الفصل 19
*قـصـص وروايـات عـالـمـيـة💙📚📖*
*بإدارة* *يـامـن💙*
*❴📖❵↵* *ضحية.المئة.ليلة.tt* 🖤🔪
*❴🔢❵☟الـــبـــــــــــ❴9️⃣1️⃣❵ــــــــــــارت☟*
➖➖➖➖➖➖➖➖➖
*
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h```
➖➖➖➖➖➖➖➖➖
باللحظة يلي كان يمان و أسيل مصدومين من يلي شافوا وأسيل عم تبكي وتصرخ وهوي يحاول يهديها ..
وصلوا لين ويامن وعلا ..لاقوا الباب مفتوح
يامن : الله يستر شو صاير
لين : هاد صوت أسيل
ركض يامن لمصدر الصوت ولحقتو لين وعلا
لاقوا أسيل بدا تقرب من أمها ويمان عم يحاول يهديها ويبعدها..
أسيل : يماان..ماما يا يمان..ماما ماتت..ليش طيب ليش...ليش لتنتحر...ليش لتموت ... ياربي ...أميييي...بترجاكِ رجعي...موافقة تبقي قاسية معي..موافقة تهمليني وتطلعي مع رفقاتك..موافقة ما تسألي عني..بس رجعيلي..
يمان كان حاضنها وتاركها تفرغ يلي بقلبا.
يامن : أخي...
يمان : اتصل بالشرطة يامن..والإسعاف...
يامن : تمام
علا : يعليي أنا قومي يا بنتي قومي..قومي الله يصبر قلبك ياروحي أنتِ..تعي معي تعي ...
سندها يمان لتقوم بس أغمي عليها بين ايديه
يمان بخوف : أسيل..أسيل ..قعد بالأرض وهيي بحضنو وصار يضربها بخفة ع خدودها.. أسيل ردي عليي .. حبيبتي فتحي عيونك..
علا : يي على أمتي البنت شو صرلا..لين بسرعة كاسة مي بسرعة
ركضت لين ودموعها ع خدودها وبعدها مو مستوعبة يلي صار ويلي شافتو...
مدت ايدها بكاسة المي لعلا يلي حاولت تصحيها وما قدرت
يمان : أنا معد فيي صبر معد فيي
حملها بين ايديه وركض لباب الشقة ...
: كوني قوية أسيل..كوني قوية... أنا معك...ما بتخلى عنك..أنتِ لازم تقاومي...
بهالأثناء التقى بأم أحمد عالدرج ..
أم أحمد: ييي وليي عليي شبها أسيل
يمان بدون ما يرد كفا طريقو عالسيارة وانطلق ع أقرب مشفى
أم أحمد طلعت ع بيت سلمى لقت وجوهن ما بتتفسر
: لين شوفي..
أنتو ليش هون... والست علا..طيب وينها سلمى ...يامن ابني شوفي..
يامن : مرت عمي ..
أم أحمد: سلمى بغرفتها زعجتكن بكلامها أكيد..لا تواخذوها..رايحة احكي معها...
قربت من الغرفة بس يامن منعها تدخل
يامن : مرت عمي وقفي لا تفوتي
أم أحمد : شبك ابني هي أختي... عادي احكي معها ما بتزعل مني
يامن وعينو بالأرض : سلمى لقيناها متوفية بغرفتا
أم أحمد : شو هالحكي بعد عن طريقي بدي شوفا..
يامن مسكها من كتافا : مرت عمو قعدي بترجاكِ مابدي تشوفيها بهالشكل ...بترجاكِ الشرطة والإسعاف ع وصول...
أم أحمد : لا يامن ..لا أختي ما ماتت....
أختي ما ماتت..أختي بعدها صغيرة... أختي ما ح تتركني وحيدة وتروح...
هيي لو مغرورة بس بتحبني..ما رح تزعلني منها وتروح..
قربت لين وحضنت أمها وصارت تبكي
لين ببكاء : ماما..بترجاكِ لا تعملي هيك..بترجاكِ ما تفوتي عالغرفة...بكفي يلي شفناه نحنا..خلي صورتها الأخيرة تكون حلوة بذاكرتك...
لتزيد أثناءها شهقاتا وتبكي متل طفل صغير فقد شي بحبو...
علا ببكا : الله يصبر قلبك يارب.
بالمشفى
كان حاملها بين ايديه وراكض فيها...
الممرضة لو سمحت حطا عالنقالة...
حطا واخدوها الممرضين ع قسم الإسعاف وهوي ماشي معهن
الممرضة : حضرتك مافيك تفوت ..
يمان : مافيي اتركها..بدي اطمن عنها
الممرضة : لو سمحت ..اهدى هلئ منطمنك عنها ...
يمان : يارب يارب يارب...هيي ما بتستاهل يلي عم يصير معها
....عمار...لازم احكي معو...
رن أكتر من مرة بس هاتف عمار مغلق ...
🍂🍂🍂🍂🍂🍂🍂🍂🍂🍂🍂🍂🍂🍂🍂
ببيت أدهم كان نايم ليلتها بالبيت...
صحي ع رنة موبايلو ...
