آخر ماتبقى - الفصل 1 - مكتملة | روايتك

*قـصـص وروايـات عـالـمـيـة💙📚📖* *بإدارة* *يـامـن💙* *❴📖❵↵* *آخر.ما.تبقى.tt* 🥺💔 *❴🔢❵☟الـــبـــــــــــ❴1️⃣❵ــــــــــــارت☟* ➖➖➖➖➖➖➖➖➖ *‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ *❴📖❵↵*تنسيق مشرفين مجموعة:* *❴📚❵↵*قصص وروايات عالمية📚💙* *❴💙❵↵*ننشر جميع انواع القصص والروايات العالمية* حـب💙. حـزن💙. اكشن💙. رعب💙. *❴👑❵↵*أن كنت من عشاق ومدمني القصص مكانك عندنا💙* *❴💙❵↵*رابط المجموعة للاشتراك:* ```https://whatsapp.com/channel/0029VaQogP17YSdATvOUwa1h``` ➖➖➖➖➖➖➖➖➖ رجال بأواخر الخمسين من عمرو،بيفوت ع منطقتو كانت متوسطة المستوى،راجع من شغلو بكير،أول مايفوت ع العمارة ويقرب من شقتو بسمع صوت زوجتو(رحاب)وهية عم تصرخ ع بنتها بيفوت بيلاقيهن تنيناتهن واقفين بلمطبخ،مرتو معصبة كتير من بنتها ووجها احمر من الغضب،أما بنتو(نوّار)كانت ساكتة تماماً لما فات أبوها تطلعت فيه بعيون حزينة ومدمعة بيرفع أيدو كطلب منها أنو تجي وترتمي بحضنو،وهون بتستشيط رحاب غضب رحاب:ولسا عم تطبطب عليها مؤيد:رحاب،سكتي خلصنا بقا نوار بحضن أبوها:والله يابابا ماقصدت اتأخر،محمود قلي شوي ومنرجع بعدا سرقنا الوقت وتأخرت نص ساعة عن الموعد يلي قلتلك ياه مؤيد:طيب بابا،بس لازم تاني مرة تتقيدي بلمواعيد،وإذا صار هيك شي تتصلي بماما وتخبريها لحتى ماتقلق عليكي،تمام بلنهاية انتو مخطوبين وبس نوار:حاضر مؤيد:يلا لشوف اعتذري وفوتي عغرفتك نوار:بعتذر ماما ماقصدي رحاب بجفا:روحي من هون يلا بتتوجه نوار عغرفتها،نوار كانت بعمر ال ٢٣ قصيرة وحنطية وشعراتها طوال شوي وناعمة ولونها بني فاتح،ماكان في شبه من امها ولا ابوها،كانت حلوة كتير وكل مين شافها بينعجب بملامحا الجذابة نوعاً ما،انخطبت من سنة للشب يلي حبتو،بس فوراً طلبت منو الارتباط وهو وافق وأول مافاتت عغرفتها شافت الموبايل عم يرن محمود:ألو...نوار طمنيني عنك نوار:تعبانة كتير،مخنوقة محمود:خانقتك؟ نوار:أي،مابعرف شبها شو بصيبها كلو كرمال نص ساعة،والله ماكانت هيك،أمي كانت كتير تحبني وكنت المدللة،حتى أخي لؤي يغار مني،لأنو هو الصغير ولازم يتدلل،فجأة كلشي بيتغير محمود:معلش ياقلبي طولي بالك هية فترة ورح تتركي البيت ونتزوج نوار:أنا بحبها،وبحب بابا كتير بس هية عصبية شوي محمود:تحملي ياعمري بمكان تاني وبهاد الوقت،كانو الام والأب لسا واقفين بلمطبخ،مؤيد عم يتطلع بعيون غضبانة برحاب رحاب:شبك؟