آخر ماتبقى - الفصل 9 - مكتملة | روايتك

*قـصـص وروايـات عـالـمـيـة💙📚📖* *بإدارة* *يـامـن💙* *❴📖❵↵* *ٱخر.ما.تبقى.tt* ♥️ *❴🔢❵☟الـــبـــــــــــ❴9️⃣ والأخير❵ــــــــــــارت☟* ➖➖➖➖➖➖➖➖➖ *‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ *❴📖❵↵*تنسيق مشرفين مجموعة:* *❴📚❵↵*قصص وروايات عالمية📚💙* *❴💙❵↵*ننشر جميع انواع القصص والروايات العالمية* حـب💙. حـزن💙. اكشن💙. رعب💙. *❴👑❵↵*أن كنت من عشاق ومدمني القصص مكانك عندنا💙* *❴💙❵↵*رابط المجموعة للاشتراك:* ```https://whatsapp.com/channel/0029VaQogP17YSdATvOUwa1h``` ➖➖➖➖➖➖➖➖➖ بيجي وبيرفعها وبيشربها مي محمود:انتي شو عم تحاولي تعملي؟بدك تموتي حالك نوار بصوت مبحوح من كتر صرخاتها وهية عم تستنجد بليلة الماضية:بدي موت،افضل من يلي عم عيشو محمود:مارح خليكي تموتي،ويلي بدي ياه رح احصل عليه نوار:رجعني كرماال الله رجعني علبيت محمود:خلص بوعدك رح رجعك بس قلتلك،علأقل خلي يكون عنا بيبي هههه نوار:وسخ..طول عمرك وسخ،لك ياريت الله اخدني ولا عرفتك بيقرب منها وبيبدا محاولات جديدة بس اقوى من المرة الماضية،هلمرة مقرر ينهي يلي عم يخططلو نوار بصراخ:بعد عني لااكرمال الله(شهقات البكا صداها بكل هلمكان المهجور)خلصوني من ايديه،كرمال الله حدا ينجدني،بابااا..تعال رح موت عروةةد طفا اضاءة سيارتو ووصل علعنوان،نزل من السيارة بعيد شوي كرمال مايصدر أي حركة،وبهدوء فات علمستودع،بينصدم بصراخ نوار،خلت جسدو كلو يهتز،وقلبو ينقبض بيركد وبيحاول يدور ع مصدر الصوت،بيلاقي عطريقو حديدة بياخدها وبيمشي.. محمود:لك خرسي،سديه لهلتم ماحدا رح يسمعك نوار:لك الله ياخدك هون بيسمعو صوت حركة،بيلتفت لورا.. محمود:مين..؟انا نبهت علاغبياء يلي جابوكي مايجو لهون نوار بتحس انو ممكن يكون حدا ليساعدها:ساعدوون هون بيحط ايدو عتمها وبيربطلا ياه،بيربطها منيح،وبيتخبا بيفوت عروة بهدوء،بتشوفو نوار فوراً ووقت بيلاقيها بيركد لعندها وهية عم تهزلو براسها أنو لا يقرب عروة:عمري نوار انتي منيحة بيتلقى ضربة عراسو بأيدين محمود..بيتسطح بأرضو وبتوقع الحديدة من ايدو بيقرب محمود بيحملا عكتافو وبيمشي،بتنتبه انو عروة عم يتحرك،كانت الضربة مالها قوية بس هو عمل حالو اغمى عليه بيتطلع ب نوار وبيحكيلا بلأشارة انو تسكت🤫 بيطلع محمود من المستودع وبيتوجه عسيارتو،بيحط نوار فيها وبيجي ليشغلا محمود:لعما..مافي بانزين؟وين راح بينزل من السيارة،بيفتح علبة البانزين بيلاقيها كلها تراب محمود:أخ ياواطي،معبيلي ياها تراب بيدور ع سيارة عروة ومابيلاقيها بيبعد شوي،هون بيكون نزل عروة بهدوء فتح الباب ع نوار ضمها بقوة وهية بكيت بصمت وصار يفك بأيديها بسرعة وبدون صوت رجع محمود بيصرخ فيه:ولاك..