الفصل 24
*قـصـص وروايـات عـالـمـيـة💙📚📖*
*بإدارة* *يـامـن💙*
*❴📖❵↵* *ضحية.المئة.ليلة.tt* 🖤🔪
*❴🔢❵☟الـــبـــــــــــ❴4️⃣2️⃣❵ــــــــــــارت☟*
➖➖➖➖➖➖➖➖➖
*
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h```
➖➖➖➖➖➖➖➖➖
بهالأثناء يمان ويامن خافوا عليها كتير لما لقوها واقعة بحضن أدهم مغمى عليها..
أما هوي فكان ماسكها من خصرا وساندها عليه وبالأيد التانية عم يطبطب ع وجها : أيلول...أيلول قومي
فيكِ شي أيلول
لك عمااار مي هات مي بسرعة..
قرب منو يمان وحملها وسطحها عالصوفا وأدهم صار يمسحلا وجها بالمي وهوي عم يحكي معها...رجع جاب بارفان تقيل ورش ع تيابها..
لتبلش تفتح عيونها...
أدهم : صحيت...
يامن ويمان معد عرفو شو يعملوا ولا شو يحكوا ولا كيف ممكن يتصرفوا بعد ما جرحوها هيك...
أدهم : هيك أحسن سيد يمان ..إن شاء لله تكون فرحت باللي عملتوه أنت وأخوك...
يمان : مو ناقصني كلامك
عمار : هدو شوي وصلو عالنبي لاعرف قيس ضغطها...
هف ياه
يامن : يمان طول بالك حاج خناق وقتال ..شوف لوين وصلت أختك...عنجد بكفي ..عيب علينا يلي عملناه....
سكت يمان وقام اعد بعيد عنهن
عمار : نزل ضغطها مافيها شي ومن تلف أعصابها عم يصير معها هيك..
أيلول..طولي بالك واهدي كلو بينحل
الحق عليي بعتذر منك
فكرت أخواتك واعيين... وأنهن ح يتفهموكِ ويسمعوكِ بهدوء بس طلعت غلطان...
قرب يمان منها وقعد ع ركبتو : آسف أيلول...آسف أختي...سامحيني أنا حكيت هيك لأنو محدا بيعرف الشهور كيف مرت علينا...لو تعرفي شو صار بأمك وفيني وبيامن ووليد
حياتنا صارت جحيم...وهمنا الوحيد أنتِ...
انتِ متخيلة شو صار فيي يومها...
همي الوحيد أنتِ وين... شو صاير فيكِ...عايشة أو ميتة...مخطوفة ومين خطفك...صرت شك بالكل
يامن : قضينا ليالي سودا بدونك..
بيتنا فقد الحنية والدفا...
أنتِ روح النا ولهداك البيت...
أمك دمعتا ما عم تنشف..كل ما فوت ع غرفتا بلاقيها عم تبكي ع سجادة صلاتها ناطرة خبر عنك يريح قلبها...
أنتِ مفكرة حالك قليلة عنا يا بنت..
قرب وضمها لتبادلو الحضن وهيي عم تبكي متل طفلة صغيرة
ليدفشو يمان بعد شوي : حاج عيب عليك بعد صار دوري
تعي لحضني تعي لو تعرفي شو مشتاقلك..
أما عمار وأدهم كانو واقفين وعم يراقبوا بصمت
ونار الغيرة شاعلة بصدر أدهم..
يمان حضن وجها بكفوف ايديه : صرتي منيحة أختي
أيلول هزت راسا بالإيجاب : أي منيحة مافيي شي
يمان : قومي لساعدك غسلي وجهك لنمشي..
أيلول : لوين أخي..
يمان : شو لوين عالبيت...
رفعت نظرها لتجي عينها بعين أدهم... فكرت كتير بهاد اليوم بس ما توقعت لحظتها أنو الشعور ح يكون صعب هيك
بعد ثواني أدهم زاح نظرو وطلع من كل الصالون ..
يمان : أختي سامعة
أيلول : أي أي أخي يلاا
ساعدها لتقوم وهيي بدورها فاتت عالغرفة أخدت منها التياب يلي اجت فيهن بس الجاكيت والشنتا والموبايل وطلعت...
كان أدهم واقف مقابل الباب
أدهم : يعني ح تروحي...
اجت اللحظة يلي ح تتركي هالبيت فاضي وتمشي...
