آخر ماتبقى - الفصل 6 - مكتملة | روايتك

*قـصـص وروايـات عـالـمـيـة💙📚📖* *بإدارة* *يـامـن💙* *❴📖❵↵* *ٱخر.ما.تبقى.tt* ♥️ *❴🔢❵☟الـــبـــــــــــ❴6️⃣❵ــــــــــــارت☟* ➖➖➖➖➖➖➖➖➖ *‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ *❴📖❵↵*تنسيق مشرفين مجموعة:* *❴📚❵↵*قصص وروايات عالمية📚💙* *❴💙❵↵*ننشر جميع انواع القصص والروايات العالمية* حـب💙. حـزن💙. اكشن💙. رعب💙. *❴👑❵↵*أن كنت من عشاق ومدمني القصص مكانك عندنا💙* *❴💙❵↵*رابط المجموعة للاشتراك:* ```https://whatsapp.com/channel/0029VaQogP17YSdATvOUwa1h``` ➖➖➖➖➖➖➖➖➖ أما ديمة بتلتفت لورا وبتمشي بتنزل دمعة من عينها بتمسحها فوراً بتحس بأيد حنونة عكتافها مالك:بعرفك قوية،وحنونة كمان لو بتحاولي تخبي،ربي يخليلنا ياكي ديمة:أنا عم حاول بس.. مالك:ولا يهمك حبيبتي أنا حاسس فيكي أهدي بس،يلا تعالي معي أما عند عروة ونوار،تغيرت كتير معو ماعادت البنت يلي عندها كبرياء خاص،واكبر دليل أنها أول ماشافتو توجهت لعندو نوار:استاذ عروة،نورت عروة:لاا هيك بزعل،معقول حدا ينور بوجودك،انتي اليوم منورة علكل بتبتسم بخجل:عنجد شكراً ألك عروة:العفو،هي الحقيقة نوار:الظاهر تأخرت لأجيت هلأ لنتبهتلك عروة:لا جيت من البداية بس شفتك مشغولة وهلأ كنت جاي سلم عليكي نوار:ولا يهمك،الظاهر بتحب تكون بعيد عن الأضواء عروة:تماماً نوار:لتراقب عيون الناس وتعرف شو عم يفكرو ياترى؟ بتطلع جوا عيونو بلضبط،وبتبتسم جواتها عم تسألو: شو يلي عم يجذبني ألك؟وليش واقفة معك هلأ أتاريه فعلاً بيقرأ الأفكار فوراً فهم عليها ابتسم ونزل عيونو بلأرض نتبهت عنفسها،وقالت اكيد عرف شو عم يدور براسها لهيك بعدت نظرها عنو بارتباك عروة:هههه..شو خايفة تطلعي فيني نوار:أاا..مابعرف بس يمكن اوقات تقرأ غلط ماصارت معك من قبل؟.. عروة:بنوب،ولا مرة غلطت،بلأخص بلعيون الجذابة والساحرة،هي بتشدني اكتر وبتخليني اقرأ صح مية بلمية بيكونو سارحين ببعض فجأة بيسمعو انغام موسيقى هادية،وبتبتدي الرقصة مع مالك وديمة،بتطلع فيهن نوار وهية مبسوطة نوار:حاسة بلحب يلي بينهن عروة:سمعت انو قصتهن كانت من البداية حب كبير،وقوي..كان حب عاصف مستعد يهدم كلشي كانت نبرتو مختلفة التفتت عليه نوار،كان عم يتطلع ب ديمة ومالك بقهر بخوفها لهيك بتبعد عنو خطوات صغيرة وبس ينتبهلا،بيقرب لعندها بيمسك بإيدها وبيمشي نوار:شو صار؟ عروة:بدنا نرقص نوار:هيك؟بدون استأذان حتى؟ بيوقف خطواتو وبيشدها لعندو بتصير مواجهة ألو تمام عيونهن بعيون بعض وقريبين كتير عروة:عندك أي اعتراض؟؟ بتطلع فيه بضعف داق نفسها كأنو من كتر القرب صار عروة يسرق انفاسها،مشاعرها غريبة وعيونها عم تفضحها بيبتسم ابتسامتو يلي ع طرف،بتسحرها اكتر بيرجع بيمسكها بحنية وبيروحو عمكان الرقص بيشوفهم مالك،وبيبتسملن،بس مراد ماكان عاجبو هلشي،هو مو طايقو ل عروة بنوب عروة:ليش عم ترجفي نوار:لا..ماعم ارجف عروة:بردانة؟ بيلمس ع كتفها وبينزل عأيدها لتحت،وهلشي بيخليها ترتعش بلكامل وبتفتح عيونها عآخرهن بيقرب منها اكتر بيستغل الفرصة بيرجع بيشم ريحة شعرها،وبتجيه الضحكة بس بيكتمها..أول مرة بيشم ريحة شعرها ماقدر يحدد هلريحة اللطيفة بس هلأ عرفها،هي ذاتها ريحة شامبو الأطفال🤣 وهون مابتكمل اللحظات وبيجي مراد مراد:بتسمحلي استاذ عروة وبياخدها من ايديه،وهو لسا متفاجأ،بتقرب سيدرة سيدرة:وأنا استاذ مراد عأساس جايبني لترقصني بتتركني هيك لحالي بلمنتصف بيمسك ايدها عروة:اذا بتسمحي تشاركيني؟ سيدرة:أي ها أي ها😍صحي رح بين قزمة جنبك بس مو مشكلة بتضحك نوار على عفوية أختها بيكملو الحفلة بهدوء،والكل بيمشي واحد ورا التاني مالك:فرحت بوجودك عروة،بعرف اليوم مو وقت الشغل بس لازم نحكي عروة:تفضل مالك:شو صار كرمال الشغل الجديد عروة:بصراحة اكتشفت أنو في واحد حاطت عينو علمناقصة مالك:تمام وشوفيها عطول بيكون في ناس حاطين عينهن علمناقصة عروة:بس هاد غير،عندو سوابق تقريباً بس ببساطة بيطلع من كلشي متل الشعرة من العجين حتى ملفو عند الحكومة نضيف بس هلمعلومات اجتني من طرف تاني مالك:شو..يعني رح ننسحب(وبيتطلع فيه نظرة تحدي) عروة:معقول؟مو نحن يلي مننسحب مالك:بيعجبني فيك روح التحدي ومحبتك لعملك عروة:شكراً ألك،وهلأ صار لازم امشي،بس لودع أميرة الحفلة مالك:هههه أميرة الحفلة يمكن مامرء عليها هيك يوم من قبل بيبتسم عروة وبيروح ليدور ع نوار،بيسأل الخدم عنها وبيخبروه أنها بلصالة،بيفوت لجوا بيلاقيها آعدة علكنبة رامية الكعب هون وهون ورافعة رجليها لفوق علكنبة،وراكية راسها لورا باختصار التعب واضح عليها جداً عروة:شو بلاقيكي استسلمتي بتجلس اعدتها بخجل:لا..بس حاسة بتعب عروة:ههههه معك حق،فيكي ترتاحي هلأ نوار:أي😅 عروة:احم..بعتذر لتدخلي،بس هداك يلي اسمو محمود نوار بتطلع بعيونو بلهفة:أي.. عروة:رجع تعرضلك شي نوار:لا بنوب بابا اخد الاجراءات اللازمة معو عروة:كتير منيح،مع هيك لازم تنتبهي عحالك اكتر نوار:عنجد شكراً ألك عروة:العفو..بلأذن ن..نوار(حب يقول اسمها بطريقة مختلفة مجرد من الرسميات وهلقصص كلها) تطلعت فيه،وابتسملتو ووقت راح سرحت نوار بعالم تاني ولسا عم تسمع صدا صوتو وبتشم ريحتو مابتحس إلا بأيد سيدرة:نوار..لك نوار شو صابك نوار:سيدرة..