أدهم : أي ماما
لا أنا بالمشفى...لا شو نايم..بس كان عندي مناوبة...ماما ماني ح اكذب وين بدي روح .... يييييي.طيب طيب منحكي بس اجي
طلعت أيلول من الغرفة ع صوتو..
أيلول : صباحو
أدهم اتجلس بقعدتو : يسعد صباحك ... آسف ازعجتك
أيلول : لا بالعكس...بتعرف هي أول ليلة بنام فيها مرتاحة...
أدهم : السبب؟
أيلول : أنا بخاف نام لحالي بالبيت...مو بايدي.. أفكاري بتاخدني وبتجيبني...
أدهم : يعني بفهم منك..أنك مبسوطة بنومتي عندك...
أيلول بحرج : امم.. تشرب قهوة؟
أدهم اومئ براسو مع ابتسامة: منشرب
أيلول هربت من نظراتو عالمطبخ
أيلول : أيلول شبك ...ليش هيك متوترة خلص بقا... ياربي دخيلك شو هالشعور يلي كل ما بشوفو بحس فيه...لا..لا..اهدي وركزي....
أنتِ متزوجة ما بصير تفكري هيك .. ركزي ع هدفك ..ركزي...
أدهم من بعيد: شو صار بالقهوة
أيلول : ولي...
بصراخ : يلاااا ثواني بس...
❤️❤️❤️❤️❤️❤️❤️❤️❤️❤️❤️❤️❤️❤️❤️
بعد ما اجت الشرطة والإسعاف اخدوا سلمى عالمشفى واخدوا البصمات بالغرفة ليعرفوا سبب وفاتها المفاجئ..
بالمشفى..
يمان كان برا عم يراقب أسيل يلي نايمة بتختا تحت تأثير المهدئ بسبب الإنهيار العصبي يلي صابها..
حسها بدت تتحرك دخل لعندها واعد ومسك ايدها..وبالأيد التانية عم يمسح ع شعرها
يمان : حبيبتي أنا معك أنا جنبك ياروحي ...ما تخافي من شي وأنا حدك...فتحت عيونها الدبلانين وطلعت فيه بكسرة وقهر : يمان...ماما ..
ورجعت تبكي...
: يمان هيي تركتني...
يمان ما بقيلي حدا ...
يمان : أنا معك ماتحكي هيك
أسيل : بابا تركني من زمان وسافر ومابيسأل عني ولا بيكلف خاطرو يحكي معي وماما راحت وإيمار حرموني منها مابقيلي حدا
قرب منها وقرب راسها من صدرو : لا عاد تبكي أنا حياتي كلها إلك ما بتركك بس أنتِ كوني قويةة متل ما حبيتك..اوعك تضعفي..ويلي تسبب بموت أمك ح يتحاسب...
أسيل : ماما ما انتحرت أنا متأكدة... متأكدة يمان
يمان : لهلئ مافي شي واضح...وبتوقع يجوا ياخدوا إفادتك شوي تانية
أسيل ببكا : أنا مو قدرتي يمان مابدي احكي شي
يمان : شو حكينا .. قلنا لازم تقوي..لتاخدي حقك وحق أختك وحق أمك ...
هزت راسها والغصة بقلبها ...
أسيل : بدي نام .
فتلت جسدها النحيل للطرف التاني وغمضت عيونها لتبكي بصمت وتفرغ قهرها من الحياة يلي ما انصفتها بيوم...
🖋️🖋️🖋️🖋️🖋️🖋️🖋️🖋️🖋️🖋️🖋️🖋️🖋️🖋️🖋️
عودة لعمار وإيمار..
صحي الصبح ع صوت صراخها فاق مرعوب تجلس بالتخت
بسرعة ليستوعب شوفي
إيمار : عماااااار
فهم أنو الصوت جاية من الحمام
دق الباب : شبك إيمار شوفي
: عمار المي عم تنزل باردة والشامبو ع عيوني وشعري...
عمار عم تمزحي مو... مستحيل في طاقة شمسية هون
إيمار : عمار مو وقت اسألتك لاقيلي حل بسرعةةةة
عمار : طيب فتحيلي الباب
إيمار : نعممم
عمار : لك شبك بدي زبطلك المي فتحي الباب
إيمار : بفتحلك بس بضلك مغمض
عمار : اييييي وعاللمس بدي اوصل للدوش
إيمار : دبر حالكككك
عمار: لا حول ولا قوة الا بالله
ليكي يا فتحي لزبطلك ياها يا براحتك ...رايح كفي نوم
إيمار : لاااا وين رايح طيب ثواني...
فتحت الباب وهيي لابسة المنشفة القصيرة وشعرا كلو رغوة وعيونها مو قادرة تفتحهن
عمار : 🤣🤣🤣لك شو هاد .
إيمار : عمار بلا مسخرتك بقا...لاقيلي حل ...
عمار : طيب...
راح للحنفيات الاساسية ولقاها مسكرة...
عمار : شوفي تمام هيك..
