كيف تجرح لك خفوق يعشقك بسكات - الفصل 18 - بقلم S3b Atrjak - مكتملة | روايتك

البارت الـثامن عشر ][ حست بحركه فتحت عينها واستقرت عليه كان واقف عند التسريحة ولاف فوطه على خصره ، غمضت عينها بإحراج ولفت للجهة الثانيه قبل ينتبه لها تذكرت اللي صار امس وولع وجهها زود تبي تقوم ماصلت الفجر والحين تنتظره يخرج لدوامه اللي اليوم اول يوم له بعد الاجازه حتى تقوم سمعت صوت جواله ، حست بحركته السريعه بلبسه وسمعته يكلم بهمس بس وصلها مقتطفات من كلامه وصلها هالهمس تجمع الدمع بعينها وسمعت باب الغرفه يتسكر ومن بعده باب الجناح ، خذت نفس وهي تقول لا مومعقول يكون كذا لا يارغد اكيد تتوهمين .. قطع سرحانها صوت جوالها رفعته وردت رغد: اهلين رهف رهف : هلا رغود ، صحيتك ؟!! رغد : لا توني صاحيه وش فيه ؟!! رهف : ابد بس بعلمك اننا بنرجع للرياض بدري رغد : ليه ؟؟ مو على أساس نطلع اليوم مع بعض رهف : ايه بس اليوم بيروحون يخطبون لسعود رغد : ايــــش ؟!!!! وش تقولين متى ؟!! ومن ؟!! رهف بإستغراب : ماتدرين ؟ رغد : لا تو الحين انتي تزفين لي هالخبر ، ليه ماعلمتوني ؟!! رهف بضيقه : والله توقعت امي معلمتك وبعدين مومن زين اللي بيخطبها ؟ رغد بإستغراب من كلام رهف : وش فيكم ليه هالكلام وش صاير ؟!! رهف : الله يسلمك باليوم اللي بعد زواجك جدتي كانت نايمه عندنا وكنا مستغربين من نومها وجلست مع ابوي بالمكتب وطولت كانت تقول لأبوي رضاي بزواج سعود من عهود رغد بصدمه : من جدك رهف !!!! رهف : ليه هالموضوع فيه لعب ، المهم بعد المغرب راحت وكلم ابوي سعود عن موضوع الخطبه وسعود ماخالف رغد : كيف ماخالف !!! رهف : وش تبينه يسوي دام جدتك فرضت وساومت برضاها رغد بضيق : طيب وامي ؟ رهف بضيق مماثل : خليها على الله المهم الكل انجبر يوافق على هالخطبه واليوم بيروحون يخطبون رسمي رغد : الله يعين رهف : آمين ، يالله بخليك الحين بس كنت بعطيك خبر اننا بنمشي رغد : طيب وعلميني وش بيصير أول بأول ، وطمنيني لما توصلين رهف : ان شاء الله ، يالله نشوفك على خير رغد : على خير ’، أما عند متعب فالمتصل كان عليا وظل يسولف معها طول الطريق حتى وصل للمستشفى وسكر منها أول مادخل الكل كان يسلم عليه ويهنيه بالزواج وهو يرد عليهم بمجامله دخل المكتب ولبس اللاب كوت وجلس طلب له قهوه ، شويات الا ويدخل صقر صقر : اوه اوووه المعرس عندنا ابتسم متعب ووقف يسلم : شفت محد قدي صقر اللي ظمه وضغط عليه : والله ونور المكتب متعب وهو يبعده : خلاص يااخي توني شايفك أمس بالعزيمه صقر : ههههههههه سلام عالزيمه غير عن سلام الدوام متعب ابتسم : جديده هذي صقر وهو جالس بالكرسي المقابل للمكتب : اكيد كل شي عند صقر جديد ، المهم طمني عن أحوالك مع الزواج متعب : عادي الحمدلله صقر : المهم انبهك من جديد البنت مالها ذنب انتبه وهذي حياتك