الفصل 6
*قـصـص وروايـات عـالـمـيـة💙📚📖*
*بإدارة* *يـامـن💙*
*❴📖❵↵** *ضحية.المئة.ليلة.tt* 🔪🖤
*❴🔢❵☟الـــبـــــــــــ❴6️⃣و7️⃣❵ــــــــــــارت☟*
➖➖➖➖➖➖➖➖➖
*
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h```
➖➖➖➖➖➖➖➖➖
الجزء السادس والسابع
ضحية المئة ليلة....
بقلمي لوتس
Lotus flower ❤️🪷
بالمشفى..بمكتب الدكتور عمار..
يمان : يعني آنسة أسيل ما فهمتي شو الحكي يلي دار بيناتهن..
أسيل : أنا ما فهمت شي
كل يلي عرفتو انو ناوية تضر إيمار عن طريق أحمد وعم تقلو هي شغلتك وأنت بتعرف تماماً شو لازم تعمل..
أيلول : يعني هيي عم تطلب من أحمد يضر إيمار ، بس أحمد مانو هيك ....
يمان : لا تدافعي عنو أختي.. شوفي وجهك كيف مخربط...
أيلول بغصة : بس مستحيل يأذيها بعدين شو الو مصلحة يعمل هيك شي مع إيمار.... وليش ليسمع من سلمى
عمار : معناها هالشي الو تفسير واحد.....
يمان : يلي هوي؟؟
عمار زاح نظرو باتجاه أسيل ورجع أخد نظرة ع أيلول يلي واضح التوتر والخوف ع ملامحها ليستقر بؤبؤ عينو بعين يمان..
حط القلم يلي بأيدو عالطاولة : هوي واحد من تنين...
إما أحمد عم ينفذ طلبات سلمى لأنها خالتو بس وبستبعد هالشي...
يا أما سلمى ماسكة شي مصيبة ع أحمد ولهيك عم ينصاع لرغبتا...
وهون بكون المصيبة تنتين... لأنو بوقتها ح يكون أحمد مخبي لغز كبيررررر وراه
وهاللغز مفتاحو بأيد سلمى بس....
أيلول عقدت حواجبها بخوف: معقول ...
يمان انتفض عن الكرسي بعصبية لدرجة عروق رقبتو برزت وتصاعد الدم لوجهو وصرخ : أنا معد فيي معد فيي من شوي رحت لقيتو مكسر عضامك ضرب وهلئ عم يخطط يأذي بنت زوج خالتو ....
و الله اعلم ليش وشو غايتو وشوفي وراه
أسيل : مابعرف بس أنا بخاف ع أختي كتير ما بدي ماما تأذيها، هي بتكرها...ماما ظلمتها كتير و حتى هلئ مو تاركتها تتهنى بحياتا مع صهري ....
عمار : ولا يهمك أنا ح حط أختك بعيوني مستحيل اسمحلها تأذيها أو تأذيكِ .. إيمار مانها مجرد زوجة..هي حياتي..ونَفَسي..
وأنتِ أختي والأقرب ل إيمار..
ابتسمت أسيل لعمار وقامت لتمشي:
صار لازم روح خبرتا أنو رايحة لعند رفيقتي وراجعة ومتل ما خبرتكم أنا سمعت بعض الكلام وقت كنت بدي اعطيهن القهوة..بتمنى تعرفوا باقي اللغز أنت
عمار : أسيل
التفتت آسيل ليكمل : مممنون إلك ...
بتمنى اذا عرفتي شي تخبريني..
لتتحول نبرتو لخوف حقيقي ويأردف:
ما بعرف شو ممكن يكون عم يدور براس سلمى
أسيل بابتسامة كلها براءة: نيالا أختي عليك ...
بالاذن...
طلعت أسيل وبقيت أيلول مكانها منهارة لما عرفت أنو زوجا عم يشارك بأذية اقرب الناس الو...
شو في وراه ..
هيي مين متزوجة.. مين أحمد
مستحيل تكون بتعرفو ..
يمان : أيلول شدي حالك ..