إيمار : تماااام يلا طلاع بلا مطرود
عمار : طيب بلكي رجعت انقطعت
إيمار : ما راح تنقطع ..لا تخاف إذا نقطعت بندهلك
عمار بمكر : لا لا أنا ح ابقى هون...حتى اطمن عنك مو أكتر يعني
إيمار بحزم : عمار...طلاع لبرا
عمار : يعني مصرة
إيمار : أي نعم...
عمار قام وهوي عم يتأفف وطلع لتخبط الباب وراه
: طولي بالك ح تكسري الباب..شو هاد ياه ..
رجع ابتسم...ليعلي صوتو...
: يؤبرني الجدّي أنا
قرب من الكومودينا واخد موبايلو لقا عدة مكالمات من أدهم..ومن يمان ...
بنفس اللحظة رسالة من يمان
يمان : عمار في شي ضروري...سلمى ماتت..رجعوا لهون بسرعة..أسيل بحاجة تكونوا معها...
انصدم عمار من يلي شافو...
ومعد عرف شو يتصرف ...
بهالأثناء طلعت إيمار من الحمام بالبرنس الابيض ...قربت وقعدت بحضنو
إيمار : حبيبي شوفي زعلت مني
عمار : لا حبيبي ..بس...يعني..
إيمار : شوفي عمار...
عمار: سلمى ... ماتت
إيمار😨😨: شو قلت ..
عمار : هيك وصلتني رسالة من يمان..عم يقلي أسيل وضعها سيء
إيمار : أسيل..
أنا لازم روح بسرعة...عمار نحنا لازم نرجع..مافيي اتركها لحالها
عمار : اهدي اهدي..يمان معها..أنتِ جهزي حالك ولبسي تيابك لنمشي يلا
تركها ومشي لتبدل فوراً وينطلقوا عالمدينة ....
🖋️🖋️🖋️🖋️🖋️🖋️🖋️🖋️🖋️🖋️🖋️🖋️🖋️🖋️🖋️
بهالأثناء كانت أم أحمد وأبو أحمد ولين وعلا ويامن وأحمد معهن بالمشفى كلهن عم يطمنوا عن أسيل وشو صار معها
يمان : ماما روحوا عالبيت ما في داعي تبقوا هون..أسيل شوي وبطلعها من هون
علا : لك أمي مو جاية من قلبي اتركها وامشي ..
يامن : أمي يمان معو حق...
برأيي وصلكن أنتِ وأخواتك ومرت عمي ولين..
مشان نقوم بأمور العزا لأنو شوي وكمان بيسلمونا جثمانها..
علا : الله يرحمها ويغفرلها
أم أحمد قومي أختي قومي معي
أم أحمد بحسرة : أختي راحت.. أختي ماتت..تركتني ومشيت...
علا : دعيلا بالرحمة ..دعيلا
أحمد كان واقف جنب أبوه وماعم يحكي مع حدا من الموجودين....
أحمد : ماما حماتي معها حق يلا قومي لوصلك عالبيت
يامن : أحمد أنو بيت هااد المفروض أمك تروح لتزبط أمور العزا وتهتم ببنت أختا يلي ماتت أمها قتل.
لهلدرجة مافيك ضمير وفهم..
أحمد ببرود : لا تغلط يامن نحنا بمشفى
يامن بانفعال : لا بدي اغلط قلبي مليان منك.. وأنا ساكت كرمال أختي وكرمال لين وأهلك... بس أنت ماعدت تنطاق شو هالفصول هي...
أول شي اختي صرلا مفقودة تلت شهور مابعرفا ميتة ولا عايشة وأنت ولا سائل..ولا فارق معك...
وهلىء خالتك يلي ماتت....احترم مشاعر البنت يلي جوا عالأقل...
أحمد ببرود : هه...قلتلي أختك مفقودة...ليك أختك الله اعلم مع مين هربت...وأنا طلقتها غيابي ...أختك ماعادت تلزمني يا شاطر...أما....
ما كفا كلامو إلا كان اكل بوكس ع سنانو من يمان مخليه يتراجع لورا وهوي ماسك فكه من الألم يلي تسببلو ياه.يمان : إذا بتغلط بالكلام ع أختي مدمرك ..أنا محترم الظرف يلي أهلك فيه... وإلا كان إلي تصرف تاني معك...
أحمد : هههههه محترم.... واضح الاحترام ع عيلتكن..يلي ما بيعرفوا شي عن بنتهم من تلت شهور..
يمان : ياحقير هجم ليضربو بس مسكو يامن وأبو أحمد
أبو أحمد : يرضالي عليك يا ابني طول بالك...أختك أشرف من الكل....وأنتو يلي بترفعو الراس..اهدى وطول بالك
أحمد حسابو عندي...
أحمد : شوو أب احمد عم تدافع ع بنتهن
أبو أحمد : خراس وانقلع من هون ساويتنا فرجة الله يلعنك ،،،ولا يسامح ويغضب عليك...
اتطلع أحمد بأبوه وما توقع منو هيك كلام
شد ع قبضة ايدو وطلع معصب من المشفى وهوي عم يتوعدلهن بسرو....
*يـــــــــ͢ـོ͓ـــتبــــــــــــــོـ͓ـــ͢ــ؏*
➖➖➖➖➖➖➖➖➖
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h```