الفصل 16
*قـصـص وروايـات عـالـمـيـة💙📚📖*
*بإدارة* *يـامـن💙*
*❴📖❵↵* *ضحية.المئة.ليلة.tt* 🖤🔪
*❴🔢❵☟الـــبـــــــــــ❴6️⃣1️⃣❵ــــــــــــارت☟*
➖➖➖➖➖➖➖➖➖
*
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h```
➖➖➖➖➖➖➖➖➖
بحديقة بيت عمار..
كان قاعد هوي ويمان وشجر الجوز والمشمش محاوط الحديقة ودرجين دائريين بيوصلوا لجوا الفيلا..
عمار : يعني أنت بتشك أنو مهران بيعرف شي؟
يمان : أنا متأكد ... بابا بلسانو قلي..بس تحتار بشي وما تلاقي جواب روح لعند مهران وح تفهم كل شي... حاسس في سبب لحتى حكا هيك..
عمار : طيب قوم لعندو شو ناطرين
يمان : يلا....
ركبوا سيارة يمان التنين ونطلقوا لبيت مهران ...
دقو الباب لينفتح الباب بعد ثواني وتطل منو مرا بعمر الست علا..
ريما : أهلا وسهلا ابني يمان...تفضلوا
يمان : كيفك خالتي..عمو مهران موجود
ريما : اتفضلوا ابني البيت بيتكن ...عمك مهران عم يصلي العشا شوي وبيجي..
ابتسلملا يمان بامتنان وفات هوي وعمار...اعدوا بصالون البيت..
بعد دقايق اجا صوت العم مهران..
مهران : أهلا وسهلا يمان والدكتور عمار نورتوا..
وقف عمار ليصافحو : منورة بوجودك سيد مهران.
مهران : كيفك ابني... كنت عرفان إنك ح تجي لعندي....
يمان : كيف عرفت..
مهران : لا أنت احكيلي بالأول..شو صاير معك..
يمان : عمو... أنا بدي أسألك ع شغلات بتخص بابا ؛ هوي قلي بقدر لاقي جواب اسألتي عندك مهما كان السؤال...صح
مهران بابتسامة حانية : صح ...
يمان : عمو..بابا كان إلو أعداء أو شي بخص الشغل مو زابط أو أي شخص ممكن نشك فيه ؟؟
مهران : لا ابني ...مافي أي شي من هاد.. أبوك رجال طيب مافي منو..بعمرو ما كان إلو أعداء...
يمان : لكن ليش ناطرني اجي لعندك
مهران : ابني.. أبوك بيعرفني وبعرفو من نحنا وصغار ولهيك قلك هالحكي ولو في شي كنت خبرتك...
أنا فكرتك جاية لتستلم الشغل من بعدو الله يرحمه..
يمان : هالحكي منحكي عنو بعدين عمو ،، طيب ..لكن بدنا نستأذن...
مهران : لوين لك ابني ما شربنا القهوة..
عمار : غير مرة عم..مضطرين نمشي وتأخر الوقت بعدين..
مهران : طيب براحتكن ..بس ضلكن طلوا عليي
يمان : مالنا غنى عمو..أنت من ريحة أبي الله يرحمه
بالإذن...
طلعوا من عند مهران وأملهن خايب..
عمار : حسيتو عم يكذب علينا..
يمان : ليش ليكذب...
عمار : مابعرف..حسيتو عم يخبي شي...
يمان : مخي معد استوعب ...مابعرف ..كل الطرق مسدودة بوجهي كنت مفكر ح ارتام واعرف أجوبتي هون...طلعت غلطان ..
عمار ربت ع كتف يمان : الله يريح قلبك يا صاحبي
بعد شهرين
علاقة أدهم بأيلول صارت أحسن...بطلت قصة خاطف وضحية..صاروا أصدقاء..واتحدوا ليوقعوا أحمد بشر أعمالو...
بيوم كان الجو غيم والمطر مغرقة الشوراع ..
كانت حاملة بأيديها فنجانين نسكافية واتوجهت للصالون كان اعد جنب المدفئة..
قعدت جنبو وعطتو فنجان...
أدهم : أجا بوقتو..
أيلول : طبعاً..بتعرف شي أدهم...
