كيف تجرح لك خفوق يعشقك بسكات - الفصل 21 - بقلم S3b Atrjak - مكتملة | روايتك

[ البارت الواحد والعشرون ][ ’، الكل وقف بصدمه من الكلام اللي انقال من بندر اللي كان يتكلم وعيونه نازله بالأرض صعب يقول هالكلام والاتهام الخطير هو طلب جمعتهم أبوه وعمه حسن بإستثناء أبوسعود ، طلب بدر وسعود بدون علم ابوهم مع عيال عمه حسن أبوبندر : بندر ياولدي انت عارف الكلام اللي تقوله بندر : والله يايبه هذا شي بعد ما بحثت بدر بغضب : بندر انت وش تقول اتهامك خطير ابوي لايمكن يسوي كذا حسن : اهدا يابدر بدر : أي أهدا ياعمي انت سامع وش يقول يقول ابوي هو سبب الاختلاسات اللي بالشركه بندر : يابدر والله أنا عارف عمي زين بس حسابه الفرعي هو الوحيد اللي من حصلت الاختلاسات وهو في تزايد وبمبالغ كبيره غير كذا فيه أوراق من شركه وهميه كانت بإسم عمي بدر : لا مستحيييييييييل هالشي انت وش تقول أبوبندر : بدر ياولدي اهدأ احنا بنبحث ونشوف عاصم ولد حسن : بس من كلام بندر ان الوحيد اللي عليه اتهام هو عمي ابوسعود يعني هو اللـ.. قاطعه وقوف بدر اللي راح له ومسكه من ملابسه بقوه وهو يسبه بنفس الوقت اللي تكلم حسن بغضب وهو يوقف: اقطع واخـ.. ياللي ماتستحي على وجهك تتهم عمك عاصم وهو يحاول يفك بدر اللي خانقه وبندر وحسام يحاولون يوخرون بدر الهايج : ماتخسـ... الا انت يالكلـ... انت تتهم أبوي اللي يسواك بندر وهو يمسك بدر ويحاول يوخره عن عاصم : بس يابدر وقف أخيرا حسام وبندر فكو بدر اللي كانت فيه قوه غير طبيعيه بسبب غضبه : اتركوني عليه والله لأربيه هالـ.... عشان يعرف يتكلم أبوبندر بصوت عالي : بـــــــــس يابدر احترمني ع الأقل بدر كان يتنفس بقوه وقف سعود اللي ماخذ وضعيه المتفرج ومسك بدر من عضده وسحبه عنده وجلسه بجانبه وهو يناظره بحزم ودون أي صوت أخذ بدر نفس عميق من نظرات اخوه اللي تطلب منه الهدوء : آسف ياعمي عاصم وهو يرتب فانيلته : يايبه انا مب قصدي بس الاتهامات كلها على عمي أبوبندر : عااااصم خلاااص الموضوع بنحله وقف سعود والكل توجهت أنظارهم له وبحزم : الموضوع مايوصل لأبوي "والكل شاف بعيونه نظره غريبه " شهر واحد بالكثير وأقولكم الحقيقه وطلع سعود ولحقه بدر والكل ضايع بهالمشكله ’، جالسه بالحديقه وتشوف لمار وعبدالله يلعبون ابتسمت بحزن وهي تتنهد بضيق وقهر من اللي حاصل ، صار له اسبوع مسافر دبي ومايدق الا قليل مره كل يومين أو ثلاث واللي يقهر انه مو مع شغل لا ماخذ اجازه ورايح وهي اللي طلبته يوديها لاهلها تعلل بالشغل وانه مايقدر ياخذ اجازه تذكرت يوم سفره كانت نايمه وحست بإزعاج بالغرفه ، فتحت علينها بهدوء وطاحت عليه وهي يرتب ملابسه بشنطه صغيره ناظرته بإستغراب رغد : وين بتروح متعب : بسافر رغد : بتسآفر ، ليه متعب وهو يحط الملابس بالشنطه : شغل رغد بضيق : طيب وين متعب : دبي رغد : متى رحلتك ورجعتك متعب : رحلتي بعد ساعه الا ربع تقريبا وبرجع احتمال بععد 4 ايام او 5 هزت رغد