الفصل 26
*قـصـص وروايـات عـالـمـيـة💙📚📖*
*بإدارة* *يـامـن💙*
*❴📖❵↵* *ضحية.المئة.ليلة.tt* 🖤🔪
*❴🔢❵☟الـــبـــــــــــ❴6️⃣2️⃣ والاخير❵ــــــــــــارت☟*
➖➖➖➖➖➖➖➖➖
*
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h```
➖➖➖➖➖➖➖➖➖
بعد عدة أيام...
فاق ع صوتها..
يماااااان...يلا بقا خلصنا..
مافي وقت قوم
يمااان
يمان : أي أي أي شوفي
أيلول : أخي بعد كم ساعة كتب كتابك وأنت نااايم يلا بقى...شو هالبرادة هي..
يمان بعيون نعسانة : طيب شو بعمل اففف تركيني ولو
أيلول : قلتلك قوم وإلا والله بسلط ماما عليك
أميييييي يا أمييي
يمان : لا يرحم أبوكِ بقوم لحالي هلئ بتجي والشحاطة بأيدها...
أيلول : ههههه ما بتجي إلا هيك
يلا يامن ناطرك تنزلوا عالحلاق وبعدا عالسوق تجيب طقم يلااا
يمان : عم تقرري عني يعني
أيلول : هيك شي يلا..
يمان : اديه الساعة ليش
أيلول : ١٢
يمان بفزع : مزززززززح يعني في ست ساعات بس وأنا نايم
وقام نط من السرير..ليبدل تيابو ويروح عالحلاق ...
وبعد يوم طويل...
كانت عروستنا بجمالها الفريد
وشعرا المسرح بطريقة ناعمة ومزين بعرق الماس...ومكياج ناعم يبرز ملامحها الحلوة
وبفستانها الموف....
كانت جاهزة وناطرة إشارة أختها لتدخل عالصالون وتشوف يمان بعد كتب الكتاب
أسيل قدام مرايتها : خدي نفس واوعك تتوتري.. وأخيراً يلي تمنيتو صار...لا تخجلي ولا تقلقي...
سحبت نفس عميق ونزلت من غرفتها ورنة كعبها عم تصدح بالارجاء
ليلتفتوا ع صوتها..
كلهن نبهروا فيها..وبجمالها.. إلا يمااان كانت ملامحو مو مريحة أبدا بالنسبة إلها..
وقربت لتسلم عليه بس كان واضح في شي مو طبيعي حتى طريقة سلامه باردة...المفروض يطير من فرحته أنو اجا اليوم يلي نطرو...
نكزتو أيلول وهمست : ليش قالب خلقتك وحبيبتك جنبك
يمان من بين سنانو : ح اختنق أيلول..لاقيلي خطة اطلع واحكي معها لانو بجوز انفجر إذا ما حكيت
أيلول بصوت عالي : إيماار...
إيمار : أي حبيبتي..
أيلول : شو رأيك نطلع نشرب القهوة برا بالجنينة وغمزتلا
إيمار : أي فعلاً الجو حلو ...
تفضلي خالة.. يامن لين وليد ...تفضلوا لبرا نشرب القهوة الجو كتير حلو
أما عمار بقي اعد ومتنح مكانو
إيمار قربت منو : ما تقوووم
عمار : مو قايم ..فهمان عليكن..
إيمار : لك شو بدك فيهن صارت حلاله ...مو طبيعي عمار...
عم تنشفله قلبه للرجال بفصولك..قوم قدامي
عمار : مو قايم
إيمار : نومتك بالصالون اليوم لكن...
فجأة تغيرت ملامحو وقف وحكا..
عمار : يمان أنت خود راحتك وقعود مع خطيبتك ..نحنا برا ..إذا بدكن لحقونا ..
شحطتو ومشيت لبرا...
أما يمان بقي اعد وعم يهز برجله...وهيي اعدة ناطرة منو كلمة..
بس فجأة رفع راسو وحكا بانفعال: فيني افهم شو يلي عم تحاولي تعملي
أسيل : مافهمت
يمان : شو يلي مافهمتي أسيل...
