الفصل 3
*قـصـص وروايـات عـالـمـيـة💙📚📖*
*بإدارة* *يـامـن💙*
*❴📖❵↵** *ضحية.المئة.ليلة.tt* 🔪🖤
*❴🔢❵☟الـــبـــــــــــ❴3️⃣❵ــــــــــــارت☟*
➖➖➖➖➖➖➖➖➖
*
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h```
➖➖➖➖➖➖➖➖➖
الجزء الثالث..ضحية المئة ليلة
//...رميت شباكك بقوة....واستطعت النيل مني..أُهنئك حقاً... تستحق المرتبة الأولى في الخداع والجشع بكل جدارة......////
كانت أيلول ح تحكي بس سبقها أحمد : يا جماعة أنا قدامكن بدي أعتذر من الآنسة أيلول وقلا انا آسف ع كلامي الدج والغيرمُبرر معها....وسرد عليهن القصة
أم أحمد : يا بنتي لا تهتمي ..هاد ابني هيك أوقات بس ينشغل بالو بقصة بقوم بلا ما ينتبه ببلش يزت حكي يمين ويسار بلا ما يفكر وشي طالع وشي نازل..
بس أنتِ ولا يهمك..وحياتك أنا لشد أدنييه كرمالك...شو كل يوم ح لاقي كنة حلوة متلك....
أيلول بخجل : تسلمي خالة ..هاد من لطفك
أم أحمد: اي أم يمان..بعد إذنك خلي الشباب يقعدو لحالهن شوي وبتعرفو ع بعض..
علا اتجه نظرها ليوسف يلي هز راسو بالموافقة ورجع انغمس بحديثو مع أبو أحمد
أما علا نكزت بنتها وهيي فهمت قصدها ومو مسدقة ايمت تخلص هالمسرحية
أيلول : احم..سيد أحمد تفضل..نقعد برا وورجيك ديارنا الحلوة.. أكيد ح تعجبك.
أحمد بابتسامة : طبعاً ؛ تفضلي
وطلعو ووقفو مقابل زهرات الياسمين البيضا..
أحمد : نظرتك لبيتك بتحسسني كأنك شايفتيه لأول مرة
أيلول : أنا مغرومة بهالبيت ...روحي متعلقة فيه
التفتت: تفضل قعود
سكتت لبرهة..معلش اسأل سؤال..
أحمد : لا تعذبي حالك بعرف شو بدك تسألي ، أنا يوم شفتك ع مراية السيارة شردت فيكِ وتمعنت بتفاصيلك ؛ كنتِ أنتِ الشي يلي لقيتو أحلى من الشام وشوارعها.. لفتني وجهك الطفولي وعيونك يلي ما بين معي لونهن هنن عسلي أو خضر ما عرفت ...
أيلول كانت عم تسمع كلامو والخجل عم ياكلها ... مهما كانت قوتها..بس مانها متعودة تسمع كلام بهالطريقة من حدا غريب
ليكمل : بس أنا مافيي بين مشاعري..مو متعود واستفزني صوت الشوفير وهوي عم يصيح ناطرني امشي وأنت اجيتي لقدامي
ولقيتا فرصة لأستفزك وأعرف تفاصيلك أكتر....
أيلول لتهرب من الحديث.. : شو رأيك نرجع نقعد ما بصير ..مشان بابا وأخواتي
أحمد ضحك بخفة : طيب تفضلي
مرت السهرة على خير....وراحو الضيوف بعدها بلشت حملة الإقناع عند الست علا..
: لك أمي والله أنو شب بجنن وظريف وأكابر وجنتل ..عدا عن هيك اعتذر قدام الكل منك ..حبيتو عنجد
يمان: ع قولة يمان متل الجوكر...ال جنتل ال
علا : خرااس....
أي بنتي أنا وأبوكي مو دايمينلك
يوسف : لك يا مخلوقة تركي البنت تهدى وتفكر ع رواق حاج تنقي وتزني عراسها
علا : لك إذا بكون بدي مصلحة بنتي بصير عم زن.. أنا بدي أمن عليها قبل ما موت...
أيلول: بعيد الشر عنك أمي...
ما تقولي هيك
يمان: ليش أمي نحنا وين رحنا...
علا : بكرى بس تتزوجو معد حدا بيسأل عنها..
يمان : لا حول ولا قوة إلا بالله العلي العظيم...لك مو لنتزوج أول والله شكلنا ح نعنس أنا وهاد الهبيلة يلي ساكت لا من تمو ولا كمو...
علا : تركني منكن هلأ
يمان : أنا طالع نام ...يأست ماما يأست
وأنتِ أختي يكون بعلمك ..أمك ما ح تتركك بحالك ولا ح تخليكِ تنامي لتعطيها الموافقة...
أيلول : يماااان لا تروووح تعا عم نحكيييي .. يامن طيب أنت قلي شو رأيك ..يامن؟....يامن....الووو
يامن : أي أختي معك معك..
أيلول: شوفي ليه هيك مو طالع صوتك شو صار...
يامن : مافي شي معكن أنا بس نعست وبدي نام
أيلول: طيب ما عطيتني رأيك...