راسها وراحت لدوره المياه واثناء ماهي تغسل كانت تفكر بالسفره فجأه طرى على بالها كلام عمتها قبل مايصير موضوع الخطبه عن سفر متعب الكثير لدبي ، طلعت شافته عند التسريحه ، انتبه لها وقرب لها وباس راسها متعب : انتبهي على نفسك طيب رغد : طيب وانت بعد انتبه على نفسك متعب أخذ شنطته : ان شاء الله ، مع السلامه رغد وهي تشوفه يطلع من الغرفه : مع السلامه راحت للصاله وجلست فيها انتظرت ساعه بعدها راحت للغرفه وبدت تدور على كرت فيه رقم عياده متعب حتى لقته مسكت جوالها ودقت شوي وانرفع الخط رغد : السلام عليكم ..: وعليكم السلام رغد : لو سمحت اخوي هذي عياده الد.متعب ..: ايه نعم اختي آمري رغد : طيب ، أحصله خلال هالاسبوع ..: والله آسف يااختي بس هالاسبوع االدكتور مآخذ إجازه رغد : اجازه شغل ولا من نفسه ..: لا من نفسه لو تبين الاسبوع الجاي بيكون متواجد رغد : تسلم ماتقصر ..: حياك الله نزلت الجوال بقهر فضيييع ، كذا يامتعب لما قلت وديني لأهلي قلت مااقدر آخذ اجازه والحين ماخذ اجازه وطالع برى تستانس ، يعني اللي سمعت بذاك اليوم كان صح وماكنت أتهيأ واسترجعت الموقف كامل مع مكالمته .. " حست بحركه فتحت عينها واستقرت عليه كان واقف عند التسريحة ولاف فوطه على خصره ، غمضت عينها بإحراج ولفت للجهة الثانيه قبل ينتبه لها تذكرت اللي صار امس وولع وجهها زود تبي تقوم ماصلت الفجر والحين تنتظره يخرج لدوامه اللي اليوم اول يوم له بعد الاجازه حتى تقوم سمعت صوت جواله ، حست بحركته السريعه بلبسه وسمعته يكلم بهمس متعب وهو ييرتب شعره : هلا حبيبي عليا : أهلين ميتو كيفك متعب ومازال يهمس والعطر بيده : مشتاااااق لك عليا عليا : حبيبي والله أنا بعد اشتقت لك متعب : انتي شمسويه فيني هذا وانا ماصار لي اسبوعين عندك عليا : هههههههه ساحرتك متعب وهو متوجه للباب : أحلى سحر والله وصلها كلامه وصلها هالهمس أنكرت هالشي ممكن النوم مأثر عليها ، ماحبت تصدق اللي سمعته ورسمت ببالها انها تتخيل .. بس طلعت مغفله للأسف عادت للواقع بعد ماحست بيد على يدها ، ابتسمت للمار ورفعتها رغد : وش فيك ياحلوه لمار : رغد انا ذوعانه رغد : حبيبتي والله ، اممم يالله قومو الحين نروح نبدل ونشوف ليان كانها بتطلع معنا او نروح برى نشتري العاب ونلعب شوي وبعدين نآكل ونرجع للبيت وش رايكم نطو لما وعبود من الفرح رغد : يالله الحين روحو وخلو لان تغير ملابسكم ونطلع شافتهم يركضون بحماس ، ابتسمت لفرحهم ، بتستغل طلعة اليوم وبتحاول تشتري ملابس لها للجامعه وتمشي هالضعوف اللي قليل مايطلعون يتمشون ’، .. : وش عندك متصل رد بإستغراب : كيف وش عندي متصل ، بس حبيت أسأل عنك واشوف أخبارك تأففت : مو انت قايل مابساعدك عمر : ايه بس بتصل أتطمن عليك أشوف اخبارك عبير : بخير بس فكني منك توه بيرد الا والسماعه متسكره ، هز راسه بقله حيله ، انتبة له جدته وتكلمت بحنيه : وش فيك يايمه رد بضيق : يايمه والله مو عارف كيف اخلي البنت تجي عندي