حاسس في شي وراه أكتر من يلي منعرفوا
عمار : تماماً ؛أحمد متل صندوق مسكر
لازم اعرف شو في جواتو
أنا خايف ع إيمار كتير
حط يمان ايدو ع كتفو : دكتور عمار.. اعتبرني صديق إلك
وأنا ح وقف جنبك بوقت يلي بتحتاجني... وح ساندك
وبدي كون معك لاعرف شوفي ورا احمد بالنهاية هو زوج أختي..
خلينا نتحد ...لنعرف الحقيقة ..
أيلول غطت وجها بكفوف ايديها وحكت بقهر : أنا مع مين كنت عايشة ياربي
يمان : أختي قوي حالك بوعدك اعرف كلشي عنوو
أيلول : أنا معد بدي ياه..
يمان : هلئ مجبورين نتحمل كرمال أبوكِ وكرمال نعرف شوفي وراه ..صبري شوي أنتِ لازم تساعدينا..
أيلول : بشو ساعدكن..
عمار وجه نظرو ل يمان : ممتاز يمان
يمان : يلي عم تفكر فيه صح يا دكتور
عمار : مدام أيلول أنا ح فهمك كلشي بعدين ، هلئ كرمال والدك لازم تكوني قوية و وتطولي بالك و وبعدا منفكر بكلشي ، بس هلئ بكون طلع أحمد من عند خالتو وأنا لازم روح اتطمن ع إيمار قبل ما يصير شي ..
يمان : شو ناطر
عمار : ما تخاف مستحيل تطلع من البيت
غرقانة بكتبها وقلامها
وأنا حاطط حراسة عالبيت إذا طلعت فوراً بعرف...
يمان : ممتاز
يلا أختي ..تعالي نروح نشوف بابا ..
أيلول : هلئ بلحقك روح قبلي ..
عمار : يمان روح أنت وتركها هون لتهدى ...أنا ح اعمل جولة بين المرضى واطلع ..خدي راحتك مدام
أيلول : شكراً
هز يمان راسو وانسحب..فتح غرفة أبوه...بيلاقي عندو رجال من عمرو ..
يمان : عمو مهران.. أهلا وسهلا
أنا آسف قطعت حديثكن
يوسف : مو مشكلة ابني..كنا عم نحكي عن الشغل..
مهران : فوت ابني أنا صرلي زمان لازم روح..
يوسف : خليك ملاحق الموضوع أخي..
مهران : ولا يهمك المهم أنت دير بالك ع حالك..والباقي عندي....يلا بشوفكن..سلام
يمان : الله معك عمو..
التفت لأبوه..
يمان : بابا..شو بدو عمو مهران..
يوسف : قلتلك عم يطمن عني وحكا شوي بالشغل..
يمان : لكن شو الموضوع يلي بدك يلاحقو؟
يوسف : تركها لوقتها...بس بدي قلك شي..
يوم يلي بتحتار بموضوع أو شي ما بتلاقيلو جواب.. روح لعند مهران...كل أسئلتك بتلاقي جوابها عندو...هاد بيت سري.. وأخي...وبيعرف كل شاردة وواردة عني
يمان مسك ايدين أبوه وابتسملو: مع انو ما بعرف شو الموضوع... بس الله يطول بعمرك..وما اضطر أسأل حدا غيرك
....................بعد عدة ساعات
طلعت لين من غرفتا وعم تحكي مع أسيل : أي أسيل
لك والله ما بعرف
هوي متل الحيط ما عم يحكي ولا حرف بس عيونو عم تقلي بحبك
أسيل : وأنتِ شو بدك بعيونو بلكي كذاب
لين: لو كذاب كان حكا معي ما كان خجل هيك
أسيل : وبلكي ما حبك أساساً وعم يتمسكن ليتمكن..
لين : أصلا يصحلو متلي .. أنا مين ما بحبني
أسيل : ههههه شو متشردقة بحالك خفي علينا يا سلطانة زمانك..
لين : عم تتمسخري وليه روحي من وجهي
أسيل : هلئ ليكي انا ما بعرفو بس شفت أخوه بالصدفة والله بجنن يا لين بشل
إذا اخوه متلو معناها حقك تعشقيه
لين : لحظة لحظة وين شفتي أخوه
أسيل : قلتلك صدفةة ..
