الفصل 23
*قـصـص وروايـات عـالـمـيـة💙📚📖*
*بإدارة* *يـامـن💙*
*❴📖❵↵* *ضحية.المئة.ليلة.tt* 🖤🔪
*❴🔢❵☟الـــبـــــــــــ❴3️⃣2️⃣❵ــــــــــــارت☟*
➖➖➖➖➖➖➖➖➖
*
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h```
➖➖➖➖➖➖➖➖➖
طلع أدهم عالبلكون وعم يسترجع كلام عمار يلي دار بينهن اليوم الصبح....
////فلاش باك////
عمار : منيح اجيت بوقتك
أدهم : ليش صار شي..
عمار : شيلك من كل شي
ح أسألك سؤال وأنت مجبور تجاوب...شوفي بينك وبين أيلول...
اتطلع أدهم فيه بارتباك وقال : أنت شو عم تخبص
عمار بجدية : سؤالي واضح لا ترد عليي بسؤال
أدهم : مافي شي أبداً
عمار : متأكد
أدهم : متأكد...
عمار : طيب..وهيي متأكد منها أنو ما بتحس بشي تجاهك
أدهم بترددر: أي طبعاً...شو ح يكون فيه
عمار : أنت كذاب...
أدهم : عمااار
عمار : أي كذاب..أنت وياها عشقانين بعض..صح
أدهم : هففف عمار مابعرف شي..
بصراحة أنا بحبها ..كيف حبيتا مابعرف ولا ايمت حبيتها..
.."فيها شي فريد من نوعو
مافي منا تنين بكل الكون"...
بس الله بيشهد أنو ما غلطت بشي
ولا صار شي غلط
وحتى هيي ما بتعرف بمشاعري...
عمار بابتسامة نصر : كنت متوووقع
أدهم : ما أزنخك ... خبرني شو صار معك لقيت سااالي
عمار : جاييك بالحديث...
////باااك////
قطع شرودو لما مدتلو فنجان النسكافيه وابتسامتها ع وجها...
أيلول : أنا بوثق فيك كتير ...
أدهم : وأنا هاد يلي بدي ياه منك
عمار حكا معي اليوم....خدامة إيمار حكت كلشي بتعرفو..
هيي يلي عطتا الحبوب تحت إشراف سلمى...
أيلول : مين بقي؟
أدهم : ولا شي بقي أخواتك....
أيلول : الجزء الأصعب
أدهم ازدرد ريقو : عم تخوفيني..حاسسهن مصاصي دماء..
عقدت حواجبها بانزعاج: أدهم...أخواتي هدووول
أدهم : هههههههههههه
_____
انطلقت ضحكة عالية من غرفة عمار
يمان : هههههههههههه عم تحكي عنجد... أسيل طلع منها هيك...
عمارى: ليش حاسك كتير مبسوط منها
يمان : بتفش القلب هالبنت ههههه
عمار : يعني عاجبك فصول الحسن صبي يلي عملتها ببيتي
يمان : أي عجبتني...وعجبتني كتير...
عمار: اها... بعدين تعا لهون ولاك
لايمت بدك تبقى تطلع معها هيك
من يوم ورايح أنا ولي امرها
وأنت ممنوع تشوفا أو تلتقي فيها..لتفكر بعلاقتكن بشكل جدي...
يمان انقلبت ملامحو فجاة واتجلس بقعدتو : عم تمزح مو ..
عمار بجدية : لا مو مزح...
يمان : أنت بتعرف أنو مو خرج أخطب حالياً..عالأقل للاقي اختي...
عمار : ما بعرف...ممنوع تلتقوا لتجي وتطلبها مني...
يمان : عمار أيدي بزنارك بلا هالفصول...
عمار : تؤ تؤ تؤ ..هي عرضي وشرفي وأخت مرتي بدك ياني اتركها تطلع وتفوت معك ع كيفها...ما حزرت ...بدك ياها ...إلها اهل تطلبها منهن
يمان : لك كيف اخطبا وأمها ماتت من كم يوم
عمار : دبر حااااااالك
يمان : عمار بربك حاج مو وقتك...
بنفس الوقت دق الباب يامن ودخل..
يامن : سلام
يمان : يامن
.عمار : أهلاً يامن..تفضل اجيت بوقتك
في شي بدي احكي معكن تنيناتكن
ولازم تكونوا رايقين تماماً لتفهموني...شي بيتعلق بأيلول..
يمان : شو صار...
يامن : احكي عمار
عمار : برأيي هون مو مكان مناسب نحكي..