بعد عنها احسنلك عروة:مستحيل،أنا رح موتك واخدها وامشي محمود:ههه ليش انت فيك تقتل نملة بيكونو عم يقربو عبعض عروة:وبشرب من دمك كمان،كلو إلا نوار عم تسمع محمود:ههه خوفتني كان محمود خافي ايدو ورا ضهرو وبس يقرب منيح ع عروة بيرفع الحديدة ليضربو فيها بس عروة متوقعها وانحنا بسرعة وقدر يتخطاها محمود:لا ماشبك شي،فهيم ههه بيرجع بيحاول مرة تانية،بس بيخليها عروة وبيضربو برجلو عأيدو بتوقع الحديدة بيرجع محمود لورا،خطوتين،بس عروة بيهجم عليه وبيضربو بوكس،ومحمود بيردلو ياه،وبيصير اشتباك بيناتهن وبيوقعو علأرض فوق بعض وهون بتقدر نوار تفك حالها وبتنزل بتكتم شهقاتا لحتى ماينتبهلا محمود بس رح تموت خوف ع عروة بيوقفو مرة تانية وهنن ماسكين بقمصان بعض وكتير قريبين وعم يتطلعو ببعض بكره وتحدي وهون عروة بينتبهلا وهية حاملة الحديدة ومقربة ع محمود،بس خايفة اذا تضرب يبرم محمود وتجي ع عروة،تلبكت كتير بس بلنهاية شجعت قلبها وبكل قوتها خبطت خبطة قوية.. بيثبتو هني التنين،فجأة بينهار محمود وبيوقع علأرض،بترمي الحديدة وبترجع للخلف بخوف وبيختل شوي توازنها بيركد لعندها عروة وبضما،بيبوسها من راسها:انتي منيحة نوار بتهز براسها بايجاب عروة:خليني ربطو،ونمشي من هون ونخبر الشرطة بيجيب الحبلة وبيربطوه منيح،وبيبعت الموقع لمالك وبخبرو الشرطة.. بيطلعو بلسيارة فوراً لسا التوتر موجود ونوار عم ترجف من خوفها وبس يبعدو مسافة منيحة،بيمسكلا ايدها عروة:نوار اهدي كلشي منيح..نوار اهدي ياعمري انا جنبك ماعم ترد،بيوقف السيارة وبينزل لعندها بيبرمها لعندو،وبيضمها بقوة،بيحس بجسدها كيف عم يرتعش بلكامل بيبقا عهلحالة لتهدا بتاخد نفس قوي،بيبعد عنها وبيجيب مي من السيارة بيغسلا وجها،وبيشربها بأيديه وبيمسح باقي قطرات المي من ع شفافها بيحاول يرتبلا شوي شعرها.. وقت بينتبه لملابسها كيف مخذقة نوعاً ما بينكسر قلبو بس بيخفي هلشي مابدو يجرحا بيشلح جاكيتو،وبيحطو عليها بيرجع بيحاوط وجها بكفوفو وبيبتسملا:كلشي منيح هلأ،انتي معي،ماعاد في شي ممكن يأذيكي تمام نوار:تمام بيرجع بيضما،وهية بتبكي،مو بس كرمال كلشي صار كمان لأنو ماعم تقدر تحسو اخوها،ولاقدرت تضمو..هية بتحبو بمشاعر مختلفة بيبعد عنها:ليش ماعم تضميني؟ نوار:أنا ملخبطة عروة:تمام،خلينا نرجع هلأ وبعدين رح نفهم كلشي.. بيطلع وبيكمل طريقو بيجيه اتصال من مالك عروة:ألو..