الجده : ماعليه ياامك بيجي الوقت اللي تجيك عمر : بس أخاف يفوت الفوت يمه وقف بيطلع : يالله يمه أستأذنك الجده : يمه اجلس هنا انت شايف البيت مافيه غيري عمر: يمه انتي عارفه خوالي الجده : ماعليك منهم ، هم متى يطلون علي وانت ماتقصر كل يوم تجيني ، يالله يمه رح لغرفتك وبكره تجيب اغراضك عمر: بس يمه الـ ... الجده قاطعته : لا تقول شي يالله روح جيب اغراضك او لو تروح لغرفتك مره وحده احس ’، منسدحه على السرير وتحس بألم فضيع ببطنها ونار تحرق ظهرها طلعت منها : آآآآآآه ضغطت بخفه على بطنها علّ وعسى يخف ، تحركت بضعف وهي تحس نفسها تنزف ، مدت يدها للكومدينه ودقت رقمه شوي ووصلها صوت نغمته دليل على انه بالبيت صرخت بعد ماداهمتها انقباضه قويه : آآآآآآآآآآآآآآآآآه فآآآرسسسسس حسته فوقها وماسك يدها : حبيبي وش فيك ريما وهي تبكي : فاارس بموووت فارس وهو يتحرك بالغرفه بربكه أخذ عبايتها وجا لها ولبسها العبايه وهي تبكي ، ماتحمل وشالها وهو يركض نازل من الدرج وهي تبكي بين يديه وقلبه يرجف من الخوف خصوصا بعد ماشاف النزيف ’، الساعه 10 ونص دخلو البيت يركضون من الفرحه دخلت وراهم ومعاها اكياسها والخدامه معها اكياس الألعاب شافت عمتها جالسه على الكنبه بس بوضعيه شبه منسدحه ويدها على بطنها الصغيره البارزه ومعاها عمها وليان ولينا اللي شكلها وصلت اليوم رغد : السلام عليكم الكل : وعليكم السلام ورحمة الله وبركاته راحت باست راس عمها وسلمت على لينا وجلست معهم ابومتعب : الله يعافيك يابنتي فرحتي هالبزران ماتقصرين ابتسمت رغد : ولو ياعمي هم بحسبه اخواني الله يحفظهم رد ابومتعب الابتسامه وسكت هبه : تعشيتو رغد او اقول للخدامه رغد : لا الحمدلله تعشينا وقفت بتعب : يالله انا بستأذن الكل : الله معاك صعدت لجناحها فتحت الباب وهي تفك الطرحه راحت لغرفتها حطت الأكياس عند الدولاب وعلقت عبايتها فتحت ازرار بلوزتها كلها تحس انها مضيقه عليها راحت للدولاب وطلعت ملابسها ودخلت تآخذ لها شاور .. بعد ربع ساعه طلعت وهي تبي تناااام بس حبت تشوف أغراضها اللي شرتهم صحيح ماشرت كثير بسبب عبود ولمور بس تقدر تعبر فيها نفسها بأول اسبوع ألقت نظره سريعه على مشترياتها ورجعتهم للكيس بكره تقايسهم وتعلقهم ، سكرت الانوار وخفضت الأبجوره سمعت صوته : بدري على النوم يامدام التفتت بروعه وهي تسمي شافته واقف عند الباب وهو متسند عليه: بسم الله الناس تسلم قبل ماتدخل تسوي حركه تدل بوجودهم مو كذا تجاهل كلامها متعب وبسخريه : بدري ولا خذيتي راحتك وقمتي تلعبين بذيلك وانا موموجود استغربت من كلامه : وش تقصد ركز بعينها : والله انتي فاهمه تقدمت له : لا مافهمت فهمني متعب : من سمح لك تطلعين بدون ماتآخذين اذن فهمت كلامه ولفت عنه معطيته ظهرها : والله انا سمحت لعمري مسكها متعب من زندها بقوه ولفها : ماوراك رجال تآخذين الاذن منه بإستهزاء : اذا كان الرجال نفسه يلعب بذيله ومسافر بالخداع مايستحق ان ينوخذ منه الإذن