كيف تجرح لك خفوق يعشقك بسكات - الفصل 20 - بقلم S3b Atrjak - مكتملة | روايتك

[ البارت الـ عشرون ][ ’، بصبآح العيد دخل متعب للغرفه وشافها نايمه على السرير : مابتروحين للصلاه هزت راسها بنعاس : لا مافيني حيل قرب منها وحط يده على جبينها بإستغراب : مافيك حراره اعتدلت رغد وجلست : روح اخذ لك دوش وانا بجهز لبسك متعب : ماانتي تعبانه رغد رغد : لا الحمدلله بس قله نوم انت شايف النوم كيف برمضان ابتعد متعب واخذ منشفته وقال وهو رايح للحمام : طيب لو تعبانه قوليلي رغد : لاتهتم . . قامت وجهزت اغراضه وراحت شبت الجمر دخل عليها المطبخ بعد مالبس : وش تسوين التفتت له وبيدها المدخن وتنفخ فيه : زين انك دخلت قبل تروح تعال ادخنك ابتسم متعب وارتاح حيل بهالاهتمام بالأيام اللي قبل عاش مع رغد ايام ولا اروع من بعد طلتعم للسوق والاوضاع متعدله . . باس راسها : يالله ياحلوه . . تجهزي عشان لما نرجع نروح لجدتي ابتسمت رغد : طيب ’، سحبت ثوبه ناظر لأسفل وشالها كلمته بطفوله : من العايدين خالو ابتسم وباسها على خدها : فديتك حبيبتي من الفايزين ياقلبي مسحت خدها : يييععع فتح عيونه على وسعها والتفت لما سمع ضحكه من وراه : يووووووووه ياسعود لقط لقط كلمها بطفوله : ثفتي يازوري خليتي خالو بدر يضحك علي يعني انا يييععع .. خلاث انا ذعلت بدر : ههههههههههههههههه جوري : خلاث خالو انا اثفه انت حلو مو يييع "" واشرت على بدر " هذا يييعع بدر وسعود : هههههههههههههههههه قرب بدر من سعود وسلم عليه وباس راسه : كل عام وانت بخير ابتسم سعود : وانت بصحة وسلامه ياارب جوري وهي تلف خد سعود وببراءه : خالوا ابي حلاوه صرخ سعود لاارادي : آآآآآآآه يازين هالقمر "باسها بخدها بقووه " احبببببههههههههههااااا بدر : الحمدلله والشكر يالاخو لاتضيع الموضوع وعطها حلاو جوري : وانت بعد سعود : هههههههههههههههههه طلع سعود من جيبه فلوس واعطاها : حلاوه لما نروح للسياره اعطيك ’، باست راس امها : كل عام وانتي بخير يمه ردت عليها بحنيه : وانتي بصحة وسلامه يالغاليه ، عقبال ماتروحين بيت زوجك نزلت راسها بحيا ولا ردت دقايق ودخل فواز حامل ولده ومعاه زوجته وسلموا اما زوج ام فواز فكان مسافر يدشر ’، من لما دخلت البيت بسبب ريحه الطبخ واللحم كانت حاسه ان كبدها تقلب هي في بيتهم ماتحب تدخل المطبخ وقت الطبخ عشان ريحة اللحم والزفر اللي تسبب لها الغثيان جلست معاهم وبدو يفطرون اما هي اكلت شوي ولاعاد قدرت تاكل زود نفسها شاينه من اول مادخلت بس جلست معاهم حتى ما يلاحظون شوي قامت وراحت للمغاسل تنفست بعمق غسلت وراحت للمجلس فتحت شنطتها واخذت جوالها الساعه الحين 9ونص والرجال اكيد راحو يسلمون بعد مافطرو ودها تتصل على متعب تسأله وينهم فيه بس مستحيه تخاف يكون احد عنده وتنحرج وهو ينحرج بعد . . اليوم بعد بالليل