اطلب منك السكن عندها عمر بفرحة : الله يخليك لي ولايحرمني منك ولعت دينا وسكتت ’، انتهت الملكة على خير بالسيارة كان ظهرها شاب عليها بسبب هالكعب صحيح انها مامشت كثير بس تحس بألم بظهرها حاولت تتحكم بحركتها حتى مايحس متعب اول ماوصلوا ووقف السيارة نزل ومشت بهدوء وهي ودها تطير حتى تنسدح على السرير تريح ظهرها وصلت للجناح ودخلته خلعت عبايتها ورمتها على الاريكه انسدحت على السرير حست ان ظهرها متصلب من الجلسه الطويله بالنسبه لوضعها تتمنى متعب يطول ومايجي ويشوفها كذا بس امنيتها ماتحققت لما شافته يدخل عليها ناظرها بإستغراب : وش فيك ارتبكت رغد بس حاولت تخفيه وبكذبه لانها خايفه يقرب منها اليوم بسبب نظراته لها وبحيا من الكذبه قالت : ولا شي بس تعرف انت لما تشرف العمه ايش الوضع يكون وزودت عليه بالكعب حست بملامحة كأنها متحطمه من كلامها كتمت بسمتها ، وهي تحمد ربها على الكذبه متعب : طيب دامك عارفة الوضع ليه تلبسين الكعب رغد : وش تبيني البس مسح ماينفع لابد من كعب مع الفستان هز راسه وهو يروح للدولاب ويطلع لها وله بجامه ، حط حقتها على السرير واخذ حقته لدورة المياه وهو يقول : بدلي هنا مولازم تتحركين او تتروشين اليوم ارتاحي ودخل الحمام ، ابتسمت واخذت البجامه وهي تتحرك بشويش لأن ظهرها يعورها بالحركه بدلت على السريع وجمعت شعرها أي كلام وحطت الفستان على الاريكه وانسدحت على السرير وراحت بنومه اليييمه من التعب ’، ][ همسـة ][ قد تسمع في حياتك تهديدا أو وعيدا أو تخويفا أو إرجافا عليك بطوق النجاة " حسبنا الله ونعم الوكيل "