تعال ضربني كمان مؤيد:رحاب،أنا بلشت خاف عبنتي منك ها رحاب:انت اكيد جنيت،يعني معقول أأذي بنتي مؤيد:وهاد يلي بدي فهمك ياه،نوار بنتك،لاتنسي هلشي فجأة بينزلو دموعها،بتقرب كرسي وبتقعد عليه بتدفن وجها بأيديها وبتبكي رحاب:مو بأيدي،واللهي مو بأيدي مؤيد:عكل حال البنت فترة ورح تتزوج وتروح،وهيك أفضل للكل بيتركها وبيمشي،وبيروح عغرفتو ببدل تيابو وبيطلع علصالون ليتابع الأخبار،بيجي لؤي ابنو يلي عمرو(١٥) مؤيد:خلصت لعب عهلموبايل لؤي:أي😊 مؤيد:طيب روح شوف شو صار بلأكل بيقوم لؤي بيرن تلفون البيت وبيقرب بيرفع السماعة،وهون بتكون فاتت رحاب لؤي:أهلين عمتي،تمام بخير بتطلع رحاب نظرات غضب ب مؤيد وبتهمسلو:خير شو بدها هي؟ مؤيد:رحاب خلصينا سكتي لاتسمعك بيقوم وبياخد التلفون من أبنو:ألو،أهلين لينا..أي..بخير،أممم طيب مية السلامة بتطلع فيه رحاب بغضب،شوي وبيسكر رحاب:شو بدها لك مو بتعرفني ماعاد طيق شوف خلقتها بيرمقها بنظرة لتسكت،وبينبها لوجود لؤي بلغرفة لؤي:ماما شو عملتلك عمتي لحتى بتكرهيا هلقد مو كنتو تحبوها وعطول تزور عنا رحاب:روح عغرفتك انت ولا تدخل بأمور مابتخصك بيتركهن وبيتوجه عند اختو،أول مابيفتح الباب بيلاقيها آعدة ومو عبعضها وهية كمان بتنتبه أنو متدايق نوار:شبك لؤي لؤي:يعني شو بدو يكون اكلت يلي فيه نصيب من أمي نوار:اليوم معصبة تركها بحالا لؤي:نوار ياترى شو يلي صار حتى قلب وضعنا هيك نوار:صدقني مابعرف،محتارة كتير قبل كانت عمتي عطول تزورنا،وعلاقتا بأمي كتير حلوة،شو يلي تغير و أمي ماعادت متل أول لؤي:حاسة بيلي عم حسو نوار:شو عم تحس بيسكت وبيتلبك،كيف بدو يشرحلا أنو حاسس بكره أمو ألها لؤي:خلص انسي اكيد رح نعرف شو يلي صار،خليني هلأ روح عدراستي نوار:تمام بعد وقت قصير بتجي العمة،قبل بسنة كانت عايشة معهن لأنها مو متزوجة،بس بعد الشي يلي بينها وبين أخوها تركت وراحت سكنت لحالها ببيت ابوها،يلي مافيو حدا غيرها ماعاد قدرت تتحمل معاملة رحاب السيئة بتفوت وفوراً نوار بتركد لعندها وبتسلم عليها بلهفة،من وقت طويل ماشافتها رحاب:نوار فوتي عغرفتك نوار:بس أمي بدي شوف عمتي شوي رحاب:فوتي لجوا عم قلك يلا وخدي لؤي معك فاتو وبقيت رحاب مع لينا ومؤيد رحاب:انتي ليش اجيتي وبأي عين لسا بتفوتي عبيتنا لينا:خلصنا يارحاب،هي صرلي سنة مابشوفكن إلا بلصدفة،ويادوب بحكي مع أخي علتلفون،ماطاب جرحك رحاب:الجرح مابيطيب،بيترك أثر كبير،الكذبة يلي عيشتيني فيها كل هالسنين مابسامحك عليها لو شو ماصار مؤيد:رحاب،خلصنا بقا بكفي لهون،أنا مابدي الولاد يسمعو شي الاحسن تسكرو علسيرة،صار يلي صار لازم نستمر بحياتنا بشكل طبيعي رحاب:أنت عم تحكي من كل عقلك مؤيد:أي من كل عقلي،يلا روحي جهزيلنا شي للعشا(بينده لبنتو)نوار،يانوارتي نوار بتجي:أي بابا مؤيد:تعي ياعيون البابا قربي لعندي بترتمي بحضنو وبتضمو بقوة،طبعاً هاد المكان الوحيد يلي بحسسا بلقوة والأمان،بتبوسو من