فيه استراحه وعزيمه كبيره مثل العاده مالها خلق تبي زواج لينا يجي حتى تروح للرياض مشتااقه لأهلها اول عيد يجي بدون ماتكون معاهم ’، سحبت كرسي الطاوله وجلست بتعب التفتت عليها امها قالت لها : وش قومك ياامل من سريرك ردت على امها بإبتسامه تعب : مليت من الغرفه يمه ام سعود : بس انتي عارفه انك لازم تبقين بسريرك حتى ولادتك امل : عارفه يمه بس مليت قلت خليني اجي اشارككم هاللحظات من زمان عنها دخل سعود بسرعه : يمه هاه جهزتي الفطور ام سعد ايه لحظه بس رهف تزينه التفت لرهف : بسرعه الله يخليك رهف : طيب وش عجلكم سعود : يعني ماتعرفين ابوي رهف بدت توزع الخيار والطاطم على الرز : الله يهديه على هالحرصه ، جب القصدير اعطاها سعود القصدير وبدت رهف تقصدره واخذه وراح وهو مستعجل ابتسمت امل : يوووه والله اشتقت لهالأجواء من زمان عنها رهف : ايه والله حلوه حركه صباح العيد ام سعود : حتى الشباب يتحمسون لهالشي "طبعا بعيد الفطر الصبح بيوت الحاره الرجال كل بيت يطلع القهوه والشاهي مع الفطور " الرز ^_^ " ويفطرون برى مثل حركتنا بالعيد " ’، وقف عند البقاله ونزل يشتري له شي يسد جوعه ورجع ركب سيارته أسند راسه على الدركسون وهو حاس بضيق من بعد الموقف اللي صار وهو مارجع للبيت وبدل مايطلع من البيت لحاله طلع من الدمام بكبرها وراح للرياض الأقرب واليوم اول يوم عيد مسك خط للشرقيه وتوه داخلها حس بتعب فضييييع يبي ينام الايام اللي فاتت ماقدر ينام براحته بسبب تغير المكان والوحده اللي كان عايش فيها طوال الـ3 أسابيع اول ماوصل للرياض اخذ له فندق وجلس فيه وراح للسوق وشرى له بعض الملابس وكل يوم يروح يشتري له فطور ويرجع يفطر . . اشتاق للفطور مع جدته واخوه ، مايدري هو يعاقب اخوه على فعلته ولا يعاقب نفسه . . تنهد بضيق وهو يهز راسه بألم ويضغط عليه عل وعسا يخف اخذ فطيره وعصير وحرك سيارته متجه لبيت جدته ’، باليل في جناح متعب ورغد جت رغد وجلست بجانب متعب التفت لها مستغرب وقال : مالبستي رغد : امم متعب صراحه ماابي اروح لهالجمعه متعب بإستغراب : ليه رغد : بس ماله لزوم ، وش رايك نطلع انا وانت ونتمشى بدل مانروح متعب : بس احنا تعودنا كل سنه رغد : عارفه بس اهم شي عمانك وسلمتو عليهم وخوالك ورحتوا لهم وسلمتوا لازم تروح لجمعه العايله اللي فيها عمان وعمات ابوك ماله لزوم متعب بتفكير : طيب قومي البسي وخلينا نطلع نتمشى قامت رغد بفرحه وراحت للغرفه تبدل بهاللحظه رن جوال متعب رفعه شافه عليا رد بصوت هامس : هلا باللي له القلب يشتاق عليا : هلابك ياقلبي كيفك متعب : من اول ماسمعت صوتك وانا بخير ضحكت عليا : ههههههه عياار متعب بضحكه خفيفه : افااا انا عيار علياء : ايوه متعب : مقبوله المهم قوليلي انتي كيفك عليا: مشتاقه لك تنهد متعب : وانا اكثر ياقلبي عليا : مابتجي للامارات متعب : لا مااقدر اخذ اجازه عليا بضيق : متعب بليييز حاول متعب : والله ياقلبي مااقدر "سمع صوت باب الغرفه ينفتح ارتبك وتكلم وهو يخفي الربكه " خلاص علي اشوف وارد عليك عليا : هي عندك متعب وقف لما شافها : ايه عليا : تراك حقي متعب : هههههههه اكيد ، يالله فمان الله عليا : باي دخل متعب الجوال بجيبه وهو يمشي :يالله ’، بثاني ايام العيد الساعه 8 الصبح حاس بإزعاج بس مومستوعب مصدره عم المكان هدوء بس بعد فتره بسيطه رجع من جديد الازعاج استوعب نغمه الجوال تنهد بضيق وهو يفتح عينه اخذه وشاف الرقم غريب توه بيرد الا انقطع الاتصال رد بضيق : احسن حط الجوال على الكوميدينه ورجع تلحف وانقلب للجهة الثانيه ورجع الجوال يدق : اوووف وبعدين يعني مابنام اخذ الجوال ورد بنفس خايسه : نعم المتصل : السلام عليكم بضيق : وعليكم السلام المتصل بإحراج : آسف أخوي اني اتصلت بهالوقت وصلت معه فاضي هذا : لا عادي اخوي امر المتصل : انت اسامه عبد الاله الـ ... اسامه بإستغراب : ايوه ، فيه شي المتصل بتردد : اا .. احم بسام فز اسامه من سريره وقاطعه : فيه شي حصله حاجه المتصل : هد ياخوي ان شاء الله انه بخير ، بس امس عمل حادث بسيط وهو بالمستشفى اسامه وهو يلبس ملابسه : من امس وهو عامل الحادث ولسا تخبرونا المتصل : والله ياخوي ماكنا نعرف من هو لأن مامعه اي اثباتات ولما صحى خبرنا خصوصا ان جواله تلفان من الحادث اسامه : طيب الله يعافيك ممكن اسم المستشفى المتصل : مستشفى الـ ..... اسامه وهو ينزل من الدرج : الحين جاي مشكور اخوي المتصل : العفوو ’، العصر بجناح متعب : واقف عند المرايه وهو يعدل شماغه وهو يشوف رغد كيف نايمه مخدتها بالطول وحاضنتها ابتسم على وضعيتها السهر عامل عمايله فيها قالب نومها فوق تحت اخذ عطره وتعطر وخرج من الغرفه وهو يسكر الباب بهدوء خرج من جناحه بيروح هو وابوه الحين لبسام بالمستشفى بعد ماعلمهم اسامه الظهر صحيح انه متضايق منه بس هو غالي عنده ومايحلي الجلسه الا هو دخل الصاله : يالله يبه ابومتعب وهو يوقف : يالله ’، بالمستشفى فتح عينه شاف اسامه وجدته وفارس ودينا وبسمه ، فزت جدته اول ماشافته وقربت عنده وهي تبكي الجده : ماتشوف شر يمه بسام بابتسامه تعبانه وبصوت مبحوح : الله يسلمك يمه ابتعدت الجده جت بسمه وسلمت عليه : طهور وتكفير واجر بسام بإبتسامه : جزاك الله خير سلمت دينا : سلامتك بسوم صراحه البيت ولاشي بدونك بسام وهو يضحك على خفيف : هههه ادري تكلم فارس وهو يقرب حتى يسلم عليه : حتى وانت تعبان فيك شر وصاحي ضربته جدته على كتفه : اذكر الله فارس : ماشاء الله ماشاء الله ، بس يالغاليه خفي علي شوي طاح بريستيجي وهيبتي هالايام من كثر ماتطيحين وجهي بكره بصير ابو للولد الثاني الجده : هذا انت قلتها بتصير بكره ابو للثاني يعني اثقل فارس : شه ومازالت الوالده