الفصل 10
*قـصـص وروايـات عـالـمـيـة💙📚📖*
*بإدارة* *يـامـن💙*
*❴📖❵↵* *ضحية.المئة.ليلة.tt* 🖤🔪
*❴🔢❵☟الـــبـــــــــــ❴0️⃣1️⃣❵ــــــــــــارت☟*
➖➖➖➖➖➖➖➖➖
*
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h```
➖➖➖➖➖➖➖➖➖
تاني نهار
الكل تعبان ومرهق
الدكتور عمار ما فارق يمان وعيلتو
الطب الشرعي
كتب تقرير أنو المريض توفى خنق
حبل سميك التف حول عنقو...
الوقت كان الساعة ١٠ونص
الوقت نفسو يلي كانو عيلة يوسف عم يتفقوا مع أهل لين ع موعد كتب الكتاب والعرس
كانت العيلة كلها بالمشفى
علا يلي صار معها انهيار عصبي
أيلول يلي عم تبكي ع أمها وأبوها سوا
أبوها يلي مات قتل رغم أنو طيبة الكون اجتمعت فيه وما عندو أي عدو يعمل فيه هيك
فجأة اجا أحمد ركض
أيلول
التفتت وعيونها متل الجمر ورجعت تطلعت بأمها
قرب لعندا قعد جنبا ومسح على راسا
: حبيبتي شو صار
كيف توفى
الله يرحمو يارب
طولي بالك يا عمري
أيلول كانت ساكتة وعم تبكي وزادت دموعا وهيي عم تشوفو كيف عم يمثل كأنو مو نفسو يلي تمنالو الموت من كم يوم ..... اجت رؤى عم تركض بممرات المشفى .. وقفت لثواني لما شافتا اعدة وحالتها يرثى لها ..
قربت منها بهدوء وضمتا لصدرها: ياعمري أنتِ ..طولي بالك ... يا روحي أنا ... الله يرحمو الله يرحمو ويجعل مثواه الجنة...
حضنت وجها بايديها : طولي بالك.. أيلول انت لازم تكوني قوية ... أمك بحاجتك شوفي حالتها وأخواتك كمان..وليد منهار...كوني قوية كرمالهن ياعمري...
أما يمان ..
كان واقف وعم يطلع فيه بقرف ومحتقرو
أبو أحمد قرب لجنبو ومسكو من ايدو وسحبو : امشِ قدامي
أحمد : شوفي بابا
أبو أحمد : وبتسأل بكل عين وقحة شوفي ... لك أختك كانت مبارح بحاجة أخوها يكون جنبها .. وأنت ما كنت .. وعمك آخر السهرة توفى وأنت هلئ لشرفت...
لك مافيك إحساس
مافيك دم أنت...
أحمد : بابا ما كان عندي خبر..و وقت طلبوا لين كنت مشغول
أبو أحمد : شو الشغل يلي عندك...لك شغلي وشغلك واحد...
شو الشغل يلي ماعندي علم فيه..احكي يا ولد..احكي
أحمد : بابا أنا ماعندي شي قولو وماني ولد تحاسبني بالطريقة هي
وترك أبوه ومشي
الوحيد يلي كان مو فهمان شي هو يامن إضافة لوليد يلي كان مقهور ع موت أبوه أكتر من الكل
كان المدلل وآخر العنقود ....
تم الدفن ومرو تلت أيام العزا .. كانو أصعب أيام بتمر ع هالعيلة
ورود البيت دبلت .. والياسمين هر من الشجر والليمون بطل الو ريحة
وكانو كلشي بالبيت حزين ع موت صاحبهم
🔥🔥🔥🔥🔥
أدهم كان واقف بعيد وعم يتأملهم والنار جواتو عم تكويه... لا فيه يحكي الحقيقة..ولا فيه يحاسب المجرم......
اخد موبايلو من جيبة المريول الأبيض
دق ل قبس ونطر الرد ..
ليجي صوتها مرتجف بعد ثواني..
:أدهم...
أدهم (بخوف) : فيكي شي..صار شي..