انتي ايمت اجيتي سيدرة:من مبارح،لك شبك سارحة نيالو يلي شاغل بالك نوار:وليك انا اختك الكبيرة شو هلكلام سيدرة:أيوا أيوا،ليكي نوار نحن بنات ومنفهم عبعض،ونظراتك الناعمة والنعسانة هي(وبتصير تتمسخر عشكل نوار)بتحكي عن مشاعرك ياهبلة بتوقف نوار:لك هسس رح تفضحيني انتي،امشي قدامي لشوف بتضحك سيدرة وبيروحو عغرفة نوار نوار:شو قصدك بهلكلام وليه فصعونة سيدرة:بقصد انو باين عليكي انك طابسة بلأفندي نوار:لك عيب عيب،والله ماتسمعك ماما عهلمفردات يلي بتستخدميهن لتموتك سيدرة:هههه ليش انتي مابتعرفي انو تعودت اتصرف قدام ماما بطريقة ومن وراها عكس تماماً،المهم انا طول الوقت عم راقبك،ولما كنتو عم ترقصو سوا...لك ياوييل قلبييي اناا نوار:سكتي لك سكتي سيدرة:كوني صريحة لاتكذبي نوار:بصراحة،حاسة بشي غريب عم اتمنا شوفو عطول وبتمنى اتقرب منو ومابعرف ليش سيدرة:ياقلبي انتي ومابتعرف ليش،بدك فت خبز كتير انتي نوار:وربي يلي بيسمعك بفكرك جاية من اكبر حارة شعبية سيدرة:هههه يلا لاتغيري السيرة،وانا موافقة نوار:عشو موافقة سيدرة:تتزوجو وتتركيني بحالي لعما من يوم فتتي عهلبيت وماعاد حدا استكال بكيلي،والكل بيدلل فيكي وابي ماعاد يصدق دموعي الكذابة لما بشتكيلو من مراد نوار:ههههه وربي انتي..نهفة سيدرة:لك خليلي هلضحكة أنا،يلا رح اعطيكي فترة لتفكري بمعنى مشاعيرك ومنرجع منحكي،تصبحي ع خير نوار:وانتي بألف خير بعد كم يوم بتكون نوار عم تحكي مع لينا نوار:تعالو لعندي وربي مشتقتلكن لينا:لاياعمري تعي انتي افضل نوار:لايمتا رح تبقا في حدود بيناتكن لينا:مابدي ننحط بموقف محرج،خلينا هيك،ونحن بانتظارك نوار:طيب رح حاول اجي اليوم لينا:حاولي لأنو شتقنالك كتير.. بتسكر وبتروح لتفطر مع عيلتها بتلاقي أمها مو عبعضها نوار:ماما انتي منيحة ديمة:أي منيحة ياقلبي شوية تعب نوار:طيب بتحبي أعملك شي ديمة:لا تتعذبي عمري،يلا شوي ومنجتمع لنفطر نوار:تمام بتنزل نوار لتحت علمطبخ الخادمة:نوار خانم نوار:اي ليش مستغربة الخادمة:لا يعني لازمك شي حضرتك نوار:تمام بس بدي أعمل كاسة عصير برتقال لماما الخادمة:انا بعملها نوار خانم نوار:لا أنا بعملها،شكراً بتعملها وبتطالعها لفوق بيكون الفطور جاهز نوار:تفضلي ماما شربيها ورح تحسي حالك تنشطتي ديمة بتطلع فيها بحب:ليش تعذبتي يسلمو ياعمري نوار:ولو ماما مالك:ديمة انتي منيحة ديمة:أي لاتكبرو الموضوع ارهاق لأنو مبارح ماقدرت نام وهنن عم يفطرو نوار:بابا فيني حاكيك بموضوع مالك:أكيد بتطلع نوار بأمها،لأنو مابتحب حدا يحكي علأكل ديمة:تمام احكي حبيبتي نوار:بصراحة أنا حابة اشتغل بشهادتي،إذا سمحت مالك:أكيد ياقلبي نوار:تمام لكن رح دور ع شغل ديمة:معقول تدوري وشركة أبوكي موجودة،وبظن شهادتك بتناسب الشركة نوار:أي صح بس.. مالك:لا بس ولا شي،اليوم رح