تطيح وجهي الكل : ههههههههههههههه سمعوا ضرب الباب ودخلو ابوسامي وسامي وسلطان واحمد اللي قابلهم وبعدهم بفتره بسيطه دخل ابومتعب ومتعب ومعاهم عبود ’، ثالث ايام العيد "يوم زواج لينا وصقر " بالمستشفى .. بسآم : يااخي رح فكني منك اكيد يبونك هز راسه بنفي وببرود : لو يبوني دقو علي زفر : اوووف اعوذ بالله من الشيطان الرجيم ، طيب اسمع حسك اذبحك ناظره بسخرية : انت قادر تقوم او فيك قوه حتى تذبحني بسام : سويم اهجد سامي هز راسه بلا : لما تقولي وين كنت فيه تحرك بسام يبي يعدل وضعيته وصرخ : آآآآآآآه ارتعب سامي وقرب منه بسرعه مسكه : بسام فيك شي انادي الدكتور هز راسه وهو مكشر : لا بس عدل وضعيتي صدري من الضربه بأي حركه يآلمني سامي عدل وضعيته : الحين يوم انك تبي شي ليه ماقلت لي جالس عندك كذا على الفاضي ابتسم بسام بتعب : شفت سامي : بس تدري وربي ان نجاتك اعجوبه يالله لك الحمد ولا لو شفت سيارتك تغسل ايديك بسام : الحمدلله كلها رضوض وخلع بالكتف والرجل فيها تشعير ، الحمدلله احسن من ناس بكثير سامي هز راسه : الحمدلله ، بس لاتتهرب وين كنت بسام : يالييييل رجعنا لطيرياللي ، ياخوي كنت بالرياض خلاص سد فمك ولا ضف وجهك خلني اريح ابتسم سامي لما شافه متنرفز : طيب طيب انا بروح للزواج يالله يمديني البس واروح للقاعه وانت انتبه على نفسك لما يخلص اجي لك بسام : لا لاتجي واللي يسلمك ناقص انا مغثه سامي وهو عند الباب : ههههههههههههه احمد ربك غيرك يتمنى ، يالله سلام بسام : سلام ’، جلست جنبها بالكراسي بتعب : ليه ماقمتي ترقصين هزت راسها : مالي خلق ارقص ناظرتها بإستغراب : مو انتي تتمنين عرس قريب منك حتى ماتتركين المنصه رغد : بخزن الرقص لزواج رهف قاطعهم ليان : هبه رغد قومو يالله الحين بنسوي شوط خاص هبه : لا ليون انا ظهري متعبني شوفي رغد ليان : طيب براحتك " التفتت على رغد " يالله رغد لأن هذا الشوط وبعدها بنزف لينا وقفت : يالله هذا انا بروح ارقص جاك ماتمنيتي هبه ضحكت : ههههههه خلاص انا بروح اشوف لينا راحت رغد مع ليان للمنصه وابتدى الشوط وكل العايله قامت ترقص عليه بس رغد وليان كان رقصهم رهيييب وقبل ماينتهي الشوط ننزلت رغد من المنصه وجلست على الكرسي وهي شحنانه شوي واعلنو الزفه وانزفت لينا على موسيقى هاديه ورايقه مع ابيات شعر من كتابه متعب مفاجأه لها كانت تشوف اهلها وتشوف اشاراتهم تبتسم لهم وهي شوي وتبكي تمنت ان امها تكون موجوده حتى تشوفها عروس وقبلها تشوف بكرها متعب وصلت للكوشه ووقفت وابتدو الناس يسلمون عليها وحطو شوط رقص الكل قدامها حتى الجده رقصت انتبهت رغد لجوالها وشافته متعب رغد : الو متعب : هلا رغد بالله ترى بدخل انا وعبود وفارس الحين رغد بإستغراب : وين تدخل متعب : بدخل عندكم رغد : وش بتسوي متعب : رغد سوي اللي اقولك عليه وبس نبهي اللي