قبس : لاء.. بس صار لازم روح مشان أهلي ما يحسوا ع شي
أدهم: لا تتحركي...هلئ أنا بجي وباخدك ..عم تفهمي اوعك تطلعي...
قبس : متل ما بدك
أدهم : مسافة الطريق وبكون عندك..
سلام ....
انهى المكالمة وترك العيلة وراه مشتتة ومحتارة....وماحدا بيعرف هالسر إلا هوي...
بعد أسبوعين بمنزل عمار
اعد ع الصوفا بتعب وزفر
إيمار : شوفي ، ليش هيك تعبان ، فيك شي
عمار : مافيني شي بس عم فكر ب يمان ويلي مر عليه مانو قليل ابداً
كلهن تعبانين ؛ متخيلة مريض سرطان يموت قتل لك مو حاجتو عم يموت ألف موتة بكل جرعة ؟؟
مين هالمريض يلي قتلووو
الله يرحمو يارب
إيمار : آمين
عمار : أنتِ طمنيني كيف صرتِ
إيمار : الحمدلله أحسن معد تعبت متل قبل
عمار : واضح هالشي عليكِ
خاصة حدقة عينك كانت متوسعة واللون الأبيض صار أحمر حتى بقيتي منكوشة طول هي الايام
إيمار: أنا منكوشة عمار
عمار باستفزاز : بتخوفي بكل معنى الكلمة
إيمار وقفت ومشيت لجنبو وقفت مقابيلو : وشو كمان
عمار : والهالات السودا خلتني كل يوم ارتعب منك أكتر
إيمار : اهاااا
وبحركة سريعة خبطتو ع صدرو ودفشتو لتوقعو وتوقع فوقو ع الصوفا وتضل تضربو وهو يضحك
إيمار : أنا بشعة ومنكوشة وبخوف وارتعبت مني مو..
أما عمار كان عم يضحك ومبسوط فيها كيف بلشت تتعافى وترجع لطبيعتها...بعد ما مرت عليهن أسوء فترة ممكنة
////فلاش بااك ////
🔥🔥🔥🔥🔥
عمار قبل أسبوعين بعد ما رجع من عزا يوسف ...بالمشفى عم يحكي مع حالو وهو قاعد بمكتبو ماسك بايدو ورقة التحليل ومتل ما توقع
في بجسما نسبة منيحة من المخدرات ....
عمار : متل ما توقعت المخدرات عم توصللها بس مين يلي عم يوصلا إلها وكيف وشلون ... سكت وهو مقرر يأشرف على علاجها..
راح عالبيت
إيمار يا إيمار
ركضت الخادمة الجديدة رغد لعندو ...
دكتور عمار
الست إيمار فوق بغرفتا
عم تكسر كلشي قدامها ومعصبة ما بعرف شو اعمل معها
عمار بفزع ركض عالدرج وصار يدق عالباب متل المجنون : إيمار حبيبتي إيمار فتحي الباب... إيمار ردي عليي...فتحي خلينا نحكي ...إيمااار .....يارب دخيلك صبرني ...... وصار يخبط الباب برجلو وكتفو لحتى كسرو وفاتدور بكل أنحاء الغرفة كلشي أزاز مكسر ومخرب وهيي مو موجودة
دخل عالحمام
لقاها اعدة تحت الدوش
كانت غرقانة ببركة حمرا
ما عرف هي دم ولا مي
كانت بأيدا قطعة أزاز رفعتا ليشوفها و
طلعت فيه آخر نظرة وابتسمت غمصت عيونها واستسلمت لتنزل ايدها وتوقع قطعة الازاز منها
وقف عمار بمكانو مصدوم
مو عرفان شو يعمل .... الدكتور يلي كان يحارب أصعب مرض بالكون...
عجز وهوي شايف روحو عم تموت قدام عيونو
صحي ع صوت صراخ رغد قدامو
وبسرعة طفا مية الدوش وحملا وطلع من الحمام
ركض ع غرفتو
عمار : رغد بسرعة بسرعة جيبي شنتايتي من الخزانة وصار يهمس وهو عم يمسحلا شعرا ..
