الفصل 4
انصدم من الي يشوفه ..
معقوله اقابل هالبنت مرة ثانيه ..
لـأ لـأزم مافكر الا بـأسيل ..
بس ليه افكر في اسيل ..
بـأي حق افكر في اسيل ..!!
بس انت اتحبها ..
لـأ انا مو مجبور احبهـا
اسيل واسيل واسيل اوووه
ليتني ماشفتك ولاسمعت صوتك يااسيل ..
هذي فرصتي اتعرف عليها ..
كان في صراع بين عقله وقلبه ..!!مايدري يسمع مين ولا مين ..!!
..
تقدم للبنت ..
بس وقف لمـأ قعد رجال في الطاوله الي جالسة فيها ..
معقوله يكون خويها ..!!
لأ ماعتقد يمكن اخوها ..
بس انا شو يضمن لي انه اخوها ..
شسوي يارب ..!!
قطع حبل افكاره سعود
:شو تفكر فيه
تلعثم راشد:لا ابد مافكر في شيء ..
ناظر سعود لمكان الي كان يناظر فيه راشد ..
سعود:هذي الـ...
قاطعه راشد:اي ادري ..
سعود:يعني ..
راشد:لايعني ولا اخوه ..وين سلوم عنك؟
سعود:يقول طالع ويا الاهل ..
راشد:غريبه مو من عوايده
سعود:تصدق تغير هالايـام ..
راشد:اي لاحظت هالشيء..ماعلينا في الرجال .. قم نروح للشباب..!!
سعود:يالله ..
**********
*
*
*
*
*
*
*
من الي سمتعه لليوم وانا افكر فيها ..
صج انها غلطت بس الانسان مو معصوم من الخطـأ
وبـأي حق يعاملها ابراهيم بهالطريقه ..
طيب سجى تدري..!!
معقول ماقالت لأحد ..
يعني يوم الزواج كانت متضايقه لهـسبب ..
طيب انا لازم اصارحها ..
بس خايفة من ردة فعلها ..
امممم شسوي ياربي ..
احمد ومرام من صوب وريهام المسكينه من صوب ..
سمعت طرق ع الباب ..
ودخلت مرام ..
انصدمت الصراحه بس قالتلي ان عمتي ام مناف مووجودة ..
تلبست ونزلت سلمت على عمتي ..
وطلعنا انا ومرام لغرفتي ..
كانت فرصتي اسأل مرام عن تغير احمد ..
بديت سؤالي بجد:مرام..
مرام ناظرتني:هلا؟
انا:بسـألك سؤال بس تجاوبيني بصراحه ..
مرام بصوت فيه نبرة من الخوف:اسوول خوفتيني وش فيك؟
انا:ليه احمد متغير؟
تلعثمت مرام:مادري ..[غيرت الموضوع]وشخبار سجى؟
انا:خلينا من سجى ولاتقولين مادري ..
مرام:احمد رفض زواجنا يكون ف الصيف ومو راضي يعطيني السبب وصار لي 3 ايام ماسمعت عنه شيء ابد .. لا من مناف اخوي ولا رسلي رسالة ولا شيء
ناظرتها بتمعن:متأكدة ماقالك شيء؟
مرام:ايوا متأكدة ..
سكتت شوي ..
بس كملت مرام:وعشان كذا اقنعت ماما اني مشتاقة لعمي ..
انا:طيب ارسلي لأحمد مسج ..
مرام:مابي
انا:وليه..!
مرام:اكيد مشغول في الدراسة وانا مابي الهيه عنها ..
انا:لاتكابرين ..ويالله ارسلي
مرام:طيب ايش ارسل ..!
سحبت التلفون منها ودورت ع مسج حلوو
الي هو:
**في ذمتك من هو الي ســـرق منك النوم
من فيه بالعالم سهـــــــرت عشانه..
منهو عيونه تهتني فيــــك كل يوم
ومن هو الي غدا قلبــــــــه بقلبك مكانـه..
من يعشقـــــك بجنون ما يلحقه لوم
ومن تعشقه صـــــار سيد زمانـه..**
ناظرتني مرام:وش رسلتي ..
انا:رسلت وخلاص ..
رفعت مرام جوالها لما سمعت نغمة رسالة ..
وكـان المسج من احمد وبصراحه فاجأني الا صدمني رده
**مرام انا مشغول متى افضى بحاكيك**
ناظرتني مرام
ونزلت راسي ..