لين : أي حكيلي شو هالصدفة
سكتت أسيل لثواني
أسيل بينها وبين نفسها : مستحيل احكيلا أحمد أخوها مهما كان ...مستحيل قلا شي ..اوعك أسيل اوعك
لين : لك أسيل وين رحتييي شبك
أسيل : أي لين معك ..
كنت مارة بالشارع شفت أيلول سلمت عليها وكانت معو بالسيارة لهيك تعرفت عليه...
لين : اممممم متأكدة مافي شي تاني..
أسيل بلبكة : شو بدو يكون فيه
مافي شي أبداً ..
لين : متل ما بدك بس لما تقرري تحكي خبريني...
أسيل : قلتلك مافي شي ليين
لا عد تفكري باي لازم سكر
لين : باي بشوفك..
.......
أسيل : ييييي ع آمتي شو هالزلقة كيف كنت ح احكي ،،
يارب المهم إيمار ما يصرلا شي
المهم ماما ما تأذيها ولا تخرب حياتا
يارب حاجتا عذاب...
: أسييييل وينك
أسيل : أي ماما
سلمى : شبك ليش لونك مخطوف
أسيل: مافي شي ماما
كنت عم اعمل رياضة وتعبت بجوز لهالسبب
سلمى : أي حبيبتي
أنا عندي مشوار ضروري بقضيه وبرجع تعشي لا تنطريني
أسيل بهمس: ليش إيمت اعدتي معي ع سفرة غير بالمناسبات
سلمى : قلتي شي؟
أسيل : لا ماما الله معك ..
وفعلاً خبطت الباب ومشيت وتركت أسيل وحيدة بالبيت
🔥🔥🔥🔥🔥🔥🔥🔥🔥🔥
المسا
بفيلا عمار...
عمار : سالي ... يا سالي
إيمار : لا عد تصرخ ما لها هون
عمار : أنتي شبك ليش هيك حالتك...
إيمار : راسي عم يوجعني معم يهدا
عمار : طيب من شووو
خليني افحصك
إيمار : أنت خليك بعيد وأنا منيحة
عمار زفر بيأس : إيمار لا تكابري
إيمار : ما عم كابر قلتلك أنا منيحة تركني هلئ باخد مسكن وخلص...
عمار : في شي بدي خبرك ياه ،
بعتقد أنو مهم كتير بالنسبة إلك ...
إيمار وقفت مقابل وجهو بشعرها الخرنوبي النازل ع خصرا وغرتا القصيرة وعيونها الملونين
الواضح عليهن التعب والإرهاق يلي معم يعرف سببو
مع الهالات السودا حولين عيونها ووجهها الشاحب مع هيك كان بشوفا أحلى أنثى بكل عمرو..
كيف لأ وهيي
حبيبة قلبو ورووحو
ودقة قلبو الأولى يلي حس فيها......
إيمار بخوف : شوفي
عمار : مرت أبوكِ...
تسارعت أنفاس إيمار : كفي
عمار : سلمى ناوية تأذيكِ .. عن طريق أحمد
أسيل سمعت حكيهن وأجت خبرتني كلشي
بدي منك ما تطلعي من البيت حالياً
إيمار ارتاحت نوعاً ما واتنهدت : تعمل لبدها ياه مو فارق معي
عمار مسكها من كتافا بقوة : بس أنا فارق معي
اوعك .. اوعك تخالفيني وتطلعي عن تسمعيني....
إيمار وهيي عم تغرق بعيونو : عم توجعني عمااار
عمار ابتسم بخفة وبقي ماسكها : بتعرفي من إيمت ما سمعت اسمي من تمك...
وبتعرفي إني مشتاق ل إيمار القديمة...
إيمار : عمار .. إيمار القديمة والجديدة والحالية مانها إلك
لا تحاول..
عمار : لا تكابري ... أنا بعرف إنك بتحبيني
إيمار : لا....
عمار : كفي قولي ما بحبك
إيمار زاحت نظرها ع الجهة التانيةة وسكتت
عمار : بعرف إنك كذابة
رجعت طلعت فيه
ليكمل : بس مو مهم
الأهم اعرف شوفي وراكِ واعرف ليش عم تتهربي مني ..