أدهم : اامم؟
أيلول : أنا كتير صرت أكره الشتا.. بحسها جو للكآبة والزعل...من يوم يلي تزوجت أحمد وأنا أقضي أيام الشتا ولياليها لحالي...
كان يجي عالبيت وكأنو فاتحتلو أوتيل أو جاية شي ضيف...
بس ما كنت ازعل بتعرف ليه
أدهم هز راسو باستفهام
أيلول : لأنو ما حبيتو...ولا بعمري ح حبو....
أدهم : ليش تزوجتي...
أيلول : تعودت اخد قراراتي بمنطق دائماً بس بالزواج فشلت... اكتشفت أنو الوحيد يلي لازم تمنع عقلك يتدخل فيه هوي قرارك بالارتباط...
لما بدك ترتبط بحدا...لازم قلبك يلي يدلك مو عقلك ....
لأنو وقت تنخذل...كل قوانين المنطق مابقى تفيد...
أدهم : هلئ أنا نص كلامك ما فهمتوو،، بس في شي كتير عاجبني....
ايلول : شوو
أدهم : بعدين بخبرك
أيلول: وأنا كيف ح انطر يالله يا أدهم
أدهم ابتسم بخفة : بتعرفي ... بلحظة بحسك طفلة صغيرةةة و بلحظات بحسك حدا واعي كتير وأكبر من عمرك ...
أرسي ع بر ...ورسيني معك
أيلول اكتفت بالصمت...
أدهم : خليني قلك شي..ومعلش ما تردي عليي
المهم تسمعيني للآخر...
أيلول كانت عم تنظرلو بنظرات مستغربة ...
أدهم : بلشت القصة... بيوم يلي راقبت هديك البنت...البنت يلي كنت ناوي انتقم من زوجها عن طريقها...
وخطفتا...يوم يلي حملتها بين ايدي وربطتها بالغرفة كان في شي جواتي عم يوجعني...عم يقلي شو عم تعمل...ليه عم تأذيها وتأذي حالك...ليش عم تتخلى عن الرحمة يلي بقلبك ؛؛
والصدمة كانت يوم يلي حكيت مع هالمجرم وتخلا عنها بكل بساطة... انقهرت من جواتي عليها ...شو الذنب يلي ممكن تعملو يستاهل كل هاد الوجع... شو الذنب يلي حملتو كل هالملامح الطفولية ....
لعنت حالي ألف مرة يوم يلي أغمى عليها بسببي...تمنيت لو إنها بقيت ما بتعرف شي...
أيلول: أدهم.. خلينا نركز ع هدفنا هلئ..وبعدها منحل كلشي
أدهم : طيب أحمد وقلتيلي خالتو سلمى معو... وحسب ما فهمت ..وعرفت سلمى مالها أي علاقة بتخبيصاتو...حتى بعيدة كل البعد عن التجارة...يعني سلمى ماسكة شي ع أحمد..وعم ينصاع لرغبتها من خوفو..
أيلول : صح تماماً أنا متأكدة
أدهم : لازمنا دليل...كيف ح نوصل لدليل ...
أيلول : هي تركها عليي ...
أدهم : شوفي ببالك ؟
أيلول ابتسمت بشقاوة وزاحت نظرها للمدفئة وعيونو ملاحقة حركاتا بكل غرام...
أدهم : صار لازم روح...هلئ الست أم أدهم بينشغل بالها..
أيلول : خليك شوي..عم مل لحالي...
أدهم : طيب هيك ح تخلينا عم نشرب قهوة شو هالسهرة الناشفة هي..
أيلول فتحت عيونها ع وسعهن وابتسمت : اعملك بوشار ونتابع فيلم
أدهم : وأنا موافق بس الفيلم ع ذوقي..
أيلول : يس يلا ...
رايحة عالمطبخ ...
ابتسم أدهم ع طفوليتها يلي مخباية جوات أنوثتها الطاغية وكبريائها..
بعد دقايق لحقا عالمطبخ...
أدهم : لك شو هااااد
أيلول باستغراب : شوفي..
أدهم : هلئ هيك لبوشار...نصهن محروق والنص التاني بعدة درة..
