الفصل 9
*قـصـص وروايـات عـالـمـيـة💙📚📖*
*بإدارة* *يـامـن💙*
*❴📖❵↵** *ضحية.المئة.ليلة.tt* 🔪🖤
*❴🔢❵☟الـــبـــــــــــ❴9️⃣❵ــــــــــــارت☟*
➖➖➖➖➖➖➖➖➖
*
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h```
➖➖➖➖➖➖➖➖➖
الجزء التاسع .....
عودة لعند أيلول
صحيت على صوت رنة الموبايل ...
وكان يمان ..
يمان : كيفك أختي
أيلول : أهلين يمان تمام وأنت
يمان : منيح ؛ بس دقيت لخبرك أنو اخدنا موعد من بيت حماكي لنروح نخطب لين
أيلول : أنا خايفة تندم
يمان : لا أختي
لين مالها علاقة ب أخوها ولا ب يلي عم يعملو لا تخافي..
أنت جهزي حالك اليوم لتروحي معنا بمر باخدك
أيلول : لا أخي بروح مع أحمد إذا كان بالبيت وإذا ما كان بخبرك ..
يمان : تمام ..ديري بالك على حالك
اجا ليسكر الخط.. تذكرت أيلول ظرف الحبوب وقررت تخبرو لأنو خايفة تكون شكوكها بمحلا..
: يماان
يمان : أي أختي سامعك
أيلول : لقيت شي مهم يمكن يفيدك أنت والدكتور عمار...
يمان : قولي
أيلول : لقيت كيس شفاف صغير في بقلبو حبوب ما مبين عليها لا اسم ولا أي شي يثبت شو هي
يمان : احتفظي فيها و اوعك يعرف أحمد إنها معك هاد دليل مهم ...
أيلول : ماشي ، سلام
سكر يمان الخط وتوجه لبرا البيت
ركب سيارتو ونطلق
بالطريق : أي عمااار
أنت وين
في شي كتير مهم لازم تعرفو
تمام..يلا مسافة الطريق..
يمان : والله لدفعك تمن دموع أختي غالي يا حقير
...🔥🔥🔥🔥🔥🔥
وصل يمان للمشفى ..طلع عالمكتب لعند عمار فتح الباب لقى أسيل اعدة لابسة المريول الأبيض وحاطة نضارات طبية وحاملة السماعات وعم تحكي مع حالا
قطع شروودها صوت ضحكة يمان : هههههه معد فيني والله هههههههه
شبك ..هههه شبك لك بنتي ليه هيك عاملة
أما أسيل بثواني شلحت يلي لابستو وقامت غراض عمار من ايدها
ومعد حكت ولا حرف من خجلا
وما زالت فقرة الضحك مستمرة عند يمان
أسيل : خلص بقا يعني مو حرزانة
يمان : عنجد ههه آسف مو بايدي بس منظرك كان بضحك ذكرتيني لما نلعب ونحنا ولاد هههه معقول لهلئ بتحبي هاللعبة ههههه
أسيل : خلص عيب عليك أنا بحب الطب وحابة ادرسو لهيك كنت عم اعمل هيك
يمان : آسف آسف مو قصدي أحرجك .. ما تزعلي
اتطلع بوجه أسيل كان وجها أحمر من كتر الخجل..والدموع ثانية وبينزلوا ع خدودها ...
قطع شرودو بملامحا دخول عمار
: يمان أنت هون كنت ناطرك بس كنت عم اعمل جولة واتفقد المرضى
يمان : الله يعطيك العافية
عمار : أي خبرني شو صار
يمان : أيلول ملاقية حبوب بجيبة زوجا وخبتهن
أنا حاسس الهن علاقة ب حالة إيمار ...
عمار : أنا عملت التحليل ل إيمار ولسا ما طلعت النتيجة و أول ما تطلع ح اتصرف بس إذا بكون أحمد الو علاقة بوعدك اخفيه عن وجه الارض....
أسيل : يعني كلامي كان صح أمي عنجد بدا تأذيكن عمار
يمان : ومو أي أذية ، عم يخليها تاخد مخدرات....
أسيل صارت تبكي : مستحيل كيف ح تاخدو كيف ح يوصل لبيتها وهيي أساساً ماعم تطلع أنا ما بزورها ولا حتى أمي عم تروح لعندا
عمار : أمك مانها قليلة أسيل
عندها معارفها وأنا ح اعرف كيف
بس لتطلع النتيجة مع أنو متأكد في مخدرات موجودة بدمها
يمان : طيب أنا صار لازم روح لعند بابا اطمن عليه واطلع عالبيت لأنو رايحين نطلب ايد لين أختو للمغضوب ل أخي يامن....
أسيل : عم تمزح موو،
بدك تطلب ايد أختو للشخص يلي عم تخططوا تنتقموا منو ..
