الفصل 22
*قـصـص وروايـات عـالـمـيـة💙📚📖*
*بإدارة* *يـامـن💙*
*❴📖❵↵* *ضحية.المئة.ليلة.tt* 🖤🔪
*❴🔢❵☟الـــبـــــــــــ❴2️⃣2️⃣❵ــــــــــــارت☟*
➖➖➖➖➖➖➖➖➖
*
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h```
➖➖➖➖➖➖➖➖➖
كانت أسيل واقفة عالدرج وعم تسمع كلام إيمار مع سالي وسمعت كلشي صار بسبب أمها ...
نزلت ركض بكل غضب ومسكت بشعر سالي...
: يا حيوانة..يا تااافهة يا حقيرة ...مافيكِ قلب..ماعندك أخلاق ولا كرامة جاية بكل وقاحة وعم تحكي يلي عملتيه..
سالي كانت عم تحاول تخلص من بين ايديها بس جسمها النحيل زيادة وتعبها ما خلا عندها قوة تقاومها...
إيمار كانت عم تحاول تخلصا وعمار مو عرفان شو يعمل بيناتهن...
أسيل ببكا وصراخ : بدك تقتلي أختي وتخلصي منها أنتِ والست سلمى...فشرتوا بعينكن
سلمى ماااااتتت ماتتت واخدت عقابها..وإن شاء لله أنتِ كمان مصيرك متلها...
قرب عمار منها لما لقى إيمار معم تقدر تفك بينهن..
ورفع أسيل من خصرها ومشي فيها
لتكفي صراخ : عمار تركني...تركني عم قلك...
يا حقيرة يلي صار فيكِ قليل.. وحدة متلك مابتستاهل تكون أم ..
يلي بتأجر رحمها كرمال المصاري... ليربى في طفل ما بخصها ما بتستاهل تكون أم...
عمار : خلص أسيل سكتيييي
إيمار : خدها من هون عمار خدها من هون ..
سحبا عمار دخلا عالمكتب
عمار : أوعك تطلعي من هون.. أوعك
أسيل : بدي موتها...ل...
عمار قاطعها بصراخ : قلت خلص...خلص بقى عيب يلي عم تعمليه...زودتيها كتير..
بتبقي هون ما بتطلعي من مكانك لأجي أنا أو أختك لعندك فهمتي...
سكتت أسيل وحبست دمعتا من طريقة كلامه معها..
تركها ومشي
ليلاقي ايمار ماسكة سالي وعم تعطيها كاسة مي
عمار : سالي...
سالي : مافي داعي تحكي شي دكتور.. كل يلي قالتو صح..معها حق بكل شي عملته...ولا يهمك
عمار : سالي .. أنا بدي منك تشهدي بكلامك هاد بالمحكمة.... أحمد الراجي ابن أختها لسلمى متورط بقصص تجارة مخدرات وهوي يلي عطا سلمى هالحبوب ..
لازم نثبت هالشي عليه ...
وأنا بحاجة شهادتك....وما ح
رح قدم دعوة ضدك وساعدك تطلعي من السجن كمان
سالي: أنا موافقة ع كل شي بتطلبوه مني ...
عمار : طيب وأنا سجلت كلامك فيديو
آسف بس مافيي أوثق إنك ح تجي عالمحكمة..
ابتسمت بقهر وأومأت : حقك دكتور ..
أنا لازم روح...
طلعت ورقة وقلم وكتبت رقمها وعطتو للدكتور عمار
سالي : هاد رقمي...وقت بتحتاجو شهادتي أنا موجودة
هز براسو عمار : شكراً
نزلت راسا سالي بقهر ورفعت شعرا لورا ادنها ومشيت بجسدها الهزيل وطلعت من البيت تحت أنظار إيمار يلي للحظة شفقت ع حالها وبنفسها حزنت عليها...
إيمار : يالله يا عمار... سالي أكتر حدا كنت أوثق فيه ..
عمار : أنا بدون اذنك قلت ما ح اشتكي عليها بس...
قاطعتو : أنا مابدي اشتكي عمار ...يلي صار فيها بكفيها وزيادة .... أنا بينت إني مو مهتمة..بس يلي صار معها مو قليل ...
انحرمت الضنا لآخر يوم بعمرها ...زوجا يلي تركت الدنيا كرماله....تركها ومشي وكفى حياته عادي برأيي هاد أصعب ابتلاء لأي أنثى..
