حربا انهت شعبا - الفصل 07 - بقلم 0m Lays ريان و محمد سرالختم - مكتملة | روايتك

✈️🎱 *#حربا_انهت_شعبا*🎱✈️ *#تاليف_Om_Lays* 💔 *#ريـــــــــــــــــــــــان* 💔 & 💔 *#محمد_سرالختم* 🪂 Part No :: 07 🪂 *﷼🚑﷼🚑﷼🚑﷼🚑﷼🚑﷼* *#انتهاكات مليشيا الجنجويد* يوم ٢٨/٧/٢٠٢٣ وفي منطقه الكلاكله تم الارشاد علي منزل احد جنود القوات المسلحه البواسل وهو في الخنادق يدافع عن الوطن والدين والعرض تم مداهمة منزله وفيه زوجته وهي في حالة وضوع تم اغتصابها بوحشيه عارمه من قبل ٤ افراد يتبعون لمليشيااااا الجنجويد ... تم اسعافها الي مستشفي ال ..... وهي تنزف لكن اداره المستشفي رفضت اجراء العمليه من دون دفع مبلغ قدره ٥٣ الف جنيه ... فتم ارجعاها الي المنزل .. وبعد ما علمنا بالخبر المحزن تكفل احد الاخوه بالمبلغ .. وفي محاولتنا لارجاعها للمشفي انصدمنا بخبر وفاتها ... *﷼🚀﷼🚀﷼🚀﷼🚀﷼🚀﷼* نسأل الله ان يرحمها ويغفر لها ويجعل مثواها الجنه مع الصديقين والشهداء وحسن اولئك رفيقا ... *#مشهد آخر* قرار المليشيا بإخلائي للمنزل *#قال : كل ماأكتبه سيسألني الله عنه يوم الموقف العظيم بعد لحظات رعب أولي وبدأ الضرب بالسياط بدأت مرحلة جديدة من التهم فبعد أن كانت التهمة أنني اتبع للاستخبارات العسكرية وان لي علاقة بالقوات الخاصة ، *﷼🚀﷼🚀﷼🚀﷼🚀﷼🚀﷼* الان انا ضابط بالقوات الخاصة كيف مابعرف والباقين في بيوتهم داخل بحري من مواطنين هم افراد انا اقوم باادارتهم وتوجيههم وطالبوني بااخراج السلاح اللي انا ماعارفو شنو ، اخبرتهم انه لاوجود لسلاح بالمنزل وان كل مايقولونه غير صحيح ومع كل انكار مني كانوا ينهالون بالضرب علي شخصي في ذات التوقيت الذي كنت اسمع فيه صوت جاري بالداخل وهو ينكر كل مايحاولون اجباره عليه ، وصلت لمرحلة من الانكار ابحث عن انفجاري *﷼🚀﷼🚀﷼🚀﷼🚀﷼🚀﷼* لكن بكل مرة كنت احاول البقاء فيها هادئ اكثر فاأنا لااحمل سلاح غير هدوئي وعقلي ، اخرجو جاري والتقينا بالحوش مرة اخري ، تطور الامر لمرحلة تركوا فيها جاري واتفقوا انه يجب العفو عنه وراس الهوس هو انا ... صفووهو وخلونا نحصل مشاغلنا ياناس ده كلام واحد منهم اسمو ادم .. *#هنا انتبهت لشي* الناس دي بتسوق فيني لحاجة غالبا مايكون قروش *﷼🚀﷼🚀﷼🚀﷼🚀﷼🚀﷼* وفعلا طلعوني بره البيت وبدا ادم وده واحد منهم اللي لابس زي عسكري يضرب ، وبدا رحلة جديدة من العنصرية نحنا البتقولوا علينا جنجويد حرم الدم الفينا ده حر والحر عندنا بقتل سبعين وكلام همج بربر ومقارنات اثنية غريبة وفجاة تاني يقولي ياكوز والضرب متواصل فسالتو سؤال من زمان كان نفسي اسالو هو انتو الكوز ده تعريفو شنو عندكم اي زول كوز كوز غلبتو وهو بيضرب بدا يتكلم عن المكيفات والبيوت والعربات والاكل وبشكل عام الحياة الفي الخرطوم اللي نحنا عايشنها وانو حنرجع الخرطوم وحنحكمها وحنقتلكم كلب كلب لمن كل حجر يقول تعال وراي كوز، وفي الحتة دي عرفت اني مابتكلم قدام جاهل بس ده جاهل مجنون عندو قناعات وارثة تجاه الخرطوم ككل وناسها ،،، *﷼🚀﷼🚀﷼🚀﷼🚀﷼🚀﷼* في التوقيت ده بدات الامور تهدا مع الجار بعد ماكسرو فيهو عكاز ووصل مرحلة من الاستسلام والتفاصيل المكنتو انو يقنعهم ... وجوا الاتنين الكانو بيضربوا فيهو لي انا عشان مايبقو تلاتة اها نوصلو القائد الزول الفلول ده ولاننتهي هنا ... ايوااا تمام واضح انكم عايزين فعلا حاجة وانتو عايزين تساومو عليها وفعلا ده الحصل ... اسمع يااستاذ محمد نحنا لو دورنا وصلناك القيادة بالتهم دي حتتحبس نحنا عندنا ناس قاعدين محبوسين بتهم زي دي والوضع ده هناك مابتقدر عليهو فشنو نحنا اكراما للخوة حنقتل الموضوع ده هنا بس انت قدم لينا عرض يعني دهب عربية قروش اي حاجة تكون ديتك والافضل قروش وانت ديتك مليون وميتين .. *﷼🚀﷼🚀﷼🚀﷼🚀﷼🚀﷼* ابتدت رحلة الاثبات والحليفة انو ماف عندي البقدمو اخوانكم القبلكم الجو خلصوا علي العندي وعلي البيت والمكتب ببساطة ماف شي فاضل محاولات ورا محاولات كلها في الفاضي ادم رجع يتكلم اربطوا الزول اربطوا وفعلا ربطوني مع السب والقذف والسياط وضرب الدبشك اتحركت العربية وقالوا موديني القيادة العامة اللي بالتحديد في منطقة جنب داخلية ابراهيم مالك ، وكانوا في لحظة حيرفعوا جاري في البوكس تاني بس نزلو ... اتحركنا ونحنا ماشين وهم شغالين نبذ في السودانيين والبقولوا ليهم جنجويد ومليشيا ونحنا البقينا قوات خاصة بنضبح فيهم ، *﷼🚀﷼🚀﷼🚀﷼🚀﷼🚀﷼* واحد منهم اسمو ابكر دق لصاحبو السائق البوكسي ماتمشي القيادة امشي المظلات كبري شمبات لف طوالي وهم شغالين احسن تفدي روحك انت ميت ميت وفجاة العربية لفت غيرت شارعها ... في الطريق صرخ السائق ثابت ياكلب وده كان لشاب في الشارع وفعلا وقف .. ارقد تحت ياود .... وفعلا رقد نزلوا عليهو ضربوهو وكتفوهو ورفعوهو معاي وبقينا اتنين مكتفين في عربية ماشين علي مصير مافاهمنو ... العربية دخلت بشارع شمبات جنوب خلت الكبري ومشت شارع الانقاذ مع اطلاق رصاص وقفهم ارتكاز .. عرف نفسك جاهزية يادفعة معانا غنيمة فلول اتحرك .. خليهم يمرو وجينا داخلية ابراهيم مالك جنبها نزلوني والشاب في البوكسي جه واحد جديد ده شكلو القائد حقهم تحقيق وتعذيب وشئ بيحصل اقتنعت انو الناس دي بتستخدم في حجج حفظوها ليهم عشان يطلعوا قروش ويغنو بيها .. *﷼🚀﷼🚀﷼🚀﷼🚀﷼🚀﷼* القائد بلطافة كده احكي لي قصتك حكيت وحلفت ليهو انو ماف قروش وماف دهب وانو انا مافي الاستخبارات ولاالقوات الخاصة ... ايوااا يعني البره ديل قالوا ليك عايزين منك قروش قلت ليهو ايوا طلبو افدي روحي ناداهم .. الزول ده قال انتوا حرامية شوفوا الموضوع ده شنو مااتفاهموا بس بالسياط والعكاكيز والشلاليت بدو تاني لمن جه داخل عليهم .. احسمو الموضوع بتاع الزول ده بره هو والكلب الفي البوكسي داك طلعوني وانا لسه مكتف ورجعوني البوكسي وودونا الخور بتاع شارع الانقاذ المعاي ده مااتفاهمو معاو كتير وواضح انو خلاف غنايم قديم وخلاف تقسيم اترمينا في الخور ... ادم البتمتم لفت المعاو قالوا اتسير ماف حمام قريب تاني وببساطة بالو فينا .. وبطبنجة