معقولة أنتِ هاد الفستان كيف بتلبسيه قدام عمار وأخواتي..فهميني..
طيب هاد المكيااج
أنتِ مو محجبة..وانا متفهم وما بجبرك..إلا لما تقتنعي لحالك...أنا بس شغلتي فهمك الصح من الغلط والحلال من الحرام بس بدون إكراه...
بس مافيي شوفك بهالشكل وابقى ساكت..
أسيل: طيب بدا كل هالعصبيةةة
يمان : لك أنتِ مو حاسة بالنار لجواتي...كيف بدك ياني ابقى رايق وأنتِ عم تتفتلي هيك قدام الكل...
أسيل : يعني شو اعمل أنا....
مو عاجبك الفستان ببدلو
يمان : هاد يلي فهمتيه من كلامي
قرب وقعد بحدها
لك طالعة بتجنني
بتشلي يا بنت..مافيي اسمح لحدا يشوفك بهالجمال غيري
أسيل : طيب شو اعمل لترضا..قايمة بدلهن...
نطرني.. وفعلاً مافي دقيقتين..قامت بدلت تيابها ولبست فستان بكمام ومغطي الصدر طويل
وكلوش ومكسر من عند الخصر لونو فضي
وهيي نازلة ابتسملا وهز راسو برضا...
أسيل : وهيك شو رأيك...
قام وقف بحدا ولفا من خصرها..
يمان : كتير حلووو..
أسيل : أنا ولا الفستان..
يمان : التنيين...وقرب وضمها لصدرو..وهمس حد أدنها :
برائتك وقلبك الطيب يلي وقعوني بشباكك يابنت
وقعت ومعد عرفت اطلع
أسيل : ليش حابب تطلع
يمان : مو حابب أبداً..
🍂🍂🍂🍂🍂🍂🍂🍂
في صباح اليوم التالي
قام عمار بسرعة
إيمار..إيمااار
إيمار بفزع : شوفي
عمار : قومي بسرعة
فيقي أسيل وبدلوا تيابكن
إيمار : لوين عمار الشمس ما طلعت
عمار : بعرف يلا مافي وقت للحكي وخدوا تياب وغراضكن المهمة بجوز نبقى فترة
إيمار : لك ويييييين
عمار : رحلة وبس. يلا لشوف جهزوا حالكن
.🍂🍂🍂🍂🍂🍂🍂🍂.
أيلول كانت عم تصلي الفجر لما دق الباب ودخل يامن
يامن : تقبل الله اختي
أيلول : منا ومنك صالح الاعمال
شوفي..فيك شي
يامن : لا بس اجيت قلك قومي بدلي تيابك وخدي غراضك المهمة طالعين رحلة
أيلول : لوين الرحلة ومع مين
دخل يمان وراه : منعتذر باقي التفاصيل مجهولة يلا تجهزي..
أيلول : طيب وماما ح تبقى لحالها
يمان : ماقبلت تروح ووليد معها ...يلا مافي وقت تجهزي لاخد الغراض عالسيارة
🍂🍂🍂🍂🍂🍂🍂🍂🍂🍂🍂
أم أدهم: لك أمي وين رايح من هلئ لسا بكير
أدهم: عندي مشوار ماما.. طالع مع رفقاتي..دعيلي
أم أدهم : الله يهدي بالك ويفرح قلبك يا عمري..
🍂🍂🍂🍂🍂🍂🍂🍂🍂لين : أي يامن أي حكو معي عم ضب غراضي
طيب طيب ثواني بس بنزل اوك
أم أحمد : لك لوين بس فهميني ....
لين : مابعرف أمي بس أسيل وإيمار رايحين وحتى أيلول..
يامن ويمان وأيلول ناطرين تحت...
أم أحمد : طيب..إذا هيك روحي..نبسطي ..