أنا كنت ناطر يامن يجي لنطلع سوا
يمان : أنا مو متحرك من مكاني لأفهم شو القصة يلي بتخص أختي
عمارة: مو وقتك تتنح ع فكرة
يمان : قلت لعندي
يامن : يمان خلصنا والله قلبي فحم
عمار بنفاذ صبر : أنا لقيتها
يمان ويامن اتطلعوا ببعض بصدمة ورجعو اتطلعوا بعمار
يمان بانفعال : وينها عمار وينها
عمار : امشو لاخدكن لعندها..بس ماتخبروا حدا
يامن اوعك تقول للوالدة
يامن : تمام..يلا بس والله احترق قلبي خلصني امشي أنت وياه
يمان وهنن طالعين من المشفى : طيب هي منيحة
أنت كيف لقيتها..وين كانت
عمار : هيي ح تجاوبك ع كل أسئلتك
أنا عليي وصلك إلها وبس...
يمان : صبرك يا ربي منين بليتني بهالرفيق هاد
عمار : يصحلك يا تافه... أصلاً أنا خايف منك وحاطط بجيبتي علبة مخدر أي حركة غلط مخدرك..
يمان : ليش في شي ممكن يستفزني ...
عمار : للاحتياط بلكي جحشت فجأة...خلصني حاج تلعي ح تروح أختك منك مرة تانية وأنت واقف...
يمان : يلا يلا..
يامن لنفسه : اها...معناها في بلوة...
يمان : امشو منطلع بسيارتي
عمار كل الطريق كان عم يحاول يلطف جو ، ويمان حاطط العئدة وعم يحاول يضبط أعصابو..
يمان : مطولين لنوصل لسا بتقلي من هون ومن هنيك..ليك معد فيي اتحمل
هففف
عمار : وقف السيارة...وصلنا أساساً
يمان زفر : وأخيراً
نزل بعجلة من السيارة ومشي بخطوات سريعة
عمار : أي أي أي استنى شوي يا رجل.. هديك هي البناية
شوف بتهدى وبتروق وبتسمع بعدين بتحكي..اوعك تنفعل عليهاا
يمان ما كان عم يرد ويامن كان ساكت ومو مفهوم شو عم يفكر
طلعوا عالطابق الرابع وقرب ليرن الجرس لينفتح الباب ويطل منو أدهم...
انصدم لما شاف يمان ويامن ومعهن عمار..
حاول يبتسم بوجهن رغم دقات قلبو يلي حس إنها صارت شبه مسموعة للكل..حس كأنو اللحظة يلي خاف منها اجت..هديك اللحظة يلي ح يفترق فيها عن البنت يلي احتلت روحو بدل قلبو..
أدهم : أهلاً شباب...تفضلوا
يمان : وينها أختي عمار..شو عم يعمل الدكتور أدهم هون
عمار : فوت لتفهم من أختك... واتفقنا نروق..فات يمان بعجلة ليخبط بكتفو أدهم ويكمل وبعدو يامن وبالآخر عمار...وهوي فايت قال بابتسامة كلها شماتة : أنا خايف عليك كتير
أدهم : يوم عم يوم عم اكتشف اديه أنت تافه..
دخل ورا الشباب وبنفس اللحظة طلعت أيلول من غرفة النوم ووقع نظرها ع يمان ويامن يلي كانت صدمتها أكبر من صدمتهن بدرجات
هيي كانت ح تلتقي فيهن..بس ما كانت بتعرف أنو اليوم...
أيلول بدموع : يااامن..يماان
قربت منهن وضمتهن سوا..بس استغربت لما ما لقت رد فعل من التنين
بعدت عنهن : لهالدرجة مبسوطين بغيابي؟ ولا فرحتو بشوفتي
يمان : بشو بدي افرح.. أنا شايفك اعدة ببيت مع حدا غريب ومو صاير عليكِ شي ..فيكِ تشرحيلي شو عم يصير
أدهم : ممكن تسمع قبل ما تحكم ..
يمان رفع ايدو بوجهو بدون مايطلع فيه : أنا عم احكي مع أختي ياريت لا تدخل
أيلول زفرت : طيب اقعدو لنحكي قعود يااامن
أنا بلشت قصتي يمان باليوم يلي حكيت في معي..ما حسيت إلا وحدا ..........
وحكت كلشي صار معها بهداك اليوم وكيف انخطفت وكيف لقت حالا ببيت أدهم وشو هيي غايتو وليش اخدها...