لاتخسرها وتندم بعديم متعب بتسليك : طيب طيب ، قولي وش اخبارك مع الدوام بدوني أكيد مو شي صح صقر : هههههه واثق من نفسك ، من لما رحت وأنا مع ماجد نشبت له مافكيته شكله تحسف ع اليوم اللي تعرف علي مافكيته الا أمس لما دريت انك جيت متعب : هههههههه زين عارف انك نشبه صقر وهو يوقف : مالت عليك وع اللي يجي عندك "وطلع" أما متعب فكها ضحك على صقر ’، مرت ايام واعلن ان الليله هي ليله اول ايام رمضان . . ’، بيت ابوسعود الكل مجتمع على الطاولة وقت السحور . . بالسنتين اللي فاتوا كانت رغد معاهم وامل وبدر لا بس بهالسنه انقلب الحال ابو سعود : ساره ام سعود : سم ياابوسعود ابوسعود : بكره اخواني بيجون يفطرون كشرت رهف بضيق وماعلقلت اما ام سعود صحيح تضايقت بس مابيدها شي : ان شاء الله التفت ابو سعود على سعود : شوف بكره لما تنزل للشركه تخبر الموظفين بمواعيد الدوام استغرب سعود : ليه تغير ابو سعود : ايه يكون من 8 الصبح وينتهي 4 العصر ومن 7 المغرب ل9 العشاء ابوسعود : بس هذا ضغط علينا ابوسعود : عارف بس مضطرين برمضان نسوي كذا وفهمهم سعود : ان شاء الله أبوسعود : وش صار ع التحليل ؟!! سعود بضيق : ماادري مابعد طلع ابوسعود : كم صارلكم محللين سعود بملل من هالطاري: قريب الـ4 أيام ، بدر قال لما يطلع بيعطينا خبر ابوسعود : على خير ان شاء الله ’، بيت ابومتعب .. التفت ابومتعب على رغد : وين متعب سكتت رغد ماتعرف وينه اتصلت عليه ومايرد بالبدايه بعدين تسكر ، حست ليان ان رغد ماتعرف فتكلمت بسرعه ليان : سافر يبه التفتت بقوه رغد بصدمه ساافر ، وين وليه ماقالي ابومتعب : وين سافر ليان نزلت راسها : دبي هز راسه ابومتعب : لاحول ولا قوة الا بالله الكل التزم الهدوء ليان تشوف رغد اللي من بعد ماتكلمت ماعاد عرفت تاكل قامت رغد : سفرة دايمه ابومتعب : وين يابنتي مااكلتي ابتسمت رغد ابتسامه شاحبه : لا تسلم ياعمي شبعت مشت رغد وراحت تركض لجناحها تبكي من تصرفات متعب اللي ماتطاق ابومتعب : بكره مافيه فطور عند امي هبه : ليه ابومتعب : تعبت شوي واجلنا الفطور حتى تصحى ، وقف ابومتعب, الله يديمها من نعمه الكل قام وراحت ليان تنادي الخدامه تشيل الاكل وراحت لغرفه لينا ليان بغضب : اخوك هذا وراه بلوى لينا : والله بجد تصرفاته تخلينا نشكك فيه تنهدت ليان وهي تجلس على السرير : انكسر خاطري على رغد باين اانها ماتعرف هزت لينا راسها وهي ساكته ’، في دبي عليا : يووه حبيبي مومصدقه ان اول يوم بتكون معااي متعب : فديتك من شوقي لك ماقدرت اصبر وجيتك عليا : تسلم حبيبي ، الا اخبارك مع الزواج متعب بلا مبالاه : عادي ابتسمت عليا بفرحه ولاعلقت وغيرت الموضوع : وكم ناوي تشرفني متعب : 4 أيام فرحت عليا وضمته بس أبعدها وهو يقول : اوب أوب ترى مافيني افطر يابنت انحرجت عليا وضربته على كتفه : سخيف متعب : هههههههههههه