الفصل 13
*قـصـص وروايـات عـالـمـيـة💙📚📖*
*بإدارة* *يـامـن💙*
*❴📖❵↵* *ضحية.المئة.ليلة.tt* 🖤🔪
*❴🔢❵☟الـــبـــــــــــ❴3️⃣1️⃣❵ــــــــــــارت☟*
➖➖➖➖➖➖➖➖➖
*
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h```
➖➖➖➖➖➖➖➖➖
بعد مرور ثلاث أيام...
ببيت أهل أيلول ...كانت اعد يمان ويامن ومعهن عمار...
يامن : وبعدين يا عمار وبعدين معد فيي تعبت ...
لك وين بدا تكوون وين راحت..
يمان : لا عد تقول راحت أختي مخطوفة... أنا متأكد .. هيي حكت معي قبل دقايق من طلعتا من البيت و وعدتني تجي تشرب قهوة معي ومع أمك هون...
بحلفلك إذا زوجا الكلب السبب .. لامسح أراضي الشام فيه ...
عمار : طولوا بالكن ياشباب البحث جاري..وبعدهن عم يدوروا عليها..إلا ما يلاقوها...
يامن بحسرة سند راسو عالحيط وغمض عيونو اخد نفس عميق وحكا: بس ليش هيك عم يصير...
بالبداية أبي..وهلئ أيلول...ولا أحمد.. يلي كان عم يذل أختي ويضربها...وأنا متل الغبي رحت وطلبت أختوو...وهيي راحت معي....
عمار قرب منو وحط ايدو ع كتفو وربت عليه : اوعك تحمل خطيبتك ذنب مو ذنبها... اوعك تعاقب حالك وتعاقبها ع شي هيي مالها علاقة فيه
ربنا قال بكتابه الكريم
(ولا تَزرُ وازرةٌ وزرَ أُخرى)
اوعك توقع بهيك غلط ..اوعك..
ح تندم وتحرق روحك وروحها ....
التفت ليمان : عرفت شي مشان والدك ؟
يمان : أي...تذكرت شي كان رايح من بالي ... بابا قبل ما يتوفى بفترة قلي..أي شي بتحتار فيه.. روح وسأل مهران عنو..
عمار : مين مهران
يامن : هاد بكون رفيق بابا بس شو علاقتو بموضوع قتله؟
يمان : مابعرف...بس أنا حاسس أنو في شي ممكن يفيدنا بدي روح لعندو واحكي معوو..
عمار : معك حق إلا ما يعرف شي..أبوك ما ح يقلك هيك من العدم ..
هز يمان راسو ..وحكا :
يمان : يامن أخي..البنت وأهلها مالهن علاقة .. أحمد هوي حقير و واطي.. فوق ماعم يضربا ..طلع بيتعاطى مخدرات..الله اعلم شو في وراه كمان....لا عاد تفكر بهالطريقة...
غمز عمار يمان ليغير الحديث حتى ما يزيدها ع قلب أخوه أكتر....
قطع وعودة لعند أيلول....
كانت بعدها اعدة نفس الاعدة عالتخت بس هالمرة ما كانت مربطة
كانت اعدة ووجهها شاحب..عيونها مورمين من البكا...
ملامحا مطفية..
وشفافها عم ترجف من قهرها وخوفا من المجهول يلي ناطرها...
عدا عن تيابا وحجابا يلي توسخوا عليها...
كانت شاردة بالفراغ لنفتح قفل الباب
فزعت وقامت وقفت بزاوية الغرفة...
والخوف واضح ع ملامحها...
دخل ليشوف الخوف بعيونا والقهر بملامحها...
رق قلبو لحالها... بس اتذكر يلي صرلو..والانتقام يلي كان حاطو ببالو
نفض الأفكار من راسو وقطع شرودو صوت شهقاتا
أيلول : مشان الله تعبت...فهمني ..حكيلي ..شو بدك مني...ليش أنا هون...شو عامل أحمد ...ليش بدك تحاسبني ع عمايلو...شو عمل...بترجاك رحمني
ارتجف قلبو لما حس أنو شخص ظالم...وهي ضحية عم تطالب بالرحمة...
قرب منها ومدلا ايدو..
: تعي شوي معي...لا تخافي...
مارح أئذيكي...تعي معي
مو بدك تفهمي..وتعرفي كلشي
أنا ح اشرحلك كل يلي صار....