معقوله يكون هذا احمد
كله من فاطمه ماراح اسامحك لازم اصلح بينهم ..
انا:اسيل تعالي وين بتروحين
ناظرتني مرام بأبتسامه:تأخرنـأ..
عورني قلبي لما شفت ابتسامتها ..
تخفيي حزنها ..
قلت لها:مرام تعالي ..
مرام قعدت وقالتلي: انا مابي اتزوج احمد
شهقت:شو تقولين؟
تنهدت مرام:تعبت من اخوك تغير فـجأة ماذكر اني قلت له شيء
نزلت دمعتها
وحظنتها كان ودي ابكي بس اذا بكيت بزيدها ..
اقترحت اني احاكي احمد اليوم واشوف سالفته
حاولت اخفف عليها ..
شوي وسمعنا صوت عمتي وهي تنادي ع مرام ..
نزلنا وسلمت ع عمتي ومرام ..
وقلت لها بشويش:لاتخافين بيرجع احمد لك وابصمها لك ..
ابتسمت لي مرام بحزن ..
وطلعت لغرفتي وانا انتظر احمد ..
**
*
*
*
*
*
:احمد
احمد ناظرني:نعم ..
انا:ممكن احاكيك شوي
ابتسم:حياك ..
قعدت ع السرير وبدأت الحكي بـ:تدري منو كان عندنا اليوم؟
احمد بلا اهتمام:منو؟
انا:عمتي [وشديت الكلمة]و خطيبــــتك ..
ناظرني ورجع يناظر جواله
وكملت:معقوله ماتدري؟
ناظرني وقال ببرود:ايه مادري ..
انا:طيب ليه اجلت الزواج
احمد:يعني بتحاكيني عن الزواج الحين ..
قاطعته:هالشيء راجع لكم الي جيت له مرام ..
حسيت الاسم لفته وناظرني بمعنى كملي ..
انا:ليه معاملتك لمرام تغيرت..!
احمد:منو قالك؟
انا:محد قالي انا قريت المسج ..
ناظرني:اي مسج؟
انا:خلنا من المسج [كملت بحدة]ليه متغير عليها؟
احمد:انا ماتغيرت عليها
انا:لأا ابد ..
احمد:تشكر ربها اني ماكنسلت هالزواج ..
انا:ليش هو الزواج لعبة ..!! وبعدين ليه بتكنسل؟
احمد:.....
انا:مابترد عليي .. اي اكيد .. صدقت الكذبة
احمد ناظرني:اي كذبة
انا:حرام عليك يااحمد مرام مو من هالنوع ..
احمد:انتي شو تقولين ..
انا:انت بالذات تعرف اقصد شو ..
احمد انفعل:اي صدقت لان الصح
انا:كمل شو بتقول اكثر عن كذا ..
احمد:الحين بتصل فيني ويسمعني صوتها وانتي تقولين كذا
شهقت:يا احمد لاتصدقهم .. فاطمه هي الي خربت كل شـ[توقفت لما تذكرت ان لازم ماقوله انها فاطمه افف]
تحمد عقد حاجبه:منو فاطمه؟
انا تلعثمت:لا محد اقصد مرام مسكينه وانت ظلمتها
احمد:اسيل منو فاطمه قولي ..
انا:فاطمه صاحبتي ف الدوام هي الي خططت لكل شيء
ناظرني:منو قالك؟
انا:هي قالتلي ..!!
احمد:ومتى قالتلك؟
انا:قبل زواج ريم صاحبتي
احمد:وليه ماقلتيلي من قبل؟
انا:انشغلت بزواج ريم وريهام ..
قاطعني:يعني انا ظلمت مرام
انا:اي يا احمد ولازم تصلح غلطتك ..
احمد:مُسْتَحِيِلْ تسامحني
انا:مرام قلبها طيب وتحبك واكيد تستناك ترد لهـأ مثل قبل يـ احمد
ناظرني احمد
ووقف وخذ جواله وسويج السيارة ..
ناظرني واقترب مني باسني ع خدي
وطلع
ضحكت ع حركته ..
وانا بداخلي فرحه ماتنوصف ..
كل خوفي كان من احمد لما نطقت اسم فاطمه
خايفة من احمد عليها .. لا عصب ينسى كل شيء مثل ابوي ..
*
*
*
*
*
كان نفسا تشوف بنتها اشتاقت لها ..
