آخر ماتبقى - الفصل 8 - مكتملة | روايتك

*قـصـص وروايـات عـالـمـيـة💙📚📖* *بإدارة* *يـامـن💙* *❴📖❵↵* *ٱخر.ما.تبقى.tt* ♥️ *❴🔢❵☟الـــبـــــــــــ❴8️⃣❵ــــــــــــارت☟* ➖➖➖➖➖➖➖➖➖ *‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ *❴📖❵↵*تنسيق مشرفين مجموعة:* *❴📚❵↵*قصص وروايات عالمية📚💙* *❴💙❵↵*ننشر جميع انواع القصص والروايات العالمية* حـب💙. حـزن💙. اكشن💙. رعب💙. *❴👑❵↵*أن كنت من عشاق ومدمني القصص مكانك عندنا💙* *❴💙❵↵*رابط المجموعة للاشتراك:* ```https://whatsapp.com/channel/0029VaQogP17YSdATvOUwa1h``` ➖➖➖➖➖➖➖➖➖ بتروح علغرفة وبتجهز نفسا وبتطلع لعندو بيوصلها علفيلا بيطلع مالك بيستقبلا،بتضمو وهية مقهورة مالك:بنتي ياقلبي انتي نوار:بابا..انا آسفة مالك:ولا يهمك عمري يلا نفوت،تعال عروة تفضل عروة:لا شكراً هيك بقدر قول وصلت الأمانة بخير نوار:اي صح،بأكدلك أنك انسان موثوق وبتحافظ علأمانة كتير منيح بدك جائزة بتتركهم وبتفوت عم تبكي بتطلع ديمة بوجها ديمة:نوار،بنتي.. نوار:لو سمحتي مابدي احكي مع حدا سيدرة:جيتي ياقلبي،واخيراً والله شتقنالك بيضمو بعض،ومراد بيجي بيسلم عليها ديمة:بترجاكي نوار،انا اسفة نوار:ولا يهمك نوار تعودت تنكسر عطول من كل يلي حوليها،بس بترجع بتوقف وبتسامح وبتكمل،ماوقفت عليكي،بضربة علوجه..اكيد رح بنسا بيوم تصبحو ع خير مالك:ماكان لازم تحاكوها هلأ،تركوها لحالها بيروح وراها،بيدق الباب مالك:نوار فتحيلي بتفتحلو،بيفوت وراها وبيقعدو علتخت بترتمي بحضنو وبتبكي مالك:ماتوقعت ترجعي هيك،قلت ممكن اذا طلعتي ترتاحي شوي نوار:بابا وين مابروح بلاقي وجع،ماعم اعرف وين ممكن لاقي الراحة مالك:هون بحضني نوار:بعتذر منك بس بدي احكيلك الصراحة،انا ماعم اقدر اثق بحدا..تعبت من الخذلان مالك:ولأنو مابدي تتوجعي اكتر،انا عم قلك لاتثقي هلأ نوار:كيف يعني؟ مالك:يعني لسا..لاتصدقي حدا،عطي فرصة لتنكشف الاسرار كلها.. نوار:في اكتر من هيك،انا رح اتدمر مالك:مستحيل،انا رح كون جنبك بس انتي لاتتركيني نوار:.... مالك:بتحبي نترك البيت ونعيش لحالنا نوار:لا مستحيل احرم مراد وسيدرة منك مالك:تمام متل مابتحبي.. مرأت الأيام عهلحال،نوار اعتزلت الدنيا وبقيت بغرفتها،ديمة عم تحاول ترجع تصلح العلاقة بينهن،تغيرت كتير بلفعل وصارت حنونة جداً نوار ماعاد راحت علشركة كرمال ماتشوفو،سأل عنها كتير قلقان عليها،بس مو طالع بأيدو شي،عم يتواصل مع لينا عطول وهية بدها تعرف الحقيقة وهو بيرفض يحكي.. أما مالك وعروة،كانو مشغولين كتير بلمناقصة الوضع صعب،والرجال صاحب السوابق صار يرسلن رسايل ك نوع من التهديد ليبعدو عن المناقصة ويتركولو ياها صارت لينا