آخر ماتبقى - الفصل 4 - مكتملة | روايتك

*قـصـص وروايـات عـالـمـيـة💙📚📖* *بإدارة* *يـامـن💙* *❴📖❵↵* *آخر.ماتبقى.tt* 🥺💔 *❴🔢❵☟الـــبـــــــــــ❴4️⃣❵ــــــــــــارت☟* ➖➖➖➖➖➖➖➖➖ *‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ *❴📖❵↵*تنسيق مشرفين مجموعة:* *❴📚❵↵*قصص وروايات عالمية📚💙* *❴💙❵↵*ننشر جميع انواع القصص والروايات العالمية* حـب💙. حـزن💙. اكشن💙. رعب💙. *❴👑❵↵*أن كنت من عشاق ومدمني القصص مكانك عندنا💙* *❴💙❵↵*رابط المجموعة للاشتراك:* ```https://whatsapp.com/channel/0029VaQogP17YSdATvOUwa1h``` ➖➖➖➖➖➖➖➖➖ لينا:راح؟ بتهز براسها رحاب:شو بلاقيكي فوراً اخدتي وجه عليه،ببساطة نسيتي مؤيد؟ لينا بتشد عأيد رحاب نوار:مستحيل انساه،هو أبي يلي رباني وكبرني وعلمني كلشي بهلحياة،انا رح انسا بس الناس يلي مابدهن ياني بحياتهن بيروحو وبترجع بتبقا لحالها كان مالك مبسوط،نسي كلشي وببالو شي واحد انو بنتو رجعتلو بآخر الليل بيبعتلا مسج:بكرا منروح علتحليل بعدها منتوجه لتشتكي ع محمود نوار:متل مابدك،بانتظارك مالك:انتبهي ع حالك يابنتي،لبينما تصيري عندي وبحمايتي بتسرح بحروفو،معقول حتى حروفو أمان؟؟ نوار:تمام..لاتشغل بالك تاني يوم بلشركة عروة:مالك بيك،حاسك مشغول هلكم يوم مالك:بصراحة أي مابخفي عنك موضوع عائلي وكتير شاغلني،عن قريب الكل رح يعرف فيه عروة:الله يجعلو خير مالك:بعرف عم حملك طاقة فوق طاقتك،بس انت كسبت ثقتي ببساطة وبعرف انك قد هلمسؤولية عروة:شكراً ألك مالك بيك،بلأذن.. بيطلع عروة وبيصير يفكر،مالك أبداً مو متل ماكان متوقعو،بلعكس انسان كتير منيح،وبدي يغير نظرتو تجاهو وبلفعل صار يحبو شوي وبيطلع مالك وبيتوجه عند نوار،بيتصل فيها لتنزل كانو آعدين بيفطرو لينا:يعني اليوم موعودين نوار:أي ليكو اتصل،لازم انزل مو حلوة خلي ينتظر كتير رحاب:أي أي مو حلوة،يلا ركدي طاقة الخير انفتحتلك،ورح تصيري من الاغنياء يانوار بتاخد نفس عميق وبتسكت،بتقول هو هلكم يوم بتتحملن لتشوف شو رح يصير بيروحو علتحاليل والنتيجة بعد اسبوع لتطلع،بعدها بيتوجهو ليشتكو ع محمود،بلفعل بيشتكو عليه بيجي محامي العيلة يلي لمالك،وبيساعدو كتير ببساطة بجيبو شهود من المنطقة وقت كان محمود عم يهرب من مالك،واجت لينا كمان شهدت بفترة اسبوع انقبض ع محمود،وصار وقت نتيجة التحليل بفيلا مالك محموعين ع سفرة الفطور ديمة:مالك،هلكم يوم يلي مرأو حاسستك مو عطبيعتك مالك:معك حق،واليوم رح تعرفو بكلشي سيدرة:أووه حمااس مراد:لك تضربي بلكي كان شي سيئ مالك:لا انشالله رح يعجبكن يلي رح تعرفو وهلأ بلاذن بيروح لعند نوار،وبياخدها عمركز التحاليل،بيستلم النتيجة وبيتطلع فيها مالك:بدك