تركتو ومشيت تشوف أسيل...وهوي فخور فيها وبقلبها الطيب...
_____
عند أيلول وبعد شغل ساعات..دخل أدهم عالمطبخ
أدهم : الله الله شو هالروايح الحلوة .....معد فيي جوعان جوعان
أيلول : هههههههههههه لك أدهم طول بالك يلا ثواني وبسكب الأكل...
أدهم : معد عندي صبر...خليني ساعدك الهي حالي..
ساعدها بنقل الأكل عالطاولة وتجهيز السفرة
قعدوا ليتعشوا..
أدهم : بتعرفي شغلة... أمي الأكلة الوحيدة يلي ما بتعرف تعملا هيي الكبة...
أيلول : أنا عندي الطبخ هواية ما تعلمت من حدا ..صرت طلع الوصفات عالنت واتعلم لوحدي..
قلي شو رأيك
أدهم وهوي عم ياكل بنهم : شي بيشهي...شغل أب راااااتب..
أيلول : هههههههههههه... صحة وهنا
لك شوي شوي لك أدهم ح تختنق..ههههه
قامت لتعطي كاسة المي بعجلة بنفس الوقت هوي مد ايدو لياخدها
ليضرب زبدية الشوربة بايدو بالغلط وتوقع ع ايد أيلول..
أيلول پألم : آه..
قام أدهم عن السفرة بسرعة ومسك ايدها وتناول منديل ومسحلا ياها
أدهم : صرلك شي تعي تعي لنغسلا
أيلول : مافيها شي ولا يهمك..
ما سمع منها بقي ساحبها للمغسلة.. غسلها
أدهم وهوي عم بتطلع بعيونها: بعتذر...
أيلول مقاطعة : لك أدهم والله مافيها شي سحبت ايدها من ايدو ورجعت للطاولة
أما هوي راح عالغرفة وبعد خمس دقايق رجع للمطبخ بأيدو مرهم للحروق..
أيلول : مو مستاهلة أدهم يالله منك فظاعة شو عنيد
أدهم : بدون كلام مديها...
أيلول : أدهم عطيني المرهم أنا بدهنا لو سمحت ..
حس بالإحراج من ردها وعطاها ياه ورجع لمكانو..
🍂🍂🍂🍂🍂🍂🍂🍂🍂🍂🍂🍂
بصباح اليوم التالي ...
كانت علا قاعدة ببيتها لحالها..شاردة بالفضا... وبهالبيت يلي راحت منو الروح فجأة...
نزل يامن لعندا ...
يامن : صباحو ست الكل..
علا : يسعدلي صباحك تقبر قلبي
يامن : أنا طالع عالشغل بدك مني شي...
علا : طيب عالأقل كول لقمة لك أمي
يامن : مستعجل أمي....دعيلي
أمي : ميسرة يا عيوني...الله يفتحها بوجهك ويرزقك يارب أنت وأخواتك ويجبر قلبي برجعة أختك يارب...
طلع يامن البيت ...وهوي بطريقو عالشغل وصلو مسج من عمار ..عمار : كيفك يامن..... شو عندك اليوم...
يامن : أهلاً عمار..ولا شي بطريقي للشركة
عمار : تمام..بس تخلص من شغلك احكي معك عايزك بموضوع ...
يامن : اوك.. بس صاير شي؟!
عمار : مافي إلا الخير..
يامن : ولا يهمك...يلا سلام..
استغرب يامن.. قفل موبايلو وكفا لشغلو...
في منزل أيلول
كانت عم تتفتل بالبيت بملل ما ضل زاوية وما نضفتها وعملت حلويات..وشغلت التلفزيون ...كانت عم تقلب بالمحطات بضجر..مرت ع قناة أغاني
رجعت قلبتو فوراً..
أيلول : بلا الأغاني هلئ ع حظي بيجي وأنا عم أرقص مو ناقصني أنا
بعدني أول خجلة ما نسيتا ...
يا ربي ...
هفففففف
ياترى حكا مع عمار
ياترى شو صار...
يالله وينك يا أدهم مليييييت..