تتردد اكتر عند نوار،لأنو ماعاد زارتن بيومها،لينا ماعاد تقدر تسكت وقالت ل عروة اذا مابيحكيلا رح تروح وتحكي لنوار رفض عروة يحكيلا وخبرتو انو رايحة لعند نوار بيتقابلو بلفيلا لينا وعروة عروة:غلط لينا خانم،لاتنسي انو مالك سامحك على يلي عملتيه كيف هلأ بدك تخبري نوار بهيك شي بدون ماترجعيلو لينا:الظاهر معك حق،خلص انا رح اسكت اكيد نوار رح تقدر ظرفي وتسامحني بتفوت نوار:على شو بدي سامحك؟ بيتطلعو فيها بصدمة وبينشل لسانهن ولا بيقدرو يحكو حرف نوار:جاوبو،عن شو كنتو عم تحكو لينا:اهدي نوار،موضوع عادي مش مهم نوار:مارح اهدا..عروة،احكي..شو صاير عروة:نوار رح نحكي بس لازم مالك يكون موجود نوار:مابدي انتظر حدا هلأ بدكن تحكو بتلتهي نوار مع لينا بيحاول عروة يرسل رسالة ل مالك لحتى يجي بسرعة،بتنتبه نوار،بتسحب الموبايل وبترمي عطرف نوار بعصبية:تطلع فيني هون،احكي..نطوق يلا عروة،بترجاك لاتكسرني اكتر احكي شو بتعرف بيتطلع عروة ب لينا بتهزلو براسها بلايجاب ليحكيلا عروة:نوار..انا ولينا عرفنا أنوو نوار:أنو شو عروة:أنو..ديمة مالها أمك بيفوت مراد بهللحظة اجا على اثر اصوات نوار العالية ونصدم من يلي عم يسمعو مراد:انت شو عم تخبص بيقرب عروة لعند نوار وكأنو مو شايف مراد عروة:نوار..اهدي شوي نوار:ليش..ليش حالفين كلكن تخونو ثقتي عروة:سمعيني شوي،اكيد في اسباب بيختل توازنها وبيضما لقلبو وهون مابيتحمل هاد الشي لما بيحس جواتو بهلمشاعر،بينقهر من نفسو..هي اختتووو ومو قادر يبعد ولا يقرب بياخدها مراد من حضنو نوار:تركوني،تركني مراد بعصبية بتبعدن عنها وبتطلع،بتلاقي بوجها مالك وديمة مالك:شبك نوار ديمة:شبك ياعمري،بنتي شو صار(بتقرب لتضما،بس نوار بتدفعا بقوة بعيد عنها) نوار بعصبية:لاعاد تقولي بنتي لاتلمسيني،بكفي بقا كذب حرام عليكن انا مالي بنتك،كان فيكي تحكيها من البداية افضل ماتحسسيني انك امي بس مابتحبيني،انا صرت اكره حالي واكره الدنيا كلا بتتركهم لتمشي بس مالك بيسحبها لحضنو بتبكي بقوة بوجع،وبقهر نوار:حتى انت يابابا،حتى انت..ليش بينكسر بهلكلمات وبتدمع عينو مالك:لاتتركيني يابنتي،بترجاكي ابقي بحضني نوار:تركني روح.. بتمشي علحديقة بعيد عنهن،بيقرب منها عروة بيكونو لحالهن ومابيسمعهن حدا:نوار مالك متعلق فيكي،عطيه فرصة ليشرحلك.. نوار:عروة،بدي روح من هون..بترجاك خدني بينزل عيونو بلأرض،كانت عم تطلبها منو بعيون العاشقة،وهو ماقدر يوافق نوار:عروة،تطلع فيني رفاع عيونك بيتطلع فيها نوار:تطلع منيح،شوف شو رح يقولولك عيوني،انت حكيت انو بتقرأ الافكار لاتصعبها عليي اكتر بيرجع بيبعد نظرو عنها نوار بتمسك ايدو:عروة،ليش عم توجع قلبي اكتر لك حس فيني عروة بيسحب ايدو:لك شو بدي حس نوار قلتلك مابيصير هلشي نوار:انت كذاب،اي كذاب لاتطلع هيك فيني،حتى مش مرتبط كذبت عليي لتبعدني عنك،ماعم اعرف شو السبب..