انا علطريق جاية علفيلا،تمام رح اتصل ب لؤي ليجيب امو وعمتو ويشوفو نوار،اي منيح وصلو الشرطة علمكان بيسكر التلفون وبيتصل ع لؤي:أي لؤي رجع الولد لأبوه،وخود عمتك وامك علفيلا،نوار صارت معي(بيلتفت عليها وبيبتسم) بيسكر التلفون وبيتركو من ايدو،بيرجع بيتطلع فيها،وبيمسح عخدها مع نظرة حب عروة:ماعم اشبع منك.. بتطلع فيه وهو بيفهم نظرتها كانت مستغربة من تصرفاتو،وهو بيضحك عروة:شبك؟ نوار:حاسة حالي غبية عروة:ههههه وانا هيك..بتعرفي الله وقعني بنفس يلي مريتي فيه لحتى حس فيكي تماماً نوار:شو قصدك؟ عروة:ماعاد اعرف مين بكون.. نوار:انت عروة..أخي😏 عروة:هههههه الظاهر ستعجلت بلحكم نوار بصدمة:انت مانك اخي؟ عروة:لا..شو رأيك؟بدك ياني كون اخوكي؟ نوار:لا لا..مستحيل مابدي اخوة كمان بيكفو يلي عندي عروة:ههههه تمام نوار:كيف مانك أخي طيب؟ليكون نيرا مالها أمي كمان،رح تجننوني هاا😬 عروة:لا نيرا أمك..بس مالها أمي نوار:شو؟؟انت بتحكي جد عروة:أي،ولا تسأليني كيف،قبل بكم ساعة عرفت هلكلام،وهلأ ابوكي رح يشرحلنا كلشي نوار:يعني... عروة:اي..متلي متلك،الكل عم يكذب علينا وصار الوقت لنكشف الحقائق نوار:اوووف بتعرف حلو لما تلاقي شخص يشاركك يلي بتحس فيه،بس مع هيك زعلانة كيف رح تتحمل عروة:انتي اقوى مني..قدرتي تتحملي كل هلكذبات لهيك انا كمان لازم اتحمل،بس بشرط تكوني جنبي بتبتسم ابتسامة خفيفة عروة:نوار..اسف بس رح جن من التفكير..هو أذاكي شي؟؟ نوار:لو متأخر شوي كمان،كان قضا عليي،كان كل هلوقت عم يحاول واليوم كان مُصر بس انت جيت بلوقت المناسب بيمسك ايدها وبيبوسا بقوة:مستحيل حدا يأذيكي بعد اليوم بيوصلو علفيلا كان الكل منتظر بلحديقة بتفوت نوار بخطوات بطيئة من التعب والارهاق الكل بيقرب بس يكون بمقدمتهن مالك،بيضما بقوة مالك:بنتي نوارة قلبي،اخ ياربي بحمدك وبشكرك بيقربو سيدرة ومراد وبيضموها وهية بحضن ابوها مالك:وأخيراً..عروة،مابعرف كيف فيني ردلك هلمعروف عروة:نوار قطعة من روحي بتقرب لينا وبتضمها وهية عم تبكي:حبيبتي نوار رجعتيلنا الحمدلله ورحاب كمان ذات الشي كانت عم تبكي بتضمها هية ولؤي بلنهاية،بتبقا ديمة،عم تطلع من بعيد ومن فرحتها دموعها ماعم يوقفو بتطلع فيها نوار وبتبتسملا ديمة:بتسمحيلي ضمك لصدري.. بتقرب نوار وبدون تردد بترتمي بحضنها نوار:شتقتلك،شتقتلكن كلكن،كنت حاسة بوجودكن حواليي وهاد يلي عطاني القوة اتحمل بتشد عليها ديمة وكأنها قطعة من قلبها:سامحيني يانوار،سامحيني نوار:انا مسامحتكن،لو مهما صار انتو عيلتي وبلاكن مابقدر عيش،الحياة كتير قصيرة مو مستاهلة بيخبرو الشرطة أنو رجعت نوار،وبياخدو محمود علسجن لبينما ينقلوه علمحمكة وبعد يوم،عروة ماعاد يتحمل اكتر من هيك،وبيطلب التبرير لكلشي صار من مالك بيجتمعو الكل بلفيلا،وببلش مالك يسرد الحكاية فلاش باااك.. قبل سنين طويلة،كان في اربعة موجودين بجامعة وحدة بس كل واحد منهن بسنة وحدة منهن اسمها نيرا،بنت شايفة حالها عيلتها من الاغنياء وكلشي بتتمناه بيصير قدامها غسان..