هزت راسها أيلول ورغم فرحتها برجعتها لعيلتها إلا أنو غصة فراقو كتير صعبة ع قلبها...
أيلول : أدهم..أنت حدا نبيل كتير...
بشكرك ع كلشي عملتو..وكلشي قدمتو كرمالنا...
أدهم هز راسو بدون كلام
أيلول : ضل تذكرني..وتذكر أيامنا بهالبيت ..تذكر سهراتنا يلي نقضيها عم نشكي همومنا لبعض...
أدهم : هدول الأيام أغرب ايام بعيشها..
وأكتر أيام ما بتنتسى...أنتِ أنثى صعب تنتسى بسهولة...وحدة بشجاعتك وقوتك وصبرك وإيمانك وحنيتك ما بتنتسى..
مشيت ومشي وراها لحد الباب ..نزلت عالدرج بينما هوي وقف عالشباك ضل عم يتأمل الشارع لشافها قطعت وركبت مع أخواتها ومشيت...
أدهم بنفسه : مستحيل انساكِ..مستحيل اقدر طلعك من جواتي..أنتِ مو متلا..مو متل أي حدا مر عليي...أنتِ سكنتي روحي وتغلغلتي بقلبي..مافي اتجازوك...
🍂🍂🍂🍂🍂🍂🍂🍂🍂🍂🍂🍂🍂🍂🍂
علا كانت عم تسقي وردات النرجس والياسمين ببيتها...ورؤى عندها عم تعمل القهوة بأرض الديار..
رؤى عم تغني : على بابي واقف قمرين واحد بالسما...والتاني أغلى من العين بيفهم بالوماااا..على بابي على بابي واقف قمرييين
علا : دخيل هالصوووت الحلوو
رؤى : الله يجبر بخاطرك يا خالتي... بس أنا والغنا خطين متوازيين لا يلتقيان مهما امتدا....
علا : ههههه لك منين بتجيبي هالحكي
رؤى : مو من عندي...بنتك كانت كل ما تسمعني عم غني تقلي هالجملةة...
أيلول : وح عيد وكرر أنتِ والغنا خطين متوازيين لا يلتقيان مهما امتدا..اوعك تغنيييي
لما سمعت علا ورؤى الصوت فتحوا عيونهن بذهول من الصدمة ووقفوا ع حيلهن ليلاقوها فايتة وع يمينها يمان ويسارها يامن وهيي فايتة بابتسامتها الحلوة ع البيت ...
علا وهيي عم تاخد نفسها بصعوبة: بنتي.... بنتي رجعتلي...
أيلول رجعت
قربت أيلول وارتمت بحضن أمها وصارت تشم ريحة الحنية والدفى بحضنها..
علا ببكا : وين كنت وين يا روح أمك..والله قلبي داب ع بعدك والله
الحمدلله الحمدلله ألف حمد وشكر إلك يارب
أيلول : أنا رجعت ماما خلص رجعت حبيبتي رجعت لحضنك
بعدت عن حضن أمها وكانت رؤى واقفة ودموعها عم تنزل بصمتأيلول : لك جاكيشان شتقتلك
رؤى : يا تافهة تعي لقلبي...
يامن : احم إذا خلصتو أحضان فينا نقعد نشرب القهوة وقول شي
بعدت أيلول عن رؤى : أخي شو في كمان قصص وحكي والله مليت من كتر ما سمعت أخبار بتسد النفس
يامن : هالمرة ح تفرحي كتيرررر...أحمد طلقك .
أيلول بابتسامة : قول والله
يامن : والله
أيلول راحت لعندو ضمتوو : لك أنا بحبك بحبك بحبك وبموت فيك يا أحلى أخ بالكون كلوووو
يمان بابتسامة : وأنا وين رحت
أيلول : أنت ما تحكي معي نهائياً
يمان اختفت ابتسامتو : أختييي
علا: يوه شبكن بلشتوو...تركوني مبسوطة ببنتي
رؤى صبي القهوة ويلا اقعدوا حكولي شو القصة ...
🍂🍂🍂🍂🍂🍂🍂🍂🍂🍂🍂🍂🍂🍂
فتح عمار باب البيت وفات ما لقى حدا
ارتمى عالكنبا وسند راسو لورا وزفر بتعب
ليحس بأيد تغلغلت بشعرو ..بعدها حس بأنفاسها يلي صارت قريبة منو
..ابتسم لما شم ريحتها..قربت وباست خدو..وبعدت وهوي فتح عيونو..