ليكون لأنو مو معروف أمي مين..او شو قصتي،ليكون كمان انت خايف كون بنت غير شرعية متل يلي قبلك عروة بعصبية:نوار سكتي،لاتغلطي اكتر نوار:الغلط انك تعمل فيني هيك،وانا شفت الحب بعيونك هداك اليوم،وقت قربت مني عيونك قالتلي انك بتحبني متل ماانا بحبك عروة:لك سكتي.. نوار:ليش اسكت،احكي بصدق شو كانت مشاعرك هديك اللحظة عروة:هديك اللحظة ماكنت عارف الحقيقة نوار:لك حقيقة شو؟حقيقة انو مالي بنت ديمة عروة:أنك بنت نيرا..أمي بترجع للخلف خطوة،كأنو كهربا وصعقتا عروة بيقرب ليمسك ايدها،بترميها وبتمشي بتجي لينا:تعالي معي نوار،خلينا نروح عبيتنا بتطلع فيه نظرة خيبة أمل،بيحترق قلبو،بعدها بتمشي مع لينا مالك:عروة،تعال خلينا نفوت بيفوتو عروة:أنا بعتذر،كنت عم قول للينا أنو مانحكي فجأة سمعت كلشي وصار يلي صار مالك:كيف عرفتو.. عروة:لينا عرفت،تذكرت شكل ديمة،وقت بدلت البنات مالك:كيف ماخطرت عبالي هي.. عروة:المهم هلأ نلاقي حل،نوار انكسرت علخالص مالك:وانت..ليش كسرتها عروة بينزل عيونو بلأرض مالك:مالي حق اتدخل بهلموضوع،بس تنيناتنا منعرف أنو نوار بتأمنلك،ولجأتلك أول مرة وكان عندها استعداد تلجألك كمان مرة عروة:بس هاد غلط.. مالك:غلط؟؟ عروة:ممكن مانحكي كتير بهلموضوع مالك:تمام متل مابتحب.. بيقعدو وقت قصير بعدها بيقوم ليمشي مالك:بتشكرك مرة تانية عروة:هاد واجبي وهنن ماششين وقفو علبوابة بيرن تلفون مالك،وملامحو تبدلت عروة:في شي؟ مالك:هي لينا..ألو..ايوا لينا لينا بصوت راجف:مالك بيك،لحقني ..نوار،،نوار نخطفت مالك بصوت عالي:شو..انتي شو عم تقولي،كيف ووين لينا:بعد ماطلعنا من عندك اخدنا تكسي ومشينا وخطفونا بعدها.. مالك:طيب انتي وين هلأ،بأي شارع...تمام جاية فوراً عروة:شوفي؟ ديمة:شو صاير مالك ليش صوتك عالي ووجهك اصفر مالك:نوار عروة:شبها مالك:انخطفت،نوار انخطفت الصدمة كانت قوية،سيدرة صارت تبكي ومراد عم يحكي مع ابوه ومعصب وديمة قربت عبنتها ضمتها ونزلت دمعتها أما عروة،كان وجعو غير..مارح نقول وجع أخ ع أختو،لأنو عقلو قال انها اختو بس جواتو مو حاسس هيك بنوب بنفس الوقت وجعو كان مضاعف عن الكل،فوراً صار يفكر مين هنن وليش اخدوها وشو رح يعملو فيها مالك:عروة لك شبك عم تسمعني عروة:أي اي.. مالك:انا رايح جيب لينا عروة:جاية معك مالك:ابقا هون بيصير يتصلو علبيت،رح جيب لينا لهون واجي بيروح لعندها بتركب معو،حكتلو القصة ولما وصلو علبيت رجعت عادتها لينا:طلعنا من هون ووقت اخدنا تكسي فجأة راح من طريق مختلف وقف عطرف اجو رجال نزلوني بلغصب ومسكو نوار وراحو فيها كان مالك أعد متوتر،أما عروة عم يروح ويجي بلغرفة الغضب واضح ع وجهو عروة:مارح تخبرو الشرطة مراد:لازم ننتظر ليتصلو،بلكي هددونا انو مانخبر الشرطة مالك:انا رح جن..