الفصل 1
*قـصـص وروايـات عـالـمـيـة💙📚📖*
*بإدارة* *يـامـن💙*
*❴📖❵↵* *بيت.الهلاك.tt* 💙🖇️
*❴🔢❵☟الـــبـــــــــــ❴1️⃣❵ــــــــــــارت☟*
➖➖➖➖➖➖➖➖➖
*
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h```
➖➖➖➖➖➖➖➖➖
9:20 صباحا..فتحت عيوني كان ضو الشمس بغرفتي قوي ..والساعة ماكنت شايفتا..نطرت لتوضح الصورة ..كانت الساعة 9 اذا اتأخرت بالنومة كان هلاء موعدي راح..قمت مفزوع من فراشي ع الحمام لاغسل وجهي واجهز لترتيبات اليوم المهمة .لو ما انجزت هاي الترتيبات لرح كثير شغلات تنتزع..
سارة :- باسم شو في هيك فقت مفزوع.
باسم :- امي لازم روح اليوم ساعد رفيقي..
سارة :- بشو تساعدو..
باسم :- بدو يسافر ولازم انقل معو الاغراض والشنت..
سارة :- رفيقك جمال..
باسم :- اي مسافر هو وعيلتو..ابوه اشترى بيت بمنطقة بعيدة ..قريبة من اراضيهن.. كرمال يبقو اولادو تحت نظروا بدو يشغلهن بالمزرعة
سارة :- ماشاء الله .وانت ليش مجهز شنتتك..
باسم :- البيت مثل القصر شفت صورتوا..وقلي جمال تعا قضي يومين معنا ..وبترجع..
سارة :- بدك تسافر ماخبرتني..
باسم :- امي سفر بالسيارة يعني 12 ساعة طريق..مامحتاج طيارة..
سارة :- ليش بدك تسافر ..
باسم :- قلتلك بدي ساعدو بترتيب البيت ابوه لجمال بدو يصلح البيت لانو قديم كثير وفيو مشاكل ومنو بشتغل كم يوم وبغير جو ..وبس نخلص بجي باخدك لتشوفي هاديك المناطق. تعرفي بس خضااار وغابات واشجار عالية..وحيوانات لا بتلاقي بيوت ولا ضجة ولا سيارات..هدوووء تام بعالج الروح..
سارة :- مع اني ماني مطمنة بس يالا الله يسرلك امورك ويبسطك..
باسم :- هاتي بوسي..موواه سلام امي انتبهي ع حالك تاركتلك مصاري تحت مخدتي جيبي يلي بتحبيه ماني مطول واذا اتأخرت في كرت البنك بالخزانة ..الرقم السري تاريخ ميلادك ..بحبك ماما..
سارة :- الله يرضى عليك يامو طريق السلامة..
...
(( كنت متشجع شوف هاداك البيت او بالاحرى القصر يلي اوهمني فيه جمال .مثل يلي كنت شوفوا بالخيال..كلام جمال شوقني وخلاني اتمنى لو كان بيتي .اركبت بالسيارة معهن ..كانو متونسين بالرحلة الا اختن هديل كانت نظراتها وهي عم تودع البيت شوي فيها كلام..حتى بجلستها بالسيارة كانت هادية ..ومعها كتاب بإيديها غريب ..حتى الكلام يلي فيه مانو مكتوب باللغة العربية ..طنشت الموضوع قلت يمكن شي لغة هي متعلمتا..وعلى مدار 12 ساعة كانت الطريق جدا فارغة ما شفت بيوت الا بحالة نادرة كل مسافة طويلة ليطلع شي بيت ....وبمكان كان قريب ع بيت مثل الكوخ وكان حوالية عجوز عم يكسر حطب..وقفنا السيارة لنرتاح كانت الدني ليل وقررنا مانكمل الا بس يطلع الصبح..بهاداك الوقت الكل غفيت عيونوا الا انا وجمال..بقينا نحكي لوقت ماغفي هو كمان ..واللي فاجأني انو هديل بعدا فايقة وعم تقرأ ع ضو موبايلها الكتاب يلي بعدو بايديها ..ماكنت قدران احكي او ناقشها او اسألها..طلع الصبح والكل جهز حالو لنكمل المشوار مابقيان كثير شي ساعة او اثنين..
غسان : يالا ليكنا وصلنا..
جمال : غريب بس جهاز تحديد المواقع ما اظهر هاد المكان..
غسان :- اي بهاي المنطقة مابيظهر الموقع..
جمال :- شو السبب بابا..
غسان : يمكن الاقمار الصناعية ما عاملة مسح للمنطقة ع العموم يالا يا اولاد خلونا نصف وننزل نمشي ..لانو البيت ع بعد 500 متر..احملو الشنت المهمة لوقت مانلاقي طريق للسيارة لنحسن نمشي فيها قريب من البيت..
(( كانت الدني الصبح والشمس بعدا باردة..مشينا من بين الشجر المكسرة كانت طريق متعبة ..والعوائق علينا كثير..وصلنا للمكان..بيت محاط بسووور كبير ..وبوابة حديد ضخمة ..من خلف البوابة كان البيت باين وقفت مقابيلو شي خيالي ..شاهق ارتفاعو ..الابواب الشبابيك المنظر اللون كل شي مو مثل ماتوقعت شي اشبه ببيوت
هديل :- الاشباح..
باسم :- ها..
هديل :- بيشبه بيوت الاشباح ☺️..
(( استغربت من طريقة كلاما وشلون عرفت بشو عم فكر..قاطعت تفكيري
هديل :- فيك تساعدني بحمل هاي الشنتة..
باسم :- تكرمي..اووف تقيلة شو حاملة فيها..
هديل :- كتب
باسم :- كتب كل هاد جايبتيه لتقرأيه..