فتح الباب ودخل بنفس اللحظة
: أنااااااا اجييت
أيلول بخجل : أنت هوووون
أدهم : هههه شبيك لبيك...أدهم بين إيديك
أيلول بحرج : شو صار أنا كتير متحمسة للتنفيذ
أدهم : مستعدة؟
ايلول : طبعاً
طلع موبايل جديد وحط فيه خط جديد وسجل رقم أحمد وطلب الرقم
بعد عدة ثواني رد.....
أحمد : الو..
لمجرد سماع صوتو أيلول دمعت عينا..مو حب...لا كان زعل ع حالها وع أيامها يلي ضاعت معو
أما أدهم غص قلبو وفكرها حنت لألو ولصوتو
تمالك نفسو وأشرلها بايدو لتركز
أحمد : الوووو
أيلول : أحمد...
أحمد : مين معي؟؟
أيلول : هلىء معد عرفت مين معك لك أحمد
أحمد : أيلول..هي أنتِ..
أيلول : هه بعدك متذكر اسمي..غريب
أحمد : ليكي وليك ...أنتِ وحدة ما بتناسبيني وما بتلزميني ..هربتي من البيت ومشيتي وخليتي عشيقك يقول إنك مخطوفة... أنا واحد غبي لسدقك....
خلي هالدكتور ينفعك....
سحب أدهم الموبايل منها : يا واطي...
أحمد باستفزاز : طمني كيف لقيتلي هالبضاعة..
عصب أدهم و برزت عروق رقبتو من العصبية : خراس يا حقير يا واطي...
كلشي عملتو معي ومعها وبعدك عم تفتري عليها...
أحمد : أنا ما عملت شي..وسترجي فتاح تمك...
لأجي اقتلك ببيتك وقول أنها قضية شرف لأنو شفتك مع مرتي بوضع مخل... شو رأيك؟؟!
أدهم : وهيك بتخلص مني ومن آخر شاهد ع جرايمك..
أحمد : تماماً...بلحقك بخطيبتك الحلوة...قبس.. بتعرف زعلت عليها كتير.. ماتت موتة بشعة.. بس كانت حشورة شوي...
وكان لازم علمها درس حتى ماعد تعيدها هههههه
قولتك ممكن تعيدها
أدهم : قتلتا بدم بارد يا سافل..
أحمد : الحق عليها... كنت عم اتسلا مع عمي.. ونشوف مين في يتحمل هداك الحبل أكتر..
بس يا حرام...طلع نفسه ضيق وتوفى.. أنا شو ذنبي...
نهمرت دموع أيلول وحكت بصراخ وتهديد : والله لانتقم منك والله لسود عيشتك والله لخليك تعفن بالحبوس..
أحمد : وأنا معك...بس قبل ما تفكري تنتقمي....
فكري بأخواتك بلا ما تخسريهن متل ما خسرتي أبوكِ..
أيلول تحولت نبرتها للخوف : أحمد أوعك تأذي اخواتي..أوعك تقرب منهن عم تفهم ...
سكر الخط بوجها وهيي عم ترجف من الخوف..
ازدردت ريقها واتطلعت بأدهم
ليطمنها وياخد الهاتف منها ويحفظ التسجيل وينسخو ع موبايلو
أدهم : هيك تمام
صار الاعتراف معنا...
أيلول : أدهم حذفو...
أدهم : شو عم تخبصي أنتِ
أيلول : حذفو...ممكن يأذي أخواتي..أنا كيف ما فكرت...لك هاد حدا بلا ضمير وإنسانية بيعملها....
أدهم : إياكِ تفكري تتراجعي..وصلنا أيلول بقيت اخر خطوة...ح تكون بمساعدة أخواتك كمان...أوعك تخافي أو تتراجعي طول ما أنا معك...
أيلول : بس أنا خايفة ...خايفة يسدقو أخواتي كلامو..وأنو..
أدهم: أنو شو
أيلول بخجل وراسها بالأرض : أنو أنت .. وأنا يعني
أدهم زفر بيأس : لك أنتِ مجنونة لك بنتي...
معقول يسدقو هالتافه ويكذبوا أختهن...
قلبت أيلول شفتها ورفعت كتافا بمعنى ما بعرف
هالحركة كانت كفيلة تزيد من انجذابو إلها... بس من جواه كان في شي عم يقلو أوعك تتهور وتغلط
تركها مكانها وطلع عالبلكون ...
*يـــــــــ͢ـོ͓ـــتبــــــــــــــོـ͓ـــ͢ــ؏*
➖➖➖➖➖➖➖➖➖
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h```