بنفس اللحظة برزت عروق رقبة يمان وعصب..وقام وضرب أدهم بوكس ع وجهو وما لحق يحكي إلا وكان ضاربو التاني
ليقرب يامن ويساعدو وهيي عم تسحب فيهن وتبعدهن عنو مع عمار...وهوي ما عم يبدي أي رد فعل إلا أنو عم يحمي وجهو
أيلول بصراخ : خلص خلص قلتلكن تركوووه
بس عبث وما ردوا
بعدت نظرها لقنينة العصير القزاز يلي ع الطاولة قامتها ورمتها بالارض لتنكسر
ويلتفتو عالصوت
مسكت قطعة الإزاز
وحطتها ع رقبتها
أيلول : يامن .. .يمان ..يكون بعلمكن إذا ما بتبعدوا عنو بقتل حالي...عم تفهم أنت وياااه
يامن : شو هالتخبيص مين هاد ..شو بكون إلك حتى تعملي هيك
مجرد حقير خطفك وخباكِ ببيتو لينتقم...
أيلول : أدهم هوي يلي حماني..هوي أسرني عندو ليحميني من وساخة أحمد وقذارتو
ليطلعني من عالم هداك النجس الواطي
أنتو ماقدرتوا تعملوا يلي عملو معي
عرفت مين هاااد
يمان بانفعال : هاتيها من إيدك وبلا جنااان
أيلول : أوعك تقرب مني
بعد و اقعود مكااانك..
بهالأثناء كان أدهم عم يقرب منها وهيي عينها ع أخواتها
مانو مهتم بوجهو المورم وعيونو الزرقا..
المهم هيي
وبسرعة كان ماسك إيدها ولواها لورا ضهرا
أيلول : تركني أدهم تركني
أدهم : تركيها من إيدك
أيلول وهيي عم تحاول تتملص منو
أدهم : قلتلك تركي
لتغمض عيونها وتستسلم وتوقعا من إيدها
بعد عنها وحكا بصراخ : جنيتي أنتِ..شوهاد يلي عم تعملي
كل ما صار شغلة ما عجبتك بتحاولي تقتلي حالك..
هالقد حياتك رخيصة بالنسبة إلك يا خااانم ..
نزلت نظرها للأرض وقالت : ما كان عندي حل..ما بعدو عنك ما شفتهن
يمان بانفعال : وأنتِ شو خصك...
أيلول ببكى ممزوج بالصراخ : لأنك عم تتعدى ع الشخص يلي سندني طول الفترة
الشخص يلي وصل لدليل يجيب أحمد من ورا الشمس ...
الدليل يلي إلك شهور ما قدرت توصلو
أنت بتعرف...بتعرف أنو هداك الواطي قاتل أبي...
بتعرف أنو هوي نفسو يلي قتلو خطيبتو هالرجال...
بتعرف أنو هوي نفسو يلي اتهمني بالعقم وأنا مافيي شي
بتعرف أنو هوي ذاتو يلي عطا خالتو المخدرات لتدمر حياة إيمار فيهن..
أنت شو عملت يمااان..لشو وصلت ..
اجيت لنص بيتو وضربتو
بهاللحظة خاف يمان وقرب منها وحاول يهديها : أختي سمعيني
أيلول : إياااك تقرب مني وتقول أختي..
لك شفت حالك كيف سلمت عليي
شفت وجهك البارد وكأني عاملة شي عملةةة
أدهم : أيلول اهدي شوفي كيف عم ترجفي ...
أيلول : وأنت كمان لحقت أخوك وتصرفت متلووووو
ومعد فكرت..ولا كأني اختك ياامن
يامن : أختي وأنا شو عرفني كل هالشي...
أيلول : أدهم طلع كل الأدلة هلئ بدي روح عالمخفر أنا...
أدهم : اهدي ما بصير نتسرع اهدي
قربت وبكل غضب وصارت تخبطو ع صدرو بكل قوتها
أيلول : لك ليه معم تفهمني أنت كمان ... ليش ماعم تحس بنار يلي عم تاكلني ..بدي اخلص منو...بدي بطل على اسمو..مابدي ياه بحياتي ولا يرتبط اسمي باسمو بنفس اللحظة انتبه كيف بلشت تتهاوى وقربت تفقد وعيها..
مسك ايديها التنتين..
أدهم : أيلول أنتِ منيحة
حست قلبها عم يضرب طبول جواتها..وعيونها بلشو يغبشوا وآخر صوت سمعتو صوتو ومن بعدها ما حست على شي ...
*يـــــــــ͢ـོ͓ـــتبــــــــــــــོـ͓ـــ͢ــ؏*
➖➖➖➖➖➖➖➖➖
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h```