عمار : يقبرني هالوجه
إيمار : شتقتلك..وين كنت
عمار مسك ايدها وقعدها بحدو
وحاوطها بايديه...
عمار : تعي احكيلك ..هاد يا ستي رجعنا أيلول ع بيتها ...
إيمار : يعني أخواتها عرفوا إنها ببيت أدهم
وراحوا ورجعوها
عمار: اييي
إيمار : وهيي تركت أدهم واجت
عمار : شي طبيعي
إيمار : خسااارة..رسمتهن بخيالي يبقو سوا..
عمار : أدهم عشقانها...
إيمار بحماس : كنت بعررررررف
عمار بجدية : شيلي المزح وركزي معي... بهاليومين لازم نكون مسلمين كل الأدلة للشرطة
وأنا ح سلم تقرير الدم يلي عملتلك ياه وسالي لازم تروح وتعترف بكلشي...بالإضافة لمهران لأنو كان عندو علم بتجارة أحمد
أنتِ جاهزة ...
إيمار : طيب خايفة انسجن..
عنار حضن خدودها : لك ما بتنسجني أنتِ ماعندك علم أصلاً...هالشي صار غصب عنك وكلام سالي ح يأكد هالشي
هزت راسها إيمار بقلق...وسكتت
عمار : كيف صارت أسيل
إيمار : منيحة.. عم تدرس بغرفتها...
وبلشت تتحسن وتطلع من حالتها..
بس مو قبلانة تقلي شوفي بينها وبين هالشب
عمار : يمان بيحبها وهيي بتحبو وهنن مرتبطين
بس اليوم مسكتو من ايدو يلي بتوجعووو
وقلتلو ممنوع تشوفا أو تحكي معا الا بأذني
إيمار بدلع : عمااااار...عم تمزح
عمار : رووح عمار ماني عم امزح بس البنت أنا ولي أمرها من اليوم...مفكر ماعندها حدا يشوفا ايمت مابدو...
إيمار : عم تعمل هيك لتجننو صح
عمار بمكر : صحح
إيمار : ما شفت داهية متلك
عمار : هههههههههههه فظيعة أنتِ ومفرداتك
إيمار : رايحة اكتب المعلومات يلي حكيتها بروايتي حتى ما انسى شي
عمار : آخ منك ومن روايتك...ما لقيتي إلا أيلول تكتبيها
إيمار : أي ح اكتب وحياتك لتطلع رواية بتجننن خاصة بعد ما التقي بأيلول وافهم منها كلشي 😍
عمار : الله يصبرني عليكي ..روحي روحي ع مكتبك أنا رايح اتدوش ونام
🍂🍂🍂🍂🍂🍂🍂🍂🍂🍂🍂🍂🍂🍂
بالليلة نفسها كانت أيلول عم تتقلب بتختها..
مشاعرها مخربطة...ودقات قلبها كمان
مانها مرتاحة مع أنو هالمكان هوي مكانها الصح..مأمنها وملجأها..بس في شي نااقص...
وهيي عرفانة كتير منيح شو هوي
أيلول بنفسها : هداك البيت كان في ريحتك...كان كلشي فيه يحسسني بوجودك
أما هون..مافي شي يخليني حسك بجنبي...
غمضت عيونها بضجر : ياربي ياربي ياربي طلعوا من راسي ياربي ماعد بدي فكر
وبعد ما اتقلبت ساعات غلبها النوم واستسلمت ...
في صباح اليوم التالي
صحيت أيلول على صوت يمان
يمان : أيلول يلا قومي...يلااا
أيلول : تركني ناااام كتير نعسانة
يمان : قومي في شي مهم ..يلا
أيلول : مابدي ..مابدي
يمان : لك أدهم اتصل فيي وبدو ياكِ تلتقي فيه بعد ساااعة
يلااااا
نطت من الفرشة ورفعت الحرام عنها وشعرها منكوش
اتطلعت فيه وهوي فاتحة عيونها ع وسعهن
أيلول : هوي قلك بدو يشوفني
يمان : أي من شوي حكا معي..قلي تلاقيني عالشارع الرئيسي...