لين : تؤبريني أحلا مامي بالكووون
🍂🍂🍂🍂🍂🍂🍂🍂🍂🍂🍂🍂🍂
رؤى وهيي راكضة عالدرج : لك أي أي سمعت يلعو قلبك يا يامن
فتحت باب السيارة وركبت
رؤى : وضريب يامن قلتلك نازلة صرعتني وأنت تزمر
يامن : 🤣🤣🤣🤣
أيلول : ليش هيك شكلك
رؤى رفعت شعرها المنكوش بغرور..: شبني..متل الفلة اسم الله حولي وحولييي
يمان : هالله ع تواضعك ..
بعد عدة ساعات
أسيل وعمار وإيمار بسيارة
ولين ورؤى و أيلول ويمان ويامن بسيارة..
وأدهم لوحدو بسيارة
وصلوا عاللادقية..
وقفت سيارة عمار بعدا يمان وأخيراً أدهم
أيلول : هلئ هاد مشواركن عالبحر...والله فكرت شي جديد
عمار : لا تستعجلي ع رزقك...في مخططات كتير ببالنا
إيمار : أنا كتير متحمسةةةة
أدهم : رحلة ما ح تنسوها بعمركن
أسيل : يمان وأنت بتعرف وما حكيت
يمان ضحك وبقي ساكت
لين : كلكن متفقين علينا صح....
أدهم : ببساطة..صح..والفكرة فكرتي
لأنو في حال عرفتو
ح تقضوها تجهيزات من قبل بأسبوع
هيك أريح لراسنا ولقلبنا...
أيلول : شو قصدك سيد أدهم يعني نحنا منوجع الراس والقلب
أدهم لنفسه: أنت ِبالذات بلسم لقلبي
ابتسم وهز براسه..لتنفعل وترفع أصبعها..
أيلول : يا مستفزززز
يمان قرب منها : عيب لك بنتي... اسكتِ
إيمار : طيب خدونا ع الشاليه لنرتاح تعبنا من الطريق
عمار : تمام..حجزت شاليه في غرفتين إلنا غرفة
ولأسيل ولين غرفة
والتاني غرفة ليمان ويامن وأدهم وغرفة لأيلول ورؤى ...
أيلول : ممتاز أنا تعبت وبدي ارتاح...
ويامن : طيب ليش خطيبتي معكن...
عمار : لأنو لين تحت وصايتي حالياً وممنوع تتواجدوا ببيت واحد لتتزوجوا
يمان : الله لا يجعلك عم بسنين الفقر...
ناوي تموتنا أنا وأخي بهالخطبة...
يامن : شايف بربك..
أدهم : ههههه لك هاد عاملكن تسلايتو لهيك عم يتمقطع فيكن...
عمار بجدية : ماعم امزح..كل واحد فيكن يلتزم حدودو..
أدهم باشمئزاز : مو قلتلك إنك تافه..
يمان : وبشدة...
يامن : فعلاً..
عمار : يلا حاج لعي روحوا رتاحوا..المسا في حفلة كتير حلوة ع الشط بدنا نحضرها ونسهر سهرة بيرفيكت بعدها
أدهم : تماام ...
يلا شباب تعو دلوني عالغرفة..
انطلق كل حدا منهن ع غرفتو وناموا من تعبهن عالطريق..
وعالغروب
جهزوا حالهن البنات ونزلوا عالشط ليشوفوا الحفلة ..
كانت حلوة فيها مجموعة شباب عم تغني..وكل حدا عندو موهبة ينضم ويشارك
.. بالإضافة للعزف عالغيتار والعود صار عدة مسابقاات
لين : حبيبي شارك ..
يامن : مستحيل
لين : كرماااالي غنية وحدة بس..
يامن : لين
لين بدلع : يااامن
أيلول : أي أخي حبيبي غنية وحدة موافقين
أدهم : حاجتك دلال يلا..
اتوجه يامن ليشارك بأغنية ويغني بصوتو الحنون..والعاشق..وعينو مع حبيبة قلبه يلي خصها بهالغنية
شو بحبك لما بتحكي..بترسم عشفافك ضحكة
شو بحبك لما بتشكي بتبكي وعم بتغلغل فيي
حبيبي أنت الأحلى..عمري بقربك عم يحلا..