اخر مرة شافتهـأ لما بشرتها بحملهـأ
:بوخالد
بوخالد ناظرهأ:هلا؟
ام خالد:ابي اشوف بنتي ريهام
بو خالد ناظرها استتغراب:ليه ما قالت لك ان ام ابراهيم في المستشفى
ناظرته بصدمة:ايييش ومن متى وش فيها؟
بو خالد يطمنها:مافيها الا العافية .. بس ريهام تنومت عندها يومين واليوم بيرخصونها
ارتاحت ام خالد نوعا ما وقالتله:اجل لازم ازورها اليوم وبالمرة اطمن على بنتي
ابوخالد:طيب انا اليوم عندي شغل ..
ام خالد:خالد ماراح يقصر معي
ابو خالد:خلاص اجل انا بطلع
ام خالد:الله يحفظك ..
×××××××××××
:يمه ريهام
ناظرت في خالتها:سمي خالتي
ام ابراهيم:يمه دقي على ابراهيم من طلع امس ما رجع قلقانه عليه
ريهام "روحه بلا ردة":ان شاء الله خالتي ثواني ..
دورت على جوالها في الشنطة مالقته
ناظرت الكمندينو وخذته
ابتعدت عن ام ابراهيم لأنها تعرف المكالمه بتبدأ بهواش وكالعادة بتنتهي بـكلام جارح
سمعت صوت ابراهيم وهي في خاطرها كارهه الصوت وراعيه:ابراهيم
ابراهيم ببرود ونرفزه :خير داقة علي من الصبح وش تبين
ريهام بملل:مو انا الي ابيك امك هي الي تبيك ..
ابراهيم:اسمعي انا جاي بس والله ان شفتك في المستشفى لأقطعك
ريهام شهقت:وين تبيني اروح ؟؟
ابراهيم:ارجعي البيت
ريهام:طيب ومع من؟
ابراهيم:مو شغلي تصرفي
انصدمت منه هذا ايش يقول وايش يخربط كيف يقول اروح البيت انا مع من اروح البيت!! ..
كمل كلامه:ويالله باي حد يصبح ع اشكال مثلك اووف
ماهمني كلامه ..
انسان تافهه ومعقد ماهمه غير نفسه
وحقير لأبعد درجه
رجعت لأم ابراهيم وابتسمت ابتسامه اصطناعية ..
ريهام:الحين بيجي
مسحت ام ابراهيم ع شعر ريهام:كم صار لك حملتي يابنيتي؟
ريهام حست كأنه احد صب عليها ماي بارد ماتوقعت السؤال منها ايش تقول وايش ترد
يارب ساعدني مالي غيرك
ريهـام:أـ....
قاطعها دخول الدكتور
حست بفرحه الا طارت من الفرحه
كان ودها تشكر الدكتور ..
××××××××××××××××
استغربت و تضايقت من الاستاذ محمد لما قالي ..
:لازم تجعين لمكتبك القديم ..
ناظرته وكان ودي اسأله ليه بس استحيت خصوصا انه دايماا مايرد لي طلب
:انشاءالله ..
لميت اغراضي وطلبت من كومار ياخذ الاوراق ويحطها على مكتبي القديم..
في هالوقت كان ودي اذبح فاطمة ..
دعيت ربي انها تكون مو مداومه ..
سألت كومار بس خاب ظني انها مداومه
اصلا لو ماداومت اليوم بتداوم بكرة او الي بعده يعني لا مفر ..
دخلت المكتب ..
×××
جلست على مكتبي ولا عطيتها نظرة
استغربت انها مانطقت بكلمه
كملت شغلي وانا منقهررة
تذكرت احمد ..
معقولة مرام ماراح تسامحه
كنت اشتغل وانا بالي مو معاي ابدا ..
اووف خلني اركز
×××××
فكر في نفسه
معقوله ما راح تسامحني ..
رفع جواله ورسل لهأ مسج
[مرام الله يخليك ردي علي]
واتصل لهـأ..
بعد رنــأت طويله
مرأم:....
احمد بلهفة:مرام
مرام:نعم..!!
احمد:ادري انك ماتبين تسمعي صوتي ولا تشوفيني وهذا من حقك وربي يامرام انا اسف ..
قاطعته:احمد انا مابي اتزوجك
احمد:مرام الله يخليك اسمعيني انـ ...
مرام:مالي حكي معاك انا بوصل الحكي هذا لأبوي .. وتصرف وياه
احمد:مرام انا شاريك ومستحيل افرط فيك
مرام:انت الي سويت كل هذا وتحمل الي بيجيك انت تستاهل
احمد:مرأم اسمعييني خليني افهمك ..