لك لينا ماشفتي وجهن لينا:كانو ملتمين مالك:طيب الشوفير لينا:ماخطرلي اتطلع بوجهو ديمة:الكاميرات،مالك منشوفو علكاميرات يلي عباب الفيلا بيركدو عغرفة الكاميرات،وبلشو يطلعو عليهن عروة ومالك ديمة:شو لقيتو شي مالك:بظن رقم السيارة واضح بس وجه الشوفير لا عروة:لازم نخبر الشرطة ليروحو يدورو ع السيارة بيروح وبيتصل بلمحامي، مالك:بمين بتشك.. عروة بيتطلع فيه:يلي عم تشك فيه،اكيد نادر البني،هو يلي بعتلنا تهديدات مالك:صح..وهاد يلي اجا ببالي،اكيد خطفها ليهددنا فيها وياخد المناقصة ديمة بعصبية:عم يهددكن؟وتاركينو هيك؟تركتو يخطف نوار انتو السبب سيدرة:ماما اهدي بترجاكي ديمة:كيف بدي اهدا،نوار هلأ مامنعرف وينها والله اعلم كيف بيكونو عم يعاملوها بمكان تاني،بشارع معتم،بتوقف السيارة،بنزلوها الشباب وهية مغمى عليها وبيحطوها بسيارة تانية بعدها بيتوجهو ع مستودع مهجور بينزلو وبيربطوها عكرسي واحد منهن:وهي صارت عندك الأمانة أخي،بتحب نعمل شي تاني.. ....:لا لهون بكون خلصت مهمتكن،والباقي عندي.. منرجع عند عروة ومالك،قضو الليلة بأبشع ظروف،راحو وقدمو بلاغ عن الاختطاف ديمة ماقدرت تنام،سيدرة ومراد بلويل لنامو بقي عروة بلصالة،قلبو عم يغص كل مايتخيلها بين ايديهن،كيف رح يقدر يحميها هلأ،ماحد حاسس بشعورو متمني يحرق الدنيا بلكامل،بلفعل حاسس بلعجز،حاسس حالو بلا فايدة تماماً عروة لنفسو:انت ضعيف،وجبان..انت ولا شي،اخدوها منك هية بتحس معك بلأمان وبتثق فيك لك انا السبب بيضرب ايدو بلجدار بقوة،وبيصير فيها شوية خدوش عروة:لو اخدتها معي،لما طلبت تكون معي،اكيد كنت حميتها منهن،لك غبييي وجبان تدمرت نفسيتو،تعب كتير اعد علكنبة ورجع راسو لورا وغفي علآعد،بشوف كابوس فظيع،كان عم يسمع صوت نوار وهية عم تبكي،وتستنجد فيه عم تندهلو(عروة..ساعدني) بيتوجه علصوت،بيشوفها واول مابيقرب عليها بيلاقي مجموعة رجال قريبين منها وعم يلمسوها بطريقة بتقرف،وهية عم تبكي فجأة بيسمع صوت رصاصة،بيصحى نائز عروة:يارب احفظها ورجعها ألي بخير بيلاقي الصبح يادوب بدأ،بيجي مالك مالك:قلتلك فوت عغرفة الضيوف نام عروة:علحالتين مارح اقدر نام،شو صار خبرك المحامي مالك:لسا... ديمة بتجي كان واضح عليها التعب وانها مو نايمة،بيتطلع عليها مالك وبيحزن عحالها ديمة:شو صار،عرفتو عنها شي مالك:للاسف لسا بيرن موبايلو وبيكون المحامي..:شو؟؟