تحكي شي قبل ماافتحو نوار:بغض النظر أنو انا بعرف كلام عمتي صدق مالها مصلحة تكذب،ومشاعري تجاهك عنجد غريب وقوية وحاسة أنك ابي،بس بدي اعرف النتيجة بسرعة،هية يلي رح تجزم الأمور مالك:بتصدقي أنا مو هاممني،كمان مصدق كلشي صار،اكتر شي مصدقو احساسي يلي جواتي يلي بيقلي انك بنتي بيفتح الملف بهدوء،بيقرأ آخر سطرين.. عيون نوار عليه وعم تبلع بريأها بيرفع عيونو عليها بهدوء وبيتطلع نظرة غريبة.. نوار بتوتر:شو.. بتتحول ملامحو لفرحة من نوع آخر بسمة حنونة ولمعة بعيونو،وبيشدا لعندو بقوة في شي جواتها خلاها تفرح،شو بدها اكتر من هيك،بعد مااعتبرت حالها بلا حدا هلأ بدأت من جديد،ومع هيك أب ماعاد بدها شي من الدنيا بنوب،بتضمو بقوة بيبوسها من راسها:بنتي،انتي بنتي بتهزلو راسها وهية مبسوطة مالك:بعرف أنو لهلأ ماقدرتي تندهيلي بابا،بس عاذرك المهم هلأ طلعتي بنتي،كنت حاسس بهاد الشي نوار:بعتذر بس تأكد من جواتي حاسة بهلشي،وهلأ انا فرحانة كتير مالك:ياقلبي انتي،طيب يلا نمشي نوار:لوين؟ مالك:مابدك تشوفي عيلتك نوار:طيب لازم تحكيلهن بلأول،وبكرا بشوفهن مالك:انتي حاسة انو مارح يتقبلوكي،بس صدقيني رح يفرحو كتير..عكل حال اذا هاد يلي بدك ياه انا مارح ارفض نوار:يخليلي ياك مالك:لكن بوصلك علبيت وبروح فوراً بحكيلهم نوار:تمام بتوصل علبيت،وأول مابتفوت بتقرب لعندها لينا،طبعاً نوار لسا متدايقة من لينا بس محبتها ألها عم تمنعها تعاملها بأسا تطلعت لينا فيها،وعم تسألها بنظراتها عن النتيجة،ورحاب آعدة وراهن مع لؤي نوار:بنتو..طلعت بنتو(بتبتسم بفرحة) بتفرحلا لينا وبتضما رحاب:شو بلاقيكي مبسوطة،طبعاً وليش لاستغرب في حدا بيصحلو يكون من هي العيلة وبيرفض لينا:سمعي رحاب،لهون وبس ماعاد اسمحلك أنك تحاكيها بهلطريقة،عيب عليكي عملي شي منيح لتتذكرك فيه بيوقف لؤي وبعيونو دموع،وبس يصير مواجه لنوار لؤي:رح تتركينا وتروحي وجعها قلبها كتير،بتشدو لجواتها وبتضمو:مجبورة روح،من زمان وانا مكاني مو هون بس صدقني مستحيل انساك،انت اخي لؤي:بس هلأ صار عندك عيلة تانية وأخوة،أنا هلأ وحيد بلا اب وبلا اخوة نوار:سكوت لؤي مابسامحك اذا بتحكي هيك،ليش تخليت عني انت اخي لو مهما صار،ورح نبقا منتقابل وانت بتجي لعندي وين ماكنت،اهدا ياقلبي لاتوجع قلبي اكتر لينا:لؤي شب قوي ورح يتحمل كلشي،ورح تبقو اخوة شو ماكان بمكان تاني،كان عم يسوق وهو مبسوط،بنظرو ردة فعل عيلتو رح تكون ايجابية اكيد بيوصل علبيت،وبيطلب من الخادمة تنده للكل علصالة ليجتمعو وقت قصير والكل موجود آعدين بيتطلعو وفيه وهو واقف وبأيديه أورق ديمة:حبيبي طلبتنا،انشالله خير مالك:خير..