حياتي ع الخجل ’، اليوم الثاني بالفطور كل البيوت مرتبشه قبل المغرب بالشيل والحط والتصليح بيت ابو متعب التموا كلهم على الطاوله وبدو بالفطور رغد اكتفت بالتمر وجلست على الطاوله انتبه لها ابومتعب : علامك ماتاكلين رغد : اكل ياعمي ابتسمت هبه : مومتعوده يامحمد على النظام استغرب ابومتعب : وش نظامه هبه : في بيت اخوي يكون لفطور بس تمر ولقيمات وبعد الصلاه يكون العشاء انحرجت رغد وماتكلمت ابو متعب ابتسم : اجل مالنا كلام والبيت بيتك متى ماجا وقت العشاء كلي رغد : ماتقصر عمي ’، بعد صلاة التراويح البنات "دينا - لينا -ليان -ريدا - ليلى -فرح " كانوا رايحين مع بعض دينا : بنات وش رايكم نروح للسوق نخلص أغراض العيد من بدري أفضل فرح : بس دينا مابعد نزلوا البضاعه الجديده دينا : عادي نروح ونشوف لو اعجبنا شي اخذناه وبنص الشهر نرجع ندخل من جديد بس ع الاقل يكون فيه اغراض طاحت "والتفتت على لينا " خلصتي اغراضك انتِ لينا: انا ايه خلصت انتي عارفه اني كنت مجهزه على اساس الموعد الأول دينا : زين ، يالله وش رايكم ؟!! ليان : انا بالنسبه لي قدااااام دينا : وانتو !! الكل : معك دينا: خلاص ترى بعد بنتسحر برى مره وحد ه ’، بعد يومين ... دخل االصاله وسلم على امه وابوه والتفت يدوره بعينه توه بيسأل الا ابوه سابقه أبوسعود بغصب بس عشان يكسب رضا امه : بدر وش صار ع التحاليل ماصارت ؟!! تضايقت ام سعود من حنته بهالموضوع بالصاله بس سكتت بدر : اليوم أو بكره بالكثير بيجق علي صاحبي ابوسعود : احرص ييابوي جدتك وانت شفت وش سوت لما جتنا بأول يوم بدر بنفسه وككيف تبيني انسى يايبه وسرح بفكره لقبل يومين بعد الفطور ولما رجعو الرجال من الصلاه وجلسوا بالمجلس دخلت عليهم الجده وقفوا الشباب وسلموا عليها بعد ماجلست الجده بقوه : محمد ابوسعود : سمي الجده : اشوفك سكت وماعاد جبت طاري خطوبه سعود وعهود ابوسعود : والله يايمه لحد الحين ماطلعت نتيجه التحاليل الجده : ماطلعت ولا مخبينها وماتبون تقولون بدر سبق ابوه اللي توه بيتكلم : لا والله يالغاليه ماطلعت وانا اللي متولي الموضوع بنفسي بس تعرفين المستشفى موملك لنا ماردت الجده وقامت طلعت من المجلس شوي وسمعوا صوت وحده من البنات تلهث ودخلت المجلس وهي تقول بسرعه : الحقوو عماني قام ابوبندر : وش فيك ياجنان جنان : يبه عماتي هناك يهاوشون خالتي ام سعود وقفو بدر وسعود مع ابوسعود اللي طلعوا بسرعه وكان كل ماقربوا توضح الكلمات اللي تنقال ام عهود : ايه اكيد منك يالـ.... تمنعين زواج سعود وتماطلين فيه ام سطام : اكيد مانستغرب دامك سحرتي اخوي ورجعتيه لك بعد ماطلقك قلتي مالي غير استخدم اللي يعرفونه اهل جدتك ماهو العرق دساس صدمه وقعت ع الكل ، ابوسعود كان مطلق ام سعود ورجعها حتى عيالهم مايعرفون ام بندر مرت اخو ابوسعود : ياحريم اذكروا الله اصواتكم