آخر ماتبقى - الفصل 7 - مكتملة | روايتك

*قـصـص وروايـات عـالـمـيـة💙📚📖* *بإدارة* *يـامـن💙* *❴📖❵↵* *اخر.ما.تبقى.tt* ♥️ *❴🔢❵☟الـــبـــــــــــ❴7️⃣❵ــــــــــــارت☟* ➖➖➖➖➖➖➖➖➖ *‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ *❴📖❵↵*تنسيق مشرفين مجموعة:* *❴📚❵↵*قصص وروايات عالمية📚💙* *❴💙❵↵*ننشر جميع انواع القصص والروايات العالمية* حـب💙. حـزن💙. اكشن💙. رعب💙. *❴👑❵↵*أن كنت من عشاق ومدمني القصص مكانك عندنا💙* *❴💙❵↵*رابط المجموعة للاشتراك:* ```https://whatsapp.com/channel/0029VaQogP17YSdATvOUwa1h``` ➖➖➖➖➖➖➖➖➖ كانت ديمة بغرفتها آعدة مقابل المراية وبتقول لنفسها:وبعدين معك يانيرا..ايمتا رح تطلعي من حياتي،لك حتى وانتي ميتة عم تخلقيلي مشاكل بمكان تاني بيفوت عروة لينده ع نوار بيلاقيها غفيانة،بيقرب اكتر منها كانت غرقانة بلنوم ولا حاسة بشي بيرفع أيدو بهدوء وبيرفعلا خصلات شعرها المتناثرة ع خدودها،بعدين بيمسح بحنية عخدها بحس شي جواتو عم يشدو ألها اكتر بيرمي هلأفكار من راسو بسرعة خوفاً عليها من نفسو،بيحملها وبيفوت فيها عغرفتو بس يسطحها عتختو بتحس نوار بس كأنها مش واعية بتمسكو قبل ماينزلها وبنبرة ناعسة:شو صار وين انا عروة:انتي معي،لاتخافي يلا رجعي نامي نوار:مستحيل خاف وانتي معي انت أماني عروة بصدمة:شو..شو حكيتي؟ بتكون رجعت غفيت بيغطيها منيح وبيطلع بيتسطح علكنبة،بيفكر كتير لحتى يقدر يغفا أخيراً والصبح،بتصحا نوار بتلاقيه غفيان علكنبة وبتزعل عليه كتير،بتروح بتجهزلو قهوتو الخاصة وفطور بيجنن بتقرب لعندو وبتنزل عرجليها:عروة..عروة اصحا بيفتح طرف عينو بابتسامة،كان صوت تاني عم يسمعو..أي صوت نيرا أمو نفس النبرة ونفس الحنية بيفتح عيونو منيح بيتفاجأ فيها بينأز بتخجل كتير:بعتذر ماقصدت خوفك هلقد عروة:لا لا مش هيك نوار بضيق:الظاهر كنت عم تشوف بنات حلوين حتى كنت عم تبتسم وقت شفت خلقتي نأزت عروة بيضحك:ههههه لك لاا شو هلحكي،شبك لسانك مابيفوت لحلقك نوار بتوقف:لا مابيفوت،وشكراً ألك عهلصباح انا فايتة لجوا بيتحرك شوي شوي لسا جسمو واجعو من الكنبة عروة:لك شبها هي مجنونة وربي بيقوم علحمام بيغسل وجهو وبيطلع،بيلاقي مجهزة فطور بجنن عروة:ييي كأنو خربتلها مفاجأتها..صار لازم راضيها بيروح لعندا وبيدق الباب عروة:نوار..نوار خانم نوار:شووو عروة:فتحي وبلا ولدنة،مابحب هلتصرف بتفتح وبتطلع فيه بقوة:شو بتحب لكن،بتحب اتصرف بمياعة متل هديك يلي كانت بمكتبك أول يوم بشتغل فيه عندك بيفتح عيونو عآخرهن،بيحط أيدو عراسها عروة:نوار انتي مرتفعة حرارتك شي هو بيلمسها وهية بتدوب جواتها عم تقول(يالله عروة شو عم تعمل فيني كيف بدي سيطر عمشاعري تجاهك،لك عم اتصرف متل المراهقين شو هاد) نوار:خلصت حضرة الدكتور عروة:اي خلصت،الظاهر الهبل عندك خلقة،مش سخونة نوار:انت قد هلكلام عروة:بصراحة لا..