قرب منها وباسها بخفة من جنب أدنها : بحبك
إيمار بعد ثواني معدودة
: عمار بعد عني
عمار بهمس : ح بعد
بس بوعدك أعرف كلشي مخبيتيه.. بوقتا مستحيل تهربي من الحقيقة
دمعت عيون إيمار وهربت بعيد عنو
زفر عمار بتعب وطلع ع غرفتو ...
عمار دكتور متخصص بالغدد و الأورام
كان صغير لما توفى والدو بنفس المرض ؛ ومن وقتا عمل كل جهدو ليقدر يدخل هالمجال ..
حتى يقدر يأنقذ أرواح قد ما بيقدر
ويكافح هالمرض بكل قوتو...
أخوه الكبير اشتغل وتعب وسافر وضل داير بالو ع أمو .. وما سمح لعمار يترك دراستو
ولما صار عمر عمار ٢٥ توفت امو ..
وبقي وحيد
اخو المسافر بينزل كل ٥ سنين إجازة وبيرجع ع أمريكا لأنو استقر هنيك...وهوي يلي ساعد عمار ليبني حالو ..
🔥🔥🔥🔥🔥🔥🔥
بعد أسبوعين...
كانت أيلول اعدة عند أبوها بالمشفى
عم تتهرب من القعدة مع أحمد بنفس البيت
تروح تنضف البيت وتطبخ وترجع لعند أبوها...
أما يمان وأمو ويامن كانو يتناوبوا ويقعدوا معها وحالة يوسف كل مالها عم تزيد سوء ....
أحمد وسلمى ما عملوا شي ولا عد التقوا
ومحدا عرف لشو عم يخططوا
ولا شو بدهن يعملو..
عمار منع إيمار تطلع من البيت خوف عليها....
سالي : مدام بدي اطلب منك طلب
إيمار : قبل كلشي..
جيبيلي حبة مسكن معم يهدا راسي
سالي : حاضر مدام
إيمار بصرااخ : بسرعة يلااااركضت سالي عطتا حبة المسكن وكاسة المي شربت وبعد كم دقيقة
إيمار : قولي شو كان بدك
سالي : أنا .. بدي اترك الشغل..
إيمار : ليش
سالي : بصراحة..
أنا حامل وقررت اترك الشغل لارتاح
إيمار بابتسامة لطيفة : ان شاءلله ألف مبروك..
حقك لكن
طيب لبدك ياه روحي ورتاحي وعتبري راتبك واصل لعندك متل كل شهر و ان شاءلله بتقومي بخير وسلامة يارب
سالي : تسلمي مدام ..
قامت إيمار واتجهت ع غرفتا....
سالي بينها وبين نفسا وعينها عالنافذة الزجاجية يلي مواجهة إلها تماماً : يارب سامحني يارب
مابدي ضميري يعذبني مضطرة والله مضطرة
أنا بحاجة شو أعمل..
بس خلص لهون وبس مستحيل أئذيها بعد اليوم مستحيل...
طلعت من الفيلا وفتحت موبايلا
سالي : مرحبا ست سلمى
سلمى : شو صار معك..
طمنيني شو صار فيها
سالي : لهون وبس
أنا معد كفي معك بهاللعبةة..
سلمى : أنتِ شو عم تخبصي هلئ صار بدك تنسحبي .. والمصاري
سالي : كلو برجعلك ياه
بس تركيني بحالي
وسكرت الخط بوجها
سلمى : الله يلعنك شو حقيرة
أما سالي شالت الشريحة الموبايل كسرتا وكبتها : لهون و بس ست سلمى معد فيي عض الأيد يلي عم تساعدني
معد فيي أذيها أكتر
تعبت من تأنيب الضميرر بيكفي...
وكفت طريقها ع بيتها....
هادي : رجعتي كنت ناطرك حبيبتي
سالي : أي خبرت المدام ورجعت وتركت الشغل متل ما طلبتوا مني
هادي : طيب ليش مزعوجة
سالي : تعبانة يا هادي
لو تشوف المدام كيف عم تطلع فيي لما خبرتا بحملي
فرحتلي من كل قلبا وباركتلي
ما بتستاهل يلي عم يصرلا والله ما بتستاهل
حطت ايديها ع وجها وانفجرت بالبكا
سالي : مافيي سامح حالي مافيي
هادي : طولي بالك حبيبتي المهم خلصتي من سلمى
خلص معد نحتاجها لا هي ولا مصاريها بما أنك وافقتي ع العملية خلص كلو تمام...