عندك رغد : بـس لـ .. سكر متعب بوجه رغد ، وراحت لهبه رغد : هبه متعب وفارس بيدخلون هبه : ليه رغد مااعرف مافهمت منه شي كل اللي قاله بندخل عندكم هبه : طيب خلنا ننبه الحريم حتى يعملون حسابهم تغطأ الكل ودخل متعب وفارس وعبود وسلمو على لينا وحطو شوط لهم ورقصو مع ليان والجده وبسمه ودينا وشوي زفو لينا ومتعب وفارس ماسكينها للغرفه عشان يدخل صقر ’، الساعه 2 بالفندق بدلت ملابسها وماهي عارفه ايش تسوي كل ماجت بتطلع برى الغرفه ترجع تجلس كانت تفرك يدينها حست بالباب يطق بروعه ردت : مين ابتسم على ردها : انا صقر تقدمت بخوف وخجل وفتحت الباب : احم آسفه ابتسم صقر : لا عادي ، تعالي نصلي قبل وبعدها نطلع نتعشا هزت راسها وتوجهت لعبايتها حتى تلبسها وقفت خلفه وابتدوا الصلاه لما خلصوا قرب صقر من لينا وحط يده على جبينها وقرأ الدعا ولما خلص ابتعد وهو يبتسم ومد يده لها : يالله نروح نتعشى ابتسمت لينا بخجل وحطت يدها بيده وخرجوا من الغرفه للصاله الموجود فيها العشا وليله سعيده للعرسآن ^_^ ’، بالقااعه مشت عند ليان ، اللي تبكي لحد هالوقت والبنات حولها يهدونها رغد : ليون رفعت راسها وهي تبكي رغد : يالله بتروحين معنا هزت ليان راسها بلا : بروح مع جدتي البنات بيجتعون ابتسم : طيب " قربت منها وباست خدها " انتبهي لنفسك لبست عبايتها بتعب وطلعت برى القاعه ، شافت متعب واقف مع فارس قريب السياره قربت بهدوء وركب السياره شافت ريما تمشي بهدوء واول ماشافها فارس راح لها ، سمعت متعب يعلق عليه وهو يضحك .. تمنت علاقتها بمتعب مثل علاقه فارس بريما " ركب متعب : السلام عليكم ردت عليه بهمس : وعليكم السلام متعب وهو يحرك : كيف الزواج والأجواء رغد : الحمدلله ، الله يوفقهم ويسعدهم متعب : آمين سكون عم السياره الا من صوت عداد السرعه في بعض الاحيان رغد : متعب متعب وهو مركز بالسياقه : هممم رغد : متى بنروح الرياض التفت عليها بإستغراب : ليه رغد : كيف ليه بروح اشوف اهلي حنا بالعيد كمل سواقه وبدون اهتمام قال : مولازم الحين لما يجي زواج اختك اوديك ، وبعدين انا الحين مااقدر اخذ اجازه سكتت رغد بقهر ونزلت من السياره اول ماوقفها وقفلت الباب بقوه خفيفه دخلت البيت وركبت الدرج فتحت باب الجناح وخلعت عبايتها ورمتها بإهمال في الصاله حست انها مشتهيه شوكولاته راحت للمطبخ فتحت الثلاجه ، اخذت لها جالكسي وبيبسي فتحتهم وبدت تآكل بتلذذ لما طلعت من المطبخ شافته لسا داخل حست بنظراته فيها استغراب ، مااهتمت فيه رمت قرطاسه الجالكسي بالزباله واخذت عبايتها بيد واليد الثانيه فيها بيبسي ومشت للغرفه وقفها صوته : وش هذا رغد : سحور متعب : هذا تسمينه سحور رغد وهي تشرب البيبسي : ايه متعب بحزم : روحي كلي لك فاكهة افضل مااهتمت رغد منه ودخلت الغرفه وسكرت الباب متجاهلته ، حطت البيبسي فوق التسريحه