بس ليكي في هون مطعم فاتح جديد فطورو ولا أروع،تعالي نفطر فيه.. نوار:بسس.. عروة:لا بس ولا شي،هاتي أيدك وامشي معي نوار:لك يي بلبيجامة عروة:أي احلى يلا بيتوجهو علمطبخ وبيفوتو عروة:تفضلي شو رأيك نوار بتطلع فيه بطرف عينها😒 عروة:صدقيني مارح تلاقي ألذ من هلفطور بلأخص أنو عملتو بأيدي نوار:هههههههه عروة:شبك😅 نوار:اديشك كذاب عروة:شكراً🙂يلا المهم خليتك تضحكي وتشرق الشمس علينا بتطلع فيه بحب،وهو بيكون لسا مبتسم،بعدها بينتبه لنظراتها بيتلبك وبيلتفت عمكان تاني عروة:يلا أعدي لحضر شاي جديد هاد اكيد خرب بيروح وهو عم يفكر(ياالله شو عم تعملي فيني يابنت،لك عم اتصرف متل الصغار،بحياتي ماكنت هيك شو عم يصير هلأ) بتكون وراه،بتشم ريحتو بقوة،بتحس قلبها غص ورح يوقف بيرجع لورا بدون ماينتبهلا وبيدوس عرجلها نوار:اخخخ رجلييي عروة بيلتفت:لك شو عم تعملي هوون من خجلها بتعمل حالها متوجعة مع أنو ماكان فيها شي😄لأنو ماكانت قوية نوار:يمكن نكسر اصبع رجلي ااخ عروة:ياالله نوار عنجد عم توجعك خلينا نروح علمشفى نوار:لا لا مافي داعي خلص الوجع عم يروح عروة بنظرة قلق وخوف:عنجد.. نوار:والله بيتطلع بعيونها وبيقرب اكتر منها،وهون هية بتتلبك كتير فجأة بيحملها وبيروح علكرسي عروة:طيب خلينا نفطر نوار:تمام.. بيقضو اليوم سوا،عروة بياخد إجازة من الشركة ليبقا معها أما عند مالك لسا كتير مقهور من ديمة ومو قادر يسامحا ديمة:مالك..فينا نحكي مالك:صدقيني مو قادر اسمعك ديمة:من حقي تسمعني مالك:كنت عطول اعطيكي حقوقك وقول معلش لازم اتحمل يلي عاشتو هو يلي أثر عليها بس نوار شو ذنبها؟ليش عم تنتقمي منها ديمة:لا مستحيل مالك أنا ماعم انتقم منها،بتوقع من كل الناس يفهموني غلط إلا انت مالك:لكن يلي عملتيه شو اسمو ديمة:كنت عم حاول خليها تصير من مجتمعنا بعترف أنو قسيت عليها بس مو بأيدي مالك:أنا برأيي أنو الأفضل نوار تبعد عن هلبيت ديمة بخوف:شو؟بدك تخليها ترجع عبيت هديك العيلة اكيد مارح اسمحلك مالك:لا وانا مو معقول رجع بنتي لهنيك،لهيك قررت اخدها ونروح نسكن لحالنا ديمة:انت عم تحكي جد مالك:أي عنجد.. ديمة:لا خلص بوعدك ماعاد أأذيها بترجاك مالك لاتحسسني بلذنب بيرن تلفونو،باسم لينا..بيرن كتير ومابجاوب ديمة:مين؟ مالك:عمتها ل نوار،اكيد عم يتصلو فيها وماعم تجاوب الأفضل مارد أما عند عروة ونوار،كانو آعدين وساكتين عروة:لسا مقفلة موبايلك؟ نوار:أي بس لازم ابعت رسالة لبابا طمنو عني عروة:بدي اعترفلك بسر،لأنو مابحب الكذب نوار:تفضل لشوف عروة:انا خبرت مالك من مبارح أنك عندي وطلبت منو يتركك نوار:هيك يلي بيلجألك بتخون ثقتو عروة:لا انا مابخون الثقة،كل القصة خفت لايخبر الشرطة وتكبر القصة،انتي كنتي معصبة بس هو شو ذنبو،بلنهاية قدر ظروفك وتركك عندي ومارح يحكي معك لأنتي تقبلي نوار:تمام،بعتذر يمكن يلي عملتو انت هو الصح عروة:رح نبقا هيك؟مامليتي نوار:بصراحة أي عروة:بتطلعي مشوار؟ نوار:أي ليش لا موافقة عروة:يلا جهزي حالك شوي ورح امشي ها لاتطولي نوار:أووك بتركد بتلبس بسرعة،متل الطفلة وقت بيحكولها رايحين مشوار نوار(شو يلي عم يصير،عم اغرق اكتر خايفة ينقطع نفسي تحت المي وماتقدر تنقذني ياعروة،خايفة تتركني اغرق ف حبك وموت ودمر حالي بحالي،بس انا بدي..بدي عيش هللحظات الحلوة معك وماضيعهن من أيدي،لازم كون قريبة منك وحسسك بمشاعري تجاهك) عروة:نوار،لسا متأخرة نوار:جاهزة بيتطلع فيها نظراتو كانت مختلفة عن البقية مضمونها حب وظاهرها برود نوار بخيبة أمل:شو صار عروة:تيابك خفيفة وبرا برد،فيكي تجيبي جاكيت نوار:اووك😍ثواني بس بتروح وهو بيكون متل يلي قاطع نفسو وبيرجع بيتنفس(اووف ليش هيك عم حس تجاهك،بحياتي مافي بنت عملت فيني هيك،ليش انتي؟؟) بيروحو سوا وبيتمشو عروة:نوار..شو حلمك نوار:كل فترة بحلم شي عروة:هههه طيب احكيلي احلامك نوار:أول شي كان حلمي كفي تعليمي،وكفيتو..لما انكشفت الكذبة يلي كنت عايشة فيها،كان حلمي ابني عيلة خاصة فيني خالية من الكذب،بس اخترت الشخص الغلط بسبب تسرعي عروة:قصدك محمود نوار:تماماً،تاني حلم أنو اشتغل بشهادتي،بس بصراحة انصدمت أنو صرت اعمل قهوة وشاي لمديري عروة:ههههه ليش شايفتيها بهلطريقة كانت بداية مو اكتر نوار:هههه عم امزح عادي،حالياً عم احلم لاقي شخص اثق فيه بقوة،وأمنلو بروحي وقلبي... عروة:لاتثقي هلقد نوار:مابقدر،لازم اثق،طبعي بحب اثق بانسان واحد لاعطيه كلشي عندي واعطيه نفسي ويحافظ عليها عروة:كيف رح تلاقيه؟ نوار:صدقاً مابعرف،جاري البحث.. بعد صمت نوار:فيني أسألك عروة:تفضلي نوار:حبيت حدا من قبل عروة:بصراحة،مابظن،كلو كان مراهقة وولدنة مو اكتر،لسا متل ماقلتي جاري البحث نوار:بس أنا تقريباً لقيتو،وهلأ بس لازم اتأكد من صدق المشاعر يلي جواتي عروة مابيتوقع أنو قاصدتو ألو وبيتدايق كتير وبيسرع خطواتو نوار:لك شبك ليش مشيت بسرعة مابيرد عليها نوار:لك عروة...عروةة..