الفصل 20
*قـصـص وروايـات عـالـمـيـة💙📚📖*
*بإدارة* *يـامـن💙*
*❴📖❵↵* *ضحية.المئة.ليلة.tt* 🖤🔪
*❴🔢❵☟الـــبـــــــــــ❴0️⃣2️⃣❵ــــــــــــارت☟*
➖➖➖➖➖➖➖➖➖
*
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h```
➖➖➖➖➖➖➖➖➖
كان أحمد طالع من المشفى وبنفس الوقت عمار وإيمار جايين ركض
لمحهن ليضحك باستهزاء ويكفي ع سيارتو ويكمل كأن شيئاً لم يكن...
عمار : كوني هادية وقوية ..خليها تستمد القوة منك...وطمنيها وكوني جنبها
إيمار : أكيد هي أختي معقول اتركها وحيدة..
وصلت إيمار لقت ناس بتعرفهن وناس ما بتعرف عنهن شي وقفت مكانها مو عارفة مين تسأل..
تقدم عمار : السلام عليكم يا جماعة..
يمان ..وينها أسيل
يمان : أهلين صاحبي..ليكا جوا ...
اتطلع بإيمار وكمل : أنتِ إيمار...؟
هزت راسها بالإيجاب...
يمان : هيي بحاجتك..شو ناطرة؟
دمعو عيونها وقربت مسكت قبضة الباب وهي مترددة كيف تدخل لعند أختا..كيف تواسيها بموت المرا يلي ظلمتها وحولت حياتها لجحيم .. بس اتذكرت كلام عمار..ومسحت دمعتا ودخلت
لقتها متكورة ع حالها بالسرير ودموعها مبللة المخدة...
إيمار بحزن : أختي
أسيل تجلست وحكت بغصة : أنتِ اجيتي
قربت منها اعدت حدها وضمتها
أنا أجيت ياعمري ...ومعد اتركك ومعد نفترق بعد اليوم ..
أسيل ببكا : ماما ماتت
ربنا اخد حقك منها يا أختي....هيي ظلمتك كتير وما كانت رح تتركك تتهني بحياتك لو ما ماتت...
إيمار : أختي لاعاد تحكي شي خلص.. أختي خلص الله يرحمها ويسامحها خلص...مسحي دموعك وقومي لنطلع من المشفى
أسيل : يمان قلي ح وقع ع وراق الخروج ويطلعني
إيمار : أي يلا قومي لكن ....
طلعت أسيل من المشفى برفقة يمان وعمار وإيمار أما يامن اخد أمو ولين معو بالسيارة وأبو أحمد وأم أحمد سوا وكلهن توجهوا للبيت
لما رجعوا عالبيت دخلت أسيل برفقة يمان يلي كان حاضنا
وهيي عم تلاقي البيت مرتب وغرفة أمها مقفولة جربت تفتح الباب ما فتح
طلعت فيه : يمان وين المفتاح
يمان : انسي ما رح اسمحلك تفوتي ع هالغرفة ، من شوي طلعنا من المشفى
إيمار قربت منهن : معو حق أختي لا تفوتي ع غرفة أمك هلئ يلا تعي معي ع غرفتك تعي ...
يمان : شو مشان الدفن
عمار : هلئ بعد صلاة الضهر ح نطلعها من المشفى فوراً.... لأنو أسيل وضعها ما بيسمح تودعها وأم أحمد كونها أختها ودعتها بالمشفى..
يمان : الله يرحمها ويغفرلها..لكن أنا رايح عالبيت بدل تيابي وبلاقيك بالمشفى
عمار : ماشي
يامن : ماما شو؟
علا : أنا ح ابقى هون ما ح اتركن وهنن هيك
قرب يامن باس راسها..ولحق يمان
........................
بعد مرور ثلاث أيام
مرو أيام العزا ... إيمار ما فارقت أختا ...ولا حتى لين تركتهن وأم أحمد كانو عم يناموا كلهن ببيت سلمى ل يطلعوا أسيل من الحالة النفسية يلي صابتها بالنهاية سلمى أمها لو كانت شخص سيء...
والشباب كل يوم يمروا يطمنوا عنهن ...
أحمد حتى ع العزا ما كلف خاطرو واجا...
والتحقيقات أظهرت أنو سلمى انتحرت..ما انقتلت...
لأنو مافي بالغرفة إلا بصماتها...
في منزل أدهم
أيلول : يالله وبعدين...طيب ليه معم يرد...
أدهم : مابعرف..بجوز صاير شي معهن
أيلول : معقول تكون سلمى عاملتلن شي
أدهم : لااا قلتلك أنو طلع هو ومرتو إجازة بجوز ما رجعوا..