خدو وهو بيشدا اكتر رحاب بتطلع فيهن بانزعاج ومابتقدر تتحمل،بتقرب وبتسحب نوار من حضن أبوها بقوة،وهلشي قهر لينا كتير ولامت حالا عللي عملتو رحاب:يلا قدامي علمطبخ،لسا بدكن تعملولي فيها دراما،سبقيني ولاحقتك بتروح نوار علمطبخ لينا:معقول هيك عم تعامليها يارحاب،لك هي بنتك رحاب:بكفي،سكتي لهون وبس،وانت كيف عم تحضنها بهلطريقة لينا:لك انتي رضعتيها وربيتيها كل هلسنين كيف ألك قلب هيك تحكي؟عم تغاري من بنتك رحاب:إذا عم تقولي بنتي،معناها انتي ماخصك بتعامل معها متل مابدي وبحكي يلي بدي ياه،انتي نسيتي غلطك وجاية تحاسبيني ألي بتتركهم وبتروح عند نوار علمطبخ وبتبلش تجهيز الاكل بعصبية أما عند مؤيد ولينا لينا:معقول؟هيك عم تعاملها مؤيد:أي نعم،ولسا اقوى من هيك،الله يسامحك بس ياأختي لينا:أخي والله العظيم نيتي كانت طيبة بيفوت لؤي وبيسكرو علسيرة أما بلمطبخ واقفة رحاب عم تقطع الخضار،بس من جوا مقهورة والدمعة واقفة بطرف عينها،فجأة بتجرح أيدها بتنتبهلا نوار وبتقرب لعندها بقلق نوار:أمي شو صار،يعلي قلتلك تركيهن أنا بقطعهن رحاب:تركيني نوار:ستني ماما بس ليوقف الدم هاتيها رحاب بعصبية والدموع نزلت من عيونها:لك بكفي تركيني بعدي عني النار ولعت بقلب نوار،أجت لينا ومؤيد،بتتركهم رحاب وبتفوت عغرفتها وبتكمل بكا ومؤيد بيلحقا،بتقعد نوار علكرسي وبتصير تبكي بتقرب لينا وبتضما لحضنا لينا:اهدي ياعمري انتي نوار بصوت راجف:عمتي شبها أمي،ليش هيك صارت بلأخص معي،عم تكرهني كتير من وقت انخطبت لمحمود مع انو كانت موافقة عليه،لو مالي بنت واعية كنت قلت أني مالي بنتها،بس هية ماكانت هيك بنوب،أمي كانت احن أم بلدنيا لينا بتنزل دمعتها:معلش ياقلبي اكيد عندها اسبابها تحمليها ورح يرجع كلشي متل ماكان بيمر الزمن ع هاد الحال كان مؤيد ماكتير بيحب محمود خطيب نوار،بس متحملو لأنو نوار بتحبو،مابتعجبو تصرفاتو اللا مبالية وعدم تحملو المسؤولية كل مرة يجي ليصير بيناتهم مشكلة بس يسكت مؤيد ومايحكي شي بهليوم كانت نوار ومحمود متفقين يبدو بتجهيزات العرس،وخبرها محمود أنو رح يستأجر البيت يلي بعمارة أهلها بس الطابق السفلي رحاب:نوار مابتتأخري ها،مابدنا نعيد نفس الموال نوار:حاضر بيطلع مؤيد من غرفتو وواضح عليه التعب نوار بقلق:خير بابا طمني عنك شو صاير مؤيد:ولا يهمك يابنتي،مافيني شي يلا روحي عند خطيبك بتجي لتمشي بس مؤيد بيختل توازنو وبيقعد علكنبة،بتقرب بسرعة نوار:بابا حبيبي شبك مؤيد:مافيني شي يابنتي رحاب:شبك مؤيد،نوار بعدي من وجهي نزلي عند خطيبك بقا نوار:بس بابا تعبان بتسحبا من أيدها وبتقومها من جنب ابوها:عم قلك روحي شبك مؤيد:خلصنا يارحاب،روحي جيبيلي كاسة مي انا هلأ بتحسن بتروح رحاب وهية مزعوجة ‏تقرب نوار وبتضم ابوها:بابا قوم نروح عند الدكتور مؤيد:لاتشغلي بالك فيني يابنتي،انتبهي ع أمور حياتك،اهتمي بنفسك ولا تزعلي من أمك،بدي تكوني قوية كانو كلماتو صعبة عليها،حست شعور غريب لما حكالها هلكلمات معقول عم يودعها؟؟ بعدها بيطلب منها تروح عند خطيبها رحاب:أنا مو قلتلك امشي من هون مؤيد بيوقف:لك سكتي بقا،خلصنا تركي هلبنت بحالها بيعلى صوت رحاب اكتر مؤيد:نوار نزلي لتحت يلا بتتركهم وصواتهن عم ترتفع بزيادة،بتنزل الدمعة وبتطلع بلسيارة محمود:لهلأ؟ساعة لتنزلي نوار؟مابتعرفي مابحب انتظر نوار:محمود أنا تعبانة كتير محمود:وأنا تعبت،وفي علينا مية شغلة لنخلصا ولهلأ مابتنزلي نوار:بترجاك محمود يلي فيني بكفيني،ليش ماعم تحس بيلي صاير معي محمود:خلص خلص،صح أنا مابحس فهمنا بيشغل السيارة وبيمشي شوي نوار:انتظر محمود نسيت موبايلي بلبيت محمود بيتأفف وبيرجع بيدور السيارة وبيمشي بسرعة كبيرة،بيجي ليفوت من الشارع الصغير يلي بيودي ع بيتها بيطلع فجأة مؤيد وهو مو قادر يمشي وبينضرب بلسيارة وبيوقع بلأرض صرخة نوار من جوا قلبها وقت شافت أبوها عم يرتطم بحديد السيارة،ونزل بلأرض بينزلو فوراً لعندو،بترفعو بحضنها وبتحاول تصحيه وهية عم تبكي،بدون نتيجة بيجتمعو شباب من المنطقة بيرفعوه وبيحطو بسيارة محمود وبيتوجه علمشفى،طول الطريق نوار عم تبكي وحاضنة راس ابوها وعم تقلو:بترجاك بابا لاتتركني انت سندي بهلدنيا،إذا بتتخلى عني ممكن موت بترجاك كون قوي متل ماتعودت عليك عطول بس مافي استجابة،في شي جواتها عم يخبرها أنو مات،بس ماعم تقدر تستوعب نوار:محمود،بسرعة لك شبك لهلأ ماوصلت،شو عملت بأبي محمود بيتوتر:نوار بترجاكي انا مانتبهتلو بنوب لاتحطي اللوم عليي بيوصلو علمشفى وفوراً بيأسعفوه بس بدون فايدة أول مايفحصوه بيلاقوه ميت،ملامح الخيبة عوجوه الدكتور والممرضين فسرت شو بدهم يحكو بترجع خطوتين لورا،بتخبط بمحمود يلي واقف وراها ومصدوم من يلي صار،بتخبي وجها وبتنهار علأرض بيمسكها محمود وبيضمها وهية عم تبكي وتقول:لا يابابا لا،وعدتني تبقى قوتي وسندي،وعدتني ماتتخلى عني،ليش تركتني ورحت بابا ليش.. فجأة بتبعد عن محمود وبتدفعو بعيد عنها بقوة وبتقلو:انت السبب،انت قتلت أبي محمود:أهدي نوار،مابيصير تحكي هلحكي نحن بلمشفى الدكتور:حكولي أنو اسعفتوه على أثر حادث سيارة،بس أنا شاكك أنو سبب الوفاة ماخصو بلحادثة،والتحاليل شوي وبتطلع،الله يرحمو.. كيف؟الله يرحمو؟؟