شوف الموضوع ومن بكرا بتنزلي شو رأيك نوار:الله لايحرمني منك بس بدي طلب أخير،بتسمحلي روح اليوم عند عمتي مالك:بتعرفي بخاف تروحي لهنيك ولسبب واحد هو محمود،لهيك رح ابعت معك حرس نوار:تمام بتروح نوار وبتزورهن تاني يوم،بتصحا نوار وبتجهز نفسا لأنو مالك قرر ياخدها معو علشركة لتستلم شغلها بتفوت معو ع مكتب المساعدة مالك:وهون مكتبي نوار:حلو،وانا شو رح يكون شغلي مالك:المساعدة الخاصة بتطلع فيهن مساعدة مالك:شو... مالك:هههه مش ألي،المساعدة الخاصة ل عروة،وبعد فترة إذا اثبتي انك قدها رح تترفعي نوار:يخليلي ياك(وبتقول جواتها:عز الطلب وهاد يلي بدي ياه) مالك بيطلب من مساعدتو تاخدها ع مكتب عروة،وهو فوراً بيتصل فيه وبخبرو،بس كانت عندو موظفة،بتفوت نوار عروة:أهلاً آنسة نوار تفضلي فيكي تستلمي شغلك الموظفة:أوك عروة بيك لكن بجيك بوقت تاني عن اذنك عروة:أذنك معك،تعالي نوار قربي لعندي نوار لسا عم تطلع بهلموظفة يلي ماعجبتها بنوب من طريقة لبسها ومكياجها عروة:نوار شبك وين سرحتي نوار:بعتذر..تفضل قلي شو بتحب أعمل عروة:قهوة.. نوار:هههه والله طلعت مزوحي ومالي خبر عروة:شو قلتي آنسة نوار(وبينظرلها نظرة قوية) بتبلع بريئها:بعتذر،،بس والله مالي خبر المساعدة بتقدم مشروبات وطلبات خاصة عروة:المساعدة بتعمل كتير اشيا اهم شي تكون بلا سكر،يلا عم انتظرك بتتأفف وبتطلع،بعد وقت بتجي نوار:تفضل عروة بيك عروة:يسلمو،تمام يانوار تفضلي اعدي لنحكي ببعض الأمور.. بيمرء الوقت وهية بجنبو،تروح وتجي في شوية تعب لأنو أول يوم بس مالا حاسة بشي مبسوطة كتير بقربو بترجع علبيت وهية عم تفكر.. نوار لنفسها:صح كلام سيدرة،اليوم تأكدت أنو الموضوع مو بس أعجاب في شي اكبر من هيك بتمر الأيام،وتعودت نوار على وجود عروة بحياتها،بصير روتينها متكرر أما عمتها لينا صارت تتردد علشركة لتقابلها وعروة تعرف عليها اكتر،وهلأ تذكر هداك اليوم وقت كان مالك معصب منها كتير طلع بلفعل عندو اسبابو أما الوضع بلفيلا فهو متل ماهو..كلو منيح ماعدا علاقتها مع ديمة،يوم منيحة وعشرة لا.. كان بهليوم عطلة عند نوار،لهيك قررو رحاب ولؤي يزوروها أما لينا مو قادرة تتقابل مع عيلة نوار بنوب بيفوتو وبيقعدو معها بلصالة،رحاب عم تتلفت وتطلع عهلصالة الكبيرة رحاب:لعما هي الغرفة بدها خادمة لوحدها تنضفها،دخلك كم خادمة عندهن نوار:في كتير لأنو كل وحدة ألها اختصاصها لؤي:الحديقة كتير عجبتني،لو بقدر ألعب كرة قدم فيها بكيييف نوار:ههههه مجنون.. وقت قصير وببلشو يندمجو ولؤي بيعلا صوتو وهو عم يحكي مع نوار ويشرحلا موقف مضحك صار معو،ونوار بترجع لطبيعتها وبتصير تضحك بصوت عالي وفجأة بتفوت ديمة وبنرفزة بتحكي:شو هاد..