أيلول : طيب جرب مرة كمان
حباااااب مرة بس مرة..
أدهم : طيب طيب... يلا
دق لعمار بس هالمرة ما رن كتير ورد فوراً
عمار : أهلا أدهم....شو وينك ليه معم تداوم
أدهم: عمار...ليش أنت بالمشفى
عمار : أي لكن وين بدي كون
أدهم : مو كنت برحلة مع زوجتك
عمار : صار عنا حالة وفاة ورجعنا
أدهم : شو حالة وفاة..مين توفى
خافت أيلول من هالجملة وبدون قصد مسكت ايد أدهم وشدت وهيي ناطرة يفسرلها
أدهم بهاللحظة تخربطت أنفاسو ومشاعرو..أول مرة بتتقرب منو وبتمسك بايدو...
أدهم : ااحم...عمار.. في شي ضروري لازم نحكي فيه
عمار : طيب احكي
أدهم : لا ..لازم شوفك
عمار : وين بتحب
أدهم : بتعرف بيتي يلي جهزتو جديد..؟
عمار : طبعاً بعرفو... بجي لعندك المسا لكن..
أدهم : تمام ناطرتك...
عمار : سلام ...
سكر الهاتف ليطلع بعيون أيلول الخايفة
: أيلول شبك....ما تخافي...
أيلول : مين مات
أدهم زفر بتعب : سلمى..
أيلول : كيف ؟؟!!
أدهم : منتحرة...شانقة حالا..
أيلول : شنق.. طيب وبلكي ما نتحرت
أدهم : كل الدلائل بينت أنها نتحرت مع أنو مالقو أي سبب وجيه إنها تنتحر
انتبهت أيلول لحظتها كيف ماسكة بايدو وشادة عليها...
أيلول : أدهم... أنا آسفة... آسفة ما تواخذني
وقامت بسرعة من حدو وفاتت ع غرفتا وسكرت الباب وراها... حطت ايدها ع قلبها يلي صار ينبض بسرعة
أيلول بنفسها : خلص ..هانت ح ترجعي ع بيتك..لحضن أمك وعيلتك...لا تفكري بغير هالشي خلص....
🍂🍂🍂🍂🍂🍂🍂🍂🍂🍂🍂🍂🍂🍂🍂
.ببيت سالي كانت اعدة وعم تبكي بتختها....دخل هادي
هادي : سالي لاعاد تعملي بحالك هيك..حاج تبكي ياعمريسالي ببكا : كيف ما ابكي..كيف... أنت بتعرف شو عشت أنا بالشهور..بتعرف شو هالمشاعر الحلوة يلي حسيتا
هادي : اهدي وطولي بالك هنن مو ولادنا.
سالي : هادي ..مسكت ايدو وحكت: أنا بدي ولد هادي...بدي طفل يكون مني ومنك..إلي.. ما اولدو وحدا ياخدو مني...
بلع ريقو هادي وحكا : سالي ...
سالي : شبك ..
ليش اتدايقت...هي مصاري ومعك وشغل وصار عنا وبيتنا موجود.. شو حجتك هالمرة
هادي بتردد : سالي وأنتِ عم تولدي صار معك نزيف حاد... وكان ممكن أنك تخسري حياتك...
سالي بصدمة : شو عم تحكي...
بس أنا هلئ منيحة
هادي : حبيبتي... اضطروا ياخدو موافقتي ليستأصلو الرحم..
أما حياتك..أو رحمك وحياتك أهم ..أهم من الولاد...
سالي انذهلت من كلامو...دارت الدنيا فيها ومعد ستوعبت تمنت لو هالكلام مجرد كابوس وتصحا منو...قامت بخطوات عم ترجف وفاتت عالحمام غسلت وجها أكتر من مرة بلكي بتصحى من هالكابوس يلي عم تعيشو ...بس عبث هيي ما صحيت..وايقنت أنو كلشي سمعتو حقيقة..اعدت بأرض الحمام وهيي عم تبكي...
وتتحسر ع هالحال يلي وصلتلو...
🍂🍂🍂🍂🍂🍂🍂🍂🍂🍂🍂🍂🍂🍂🍂
في المساء...
عمار : أي حبيبتي..طالع والله عندي مشوار...أي لعند دكتور أدهم .. بحكي معك لأرجع ......تمام سلام
سكر الخط وتأمل صورتها ع خلفية جوالو وابتسم : شتقتلك يا نبض قلبي...
اخد جاكيتو وطلع من المشفى متوجه لبيت أدهم...
