الفصل 14
*قـصـص وروايـات عـالـمـيـة💙📚📖*
*بإدارة* *يـامـن💙*
*❴📖❵↵* *ضحية.المئة.ليلة.tt* 🖤🔪
*❴🔢❵☟الـــبـــــــــــ❴4️⃣1️⃣❵ــــــــــــارت☟*
➖➖➖➖➖➖➖➖➖
*
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h```
➖➖➖➖➖➖➖➖➖
بعد مرور شهر......علاقة يامن ب لين كانت متوترة نوعاً ما....
أما يمان...كان شاغل تفكيرو غياب أيلول ..نسيان حالو و نسيان حياتو..شاغل همو توأم روحو ورفيقة أيامو..صديقتو المقربة و بيت سرو....
حس أنو بحاجة ليحكي..ليفضي كلشي قهر جواتو.....
ودون شعور منو رفع جوالو واتصل ب لين...
لين : يمان ؟
يمان : كيفك لين، بعرف مستغربة أنو عم دقلك..بدي منك طلب صغير وبتمنى ما ترديني..
لين باستغراب : صاير معك شي ... عرفت شي عن أيلول طمنا قلبي أنا وماما متل النار عليها معم يهدا راسنا ونحنا معم نعرف شي عنها
يمان بيأس : لا، ما صار شي جديد ، وأنتِ كمان ما تاكلي هم ..ولا تعتبي ع يامن .... أنا بعرف أنو مبعد وعم يقهرك بس مو بقصدو ...
هوي تعبان كتير ومتدايق من أحمد معم يقدر ينسى يلي عملو..
لين بصوت مخنوق : طيب، أنا شو ذنبي إذا اخي مو مسؤول ومو سائل ع مرتو شو ساوي....
يمان : ولا يهمك ، هوي تقريباً بلش يهدا ويروق بس حطي حالك مكانو... أكيد ح تتعذبي متلو وأكتر..
ما تخافي كلشي ح يرجع متل قبل وأحسن
لين : ان شاءلله .. بس حكيلي شو في .. شو كان بدك
يمان : بدي رقم أسيل ..
لين باستغراب : أسيل؟ ليش
يمان بحرج : هيك أنا بحاجتا شوي ...إذا ممكن يعني
لين : طيب معلش ثواني وبرد عليك خبر
يمان : طيب فهمت عليكِ
سأليها ورديلي خبر
لين: ماشي ثواني وبحكي معك
.............................................
أسيل كانت جالسة بغرفتا كالعادة..بايدها فنجان قهوة وعينها عالشباك وعم تتبع قطرات المطر يلي عم ترتطم بالأرض بقوة ..
والجو الغاضب ..كان يوم عاصف ...بارد و وممطر
....
رن جوالها وقطع شرودا..لتجاوب: أهلين لنوش كيفك
لين : الحمدلله وأنتِ؟
أسيل : مو منيحة
لين : بتوقع تغيري رأيك بس تعرفي شو ح قلك
أسيل : شوفي ..
لين : يمان دقلي وبدو رقمك
أسيل بصدمة : مزح...وشو بدو فيي
لين بشقاوة : مابعرف..بجوز ها بجوز حس فيكي وبقلبك وبحبك إلووو
أسيل : لين بلا سخافة أي حب هاد...المرات يلي التقينا فيهن بينعدوا عالأصابع...
لين : يعني بتنكري أنك حاببتيه
أسيل بقوة : لاء..لاء لين مافيي انكر..أنا فعلاً حبيتووو...لاء عشقتووو
عشقت حبو ل أيلول ولعيلتو وحنيتو عليهن ..تمنيت لو عندي حدا متلو..بس بعدين تمنيتو هو ذاتو يكون بحياتي بس كيف ..كيف وأنا بنتا ل يلي...
قطعت كلامها لتتذكر أنو لين مالها علم أنو أمها حاولت تدمر إيمار هي وأحمد ودخلولها المخدرات بأكلها وشربها....
لين : كفي شو عم تقولي ، ليش حتى ما يحبك ... خلصيني هلئ ناطر خبر مني اعطيه رقمك ولا لا....
أسيل بعد ثواني من الصمت : تمام عطيه ياه
لين : ممتاز لكن من هلئ مبرووووووك
باي
أسيل بضحكة : هههه لك شقية بااي
🪶🪶🪶🪶
أما يامن... كان بشغلو... عم يشتغل بس مو قادر يركز ب أي شي ..