شب من قرابة نيرا،بيحبها بس بنفس الوقت لسا بيحس حالو مراهق ومالو مسؤل أما مالك،معشوق البنات كلهن،مافي بنت مابتعشقو وبتتمنى تكون معو كان شب شخصيتو قوية وألو حضورو الخاص وبتبقا ديمة،البنت الفقيرة،تواجدت بهيك جامعة لأنو علاماتها أهلوها لتقدر تفوت ع جامعة خاصة،كانت منحة ألها ولبعض الطلاب بلبلد نيرا بتعرف شو اصل ديمة،وبتعرف انها من عيلة فقيرة جداً كانت عطول تهينا بلجامعة وخلت كل شباب الجامعة يعرفو بقصتها..(وهاد الشي كتير اثر عشخصية ديمة،لحتى بلمستقبل صارت بدها تفوت بلمجتمع المخملي،وتبقا من الطبقة العالية) ديمة اعجبت ب مالك متلها متل كل بنات الجامعة وذات الشي نيرا،ولهيك كرهت ديمة اكتر لأنو مالك كان يهتم فيها واواقات يساعدها بلنهاية عيلة نيرا جبروها تتزوج من قرايبها غسان مع العلم أنو عمرهن صغير،وهلشي أثر بشكل سلبي،لأنو فوراً انفصلو وماقدرو يكملو وغسان تخرج وسافر.. رجعت نيرا،ومرء شي سنتين،وبخلالهن حست انو ديمة مقوية علاقتها ب مالك،بس قدرت بجمالها وحركاتها ودلالها ترجعو ألها..وقدرت تستحكم قلبو الطيب لما حكتلو معاناتها من زواجها،وأنو المجتمع مارح يرحمها لأنها مطلقة بلنهاية،تزوجو،ماكان يفكر مالك منيح،ماكان عارف أنو بلفعل كان منجذب لديمة اكتر..مرت الأيام،وبلش يشوف نيرا ع حقيقتها البنت المتمردة القوية يلي مابيعجبها شي بعد عنها،بس ماقدر يطلقها بلأخص وقت عرف انها حامل،وبلصدفة رجع نجمع مع ديمة،وتقربو من بعض..صار يفرق بينها وبين زوجتو نيرا،وللأسف ماقدرو يكتمو مشاعرهن وعشقو بعض،استمر ععلاقة سرية بدون علم حدا يتقابلو علمخفي بكافيه او مطعم.. هيك لعرفت نيرا بلموضوع،وقدرت تاخدلهن صور وهنن ماسكين ايدين بعض بلمطعم،راحت عند ديمة طلعت ديمة معها بلسيارة،وطالعت نيرا الصور ديمة:نيرا فهمي الموضوع قبل نيرا بعصبية:شو بدي افهم؟هلأ رح اخدك ع بيت اهلك وورجيهن الصور وشرشحك وشرشحن كمان،لعما بدك مصرات روحي عند واحد مو متزوج مش متزوج ورح يصير أب كمان.. فجأة شوفير سيارة نيرا بيميل عطرف وبتصطدم السيارة وتأذت نيرا..