أيلول : يصحلك أساساً...ما بعرف أكيد نوع الدرة مو ظريف...
الحق عليك
أدهم : هيك هلئ... بتراهني أنو فيي اعمل هلئ ويطلعوا أظرف من هدول...
أيلول بتحدي : براهنك...
أدهم : يعني جد ..رد اعمل..
أيلول : أي مو حضرتك تحديتني..يلا...
أدهم : أي..بعدي هيك لكن...
بس ع شو الرهن..
أيلول : إذا طلعوا متل بوشاراتي ح تخسر أنت وبهالحال ح تاخدني مشوار...
أدهم لابتسامة باردة : موافق..وإذا أنا يلي ربحت ح تضلك بهالبيت متل الشاطرة..لأكشف الحقيقة
أيلول ازدردت ريقا : ولي...موافقة...
أدهم : ح تندمي إنك تحديتيني...
أيلول : ننننننننن
أدهم : لا حول ولا قوه الا بالله العلي العظيم بعدي من حد الغاز بعدي...
بعد دقايق فتح طنجرة البوشار بكل غرور وأيلول واقفة جنبو وعم تدعي بسرها يكونو محروقين كلياً...
ليطلعوا البوشارات بشهو ويصير يضحك أدهم بشقاوة
وأيلول تقلب شفتها وتخبط عالارض برجلها وتروح عالصالون
: هههههههههههه بوووم....يلا روحي حطي فيلم.. ويكون بعلمك ح تبقي عندي حتى إشعار آخر
...................................
باليوم التالي
ببيت الست سلمى
كانت أعدة وعم تسب وتلعن أحمد و سالي معو
أسيل : ماما شوفي ..شو صاير..
سلمى : روحي من وجهي ها مو طايقة حالي
الله يلعنك يا أحمد والله لخليك تعفن بالسجون ...
أسيل : أمي شو عمل أحمد...فهميني شوفي...
سلمى قامت بكل غضب وخبطت باب الغرفة ع حالا...
سلمى : حسابك عندي ... لكن أنا تهددني... أنا
قبل ساعة..
أحمد : خالتي الحلوة ...إلك عندي خبر بيجنن
سلمى : شوفي عندك
أحمد: إيمار وعمار ... عايشين أحلى شهر عسل.. وقال طالعين شهر العسل الأسبوع الجاية..
سلمى : كذاب...مستحيل تعمل هيك..أنا هددتا إذا بتقرب منو لأقتلو عالخالص..
أحمد باستهزاء: وشكلو ما عبرتك لا أنتِ ولا تهديدك يا مسكينة
سلمى : خراس أحمد..ما بكفي أنو هديك الكذابة سالي.. ما عاطيتها الحبوب...
كنت ناطرة خبر يفرحني عنها..بس صار العكس...ليك ح تروح وتقتل عمار بنص بيتو...عم تفهم
أحمد: لااا خالتي..لهون وبس أنا مو لعبة بأيدك
سلمى : لكن يا شاطر ح تعفن يا بالسجن يا بالمصح ... بمجرد ما ورجيت الشرطة الفيديو تبعك وأنت عم تتعاطى...شو رأيك...
عدا عن جريمة الترويج للمخدرات...
أحمد : ههههههه ضحكتيني... رجلي ورجلك بالفلقة سوا يا حبيبتي...يسواكِ ما يسواني..
ان شاءلله مفكرة إني مأمنلك...كل لقاء إلنا مسجل عندي...
يعني ..عندي دلائل بتجيبك من وراء الشمس...
سلمى بصدمة : الله يلعنك شو حقير ....
عودة للوقت الحاضر
أسي : شو صار يا ترى....لازم يمان يعرف شو صاير
حملت موبايلا وبعتت رسالة
يمان..كيفك حبيبي... بدي شوفك ضروري..في شي مهم لازم تعرفو
ليجيها الرد بعد ثواني
: أهلا روحي ..
خير شوفي..شغلتي بالي
بشوفك بعد ساعة متل العادة...بالكافيه بتلاقيني ناطرك
أسيل : أوك
يـــــــــ͢ـོ͓ـــتبــــــــــــــོـ͓ـــ͢ــ؏*
➖➖➖➖➖➖➖➖➖
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h