معقول،،ماعم تصدق،هو قدام عيونها متسطح،هو نايم أي بس مش ميت،مستحيل يتركها لا.. ‏بيسحبها محمود لبرا بلويل وبيقعدو بحديقة المشفى،طبعاً محمود خبّر رحاب وهية جاية مع لينا بعد شوي كانت متسطحة عطرف كتفو،مو مصدقة شي،ماعم تقدر تستوعب أنو مات (خبر الموت من اصعب الاخبار يلي بتجيه للانسان لدرجة العقل مابيتقبل من الصدمة،وبيبقا عم يتهيأ اشياء مالها موجودة،متل أنو بأي لحظة يرجع يلي مات ويعيش بشكل طبيعي وكأن شيئاً لم يكن،هلأشياء بتصير بس لما الانسان يلي خسرناه بيكون غالي كتير عقلوبنا،فراق موجع لدرجة العقل الباطني مابيتقبل فكرة رحيلو💔👌) بتجي رحاب والدموع بعيونها ولينا حالتها اسوء رحاب:وينو؟نوار وينو مؤيد بترفعلا ايديها وعيونها دموع بأنو مابتعرف وينو🤷🏻‍♀️مابيطلع من تمها حرف بتقرب لينا وبتضمها محمود:مع الاسف،الله يرحمو،وبعد شوي رح تجي التحاليل لنعرف سبب الوفاة،الله يصبركن بتبعد نوار عمتها بقوة وبتقول:لا..بابا مستحيل يتركني،هو راجع،صدقوني رح يرجع انتو مفكرين مات هو بس غاب عن الوعي ورح يرجعلي،ماما بابا رح يرجع صح هو مابيتركنا رحاب الخبر كسرها،قربت من بنتها وضمتها بقوة وصارت تقول:وين رحت وتركتني يامؤيد،انا ضعيفة من دونك،الحمل يلي تركتلي ياه كتير كبير بعد وقت قصير راجعين بلسيارة،الدموع عم تنزل بملامح جامدة،سبب الوفات ذبحة قلبية بس قضت عليه لما صار الارتطام بلسيارة بعد كم يوم،الكل اجا لياخد بخاطرهم ويعزيهم،لؤي حالتو تعبانة كتير،حس حالو كبر قبل أوانو💔 أما نوار،صار بدها تموت وتروح عند أبوها بلطرف التاني،رحاب ولينا طول الوقت سارحين،بعيد عن يلي صار،الظاهر هلأ صار وقت الاسرار تنكشف لينا:كيف بدي فاتحها بلموضوع رحاب:انا مافيني ومن هلأ عم قلك،انتي السبب بكلشي وانتي يلي رح تحليها لينا:كرمال الله رحاب انا عملت هلشي كرمالكن،جن جنوني هداك اليوم وقت شفت اخي منهار،والدنيا سودة بعيونو،صح غلطت غلطة لاتغتفر بس وربي نيتي طيبة رحاب:طيب وهديك العيلة؟بتعرفيهم؟رحتي شفتيهم؟ لينا:اي،من سنة وقت خبرتكم بلحقيقة رحت وشفتهم بس ماخبرتهم بحرف ولا قلتلهم مين انا،بس بنتهم..قصدي بنتكم متوفية من سنين وهنن عندهن ولاد غيرها رحاب:شو رح تعملي هلأ؟ لينا:أول شي رح خبر نوار،بس بترجاكي رحاب ساعديني،هية اكيد رح تكرهني ورح تنهار بس انا مابدي اخسرها رحاب:بظن مالازم نحكيلا هلأ،وهية بهلوضع لينا:صح..رح تنفجع بهلخبر مابكفي موت مؤيد،كمان نروح نحكيلها مؤيد مش أبوكي ونحن مش أهلك شهقة مكتومة من ورا الباب،كان في شخص واقف وعم يسمع بدون ماينبه حدا (مين ياترى يلي سمع هلكلام،شو يلي رح يصير؟؟كنتو متوقعين هلسر ؟احكولي رأيكم لحد هون) بتطلع نوار،وبتلاقي لؤي بهلحالة نوار:لؤي حبيبي شبك لؤي بيتطلع وعيونو دموع وبيهزلا راسو يمين وشمال بتقرب منو اكتر،وهو بخاف بيروح لعندا فوراً نوار:لؤي شبك شو صار؟ لؤي:خلينا نفوت عغرفتك بس يفوتو بيقعدو هني التنين نوار:احكيلي شوفي؟