آخر ماتبقى - الفصل 2 - مكتملة | روايتك

*قـصـص وروايـات عـالـمـيـة💙📚📖* *بإدارة* *يـامـن💙* *❴📖❵↵* *آخر.ما.تبقى.tt* 🥺💔 *❴🔢❵☟الـــبـــــــــــ❴2️⃣❵ــــــــــــارت☟* ➖➖➖➖➖➖➖➖➖ *‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ *❴📖❵↵*تنسيق مشرفين مجموعة:* *❴📚❵↵*قصص وروايات عالمية📚💙* *❴💙❵↵*ننشر جميع انواع القصص والروايات العالمية* حـب💙. حـزن💙. اكشن💙. رعب💙. *❴👑❵↵*أن كنت من عشاق ومدمني القصص مكانك عندنا💙* *❴💙❵↵*رابط المجموعة للاشتراك:* ```https://whatsapp.com/channel/0029VaQogP17YSdATvOUwa1h``` ➖➖➖➖➖➖➖➖➖ كانت لينا عم تبكي وعيونها بلأرض،ونوار عم تطلع فيها بصدمة.. دقايق وبيكونو قاعدين كلهن بلصالة،ولؤي اجا ليسمع القصة لينا:من قبل شي ٢٧ سنة تزوج أخي من انسانة بحبها وهية رحاب،بعد فترة كتير قصيرة اكتشفو مرض عند رحاب بخصوص الحمل،هية حملت وكان حملها ضعيف لهيك انجبرت تأجهض وبلشت علاج،بس للأسف رجعت حملت واجهضت تقريباً بقيو عهلحالة ٣ سنين وحملت رحاب للمرة الرابعة،حكتلها الدكتورة أنو اذا بتأجهض هلمرة ممكن ماترجع تحمل بنوب،بسبب تكرار الأجهاض،كان أملهم بالله كبير،استمر الحمل فرحة مؤيد كبيرة،لما تعدت أول شهور حملها الخطيرة،كانو طايرين من الفرح،طبعاً بتعرفي علاقتي أنا ورحاب اديش قوية،لأنو كنا رفقات من قبل ماتصير زوجة أخي،كلو تمام والحمدلله الطفلة وضعها منيح،وحان موعد الولادة.. فلاش بااك💙 كان مؤيد متلبك كتير،ولينا عم تجهز رحاب ليروحو علمشفى، ورحاب عم تتألم لينا:اهدي حبيبتي،فكري بشي واحد،رحاب بعد كم ساعة رح تحملي بنتك بين ايديكي بيقرب مؤيد وبيمسك ايدها:عمري رحاب،بترجاكي كوني قوية،نحن رح نصير عيلة،رح يصير عنا بيبي بيوصلو علمشفى وبتمرء الساعات وبتولد رحاب رحاب بتعب:مؤيد،وين البنت؟ليش ماجابوها لهلأ مؤيد:رحت لعندهم وقال لسا بدن يعملولا فحوصات رحاب:بترجاك قلي من هلأ،بنتي فيها شي؟هية عايشة؟ مؤيد بنظرة قهر بيتطلع بأختو والدمعة بطرف عينو عم يخفيا:عايشة بنتنا عايشة شوي وبجبلك ياها بتطلع لينا ومؤيد من الغرفة مؤيد:لينا بنتي وضعها مو منيح،اثناء الولادة تعرضت للخطر خايف عليها كتير لينا:اهدا وفوت لجوا وانا رح روح اسأل عنها بتروح لينا عقسم الحضانة،وبتدور عشي ممرضة لينا:لو سمحتي الطفلة بنت رحاب الهاشم وينها الممرضة:هية مابيصير تطلع من هون بس شوي كمان،للأسف وضعها نوعاً ما خطير لينا:كيف يعني فيكي تشرحيلي؟ الممرضة:رح يجي دكتور الاطفال ويحكيلكن،وممكن تضطرو تاخدوها عمشفى مختص اسمو(...) لينا ببالها بتفكر،هاد مشفى كتير صعب يدفعو تكاليفو،يعني مستحيل يقدرو لينا:طيب فيني آخدها وشوفها بس الممرضة:لا،هية بسريرها مكتوب اسمها عليه،مافيني اعطيكي ياها هون ولسا لازم حطلها اسوارتها يلي عليها اسمها بعد شوي بجبلكن ياها بالسرير عغرفتكن لينا:فيني انتظر هون واخدها معك الممرضة:تكرمي الافكار عم تاخدها وتجيبها،كيف هلخبر رح يوقع ع رحاب ومؤيد،يمكن يجن اذا بيصيبها شي بنتو،عدا عن هيك أكيد مارح يقدر يعالجها بهيك مشفى وهو مامعو ولا جزء من هلمبلغ يلي رح يطلبوه وقت قصير،وبتجي الممرضة،عم تسحب سرير الطفلة،بيمشو سوا متجهين عغرفة رحاب فجأة بيسمعو صوات ضجيج وناس عم تصرخ عبعضها بيوقفو عند الغرفة،بتطلع صبية حاملة طفلة بس عم تبكي كتير هلصبية،يادوب لينا بتلمحا،بتعطي الطفلة للممرضة وبتركد،جوا بلغرفة في مرة متسطحة علتخت عم تحاول تقوم وزوجها عم يمنعها،وهية عم تبكي وتصرخ فجأة بتنهار وزوجها بيستنجد بأي شخص،الممرضة بتعطي الطفلة ل لينا وبتفوت لعندو هلأ،بأيد لينا الطفلة الغريبة وبلسرير بنت أخوها،في سرير تاني فاضي اكيد لهلطفلة الغريبة،بتقرأ الاسم،اسم هلعيلة معروف جداً من اغنى العائلات بهلبلد،افكار كتير بتخطر عبالها بتغمض عيونها بأسى وبتهمس:سامحني ياربي بتطالع بنت اخوها من سريرها وبتحطها بسرير التاني،والطفلة الغريبة بتحطها بسرير بنت أخوها باختصار تم تبديل البنتين وهون بيجي الدكتور،وبتطلع الممرضة الممرضة:بعتذر،بس المريضة انهارت تماماً لينا بتوتر:ولا يهمك الممرضة بتطلع عاسم بنت رحاب وبتقول:تمام رح حطلا اسوارتها بأيدها يلي عليها اسمها،وفيكي تاخديها هلأ انا رح اهتم بلطفلة التانية لينا:تمام بتسحبها وبتتوجه عغرفة رحاب وطول الطريق دموعها عم ينزلو وجواتها عم تقول:سامحني ياربي،اكيد هلعيلة رح تأنقذ بنت اخي عودة للحاضر نوار بصدمة:شو؟انتي شو عم تحكي؟معقول يلي عملتيه؟ لينا:صدقيني غصب عني،بعدها مرت السنين وماعاد قدرت اعترف،لبينما انخطبتي قلت لازم اهلك يعرفو نوار:كتر الله خيرك،عنجد شكراً ألك،لك انتي شو؟ماعندك احساس لينا:وربي مابعرف كيف تصرفت هيك،بس ماكان في عقل براسي نوار:كيف هيك شو هلاستهتار هاد؟معقول مافي حدا بلمشفى بينتبه لهيك غلط لينا:ماكان في وعي بهديك الأيام،وبالمشفى ماكانو حريصين لهلدرجة رحاب:بس كيف هيك؟