انصدم من كلامها : وش تقولين رغد بدون اهتمام : اللي سمعته هزها بقوه والعصبيه مبينه بعينه : والله يارغيد ان عديتها ماتشوفين خير تكلمت بألم : وش تبيني انتظر حضرتك توديني للسوق والجامعه ماباقي لها الا يومين ولا تبيني اشوفك تكذب علي وتقول انك ماتقدر تآخذ اجازه و بالأخير تآخذ إجازه وتسافر تمتع نفسك عند عليا انصدم متعب وش دراها بعليا : ... رغد فلتت منه والدمع بعينها : مااشوفك رديت ، أنا قلت لك من قبل ابي اروح لأهلي وقلت ماتقدر وقدرت شغلك بس ايش اللي شفته استغفال وعدم احترامك لي وتبي بعد اقولك واعتبرك رجالي ومسؤوول عني وانت تلعب من وراي وتتوقعني نايمه على اذني لا يامتعب ماحزرت متعب واللي تجاهل كل كلامه : انا مالعبت من ورى احد عليا هذي زوجتي انصدمت رغد ومن قهرها وغيضها : الله ياخذك انت وعليا هذي " ومشت عنه بس مسكها بقوه " متعب : انا قلت لك لا تعطيني ظهرك وانا اكلمك فاهمه رغد بعين قويه : لا مو فاهمه ووخر عني اقرفتني دفها متعب بقوه على الجدار : احسن انك دريتي حتى مااقعد اخبي وكل شي يصير علني ، عيشه تجيب الهم ، ليتني بقيت بالامارات بأيام الهنا احسن وطلع من عندها وهو معصب اما هي تألمت حيل من اصطدامها بالجدار كانت بالارض وتبكي من ألم ظهرها وألم المسمى زوجها اللي بدت تميل له ’، باليوم الثاني طلع من الغرفه وهو يمشي بهدوء بعكازته تحمحم قبل مايدخل المجلس وسمع جدته تقوله يدخل بسام : السلام عليككم الكل : وعليكم السلام راح لجدته وعمته وباس روسهم بسام : شخباركم اليوم الجده : الحمدلله ، انت وش احوالك بسام : الحمدلله مانشكي باس بسمه : بسام تبي فطور التفت عليها وهو مبتسم : لا الله يعافيك تسلمين ياعمه الجده : هو وره ياولدي ماتاكل خل عظمك يقوى يكفي انك مكسور بسام لاتخافين يمه بآكل انتظر سامي يي يوديني للمستشفى شهقت الجده بخوف : وش فيك يمه بسام : لا تخافين يمه بس موعد نشوف اخبار الكسر الجده : الحمدلله دخلت دينا وهي حامله صينية القهوة ووراها ريدا لابسه جلال وشايله الترمس دينا وهي ماسكه القهوه تصب : الله الله يالدلع بسام وهو مبتسم : بدت الغيره دينا وهي تشوفه بطرف عينها : انت من زمان تنافسني عند امي ماكأني القعده "آخر العنقود " يعني المفروض الدلع كله لي ضحك بسام : اللي يشوفك مومدلعه دينا : بس انت تنافسني بالدلع بسام : بخلانه علي بهالشوي الدلع دينا : أكيــ ... قاطعتها الجده : دوين اسكتي صدعتي براسي التفتت دينا عليه : شفت قالت دوين ماقالت بسيم معه كأن مااحد يحكي غيري الكل ضحك على دخله فارس وهو مبتسم : لا لا الوالده هالأيام مشتغله تزبيد على آخر عيالها بسمه وهي تضحك : هههههههه الناس تسلم باس فارس راس امه : السلام عليكم جميع الكل وعليكم السلام بعد ماسلمو عليه جلس عند امه الجده : وش فيك يافارس غريبه جاي فارس وهو يسوي نفسه يقوم : خلاص اجل بروح مسكته تالجده : اقول اهجد تنهد فارس وهو يمثل الحزن : تعودت يمه تعودت دينآ : ههههههه