ليش كنت عم تتسمع وعلى مين؟ لؤي بنبرة توتر:على عمتي وأمي نوار:تمام وليش خايف هلقد ووجهك اصفر؟لؤي شو صاير كمان؟شو عم يخبو عننا لؤي:مافي شي،خلص تركيني انا مابعرف شي بيقوم وهية بتمسكو من ايدو:مافي طلعة،لؤي انت عم تخبي عني؟انت اخي ورح تكون سندي لؤي:طبعاً سندك،حتى لو ماكنت أخوكي رح ابقا جنبك نوار مستغربة:كيف؟شو قصدك لؤي لؤي:نوار،ياترى ليش امي تغيرت معاملتها معك؟انتي مابتعرفي شي؟ نوار:احكيلي لؤي،شو سمعت اكيد كانو عم يحكو عن هاد الشي لؤي:أ...روحي سأليهن انتي،انا مافيني احكي لأنو مابعرف شي نوار:شو سمعت طيب،بترجاك احكيلي لؤي:انتي..مش بنت هي العيلة نوار عوقفتها بتجمد،بتفتح عيونها عآخرهن بصدمة،حرارة بتشعل بجسدها بلكامل خبر مش بس صادم،مافي كلمات توصف شعور الانسان لما فجأة يتجرد من كلشي بيملكو،من عيلتو؟؟لما ماعاد يعرف مين بيكون! بتاخد ثواني لتصحى،بيندق الباب وبتفتح عمتها لينا لينا:لؤي انت هون حبيبي لؤي:أنا بدي امشي.. بتطلع لينا ب نوار،كانت لسا جامدة وعم تطلع علأرض لينا:عمري نوار،شبك ياقلبي فيكي شي؟ نوار بتلتفت عليها:شبني؟ لينا:ياقلبي بعرف انك تعبانة من يلي صار،بس قدر الله،وفاة ابوكي اثرت علينا ك... بتقاطعها نوار:وفاة مين؟رجعي عيديها لينا:شبك عمري بترفع صوتها:وفاة مين؟؟مين يلي توفى لينا:اهدي نوار كرمال الله هو ربنا كتبلو وتوفا لازم نقتنع بهاد الشي،ابوكي راح بس امك واخوكي وانا موجودين نوار:مين انتو؟ومين انا؟لك كرمال الله ماعاد استوعب شييي بتقرب علتسريحة وبترمي كلشي علأرض بعصبية،بتجي رحاب عأثر الأصوات رحاب:شو عم يصير هون نوار:صح،شو عم يصير هون؟انتو احكولي شو يلي عم يصير بكفي بعتقد ٢٣ سنة من عمري وانا عايشة بهلكذبة لينا:شو بتعرفي؟من وين جايبة هلأفكار نوار:بسيطة،أمي من سنة وهية مو عطبيعتها معي،المهم سمعت كم كلمة وعرفت أنو انا مش بنت هي العيلة بيوقفو رحاب ولينا مصدومين نوار:أحكو،يلا أنا جاهزة للصدمات،قوية متل ماعلمني الانسان يلي كنت مفكرتو أبي رحاب:نحن عيلتك يلي ربيناكي وانتي بنتنا نوار بتضحك بدموع:هههه بنتكن؟بدك تقنعيني أنو معاملتك معي آخر فترة كانت طبيعية وأي أم بتعامل بنتها هيك رحاب:تفضلي لينا،احكي كلشي،احكيلا شو عملتي حضرتك،شرحيلا الكذبة يلي عيشتينا فيها كل هلعمر *يـــــــــ͢ـོ͓ـــتبــــــــــــــོـ͓ـــ͢ــ؏* ➖➖➖➖➖➖➖➖➖ *❴📖❵↵*تنسيق مشرفين مجموعة:* *❴📚❵↵*قصص وروايات عالمية📚💙* *❴💙❵↵*ننشر جميع انواع القصص والروايات العالمية* حـب💙. حـزن💙. اكشن💙. رعب💙. *❴👑❵↵*أن كنت من عشاق ومدمني القصص مكانك عندنا💙* *❴💙❵↵*رابط المجموعة للاشتراك:* ```https://whatsapp.com/channel/0029VaQogP17YSdATvOUwa1h```