ليش هلعيلة يلي من اغنياء البلد يجو عهيك مشفى مش خاص لينا:كان هلمشفى تجيه حالات اسعاف لأنو بوسط البلد،الكل يجي عليه بعدين ينقلو عمشفى تاني،والظاهر هلمرة اجت بحالة اسعافية كانت نوار مصدومة وماعم تتحرك،بتقرب منها عمتها لينا:بترجاكي فكري منيح،وفكري بيلي حكيتو ووضعي بهداك الوقت،بتمنى تقدري تسامحيني نوار:لاتلمسيني،حاسة حالي بحياتي ماعرفتك،تركوني لحالي رحاب:بنتي.. نوار:لاتقولي بنتي،لك انا مو بنتك،وماقدرتي تتقبلي بعد ماعرفتي انو مش بنتك،نسيتي انك ربيتيني هلعمر كلو،وبس اقتنعتي اني غريبة عنكن لينا:نوار انتي هلأ منهارة ولازم تبقي لحالك بس كمان لاتنسي أنو نحن منحبك مابترد عليهن بتلتفت علتخت وبتدور عموبايلها،بتسحبو وبتتصل نوار:ألو محمود... محمود:أهلين نوار،شو نوار:محمود،تعال خدني من هون بترجاك رحاب:لك شو عم تعملي جنيتي محمود:كيف يعني؟شو صار نوار:تعال بعدين منحكي محمود:طيب بسكرو التلفون لينا:نوار شو بدك تعملي انتي؟ نوار:ماحدا خصو فيني،تركوني بحاليي بيطلعو وهية بتبدل تيابها رحاب:لينا شو بدها تعمل هلبنت لينا:مابعرف،الله يستر رحاب:شو رح نعمل نحن لينا:انا صار لازم روح وقابل عيلتا،الحقيقة لازم تظهر عند الكل رحاب:اخ ياربي رح جن شوي وبيوصل محمود،بتطلع معو نوار وبيروحو عمكان هادي بلشارع وفاضي نوعاً ما وبيبقو بلسيارة محمود:شو صاير؟ نوار:محمود أنا بدي اترك البيت محمود:كيف؟مافهمت نوار:اليوم عرفت أنو انا.. محمود:احكي انتي شو نوار:أنو مالي بنت هي العيلة محمود بصدمة:شو؟انتي شو عم تقولي؟ نوار:متل ماعم قلك محمود:ومن ايمتا بتعرفي وعم تخبي عني نوار:انت جنيت؟عم قلك اليوم عرفت محمود:يعني انتي مابتعرفي امك وابوكي؟ومابتعرفي كيف جيتي عهلدنيا؟ نوار:شو قصدك محمود،انت بشو عم تفكر هلأ؟معقول راح مخك عهلموضوع محمود:كيف بدك تعرفي مين عيلتك نوار:لك ماعم تعطيني فرصة كملك الحكي،هاد كل همك؟انك تعرف اذا بنت من علاقة شرعية أو لا.. محمود:نوار استوعبي الوضع،يعني انا هلأ خطيبك وبعد فترة رح نتزوج وبدك مافكر هيك نوار من صدمتها بتسكت وماعاد يطلع معها حرف محمود:فهمي عليي،انتي جاية تخبريني خبر صادم،انا مابعرف شو عم يتخطرلي احكيلي كلشي بتعرفيه نوار:ليش تركتلي فرصة احكي؟كنت شادة ضهري فيك وتركت البيت لأجي معك عأساس تحميني بس خسارة محمود:شو؟انتي جنيتي كيف يعني تتركي البيت،نحن بس مخطوبين نوار:رجعني علبيت محمود:نوار الواحد لازم يفكر.. نوار:عم قلك رجعني علبيت،ماعاد بدي اسمع ولا حرف وقت قصير وبتفوت نوار،بكونو رحاب ولينا عم ينظروها بلهفة رحاب:نوار رجعتي،الحمدلله نوار:مجبورة،كان في احتمالين،ياأما الشارع ياأما هلبيت،يلي عشت فيه سنين طويلة وانا مفكرة حالي من أهلو لينا:انتي بنت هي العيلة لو شو ماكان بتتركهن وبتفوت علغرفة،كانت ليلة من