ياالله وهلأ شو لازم نعمل،لاماحد اتصل،تمام رح سجل المكالمات،سلام عروة:شو قال؟؟ مالك:عم يقول لقيو السيارة بطريق فاضي،رامين السيارة واخدين غيرها خيبة أمل جديدة ديمة:ليش ماعم يتصلو؟ مالك:مابعرف.. عروة:انا لازم انزل علشركة،ممكن يجي نادر او حدا من رجالو مالك:صح..تمام يلا روح بيتوجه علشركة،طول الطريق وهو عم يتخيلا قدامو،ماعاد يتحمل اكتر اعصابو حترقت بينزل علشركة جسد بلا روح بيمشي بين الموظفين،بيقعد ساعة وساعتين وهو عم يفكر وكل شوي بيتصل بمالك بيتطمن إذا عرفو بشي،فجأة بتفوت موظفة ..:عروة بيك،الاستاذ نادر بدو يقابل مالك بيك بس هو لهلأ ماأجا عروة:اجا والله جابو،فوتيه عغرفة الاجتماعات جاية فوراً وقت قصير وبيفوت عروة بيكون آعد نادر عروة:نادر بيك..أهلا وسهلا،نورت نادر:اهلين..بدي شوف مالك وينو عروة:شو نحن مالنا قد المقام نادر:انا مابتعامل مع ولاد عروة:احترم حالك..احكي يلي عندك،قول يلي جاية تقولو نادر:المناقصة..بتفهمو لمالك يبعد عنها،وهي آخر تنبيه..وإلا رح ابدا نفذ تهديداتي عروة:شو يعني،عم تضحك علينا وعأساس مابديت تنفيذ نادر:تنفيذ شو؟بلا ولدنة،سماع هلكلمتين بتقولهن لمالك اذا مابيترك هلمناقصة،رح دمر شركتو أول شي،وخليه يرجع لنقطة الصفر..سلام ياا..عروة بيك بيتطلع عروة،وبيفكر كتير:لا في شي مو تمام،كلامو بيأكد أنو مو هو معناها..مين ممكن يكون؟؟مافي غيرو..أخ ياواطي وربي لاشرب من دمك بيطلع من الشركة بسرعة وبيركب بلسيارة أما بلفيلا،بتكون فايتة لينا ومستعجلة مالك:شو صار؟ ديمة:لينا عرفتي شي؟ لينا:مبارح ماقدرنا ننام بلبيت ونحن عم نفكر،أنا شاكة بشخص مالك بيك ديمة:بترجاكي قولي،الشرطة ماعرفت شي لازم نلحقها قبل مايأذوها لينا..:محمود بيفوت عروة وهو مستعجل وبيحكي:مالك..نادر مالو علاقة بلقصة،واحد بس يلي عاملها،محمود الواطي ديمة ماببحملوها رجليها،وبتقعد عطرف الكنبة وبقلبها بتقول(آخر كلمات نيرا،كانت عم توصيني ببنتها..ياالله شو عملت بهلأمانة،وهلأ راحت ياربي رجعها بخير وسلامة) مالك:بتعرف اذا بيكون هو،والله لخليه يعفن بلسجن بمكان تاني وبلوقت نفسو كان مربطها وراميها علأرض بيقرب منها وبيلمسها لمسات جريئة بتكون غفيانة وبتصحا نوار:محمود بعد عني بترجاك محمود:مارح بعد،انا هلأ قدرت احصل عليكي نوار:طيب ليك بما أنو خطفتني طلوب اديش بدك ورجعني محمود:هههه وصايرة صاحبة أموال كمان،من كل عقلك اطلب مبلغ بسيط ورجعك بينما اذا جبرتك تتزوجيني بكون كلشي ملكي نوار:مستحيل اتزوجك محمود:ليش؟ليكون عاملة علاقة مع الوسخ يلي منعني عنك المرة الماضية بتتذكر عروة وبتغص بوجعها(ااخ ياعروة،كيف رح اتقبل يلي حكيتلي ياه كيف) محمود:لك شبك وين سرحتي نوار:بترجاك تركني محمود:لا..