الفصل 8
*قـصـص وروايـات عـالـمـيـة💙📚📖*
*بإدارة* *يـامـن💙*
*❴📖❵↵* *بيت.الهلاك.tt* 💙🖇️
*❴🔢❵☟الـــبـــــــــــ❴8️⃣والاخير❵ــــــــــــارت☟*
➖➖➖➖➖➖➖➖➖
*
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h```
➖➖➖➖➖➖➖➖➖
رفعت راسي لتأكد من كلامها صدمني وجود البيت انا صرلي فوق 5 ساعات عم سوق وبعدي بنفس المكان حاول افرك عيوني لأكذب الكذبة بس كل شي واضح مثل وضوح الشمس..
باسم :- هديل
هديل :- بدها شي منا عم تحاول اضيعنا
باسم :- جمال
هديل :- لاء جمال هي اعفت عنو ..
باسم :- لكان شو بدا
هديل :- في شي لالها معنا
باسم :- شي لالها..
(( وع حديثا فاقت صوفيا تصرخ وتقول
صوفيا :- رح تقتلنا بعدنا هون..هديل اعملي شي..لاتخليها تاخد جمال
هديل :- امي هي مابدا جمال..
(( كمشت الكتاب يلي بايدا ونزلت حوطت حوالين السيارة بالتراب نفسو يلي حصنت حالا فيه..وكمشت الكتاب وبلشت تقرأ فيها بتمتمات نفسها غير معروفة ..وقتا البوابة الخارجية فتحت..صوفيا من خوفا ع جمال كمشتو مابدها يروح بس للحظة شفت سيف عم يمشي بدون ارادتو اتجاه البيت . وكانها بدها سيف..ارتعب الكل بمكانو ..
صوفيا : سيييف سيييف..
هديل : لاحد يطلع برا الدائرة..
صوفيا : جمال ..
(( من الصراخ يلي كان محيط بالكل ..ركضت هديل خلف سيف..لتوقفوا ..وكمشت ايدو واخدت الدمية منو ورمتها بحديقة البيت..وحاولت ساعدها لرجع سيف للدائرة كانت بدها الدمية يلي بإيد سيف..وع حسب كلام هديل انها هاي الدمية لسيلينا اهدتها اياها امها ..من بعدا كملنا مشوارنا بس للاسف السيارة ماعاد فيها تمشي كان ضو المازوت شاعل وبقينا بعز الظهر بين المزارع يلي مافيها عالم..بقينا نمشي لعلى وغسى نلاقي شي طريق او سيارة تحسن تساعدنا..لوقت مااتذكرت الحطاب العجوز ..وانو كان بيتو حوالين هاد المكان بلشت ابحث للقيت بيتو....اخدتهن ووصلنا لبيتو..يلي استقبلنا بدون صوت كان باين على وجوهنا علامات الرعب والخوف..كنا عم نحاول نحكي بس هو ماكان عم يجيب ع شي..لوقت فتح الخزانة واخرج جمجمة ماعز..وبلش يطحن فيها..
باسم :- شو عم يعمل..
هديل : مابعرف شو عم يعمل..
(( وع حديث هديل وقف الرجال العجوز قبال هديل واعطاها كاسة فيها تراب اللي سحقو ..ومدوا لالها تشربوا..وهي بدون تردد وافقت ع شربوا..لاغمى عليها..الكل كان مصدوم من شكلا وهو جسما عم ينفض.. انشغلنا فيها ومااانتهى تمتمه الا وقت مافاقت كان رافض يجيب عن اي سؤال كنا نطرحوا وقتا عليه..قامت هديل وفتحت باب البيت وطلبت منا نطلع من هون بالاشارات ..كان بإيديها ورقة تساعدنا بالاتجاهات ولاصق بس ماكنا بنعرف لشو ..ماكانت قبلاني تجيب عن اسئلتنا بشي حتى هي بقيت ساكتة ومن الحاح الكل ..نزلت ع الارض وكتبت بإصبعتا بالتراب انو ماحد يسألها بشي كرمال حياة جمال ..وحياتنا..
..