مستحيل اتركك تموتي
مستحيل تتركيني عم تفهمي
مستحيل...أخسرك ...مستحيل
اجت رغد قعدت جنبو طلع من شنتايتو كلشي بيخص الإسعافات
مسح الدم ليشوف جرحها وحمد ربو أنو ما كان غميق ولا بيحتاج مشفى ...
خدرها موضعياً وخيطلا الجرح ولفلا ايدها بشاش بعد ما انتهى : الحمدلله ياربي الحمدلله
رغد : دكتور ليش ما صحيانة إذا مافي شي
عمار : مافيها شي هلئ بتصحا
رغد إيمار كتير تعبانة ديري بالك عليها بغيابي في حدا كان عم يعطيها مخدرات وأنا ما بدي حدا يعرف هالشي نهائياً وأنا لهيك ما أخدتا عالمشفى وهيي صارت تصرخ لأنو بدا جرعة ومالقت ولهيك بلشت تضوج
ووقت تعبت نامت
رغد بصدمة : الله يكون معها ويصبرها
مين في يأذي هيك إنسانة كلها طيبة ولطف
ياعمري الله يعافيكي .....
عمار : زكاتك جيبيلي مناشف لنشفلا شعرا وغيرلا تيابا
رغد : حاضر دكتور يلا يلا
عمار : يا روحي ..لو بتبعدي عني بموت أنا والله بموت..وقرب وباسها من رموش عيونا
رغد اجت عطتو المناشف ...
تفضل دكتور
عمار : تمام هاتي
اخد منشفة لف شعرها فيها
واتطلع ع تياب كأنو كلهن مي اخد نفس وقرب ليغيرلا ياهن وقف لثواني وخاف من ردة فعلا لما تفيق
رغد : في شي دكتور
عمار : لا ما في شي أنتِ تعي ساعديني
ساعدتو رغد وغيرو تيابا ولبسها تياب ناشفة وغطاها وقام
عمار : رغد نضفي غرفتا والحمام وما تخلي شي ممكن يأذي أبداً
رغد : حاضر
ومر أسبوع وعمار اعد بجنبها
كانت تصرخ وتبكي وتخبط راسا بحيطان الغرفة وكان يضل مقاوم ويتحمل كل ردات فعلها وبعد ما مر الأسبوع بلشت تخف نوبات غضبها
وبلشت تتعافى وتستعيد صحتا...
////باااااك////
عمار مسك ايديها وثبتها وهي اعدة لسا وعم تضرب فيه : بشكر ربي أنك تعافيتي لو تعرفي شو عانيت وأنا شوفك تتعذبي قدامي
هديت إيمار وسكتت ووعيت ع حالا كيف قريبة منو كتير
وقامت فوراً ورجعت شعرا لورا ادنيها
قام هو وقرصا من خدودها
وهمس من بين سنانو : يقبرني الخجوووول
ومشي وتركا وراه خجلانة وضايعة وخايفة لا قدرانة تحبو وتبقى معو ولا قدرانة تبعد عنو.....
رن موبايل عمار فجأة...
عمار : غريب..المشفى...
: دكتور عمار بسرعة ... الدكتور أدهم..مانو منيح
انتفض عمار من مكانو
عمار : شوفي...شو صاير...
: الممرضة قبس.... تعرضت لحادث سير وهيي بالعمليات......
ركض عمار بسرعة برا البيت وتوجه للمشفى......
بعد دقايق وصل....كان أدهم اعد جنب باب العمليات ما عم يسمحولوا يدخل عالعملية...وأهل قبس اعدين وناطرين خبر يطمن قلبهن...
عمار : أدهم..شو صار...كيف
رفع أدهم راسو.. ليبانو عيونو الحمر من كتر البكا..وقميصو السماوي الملطخ بدم حبيبة روحو...
شعر عمار بألم كبير ع حالتو...كيف لأ... وهوي شايفو عم يتعذب ومو طالع بأيدو ينقذ حبيبتو من يلي هيي فيه..كيف فيه يخليها تتغلب عالموت وتنجو منو....