شاركتك ياخوي الكل : ههههههههه الجده قولي وش صاير فارس : يعني مااجي الا وصاير شي الجده : لا بس مومن عوايدك تجيني الصبح وماتروح للدوام ابتسم فارس : ابد يالغاليه جاي ابشرك الجده : بوشو فارس : ان آخر عيالك جاله بنوته الجده بفرحه : ريما ولدت فارس ايه يمه الجده والدموع بعينها : مبروك ياولدي تتربى بعزم باس فارس راسها : الله يبارك فيك الكل : مبروووك فارس : يبارك فيكم بسمه : متى يافارس ولدت فارس : تقريبا الساعه 2 بالليل بسمه : وكيفها ريما فارس: الحمدلله ريدآ : هاه خالي ايش بتسمونها فارس والله لحد الحين مابعد قررنا ، ان شاء الله لما تصحى ريما نشوف ونقرر ’، فتحت عينها والتفتت بجنبها على السرير تشوف كآنه رجع او لا شافت جهته مرتبه تنهد بضيق دليل انه نايم برى البيت التفتت على الساعه شافتها 4 ونص العصر وقفت بسرعه من السرير فوتت الصلاه بس رجعت وهي تتألم من ظهرها تحس ان شي انفتح داخلها : آآآه جلست على السرير عل وعسى يهدي ظهرها من الألم بس مافيه فايده ، انسدحت وهي تآخذ نفس بعمق ارتاحت شوي وهي مستغربه الآلام هذي ماتوقعت ابد من دفت متعب لها تسوي هالآثار خافت وهي تدعي الله يستر ومايكون اللي ببالها صحيح وقفت بهدوء وفيه بعض الآلام وكملت مشيها ونفس الشي ودخلت دورة المياه الله يكرمكم شافت شي زاد من مخاوفها وشكوكها خرجت من الحمام بسرعه بطيئة وآلام ظهرها تزيد عليها مع كل خطوه تخطيها رفعت جوالها من الكومدينه وجلست على الارض وظهرها مساند للسرير رجولها ماعاد فيها تشيلهاوبدت تبكي من الألم دقت رقمه مره ومرتين وثلاث بس مالقيت نتيجه حاولت تكتم بكاها ووآهاتها دقت على ليان اول ماسمعت صوتها حست بالفرج ’، واقف عند المدخل وامه تببخره ابتسم لما سمع ابوه : يالله ياسعود سعود : يالله جاي يبه باس سعود راس امه وهو يقولها دعواتك يالغاليه ام سعود : الله يسهل امركم ياولدي ترقبته امه لحد ماخرج وجت عندها رهف : الله ياام سعود من قدك ولد البكر بيعرس اكيد الفرحه مضاعفه ضربتها بخفه على راسها وهي تمشي لغرفه امل : كلكم نفس الشي رهف وهي ترفع شعرها عن عينها : لا لا مااعتقد الفرحه دايما تكون للولد الكبير ام سعود وهي تجلس على السرير : هو اول فرحتي ايد لازم افرح فيه اثر منكم ، وبعدين تعالي هالأيام كأنك مشتطه علينا واللقافه زايده رهف : يمه لازم اورث الصفات والخصال من العايله تكلمت امل : خذيها الخصال والصفات على قولتك بس خذي الزين رهف : لا لا ماينفع شوفو رغيد اعرست تركت فراغ وانا الحين احاول اسده ، والحين انا كلها كم يوم وبعرس وبترك فراغ يالله عاد دورو احد يسد فراغي وفراغ رغد هزت ام سعود راسها وهي تقول : مابه سحى هالايام بني ’، بالمستشفى بغرفه ريما ردخلو عليها الجده ودينا وبسمه وريدا سلمو عليها وباركوا لها الجده : الله يجعلها من البارين بوالديها ريما : ماقصرتي خالتي دينا : الا وش قررتو تسمونها ابتسمت لها ريما : والله مابعد قررنا ريدا نفس حكي خالي وش هذا