اوعكن تأذوا لين وتنتقموا عن طريقها .. مستحيل اسمحلكن
عمار : طولي بالك أسيل ،، لين مالها علاقة ب أخوها ويامن عشقانها للبنت ومعم يقبل يحكي معها أو حتى يعلقا فيه لهيك اليوم رايحين يطلبوهاا...
أسيل خجلت ونزلت راسها وعضت ع شفتها وعيون يمان عم تراقب كل حكيها وكلماتا وحركاتا وهيي معصبة وكيف فجأة هديت وتحولت لخجل ...
عمار : يلا لكن روح بلا ما تتأخر
يمان كان شارد..اطلع فيه عمار وابتسم وهمس : وقعت وماحدا سمّا عليك...
بعدا كفا بصوت عالي... يماااان
يمان : أي عمار
عمار بابتسامة ماكرة : سلامتك..
يمان فهم عليه
عن اذنكن
طلع اتطمن ع والدو يلي حالتو عم تتحسن وتستجيب للعلاج نوعا ما..وطلع من المشفى
لقاها واقفة ناطرة تكسي..
ركض ليلحقا وصرخ: أسيل
التفتت
يمان : تعي لوصلك
أسيل : لا شكراً بروح لحالي
يمان : يلا بلا ما تتعذبي بالمواصلات..
أسيل طلعت معو ووصلا على بيتها بدون أي كلمة وكفا طريقو...
🔥🔥🔥🔥🔥🔥🔥🔥🔥
المسااا
يامن : ماما مطولة لتخلصي ...
علا : أي ماما يلا اجيت
حكيت مع أختك ...
يامن : أي راح يمان ياخدها ال زوجا عندو شغل ضروري ويمكن يتاأخر
علا : معقول هالزلمة لك طلبة أختو وما ح يكون
يامن : والله مابعرف لك أمي
علا : الله يهديه يا أمي يلا امشي لا نتأخر ع الجماعة ...
يامن : شرفي ماما
ببيت أهل أحمد
أبو أحمد : معقول لك أم أحمد ابنك ما يكون بطلبة أختو
ام أحمد : طول بالك يا رجال ..
الزلمة عندو شغل وإلا أكيد كان أجا
أب أحمد: لا حول ولا قوة الا بالله هالولد ما عاجبني ابداً....
وقطع صوتهن صوت الباب
كانت أسيل وسلمى ..
مسا الخير يا جماعة
أبو أحمد : أهلين سلمى تفضلي.....
أم أحمد : نورتي أختي ...
سلمى بتعالي : منورة بوجودك
أسيل : خالتي وينها لين
أم احمد : بغرفتا حبيبتي روحي لعندافتحت الباب
لقتا لابسة فستان سماوي فاااااتح ... ولافة عليه حجاب بطريقة حلوة و مكياج ناعم
أسيل : شو هالحلا هااد
لين : عنجد يعني حلوة
أسيل : بتجنني يا عمري
لين : يا ربي شو متوترة لك مو قلتلك بحبنيي ح طير من الفرحة يا أسيل
أسيل: اييي خفي علينا جولييت
هيي طلبة وقراية فاتحة إذا اتفقوا مو عرس
لين بصدمة : يعني بجوز ما يتفقوا
أسيل قلبت شفتها : مين بيعرف
لين زعلت وح تبكي
أسيل : لك جدبة عم امزح والله
لين ضربتا ع كتفا : غبية
أسيل : اخ الله يعينو ع أيدك متل المخباط
وانطلقت ضحكة منهن هنن التنتين ...
🔥🔥🔥🔥🔥🔥
دق الباب..
توجه أبو احمد يفتح..
: السلام عليكم
كيفك عمي أب احمد
: أهلين ابني تفضل
أهلا يا بنتي فوتوا
كان أيلول ويمان
وثواني فاتو وراهن علا ويامن
أيلول : مسا الخير ..
كيفك مرت عمو
أم أحمد : أهلين يا روحي
أيلول بدون نفس : كيفك عمتي سلمى
سلمى : أهلاً بمرت الغالي ..
سلمو ع بعض واعدوا
وتمت الطلبة
وطلعت لين تضيف القهوة
دخلت من الباب وهيي حاملة القهوة بإيدها
: مسا الخير
الجميع : مسا النور
علا : أهلين بحبيبتي وكنتي الحلوة
وكانت أسيل جنبها حاملة صحون الكيك
يامن ويمان اتجمدوا
كل واحد علق عيونو بمكان
يامن يلي طاير من فرحو أنو وأخيراً حبيبتو ح تصير عروستو ويمان يلي بلش يوقع بشباك الهبلة أسيل
وطبعاً الكل انتبه لولا علا يلي قطعت شرودهن
علا : يامن شبك أمي خود القهوة
لحظتا انتبه يمان وزاح نظرو
لتقع عينو ع أيلول يلي رفعت حاجب ونزلت التاني..
وغمزتو
وهو فهم قصدا وابتسم ...
اتفقو العيلتين وقرأوا الفاتحة وحددوا بعد أسبوع كتب الكتاب والخطبة
..