نظرت أيلول بعيونو يلي الصدق واضح فيهن..إضافة للأسى والحسرة يلي فاضحة كلشي بقلبو..
ورجعت زاحت نظرها لايدو الممدودة إلها ....
🔥🔥🔥🔥
أم أحمد : يا الله دخيلك اهدي هالولد بقا والله عم يحرق قلبي والله
لين : ماما شو صاير...
أم أحمد : لك أخوكِ ح يجنني
مرتو مفقودة وهوي بشغلو...ولا فارق معو..ولا كأنو بنت الناس مرتو...
انتهدت لين بحزن ورفعت عيونها وميلت راسا وتطلعت بأمها : ماما..ليش هيك...
والله أيلول حدا منيح كتيرر...
لك ماشفت بطيبة قلبا ولا بحنيتا...كانت أكتر من أخت إلي وغلاوتها بغلاوة أسيل بنت خالتي ..بس أخي ...
ماما أنا حاسة في شي ورا يلي عم يعملووو
أم أحمد : شو قصدك
لين : أمي ... معقول يكون سبب يلي صرلا....
أم أحمد : لااا ابني مابيعملااا مستحيل هي مرتو وبحبها..ماشفتي كيف كان يعاملها...كان يداريها متل العين الرمدانة..لا يجرحا ولا يأذيها....
لين : ماما مابعرف...مابعرف
يامن ح ينفجر كرمالها....
ويمان حالو مو أحسن
ومرت عمو علا كمان كتير تعبانة أول شي عمو يوسف وهلئ أيلول..
أم أحمد بعيون دامعة : الله يصبرهن يا أمي الله يصبر قلبها يارب....
🔥🔥🔥🔥🔥🔥🔥
سلمى : أحمد اعترف...أنت السبب بخطف مرتك ولا لأ
أحمد : أنتِ ليش مصرّة تحمليني الذنب قلتلك مالي علاقة...حدها جهنم مو فارقة معيي ان شاءلله تكون ماتت وريحتني...
سلمى ضحكت بخبث : شو صاير ...من ايمت هيك بتحكي عنها
أحمد نفض الدخان من تمو : من زمانن ومن زمااان كتير...شقفة عاقر...نص مرة ..شو بدي فيها....
سلمى ضحكت ضحككة طويلة ومستفزة : بتعرف...ما شفت أحقر منك بس كمان ممتاز إنها بعدت عن طريقك... وإلا كانت فضحتك وانحطيت بالحبس...
أحمد : لا وحياتك...فشرت
أنا اخدتو منها..وكسرتا تكسير يوم يلي لقيتو معها...
هيي أضعف من إنها تشتكي عليي لأنو ما كانت ح تلاقي دليل يلي كان معها انا كبيتو...
سلمى : برافو.... برافووبغرفة تانية كانت اعدة أسيل بجنب طاولة عليها كتب عم تحاول تدرس وبنفس الوقت مشغول بالها : يارب..وبعدين....ايمت بدكن تنكشفوا أنتو التنين وتوقعوا بشر أعماالكن..
ايمت ح يجي يوم نفضحكن فيه..ايمت
ياترى وينك يا أيلول..وينك ...
🔥🔥🔥🔥🔥
بفيلا الدكتور عمارر
إيمار باالصالة..
رايحة جاية بتوتر...
دخل عمار ليلاحظ ارتباكها...
عمار : مسا الخير...شوفي
إيمار طلعت بعيونو بلهفة وحب وركضت وضمتو...
استغرب حركتا...رغم أنو نطر هاللحظة من زمان .. بعدا عنو ليمسك خدودا بكفوف ايديه : شبك ياروحي..ليش بكيانة
إيمار : وين كنت ...شغلت بالي ماعندك مناوبة اليوم ولا عمليات.... وين رحت ...
عمار : أولاً مسحي هالدموع الحلوين يلي مابحب شوفهن .. ولاعاد تعيديها هالعيون جنتي ممنوع تبكيهن...
وأنا كنت عند يمان...كرمال قصة أيلول واخدنا الحديث وتأخرنا وهيك
إيمار : ياربي طيب خبرني.. قلبي احترق ل وصلت لهون... خفت تكون عملتلك ش...
بترت كلامها ليطالعها عمار بنظرات غير مفهومة
عمار : كفي..مين يلي بدا تعملي شي...