أيلول : ولي دوبني الحق وقامت نط من الفرشة
تاركة ييمان وراها مستغرب ردة فعلها
يمان : شبها هي ...جنت البنت...
لا حول ولا قوه الا بالله العلي العظيم
وأنت ياعمار حسااابك عندي لكن بدقلها بترد أنت ..منتحاسب يا واطي...
واخد مفاتيحو وجاكيتو وطلع من البيت عالشغل وهوي عم يتأفف
🍂🍂🍂🍂🍂🍂🍂🍂🍂🍂🍂🍂🍂
أما أسيل كانت بهاللحظة ماشية ورا إيمار من مكان لمكان متل طفلة صغيرة وكل شوي تنكزها
ولما اعدو يفطروا كمان صارت تنكزا برجلها لتحكي مع عمار..
إيمار : خلصنا بقااا
عمار : شبكن أنتِ وياها..شوفي
إيمار : عمااار ...جلطتني أسيل..
بدا تشوف يمان...وأنت مانعهن يحكو أو يلتقوا...وهيي مبلشة تنق وهوي ينق وأنا ضاج راسي هااا...
عمار بعدم اهتمام وعينو بصحنو : ها...يعني السيد يمان بدل ما يتصرف متل الرجال ويجي ويطلبك عم يعمل واسطات ليشوفك...
أسيلة: هوي مانو هيك ...بس مشان ماما...وأخته يعني كتير شغلات ..مو زابطة يجي هلئ يطلبني..
بترجاك صهري الله يخليك
بس هالمرة
عمار : قلت لأ......... اهتمي بدروسك هلئ ونسيلي يمان هالفترة..
أسيل وعيونها دمعة هزت براسها وتركت السفرة وقامت..إيمار : عمار..ليه هيك عم تقهرها...
عمار : مو مشانها....مشانو إلو...خليه يفهم من الأساس أنو وراها حدا...
في حدا يسأل عليها وبهمو أمرها..ما يفكرها لقمة سهلة صح أنا بعرف يمان.. وبعرف أنو رجال وبينشد الضهر فيه..
بس مهما كان.....في رجال بس تعرف أنو البنت مالها حدا ..بيصير بدو يديرها متل كأنها لعبةة بين أيديه...
بس لما يكون إلها اهل وبيت يسألو عنها ..وقتا بيعرف حدودو وبيتعامل معها ع هالأساس طول عمرو
إيمار بعصبية خبطت الطاولة ووقفت : بفهم منك سيد عمااار معناها أنت عم تعاملني ك لعبة وتديرني على كيفك
عمار : أنا ما قصدتك أبداً
إيمار : مابدي اسمع منك شي.... بس لكن المسموح إلك محرم ع غيرك...
بالأذن...تهنى بفطورك...
وتركتو ومشيت
عمار لنفسه : يعني وقعت الشغلة براسي بالأخير...كلو منك يا يمان... آل اجينا نكحلا أم عميناها... شو هالورطة هي...صرلي تلت سنين لقدرت صالحا..هلئ بعشر سنين ما بترضا....أوف يااا
🥀🥀🥀🥀🥀🥀🥀🥀🥀🥀🥀🥀🥀🥀🥀
كان راكن سيارتو بحد الرصيف...وعيونو ع الحارة يلي ح تطل منها...كان ناطرها...وقلبو راكد لعندها قبل رجليه...
وبعد حوالي الربع ساعة طلت بكل أناقة..كانت لابسة بنطلون أبيض وجاكيت لونو بيبي روز..مع كعب بنفس اللون وشال أبيض....
كانت طالعة وعم تتلفت لتلاقي سيارتو ودقات قلبها معم تهدا...
أيلول بنفسها : اهدي أيلول اهدي...تقلي...وركزي..أوعك تبينيلو أوعك مشاعرك...خدي نفس وقوي حالك
أدهم بنفسه : هو يوم واحد مر بدونك...لو تعرفي شو شتقتلك..وشتقت لهالابتسامة الدافية ولعيونك يلي عم ضيع فيهن يوم عن يوم
وصلت لعندو وهوي بعدو شارد
وفاق من شرودو وقت دقت ع بلور السيارة...
فتحلا ياه فوراً...
أدهم : بعتذر شردت ..تفضلي .
أيلول: يسعد صباحك...
أدهم : صباحك ورد وياسمين...كيفك....