اصعب الليالي بحياتها بمكان تاني،بشركة من اكبر شركات التجارة بلبلد،آعد رجال ورا مكتبو الفخم،كان معبي مكانو بقوة،صحي عمرو بلخمسينات بس مهتم بمظهرو جداً،الشيب يلي بشعرو عاطيه وقار وشخصية قوية،مدموج بلأوراق يلي قدامو،بيرفع نظرو بيلاقي صورة عطرف مكتبو،يلي مكونة من عيلتو الصغيرة،مرتو(ديمة)وبنتو(سيدرة)يلي دوبها طبقت ال ١٩ سنة،أما ابنو (مراد)فهو يادوب بعمر ال ١٧ سنة بيبتسم ابتسامة محبة ورضا،بتزيد ملامح وجهو جاذبية،فجأة بيندق الباب مالك:تفضل المساعدة:مالك بيك،استاذ عروة صار برا،صاحب شركة(نيرا) مالك:تمام،خليه يتفضل لنشوف شو هلشركة وشو العرض يلي رح يقدمو بيفوت شب طويل،شعرو اسود كثيف آخدو عطرف بطريقة انيقة،بشرتو حنطية وعيونو سود،مهتم بأناقتو بس لون لبسو كلو أسود..🖤 عروة:كيفك مالك بيك تفاجأ مالك من صغر سنو،اكيد بمنتصف العشرينات،بس كيف مستلم هيك شركة بهلعمر،سمع انها شركة صخمةولسا جديدة مش قديمة مالك:أهلاً استاذ عروة،تفضل عروة:شكراً ألك.. بتفوت المساعدة ومعها كوبين قهوة،وهية عم تحطلو فنجان القهوة،بتنتبه لجمالو وجاذبيتو لعروة ماعاد تقدر تطلع من المكتب حتي مالك:شكراً ألك تالا فيكي تمشي عروة:مابدي اشغلك كتير مالك بيك،أنا جاية لهون كرمال شراكة بين شركتي وشركتك،صراحة انا شايفها رح تكون مفيدة كتير ألي والك مالك:تمام،خلينا نحكي شوي عن شركتك،حضرتك انت يلي عملتها ولا كيف عروة:ممكن تستغرب شوي من عمري الصغير،بس قدرت حقق هلنجاح بوقت قصير،وطبعاً ابي كان الداعم الكبير ألي معنوياً طبعاً مالك:ايواا،حلو كتير،والدك كان بشتغل شي بهلمجال؟ عروة:أبي بيكون غسان الأحمد بيرفع نظرو مالك مصدوم،ماعم يصدق،معقول ابن غسان الأحمد شب وهلأ قدامو عروة:شو؟في شي؟انت بتعرفو لأبي؟ مالك:أ..بصراحة أي الاسم مو غريب عروة:أي..مو غريب بنوب أبي غسان كان صديقك بلجامعة صح،هيك حكالي مالك بيتوتر،وبيمسك قلم بيصير يلعب فيه ليخفف التوتر مالك:أي،كنا اصحاب بس هو سافر وفرقتنا الأيام عروة بنظرة مستفزة:مو الأيام يلي بتفرق.. مالك:فيك تحددلي انت هون هلأ كرمال شغل ولا كرمال الماضي عروة:أكيد مشان الشغل مالك:تمام،لكن رح نتشاور أنا ومساعديني وبحاكيك عروة:تمام،بلأذن تشرفت بمعرفتك مالك بيك مالك:وانا كمان.. بيترك المكتب وبيطلع عوجهو ابتسامة جذابة،أما مالك،بيقعد علكرسي وبيصير يفكر ويعيد الماضي فلاش بااك💙 بيسافر مالك بشغل من شي عشرين سنة،وبيتقابل مع هلانسانة،((نيرا))كانت ماشية ومبسوطة ماسكة بأيدو ولد،وبلأيد التانية ماسكة أيد صديقو غسان لما بينتبهولو بيقربو وبيسلمو،تصرفت بشكل طبيعي وكأنو الماضي يلي كان بينهن اختفا وتبخر عروة:ماما ماما،بدي آيس كريم نيرا:اوك يلا تعال معي بتاخدو وبتمشي،ونظرات مالك عم تلاحقها بخيبة أمل غسان:وقت قصير،قدرت ابني يلي انت هدمتو مالك:هيك نصيبي غسان:انت يلي عملت بأيدك.. مالك:مارح نرجع نعيد الماضي (ياترى شو مخبي الماضي؟