عطرك سحرك صوتك رسمك صاروا مني وفيي..
بهالحظة ما كانت بتعبر عنهن بس
كان أدهم عم يتأمل أيلول مع كل كلمة يقولا يامن لنتبهت وتطلعت فيه وبعدا حاولت تتهرب من نظراتو..
ليتجرأ ويستغل انشغال أخوتا ويسحبا من أيدها بعيد عن الحفلة...
أيلول : لك أدهم ليش ساحبني هيك وين أخدني..أدهم...أدهم
أدهم : وبعدين معك.....ليش عم تتهربي
أيلول بتوتر : من شو بدي اتهرب
أدهم : مني...أنا ما نسيت
ما نسيت كل شي قلتيه بيومها..ولا أنتِ نسيتي كلامي..
بتعرفي أني بحبك وبعرف تماماً إنك بتحبيني
ليش عم تتهربي وكأننا أغراب
أيلول : لأنو فعلاً نحنا أغراب...
أدهم : شو هالتناقض هاد
.بتحبيني وبتقولي عني غريب
أيلول : أنت مانك صغير أدهم..بس أنت بتبقى غريب طالما في شي يربطني فيك ..وفهمك كفاية
أدهم : يعني..إذا اجيت وطلبتك من أخوكِ..بتوافقي
ما ردت...
أيلول.. رفعي راسك وطلعي بعيوني..وجاوبي..بتوافقي
أيلول هزت راسو بدون ما ترفع نظرها..
أدهم بابتسامة : لك بعشقك والله بعشقك...
تعي معي مسكها من طرف كنزتا وشحطها وراه وهيي عم تطلب يبعد
أيلول : لك أدهم والله جلدك عم يحكك..هلئ يمان ما يشوفك ليكسر ايديك
أدهم : أنا رايح لعندو أساساً
رجع لقا الحفلة بنهايتها..ويمان واقف وناطر تبرير
يمان : وين كنت مع اختي...
أدهم : ببساطة.. كنت عم اسألها سؤال..وح اسألك ياه هلئ...
يمان : شو حزورة الشغلة ..احكي
أدهم : بتقبل تزوجني أختك
يمان : نعم...؟
وشو خطرلك هلئ...
أدهم : ولا شي..أنا بحبها ورايدها وبدي كفي حياتي معها ..
يامن : وهيي شو رأيها
أيلول : أخي
أنا...
أدهم : وهيي موااافقة
يمان رفع حاجب : وأنت شو عرفك
أدهم ببرودة : سألتا
اتطلع باختو نظرة ثاقبة خلتها تدير وجها عالطرف التاني حتى تهرب من نظراتويمان : ليك..هلئ هيك مو أصول..ولا طريقة بتليق بطلبة..بس أنا موافق.. طالما ح تكون مبسوطة معك ومرتاحة أنا موافق..أنا شايف أنها بتحبك كتير..مافيي أنكر وكذب عيوني.. شايفك وشايفها...ومن هلئ فيي قلك عطيناك اذا الله عطاك
ابتسم أدهم بنصر وضم يماان : أحلى ابن حمايي بالطابة الأرضية...
عمار : والله وفعلتا يا مستفز
أدهم بغرور : بعجبك...
إيمار : مبرووووك أيلولي..
أيلول : يبارك فيكِ حبيبة قلبي أنتِ
أسيل : يلا يا جماعة الأعدة جاهزة عالشط وناطرتنا والعشا جاهز...
بعد العشا عمار كان حامل قنينة كولا ازاز
عمار : مين قلبو قوي خرج الصراحة..
أدهم : أكيد مو أنا
يمان : أنت أول واحد...
عمار ليمان : هههههههههههه نظراتك لأدهم وحكيك بيشبهو طريقتي يا حزرك ليش🤣🤣
أدهم : لأنك تااافه..اقعود وخراس محراك الشر..
عمار: 🤣🤣🤣🤣🤣🤣🤣🤣🤣
يمان : يلا حرك قدامي أنت وهوي....