إيمار : و ...ولا شي..انسى ما مهم..أنا نعست وصرت خبص ...طالعة ع غرفتي
برمت ضهرا لتمشي
ليرجع يمسكا من طاقية جاكيتا الفرو الزهر يلي لابستو ويشدها لعندو
وقف مقابيلا ورفع دقنها لتجي عينا بعينو...
عمار : إيمار...احكي... بترجاكِ...
لايمت..أنا بعرف أنو في شي كبير مخبيتي عني...
احكي بقا..فتحي قلبك..
نحنا وسوا كلشي بهون...
سدقيني..كوني معي وبحارب الكون كرمالك ...
إيمار ميلت راسها وسالت دموعا : مافيي..بخاف
عمار بحنية : ما تخافي من شي ..طول ما أنا معك ماحدا بيأذيكِ...
إيمار : مو خايفة ع حالي..أنا خايفة عليك..عمار معلش اطلب منك طلب...
عمار مسح ع شعرا بحب وابتسم : أنا عيوني إلك...
إيمار : معلش ضمك
توسعت ابتسامتو أكتر
ليضمها لصدرو ويشد عليها..وهيي بدورها تعلقت برقبتو متل طفل صغير ...
همس بادنها : بس ما حةتهربي ح اعرف كلشي..
اتنهدت بيأس وبعدت عنو : طيب بتوعدني ما تتهور ...ولا تعمل شي...
عمار بنفاذ صبر : بوعدك...
هزت راسا ..مسكتو من ايدو وطلعت ع غرفتا ...فتحت الباب ودخلت
عمار : يعني ما بصير نقعد برا...
إيمار : لا انا ماعد اوثق بحدا
عمار : طيب يلا سامع
قعدت جنبو الصوفا ومسكت ايدوو....
وعم تحاول تبدأ بحديثها...
إيمار : عمارر...بتتذكر هداك اليوم....
اليوم يلي طلبت ايدي فيه....والفترة الحلوة يلي عشناها....
أنا وقتا كنت عايشة أحلا ايام حياتي معك...حسيتك العوض عن كلشي بشع عشتو... عوضتني عن أمي وأبي وأخواتي...كنت سندي وحبيبي وأبي وعيلتي كلها...
كان عم يطلع فيها والصمت سيد الموقف
عم يسمع حكيها ويستمتع بكلامها... كان كلامها متل البلسم يلي عم يداوي جروح قلبو فيه....
لتكمل هيي : بس بيوم عرسنا ...
رتجفوا شفافها وحاولت تكتم دموعا..
سلمى ..سلمى هددتني
تغيرت ملامح عمار للغضب بمجرد ذكر اسمها...
عمار : كفي...كفي...
إيمار : قالتلي أنو ما ح تتركني عيش مبسوطة معك...وأنو ح تخليني اتطلق منك بأقرب وقت...وح تكرهك فيني...
وإذا .... يعني إذا بسمحلك تقرب مني ... ح تدبر ناس تقتلك
انهارت بالبكاء وهيي عم تقول:
قالتلي بالحرف ...مستعدة تصير قاتلة مجرمة ولا تسمحلي عيش يوم مبسوطة...
رفعت نظرها لتحط عينا بعيونو وتحكي بخنقة...
: عمار أنا مافيي عيش بدونك...
مافيي فرط فيك .....ولا فيي بعد عنك
ولا فيي قرب....
ضحكت من بين دموعا...أنا متل فيروز يا عمار إذا رجعت بجن وإذا تركت بشقى.....
صمتت
لتلاقي عيونو متل الجمر...
الكره والحب والحزن والدموع كلهن امتزجوا بعيونو سوا...
كان ماعرفان شو يحكي ولا يرتب الكلام ....
توقع كلشي إلا انو يكون جفاها سببو سلمى....
عمار : وأنا يلي استغربت وحزنت وانقهرت وظلمتك وفكرتك مابتحبيني...وأنتِ عم تتحملي كلشي كرمالي ..معقول
شدت ع ايدو أكتر ...
: عمار أنت دنيتي... بضحي بروحي كرمالك... بكفي الشي يلي غيرتو فيي ... بكفي طالعتني من القوقعة اللعينة يلي حجزتني فيها ... بكفي غيرت جواتي شغلات كتير ... بكفي بدلت كلشي بشع بشي حلو....
