الفصل 17
*قـصـص وروايـات عـالـمـيـة💙📚📖*
*بإدارة* *يـامـن💙*
*❴📖❵↵* *ضحية.المئة.ليلة.tt* 🖤🔪
*❴🔢❵☟الـــبـــــــــــ❴7️⃣1️⃣❵ــــــــــــارت☟*
➖➖➖➖➖➖➖➖➖
*
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h```
➖➖➖➖➖➖➖➖➖
كانت سالي عم تتابع مسلسل وبأيدها كاسة كوكتيل لما بلشت تحس بمغص خفيف..حست بالخوف تسلل لقلبها...
دخل زوجها عالصالون
هادي : حبيبتي..فيكي شي...
قعد جنبها وصار يمسح ع شعرها ..
سالي حطت ايدها ع بطنها : يمكن عم أولد هادي...هادي أنا خايفة.. شكلو بلش الطلق
هادي بتوتر : طيب طيب اهدي أنتِ ولا تخافي أنا ح اتصل بالشوفير والسيد سامي ومرتو..لا تتحركي راجع لعندك
سالي : طيب طيب بسرعة...
بعد عدة دقايق انطلقت سالي عالمشفى و وجعها عم يزيد..
سالي وهيي شادة ع ايد هادي : لح موت يا هادي..معد فييي
هادي : اهدي يا قلبي ..هانت هانت ح تقومي بخير أنتِ والولاد بأذن الله
طولي بالك بس..
وصلوا للمشفى واخدوا سالي ع غرفة الولادة ...
بعد مرور نصف ساعة ...
طلعت الدكتورة...
هادي : طمنيني دكتورة
الدكتورة : حضرتك زوجها
هادي : أي ..أي أنا.
الدكتورة : زوجتك ولدت..والولاد بخير...بس للأسف صار شي مو متوقع ، صرلها نزيف حاد بالرحم...
نحنا مضطرين نعمللها استئصال وإلا ممكن نخسرها..
انصدم هادي من الكلام يلي سمعو ما توقع توصل الأمور لهون....
الدكتورة : رجاءً عطينا موافقتك ووقع عالوراق لندخلها العمليات ...ممكن نخسرها..
هادي بحزن : يعني مافي حل تاني
دكتورة : للأسف لاء والحمدلله البنت والولد بخير ...لأنو مستحيل تقدر من بعد هلئ تجيب ولاد
هادي : وين لازم وقع...
الدكتورة : تفضل معي......
🍂🍂🍂🍂🍂🍂🍂🍂🍂🍂🍂🍂🍂🍂🍂🍂
بالكافيه...كانت أسيل اعدة وناطرة يمان...
يمان : يسعدلي أوقات الحلو يلي عطول شارد...
أسيل : هه يمااان ما تخجلني
يمان : يؤبرني الخجول....ما طلبتي شي..
أسيل : لا ناطرتك..
يمان : طيب لكن عزميني ع فنجان قهوة ..
أسيل : من عيوني..
يمان : لا وسدقتي حالك وح تندهي للجرسون
أسيل باستغراب : أي وإذا..
يمان : من كل عقلك..شب قد الحيط مو معبي عينك ... خليكِ تندهي لشب وتحكي معو...
أسيل قلبت شفتها : يالله يمان..شو هالتفكير...
يمان ضحك بخفة : لح اطلب القهوة أنا...بعدا براضيكِ ...
أسيل : المهم..في شي لازم قلك ياه.
يمان : قولي..
أسيل : ماما مبارح...كان عم يرن موبايلها..كان أحمد
حكت معو..وماعرفت شو القصة..بس كانت عم تسبو وتلعنو .. يمان لازم تعرفوا شوفي وراهن .. أعصابي تلفت عم اتمنى نام مرتاحة من أربع شهور لهلىء القلق مسيطر عليي..
يمان : اها، طيب.. أنتِ بتعرفي باسوورد جهاز أمك..
أسيل : أي بس ما بيخطرلي افتحو..
يمان : هالمرة لازم يخطرلك.. سمعي لقلك بترجعي عالبيت وبتشغليها بأي شي...بتحاولي تفتحي دردشتها مع أحمد..وتنسخيها لعندك...
ودوري بجهازها ع أي شي يثبت عمايلهن..
أسيل : طيب..وإذا كانت حاذفتهن..
يمان : وقتا منلاقي طريقة تانية... أول ع آخر ح اكشفهن..وح اعرف وين خبو أختي.
أسيل بصدمة : يعني شاكك فيهن
يمان هز راسو بمعنى أي نعم...
أسيل : هفف معد استوعبت شي..
🍂🍂🍂🍂🍂🍂🍂🍂🍂🍂🍂🍂🍂🍂🍂🍂🍂🍂
في فيلا عمار...
عمار : إيمار...حبيبتي..وينك...
إيمار : أنا هون..
نزلت ركض عالدرج وابتسامتها ع وجها وشعرها عم يتطاير لتنزل وتتعلق برقبتو متل طفل صغير...
إيمار : شتقتلك..