هديل :- لاء بس لإحمي حالي.. بابا بابا..
غسان :- اي هديل ..
(( تركتني من بعد كلاماتا الغريبة او بالاحرى السخيفة وبقيت اقاوم بحمل يلي اعطتني اياه لاحملو وصلنا للبيت كان بيت مهتري وكأنو شي قنبلة ودمرت حيطانو قبل هيك.. بس ماكان بدو الا شوية تصليحات..فتنا البيت يلي كان عبارة عن تماثيل قديمة موبيلا من من العصر المملوكي .. درج طويل بمنتصف البيت بينقلنا للغرف يلي بالطابق الثاني..والطابق الثالث عبارة عن غرف صغيرة اشبه بالمخازن..ابواب الغرف يلي بالطابق الثاني عبارة عن ابواب ضخمة خشبية مدموجة مع النحاس..اما المطبخ فكان حكاية ثانية... غريب هالبيت بكل حيط موجودة ساعة قديمة واللي لفت انتباهي وتعبني انو جميع الساعات على توقيت واحد واقفة. اخدني النظر . لحديث افراد عائلة جمال...
غسان :- شو رأيك بالبيت صوفيا..
صوفيا :- كثير رائع انا من زمان بحلم بهيك بيت انا بدي غير كل هالموبليا رح نجيب كل شي جديد ..غرف الاولاد وغرفتنا وغرف الضيافة..
سيف :- ماما تعي شوفي ..
(( الكل ركض ع صوت اخوه لجمال.يلي.كان بالطابق الثاني للبيت ..
سيف : ماما الخزانة كلا العاب شكرا ع الهدية الرائعة..بحبك بابي..
(( العاب غريبة وصناعة قديمة..بس كانت كلا كاأنها هلاء صنعت كلا بالاغلفة وتاريخ انتاج . وقتا ما انتبهت متى كان تاريخ انتاجا..بس يلي انتبهت عليه انو الدمى ( العرائس )) كلا مبتسمة..تركنا سيف بيلعب ونزلنا من تاني لتحت..لنشوف المطبخ ..كانت صوفيا منبهرة فيه..غريب..
صوفيا :- حبيبي انت مصلح المطبخ
غسان :- لا ياعمري من البداية هو هيك..
صوفيا :- هاي الاطباق ولااغراض كلا صناعة جديدة شي حد ساكن فيه قبلنا..
غسان :- ع ما اعتقد لاء..انا اشتريتو من الدولة لأنو اصحاب البيت كلن ماتو..
صوفيا :- ماتو..
غسان :- اي قصتهن كانت عيلة كبيرة على ما اعتقد بتمد اصولهن لعائلات استقراطية بقيو محافظين على عاداتهن وتقاليدهن رفضو يواكبو اي تطور او تقدم بصير بالمدن..
صوفيا : يعني كانو عيلة كبيرو..يعني مو غريب هاد البيت بيسكنو اثنين او ثلاثة..والمطبخ حديث ..
غسان :- اي افراد العيلة شي 12 غير الخدم والحشم..على ما اعتقد كل يلي ساكتين هون كان عددهن 19 شخص..الجد الاكبر والجدة ماتو انتحار ..بسبب مرضهن شربوا سم ..اما الاب مفقود وبقيت الام واولادها والخدم..ومابعرف اي معلومة عنهن والظاهر ماتو يعني مو معقولة قبل 130 سنة تقريبا يكونوا عايشين لهلاء ع العموم اللي مات مات..والحي ابقى من الميت..خلونا نبلش بالترتيبات .صوفيا في طقم ملاعق وسكاكين فضة..رتبي امورهن هديل روحي ع غرفتك اللي بطل ع الحديقة الخلفية هاي لالك .جمال يابي انت غرفتك يلي جنب غرفة سيف..ونحنا حبيبتي غرفتنا يلي بالمنتصف....باسم انت لالك غرفة الضيوف يلي جنب غرفة المكتب..رتبها ابني على زوقك كرمال تجيب امك تقضي عنا الصيفية..
..
كان ترتيب الغرفة كثير متعب اتربة واوساخ واوراق حيطان مهترية..وموبليا صعب اغير بمكانها شي..كل يلي قدرت اعملو بالغرفة هي اني شيل الاوساخ والحطام يلي فيها ومن شدة تعب والسفر غفيت وماحسيت ع حالي..فقت وانا عم اسعل.. وشي تقيل ع صدري..كان في ضو اصفر صغير قريب من الحيط عم يجذب انتباهي لالو كان جو الغرفة كئيب والهوا تقيل زادت سعلتي . مديت ايدي كرمال شوف الساعة كم.. هلاء انا بوقت الصبح وراحت عليه نومة او اني غفيت ساعة بس ومن التعب حاسس هيك ..بس شي كان كامش ايدي شي تقيل كثير .. رفعت راسي لاشوف بوضوح كانت عجوز تيابا قديمة ولابسة شال اسود طويل ع اكتافا..شعرا الابيض الخفيف ..وعيونا يلي مابعرف شو لونهن هني زرق فاتح او ابيض..وجهها الاسود وتجاعيد وجهها المخيفة كانت بإيديها شمعة ..كان وجودها حقيقي مين هيه وشو بتكون بعيلة جمال مافيو ست عجوزة .. دفنت وجهي بالمخدة لاتأكد اني بحلم..ارجعت فتحتن كانت بعدها موجودة والشمعة عم تتحرك بإيدها وعود دخان صغير .. فزيت من مكاني وصرخت..جماااال جمااال ...
*يـــــــــ͢ـོ͓ـــتبــــــــــــــོـ͓ـــ͢ــ؏*
➖➖➖➖➖➖➖➖➖
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h```