اخد موبايلو وصار يفتش ع صور لين..وضميرو عم يعذبو كيف قهرا وتركها بين نارين وهيي مالها ذنب بشي...القى نظرة ع ساعتو.. كان باقي ربع ساعة وبيخلص دوامو ...حاول يشغل حالو ليمر الوقت ولما انتهى طلع من شغلو واتوجه عسيارتو...
وبعت رسالة للين محتواها
: لين ..روحي أنت لطف العالم ولينه كله مجتمع فيكِ..بس أنا القاسي... أنا آسف.. أنا جرحتك بعرف خليني شوفك.. أنا بحاجتك كتير...
ونزل لجوالو من ايدو ليجي الرد بعد ثواني
: حبيبي ما تحكي هيك... أنا بفهمك..وين بتحب نلتقي...
ابتسم يامن بقهر ليرد
: نطريني جاية آخدك ونطلع لشي مكان
: تمام ناطرتك
وشغل سيارتو ونطلق....
بينما يمان مر الوقت وهوي مترددد يحكي مع أسيل
بالآخر دقلا..ليجي صوتا بعد ثواني
أسيل : الو
يمان اتنهد : أسيل
أسيل : يمااان
يمان : أنا تعبان... خليني شوفك
أسيل : بحاااول
يمان : عملي جهدك..في كتير شغلات متعبتني..خليني اتخلص من شي قليل منها عالأقل...
أسيل : طيب ، نطرني بكافيه تناغم بعد ساعة...
يمان : تمام ..
🪶🪶🪶🪶🪶
أما سالي وصلت للشهر السابع وهيي فرحانة ومبسوطة بالحمل .. طبعاً فوراً بعد الحمل انتقلت ع بيتها الجديد يلي بتحلم فيه ... حلو وواسع ومفروش من أحلى ما يكون...
بس مع هيك جواها غصة كبيرةةة وندم أكبر من يلي عملتو ب إيمار بس عم تتجاهل كلشي وتعيش لحظاتا الحلوة مع الطفلين يلي ح يغيروا حياتا.
🪶🪶🪶🪶🪶🪶🪶🪶
فتح الباب أدهم بهدوء ..ليدخل عالبيت يلاقي أيلول اعدة وعم تحضر تلفزيون ...تفاجئ
هي أول مرة من شهر لهلئ بيلاقيها طلعت من الغرفة خجلت منو ووقفت وهيي عم تزبط حجابا..
أيلول : بعتذر..بس مليت .. لهيك...
أدهم : لا ما تعتذري أيلول..خدي راااحتك أنت مو أسيرة عندي حتى تتعاملي معي هيكأيلول : طالما مو أسيرة ليش محتفظ فيي هون
أدهم سكت لبرهة ليرد : في شغلات بدي اثبتها على احمد ولازم تكوني مختفية ل أقدر اثبتها لهيك لازم تبقي غايبة عن الوسط لاقدر زتو بالسجن لهالواطي...
أيلول : بس أنت لهلئ مخبي كتير شغلات عني...
وبدك تحكيها كلها وهلئ ولا تتهرب وتترك البيت متل كل مرة ...
زتت ريموت التلفزيون من ايدها...
وقامت قربت وحطت عينها بعينو ورفعت سبابتها بوجهو...
أيلول : ليك أدهم...اليوم وهلئ...ح تحكي كل شي بتعرفو بالتفصيل ..فهمت...وإلا بقتل حالي..... بخنق حالي... أو بحرق البيت وأنا فيه.... ولا ببقى ثانية تانية هون
كان أدهم عم يسمع وينظر إلها بصدمة..ما توقع كل هالقوة جواتا...كان واضح أنها لطيفة وضعيفة ووهشة كتير..بس صدمتو بكلامها...
أيلول : ما بدك ترد
ماشي ....
مشيت من ادامو وتوجهت للمطبخ قفلت الباب ليركد وراها يلاقيا قافلة ع حالها
دب الذعر بقلبو
وصار يهمس : لا لا لا مستحيل.. مستحيل اسمحلك
وصار يدق الباب متل المجنون...
أيلول...أيلول فتحي ..فتحي الباب
بعد ثواني صار يشم ريحة غاز قوية من داخل المطبخ...
برزت عروق رقبتو وجحظت عيونو وصار يدفش الباب ليقدر يكسرو...
ويصرخ : أيلول فتحيي ...