وفوراً نقلوها اسعاف كانت ديمة طول الوقت جنبها،ولما صحيت نيرا ولقتها موجودة أهانتها كتير،بوقتها كانت حاملة الطفلة طلعت فيها عطتها للممرضة وهية عم تبكي ومشيت بعد ماطلعت من المشفى نيرا طلبت الطلاق،وقررت تسافر بعد كم شهر ومالك منعها تاخد بنتها وهية ماأصرت وهنيك رجعت تقابلت مع غسان،يلي كان بهلفترة تزوج وماتت زوجتو وقت كانت عم تولد ابنو من تلت سنين،رجعو لبعض وتزوجو وفجأة بتسمع أنو بنتها مريضة،ورح تموت كانت رح ترجع بس مشاكل بجواز سفرها وهلقصص امتنعت تسافر لتشوف بنتها وهلشي اثر فيها،عوضت امومتها ب عروة ابن غسان تقربت منو كتير،وغسان تقديراً لمشاعرها سجل ابنو ع اسمها مع أنو تعذب كتير وحط مبلغ كبير عودة للحاضر مالك:وهي كل القصة.. ديمة:وقت سافرت نيرا،قدرنا نكون سوا وقدام عيون الكل،تزوجنا حاولت اهتم بلبنت بس للأسف كانت كتير مريضة،وقت ماقدرت نيرا تجي اتصلت وهية عم تبكي ترجتني سامحا وانتبه لبنتها وامنتني فيها.. (بتطلع ديمة ب نوار):ماقدرت كون قد هلأمانة نوار:يمكن معك حق..كل هلقسوة يلي تعرضتيلا من امي،ردة فعلك طبيعية تجاهي،مع هيك كتير لحظات كنتي حنونة معي ديمة:بعتذر بس انتي كتير وجهك بيشبه وجها كل مااتطلع فيكي شوفها،جمال عيونك وسحرهن،نفس عيونها تمام..وهلشي يدايقني ببعض اللحظات بس صدقيني هلأ كلو تغير نوار بتبتسملا هون عروة بينسحب بهدوء وبيطلع لبرا بيتوجه علمشتل يلي لنوار وبيأعد علكرسي بتجي من خلفو نوار وبتضمو نوار:انت منيح بيمسكلا ايديها:اديش كنتي قوية لقدرتي تتحملي كل هاد نوار:مجبورة،بس طبعاً بكل مرة كنت لاقي حدا جنبي ولهيك أنا هلأ بجنبك عروة:مارح تتركيني نوار:مستحيل بيسحبها لقدام وبيقعدها بحضنو نوار بخجل:لك..هلأ بيشوفونا عروة:هون مافي غير ورداتك..ووردتي بحضني،مافي حدا رح يشوفنا نوار بضحكة:بتعرف شو احلى شي من كل هلكذبات عروة:ههههه أنو ماطلعنا أخوة نوار:تفكيرك متل تفكيري🤣 عروة:أي لأنو انا نصك الحلو بيقرب منها وبيرمي راسو عند رقبتها،بياخد نفس عميق.. عروة:هنا سأموت وهنا سأحيا نوار بتخجل كتير وبيحمرو خدوها،بتغمض عيونها عروة:نوار نوار:ممم عروة:رح بسألك سؤال،اذا قلتي أي،رح بوسك نوار:واذا قلت لا.. عروة:بتبوسيني نوار:هههه موافقة بس لاتصعبها ها عروة:تمام..بتتزوجيني؟؟ تقريباً قدر يسمع نبضات قلبها السريعة بيبتسم.. عروة:يلا..