اخخ(بتوقع علأرض) بيلتفت عليها بخوف وبيقرب منها بسرعة عروة:انتي منيحة بترفع راسها:ههههه شايف كيف قدرت خليك ترجع عروة بحزم:انتي عنجد مولدنة،يلي عملتيه تصرف اطفال،خلينا نرجع يلا بتنقهر من جواتها لأنو حاكاها هيك بيطلعو بلسيارة،وبيسند راسو لورا وهية بتلتفت عليه قبل مايمشو نوار:عروة،بعتذر ماقصدت ازعجك بس حبيت امزح معك عروة بغضب:هاد مااسمو مزح،(بيبرم عليها وبيلاقي عيونها عم تلمع متل اللؤلؤ) عروة:نوار.. نوار:آسفة عروة بهدوء:ليش عم تبكي نوار:مابحب دايق حدا مني عروة:بس أنا عصبت لأنو خفت عليكي،انتي ليش هيك بتبكي بسرعة نوار بيزيدو دموعها:مابعرف..حاسة حالي بحاجة أنو ابكي،مو بس بسبب يلي صار عروة بيقرب ايدو وبيمسح عراسها من فوق لتحت:فهمت عليكي،بس لازم تخففي هلشي وماتبكي كل شوي نوار:ليش؟ عروة:لأنو..لأنو دموعك بتأثر فيني بتطلع فيه عيونها بعيونو،بيقرب منها اكتر بيرتجف جسدها وبتغمض عيونها مابتحس إلا شدها شوي لعندو وضمها بقوة عروة بيحاكيها وهية دافنة حالها بحضنو:مابعرف شو يلي عم يصير فيني،عم اكتم كلشي جواتي بس عم اضعف بلنهاية،انتي عم تجذبيني بقوة،وماعاد فيني قاوم نوار بتشد اكتر:ولا انا عم اعرف ليش عم حس بحضنك أني بأمان،كيف بدي اشرحلك عم تضيع حروفي عروة:هسس خلي الموقف يشرح نفسو بنفسو.. بيبقو لحظات قليلة،بس بلنهاية بينتبه ع نفسو،بيرجع لورا عروة:منرجع علبيت بتهز راسها بايجاب بيرجعو بيكون جايبين اكل من برا،بياكلو وبيقررو يتابعو فيلم كان فيلم رومنسي فيو شوي اكشن،ممتع كتير،فجأة بيلاقو حالهن كتير قريبين من بعض بيركي أيدو عروة عضهرية الكنبة تقريباً حاضنها لنوار بس باقي يحط ايدو ع كتفها،هية بتقرب اكتر وأول مايلمس كتفها،بتسند راسها عصدرو احساس غريب حاسينو تنيناتهم،سعادة..بس مؤقتة بيخلص الفيلم بمشهد رومنسي من النوع التقيل نوار:احم..خلص طفي التلفزيون عروة:هههه بتخجلي نوار:لا بس خلص الفيلم.. بتجي لترفع نفسها بس بيكون عروة حاكمها منيح بحضنو وهية بتتوتر كتير،وبيحمرو خدودها من الخجل،بحياتها ماكانت بهلوضعية مع شب بتسحب نفسها بس بيمسكها عروة عروة:بدك تروحي بتطلع فيه بيكونو قريبين:لا بس.. عروة:بس شو؟بلاقيكي عم ترجفي،خايفة مني نوار:انا ماني صغيرة بيبتسم ابتسامتو يلي عطرف تمو،بيرفع أيدو وبيمسح بأصابعو من الخلف عوجها،بيلمس عيونها ورموشها الكثيفة نوار بتكون عم تتفحص عيونو عن قريب وهي دايبة:بتعرف أنو رموشك بتجنن عروة:بس رموشك احلى بكتير،عيونك كلها بتجنن(جواتو بيقول ذات عيون أمي تمام) نوار بتبتسم وبتنزل راسها بخجل،بتحس كيف قرب منها اكتر وبلشت انفاسو تلفح وجها،حست بدفاوتها وصارت تدغدغها وفجأة بيعد عنها وبيقومها من حضنو،بتنحرج كتير.. عروة:بعتذر..عنجد بعتذر نوار نوار:على شو؟ عروة:أنا وعدت أبوكي انو انتبه عليكي،وهو واثق فيني وليكني شو عم اعمل نوار:انا مالي بحاجة لحدا يوصي فيني،عمري ٢٣ بالغة راشدة تمام عروة:لاتزعلي نوار.. مابترد وبتفوت علغرفة بغضب نوار:غبييية انتي غبية(بتخبط رجلها بلأرض)لك دبت بين ايديه بثواني،ياربي حاسة حالي رخيصة بتحط راسها وبتنام،أما هو كان كتير مقهور ماقدر ينام فوراً تاني يوم،من الصبح بفيلا مالك الخادمة:طيب انتظري ياخانم ثواني بس بتفوت الخادمة ع الصالة الخادمة:مالك بيك،في خانم عم تسأل عنك..اسمها لينا مالك بتوتر:تمام فوتيها بتفوت لينا مالك:لينا خانم..أهلا وسهلا تفضلي لينا:اهلين فيك مالك بيك(بتدور بوجوه الموجودين بس مابتلاقي نوار) لينا:مالك بيك،نوار وينها،قلبي متل النار عليها خايفة يكون صاير معها شي تلفونها مقفول وانت ماعم ترد ع اتصالاتي مالك:بعتذر فيكي تهدي شوي لنحكي بلموضوع لينا:قبل كلشي قلي وينها نوار مالك:هية منيحة بس مو هون لينا:لكن وين مالك:صار مشكلة صغيرة وتركت البيت لينا:كيف يعني تركت البيت،انا أمنتك عليها،لو كنتو اهلا بس كمان هية كانت متل بنتي بتوقف ديمة وبتقرب:لو سمحتي ياخانم نحن عيلتها واكيد خوافانين عليها واكتر منك كمان،بس الحمدلله هية بخير بكرا منحل القصة ومنرجعها بتطلع لينا ب ديمة،هلوجه بنوب مو غريب عنها،بس بنفس الوقت ماعم تتذكر وين شايفتها مالك:اهدو شوي،خلينا نشرح الموضوع تفضلي لينا خانم بيقعدو كلهن بوجود مراد وسيدرة مالك:للأسف حصل خلاف بين ديمة زوجتي،أمها لنوار..مع نوار والمشكلة كبرت بينهم ونوار تركت البيت بتضرب الكلمة براسها(أمها لنوار؟؟)كيف هيك لينا:لوين وصلت المشكلة لحتى تخلي نوار تترك البيت،اكيد تعرضت للأهانة ديمة:أنا مابسمحلك تحكينا بهلطريقة أنا أمها وبصطفل مني لبنتي تمام مالك:خلصنا ديمة، سكتي لينا:مالك بيك،بدي اعرف وينها نوار بدي شوفها حالاً مالك:بتحبي نروح سوا لينا:لا لو سمحت بدي شوفها لوحدي فيك بس ترسلي موقعها مالك:تمام،ورح ارسلك هلرقم لتقدري تحكي مع الشخص يلي هية عندو كمان لينا:تمام شكراً ألك.. ديمة:هي بنتي..عم تفهمي،مالك انت عطيتها العنوان وانا ماكنت تحكيلي وينها بنتي مالك:خلصنا ديمة بتطلع لينا ب ديمة اكتر،وبلشت تسترجع الذكريات،لتتأكد من الصورة هلمرة..ثبتت صورة ديمة بزهنا وطلعت من الفيلا طول طريقها لعند نوار وهية عم تتذكر،واخيراً تذكرت كلشي هداك اليوم يلي مستحيل تنساه وعرفت مين ديمة.. بتوصل علعنوان وبتتصل لينا:ألو.. عروة:ياهلا مين معي لينا:أنا عمتها ل نوار،لينا عروة:أهلين ياخانم لينا:انا تحت بيتك،لازم شوف نوار عروة:بس ..طيب نازل لعندك.. بينزل لعندها وبيبقو بلحديقة عروة:اهلين لينا خانم،تذكرتيني لينا:اهلين فيك طبعاً تذكرتك،مابنسالك وقفتك جنبي،بس شو عم تعمل نوار عندك عروة:هية لجأتلي،وأنا ستقبلتها لينا:يعني اسفة علسؤال انتي قريب منها كتير عروة:انا بشتغل مع مالك بيك وهو بيثق فيني،وبعرف نوار تعرفنا عبعض وتقربنا من بعض لينا:بتخاف عليها؟ عروة:سؤالك غريب لينا:انا بحاجتك،مابعرف في سر عندي مو قادرة خبيه،ومابعرف اذا لازم قولو لنوار او لا،هو رح يأذيها كتير عروة:نوار بحالة سيئة ومالا مستعدة لصدمات جديدة لينا:معك حق،انا رح اثق فيك واحكيلك عروة:وانا سامعك لينا:ديمة..مالها أمها لنوار.. عروة:شو..كيف يعني لينا:انت اكيد بتعرف أنو انا يلي بدلت البنات،وهداك اليوم،بلمشفى قبل مابدل البنات،طلعت صبية وحاملة نوار الطفلة،عطتها للممرضة عروة:تمام.. لينا:هي هية ديمة عروة بصدمة:شو لينا:متأكدة،لو بيمر عهداك اليوم مية سنة مابنساه،كانت ذاكرتي قوية لحتى ماانسا التفاصيل،كانت ديمة عم تبكي وطلعت هربانة ودموعها ععيونا،أما يلي كانت ولدانة،انسانة تانية كانت عم تصرخ ع مالك،وهو عم يساعدها وفجأة تعبت ونهارت عروة:إذا الكلام يلي عم تحكيه بيكون صحيح،منكون وقعنا بكذبة تانية لينا:شو اعمل هلأ عروة:طلعي واعدي مع نوار،انا رح ابقا هون شوي ولاحقك،تفضلي هي المفتاح مكتوب رقم الشقة لينا:تمام شكراً بتطلع لينا وعروة آعد بيفكر بهللخبطة كلها بتفوت لينا وبتدور ع نوار،بتوصل ع غرفة النوم وبتدق الباب نوار:لو سمحت عروة،مابدي احكي مع حدا لينا:أنا عمتك بتستغرب نوار وبتنط فوراً بتفتح نوار:عمتي!! بتضما بقوة نوار:شتقتلك كتير،كيف اجيتي لينا:وانا شتقتلك ياقلبي،مالك ابوكي خبرني نوار:طيب تعي نأعد لينا:احكيلي شو يلي صار.. وبتبلش نوار تسردلا القصة وكيف عاشت هلايام كلها مع ديمة أما تحت عند عروة بيقول لنفسو:لا..مستحيل شو اعمل هلأ،اذا نوار مالها بنت ديمة،وهية بنتو ل مالك،في احتمال واحد بس لا مابدي ياربي لا..ولاعرف الحقيقة شخص واحد رح يجاوبني بيطالع التلفون وبيتصل ب أبوه غسان:ألو عروة:كيفك بابا غسان:تمام ياابني بخير،بس الوحدة هدتني ايمتا رح ترجع عروة:عن قريب بس انت بتعرف وقت بحط شي براسي لازم اعملو غسان:متل مابدك،شو اخبارك عروة:بخير،حابب اسألك عن شي وتقويلي ذاكرتك شوي غسان:قول عروة:أمي..قبل ماترجعلك مرة تانية وقت كانت متزوجة مالك..هية حملت منو شي غسان بدون مايفكر من عواقب جوابو:أي متل ماحكيتلك ياابني،نيرا كانت زوجتي من البداية اهلنا غصبونا نتزوج بعض،بعدين ماقدرت تكمل معي ونفصلنا تزوجت مالك بس بعد فترة صارت المشكلة وتطلقو..بس ماتت بنتها بعد ماسافرت لعندي،ربتها ديمة فترة وماتت عروة:تمام،ماشي..بخاطرك.. بيسكر التلفون وهو عم يرجف ‏hekaea_tna ‏#آخر_ما_تبقّى🥀 #الجزء46 عروة:لا مستحيل..نوار بتكون اختي؟؟انا ماعاد قدرت استوعب شي،معناها أمي حملت فيني وبعد ماولدتني تركتني وراحت تزوجت بعدا حملت..اكيد هاد يلي صار أنا رح جن راسي حاسو رح ينفجر ،وبعد المشكلة بينها وبين مالك رجعت،وتزوجت ابي..