كانو البنات مزبطين القعدة عالشط..وحاطين التسالي والفواكه ..
إيمار بشراهة : لك أيلول...أمانة كيف عاملة سلطة الفواكه..بتجنن كتير طيبةةة
أيلول : صحة وهنا ياعمري
أسيل : أختي شوي شوي شو صرلك... إيمت كانت طريقتك بالأكل فولغير...
إيمار علقت اللقمة بتما وحكت بزعل: أنا فولغيرر
ليش شبني..عينك بأكلي يعني..وهي بطلت أكل
رمت الملعقة وقامت..
عمار : شو صار معها...
أسيل : والله ما حكيت شي ..بالعادة بمزح ما بتزعل
عمار : أنا قايم شوفها
أيلول : قعود عمار أنا بقوم..
عمار : متأكدة..
أيلول : أي متأكدة..
قامت وراها ومعها الجاكيت يلي رمتو من حضنا لما قامت وحطتو عكتافا
أيلول : لك هلكتيني شوي شوي...
إيمار : تركوني لحالي
أيلول : ليش منفعلة هيك...أنا أول مرة بشوفك معصبة بهالطريقة..سدقيني مو حرزانة..
إيمار : مو بأيدي.. صرلي كم يوم عم اتحسس من كلمة..
ماعم اتحمل مزح...
أيلول : متخانقة مع زوجك
إيمار : بالعكس... عمار مافي منو
أيلول : طيب ممكن أسألك شي...بس إذا في إحراج بلاها
إيمار : قولي عادي..
أيلول : أنو..يعني...ممكن تكونِ حامل..؟
إيمار رمشت رمشتين بعدم استوعاب...وبعدا فتحت عيونها ع وسعهن وشهقت بقوة
إيمار : لك كيف ما خطرليييييي
أيلول : يعني...؟
إيمار : بدي تيست كيف بدي دبر بهالوقت
أيلول : إذا قلتي لزوجك ينزل عقلب البلد بيلاقي..بعد بكير
إيمار بفرحة : رايحة رايحة قلو
ركضت لتلحقا ايلول وهيي عم تضحك ع طريقتها
قعدوا والابتسامة ع وجهن
إيمار : عمار ..حبيبي
عمار باستغراب : أي حبي
إيمار : بدي ياك بموضوع ...قوم معي..
عمار : لوين..
ايمار : شوووو لوين يلا الموضوع ضروري بسرعةةة ما بيتأجل
سحبتو من أيدو وقام وراها وكل الموجودين مستغربين
أدهم لأيلول : شو حكيتِ معها حتى اجت هيك لعند الرجال..شو صاير..
شو قلتيلا ...في شي خبصة بدكن تخبصوها صح
أيلول بمزح : اه منك يا ظالمني
يمان : احم ...ليش هيك عم تحكي مع أختي
أدهم : عفكرة ما أكلت من أختك شقفة..حاج تتزورني...
بعدين تعتبر خطيبتي
يامن : نعم نعم نعم....لسا ما صار شي ..وفينا نتراجع بأي لحظة
أيلول فتحت عيونها ع وسعهنن
بينما أدهم : شو تتراجعوا..يستر ع ولاياك أنت وأخوك قعدوا وكنو أنا ما سدقت اخدت منكن كلمة... تعي أنتِ وياها كل وحدة تاخد خطيبها من وجهي
انطلقت ضحكات البنات...بينما خبطوا يمان ع كتفو بمزح...
يمان : ما بتلقى مزح يا صهري
أدهم : ولا حتى ضرب...
ايدك كتير خفيفة يا ابن حمايي.. ماشالله عنك
عمار كان واقف بعيد عنهن وومقابيلو إيمار عم تدور مكانها
عمار : لك بنتي احكي خلصينا..شو في
إيمار : عمار بدي حلل
عمار بخوف : تحليل شو فيكِ شي
..صاير معك شي؟؟
إيمار : عمار...عمار ...تركني كفي كلامي..بدي اختبار حمل...