جاوبي،عفكرة بلحالتين انا الربحان رح تجيني بوسة غير شكل اذا بتقولي لا.. بتتلبك نوار عروة:نطقيها.. نوار بتقوم من حضنو بسرعة:نحن ماعنا بنات بتاخد شورها من راسها أبي جوا فيك تطلبني منو بتجي لتهرب بس هو بيوقف بيمسكها بسرعة وبيقرب عليها وبيعبرلا عن حبو بطريقتو🥰 عروة:ماخصني،هيك كان التحدي وعلأغلب جوابك كان أيه بتدفن حالا بحضنو من خجلا نوار:"حتى منك رح احتمي فيك" بعد فترة محمود انسجن بس حاول يهرب مرة واطلقو عليه النار اجت اصابتو بضهرو وماعاد يقدر يمشي بحياتو بالفيلا عروة:أنا رح صونها وحطها جوا عيوني مالك:وانا موافق مارح لاقي شب افضل منك لبنتي.. بتجي سيدرة وبتزغرد ديمة:وليك سيدرة شو هلحركات نوار:هههه معلش ماما تحمليها صايرة بيئة هلبنت سيدرة:لك تضربي فوق مافرحتلك(بتسحبا من ايدها)تعالي عاوزتك بيقرب مراد ولؤي بباركو ل عروة وبيطلبو منو ينتبه عليها ويصونها وذات الشي رحاب ولينا تحت بلمطبخ نوار:لك ليش جايبتيني لهون؟ سيدرة:ليكي شو بيعملو بلمسلسلات التركية نوار:لااا اوعك وربي بيطفش سيدرة:لعما ماصدقتي لقيتي عريس ومسكتيه بأيديكي وسنانك،تقلي وليك يلا عملي القهوة،وانا بتكفل بلباقي نوار:تمام بتلتفت نوار وبتقول للخادمة:لو سمحتي شريفة حضريلنا كاستين عصير انا وسيدرة مامنشرب قهوة الخادمة:بتأمري بيطلعو لفوق،وبتضيفهن القهوة عروة بكل ثقة بياخد فنجانو وهو طاير من الفرحة،وأول شفة بياخدها،بيجي ليختنق بتتجمع بحلقو علحظة بدو يكبها،بس خجل كتير اضطر يبلعها اما ألوان قوس وقزح يلي ظهرت عوجهو ماحدا فهما غير سيدرة ونوار نوار بصوت خفيف:الله ياخد عدوكي الزلمة رح يموت سيدرة:مو مشكلة يلي بحبنا وبهوانا لازم يصبر ع بلوانا😂 نوار:خدي كاسة هلعصير لقلك،شربيها سيدرة:لك من ايدين مانعدمها ياعاروس،صار لازم نشربلنا كاسة عصير وبتشرب هديك الرشفة بس المصيبة أنو زودتها شربت ربع الكاسة فجأة بيحمر وجها وبتكبها كلها من تمها وبتصير تكح نوار ميتة من الضحك وعروة كمان ضحك فهم القصة،لما غمزتلو نوار ديمة:انتي منيحة شو صار؟ سيدرة:لك الله يجازيكي يانوار شو حاطة بلعصير نوار:ههههه من نفس العلبة يلي حطيتيلو منها ل عروة.. بعد مرور فترة سيدرة:لعما هداك اليوم جد كنت متت،وكنتي خسرتيني ياهبلة نوار:هههه لا الحمدلله شو قالو حاطتلك سم سيدرة:شو وينو زوجك😁 نوار:بعد شوي جاي سيدرة:لكن رايحة جهز حالي لروح مع الشوفير نوار:ضلي اليوم عندي سيدرة:لا غير يوم..ايمتى رح ينتقلو لهون لؤي وخالتو رحاب ولينا نوار:لسا عم يجهزولن القسم يلي رح يأعدو فيه سيدرة:تمام ربي يسعدكن،تعي زورينا ماما مشغولة بس كتير شتاقتلك ووصتني وصلك بوسات نوار:هههه وصلو وصلو..يلا خلصينا امشي سيدرة:لك عم تقلعيني؟ نوار:مو هيك بس بدي الحق جهز حالي سيدرة:ليش وين طالعين نوار:لك تضربي شو مخك سميك،بدي جهز حالي جاي عروة ولا بدك يشوفني بهلخلقة سيدرة:يي دخيلك..