هدي ثواني ...
طيب طيب اهدي كلشي بدك ياه ح تعرفييه بس فتحي الباب.... ما لازم تموتي هلئ...لازم تاخدي حقك ...وحق أبوكِ يلي مات قتل ...
سمعت أيلول الكلام من جوا المطبخ لتفتح الباب بسرعة وتطلع....
وبس طلعت مسكها من ذراعا وشدها لعندو ..
أدهم : أنتِ منيحة..صارلك شي....
أيلول بعدت عنو : قلي كلشي يلا...شو علاقة أبي ..احكي يلا
أدهم : متأكدة إنك جاهزة تسمعي كلشي....
أيلول : جاهزة ...جاهزة
تركها واقفة وفات عالمطبخ فتح الشباك وباب البلكون ورجع تجاوزها ودخل للصالون ...لحقتو وقفت وراه مباشرة ليحكي وهوي داير ضهرو عنها
أدهم : ليكي أنا قلتلك انو قبس ماتت قتل صح....
أيلول : شو علاقة قبس بأحمد
أدهم : أيلول.... قبس هيي ممرضة أبوكِ يلي كانت مسؤولة عنو بالمشفى..
وأحمد كان يتردد عالمشفى بغيابكن وحاول يتقرب منها كتير ..ويحاول يت.ح.رش فيها.. صارت تتجنب تتواجد وقت يكون..
بس بيوم يلي اتوفى أبوكِ كانت مناوبة وشافتو بعينها وهوي عم ..عم يقتلوو... كانت بدها تطلع لعند أبوكِ..شافت أحمد وهوي فايت لعندو ...أم بقيت برا وشافتو من طرف الباب.. وهوي لافف الحبل ع رقبتو وعم يخنقو...
يومها ركضت لعندي متل المجنونة وهيي عم تخبرني بس لما وصلنا لعندو كان هوي متوفي وأحمد مختفي وماقدرنا نشتكي عليه لأنو مافي بايدينا دليل ولأنو بنفس اليوم بعتلها تهديد...
أيلول بصدمة : كيي كيف يعني؟؟!
أدهم : أحمد قدر يشوفا وهيي راكضة بالمشفى فكرها خافت وهربت
سكت ثواني..وبعدا كمل بغصة : قتلها... بعد بكم يوم قتلها تسببلها بحادث....
أيلول بانهيار : أنت ...أنت ...لوين بدك توصل ..
قعدت بالأرض ...
يالله أنا مع مين كنت عايشة ياربي....
أدهم والدمعة عالقة بعينو:. أحمد ...قتل أبوكِ لأنو عرف أنو بيتاجر بالمخدرات...وقتل خطيبتي لما عرف إنها عرفت بجرايمو..
أيلول : وأبي كيف عرف هيك شي..
أدهم : هالشي جوابو عند أحمد بس ...
وغمض عيونو بقهر...
أيلول كان حالتها ما بطمن أبدا
كانت تبكي وتصرخ وتندب ع غياب أبوها
وهوي واقف عم يهديها...
بالآخر مسكا من كتافا ورفعا وضما لصدرو لتكفي بكا وقهر وثواني حس أنو جسدها ارتخى بين ايديه ليلاقيها مغمى عليها ..
صار يضربها عالخفيف ع وجها وينده باسمها ..لعل وعسى تسمعو..
ولما فقد الامل حملا واخدها ع غرفتا..
فكلا دبوس الحجاب عند رقبتها..
وقاسلها ضغطها ولما اتأكد أنو يلي صرلا بسبب يلي سمعتو تركها ترتاح وتنام وطلع غطا خفيف وغطاها فيه وطلع وسكر الباب وراه .....
جلس مكان مو كانت اعدة وصار يحكي بين حالو
: ياربي... ياربي صبرها وكون معها...يلي عم تسمعو مو قليل..زوجها قاتل...قتل بنت بريئة ..قتل أبوها... تاجر مخدرات.....وحاول يتحرش ببنت مخطوبة...وكل هاد ولسا ما عرفت الصدمة الكبيرة يلي ح تكون صدمة عمرها...هالصدمة أنا متأكد ح تخليها ما تتردد للحظة إنها تقتل أحمد بأبشع طريقة...
يـــــــــ͢ـོ͓ـــتبــــــــــــــོـ͓ـــ͢ــ؏*
➖➖➖➖➖➖➖➖➖
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h