🍂🍂🍂🍂🍂🍂🍂🍂🍂🍂🍂🍂🍂
أدهم : شوفي ليش خايفة ومتوترة
أيلول : خايفة يفهموني غلط ..خايفة يظنوا فيي غلط
أدهم : أنتِ ع حق .. وأنا جايب عمار لهون ..لنكشف هالواطي سوا .. ونحط ايدينا بايد بعض...وناخد حقنا وحق كل حدا تأذى بسببو ، طولي بالك...واهدي...عمار على وصول ..
قطع حديثن رنة الجرس .
أدهم ها أكيد هوي.. قرب بتردد ليفتح الباب ليطل عمار
عمار : يا رجل بيتك شو بع...
انصدم لما شاف أيلول واقفة مقابيل وجهو والحروف معد طلعت من تمو...
اتطلع بأدهم نظرة كلها استغراب رجع اتطلع بأيلول...
: أيلول..أنتِ هون....
أدهم شو يلي عم شوفو فهمني....
سكر أدهم الباب..وقرب من عمار : اهدى وروق ولا توترها أكتر من هيك...فوت لنقعد ونحكي
عمار بغضب مسكو من قميصو : شو بدنا نحكي وعلى شو بدك اهدى المخلوقة شو عم تعمل ببيتك
أهلها قلبو الدنيا عليها...أمها احترق قلبها..وأخواتا ليلهن نهار ونهارن ليل ...
وأنت! أنت شو...حاططا ببيتك
قربت أيلول منو بسرعة وبعدتوو عن أدهم : بعد عنو ..دكتور عمار رجاءً بعد بعد
استغرب عمار تصرفها ونطر منها تبرر وتحكي
أيلول : تفضل قعود لنحكي... طلبت نحكي معك لأنك مبين حدا متفهم ورايق مو لتتصرف هيك
عمار : استغفر الله العظيم ياربي...
أدهم : قعود عمار...
عمار : قعدت...يلا احكي..يلا ...
أدهم : أنت بتتذكر اليوم يلي ماتت فيه قبس...
عمار بانفعال : ايييي شو العلاقة
أيلول : عفكرة إذا ح تبقى هيك ما ح تسمع شي منا
عمار : هفف طيب..بعتذر تفضلو احكوا
قعدوا أيلول وأدهم مقابيلو متل يلي قاعدين بتحقيق وهوي ناطر يحكو
أدهم : هداك الحادث كان مفتعل...
وأحمد ورا الحادث
لتكفي أيلول بخنقة : لأنو قبس ممرضة بابا شافت أحمد وهوي عم ...عم يخنقووو ...
أدهم : وأنا بعد ما عرفت هالشي عنو قررت انتقم منو واخطف مرتو..لخليه يسلم حالو
بس هوي ..ما اهتم...
ولا كأنها مرتو أساساً....
وهالفترة أنا وأيلول ضلينا وراه لعرفنا كل شي بخصو وكل ماضيه...
وأنا عرفت كيف خلا مرتك تتعاطى...وكيف كان يضرب أيلول بوحشية...وبعرف أنو بيتاجر بالمخدرات..وبعرف كمان أنو زور تقاير المشفى الطبية ..ليثبت أنو أيلول عقيمة ..والحقيقة هيي العكس...
عمار كان عم يتطلع فيهن بذهول...مصدوم من كل كلمة سمعها..هوي بيعرف أحمد واطي...بس مو لدرجة يقتل عمو وبنت بريئة ليغطي ع أعمالو الوسخة...
عمار : شو كل هاد...أنت متأكد أدهم.. متأكد...
أدهم : متأكد من كلشي..بس بقي نثبتوا...وأنا جبتك لهون لحتى تساعدنا لنحكي مع يمان ويامن...ويتطمنوا ع أختهن
عمار : والله خايف ما تلحق تثبت شي
أدهم رفع حاجبو : ليش بقا...
عمار : لأنو ممكن يشلوك ويعملولك عاهة مستديمة قبل ما يفهموا الموضوع...
أدهم : حاجتك عاد...لهلدرجة بخوفوا أخواتك؟
أيلول رفعت كتافا وقلبت شفتا بمعنى ما بعرف
أدهم : ولي....
عمار : ليك أول شيي جيب الإثباتات ..وخلي الباقي عليي
أدهم : بالنسبة لتقارير المشفى موجودة..المزورة والأصلية..
وكمان بالنسبة لتجارة المخدرات في مرتك...بس أنت لازم توصل للشخص يلي وصللها الحبوب...
وكمان في السيد مهران...أنا حكيت معو
عمار باستغراب : مهرااان؟!
شو علاقتو
*يـــــــــ͢ـོ͓ـــتبــــــــــــــོـ͓ـــ͢ــ؏*
➖➖➖➖➖➖➖➖➖
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h```