وشو توقعاتكم للقصة؟) عودة للحاضر مالك:شو يلي عم يصير؟الماضي عم يرجع،ورح يصير حاضر؟؟ بتمرء الأيام عهلحال،أما عند نوار وعيلتها الوضع مو تمام،بعدت عنهن كتير،ومحمود اول فترة بعد عنها،وهية نقهرت كتير اجا وعرف باقي القصة من لينا،وتغير موقفو وصار يتقرب من نوار ليرجع علاقتهم بس هية تعبانة وماعم تحب تحكي بلموضوع بلأخص أنو محمود كان رح يتخلا عنها ببساطة محمود بيقول لنفسو:مستحيل اخسرها،بلأخص هلأ رح تكون بنت عيلة من اغنياء البلد،رح تكون ألي وقبل ماتروح عند عيلتها الحقيقية،لأنو اكيد مارح يرضو فيني هداك الوقت بيبقو فترة وبيقدر يرجعها ألو،وبيتفقو انو يتزوجو بأقرب وقت،ومحمود رح يشوف وضع الشقة يلي كان رح يستأجرها بعمارة أهلا أما لينا،أخدت القرار،ورح تروح وتقابل أبوها لنوار،مالها خايفة هلمرة من أي شي حتى لو سجنها،الأهم عندها تصحح غلطها بتتصل ع شركة مالك،وبتاخد موعد وتاني يوم بتكون ناطرة بلمكتب قبل الموعد كمان المساعدة:تفضلي ياخانم مالك بيك بانتظارك.. لينا قلبها بينبض بسرعة:شكراً بتفوت بخطا بطيئة رجل لورا ورجل لقدام مالك:أهلاً ياخانم،تفضلي.. بتقرب لينا وبتوقف قدام المكتب عيونها بلأرض وماسكة ايديها ببعض مالك:احم..قالتلي المساعدة انو بدك تحكي معي بموضوع مهم وعائلي،تفضلي رتاحي واحكي لينا:شكراً،بس بصراحة مو عارفة من وين ابدا بتأعد علكرسي يلي مقابلو مالك:طيب رح حاول ساعدك،جاية كرمال ابني مراد ولا بنتي سيدرة؟ لينا:لا..مو هيك الموضوع مالك:لكن؟؟ لينا:سمعت انك انسان طيب القلب ومابتظلم،بتحب الخير،وحليم...بتمنى الموضوع يلي رح احكيه ماتاخدو بعصبية وهون بدأ مالك يحس بجدية الموضوع وقرب علمكتب وحط ايديه عليه وشبكهن مالك:بوعدك ابقا هادي،لو شو ماكان لينا:قبل سنين طويلة،تقريباً ٢٣ سنة،انا مالي غير اخ وكنت عايشة معو تزوج بس زوجتو كانت مريضة(سردتلو شوي من حياتهن) مالك:زعلتيني عنجد،بس الحمدلله بلنهاية قدرت تحمل زوجة اخوكي لينا:اي الحمدلله بس لما مرت اخي اسعفناها لتولد عرفت بعدها انو البنت مريضة ومحتاجة علاج بس هو بمشفى مخصص وبيحتاج مصاريف نحن مالنا بقدرتها ملامح الحزن سيطرت عوجه مالك لينا وبعيونها عم تلمع دمعة:صرت متل المجنونة لما شفت اخي مقهور،لهيك اخدت قرار ومااكتشفت هلغلط لبعد سنين مالك بفضول:شو عملتي؟ لينا:بدلت بنت أخي،،مع بنت تانية بيندهش مالك وبيرجع علكرسي لورا وبيتطلع فيهاوبقوة مالك:معقول هلاستهتار؟ماحدا حس عليكي بلمشفى؟ لينا:مشفى(الحياة الحكومي)شو بيذكرك؟؟ بياخد شوية وقت ليفكر،بعد دقيقة تقريباً بيقدر يرجع الذكريات،بيتوتر اكتر بيسحب شعرو بأصابعو لورا وبيقوم بوقف بيتوجه علشباك.. لينا:تذكرت شي؟ مالك:هلمشفى اسعفت زوجتي عليه من سنين لأنو صار معها حادث قريب منو وانجبرنا نولدها فيه.. وهون بيسكت،بيتذكر انو لينا قالتلو(٢٣)سنة وهون بيجمد بأرضو لينا:بدلتها مع بنت من عيلة محترمة وغنية كتير ليقدرو يعالجوها بيلتفت عليها وعيونو متل النار شعلتها للينا،وصار يقرب منها خطوات بسيطة لينا:أنا..أنا مستعدة لأي مسائلة قانونية بس.. مالك بيصرخ:بس شو؟؟انتي عن أي عيلة عم تحكي لينا:عن..عن عيلتك انت يابيك مالك:كذابة..(بيقرب وبيمسكا من ايدها وبيوقفها قبالو)انتي عم تكذبي،اكيد هلقصة اخترعتيها لحتى تاخدي مصرات او اي شي،مستحيل صدق،انا بنتي كانت مريضة وتوفت فوراً،مستحيل.. لينا وهي عم تبكي وترجف بين ايديه:بنتك عايشة..نوّار بيدفعا علباب:براا،طلعي لبراا لينا:صارت صبية،وماكانت تعرف بشي،وهية هلأ منهارة.. مالك:حرف تاني وبطلبلك الأمن بتحس بخيبة أمل بتترك لينا ورقة فيها رقمها،وبتفتح الباب لتطلع،بتلاقي شب لابس طقم وجنبو المساعدة عم يتطلعو فيها بتعجب لما بيشوف حالتها بيقرب لعندا:فيكي شي ياخانم؟ لينا:لا لا،شكراً بيسمعو صوت تكسير من غرفة مالك،بتقرب المساعدة بس خايفة تفوت،ولينا نفس الشي بتتركهن وبتروح،أما هلشب يلي كان عروة بيفوت ليطمن عنو بيلاقيه منهار آعد علأرض ودافن راسو بأيديه،وفي علطرف التاني اشياء متناثرة علأرض عروة:مالك بيك،انت بخير؟ مافي رد.. عروة:طيب بتحب اطلبلك شي مالك:بدي ابقا لحالي،لو سمحت خبر المساعدة ماتفوت حدا ولاتحولي ولا اتصال عروة:ماشي،بلأذن بيطلع عروة وهو متفاجأ كان بيسمع عن مالك انو هادي كتير،شو يلي عملتو هلانسانة لعصبتو هلقد بينزل عروة وبيروح عسيارتو بيلاقي لينا واقفة عجنب عروة:بتحبي وصلك ياخانم لينا:لا شكراً عروة:طيب بوقفلك تكسي بيقرب علشارع وبيوقفلا تكسي لينا:شكراً ألك عروة:ولو.. بترجع لينا علبيت كانت رحاب منتظرتها عنار،بيفوتو سوا عغرفة رحاب وبيحكو رحاب:شو قال؟ لينا:ماصدق.. رحاب:معقول لينا:لو تشوفي شو صار بحالتو رحاب:الله يستر من غضبو رجع مالك بيومها علبيت،وكان مو عطبيعتو بنوب وبحياتو ماكان هيك،أول شي استقبلتو بنتو سيدرة،المدلله عقلبو كتير مع أنها اكبر من مراد سيدرة بتضمو:بابا حبيبي،راجع بكير مالك:حابب ارتاح شوي سيدرة:فيك شي؟اعملك شي مالك:لا لا،بس حابب استريح بلغرفة بيتركها وبيمشي بتجي ديمة وبتلمحو طالع علدرج ديمة:مالك رجعت.. بس مابيجاوبها بتلتفت ع بنتها وبتسألها:شبو؟ سيدرة:مابعرف مانو عطبيعتو بنوب،بس تركيه لحالو هلأ ديمة:تمام اصلاً مشغولة وبدي اطلع بعد شوي بتطلع سيدرة بأمها،وبتسكت بيفوت عغرفتو وبيسكر،بيتوجه علخزانة بيطالع منها دفتر كبير،كان عبارة عن ألبوم صور،بياخدو وبيقعد بطرف الأرض وأول مايفتحو بتبلش الذكريات،كانو صور بنتو الأولى يلي توفت مباشرةً بعد كم شهر من ولادتها صار يتفحص ملامحا منيح مالك:معقول؟ياالله،متل القصص يلي منشوفها بلأفلام بحياتي ماتوقعت يصير معي هيك قصة بيبقا عم يفكر،ساعتين او اكتر،بعدها بيندق الباب بلطف مالك:تفضل بتفوت سيدرة:بابا فيني فوت مالك بيفتح أيديه:تعالي لحضني ياعمري انتي بتجي بسرعة وبترتمي بحضنو الدافي وبتشد،بعدها بتلمح الصور،بتطلع عليهن سيدرة:لو كانت لسا موجودة،رح تكون رفيقتي واحكيلا كل اسراري مالك:بتحبي يكون عندك اخت اكبر منك سيدرة:متل ماعم قلك،يمكن لو كانت موجودة كانت علاقتنا كتير حلوة مالك:القدر يابنتي،ولسا مامنعرف شو مخبيلنا كمان سيدرة:انا مابخاف من شي،لأنو انت معي مالك بيضما لصدرو:وينها ديمة سيدرة:ماما طلعت مشوار مالك:تمام،وأخوكي سيدرة:يمكن هلأ بيجي،مناكل سوا؟ مالك:أكيد،يلا ياأميرتي روحي شوفي شو صار بلأكل ولاحقك بتطلع سيدرة،وبرن تلفون مالك وصلو مسج ديمة:حبيبي،أنا قلقانة عليك بس ماحبيت ازعجك،طمني عنك بس تقدر تحكي بيتصل فيها ديمة:ألو حبيبي مالك:اي عمري ديمة:كيفك هلأ مالك:أنا منيح لاتشغلي بالك ديمة:أنا كنت مجبورة أطلع،بعتذر مالك:ولايهمك أنا كنت حابب ابقا لحالي كمان ديمة:تمام،بس ارجع منحكي ماشي ياعمري مالك:تمام.. طول الوقت مالك عم يفكر بلموضوع،وياترى بلفعل صح ولا كذبة بس التفاصيل يلي حكتها هلانسانة(لينا)كانت صحيحة بلنهاية اخد قرارو،مايخبر حدا من العيلة ليشوف البنت ويعملو تحليل DNA *يـــــــــ͢ـོ͓ـــتبــــــــــــــོـ͓ـــ͢ــ؏* ➖➖➖➖➖➖➖➖➖ *❴📖❵↵*تنسيق مشرفين مجموعة:* *❴📚❵↵*قصص وروايات عالمية📚💙* *❴💙❵↵*ننشر جميع انواع القصص والروايات العالمية* حـب💙. حـزن💙. اكشن💙. رعب💙. *❴👑❵↵*أن كنت من عشاق ومدمني القصص مكانك عندنا💙* *❴💙❵↵*رابط المجموعة للاشتراك:* ```https://whatsapp.com/channel/0029VaQogP17YSdATvOUwa1h```