عاليه وبعدين ماسمعنا عن ام سعود الا الخير ام عهود : اسكتي يابدرية انتي ماتعرفينها اكيد تستخدم السحر مانستغرب دام جدتها اجنبيه وبلدها معروفين بالسحر ام سعود بغضب وهي اللي كانت تحاول تمسك نفسها وماترد بس ماعاد قدرت : بسسسسسسسس ولا كلمه اهلي ماتنقال عنهم العيبه ياللي ماتستحون في بيتي وتغلطون علي وانا اللي كنت محترمتكم ومترفعه عن الرد عليكم بس انتو ماانتو وجه حشيمه دخل بدر وسعود وابوسعود بعد مااستأذنوا شافوا العمات والجده يتلفظون على ام سعود بس شهقه انطلقت من الكل من قوه الكلمه اللي رمتها الجده لا لا موكذا موكذا سعود وبدر اللي تجبسوا من قوه الكلمه عند الباب وماقدروا يتحركون أكثر اما ابوسعود فدخل والغضب عامي عيونه ابوسعود : يممممه بس حرااام عليك وش سوت بك هالآدميه ، "والتفت على خواته " وانتن ماتخافن الله ع اللي تسوونه انا اخوكم الجده : تسكت امك يامحمد ابوسعود : يمه مهما كان كرهك ماتقذفين الجده اللي خذت عبايتها ولبستها وقالت لبناتها ولبنات البنات اللي ماتحركوا حتى بعد دخول الشباب بأنهم يتغطون : يالله "والتفتت على ابوسعود " وانت بيتي يتعذرك واذا تبي رضاي انت عارف وش شرطي "وطلعت " الكل كان ماخ وضعيه المتفرج من بنات الأخوان وحريمهم ، رفع ابوسعود راسه يدور على ام سعود ماحصلها ، تكلمت ام بندر ام بندر : ام سعود الشباب خذوها وطلعوا فوق راح ابوسعود لغرفته وهو يسمع صوت ام سعودد تبكي والعيال يهدونها ه راسه بضيق ودخل عل وعسى يقدر يهديها هو بعد اما الباقي من بعد هالمشكله فخرجوا من البيت قطع تفكير بدر ابوه : سمعتني يابدر هز بدر راسه : ابشر كلها دقايق ودخل سعود سلم وجلس ، أشر له بدر يعني الحقني وقف بدر : يمه انا بروح اريح شوي لما تجي الساعه 11 وانا ماقمت صحوني ام سعود : ابشر يابوي راح بدر وشوي لحقه سعود ’، جلست بجانبه : هاه حبيبي شو قلت متعب : علوي قلبي الحين مااقدر آخذك معي برطمت عليا : بس انت واعدتني متعب وهو يقربها منه : عارف حبيبي بس انا لحد الان ماجهزت نفسي يعني من ناحيه الشقه عليا :عادي ناخذ فندق متعب : فندق !!!! احنا ماراح نجلس يوم او يومين فيه يعني بنطول غير كذا الشقه يبي لها وقت حتى ادور وأثث عليا : طيب يعني متى ؟ متعب : ان شاء الله المره الجايه مااروح الا وانتي معي ابتسمت عليا : ياحبيبي انت .. متى رحلتك متعب بكره الساعه 9 الصبح عليا : بشتاق لك ميتو متعب : عيون ميتو انتي وانا والله بموت من شوقي لك، وانا عندك فما بالك وانا بعيد ، وش رايك نطلع نتمشى بما انه اخر يوم قبل الرجول عليا : مانقول لا قام متعب ومد يده لعيا يقومها : اجل يالله قومي ’، جالسه تفضفض لصديقتها اللي فقدتها حيييييل عل وعسى تخف عنها هالضيقه رغد : نورة والله ماادري كيف هالمخلوق مره يكون مافيه أحلى منه ومره لا نورة : حبيبتي شي طبيعي انتو