اخبر الناس لما يعرفون ان بيجيهم طفل يجهزون لها وانتو بروود ضحكت ريما : والله حطينا كم اسم بس مااستقرينا على شي دينا ايش هي دخل فارس وهو يقول : مالكم دخل لما نقرر نقولكم ريدا : بسم الله انت من وين طلعت فارس : من بطن امي دينا : ههاهاهاها ماتعرف تنكت فرس ضربها على رساها بخفه انقلعي انتي وبنت اختك ماخليتوني اسلم على حبيبتي اخجلت ريما ودينا قالت بطنازه: روح روح لايصير لك شي ’، جالس بالصاله وسرحان حس انه وقع نفسه بورطه لما قالها حس فيها وهي تجلس بجنبه من ريح عطرها التفت لها وهو مبتسم وهي فرحانه حيييل انها جت معه للدمام قال : يافديت هالوجه اللي بشوفه كل يوم ياعلني ماانحرم ردت له الابتسامه : وش فيك حبيبي مسرح تنهد والابتسامه على وجهه : ولا شي قلبي لاتشغلين بالك ردت عليه : علي أنا يا ميتو ضحك متعب : ههههههه فديتك علوي بس افكر شوي عليا : بإيش متعب : انتي عارفه ان رغد درت بموضوعنا عليا بملل: ايه واذا درت متعب : اخاف تخبر ابوي بطريقه وانتي عارفه اني مامهدت الموضوع له ابد عليا : لا لاتخاف مابيصير شي وبعدين اذا درى احنا ماسوينا شي غلط انت زوجي وانا زوجتك بالشرع متعب : عارف حبي بس ماابي ابوي يزعل علي عليا وهي تغيير الموضوع : مابيصير الا الخير ، الا قولي قبل شوي اسمع جوالك ليش مارديت متعب : مالي خلقه عليا : طيب وش رايك تمشيني بالشرقيه متعب : من عيوني يالله قومي البسي وتجهزي وبعد صلاة المغرب نطلع باسته على خده : واافديتك ’، بيت ابومتعب جلست وهي فرحانه : صدق ريوم جابت بنت ابتسمت لأختها : ايه وين عايشه من الصبح ليان وهي تعدل جلستها : انتي عارفه النوم كيف منقلب ، مانزل متعب ورغد لينا : لا والله محد نزل وانا هذا جلستي من الظهر بعد الغدا ابوي وهبه راحو للغرفه وقبل شوي ابوي طلع ولمور وعبود الحين وقت لعبهم ليآن : طيب وش رايك نروح لريـ ... قطع كلامها جوالها اللي يرن شافت المتصل واستغربت : الوو وصلها صوت مبحوح باكي : ليان تعالي الله يخليك رمت جوالها وهي تركض للدرج وتقول للينا : رغد فيها شي بسرعه تعالي ركضو لدرج ودخلو جناح متعب وطيران للغرفه لقو رغد على الأرض منعكفه وتبكي راحت لها لينا : وش فيك رغد رغد وهي تبكي : بموت ليان بطني ظهري آآآه انتبهت لينا للأرض وشهقت بخوف ، التفتت على ليان : ليان بسرعه جيبي عبايتها وروحي للسواق يجهز السياره ليآن بربكه من بكا رغد وهي تعطي لينا العبايه : وش فيه لينا بعصبيه : فاضيه انتي بسرعه روحي للسواق راحت ليان تركض ولينا تساعد رغد بلبس العبايه رغد وهي تبكي : ليـ . . ـنـ . ـآ مـ..ـوقـ.ادره أوقـ. .