انتي لازم تكوني ألي،علأقل تحملي مني هههه نوار:انت وسخ،وانا قرفانة منك عنجد محمود مابيسمعلا بيقرب منها اكتر وبيحاول معها،بتبقا عم تقاومو وبلآخر بتبزق عليه محمود:ياحقيرة..ليكي هلأ رح اتركك،بس وحياتك راجعلك،مارح اتركك بحالك انتي عندي وماحدا رح يعرف مكانك ورح اقضي عليكي،رح احرق اعصابك شوي شوي بتصير بتبكي:عروة..بابا تعو خلصوني كرمال الله رح يموتني هلحقير منرجع عند مالك بيطلع مالك وبيلحقو عروة عروة:شو رح تعمل مالك:رح احكي مع المحامي عروة:لازم ندور عمعارفو،ممكن لينا بتساعدنا مالك:صح،يلا نشوفها بيفوتو لجوا لينا:هو كان عندو شلة بلحارة،فينا نشوفهن عروة:تمام انا رح اهتم بهلقصة،خليني روح معك مالك:عروة انتبه عحالك،مابدنا نوقع بمصيبة وعدني أي شي تعرفو تحكيلي بدون ماتتصرف من عقلك عروة:رح اتصرف بلطريقة يلي بدي ياها ورح رجعها واخدها لعندي مالك:شو؟شو هلحكي الفاضي عروة:كلامي بنوب مش حكي فاضي،انا رح اخدها ويمكن سافر كمان مالك:بلا جنان عروة،بصفتك مين؟ عروة:بصفتي أخوها مالك:انت صاير بعقلك شي؟من وين جايب هلكلام عروة:مالك انا بعرف أنو نوار بنت امي نيرا..أبي حكالي انو قبل ماتسافر لعندو تركت بنت مريضة هون وتطلقت منك.. بيسكت مالك عروة:مافي داعي تسكت،القصة انكشفت وانا حكيت ل نوار مالك:شو..ايمتا عروة:قبل ماتنخطف وقت وقفنا بلحديقة وحكينا مالك:انت اكيد مجنون عروة:مالك،مابدنا نخسر بعض ونحن بظرف صعب انتبه عكلامك مالك:عروة انت مالك اخوها.. عروة:مافهمت؟؟ مالك:الظاهر وبسبب سوء التفاهم هاد..لازم تعرف الحقيقة عروة:حقيقة شو احكي بسرعة ولا تحرق اعصابي مالك:حقيقية أنك مو ابن نيرا وهون عروة ماعاد طلع منو حرف،النار شعلت فيه.. مالك:اسف ماكنت بتمنى احكي هلسر يلي مأمني عليه أبوك غسان،بس مضطر احكي بما أنك فكرتها اختك..انتو مافي اي رابط بيناتكن.. بيرجع مالك بلذاكرة لورا،وقت كان مسافر عند غسان ونيرا وبيلتقو هنيك وكان عروة لسا صغير ((غسان:من يوم يومك بتحب تاخد كلشي بيملكو غيرك،انت ملكت نيرا واخدتها بس ماحافظت عليها،وليكني انا سترجعتها بعد مااخدتها مني من زمان مالك:حافظت عليها؟ غسان:أكيد مالك:ابنك صار ابنها؟؟ غسان:هسس سكوت،ابني عروة ظبطتلو اوراقو وصارت نيرا امو رسمياً،نيرا ماعادت متل قبل،وفاة بنتها كسرتها لهيك حبيت اكتب ابني ع اسمها،لتحس انو ابنها، بترجاك سكر هلموضوع وتركنا وروح لحياتك مالك:اتأكد غسان مستحيل ارجع وأأذيها بيوم أو اخرب حياتكن،بلأذن)) منرجع للحاضر عروة:أنا ماشي،هلأ انسانة وحدة مهمة بحياتي،هية نوار رح رجعها،ونبعد عنكن كلكن،طلعتو كلكن اكذب من بعض.. بيتركو وبيروح عشقتو وبيقضو ليلة تانية