عمار وهوي حاضن خدودها : وأنا كتير شتقتلك...
إيمار : ماعندك شغل اليوم..
عمار : بصراحة...اخدت إجازة تلت أيام..شو رأيك نطلع إجازة أنا وأنتِ ..
إيمار بفرحة : يس...بس لوين
عمار : مفاجأة...يلا جهزي حالك بسرعة ما بدي ضيع وقت....
خلال ساعة كانت مجهزة حالها وراكبة بالسيارة لينطلقوا...
عمار : حبيبي...يعني ما ح تخبرني لوين؟؟!
عمار : لا تحاولي..ما ح خبرك...
إيمار بغنج : بلييز
عمار : لا تتغنجي عليي ... لأنو ما ح تتوقعي ردة فعلي...
إيمار بدلال : وإذا تغنجت ...شو رح تعمل
عمار : أنتِ يلي جبتيها لحالك ...مو ذنبي..
شدها وهي بسيارتو وباسها من شفافها ...
بعد ثواني
إيمار بخجل وهي عم تبعدو عنها : لك عمار هلئ بشوفونا بالشارع نحنا ...
عمار بابتسامة : ما حدا ح يشوف السيارة مفيمة...وبعدين أنا قلتلك لا تتغنجي.. وأنتِ ما سمعتي الكلمة..تحملي نتيجة أفعالك غنوجتي..
ابتسمت إيمار بخجل...
عمار : جاهزة للمفاجأة يلي ناطرتك
إيمار : جاهزة أكيد...
انطلقوا..
وبعد ساعات وصلوا عالمكان...
كان كوخ خشبي صغير بمنطقة عالية ...وسط غابة ...
إيمار : عمار... شو هالمكان...
عمار : شو..عجبك..
إيمار : لك بجننننن...متل ما بحب وأكتر.... كوخ .... شتا....وشجر...أنا كتير مبسوطة....
عمار : بس المفاجأة ما بلشت يلا نفوت...
قرب من الباب ليطلع المفتاح ويحطو بايدها...
عمار : يلا فتحي الباب بأيدك
إيمار ابتسمت وفتحت الباب لتخطي اول خطوة لجوا وهيي فتحت الباب ودخلت نزل عراسا ورق ورد أحمر....ضحكت من قلبها..والفرحة مو سايعتها التفتت لتلاقيه واقف مستند عالباب وعم يتأمل ردة فعلها...مدت ايدها ليمسكها ويشد عليها ويمشي معها ع درب الورد والشموع يلي راسمو ليوصل للغرفة فتحت الباب لتلاقي غرفة نوم مزينة بصور لإيمار مأخودة بشكل عفوي وهيي اعدة بمكتبها وحاطة نضاراتها ..وصورة وهيي عم ترفع شعرها وخصل نازلة ع خدودها..وصور وهيي نايمة...
عمار : كنت بتمنى حط صور بتجمعنا...بس ما إلنا ولا صورة سوا..إلا صور الخطبة وطبعاً حضرتك تكفلتي بحذفهن ..
غرغرت عيون إيمار بالدموع وارتمت بحضنو..
: أنا آسفة عمار... أنا آسفة يا روحي... أنا كتير جرحتك... بس أنا من خوفي عليك وحبي إلك عملت كل هاد..
سامحني...
عمار كان مبتسم وعم يمسح ع شعرها : ما تعتذري ..كلشي مضا وراح.. وأنا معك لآخر العمر..مافي قوة ح تفرقنا...تمام...
يلا....لفي هيك وشوفي آخر مفاجأة...بتمنى تعجبك...
كان عالتخت فستان أبيض طويل كمامو شيفون...وموديل قلب عالصدر
بدون كتاف ديق لحد الخصر .. وبعدها كلوش..
عمار : شو رأيك...حلو...
إيمار : كتير حلوو..بس ليش أبيض
عمار ضما من وراها وسند دقنو ع كتفها : مممم...حابب اعتبر هاليوم تعويض عن يوم عرسنا شو رأيك...
أيمار نزلت راسها وابتسمت ...
عمار : شوو...مافي جواب....قولي ..موافقة؟
إيمار : موافقة ..
عمار : لكن يلا جهزي حالك...
ولا تطلعي من الغرفة لأجي..
سرق بوسة من رقبتها وطلع وتركها مصدومة من رومانسيتوو المفرطة
إيمار لذاتا : ماحدا متلك بيستاهل الحب ...
بعد ساعة..كانت لابسة الفستان ...مع السكربينة اللولو..والمكياج الناعم يلي أبرز جمالها....
دق الباب ..
إيمار : اتفضل..
عمار فتح الباب ليوقف مذهدل بجمالها...
عمار : أنا صحيح شفت الفستان واخترتو..بس ما توقعت يكون هيك...
طالعة بتجنني..
إيمار بغنج : خجلتني عمار....
عمار قرب منها بهدوء وهمس بادنها: خبرتك قبل وقلتلك ما تتغنجي وتختبري صبري..هاد آخر إنذار..