عمار : نعم...حمل
إيمار : أي...
عمار : طيب كم دقيقة وبرجعلك ما
ومشي بدون ما يحكي ركب سيارتو ونطلق وهيي رجعت لعندهن وبعدهن مو فهمانين شي
لين : يعني هيك ح نقضي السهرةة
مللليت
يامن : قومي حبيبتي راح العزول قومي نتمشى
يمان : أي والله لقوم أنا كمان تعي أسيل نحكيلنا كلمتين بدون هالزنخ عمار
أدهم بمكر : الله ييسر
تراجع يمان خطوتين لورا
يمان : أسيل اقعدي غيرت رأيي
أسيل : يالله منك شو بدك تبقى اعد ع قلبهن هفف بعدين هي أختي هون
يمان : مستحيل بدي اقعد عقلبو لهالمستفز
أسيل : قومي أختي ...قومي نتمشى .. خليه القعدة تنفعو...يلا رؤى
ومشيت وهيي مزعوجة من تصرفاتو
رؤى: والله الحق معك هالجوز ما بينطاقو
يمان : كلو منك عفكرة لا تتبسم بخلقتي هيك
أدهم : الله لا يقيمك
يمان : خراس
أيلول : ليككن عم تتناقروا..أنا لاحقتهن...
أدهم ويمان بصوت واحد : كلو منك....
🍂🍂🍂🍂🍂🍂🍂🍂🍂🍂🍂🍂🍂🍂
عمار كان ماشي بسيارتو ودموعو عم ينهمروا وعم يدعي بسرو أنو تكون فعلاً حامل .
ناطر هاللحظة من سنين
من يوم يلي دخلت حياتو وهوي أمنيتو يكون عندو طفل منها...
وصل لعندها بعد مدة مستعجل..
لمحو أدهم ويمان
أدهم : أقسم بالله جن الزلمة شبو عم يركض هيك
يمان : علمي علمك ..الله اعلم شو خبصو هالتنتين...عمار قرب وسحبا من ايدها ومشي معها عالشالية
إيمار: طول بالك شوي يييي
عمار : خدي حللي وقوليلي النتيجة ناطرك هون
إيمار : تمام...
دخلت للحمام لتعمل التحليل..وبعد شي خمس دقايق طلعت وهيي ساكتةة
عمار : شو؟؟ شو صار
ما ردت ولا حكت..
قربت وضمتوو وصارت تبكي
عمار خاب ظنو وصار يمسح ع شعرا : لا تبكي حبيبتي لا تبكي
بسيطة مو مشكلة..اتحمسنا للموضوع...عادي..ما صار هلئ بصير الشهر الجاية عادي
إيمار : رح صير أم ..ح يصير عنا بيبي
عمار بفرحة شدها لحضنو أكتر ونهمروا دموعو... : الحمدلله والشكر لك يارب...
اما رؤى زلغطت نزلغوطة لمت كل السياح يلي عالبحر🤣🤣🤣🤣
🍂🍂🍂🍂🍂🍂🍂🍂🍂🍂🍂🍂🍂
برا كانو لين وأسيل ورؤى والشباب عم يحكوا ومستغربين تصرفات عمار وإيمار بينما أيلول ساكتة ورافضة تحكي شي..
طلعوا هنن التنين شابكين أيديهن بأيد بعض... والبسمة ع وجهن
رؤى: ايلول اذا ما حتحكي شو القصة ضاربتك بوكس مكسرة سنانك
أيلول: ما دخلني ...عملي لبدك ياه
يمان : يا رجل شوفي...نزعت السهرة وقمت
عمار : باركولي.. ولي العهد عالطريق....
يامن : ياعيننننن ان شاء الله ألف مبروك
وقرب وضمو ليعملوا نفس الشي الباقي..
وأسيل ضمت أختها وهيي مبسوطة كتير كرمالها..
أيلول كانت فرحانة وبنفس لوقت غصة كبيرة جواتها..
أدهم : كان ملاحقها بعيونو وفهمان عليها
رفعت نظرها ليلتقو عيونهن.