من العذاب بس تاني يوم من الصبح بيطلع،بيوصل عبيت رحاب وبيفوت بيتقابل مع لؤي،وبيحكيلو كتير تفاصيل،وبيحكيلو عن اصحاب محمود عروة:بدي الاضعف يلي بدقيقة رح يبيع محمود لؤي:مافي غيرو،ماجد بدقيقة رح يبيعو بلأخص إذا هددتو بابنو.. عروة:تمام سماع لقلك لكن.... بعد وقت قصير،بيكون عروة واقف مقابل محل ماجد،بيندهلو ماجد:امور ياباشا عروة:بدي ماجد.. ماجد:ليكني انا ماجد بشحمي ولحمي هههه عروة:تفضل شوي معي علسيارة بيطلع ماجد بيبرم عليه عروة وبيشدو من قميصو:وينو محمود ولاك ماجد:محمود مين؟ عروة بيضربو بكس ع معدتو:نطوق بدل ماارتكب جريمة ها...الظاهر مابدك تحكي بيتصل عروة ب لؤي مكالمة فيديو،بيفتح بيكون قدامو ابنو مربط عكرسي،وساكت بس عم يتطلع بلكاميرا عروة:إذا مابتحكي هلأ،بتنساه لأبنك ماجد:بحكي والله بحكي،بس تروك ابني عروة:رح بتركو بس اتأكد من العنوان ماجد:هو بمستودع مهجور على الطريق السريع ونحن رايحن للشمال،مستودع مصنع الخيط القديم عروة:نزيل ولاك،يلا..سماع اذا حدا بيعرف انك دليتني ولا بتنبهو لمحمود،رح اقتلك انت وابنك.. ماجد:لا لا بوعدك ببقا ساكت،بس رجعولي ابني عروة:ابنك رح يرجع صاغ سليم بس لاقي محمود.. واول مايصير الليل بيمشي عروة علعنوان لوحدو بلأخص لما عرف من ماجد أنو محمود مامعو حدا،وبنفس الوقت خايف عليها،خايف يكون اذاها وانتقم منها هلواطي بيمشي بأعلى سرعة،بيرنلو مالك بس مابرد عليه اما عند لؤي،بيفكو للولد ابن ماجد لؤي:شو حبيبي عجبتك اللعبة الولد:هههه اي كتير حبيتها،ورجيني الفيديو لؤي:ييي نمسح،يلا منصور غيرو،بس هلأ روح عند خالة رحاب لتعطيك شوكولا.. لينا:لؤي طمني لؤي:عمتي عروة طلب مانخبر حدا،بس متأكد قدر يعرف العنوان ويروح لعندها لينا:لازم خبر مالك لؤي:مارح تستفادو شي بس هو يلي بيعرف العنوان لينا:الله يقويك ياعروة ويحفظك وترجعها بخير وسلامة بطريقو لعندها قلبو رح يوقف لازم يرجعها لحضنو ويصلح سوء الفهم يلي صار،هلأ استوعب ليش ماكان يحس انها اختو،كانت مشاعرو مختلفة عروة:نوار،جاية اخدك كوني قوية بترجاكي احمي حالك لبينما اوصلك بيفوت لعندها محمود،كانت تعبانة كتير ومرمية علأرض حالتها يرثى لها،تيابها مقطعة من محاولات التحرش المتكررة،ماعم تاكل من ايديه لهلوسخ وبلغصب عم تشرب مي *يـــــــــ͢ـོ͓ـــتبــــــــــــــོـ͓ـــ͢ــ؏* ➖➖➖➖➖➖➖➖➖ *❴📖❵↵*تنسيق مشرفين مجموعة:* *❴📚❵↵*قصص وروايات عالمية📚💙* *❴💙❵↵*ننشر جميع انواع القصص والروايات العالمية* حـب💙. حـزن💙. اكشن💙. رعب💙. *❴👑❵↵*أن كنت من عشاق ومدمني القصص مكانك عندنا💙* *❴💙❵↵*رابط المجموعة للاشتراك:* ```https://whatsapp.com/channel/0029VaQogP17YSdATvOUwa1h```