وفجأة برن موبايل يمان
بكون عمار... بيستغرب اتصالو بهالوقت مع أنو بيعرف مو فاضي اليوم
يمان عن أذنكن شوي يا جماعة
طلع عالبلكون ليحكي
: أهلا عمار
عمار : يمان في شي مهم أنت وين
يمان : شو صار .. نحنا عم نطلب أيد لين ليامن
عمار : مو وقتو يمان...أبوك ..تعال بسرعة
يمان : شوفييي عمار شبو بابا
عمار ساكت ..ويمان قلبو يدق طبول مو خوفو ..
عمار قول شوفي...
عمار بحسرة : العمر الك
يمان : كيف هالشي أبي كان عم يتحسن شو هالمزح تبعك كيف بتقلي توفى فهمني شو صاررر. ..
وسكر الهاتف بسرعة ليروح عالمشفى
وسمع شي وقع بالأرض وراه
التفت كانت أيلول..
صرخ : أيلول
اتجمعوا الكل وصحوها
أيلول: بابا
بابا مات
أبي مات
سندي راح...
كانت عم تبكي وتشهق وتردد جملة "أبي مات"
يمان قول إنك عم تمزح
علا : شو عم تقولوا أنتو شو هالحكي
يمان : ماما امشي بسرعة معي
أيلول : نطروا خدوني معكن
أم أحمد : قومي بنتي قومي الله يصبر قلبكن
أبو أحمد يلا لنروح معهن
أب أحمد : أنا نازل لحقوني
🔥🔥🔥🔥
راحوا عالمشفى
علا و يمان بسيارة و يامن و أيلول بسيارة وتوجهوا عالمشفى..
وصلو عالغرفة يلي كان فيها يوسف لقوا الشرطة مجمعة
استغرب يمان وجودهن وركض هو ويامن لعندهن ...بينما الباقي كان وراهن ....
يمان : عمار شوفي شو صار ليش الشرطة هون
عما ر: يمان اهدى لنحكي .. أبوك اتوفى
يمان ب خنقة : بس بابا كان عم يتجاوب للعلاج ..
عمار : يمان أبوك ما توفى بالمرض
يمان جمد ب أرضو
ماعم يفهم شو عم يصير
يامن كان واقف جنبو وعم يسمع وهو ساكت
وفجأة نطق : يعني قصدك بابا مات قتل؟!
عمار : والدك توفى خنق ...
في آثار حبل ع رقبتو ...
صمت لثواني..كمل : والدكن توفا قتل في حدا بيعرف
أنكن مشغولين
واستغل أنو ماعندو حدا
ودخل وقتلو ..
يمان : مستحيل
عمار: ما تخااف مافي شي ح يمر هيك
أكيد ح نعرف القاتل ...
يمان : بوعدك اقتلو بايدي لو بدو يبقى بعمري نهار
انهار بالارض ببكا : أبي بعمرو ما ضر حدا ما كان عندو اي اعدااء
مين هالقاتل
مين هالحجر هالمجرم يلي ممكن يقتل مريض سرطان عم يموت كل يوم ألف موتة....
رن هاتف عمار كان المتصل أدهم...
أدهم : عمار وينك
عمار : بالمشفى..توفى أبو يمان
أدهم : خلص شغل ولازم شوفك ضروري..في شي لازم تعرفو ..
سكر الخط...واستغرب شو صاير
وليش يدقلو بهالوقت...
.....
أدهم : خلص حبيبتي اهدي ما تخافي....
قبس ببكا : لك أدهم قتلو ..شفتو بعيني وهوي عم يخنقو .. ما لحقتو..ما قدرت ساعدو...ما قدرت
ضمها لصدرو وقلبو مقهور عليها...
رن موبايل قبس...فتحت الشنتة لقت إشعار رسالة من رقم خاص..
فتحت الرسالة ..
لا تفكري تحكي يلي شفتيه لحدا... وإلا..مصيرك ح يكون متلو...وبما إنك حلوة وغنوجة.. إلك سكرة عرض كمان...
عطت الهاتف لأدهم وزادت رجفتها وبكائها..
ليقرأ الرسالة ويزداد غضبو..
:الله يلعنك يا واطي...
روحي...يا قلبي اهدي ...اهدي خلص....ما شفتي..شي ...ما رح نحكي هلئ..أنا بوعدك اكشف كلشي عملو....
بس اوعك حدا يعرف...
قبس : طيب وعمار..كنت ح تخبرو
أدهم : عمار ما لازم يعرف هلئ ..
ولا أنا بعرف... أنتِ الوحيدة يلي بتعرفي وما رح تحكي لأنك خايفة منو...
أنا ح خطط لكل شي...
وح اخد حقك وحق أبو يمان...وحق الكل منو... بس أنت عملي متل ما عم قلك وبس .......
*يـــــــــ͢ـོ͓ـــتبــــــــــــــོـ͓ـــ͢ــ؏*
➖➖➖➖➖➖➖➖➖
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h```