معقول تزوجتو لتنتقم من مالك،طيب ليش تترك بنتها،ليش تركتني قبل؟في شي ماعم اقدر صدقو..نوار اختي وكل هلوقت قدامي..عنجد انتو بلا احساس بيطلع لفوق لما بيهدا شوي بيفوت مو عبعضو،ونوار بتقلق عليه لينا:طيب بتحبي ترجعي معي عروة:لا..نوار بتبقا هون لينا:تمام لكن عن اذنكن،استاذ عروة فيك توصلني لتحت بتستغرب نوار،وبينزلو سوا لينا:شو صار قدرت تعرف شي عروة:عرفت وياريتني ماعرفت.. لينا:طيب احكيلي عروة:بفضل ماتعرفي،بس نوار تعرف بتخبرك احسن ماترجع تشوفك انو عم تكذبي عليها لينا:بفهم من كلامك أنك رح تكذب عليها ومارح تخبرها بلحقيقة عروة:فهميني الحقيقة صادمة لدرجة ماقدرت صدق،لازم افهم كلشي بلأول بعدها بحكيلا لينا:انا رح امشي هلأ بس فترة قصيرة واذا مابتنكشف الحقائق بدي خبر نوار بكلشي بعرفو عروة:طيب.. بتروح وبيرجع بيطلع عند نوار،بتكون آعدة وعم تشرب نسكافيه عروة:نوار.. نوار:شوو عروة:انا بعتذر نوار:انت انسان جبان عروة:لا انا مالي جبان،لاتخبصي بكلام نوار:مبلا جبان وبتخاف من أبي لو ماهيك ماكنت بعدت عني عروة:خلصنا نوار مابدي اتخانق معك بتقرب لعندو بجرأة نوار:جبان وضعيف،حتى ماعندك استعداد تعترف بمشاعرك عروة:نوار بكفي استفزاز نوار:بدي احكي كلشي عندي بس لتعرف شو انت،لك ليك كيف حتى ماعندك جرأة تطلع بعيوني،عروة تطلع فيني رفاع عيونك مابيرد عليها بتلمسلو وجهو بحب نوار:عروة ليش ماعم تحس فيني بيبعدها عنو بعصبية عروة:لك بعدي عني،لاتقربي نوار:انت مختل؟مش طبيعي مجنون عروة:مابيصير تقربي مني،مابيصير تفكري فيني بهلطريقة نوار:ليش؟كيف بدك اقدر اكتم مشاعري جواتي عروة بينظرلها بقوة:وبدك تموتي هلمشاعر كمان نوار:ليش..حرام عليك عروة:لأنو.. نوار:لأنو شو عروة:لأنو أنا مرتبط..ومابقدر خون الانسانة يلي وثقت فيني نوار:شو؟ليش ماحكيتلي قبل عروة:وليش لاحكيلك؟بصفتك شو نوار:انت كذاب،سألتك اذا حبيت قلت لا عروة:مو ضروري الارتباط يكون عن حب بتسكت ودموعها عم ينزلو عروة:روحي ضبي غراضك لوصلك علفيلا نوار:مارح روح علفيلا،لاتعذب حالك انا بروح عمكان يلي بدي عروة بصوت مرتفع:نوار لا تجننيني روحي لبسي بسرعة لك يلاا عروة جواتو:(سامحيني مافيني اتركك قريبة بعد ماسمعت يلي سمعتو؛كيف بدي اتقبلك ك اخت؟؟) *يـــــــــ͢ـོ͓ـــتبــــــــــــــོـ͓ـــ͢ــ؏* ➖➖➖➖➖➖➖➖➖ *❴📖❵↵*تنسيق مشرفين مجموعة:* *❴📚❵↵*قصص وروايات عالمية📚💙* *❴💙❵↵*ننشر جميع انواع القصص والروايات العالمية* حـب💙. حـزن💙. اكشن💙. رعب💙. *❴👑❵↵*أن كنت من عشاق ومدمني القصص مكانك عندنا💙* *❴💙❵↵*رابط المجموعة للاشتراك:* ```https://whatsapp.com/channel/0029VaQogP17YSdATvOUwa1h```