شو يلي عم يصير هون؟ نوار:ماما...بعتذر كتير مانتبهت يمكن ارتفع صوتنا شوي ديمة:اعتذارك مرفوض عكل حال الظاهر بعد كل مقابلة معهن بدك إعادة تأهيل،بتجي لعندي علغرفة بس يروحو ضيوفك.. بتتركها وبتمشي والنار شاعلة فيها،كانت عم تترجاها بنظراتها أنو ماتكمل بس ديمة ماحست فيها رحاب بتحمل شنتتها وبتقول للؤي لحتى يمشو نوار:ماما بعتذر بترجاكي لاتدايقي رحاب:لا يابنتي لا..انا مابتحمل هلأهانة كلها،صحي نحن فقرا وماعنا يلي عندهن،بس كرامتنا غالية علينا نوار:ماما كرمالي روئي هية هيك طبعها رحاب:الظاهر معها حق لينا وقت قالت أنو مارح تقدر تفوت عهلبيت،هلأ فهمت شو قصدها نوار:ماما ابقي.. مابتجاوبها وبيروحو،الغضب تملكها،سكتت كتير علاهانات يلي تعرضتلهن بس توصل لأنو تهين ناس غاليين عليها،ماعاد قدرت تتحمل بتتوجه فوراً عغرفة ديمة وبدون ماتدق علباب بتفوت ديمة:نوار..لك شو صرلك العذاب يلي تعذبتو معك راح علفاضي حتى الباب ماعاد عرفتي تدقيه نوار:بكفي بقا أوامر أوامر..أنا ماعاد اتحمل،ولا رح كون تحت سيطرة حدا ديمة بتشد عحروفها:نوار انتبهي عحالك شو عم تحكي ومين قدامك نوار:ماما انتي غلطتي عليهن وجرحتيهن ديمة:والله؟عنجد.. نوار بتروح بتسكر باب الغرفة وبتقفلو ديمة:شو عم تحاولي تعملي نوار:لازم نحكي ونحط حد لكلشي وهون بيصيرو ورا الباب سيدرة ومراد أجو على أثر صواتهن العالية عم يدقو بس ماحدا بيرد ديمة:حدود لشو،لك كنت متوقعة بس بدك تعليم لبعض الأمور بس للأسف طلع بدك ترباي من أول وجديد نوار:أنا تربيت منيح عند أهلي،ومابسمح لحدا يغلط عليهن أو عليي ديمة:أهل شوو لك نحن اهلك،الماضي انسيه وانسيهن انتي بنت المرتضى عيب تتصرفي بهلطريقة نوار:أنا ماعم افهمك،انتي كيف بتفكري سيدرة من ورا الباب:ماما خلص كرمال الله سكتي مراد:فتحولنا الباب نوار ردي علي ديمة:لتاني مرة بقلك انتبهي عكلامك نوار:وكلامك انتي،انتي عم تجرحيني بكل فرصة وماعم تحسي بوجعي،كيف خلقتي أم بهلطريقة ديمة:سكتي بقا،بكل حرف من حروفك عم شوف هدوك الناس،يلي جايين من منطقة شعبية ومابيفهمو شي،عأساس انتي مثقفة،لازم تكوني افضل من هيك بس الظاهر الماضي مأثر فيكي كتير ومستحيل تتخلي عنو نوار:أنا بتشرف بلماضي وبلمنطقة يلي كنت فيها،وبظن ماحدا افضل من حدا ديمة:انتي انسانة بلا احترام نوار:بلفعل معك حق،اذا انا بلا احترام انتي بتصرفك اليوم شو بتكوني ديمة بيحمر وجها ومابتتحمل بترفع أيدها وبتضربها كف.. بتنصدم نوار وبتتحجر الدمعة بعيونها ونفس الشي ديمة،بتنصدم من عملتها،بترجع للخلف وبتأعد علتخت منهارة مراد بعصبية:لك فتحوو فتحو الباب وربي بكسرو أما سيدرة نزلو دموعها بعد ماسمعت