مرام:مع السلامه..
طوط طوط طوط ..
×××××××
حذفت الجوال ..
وبكت وبكت وبكت ..
[مادري كيف طلع مني هالحكي
يااارب ماني قادره استحمل .. بس يستاهل الي جاه]
×××××××
بلعت ريقهـأ ..
لما شافته يسلم ع امه وعيونه تطلع منها الشرار
جلس وهمس لها:ياويييلك لا وصلنا البيت ..
كانت خايفة لأبعد درجه ..
وقلبها يدق لدرجه تحس انه يسمع دقاتها
همست له:طيب وبرجع مع مين ؟
ابراهيم بحدة:قلتلك تصرفي
شوي وسمعوا طق ع الباب ..
وكانت ام خالد..
سلمت ع ام ابراهيم وتحمدت لها ع السلامه ..
ثم سلمت ع ابراهيم ..
وحظنت بنتها بقوووة ..
اما ريهام كان ودها امها ماتتركها ..
للحظة نست الخوف ونست كل شيء ..
كأنها تقول لأمها سامحيني ع كل شيء ..
شوي ابتعدت ام خالد عنها ..
وكملت السوالف ويا ام ابراهيم ..
××××××××
حظنتهـأ ..
ما كان ودها تتركها ابد ..
اشتاقت لهـا .. من بعد زواجها ماشافتها ابد ..
ربهـأ عوضها بأحلا اخت .. تتمنى انها ما تفارقهـأ ابد ..
بعدت عنها:ماودك اتشوفين وش جبت لك ..!!
ابتسمت لها بحب:شوفتك تسوى كل شيء ياقلبي
ريم:احم احم اخجلتيني ..[شهقتٍ]نحفتي يـألدووبه
اسيل:ههههههههههههههه
ريم:وشفيك
انا:اختاري وحدة دووبة ولا نحفت .؟؟
ريم:ههههههههه لا صدق
انا:شسوي اشتقت لك
ابتسمت ريم بخجل
سحبتها اسيل:يالله وريني شو جبتي لي ؟
*****
ريم:يالله اسوووله فيصل يستناني
انا:مابعد شبعت منك
ريم:يالله الحين دورك تجي عندي
انا:ان شاااءالله من عيوني كم ريوم عندي ..
ريم حمرت خدودهـأ..
وانا ضحكت عليها:ع فكرة من تزوجتي صرتي كثير تستحين
ناظرتني وقالت بدفاشة خربت ع لوكها الجديد:صدددددق ماتستحين
انا:مو توك اتقولين فصولك يستناك
ريم سفهتني:يالله تشاوو
انا:ههههه اوريك يالدووبه
******
ما انكر اني مااستانست ..
حسيت رجعت ايام الطفوله ..
بس هالمرة غير ..
هالمرة ريم متزوجه .. ووراها مسؤليه كبيرة
ابتسمت بمجرد تخيلت ريم تكون ام ..
للحظة تذكرت ريهـام ..
مادري ليش امرها همني ..
توقعت اني راح انسى واطوف ..
بس هالبنت كسرت خاطري ..
ادري انها غلطت .. بس الانسان مو معصوم من الخطأ ..
معقولة ابراهيم الي كانت فاطمه تحكيلي عن طيبتي
لا ما استبعد ان الكلام الي كانت تقوله فاطمه خطـأ .. دامها كانت بتخرب بين قلبين ..
تنهدت كل المشاكل ع بعضهـأ
مرام واحمد .. مادري شو صار عليهم
ريهـام .. ودي اساعدها بس كيف مادري ..
رجوعي للمكتب عند فاطمه .. اخاف يسبب مشاكل ثانيه ..
ااااه ياربي مالي غيرك ..
ناظرت ساعتها ..
ودخلت توضت ..
وفرشت السجادة ..
وصلت .. وهي تدعي ربهأ يفرج همومها ..
من خلصت ..
اخذت المصحف وقرأت منه ..
بعدها ..
رجعته ..
قررت انزل من زمان ما اجتمعنا
كانت لبنى فاتحه الكتب وتقرأ فجـأة توقف عند كلمة وتقول حكي وتمشي للي بعدها
كتمت ضحكتي:انتي هيي شو هالمذاكرة؟
لبنى ببرائه:وشفيها؟
انا:شو حكي؟
لبنى:كلمات صعبة
:تعالي اشوف
ناظرت الكتاب ..