قرب منو وضمو : ابكي أدهم...ابكي....
لا تخلي قهرك بقلبك...بس خلي إيمانك بالله كبير...هيي ح تطلع بخير...كون متأكد انو ربنا رحيم بعبادو..ما بيتخلا عنهن ولا بيحرمهن من يلي روحهن معلقة فيهن....ولو صار بكون عندو حكمة من هالشي.....
أدهم : موجوع يا عمار..روحي عم تطلع من جوات صدري...
قلبي عم يتحطم تحطيم...مو قدران اتخيل حياتي بلاها...بس هيي مستحيل تتركني...
متأكد أنها ما رح تتخلى عني..هيي وعدتني ما تفرط بحبنا...
انهمروا دموع عمار مع أدهم...ليحكي: دعيلا ...دعيلا وربك كريم ما بخيب ظنك...
عمار : حكيلي كيف صار الحادث
أدهم : كنا رايحين أنا وياها نتغدا برا..كانت مكتئبة بآخر فترة وحبيت غيرلا جو...
////:فلاش باك////
أدهم : حبيبتي بعدها زعلانة
قبس : لا مافيي شي ...
أدهم : قومي عازمك
قبس : لوين
أدهم : ح نطلع مشوار ..بتغيري جو بلكي بشوف ضحكتك الحلوة
قبس : أدهم.....
أدهم : لك ولسا بتقلي أدهم....لك مابتعرفي أنو اسمي من تمك ممكن يخليني اعمل شغلات ما بتوقع تعجبك
قبس ضحكت بخفة : أدهم تأدب....
أدهم: بحاول... أنتِ لا تكوني حلوة كتير ...أنتِ وحكياتك مو بس أنتِ ... شدها من أنفها... تؤبرني هالابتسامة
..يلا جهزي حالك سابقك عالسيارةةة خلصي و نزلي
قبس بحب : تمامنزل وركب سيارتو ونطرها ..
نزلت دورت عالسيارة لقتها عالطرف التاني رفعلا ايدو ولوحلها لتستعجل وهوي عم يراقب ملامحها وحركاتها .. ركضت لتقطع الشارع.. وفجأة اجت سيارة مسرعة ...صدمتها وكفت....
بقي مكانو مصدوم ... نزل من سيارتو بلا وعي وصرخ : قبسسسسسسس
ركض لعندا اعد بنص الشارع رفعلا شعرها عن وجها ليلاقي الدم عم يطلع من أنفها .. ومغمى عليها...حاول يحكيها بس عبث
انهمروا دموعو ع وجها الطفولي وضمها لحضنو وحكا
أدهم : قبس ..حبيبتي...فيقي..قومي ...أنتِ ح تكوني منيحة ...ما تخافي..اوعك تتركيني ...اوعك ..انا مافيي بلاكي قبس قبس مشان الله لا....لاااا يا ربي لاااااا
دكتور أدهم رجاء بعد خلينها ننقلا بسرعةة...بترجاك دكتور..
بعدو عنها بالقوة ليحملوا جسمها الناعم ويحطوها عالنقالة ويركضوا فيها لجوا المشفى ويمشي معهن وهوي ماسك ايديها ودموعوا ما وقفت...
أدهم : قبس اوعك..اوعك تتخلي عن حبنا..اوعك تتركيني بنص الطريق... اوعك تتركيني ..عرسنا قريب..ح نحقق أحلامنا سوا...كوني قوية كرمالي ...........
////باااااااك////
ربت عمار ع كتفو : ما تخاف... أنا ح تابع الموضوع واعرف مين يلي تسبب بالحادث وهرب
أدهم : والله لأشرب من دمو..والله ...
عمار : أنت اهدى وابقى جنبها...
تمام..واوعك تعمل شي بدون ما تخبرني..
يـــــــــ͢ـོ͓ـــتبــــــــــــــོـ͓ـــ͢ــ؏*
➖➖➖➖➖➖➖➖➖
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h