بس بدي ياكن تهدو وتسمعوني للآخر سيدرة،ومراد:سامعينك بابا مالك:من شي عشر ايام تقريباً،أجت لعندي انسانة وطلبت تقابلني على انها بدها تحكي بموضوع عائلي،بلنهاية بتفاجأ وقت تحكي بموضوع صرلو ٢٣ سنة مضت،عن بنتي الأولى ديمة بترفع نظرها بعصبية بس بقيت ساكتة أما سيدرة ومراد لسا مافي ردة فعل مالك:حكتلي أنها...كان ألها بنت اخ وولدت بنفس اليوم بنفس المكان وكانت مريضة بمرض(،،،.) مراد:المرض يلي مرضتو اختي الكبيرة وبسببو توفت صح سيدرة:أي اي مالك:للأسف،هي الانسانة خافت ع بنت اخوها ولما سمعت أنو لازم ينقلوها على مشفى تكاليفو عالية،قررت أنو.. ديمة بتوتر:كمل،ليش سكتت مالك:بدلت بنت اخوها مع بنت عيلة غنية كرمال يقدرو ينقذوا البنت بتوقف ديمة من صدمتها أما سيدرة ومراد،اكتفو بنظراتهم لأبوهم ليكمل مالك:بيومها كانت هي العيلة متطرة تفوت عهلمشفى لأنو اقرب مشفى عمنطقة الحادثة يلي صارت معهم ديمة:بكفي..لاتكمل سيدرة:بفهم من كلامك أنو اختي عايشة،والبنت يلي ماتت مو من عيلتنا مراد بيوقف:هههه حلو كتير شو هلسيناريو الفظيع،كيف فاتت بعقلك هلقصة بابا،معقول؟اكيد عم يكذبو عطيهن شوية مصرات وطالعهن من حياتنا بيرمي مالك الأورق علطاولة:انا متلكن،شكيت بلموضوع ورحت شفت البنت ديمة:كمان؟ولهلأ ماعم تحكي مالك:كان لازم اتأكد سيدرة:بابا شو احكي بسرعة مالك:عملنا التحاليل،وليكها النتيجة مراد بتتعب اعصابو بيسحب النتيجة بيفتحا وبيقرأها،ومن الصدمة بتنزل الأوراق من ايديه ديمة:شو؟ مراد:النتيجة متطابقة تماماً سيدرة بتضحك بصدمة وبتحط ايدها عتمها،بتقرب ع أبوها وبتضمو وهو بيفرح كتير أما ديمة ومراد واقفين بيتطلعو فيهن مالك:شو؟مافرحتو سيدرة:ماما أكيد مصدومة،بس متأكدة عم تنتظر اللحظة لتشوف بنتها البكر وتضمها لقلبها ديمة بتطلع بسيدرة،بعدها بتوجه نظرها لمالك وهو بينزل راسو علأرض مراد:مستحيل،أنا هلقصة مو ظابطة معي ماتقبلت القصة مالك:شو يعني؟عم قلك عندك اخت تانية مراد:عندي اخت وحدة بس وهية سيدرة(بيتركهم وبيمشي) مالك:مراد..(بس مابيرد عليه) سيدرة:معلش بابا بيكون مصدوم بيتطلع مالك ب ديمة وعم يلومها بردة فعلها سيدرة بتقرب ع أمها وبتضمها بفرح:ماما اختي عايشة،بعرف انك فرحانة كتير ديمة بتبتسم،وبتحاول تطلع من الصدمة:اي ياقلبي..فرحت كتير بس لسا مصدومة سيدرة:تركو مراد علي بتروح وبتتركهن سوا،بيتطلع مالك بديمة وهية بتتركو وبتركد عغرفتها،بيلحقها مالك:ديمة..بترجاكي لاتكوني حساسة هلقد ديمة:تمام..رح اهدا بكرا بتقبل كلشي مالك:بعرف انك قوية،وانو هلموضوع كتير بيأثر فيكي،تتذكري كيف عاملتي يلي عأساس بنتنا هلكم شهر،هلأ اعتبريها هية وعامليها بذات المحبة..بتقدري؟ ديمة بتهز براسها بإيجاب مالك:وانا واثق من قلبك الطيب،وواثق رح تحبيها كتير بتقرب وبتضمو بقوة بيمرء اليوم ونوار مابيجيها نوم،عم تفكر كتير بلموضوع عندها تخوف كبير من فرق المستوايات،مع أنو ابوها ماحسسها هيك بنوب والصبح،بتصحا ع رنة التلفون مالك:صباح الخير ياعمري نوار بابتسامة:صباح النور مالك:كيفك،صحيتك من نومك صح،بس بصراحة ماقدرت نام منيح وقلت بحاكيكي لتجهزي نفسك،حابب تبدي يومك مع عيلتك نوار بتوتر:تمام،عم انتظرك بتسكر وبتقوم بتجهز نفسها،هية رتبت كم شي لازمها بس خجلت تاخد كلشي حالياً،بتطلع بتلاقي لينا عم تجهز الفطور لينا:حبيبتي صحيتي بكير نوار:بابا..(وبتسكت) بتقرب لينا:ليش سكتي ياقلبي،معك حق هو ابوكي،قوليها لاتمنعي نفسك بما أنك حاسة فيها بتبتسملا،كان في غصة جواتهن،لينا كتير خايفة من الفراق ونوار نفس الشي بتطلع رحاب،بتطلع ب نوار بحزن لينا:تمام منفطر سوا نوار:اوك مع انو حكالي شوي ورح يجي لؤي بيطلع من غرفتو:صباحو..شو العيلة متجمعة بتقرب نوار وبتضمو وهو بيحس انها عم تودعو،لهيك بيضما بقوة وبيبكي هلشي ماقدر يخلي رحاب لسا قوية،بلعكس كسر قلبها كتير،ذكرها بكل السنين يلي مضت،ذكرها كيف حملت نوار بين ايديها من أول يوم بعمرها،اول حدا ندهلا ماما،ماقدرت تتحمل ونزلو دموعها،بتنتبهلا نوار ورحاب بتروح عغرفتها.. نوار بتبتعد لؤي وبتلحق رحاب،بتدق عليها الباب وبتفوت بتلتفت رحاب علجهة التانية لحتى ماتشوف نوار دموعها بتقرب نوار وبتقعد جنبها ولسا رحاب بارمتلا ضهرا نورا:٢٢ سنة وانتي جنبي،كنتي حنونة كتير وتدافعي عني وتوقفي جنبي،ربيتيني عكلشي منيح..بس الظروف ماتركتنا بحالنا،يلي صار معنا شي غريب بس هيك القدر،مابعرف شو السبب يلي قلبك عليي فجأة،مابظن كان كره،بس جواتك ماتقبلتي وكل انسان ألو ردة فعل..بس بلنهاية هيك صار ومامنقدر نغير شي..بدي ياكي ترجعي متل ماكنتي مع لؤي،هو لازمو حنان مضاعف بعد غياب بابا مؤيد بدي ياكي تتذكريني بلسنين الحلوة يلي مضت سمحي لنفسك ترجع متل ماكانت..ماما لتفتي عليي خليني شوفك قهر كبير جواتها بتطلع صوت شهقتها،نوار بتحس بهلصوت رمت كلشي زعل جواتها تجاه رحاب،شافتها أمها الوحيدة يلي الظروف كسرتها،بتضمها من خلفها وبتسطح راسها عضهر رحاب نوار:مستحيل انسا كل الحنان يلي قدمتيلي ياه،كنتي أمي الاولى ورح تبقي،ويلي صار رح اعتبرو سوء تفاهم أو غضب أم..لأنو غضب الأم مو من قلبها وبيتبخر بسرعة بتلتفت رحاب عليها وبتضمها بقوة:سامحيني..