بأول حياتكم أكيد ماراح تعجبك بعض أطباعه مثل ما بعض أطباعك مابتعجبه رغد : طيب وش أسوي معه نوره : اصبري هو في بدايه حياة أي اثنين لازم هالأشياء تصير رغد : طيب وسالفه سفره اللي بجد قهرني فيها نوره : يمكن عنده أشغال وهذا سبب سفرته الفجائية رغد : أنا ماضقت بسبب هالسفره قد ماضايقني انه سافر وبدون مايقولي تخيلي موقفي عند أبوه لما سأل وجاوبت ليان يعني أعطى ليان خبر وأنا معتبرني جدار عنده نوره : لاتقولين كذا يمكن اقرب رقم كان ليان وعطاها خبر ، لاتضيقين صدرك الحين روحي توضي وصلي الوتر واقري قرآن لحد مايجي وقت السحور رغد : ان شاء الله ، تامرين على شي حبيبتي نوره : لا سلامتك ، انتبهي على نفسك رغد : ان شاء الله ’، عند بدر وسعود مد له ورقه ، تأملها سعود شوي ورفع راسه لأخوه وهو لسى مااخذها سعود بإستغراب : وش هذي ؟!! بدر : وش تشوف ؟ سعود : ورقه ، بس وش فيها بدر : طيب خذها وشف اخذها سعود وهو مازال مستغرب فتحها وقرا محتواها وانفتحت عيونه على وسعها قراها مره ومرتين وثلاث مومصدق كل هذا تحت انظار بدر اللي يراقب ردة فعل اخوه ويحمد ربه ع الي سواه بسرعه وقف سعود وضم بدر وبقلبه فرحه كبييييييييييييره مايعلم فيها احد في صدر هم ماازاحه بعد الله الا هالورقه اللي محتواها شي كبيييير بادله بدر الضم شوي وابتعد عنه بدر : يالله ضف ضف خلني انام سعود والابتسامه مازالت مرسومه على وجهه : جعلني فدااك ياخوي ابتسم له بدر : يالله رح بنام بعدين تفداني لين صحيت بطالبهم ضحك سعود وهو متوجه للباب : هههههههه لا يااتاخذها الحين ولا بتروح عليك بدر وهو منسدح ع السرير ومتلحف : من زينك رح بس وادعي لي سكر سعود الأنوار وتوه بيسكر الباب انتبه لبدر يكلمه : شوف لين جا بكره علم ابوي لأنه سألني قبل شوي وانا صرفته سعود : ابشر "وسكر الباب ’، دخل متعب شقته بحدود الساعه 11 تنهد بتعب يبي ينام بس ماينفع ينام هالوقت لان الصلاه ماباقي لها شي انسدح على كنبه الصاله سمع صوت ، استغرب وقام لحد ماوصل لغرفته مع رغد فتح الباب بهدوء وشاف رغد جالسه على السجاده وعليها الجلال وتبكي وهي تقرا قرآن ابتسم لما شافها حس براحه غريبه سرت فيه ، حس انه اشتاق لها دخل وانسدح على السرير بالعرض ينتظرها تخلص وماحس الا وهو نايم اما رغد ماحست به الا لمن انسدح على السرير مااعرته اهتمام وكملت قرايه لحد مااذن الظهر رددت مع المؤذن وجلست شوي وقامت تصلي لما خلصت التفتت له لقته نايم ، راحت عنده ودها تخليه يكمل نومه بس ماينفع الصلاه بيفوتها وهي مسؤوله عنه ، هزت كتفه : متعب مالقت اي استجابه رجعت من جديد : متعب يالله قوم الصلاه فتح متعب عينه بتعب وبصوت مبحوح : وش فيك رغد : صلاة متعب فرك عينه بتعب وقام لدوره المياه يتوضا ’، جاي من الدوام تعبااان بدايه ايام الدوام وبرمضان وتغير الروتين متعب كثيير جلس