أيلول : كتير مرتاحة... هم ونزاح عن قلبي ..مو مسدقة ايمت نخلص من أحمد وبيبقى كلو تمام...
أدهم : يلا هانت أنا معي كل الوراق والإثباتات هون هلئ منروح سوا ومنقدمها ومنخلص نشالله...جاهزة
أيلول بحماس : جاهزة أكتر من أي وقت
شغل سيارتو ونطلقوا وهوي بالطريق شغل الراديو...
بالصدفة طلعت غنية لوائل كفوري...كان عم يقول..
حلوة وما إلها حل...
متل الشمس بتطل..غارو منها البنات ..لأنها ست الكل...
أنا مين قدي مين رح عيش أحلى سنين...الله الله بجمالا جمع كل الحلوين...
اتطلع أدهم ع ايلول بطرف عينو لقاها شاردة بالطريق والابتسامة ع وجها...
بنفس اللحظة اتطلعت فيه : بتعرف...كتير بحب أغاني وائل كفوري
أدهم : نقطة مشتركة بيناتنا ...ممتاز
زاح نظرو لينتبه أنو في سيارة ماشية وراهن عالضبط من وقت ما مشيو...
ماغيرت مسارها وغير هيك مفيمة ومو مبين مين جواها...
أيلول لاحظت أنو تغيرت ملامحو فجأة
أيلول :أدهم شوفي..
أدهم : في حدا مراقبنا وماشي ورانا...
ح غير الطريق وحاول ضيعهن..أوعك تشيلي حزام الأمان...
أيلول خوف : أكيد هاد أحمد أكيد
بعد عشر دقايق...
أدهم:. اهدي...وقت قلك بتوطي لتحت فوراً..فهمتي...
أيلول : تمام...
أدهم : أيلول مدي إيدك لتحت الكرسي يلي اعدة عليه.
في مسدس خدي وخبيه بتيابك...
أيلول بخوف : بس أنا ما بعرف احملو....كيف...
أدهم : لا تتوتري..بتتذكري..بتتذكري الفيلم يلي تابعناه هديك الليلة...
كانت الخطوات مذكورة نفسها
عملي متلها تمامااااااً
أيلول هزت راسها بخوف وعملت متل ما طلب وخبتو تحت قميصها
أيلول : أدهم عم تخوفني....
أدهم : أوعك...أوعك تخافي
وفتحي موبايلي عالسريع...عملي متل ما عم قلك....
اتصلي ب عمار فوراً...
قربت وأخدت موبايلو وطلبت رقم عمار...بعد هدة محاولات رد عليها
عمار : أدهم...شو صار طمني انحلت أموركن...
أيلول : أحمد ملاحقنا...عم نحاول نضيعووو
عمار : شو عم تقولي أيلول..شو صاير...الوو الووووو ..أيلول ...
أيلول : عمار عم تسمعني
..ياربي...لك مافي شبكة أدهم ماعد سمع
أدهم : يلعن الحظظ ...
وبعد فترة من المطاردة دخل بطريق فرعي ليضيعهن
..بس فجأة السيارة وقفت...
أدهم : لا مو وقتك أبدا... نزل بسرعة منها واتطلع عالدواليب...لقا الدولاب عالارض... ومافي وقت ليغيرو..
توجه بسرعة لعند أيلول فتح باب السيارة ومد ايدو هاتي ايدك...نزلي بسرعة...
لازم نركض...
نزلت من السيارة ووبنفس اللحظة بينت السيارة يلي وراهن
مسكت بايدو وشلحت من رجلها وصارت تركد حافية بأقصى سرعتها هي ويااه
ووراهن كان مجموعة رجال عم يلحقوهن...
بعد مدة من الركض وصلوا لطريق مسكر...
حاول يرجع...بس كأنو واقفين بوجهو تنيت كل واحد طول الحيط...
ومسلحين...
أيلول تمسكت بايدو اكتر وتخبت ورا ضهرو
أيلول بخوف : أدهم
أدهم : أوعك...أوعك تخافي متل ما اتفقنا...
ومافي ثواني إلا وكان ظاهر أحمد من ورا رجالو
أحمد : ياعين ياعين...بصراحة...كنت ناوي صيدكن كل واحد لحال...بس شو بعمل القدر كاتبلكن تموتوا سوا وتكون نهايتكن بنفس الساعةأدهم : شو بدك...