ـف لينا وهي مرتبكه وخايفه : تحملي شوي رغد اتصل جوال لينا ومن النغمه عرفت انه صقر : صقر وينك صقر بخوف : انا قريب من بيتكم يعني لفه وعند الباب ليه وش فيه لينا وهي تسمع تأوهات رغد : الله يخليك تعالي بسرعه صقر : طيب طيب افتحي الباب تركت الجوال ومسكت رغد تحاول تمشيها للصاله وهي تصايح على ليآن : لياااااااااان افتحييييي البااااااب صقر بيجيي قوليله رغد ببكا : آآآه لينا والله مااقدر امشي اكثر ثواني وصقر قبالها من الخوف وليان وراه لينا : صقر شيل رغد بسرعه وعلى المستشفى صقر بروعه : وش تقولين انتي لينا : بسرعه مافيه وقت البنت تنزف تلخبط صقر ماعرف ايش يسوي حس انه نسى اللي تعلمه وواجبه كدكتور حس انه موقادر يسوي اللي قالته لينا كيف يحمل زوجه صاحبه حس بلينا وهي تصارخ : صقققر بسسسسرعه البنت بتروووح اخذ قراره وراح لرغد وحملها ولينا وراه اللي اخذت عبايه ليان وركبو السياره وطيران للمستشفى دق صقر على المستشفى طلب سرير وأول ماوصلو المستشفى كآن السرير بإستقبالهم آخذو رغد ودخلوها بسرعه للغرفه وصقر وقف برى مع لينا اللي تبكي من الخوف صقر: لينا هدي طاحت بحضنه وهي تشهق من البكي ضمها صقر وهو يهديها لحد ماهدت لينآ وهي تشهق : صقر روح ادخل طمني عليها صقر : مااقدر حبيبي شوي والدكتور بيطلع يطمنا ’، بالبيت عند ليآن مترت الصاله من كثر ماتروح وتجي اتصلت على لينا بس ماترد قررت واتصلت على صقر ثواني ووصلها صوته ليان بصوت واطي : صقر كيفها رغد صقر اللي عرفها : لحد الحين ماصار شي مابععد احد طمنا ليآن : طيب ابي لينا صقر لحظه لينا : هلا ليون ليان اللي بكت من الخوف : وينك يالزفته ماتردين على الجوال لينا : الجوال بالبيت خلاص اتصلي على جوال صقر او انا لما يطلع الدكتور ويطمنا اكلمك ليان : ابجي مع السواق لينا : لا ماله دااعي ، ولاتحسسين اللي عندك بشي لحد مانتطمن ليان : طيب بحاول ولاتنسين طمنيني لينا : طيب ’، تنهد بضيق من كثره الاتصالات وكان حاس انه كلها من طرف واحد لهالشي مارد عليا بضيق من الإزعاج وهي تجلس بجانبه بعد مارجعوا من طلعتهم القصيره : متعب يارد او قفله وخلنا نرتاح متعب : طيب اخذ جواله وشاف تقريبا 16 مكالمه فتحها شاف 3 من رغد و 7 من صقر 6 من ليان عقد حاجبه بخوف وفز من عند عليا وهو يآخذ أغراضه ويقول لها : انا طالع وخرج بدون مايسمع صوتها توجه لسيارته وركبها وهو يدق على صقر شوي ووصله صوت صقر المعصب صقر : الحين وينك فيه لأنت اللي بالمستشفى نقول انك مشغول مع المرضى ولا انت اللي من النوع اللي يحط جواله صامت حرقت جوالك اكيد عند عليوووه متعب اللي مااهتم من كلامه وقال بخوف : وش فيه وش صاير صقر بضيق : تعال للمستشفى بسرعه متعب واللي صبت عظامه طلع من العمارة بسرعه وهو يكلم صقر : الله يخليك لاتخوفني وش صاير ابوي فيه شي او لينا صقر: لا محد بس تعال متعب وهو يحرك السياره مسرع للمستشفى : لاتقول مافيه شي انت متصل وزوجتي وليان كلكم متصلين وش صاير صقر : رغد تتعبانه ولحد الحين ماطلع الدكتور من عندها استعجل متعب : طيب طيب دقايق وشاف صقر ولينا واقفين قدام غرفه ركض لهم حتى وصل عندهم وسأل : هاه وش صار ’، ][ همســة ][ إبتسم لحياتك .. وإبتسم كل ماهو حولك .. وفكر في كل مايسعدك .. ولاتفكر في ما يقلقك فَ الأمل دواء .. والقلق عناء .. والتفاؤل رجاء ..