(( مع انو ماكنا فاهمين ليش ..بس وافقنا لحظتا واتبعناها لوصلت لشارع الخط السريع وبقينا هون لوقت المغرب..لوقت ما اجت سيارة اخدتنا وهي بعدا ساكتة ورافضة تقفل عيونا الكل من التعب نام . كنت راقب عيونا وقت تغفي السيارة كانت بدا تعمل حادث وبلمحة بصر تفتح عيونا...وقتا ماشفتا الا فتحت اللاصق وبلشت تلصق جفن عيونا كرمال ما تغفى او تنام..كان امر محتم عليها.. وقتا بلشت افهم انو ارواحنا كلا واقفة على غفوة..
كانت الساعة تقريبا 3 الصبح من وصلنا بيتنا..رفضت صوفيا ترجع لبيتها خوفا انها تشوف شي مخيف من تاني..بقينا اليوم الاول والثاني..والثالث وبلشت حياتنا ترجع لطبيعتها..كانت رحلة مشؤومة في بيت كان مصيرنا فيه الهلاك..غلطة مليكة ضدد خادمة كلف العيلة لعنة على مدى اجيال..حاولت ابحث بالكتب مثل هديل لطريقة لافهم شو سبب يلي نحنا فيه..بس كل شي بات بالفشل هي الوحيدة يلي كانت فاهمة شو عم يصير وبعد 40 يوم نطقت هديل..
هديل :- البيت معروض للايجار
صوفيا:- شوووو هديل عم تحكي
هديل : في حد عرض البيت لايجار..
صوفيل :- بنتي
هديل :- واحد فينا عارض البيت للايجار يا انا يا انتي يا جمال..
صوفيا:- انا مابحسن..وماطلعت من البيت من الخوف
هديل :- وينو جمال
صوفيا:- قال راح ع لعند خطيبتو عم تتعالج عند دكتور نفسي..
هديل :- امي جمال مارح عند خطيبتو جمال رح للبيت..في ناس بدهن يشوفوا البيت..
صوفيا :- هديل
هديل :- مارح احسن روح امي كل يلي بحسن عليه عملتو .
صوفيا :- هديل خيك رجع للبيت..
هديل :- يلي بصير مع جمال هو نفسو يلي صار مع ابي..
صوفيا :- اعطيني تلفوني لازم وقفوا عند حدو
هديل :- مارح تلحقي امي..اخي طافي موبايلو..
صوفيا :- هاي مزحة هديل ..
هديل :- سيلينا خدعتني.
صوفيا :- شو يعني..
هديل :- هي طلبت ابي واخدتو وهلاء هي طلبت اخي جمال..واحتمال تطلب اخي سيف..
صوفيا:- شو يعني شو افهم..اكيد بتعرفي شي تحمي اخوكي وتساعديه..
هديل :- ياريت امي العجوز يلي رحنا لعندو فقد قدرتي ع اني اتواصل مع الاشباح
باسم :- قصدك يلي شربك ..
هديل :- اي هو ..حاول يساعدني لانو حس بوجود اشياء ثقيلة من فتنا البيت..كان رافض يحكي شي..واتواصل مع الارواح وطلب مني ما احكي لاربعين يوم لاتخلص من الاشياء يلي كانت عم تحوم حوالي..
باسم :- يعني انتي كنتي عم تحضريهن من كنتي تقرأي كتب
هديل :- اي ليساعدوني .
صوفيا :-بشو يساعدوكي..
هديل :- لاتواصل مع العالم الخارجي مع اشباه سيلينا..
صوفيا :- قومي جيبي الكتب لازم تساعدي جمال..
هديل :- مافيني امي مافيني ..
صوفيا :- باسم لازم توصلني هونيك.
باسم :- خالتو مافيني انا كمان
صوفيا:- باسم هاد رفيقك
باسم :- انا عملت المستحيل لضلي معو اكثر من هيك مافيني..