هز براسو وابتسملا ليذكرها أنو الأيام يلي جاية أحلى وفيها خير كبير إلهن....
🍂🍂🍂🍂🍂🍂🍂🍂🍂🍂🍂🍂🍂🍂
بعد تلت أيام بوقت الغروب
كانوا عم يضبوا غراضهن بالسيارات لينطلقو لوجهة تانية
لين : طيب ما ح تقولو لوين ..
أسيل : أي عنجد لجهز نفسيتي عالأقل
يمان قرب قرص خدها بخفة: مفاجأة....
أيلول : لنشوف آخرتا معكن..
وبعد ساعتين كانو واصلين ع ضيعة عالية كتير بالجبال...
وفيها وديان وسهول ونهر..
أيلول : يااااه..أنتو لوين جايبيني..
ح نعمل تخيم يعني
عمار : تماماً..بس ح نقعد ببيت رفيقي ما ح تنامو بالغابة أكيد... وهوي مسافر ما ح يتدايق يعني
إيمار : طيب يلا انا جوعانة
عمار : خسى الجوع ياعمري أنتِ...يلا تعو هاد البيت
قرب عمار وفتح الباب ودخل ..
أيلول : أمانة ليش هيك البيت متل بيت الأدعشري
عمار : بيت مهجور من زمان لهيك..وهون بالضيعة حياتهن هيك..
أسيل : طيب وهلئ وين نقعد
عمار : الغرف نضيفة..أنو تواصلت معو وبعت حدا نضف البيت قبل ما نوصل..فوتوا رتاحوا بين ما يجهز العشاء..ح اعمللك أطيب أكلة مشاوي..
يمان يامن أدهم لحقوني
أدهم : الله لا يحكم عبد ب عبد
يمان : استعنى عالشقى بالله
عملوا أطيب غدا..بينما كانت أيلول وإيمار والبنات جوا عم يحضروا السلطات والسفرة
بعد العشا عملتلهن أيلول كيك بالليمون...
أدهم : بعمري ما دقت أطيب من هاالكيك ولا أطيب من أكلاتك ..
أيلول بابتسامة : صحتين وهنا
يمان : استحي أنا أعد قد اللوح قدامك
أدهم : اييييه والله طققتني
إيمار : سمعوا شو هاالصوووت
أسيل : كأنو صوت بيشبه صوت شي نخبط بالأرض
لين : بجوز من الهوا
أسيل : ياربي ليش حرمت بنت خالتي العقل..
لك بنتي وين الهوا..مافي نسمة حتى
أيلول : أنا قايمة شوف.. قامت عالمطبخ..
وبعد ثواني سمعو صراخا..ليركد أدهم وبعدو يامن
يامن : شوفي
أيلول : لك جردوووووون
بس سمعوا البنات كلمة جردون صاروا كلهن واقفين
الا رؤى: وينو بعدولي انا بقتلو
أسيل : ولي يا أمي...
عمار : طولوا بالكن بسيطة...
مو حرزانة
إيمار : أدهم كيف مو حرزانة...
عمار : خلصنا قلة عقل شه..
بعد دقايق طلع أدهم من المطبخ
أدهم : هرب من الشباك لأنو كان مفتوح..
رؤى: كلو منك ما خلاني اضربو.
ادهم : سكرتو ماعد يفوت شي قوموا ناموا وأنتو مرتاحين
أيلول : مستحيل معد اقعد دقيييقة
محلاني فيق ع شي فارة أو حية فوق راسي مستحيل نام
أدهم : بلا ولدنة قلتلك مافي شي..
بنفس اللحظة سمعو صوت حركشة بالحوش...
أسيل بخوف : سمعتو
في شي بالحوش..أكيد حية أكيد..
وأنا مع أيلول رجعوني عالشام
بنفس الثانية انضموا لين وإيمار إلهن..
يامن : يعني اتحدوا خلص..
عمار : الهيئة خلص...