وبدت تفك تسريحتها ، غمضت عيونها بروعه لما اصطدم الباب بقوة بالجدار التفتت له شافته قدامها ، بلعت ريقها بخوف بس مابينت مسكها مع يدها بقوه : لما اتكلم ماتروحين وتتركيني فاهمه رغد بدون نفس وبينتها بنبرتها : ايه فهمت ، وخر يدك متعب كان مركز على شفاتها اللامعه بالروج الأحمر استغربت سكوته توها بتتكلم فاجأها بقبلته فتره لحتى تستوعب ، ابتعدت عنه وهي مولعه وقلبها يرجف ماعرفت وش تقول او وش تتصرف جت بتروح بس طوقتها يده ’، دخلت عليها الغرفه ، ابتسمت لها : هلا بأم سامي ابتسمت وهي تجلس : هلابك قربت وجلست عندها : وش عندك زايرتني ام سامي بحنيه : بكلمك بموضوع ليلى بإهتمام : خير ان شاء الله ام سامي : ابوك وقفت ليلى فجأه وكأنها مقروصه : يمه الله يخليـ .. قاطعتها أمها : ليلى مايصير يابنتي كذا ،، هذا ابوك مهما سوى ليلى بعيون دامعه : يمه انتي ماشفتي العذاب اللي شفته انا ولا شفتي الخوف ام سامي : يمه ابوك متحسف وانتي شايفه حالته سامحيه يابنتي لايقسى قلبك زياده كانت متردده وقرت هالشي ام سامي بعيونها : يابنتي لاتترددين لو لاقدر الله وصار له شي بتبكين دم غيرك يتمنى ان ابوه موجود بهالدنيا وانتي الحمدلله ابوك موجود وبيسوي اي شي بس عشان تسامحينه هزت ليلى راسها : خلاص يمه ام سامي براحه : قومي معاي ياامي وتعالي ريحيه ليلى : لا يمه بكره ان شاء الله على الفطور الحين انا تعبانه ام سامي بحنيه وهي تقوم وتبوس راسها : الله يريحك يايمه ابتسمت ليلى : اجمعين يالغاليه ’، دخل عليه شافة يطقطق على الجوال ومبين بوجهه الطفش التقت عيونهم ببعض زفر بضيق : لا كان تأخرت ابتسم وهو يسلم على راسه : والله غصب عني ، وبعدين بسوم مايصلح عليك الضيق بسام : بالله اصغر عيالك تقولي بسوم ، المهم روح شوف الزفت خله يكتب لي خروج مابقعد اكثر من كذا ، ولو ماكتب لي ترى ماراح توصل البيت الا تلاقيني قبلك أسامه : هههههه ،، على كيفك هو بسام : ايه اجل بكيفك رح ترى طقت كبدي من المستشفى أسامه : اصلا توني جاي منه وكتب لك خروج بسام وبصوت عالي : وتوك تتكلم " تحرك ببطئ " يالله يالله اسامه بإستهبال : وين بسآم بعد ماوقف : للبيت يابوي مسكه اسامه : اجلس الحين بيجي الدكتور وبيكشف كشف نهائي نتطمن وبعدها نتوكل جلس بسام : اووف الله يصبرني عليك ’، بالرياض بيت أبو سعود كانوا بشقه رهف يشوفون نواقص الشقه ووضعها بعد ماكانوا بالسوق جو يشوفون الشقه بعد تركيب الأثاث دخلت رهف للصاله وكان سعود وام سعود موجودين رهف : يمه غرفه النوم يبيلها اكسسوارات ام سعود : يابنتي احسها تمام رهف: لا فيه كذا شغله براسي ابي تكون بالغرفه سعود : طيب خلوه بعد الزواج وكمليها معه رهف: لا لا بكلمه واقوله يجيبها واشوف ام سعود : بكيفك مع رجلك ’، ][ همســـة ][ دائما هناك فرحا مختبئ ، ينتظر إستغفارا ليظهر ..