بعد ماخلص ضرب الشاب رصاصة في رجلو وانا هنا اتشهدت تاني وقنعت ... اتلفت علي وانت برضو ماعايز تطلع لاالسلاح لاالرتب لاالقروش ادينا تلفون زول بعدين يجي يشيل جثتك اديتو تلفون حقي مقفول وضرب فيهو وضرب وضرب ومادخل معاو .. ادم البيتمتم ده ماوقف من الضرب والالفاظ العنصرية وكل القرف الممكن تتخيلو والشاب كان غرقان في دمو في الخور مكتف برضو .. *﷼🚀﷼🚀﷼🚀﷼🚀﷼🚀﷼* رفعوني في البوكسي وخلوهو هناك رجعنا البيت البقولو قيادة المرة دي في اوضة جديدة الغرفة مضلمة مع حبة نور جاي من عمارة جنبنا بالشباك وحبه حبة ابتديت اشوف ... لقيت وانا راقد انو في زول بيتنفس جنبي وبيئن وبتأوه وبعد دقايق اكتشفت انو دي بت مرات تئن ومرات تبكي بقيت احاول اتكلم معاها بس ردها ماواضح ... جاء ادم وساقني للقائد رحلة تحقيقات تاني المرة دي انتهت بإنو عندك 48 ساعة بالضبط مانلقاك حايم في الصافية ولابحري تفضي البيت شنطتك وتمرق ... وكنت بسأل اخلي بيتي امشي وين ماف مكان وقصاده كل مره كف .. *﷼🚀﷼🚀﷼🚀﷼🚀﷼🚀﷼* كرر كلامو والتأكيد علي 48 ساعة رجعوني البوكسي وساقوني للحي ولمن قربنا اتقالت بالحرف لو لقيناك حايم في الحلة ولافي البيت ولاسوقت واحدة من العربات الفي البيت ولابالغلط مشيت اتفاصحت في حتة عن الحصل ده بنجيبك بنجيبك .. البوكسي متحرك واترميت بالتكتيفة دي من عليهو في نص الليل في واحد من جيران المنطقة كان شايف بس ماقادر يجي يفكني او يساعدني ... الغريب جه واحد من الدعم السريع وده مامن المجموعة دي سالني انت كويس يازول فكاني وقالي يلا امشي سوطين برضو في الضهر ومشيت مامصدق المسلسل ده .. الصباح الباب دق جه واحد اسمو موسي وعلي فكرة ده منهم محمد ماتبيت الليلة في البيت والناس ديل جاين وراي اسمع الكلام ديل اهلي وانا بعرفهم ... فعلا مابت في البيت بت في عمارة جنب البيت وحتي حاري ماوريتو بيها بس حذرتو هو كمان مايبيت وفعلا جووو ودخلو البيت بالنهار وانا بعاين ليهم وهم بيحاولو في العربات وبيفتشوا في البيت اللي اصلا دخلو الدعم السريع كتير .. *﷼🚀﷼🚀﷼🚀﷼🚀﷼🚀﷼* وبليل جه موتر وقف تلب ومالقوني طلعو سريع ومشو قدام لجاري تاوقو ومالقوهو وفاتو ... الصباح جاء موسي يتاكد اني في البيت ولالا نزلت ليهو قالي تمرق اسي ماحيخلوك انت مابتسمع الكلام مالك امرق وفعلا كنت جهزت حاجاتي ومرقت سبت غصبا عني بيتي وبحري 💔💔💔 الموضوع بالنسبة لي ماكان بحري بس كان بحري وحقي وحاجات مامن حق زول يغتصبها مني والحكاية قلتها قبل شوية ماوطنية بقدر ماانها حقوقي وحقي وريد التراب الفوقوو انا واقف .. والشوفتو كتير من تعديات حصلت مامن المليشا لانو كلمة مليشيا فيها احترام ليهم ولاجنجويد لانها برضو درجة من الهمجية ديل تتار بربر همج عاثوا فسادا في بحري في املاكها واعراضها وحقها في الحياة وكلها حااكتبها يرضي من يرضي ويزعل اللي يزعل ... سلام لسه *#بريدك_يابحري* *﷼🚀﷼🚀﷼🚀﷼🚀﷼🚀﷼* *يتبــــــ ريـــــــان & سرالختم ـــــع* *#تاليف_تنسيق_مراجعة 0121045450*