عمار قرب وضمها واستنشق ريحة شعرها : بوعدك اخد حقك ....بوعدك حاسبها ع كل لحظة سرقتك فيها مني ...بوعدك
🔥🔥🔥🔥🔥
عودة لعند أيلول..
اعدة بصالون متوسط نوعاً ما...مرتب بشكل حلو وأنيق...
جالسة ع الكنب وعالكنبة المقابلة ل يلي خطفا.. بشخصيتو الطاغية و رجولتو الواضحة ع ملامحو...
أيلول : وبعدين ح تحكيلي ولا لأ...
هي فطور وفطرت وقهوة معك وشربت وبعدين...
: أنتِ متأكدة أنك مستعدة تسمعي...
أيلول بانفعال : أكيد أكيد
: طيب...
أنا شب اسمي أدهم عشت بعيلة حالتها متوسطة...درست وتعبت ع حالي وكنت مبسوط بحيااتي كتيرررر.. ودخلت طب واختصيت وأثناء تدريبي بالمشفى ..حبيت...حبيت ممرضة..كانت تساعدني..
عشقتها..نزل راسو ليخبي دمعتو...
وما يهين كبريائو قدام ضحيتو
وأردف : حبيتا تلت سنين ..وخطبنا
واشتريت بيت ورحنا اخترنا الفرش والأثاث أنا وياها... كان كلشي ع ذوقا همي تكون مرتاحة ومبسوطة.. بس بيوم راحت وتركتني...انخطفت خطف مني...وراحت وماعد ترجع
سكت لبرهة وكمل : ماتت....قتل
شهقت أيلول وحطت ايدها ع تمها لتكتم صوت شهقاتا
تجاهلا وكمل : وسبب وجودك..
هو زوجك...القاتل ...يلي حرمني من كلشي حلو بحياتي...حرمني من روحي..ومن سعادتي...
انهارت أيلول...صارت تبكي وتصرخ : مستحيل ...مستحيل توصل معو لهون
لك ضربني وسكتت ومخدرات وسكتت بس قتل ...قتل مستحيل ...
أدهم بصراخ : مو مستحيل ...مو مستحيل....
زوجك واحد واطي ...مريض نفسي ....وبدي احرق قلبو عليكِ....
بس طلع أحقر مما توقعت....
بتحبي تسمعي شو قلي وقت حكيت معو....
تفضلي سمعي
فتح موبايلو
ليشغل صوت
كان مسجل لمكالمة بينو و بين أحمد...
أدهم : من الاخر...مرتك معي.. حبيت فهمك أني ح اخد تاري منك
العين بالعين...
أنت قتلت خطيبتي...وأنا بقتل مرتك
كان عم تنظر لادهم وتندهش أكتر...
أحمد : وليش تعذب حالك
روح واشتكي للشرطة ...
أدهم : فشرت...أنا باخد حقي بأيدييي
شوفتك ع حبل المشنقة ما تفش قلبي وتطفي ناري...دم قبس ما ح يروح هيك عم تفهم.. ح احرق قلبك بنفس الطريقة ..
أحمد :ههههههههههههه ياربي دخيلك موتتتني من الخوف
ناطر قلك بترجاك تركها وخدني يعني...
لا حبيبي
خدها ....تهنى فيها ...أو اعتبرها تعويض...نص مرة شو بدي فيها وحدة عاقر وما في أمل تجيب شقفة ولد ...عجزت تعمل شي قطة بتعملو...
أدهم : ما توقعتك واطي هيك
تفه عليك يا واطي..الله يلعنك...خسارة هالمخلوقة فيك ...
انتهى التسجيل ليراقب أيلول يلي كانت منهارة كلياً
أيلول من بين دموعا : يعني لهدرجة أنا رخيصة عندو...
وأنت قتلني شو ناطر...أصلاً هو معو حق.. انا ولد ما فيي جيب... شو بدو فيني...
أدهم : لا... بتقدري..
نظرتلو أيلول بنظرة غير مفهومة...
أدهم : أي ..أنتِ بتقدري تجيبي ولد وتنين وعشرة
أيلول : عم تلعب بأعصابي أنت...ولا عم تنتقم مني وتقهرني...
برأيي قتلي أحسن ما تحكي هالحكي...
أدهم : أنا معم امزح........يـــــــــ͢ـོ͓ـــتبــــــــــــــོـ͓ـــ͢ــ؏*
➖➖➖➖➖➖➖➖➖
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h