سامحيني يانوار مابعرف ليش قسيت عليكي كنت انانية كتير،لما عرفت بيلي صار ماتقبلتك بحياتنا،نقهرت من لينا كتير لأنو ماسمحتلي عيش مع بنتي الحقيقية لو حتى هلكم شهر يلي عاشتهن،طالعت قهري فيكي وظلمتك نوار:الأم مابتظلم بنتها،متل ماتحملتيني سنين طويلة،أنا تحملت واكيد رح سامح وانسا بيوم رحاب:تمام،بس ابقي عم تتواصلي مع لؤي خايفة عليه كتير نوار:بوعدك مااتركو لحالو،بس كمان انتي تقربي منو ولاتتركيه،مسحي دموعك بعرفك اقوى من هيك رحاب:تمام،ربي يوفقك بحياتك بتقوم لتمشي من الغرفة رحاب:بعرف أنو كلامي مالو لزوم،وانتي رايحة لعيلتك الحقيقة،بس مع هيك،لاتنسي انو بيوم كنتي بنت هاد البيت،وهو مفتوح ألك ايمتى مابتحبي بتبتسملا بعدها بتطلع،بتودع اخوها،بتودع لينا يلي كانت منهارة لينا:سامحيني يانوار،انا سبب كلشي نوار:مستحيل اطلع من هلبيت ومالي مسامحة حدا،انا مسامحتكن كلكن،لاعاد تبكي بترجاكي لينا:خايفة..خايفة كتير ماعاد شوفك نوار:مستحيل حتى لو ماقدرتي تجي رح نتقابل واجي لعندكن مستحيل تخلصو مني بعدها بيرن تلفونها وبتطلع نظرة أخيرة علبيت وبتمشي،بتركب بلسيارة وهو مخبية دموعها وحزنها ببسمة بس مالك فوراً بينتبه مالك:رح تكوني مع عيلتك الحقيقية،وايمتا مابتحبي بتقدري تشوفيهن نوار:بعرف..بس بيبقو عشرة عمر وكانو عيلتي مالك:اكيد ياعمري بيمسح عراسها وبيقلا:جاهزة لتقابلي عيلتك الحقيقية بتهز راسها بإيجاب وبيمشو بيوصلو عهلبيت الكبير يلي من بوابو باين اديش صاحبينو اغنياء،بتبلع بريئها وبتقول جواتها:يارب قويني بيمسك بأيدها وبفوتو سوا كانت العيلة مجموعة بلصالون وكل واحد سارح بأفكارو بهدوء تام بيسمعو صوت خطوات مالك،بيرفعو راسهن علباب بيلاقوه ماسك بأيد هلبنت،وصارو يتفحصوها أما هية،عم تدور بعيونها ع نظراتهم بدها تعرف اذا متقبلينها أو لا من اول لقاء.. بعد ثواني من الهدوء بتقوم سيدرة وبتقرب لعندها بابتسامة سيدرة:كيفك..(بتمد ايدها وبيتصافحو) نوار ببسمة:تمام بخير،انتي كيفك سيدرة:انا كتير فرحانة،بتسمحيلي ضمك بتقرب نوار فوراً بتضمها بقوة وبتغمض عيونها لتحس بهللحظة سيدرة:هههه وأخيراً صار عندي اخت،مراد ليك اجا حدا يصير اكبر مني هههه مالك بيتطلع بديمة وبيطلب منها بعيونو تتصرف بهدوء بتقوم ديمة لعندها وبتبتسم،بتنزل دمعة من عينها ماحدا بيعرف سببها سيدرة:هي ماما،يعني أمنا بتفرح نوار من قلبها،أم..يعني أم حقيقية مشاعر حقيقية وماعاد في كذب،بتحس بقلبها انقبض،مابتنتبه إلا قربت خطوتين وضمتها لديمة بترفع ديمة ايديها وبتضمها بقوة،بتشم ريحة نوار بعمق وبتسمح لدموعها تنهار بلكامل بيبقا مراد،بيقرب لعندهن مع أنو مو حابب كلشي عم يصير نوار بتمسح دموعها:انت مراد صح بيهز براسو:أي.. بيصافحها ببرود وبيمشي سيدرة:هههه بدك تتحمليه مراد كتير زنخ نوار:هو أخي اكيد رح اتحملو وهون مالك بيسحب بناتو لحضنو ببوسهن من راسهن وبيقلن:الله يخليلي ياكن بيتطلع بديمة وبيغمزها مع نظرة حب،لحتى يهديها،بتبتسم وبتوميلو أنو كلشي تمام بيقضو اليوم سوا،بيحكو كتير واكتر شخص كان عم يحكي سيدرة،شوي ورح تخلص كل قصة حياتها سيدرة:طيب قوليلي انتي شو بتحبي تعملي نوار:أنا بحب الورد،وبحب اهتم فيه كتير،كان بابا..