وبدأت تقرأ ومن توقف اعدل لها الكلمه
ابتسمت لمـأ قالتلي:انتي من كان يذاكر لك دروسك
انا:ههه بروحي
ناظرتني:وماسويتي زيي؟
انا:ليه قالولك لبنى
لبنى:يعني شو قلت انا الحين اووف اووف اووف
انا:لاتنافخين وكملي دروسك
ذكرتني لبنى بأيام المدرسة كانت ماما تدرسني ..
وقتهـأ كنت ماعرف ف القرأءة شيء هههههههه
كنت اخذ تهزيبة كل يوم من ماما
قطع حبل ذكرياتي ..
صوت احمد وواضح منه التعب والحزن:السلام عليكم
ردينـا:وعليكم السلام
ناظرته بمعنى وشفيك ..
سفهني ومشى
معقووولة مرام ماسامحته للحين؟؟
كنت بلحقه بس سمعته يقول
:انا مابي عشى وتعبان لحد يصحيني
اجلت موضوعه .. وانا كلي خوف منهم هالاثنين كبريائهم مادري وين بيوصلهم ..
تعبت وربي ..
*****
مر اسبوع ع راشد من بعد شوفته للبنيه
كل يوم يروح لنفس الكان ..
لعل وعسى يشوفهـأ..
ثبتت نظراته للي قدامه ..
معقووولة تكون هي ..لحقهـأ ..
للأسف ضاعت منه
رجع يدور عليهـأ ولف المكان كله
مالقاها..
ثبت نظره للي قدامه ..
هذا هو الي كان معها ..
لحقه ..
لين وصل للبنت ..
:يالله شوق مشينـا
شوق:لسى ماخلصت ..
:شو بقى لك؟
شوق:بس بدخل هالمحل
:ياللييييل تلاقيني ف الكوفي شوب
شوق:اوكيه فديتك يـأ احلا اخ ف الدنيا كلهـأ
:خلصينـأ
شوق:هههه
****
اخووو ..!!
ااااااه ياااااارب واخيرا ارتحت ظلمت شوق وياي
شووق ..!!
الله يامحلاة اسمهـأ
لحقهـأ ودخل المحل ..
مايدري كيف طلعت الكلمة منه
راشد:شوق
ناظرته بأستغراب وخوف:منو انت؟وشو تبي مني؟ وكيف تعرف اسمي؟
راشد:ههه شوي شوي ماتعرفيني ولا راح تعرفيني .. الي ابيه منك كلمتين وماشيء..واذا عن اسمك من دقيقتين عرفته
شوق:مابينا كلام ورجـأء لأعاد اشوفك ..
ومشت تاركه قلب مغرم بهـأ .. وكله لهفة ينتظر رجعتهـأ
طلع تارك المكان ..
بس للحين ف قلبه امل ..
للحظة تذكر شيء ..
البنت الشريفة الي ماترضى بالهشيء ..
مستحيل تقبل حب من اول لقاء ..
مستحيـل يفرط بهالبنت
تبدل مكـان اسيـل .. الى .. [شوق]
هل بيتم هالحب أم لـأ..!!
*****
اشرقت الشمس لتعلن عن بدأ يوم جديد
انا:السلام عليكم
كالعاده لا رد ..
جلست ع مكتبي ..
طلبت كوفي لأني مصدعه
شوي وجا استاذ محمد غريبه ما سلم ولا شي ع طول دخل المكتب
استغربت ورجعت اكمل شغلي ..
مادري ليه ماقدر اهاوش فاطمه ..
وانا من داخلي ودي اذبحهـأ
******
ناظرت فيصل تبي تعرف ردة فعلهـأ من حكي الدكتورة ..
كانت عليه ابتســـامه وينـاظر الدكتورة يبيهـأ تعيد الي قالته..
وناظر ريم ..
ابتسمت ريم بخجل..
اما فيصل طبع بوسة ع خد ريم ..
ودكتورة حست بـأحراج ياحليلهأ..
*******
وبس
لاتقولون البارت قصير
تدرون المدرسة بدأت وماعندي وقت وايد والوقت الي افضى فيه احاول انزله
توقعاتكم ..<<لاتقولون مادري خاصة بشبش
انتظروني اسبوع الخميس الجاية بأذن الله ع نفس الوقت
تحيتي
جنان حبك
,’