سالي : بس شو ح يصير فيها هلىء إذا قطعتا من الحبوب بجوز تجن
وبجوز يكشفوني
هادي : مستحيل يعرفو
أنتِ انسي وبس...
////فلاش بااك////
قبل شهرين..
سلمى : سمعي أنا عرفت كلشي عنك
وبعرف أنك هربانة من بيت أهلك وبعرف أنك ما معك القرش
وبدك ليرة من السما
لهيكك
أنا مستعدة اعطيكِ ضعفين راتبك يلي بتاخدي من عمار بالأسبوع ...
مقابل تعطي هالحبوب ل ايمار
سالي : طيب كيف ح اعطيها ياهن..
شلون..
سلمى اعدت ع الصوفا ولفت رجل ع رجل وولعت سيجارة ونفثت الدخان لفوق : مو شغلي
هاد شغلك يا حلوة
سالي بتردد : طيب موافقة
سلمى : شطورة
////بااااااك////
هادي: حبيبتي اخدنا موعد بالمشفى قومي لنروح بلا ما نضيع هالفرصة
سالي : طيب يلا ح بدل تيابي واجي
هادي وقف وباس جبينها : ناطرك يا قلبي
🔥🔥🔥🔥🔥🔥🔥
قطع وعودة لبيت يوسف وعلا...
علا : شبك أيلول ليش زعلانة ومتدايقة هيك..
أيلول : مافي شي ماما مدايقة كرمال بابا..
علا : طولي بالك ياعمري ولا تشيلي هم..
انفتح الباب وتسكر
دخلوا يمان ويامن ...
: مسا الخير
علا: مسا النور
أيلول : يسعد مساكن
يامن : أنتِ مطولة عنا
شايف عجبتك الاعدة
يمان ضربو طيارة : أنت خرااس ، هاد بيتها ولاااك
أيلول : يخليلي ياك يا عمري
يامن : أي أي وأنا كلب بالشارع مو
أيلول : وأنا يخليلي ياك ياعمري وزوجك وافرح فيك
يامن: آمييين
يمان : اجت والله جابها
ولاك
كيف ما بتقول أنك عشقان وبدك تتزوج
طلع يامن بصدمة ب يمان
ووجه نظرو لأيلول يلي خبت وجها بأيديها ..
علا : وأنا آخر من يعلم لك أمي..
يامن : مو هيك لك أمي بس أنتِ شايفة وضع أبي ...
يمان : بالنسبة ل أبوك
الدكتور عمار خبرني انو بابا بدو شغلات ترفع معنوياتو لهيك طلب نكفي حياتنا طبيعي لأنو هالشي أساسي بعلاجو مالازم نحسسوا بضعفو ومرضو...
يامن : المعنى.. بدك اخطب وأبي مريض
علا : لك عالأقل مين البنت
من أي عيلة ....
شو إسمها ....
أيلول : ماما ماغيرها
لين...
علا: ياعمري والله عرفان تنقي بتجنن البنت
يامن : أمي طولي بالك شوي... مو معقول اطلبها هلئ
علا : مستحيل من بكرى مناخد موعد ومنطلبها
أيلول بهمس وهيي جنب يمان : طيب وأحمد
يمان : لين مالها علاقة خلص بقا
انا حابب يتزوجوا بأسرع وقت
مابعرف شو ممكن يصير مع الوقت ...
بجوز إذا نكشفت وراق أحمد وسلمى
ويعرف انو أنتِ وراها وأنا معك ما يقبلوا يعطوا يامن بنتهن
أيلول : هفف لبدك ياه
يمان : طولي بالك وقومي لوصلك ع بيتك هلئ وفي شي مهم لازم تنفذيه بالحرف الواحد
*يـــــــــ͢ـོ͓ـــتبــــــــــــــོـ͓ـــ͢ــ؏*
➖➖➖➖➖➖➖➖➖
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h```