بتعب على الكنبه دخلت امه عليه : يعطيك العافيه يمه ابتسم لها : الله يعافيك ، آآه هلكت ، الله يهديه ابوي زود علينا كمية الشغل ام سعود : تحميل ياولدي فتره وتعدي سعود : انا بتحمل بس الموظفين الباقين ام سعود : مابيصير الا الخير ، قوم يمه غير ملابسك والبس شي مريح وانسدح لك شوي تريح لما يجي وقت الفطور ونصحيك سعود : ان شاء الله يمه ، الا وين رهف ام سعود : رهف بالمطبخ سعود : زين ، اممم يمه ام سعود : خير يابوي ابتسم سعود : يمه التحاليل الحمدلله مومطابقه فرحه انتششرت بصدر ام سعود : احلف ياسعود ضحك سعود : والله يمه امس بدر عططاني النتيجه ام سعوود بفرحه : يالله لك الحمد والشكر ابتسم سعود ووقف رايح لغرفته بعد مابث الخبر السعيد لأمه ويكفيه من هالشي سعاده امه اللي اكيد فوق سعادته اضعاف ’، جلست على الكرسي بتعب تحس نفسها دايخه وعطشانه 10 دقايق ووقفت من جديد تشوف البيتزا حست انها خلاص استوت طفت النار وطلعتها من الفرن وبدت ترتبها بصحنين كبار مع الكروسون اللي سوته خلصت وخرجت من المطبخ وهي متهالكه راحت للغرفه فتحت الباب ودخلت بسرعه ووقفت لما شافت متعب موجود ويلبس ، شب جهها ضو وخرجت بسرعه وسكرت الباب بدون شعور بقوه توقعته نايم متى صحى ، ضحك متعب عليها ولما خلص خرج من الغرفه شافها بالصاله جالسه ولما التقت عينها بعينه نزلت راسها ووجها احمر متعب : يالله ياحلوه الغرفه فاضيه ماردت عليه رغد وقامت ركض للغرفه بدون ماتكلمه وهو كمل ضحك قفلت الغرفه وردت يهمس : سخيف راحت للدولاب واخذت لها ملابس تنوره سوده ما بلوزه سودا وفيها ازرار ذهبيه ولبست حزام ذهبي دخلت الحمام واخذت لها دوش سريع ولبست توجهت للتسريحه وحطت لها مكياج ناعم ولبست اكسسوارات ذهبيه وجعدت شعرها الناعم وعملت بف بسيط وتعطرت وخذت شنطتها وخرجت شافت متعب قدامها ، متعب : زين انك خلصتي توني بجي استعجلك رغد : اوك يالله نمشي حتى مانتأخر متعب : يالله ’، في بيت الجده اذن المغرب وبدأ الكل بالفطور ، سألت الجده هبه : وين رغد هبه : والله ياخالتي مااعرف الجده : ماراح تجي هبه : لا ان شاء الله بتجي ماقالت اني ماراح اجي خلصت هبه كلامها الا بدخلت رغد : السلام عليكم الكل : وعليكم السلام اتجهت رغد للجده وسلمت عليها الجده وهي تمر تمره لرغد : خذي ياامي افطري ولاحقه على السلام ابتسمت رغد بإحراج : الله يعافيك جلست رغد عند الجده وافطرت ارتاحت ان النظام في بيت الجده مثل النظام في بيتهم من ناحيه الفطور قام الكل يصلي والخدامات شالو الفطور ، بعد الصلاه الحريم التهو في تحضري العشاء للرجال والحريم سكرت هبه السماعه وراحت للجده : خالتي اسمحي لي انا بروح الجده بإستغراب : ليش هبه فيك شي هبه : لا سلامتك بس تعبانه شوي وبروح البيت ارتاح الجده : طيب تعشي وبعدين روحي هبه : لا ياخالتي تسلمين الجده بإصرار : والله ماتروحين الا وانتي متعشيه وهذا انا حلفت هبه ابتسمت : خلاص ان شاء الله وراحت تجلس مع رغد لما شافتها لحالها ’، عند الرجال ابومتعب كان يناظر متعب بنظرات ومتعب عارفها بس ولا كانه شايف ابوسامي : الا اقول يامحمد ، سمعت ان شركه نسايب متعب فيها اختلاسات ابومتعب بإستغراب : من جدك ابوسامي : ايه والله هذا اللي سمعته ابمتعب : والله توني ادري منك ابوسامي : طيب شوفهم انت كان يبون وقفه معاهم لحد ماتزين الامور هز ابومتعب راسه : ايه ان شاء الله الشباب .. متعب : وين أحمد ؟؟ بسام : والله يااخي انت ماانت عايش بهالدنيا ويا سفراتك لدبي ناظره متعب بنص عين : خير أح بسام بسام بلمز : والله بجد سفراتك لدبي الكثيره غريبه متعب بعصبيه : لاتتدخل باللي مايعنيك بسآم : للمعلومية ترى تصرفاتك تخلي الواحد يشك فيـ... متعب بصوت عالي خلى الرجال ينتبهون : بســآآم أسامه : بسام خلاص قام بسام : اصلا انا قايم راح بسام وتكلم ابومتعب : خير يامتعب وش فيكم متعب :بضيق : لا ولاشي فارس : كيف ولا شي وشوي بيقول كل واحد منكم يضرب الثاني متعب وصلت معه : يووه قلت مافيه شي خلاص عاد ابومتعب : متعـــــــــــــــــــــب ، ماعاد فيه احترام متعب بضيق : السموحه يبه اما الشباب فكان موقفهم السكوت ، قام أسامه وراح للدور الثاني وتوجه لغرفه بسام دخل بدون مايضرب الباب رفع بسام عينه :خير أسامه بعصبيه : انت وش سويت بسام ببرود : ولا شي أسامه قرب من بسام ومسكه فتيشيرته من فوق : بسام لاتوصلها معي ناظر بسام يد أسامه اللي ماسكته وارتفعت عينه ببرود لحد مااستقرت بعين اسامه : بتضربني أسامه : .......... بسام : يالله اضرب ، اضرب ياولد امي وابوي ، مسك بسام يد اسامه ونزلها بقوه " على ان يد أسامه من بعد كلام بسام ارتخت " ناظره بنظره وخرج بسرعه نزل من الدرج ودخل عليهم بالصاله مااهتم بالموجودين وخرج من البيت وركب سيارته ومشى بسرعه لدرجه سمعو الصوت الكل الحريم والرجال لحقه اسامه لانه عارف اخوه متهور الرجال خرجو يشوفون وش السالفه اما الجده فكانت تبكي بعد ماشافت بسام واسامه وخروج بسام بهالشكل وهي تردد : بيضيعون عيالي مثل ماضاع ابوهم وبسمه تهديها ’، بالحوش ابوسامي : وش فيه يااسامه اسامه : خرج بسام بسرعه بالسياره وماقدرت الحقه ابومتعب بدأ : لاحول ولا قوه الا بالله العلي العظيم سامي : هدو ان شاء الله مافيه الا الخير فارس : سامي انت مع بسام دوم وين يفضل بسام لما يكون متضايق سامي : مالنا مكان محدد بس بدق على الربع وبقولهم اي واحد يشوف بسام يقولنا يطمنا ابوسامي : ان شاء الله خير التفتو بخوف لما سمعوا صوت من داخل البيت : ييييييمممممممه ’، ][ همســـة ][ قالت مريم ( يا ليتني مت قبل هذا ) ولم تعلم أن في بطنها نبي ، بعض الكُربات قد تحمل في طيّاتها كرامات فلا تيأس إن طال بك البلاء ..