وهلئ دور الهدية
كان حامل علبة مخمل بأيدو..فتحها...كان عقد ألماس
بيتوسطو تاج الماس محفور عليه بالإنكليزي ،my Queen مع حلق كمان ع شكل تاج..و تاج ناعم تزين فيه شعرها.....
إيمار : مفاجآتك اليوم كتيرة...
عمار : ممكن ما كون خلصت.. بس أوك...
يلا تعي لبسك ياهن..
لبسها الحلق...وحطلها التاج ع شعرها
رفعت شعرا ليلبسها العقد ويسرق بوسة من رقبتها....
لفت لعندو وتطلعت بعيونو..
إيمار : عمار...
عمار : عيونو...وقلبو... ونبضو..
إيمار ضمتو : بحبك....
عمار : وأخيراً حنيتي عليي وقلتيها...
إيمار : عمار..
عمار : مم؟
إيمار : جعت..
عمار : حطمتي اللحظة ...
بس فداكِ...
هاتي إيدك..
حطت ايدها بأيدو وطلعت من الغرفة لتلاقي مجهز طاولة ع ضو الشموع...فيها عدة أصناف..
إيمار : مين حضر الأكل...
عمار : أكيد مو أنا.... ما بعرف اعمل شي أبدا
آخر مرة فتت عالمطبخ صار حريقة...
كلو وصيت عليه قبل ما نجي وأنا بس فردتو عالطاولة...
إيمار : هههههه ..طيب يلا نقعد ....
❤️❤️❤️❤️❤️❤️❤️❤️❤️❤️❤️❤️❤️❤️❤️
كانت أيلول مالة
عم تفتل بالبيت من غرفة لغرفة ومحتارة شو تعمل... أدهم ما طل لعندها اليوم..واضح أنو مشغول...
أيلول : ياربي ..طيب معقول هيك يتركني ويروح شو بعمل لحالي...
هفففف وانا شو بدي فيه..ليش ليبقى معي أصلا...
يييي صرت احكي مع حالي كمان ياربي منك يا أدهم ..ح تطير عقلي....
لقوم عزل هالبيت أحسن.. عالأقل بعمل شي منيح...
شغلت التلفزيون..وعلت صوت الأغاني ...
ربطت شعرا بإيشارب صغير وتركتو مفرود على طولو ...
كانت عم تنضف ومدموجة...بعد ساعتين...
كان أدهم عم يرن الجرس بس هيي مو سامعة من صوت الأغاني...طلع مفتاح من جيبتو وفتح الباب...اتوجه للمطبخ ليلاقيها عم ترقص وتغني مع الغنية يا بنت السلطان...حني على الغلبان...
وبايدها الممسحة🤣
كانت عم ترقص وتتمايل باحتراف
لتفتل تلاقي واقف وراها معم يرمش
أدهم : أنا آسف..بس...يعني...أنا رنيت الحرس ما سمعتيني من صوت الأغاني
حطت ايدها ع راسها بإحراج لتتذكر إنها بلا حجاب..شهقت وركضت من جنبو لغرفتها....
تاركتو مذهول
أيلول : غبية غبية غبية..كيف ما قفلت الباب ع حالي ..كيف..
لك شافني عم ارقص..ياربي...وشافني بلا حجاب..شو بعمل بحالي هلئ...كيف ح يصرلي عين طلع فيه بعد هالموقف...هففف
أما أدهم..طفا التلفزيون وراح فرد الغدا ع الطاولة
أدهم : كيف بدي اندهلا هلئ أكيد خجلانة من يلي صار...الحق عليي..كيف بفوت ...
طيب رنيت الجرس وهيي ما سمعت...
بس ليش اكذب ع حالي...بتجننن اكتر وهيي بلا حجاب...
شعرها بيسحر... أما رقصها.. حكاية تانية....
هففف شو هالتخبيص هاد أدهم..استغفر الله العظيم...يارب سامحني...يارب لا تواخذني يارب...
راح قرب من غرفتها ودق الباب..
أيلول....سامعتيني.... بعرف إنك سامعة..تعي نتغدا يلا ناطرك...ح يبرد الاكلأيلول بتردد : مو جوعانة..
أدهم : هلئ هيك...أنا جعت وشتهيتك معي بالأكل..ترفضي عزيمتي ..يلا عم استناكي ...
بعد ثواني فتحت الباب وهيي لابسة حجابها...
أيلول بحرج : أدهم.. أنا
أدهم : مافي داعي تقولي شي...أنا يلي بعتذر ...أنت ما سمعتِ الجرس.. وأنا رحت فتحت وفتت ما خطرلي موضوع الحجاب...
أيلول لتغير الموضوع : يلا تفضل قلتلي الغدا ح يبرد ..
مشيت قبلو وتركتو وراها عم يتأمل حركاتها وخجلها...
❤️❤️❤️❤️❤️❤️❤️❤️❤️❤️❤️❤️❤️❤️❤️❤️يـــــــــ͢ـོ͓ـــتبــــــــــــــོـ͓ـــ͢ــ؏*
➖➖➖➖➖➖➖➖➖
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h