يمان : والعمل هلىء..صارت الساعة١بليل
وبرا بترفع ايدك ما بتشوفها...
أيلول : مالي علااااقة ما ببقى ثانية هون..ممكن موت ما شوف شي كمان
أدهم : لا منمشي ...قوموا نضب الغراض يلا...
كلو وإلا زعل حبيبتي يلاااا أنت وياه قوموا
وقام وبلش يضب الشناتي لتلحقو وتساعدو هي والبنات متجاهلة أخواتا يلي واقفين وعم يتزوروهن
رؤى : هففففف ياربي ليش حارم كل مين بحياتي العقل
🍂🍂🍂🍂🍂🍂🍂🍂🍂🍂🍂🍂🍂🍂
بعد شهر...تزوج يمان ويامن وأدهم بنفس اليوم..
طلوا هنن التلاتة بأجمل طلة...
وبرقصة السلو تقدموا الثنائيات التلاتة للرقص
لين ويامن
الحب يلي واجه الصعوبات وما تمكنت أي مشكلة منو..
قدر يطلع من كل المطبات وهوي أقوى من قبل
بدون مايهتم لكلام الناس والمجتمع
أسيل ويمان
كان العوض بالنسبة إلها
الملجأ بوقت الزعل والحضن الدافي ورفيق الضحكات بوقت الفرح...أدهم وأيلول
أدهم لقى مين يحس بوجعو وبجرحو.
صارت البلسم لروحو..والدوا لقلبو
أيلول..لقت فيه الرحمة والحنية يلي ما لقتهن بأحمد
ما كان مجرد زوج...كان أب و أخ وحبيب ورفيق...
كان نقطة التحول يلي قلبت حياتها..ودقة القلب الأولى...
عمار وإيمار
كانو واقفين عم يتأملوهن...
عمار : نظراتك إلهن عم تقول وأخيراً..
إيمار : لا عمار... هنن هلئ بلشوا...
هلئ خلقوا من جديد ...
بالأخص أيلول...هلئ بلشت تحس بطعم الحياة..
وتحس حالها بمكانها الصح
عمار : هلئ صار فيكِ تختمي روايتك..
إيمار : تماماً...
شو رأيك نرقص
عمار بتصميم : مستحيييل ...
إيمار: عمااار
عمار : لاا
علا: رؤى لك بنتي تلحلحي لاقي شي عريس ما بقي غيرك
رؤى: خالتي اذا تزوجت انا بشهر لتلاقي واحد بالسجن وواحد بالقبر
علا: بسم الله عليكي شو تتزوجي مصارع
رؤى: لا خالتي فهمتي غلط
هوي بالقبر مو انا
علا: هههههههههههه يطعمك الهنا ع هالحكي
🍂🍂🍂🍂🍂🍂🍂🍂🍂🍂🍂
بعد مرور سنتين...
أدهم : آها...أنا هلئ فهمت شو المقصد من كلمة ضحية..
أيلول : قلي
أدهم : أنتِ كنتِ ضحية للشغلات البشعة يلي مرت بحياتك...
بس بالمقابل كنتي ضحية لحب ...حب دق بابك وأنتِ استقبلتيه بدون قصد منك..وغرقتي وغرقتيني معك
وأنا كنت وح ابقى ضحية عيونك وغرامك
قرب ومسك خصلة من شعرها.. وصار يلفا ع أصابعو
كنت ضحية هالوجه الحلو من أول يوم
ما تحملت لليوم المية متلك... وقرب ليبوسها
أيلول : أدهم
أدهم : عيونو...
أيلول : قوم شوف جود عم يبكي
أدهم : لا تقوليها..
أيلول : هههههههههههه قلتا ومشي الحال
أدهم : أمري لله...هالولد متل خوالو بينط بالوقت الغلط
كأنو مسلطينو عليي...
أيلول : هههههههههههه طيب جاية معك ما تزعل ما بتهون عليي
*الـــــــــ͢ـོ͓ـــنهـــــــايـــــــོـ͓ـــ͢ــة*
➖➖➖➖➖➖➖➖➖
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h```