صوت الكف وماعاد طلع منها حرف،لحظات وبينفتح الباب وبتطلع نوار،بتمشي بجمود بيلحقوها اخوتها بس بتمنعهن يفوتو معها وبتقفل باب غرفتها.. وقت قصير،وبتطلع نوار معها شنتة صغيرة فيها بعض الاشياء المهمة وشوية تياب وبتمشي بهدوء كان كل شخص بغرفتو وعم يفكر وماحسو عليها،بتطلب تكسي وبتمشي،بتنتبه لسيارة مالك وهية فايتة علفيلا بس هية بتكون مشت،دموعها بعيونها..مابتعرف لوين بدها تروح،بتتذكر كلمات رحاب لما قالتلها بيتها مفتوح ألها عطول.. أول شي،راحت علمقبرة لعند أبوها مؤيد،نزلت لعندو وبلشت تبكي وحكتلو كلشي صار معها من يوم تركها لهلأ استمدت القوة منو،تذكرت كلماتو يلي عطول تعطيها طاقة لتكمل بلحياة،رجعت وقفت واخدت تكسي وتوجهت علمكان يلي بارسها.. أما بمكان تاني،مالك كان غضبان بشكل فظيع وصوتو واصل لكل مكان بهلفيلا،عم يهز الأرض من غضبو ديمة عم تبكي:وربي مابعرف كيف هيك عملت مالك:انتي عطول خبصي وعملي بعدين قولي مابعرف،لك انتي شو بلا احساس،مية مرة قلتلك تركيها ياديمة،خليها بحالها ياديمة،ومارديتي لحتى طفشتيها للبنت.. شوي وبيسحبها من ايدها بقوة:بعدين تعي لهون،انتي كيف بتسمحي لنفسك تضربيها..قولي كيف بتمدي أيدك ع بنتي لك بصفتك ميين.. بتطلع فيه بقهر..دموعها عخدودها:بصفتي أمها.. بيهز راسو بلنفي بيرميها علتخت وبيمشي بغضب سيدرة:بابا وين رح تكون راحت مالك:رح دور عليها مراد:بابا يمكن راحت عند اهلا مالك بصراخ:تركوني بحالي بقا سكتووو بيركب سيارتو وهو عم يحاول يتصل عليها بس موبايلها مقفل ونفس الشي بيتصل ع لينا و مابترد وهلشي بيأكدلو أنو هية عندن،وفوراً بيتوجه عبيتهن فكرت أنو لو راحت عبيت رحاب أكيد مالك رح يعرف انها هنيك ورح يروح يرجعها،لهيك فضلت تروح عمكان تاني..مايعرف فيه حدا بيندق الباب،قبل بساعة تقريباً رجع من شغلو،بيقرب بيفتح..وبصدمة عروة:نوار... كانو عيونها مغرقين وجها،وفي شنتة ملابس بأيدها نوار بصوت عم يرجف:بتستقبلني هلليلة؟ عروة:أكيد،تفضلي بيسكر الباب وبتوقف قدامو،بتنزل الشنتة من ايدها عروة:نوار شبك؟ مابتحس إلا رتمت بحضنو وبلشت تبكي بقهر وهو مابيتحمل هلشي بيوجعو قلبو كتير،بيشدا لصدرو بقوة بعد لحظات بيرجع ببعدها ولسا ماسكها من كتافها عروة:نوار مين عمل فيكي هيك،مين اذاكي احكي نوار:...مابدي احكي هلأ بترجاك عروة:تمام متل متل مابتحبي،،تعالي نفوت نوار:عروة،بابا مابيعرف أني هون،إذا ممكن يصير مشكلة بينكم رح امشي عروة:لا خلص،مارح احكيلو..