أحمد : ولسا بتسأل شو بدي... اتدخلت بحياتي خطفت مرتي...كشفت وراقي...وصلت لشغلي ..
وبتقول شو بدك مني...
أنا كان لازم اقتلك من الأول...بس قلت لحالي تربى بموتة خطيبتو...معد بيسترجي يعمل شي... بس طلعت غلطان...
أشر لرجالو من ورا بايدو ليقربوا من أدهم
أدهم : إياك تقرب منها...
أحمد : ههه ضحكتني والله...تعا يا شاطر تعا
قربوا من أدهم تنين من الرجال وهنن موجهين سلاحهن ع أدهم
أحمد : طلعي من وراه قبل ما قوصه واخلص منه
أيلول بقوة : ما ببعد ما بتركك تقتلو لو بدي موت أنا..
أحمد : لا تستعجلي ح تموتي أنتِ كمان..بس بعد ما اخلص منه
أيلول لما شافت الاسلحة موجهة ع أدهم ستسلمت وتركت ايد أدهم
أدهم : أيلول انتبهي...لا تروحي لعندو...
أيلول وعيونها مدمعة فلتت ايديه وبعدت عنو ومشيت باتجاه أحمد...يلي مجرد ما وصلت لعندو سحبها بقوة لعندو من راسها...خلاها تصرخ من وجعها...
أما أدهم كأنو التنين ماسكين فيه وحاطين السلاح براسو
ولما شاف شكلا وهي بين إيديه
أدهم : يا حيوان..تركها
أحمد : تؤتؤ خايف ع مرتي مني...
أيلول بصراخ : أنا ماني مرتك عم تفهم يا حقير..الله يلعنك...ويلعن الساعة يلي شفتك فيها..
أحمد : خرسي وامشي قدامي ...يلاا
وأشار براسو لواحد من الرجال
يلي جبر أدهم ينزل ويقعد ع ركبه...
وإيديه مربوطين لورا ضهرو
أما أيلول كانت جنبو وهيي عم تبكي ع أدهم وكيف شكلو بين إيدهم..
أحمد : يلا لنشوف بتحب اقتلك فوراً ولا بتحب..تشوفها هيي وعم تموت أول..تركتلك حرية الاختيار...أنا إنسان متحضر ومثقف وبحترم رأي الناس..
لهيك قرر
أدهم بقي ساكت وما عم يحكي ولا حرف...
وعينو ع أيلول ..
مشي من جنبها وقرب لعندو ومد إيدو ل يلي حوليه ليعطوه المسدس..
ووصوبه ع راس أدهم
أحمد : بما أنك ساكت...معناها ح قرر عنك..بقتلك أول ..بعدها بقتلا...شو قلت...
وفتل لناحها : أوعك تفكري تتحركي بمجرد ما تحركتي ح قوصه بدون ما فكر..عم خبرك يعني
أيلول : الله ينتقم منك..الله ياخدك...
وأدهم بعدو ع نفس الوضع ساكت...
أحمد : بتحب تقول شي أخير قبل ما تمووت...ولا خلص..
أدهم : مبلا .. بدي قول...
صرخ أيلول
رفعت راسها بعيونها الباكية واتطلعت بعيونو
أدهم : ما توقعت إني قول هالشي بهيك موقف....كان عندي خطط كتيرة إلنا... بس عطول خطط ربنا يلي بتمشينا ..
كنت عم احلم لكتير شغلات...بس ما بقي في وقت...
زاد صوت بكاها وشهقاتا وهيي واقفة مكانها..
أدهم بصراخ : أيلول إذا ما طلعنا من هون عايشين بدي تعرفي إني بحبك... أي..... أنا بحبك من اليوم يلي دخلتي فيه ع حياتي..أثرتي فيني من اللحظة يلي شفت برائتك ودموعك فيها...
أيلول ببكى : ..وأنا كتير بحبك....ورح أبقى حبك..لآخر يوم بعمري..ولآخر نفس فيي ..هالحب يلي ح ينتهي قبل ما يبدا كان سبب سعادتي لشهور..
أنا ما كنت أسيرة عندك
..أنا كنت ضحية قلبك...أاسيرة عيونك...أنا مافيي عيش بدووونك أدهم
أدهم ابتسملا بقهر ...وهز براسو
أحمد : واااااو واووو واووو ...