مؤيد الله يرحمو ياخدني ع حديقة كتير حلوة وفيها ورود كتيرة ويعرفني ع اسمائهن كلهن سيدرة:حديقتنا كبيرة،فيكي تعملي يلي بتحبيه نوار:ياعمري،مو مهم بس هيك بحب الورد مالك:من بكرا رح احكي مع البستاني يلي بيهتم بلحديقة ليجهز مكان حلوة تقدري تزرعي كلشي فيه نوار:لاصدقني مافي داعي تتعذبو كرمالي ديمة:نوار انتي صرتي مننا وفينا،لاعاد تفكري غير هيك،ومن حقك تعملي كلشي بتحبيه بتفوت الخادمة:ديمة خانم،الغرفة صارت جاهزة ديمة:تمام شكراً ألك سيدرة:يلا تعالي آخدك لتشوفي غرفتك،هههه اخترتلك ياها بنفسي لتكوني قريبة مني مالك:رح اخدها أنا لنوارتي بتتذكر نوار هلكلمة،كان يقولها أبوها مؤيد،خبت الوجع جواتها وماظهرت لحدا سيدرة بنبرة مزح:أيوا أيوا اكيد مراد افندي ضربني عين لحتى دلالك ألي خلص ولقيت غيري تدللها نوار:هههه لا شو هلحكي انتي الأصل ديمة:سيدرة حاجتها دلال،انتي من حقك تاخدي كلشي هلأ،لنعوضك عن يلي مضا نوار:وجودكن حوليي هو يلي بيعوضني بتروح نوار هية ومالك علغرفة مالك:عجبتك؟الاثاث مو عزوقك فيكي تغيري ايمتا مابتحبي نوار:كتير حلو ورايئ ماتتعذب مالك:اول شي مو عذاب،تاني شي بدي منك تتعاملي براحة اكتر نوار:تمام بيضمها وبيروح،بتغير تيابها،وبتتسطح بتختها الدافي بتاخد نفس عميق وابتسامة هادية وبتغفا فوراً وعهلحال بتمرء الأيام،مراد ماعم يقدر يتقبلها مابيعرف السبب أما بلطرف التاني ديمة ماتقبلت أنو نوار مو متعودة ع عاداتهن وتقاليدهن،وأهم شي عندها حالياً تغير نوار لتقدر تدمجها مع مجتمعهن الراقي وهون بلشت المعاناة عند نوار،وابسط شي لما تقعد مع عيلتها ع سفرة الأكل،كان ألهن هدوء خاص،وكان من عادتهن ياكلو بلشوكة والسكينة،وهية مالها متعودة،طول مابتاكل بتكون متوترة بتتصرف بعفوية وهلشي عم يدايق ديمة أول شي عملتو ديمة،أنو اخدتها وتسوقو لبس جديد،حددتلا ستايل خاص بيناسب العيلة وبدأت تنبها عتصرفاتها،وكأنها طفلة صغيرة هلشي عم يحسس نوار انها مختلفة عنهن بس عم تتحمل،وتتقبل رغبات أمها مالك متدايق من هلشي وعطول يطلب من ديمة تخف عليها بدون فايدة وبليلة،سمعت نوار صوت من غرفة سيدرة،قلقت عليها وطلعت لعندها دقت الباب سيدرة:تفضل نوار:انتي منيحة مراد:أي منيحة شو بدك نوار عم نتناقش انا واختي سيدرة:خلص النقاش،يلا طلاع من غرفتي ولاعاد تحاكيني بنوب مراد:انتي انانية ومابتفكري فيني بنوب ولا بتتفهميني بيترك الغرفة وبيروح نوار:انتي منيحة؟ سيدرة:أي بس يمكن جرحتو واتهمتو انو هو بلا احساس نوار:أنا رايحة حاكيه بتلحقو بيكون طلع علحديقة نوار:مراد،فينا نحكي مراد:حابب ابقا لحالي نوار:طيب اعتبرني مو موجودة مراد:شو رح تستفادي بوجودك،بدك تعملي عليي الاخت الكبيرة هلأ نوار:لا مو هيك،بتعرف اصدق علاقة بين شخصين يلي بيبقو مع بعض وقت الصمت،وبيسمعو لصمت بعضهن مراد:شو هلفلسفة نوار:مش فلسفة،بس وقت تكون متدايق ومو طايق تحكي،بتحتاج حدا جنبك بس بدون ماتحكي المهم يحس فيك مراد:يعني انتي هلأ رح تحسي فيني نوار:لو مامنعرف بعض إلا من كم يوم،بس منبقا أخوة ومن نفس الدم لهيك اكيد رح حس فيك مراد:انتو البنات كيف بتفكرو نوار:بطريقة فظيعة جداً،لدرجة أوقات بحس حالي مختلة مراد:أوف واخيراً بنت عترفت انكن مجانين نوار:هههه لك مو عطول،أوقات معينة مراد:تمام..بدك تساعديني؟ نوار:بتمنى مراد:قوليلي بتعرفي الحب منيح؟ نوار:ماجربت الحب يلي بسمع عنو بين شب وبنت القوي يلي فيه مشاعر قوية،كنت بيوم مفكرة حالي بحب بس طلع الحب اقوى وانقى مراد:طيب،الحب بيجي بلأجبار شي؟ نوار:مستحيل مراد:لكن بتروحي بتفهميا لهلمختلة أنو مابتقدر تحددلي الانسانة يلي رح حبها لو حتى هديك البنت بتحبني نوار:اهدا شوي،اذا الموضوع هيك اكيد معك حق مراد:بعرف بس سيدرة عم تضغط عليي لأنو اغلى صديقة عندها بتحبني،وبدها ياني اتقرب منها مع أنو مابحبا نوار:كيف رفيقتها يعني هية اكبر منك؟ مراد:لاا هية سيدرة بتصاحب كتير بنات من مدرستها حتى يلي اصغر منها،وهي البنت معي بلصف بمدرستي الخاصة كانت صديقتها ل سيدرة قبل ماتروح علجامعة نوار:تمام،فهمت القصة،بتسمحلي اتدخل مراد:اذا بتقدري تحلي الموضوع اكيد بسمحلك وبتمنى نوار:خلص اعتمد عليي بيبتسمو لبعض وبتروح نوار فوراً عند سيدرة،مع أنو هية بنت عنيدة بس نوار كانت بتقدر تقنع الناس بطريقتها اعدو ساعة مع بعض،بعدها فتحت الباب وطلعت،شافت مراد بوجها مراد:شو؟اكيد ماقدرتي تغيري عقلها سيدرة راسها متل هلحيط سيدرة من جوا غرفتها:سمعتك ولاك،لك حترمني انا اكبر منك مراد:عفكرة الكبر مو بلعمر،الكبر هون بلراس بلعقللل وانتي عقلك كتير صغير بتهجم عليه سيدرة:انا بفرجيك يامراد الحق عليي اقتنعت بكلام نوار نوار بتمسكها وهية عم تضحك:لك بس يامجنونة،خلصنا *يـــــــــ͢ـོ͓ـــتبــــــــــــــོـ͓ـــ͢ــ؏* ➖➖➖➖➖➖➖➖➖ *❴📖❵↵*تنسيق مشرفين مجموعة:* *❴📚❵↵*قصص وروايات عالمية📚💙* *❴💙❵↵*ننشر جميع انواع القصص والروايات العالمية* حـب💙. حـزن💙. اكشن💙. رعب💙. *❴👑❵↵*أن كنت من عشاق ومدمني القصص مكانك عندنا💙* *❴💙❵↵*رابط المجموعة للاشتراك:* ```https://whatsapp.com/channel/0029VaQogP17YSdATvOUwa1h```