يلا لكن باي😁 نوار:الله معك هههه بتفوت عغرفتها بتبدل تيابها،وبتشعل الشموع بكل مكان وصارت تنتشر الريحة منهن،اعدت علكرسي قدام المراية وصارت تسرح شعراتها بعد ماحطت لمسات خفيفة من المكياج رشة عطر على رقبتها،يلي بحبو عروة بتسمع صوت فتحت الباب،بيفوت بهدوء،وفوراً ريحتو بتغلب عكل ريحة الشموع،بلنسبة لنوار ريحتو هي اذكى ريحة بلكون..وقلبها رجف من حضورو وكأنو أول مرة بيكونو سوا لحالهن بتشوفو خلال المراية وهو عم يقرب،خطوة ورا خطوة وبينحني لطرف رقبتها،بيقرب وبيشم بقوة عروة:هنا سأموت...وهنا سأحيا أنفاسو بتدغدغها وبتحني راسها عطرف،بيطبع بوسة ناعمة بيرجع بيرتفع،بيطالع سلسال من جيبتو مكتوب عليه بلعربي((نوارة)) بيلبسها ياه وبيمسح بطرف اصابعو من الخلف على رقبتها عروة:نوارة..نوارة الحب،نوارة قلبي بتقوم لقدامو وهية مبتسمة بينزل شوي،بيقرب عوجها وبيبوسها من عيونها..من انفها وخدودها لما بيحس بخجلها بيبعد شوي نوار:بدي اسألك سؤال،واذا قلت أي ببوسك،واذا قلت لا بتبوسني عروة بيضحك ضحكتو يلي عطرف تمو🥰😍 نوار:صار لازم يكون عنا بيبي عروة بينظرلا نظرة مشاكسة وبيبتسم:أي😉 نوار😳:توقعت تقول لا.. عروة:هههه يلا لشوف،ناطر أنا.. بيغمض عيونو بتطبع بوسة وبتهرب بسرعة،بيسحبها من ايدها بقوة،وبيضما لصدرو عروة:هون مكانك،رح اسجنك هون..واخطفك من كل الناس نوار:وانا بدي ابقا مؤبد بحضنك..لأنك انت وبس..#آخر_ما_تبقّى🥀 آخر شي بيبقالي من هلدنيا وبيبقا جنبي بتشغل موسيقى هادية وبيرقصو شوي نوار:رح تكون حياتنا مختلفة،مافيها كذب..ولادنا رح يعيشو بصدق وبس..ومارح نخبي عليهن شي،مابدي كون متل البقية،اذا تعرضت لمشاكل بحياتي مابيصير هلشي يأثر بشكل سلبي علجيل يلي بعدي بيشم ريحتها بقوة هو كان غرقان بعشقو وماعارف شو عم تحكي لأنو كلعادة بتهرب منو بكلامها الكتير:خليلي مرتي اديش بحبها.. نوار:صح كلامي عروة:كلشي بتحكيه حبيبتي صح.. بيسحبها شوي شوي علتخت نوار:عروة أنا عم احكي بموضوع مهم عروة:وانا كمان بدي ياكي بموضوع مهم بيحملها بحب وهية بيلهف قلبها وكأنو أول مرة بتكون قريبة منو هلقد،بتغمض عيونها وبتضمو بقوة.. 🕯🌬هفف..وبتنطفا آخر شمعة بلغرفة وبتعتم علآخر.. هسسس🤫 يلا روحو نامو انتو كمان🤭 ```*الـــــــــ͢ـོ͓ـــنهـــــــايـــــــོـ͓ـــ͢ــة* ➖➖➖➖➖➖➖➖➖ *❴📖❵↵*تنسيق مشرفين مجموعة:* *❴📚❵↵*قصص وروايات عالمية📚💙* *❴💙❵↵*ننشر جميع انواع القصص والروايات العالمية* حـب💙. حـزن💙. اكشن💙. رعب💙. *❴👑❵↵*أن كنت من عشاق ومدمني القصص مكانك عندنا💙* *❴💙❵↵*رابط المجموعة للاشتراك:* ```https://whatsapp.com/channel/0029VaQogP17YSdATvOUwa1h```