و رما المسدس من ايدو وصار يصفق باستهزاء : بتسدقو دمعت عيني من التأثر....شو هالحب والغرام هاد.....
بتعرف...عم فكر غير طريقة موتك خلص...لقيت طريقو أحلى...التفت وراح لعند أيلول..مسكا من ايدا وسحبا لعندو وحط ايد ع كتفا..
أحمد : شو رأيك....ورجيك حبيبة قلبك شو ح يصير فيها قدام عينك..هيك بضمن أنو موتك مرتين بدل المرة...
أدهم بصراخ : إياااك...إيااك تلمسها...بقبرك مكانك وحياة الرب...
أحمد : لنشوف شو ح يطلع بإيدك....
قرب أيدو من راسها وشد الحجاب من عليه بقوة لينفرد شعرها ع ضهرا
ويصرخ أدهم : لااا يا حقيرررر تركها يا واطي...حاول يقوم بس الرجال التنين مسكوه من كتفو ورجعوه
صارت تصرخ وتبكي وبدها تبعدو عنها...
بس كيف وهوي أقوى منها بالبنية والجسد
أيلول : يا حيوان أوعك تقرب مني ...بقتل حالي ولا بخليك تقرب...
أحمد : أي اقتلي حالك لشوف
.يلا...
حاول يقرب أكتر بس بثانية كانت ساحبة المسدس من تحت الجاكيت وموجهته على راسها
إذا بتقرب بقتل حالي ....فهمان.... بقتل حالي ولا بخليك تلمسني
أحمد : يعني بفهم منك مرتي يلي عاشت معي سنة ونص
ونامت معي بتخت واحد سنة ونص كاملين هلئ بطل بدها ياني..
أي يلا قتلي حالك شو ناطرة...يلا...
أيلول : انا ما عم امزح...عم قلك بقوص...
ضحك باستهزاء ومشي باتجاها لتغير جهة المسدس بلحظة وتقوص ع أحمد لينصاب بكتفو اليسار..ويركضوا التنين لعندو وتوجه سلاحها بذات اللحظة على راس أحمد ..
أيلول : إذا بيتحرك واحد منكن خطوة مقوصتو ...
وقفوا مكانهن مو مسترجيين يتحركوا...
أيلول قربت ووقفت ورا أحمد وحطت المسدس بنص ضهرو : قلهن يفكوه...
أحمد كان عم يأن من وجع أيدو وما رد
أيلول رفعت المسدس للسما وقوصت طلقة بالهوا ورجعت المسدس عليه : قلتلك فكووووو
أحمد بصراخ : معم تسمع...فكوو
واحد منهن ركض لعند أدهم وفكلو ايديه ليخبطو بوكس بنفس اللحظة وياخد مسدس أحمد يلي رماه بالارض ويوجهو عليهأدهم : ولااااا حركة ..
امشي قدامي
يلا يلا
قرب من أيلول ووقف جنبها وكان موجه سلاحو عالرجال
بينما هيي بعدا بنفس الوضع
أدهم : أنتِ منيحة...
أيلول هزت راسها....وما ردت
أدهم : هاد موبايلك لشوف...طلعووووو
عطا الموبايل ليرفعو ويطلب رقم..وينتظر الرد
أدهم : عمار
عمار : وينك أنت
أدهم : مافي وقت... اطلوب الشرطة و الإسعاف و تعال ل عندي بسرعة ح ابعت الموقع..
أدهم : شرطة ؟؟! ..وإسعاف؟؟ لك شوفي....
مارد عليه وسكر الخط وبقي واقف ع نفس الوضع
أحمد كان عم يتلوى من وجعو وكتفو عم ينزف ..ورجالو جثة متحركة مخ مافي..وهاد يلي خلا أيلول تتمكن منهن...كانو عم يتصفنوا ببعض خايفين ع روحهن..
بعد نص ساعة..
وصلت الشركة ع المكان...وبنفس الوقت عمار ويمان ويامن نزلو من السيارة ركضوا ليلاقوا أيلول وأدهم موجهين سلاحهن ع أحمد وجماعتو..وأيلول شعرها مفرود ع كتافها..انصدمو كلهن من شكلها
وما استوعبو شو يلي صاير معهن....
يمان بصدمة : أيلول
*يـــــــــ͢ـོ͓ـــتبــــــــــــــོـ͓ـــ͢ــ؏*
➖➖➖➖➖➖➖➖➖
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h```