تعالي بتقعد بلصالة،كان بيتو عبارة عن شقة بلابراج العالية اخدها جاهزة لحتى يبقا فيها فترة شغلو بهلبلد عروة:رح فوت اعمل شي نشربو اعتبري حالك ببيتك بعد شوي بيجي ومعو كوبين نسكافيه عروة:تفضلي نوار:يسلمو... بعد وقت قصير من الصمت نوار:عروة أنا بعتذر علموقف يلي حطيتك فيه هلأ،بس صدقني مالقيت غيرك ألجألو وبنفس الوقت بابا مايشك أنو موجودة هون عروة بحنية:لاتحكي هيك،نوار لو مالك جاي لعندي ورحتي لمكان تاني صدقيني كنت زعلت نوار بتبتسم بس بعينها دمعة عروة:احكيلي صدقيني مارح تندمي،بس بتريحي قلبك شوي نوار جواتها:لو تعرف وجودك بقربي لحالو بيخلي قلبي مرتاح.. بعد شوي بتحكيلو عن علاقتها ب ديمة،وبتشرحلو شو صار اليوم سكت مصدوم ماطلع منو حرف،بتنزل دمعة من عينها بيرفع ايدو وبيمسحها بحنان نوار:أنا..تعبت من التفكير تعبت أنو عطول شك بلناس يلي حواليي بعد الكذبة يلي تلقيتها من اغلى الناس،هلأ ماعم اقدر صدق برجع بقول لا اكيد اهلي،والتحاليل اثبتت،تصرف أمي ديمة بهلطريقة عم يوجعني كتير حكتلي سيدرة أنو هيك طبعها،بس أنا وضعي غير،هية بهلطريقة عم تكسرني وخسرتني كمان عروة:اهدي،هلأمور كلها بتنحل بس المهم هلأ ماتتعبي حالك اكتر من هيك،عتبري وجودك هون فترة نقاهة طالعي كل الماضي ويلي صار من جواتك..ومابتطلعي من هلبيت لحتى تقرري يلي بدك ياه،وإذا بتفضلي تبقي لحالك بروح باخد غرفة بفندق نوار بلهفة:لا شو تتركني.. بينظرلها مستغرب نوار بأحراج:بقصد بخاف ابقا لحالي عروة:تمام ولا يهمك،شو رأيك اعمل شي خفيف لناكلو نوار:تمام بساعدك عروة:لا اليوم استراحة بكرا منبدا😄 بتبتسملو وبيروح بتحس بتعب وبتتسطح عطرف الكنبة وبتتكوم عنفسها بمكان تاني بفوت مالك علبيت وهو ساكت ديمة:مالك لقيتها؟وينها نوار بينظرلها نظرة جامدة ومابيجاوب سيدرة:شو صار بابا نحن خايفين عليها مالك:نوار بخير،عرفت مكانها بس تركتها ترتاح مراد:وين مالك:ماحدا رح يعرف وين بس رح ترجع بيوم بيتوجه عغرفة نوار بيفوت وبيتسطح عتختها.. منرجع للزمن لورا،قبل ساعة تقريباً بيوصلو اتصال من عروة مالك:أي عروة عروة:مالك لازم خبرك بشي بس لازم توعدني ماتتصرف إلا متل مابريد مالك:انا مالي فاضي للشغل،بنتي نوار مابعرف وينها عروة:هية عندي من شوي وصلت مالك:تمام سكر رح اجي فوراً عروة:لا مالك هية تعبانة وبحاجة للراحة تركها هلكم يوم،بوعدك تكون بأمان.. بيسكت مالك عروة:مالك واثق فيني؟؟ مالك:تمام،بس لازم تطمني عليها كل شوي منرجع للحاضر *يـــــــــ͢ـོ͓ـــتبــــــــــــــོـ͓ـــ͢ــ؏* ➖➖➖➖➖➖➖➖➖ *❴📖❵↵*تنسيق مشرفين مجموعة:* *❴📚❵↵*قصص وروايات عالمية📚💙* *❴💙❵↵*ننشر جميع انواع القصص والروايات العالمية* حـب💙. حـزن💙. اكشن💙. رعب💙. *❴👑❵↵*أن كنت من عشاق ومدمني القصص مكانك عندنا💙* *❴💙❵↵*رابط المجموعة للاشتراك:* ```https://whatsapp.com/channel/0029VaQogP17YSdATvOUwa1h```