(( ماكان فيها صوفيا الا تجمع الكتب..وتقرأ كان الجنون باين عليها..او يمكن شي يوم تساعد ابنها جمال اللي راح واختفى وماعاد لالو اثر مع انها صوفيا بعتت عالم بحسنو يتواصلوا مع العالم الخارجي للمكان واكدولها انو مافي اي اثر لشي والبيت من عشرات السنين ماحد فاتو شكل اوراق الجدران والعفش ..مثل ماهو ..رغم انو وصفنا لالهن انو في اشياء نحنا جددناها بالبيت بس انكروا وجووود هيك شي وانو البيت ماحد داسو من اكثر من 70 سنة من بعد ما اتأجروا تاجر من فترة طويلة..هالشي كان يدفعني لاروح شوف شو هالشي..مشيت بالطريق يلي مشت فيه هديل واتعلمت اللغة اللاتينية ووصلت لهاداك المكان يلي كان على نفس الهيئة اول مازرناها مع عائلة جمال ..حتى التغيرات يلي عملناها بالبيت مالقيتا.. رغم اني حاولت اتواصل مع العالم الخارجي بس كل شي بات بالفشل. البيت خالي من كل شي..ومافي اي اثر لوجود اي شبح او حتى شي اثر عن غسان او جمال.... رغم كل شي بس فضولي خلاني اتعمق بهيك دراسات حتى وصل فيني الامر الف كتاب..بعنوان.. احاديث الارواح بترويض الاشباح..يلي مانفعني بشي ..ولا حتى رغم نشروا مابيعت منو اي نسخة ..وبعد 6 سنوات دق على باب مكتبي شاب وهالشاب كنت شايفتو قبل هيك..شبيه جمال او غسان ..وقفت مصدوم من شكلو..
...باسم ماعرفتني .
باسم :- مين انت..
..انا سيف .
باسم :- سيف ..شو اخبارك شو صار معك انت وامك وهديل
.سيف :- امي وهديل ..مابعرف مابعرف بدي كتابك يلي الفتو بدي تساعدني ..
باسم :- سيف بشو اساعدك
سيف :- بدي روح لهاداك البيت .
باسم :-ا لبيت.
سيف "- اي ماعم نام من الكوابيس يلي عم شوفا متاكد انو في شي بهاداك البيت رح يساعدني انا متأكد انو هونيك الخلاص والراحة تعبت صرلي 5 سنين وانا مرضان ..في شي صرخات عم اسمعا ..في هواء ثقيل عم حس فيه.. في ناس بدا مساعدتي ابي وجمال شفتن بهاداك البيت بالحلم..بدي روح لهونيك ..لازم روح..
(( وقتا عرفت انو سيف هو كمان ماشي على نفس طريق يلي سبقوه وانو هالشي مارح ينتهي الا وقت يوقف نسل هاي العائلة اخد مني الكتاب وراح وماعدت من يوما اسمعت شي.. وبعدا هاديك القصة حياتي انقلبت ع عقب شعور كثير براودني ارجع زور المكان..او جرب عيش فيه ايام كنت.. بدي افهم سبب حجز روح سيلينا وامها بالبيت..طيب غسان وجمال..وين اختفو ..هني بشر واكيد في شي جثة لالهن حتى لو ماتو.الغاز بقيت مدفونة بحيطان هاداك البيت الغريب ...
الساعة 4 ..عصرا..بعد زيارة سيف بعامين
سارة :- باسم قوم في حد عم يسال عنك.
باسم :- مين امي
سارة :- وحدة بتقول انها كانت خطيبة جمال ابن غسان..
باسم :- شوو
سارة ؛- ومعها صبي
باسم :- صبي شو يعني..
(خطيبة جمال :- متذكرني انا كنت خطيبة جمال وحملت منو بالغلط قبل ليختفي وهو راح وتركني..انا خايفة ع ابني رغم اني صرلي مسافرة 6 سنين..بس في شي عم يرجعني لهون..بدي تاخدني لهاداك البيت..
باسم : شو...؟؟؟؟
#انتهت..
القصة خيالية
الكاتبة: مـرآمً
*الـــــــــ͢ـོ͓ـــنهـــــــايـــــــོـ͓ـــ͢ــة*
➖➖➖➖➖➖➖➖➖
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h```