يامن : منيح أختي منيح الله يقدملك كل الخير يارب...تصبحو ع خير..
علا : أي شو قررتي
زفرت أيلول بيأس : مامااا أديه عمرو؟
علا : ٣٤
أيلول : طيب مو كبير
علا : لاا سمعي مني كل ما كان الزوج أكبر من زوجتو ح تضل الطفلة الدلوعة بنظرو وح يبقى يحبها ويدللها مهما كبرو
أيلول : اففففففف امي انا مافيي انحصر بالعادات والمتعتقدات بحسها بتخنقني بس مع هيك رح فكر كرمالك بس..
علا: مااافي تفكير هلىء ما بنام لآخد منك جواب..
أيلول : متل ما بدك يلي بتلاقي مناسب عمليه أمي ...بس حاج مليت طقيت
علا : تمام..بس يتصلوا ح قول إنك وافقتي..
هزت راسها بالموافقة...
يوسف : مدام علا أنا بعدني عايش عم تقرري من عندك وكأنو مالي رأي..
علا : لا تؤبرني أنت الأصل الله يخليلي ياك ولا يحرمني منك ..بس أنا بفهمك وبعرفك من نظرة عيونك ..بعرف أنو الشب عجبك وموافق يكون صهرك..
أيلول: بس يكون بعلمكم أنا ح اتعرف عليه بالخطبة وإذا ما اتفقنا مافي قوة تخليني كفي معو....ال طفلة ودلوعة ال هه
علا : أكيد..ماحدا فيه يجبرك على شي بس طمني بالك أبوكِ سأل عنهن ويلي عرفو انو سمعتهن طيبة وآكابر... غيرت نبرتا لتكفي بغنج : صح حبيبي
يوسف ابتسامة : صح الصح...
أيلول: هالله عالحب هالله
لكن أنا قايمة نام وأنتو كفو غزل براحتكن ..
تصبحوا على خير...
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
بعد عدة ساعات ...كانت أيلول ساندة ضهرا عالتخت ومحتارة...
من جهة مانها حابة الموضوع ..ومن جهة بتقول هي سنة الكون وأول ع اخر بدا تعمل عيلة وتأسس حياة بتخصها..ومن جهة تالتة أمها...بعد يومين ...
في المكتب..
رؤى : شو قررتي هلأ..
أيلول بحيرة وضجر : ما بعرف مو حابة ولا مرتاحة ؛ وأمي قد ما نقت قلتلا أي
رؤى بانفعال : مجنونة أنتِ ؟؟ قولي عم تمزحي..
فهمي لك بنتي..هي مو لعبة ولاد صغار
كيف بتقولي موافقة وأنتِ مو مقتنعة...ولا حابة الشب..بعدين أنا حسيتو وقح ما حبيتو...
أيلول : رؤى... أنا قررت اعطيه واعطي حالي فرصة ...
رؤى : والله أنا معد فيي اتحمل كلامك أكتر
لك هالمجتمع التافه يلي عايشين فيه خانقني..كابس على نفسي وكأنو أنا مو فهمانة عليكِ...مفكرة تضحكي عليي بهالحكي..
لك كأنو الزواج معيار لثقافتك وقيمتك بالمجتمع... إذا تزوجتي وما درستي..بتكوني جاهلة..
وإذا العكس..بقولو عانس...وما بقولو إنها مثقفة وعندها معارف وخبرات..
بس شو قول..ولمين..خسارة بس ...
بس هيك الناس ع طول ما بتشوف إلا الشي السلبي فينا، وبعدين ايمت ح يشوفوا الإيجابيات وينسوا النقطة السلبية يلي بصفحتنا..
أيلول: بتعرفي شي؟؟
أنا حتى الإيجابيات يلي عم تحكي عنها ما بدي منهن ينتبهولا.. بدي يتركوني بحالي..عيش حياتي ومارسها بالشكل يلي أنا بحبو وبستمتع فيه ...
مابدي حدا يعطي آراء بقصص أنا أساساً ما طلبت رأي حدا فيها
رؤى : بغض النظر ...مو صح يلي عم تعملي ...انتبهي لكل خطوة بتخطيها...
أيلول : خلص رؤى أنا ما ح اتزوجو بكرى بالنهاية الخطبة للتعارف... وإذا ما ارتحت ولقيتو مو مناسب مستحيل كفي..يلا تعي هلئ عنا شغل كتير...
رؤى : لحظة لحظة ..طلعي فيني لشوف..تركي الورق من إيدك...
أنت قلتي مو مناسب..ما قلتي إذا ما حبيتو...
أيلول (اتنهدت) أنا ما قدرت حس بهاد الشعور يلي بيحكو عنو.. الإحساس باللبكة و والرجفة
ما حسيت بالحب..ولا حتى بالإعجاب بشخصيتو..
حسيتو حدا عادي...متلو متل غيرو ...ولو كفيت معو ح كفي عن عقل ومنطق مافيي كفي معو عن حب..
رؤى قربت لتضمها وتحكي: الله يخترلك الخير يا قلبي أنتِ...
،،،،،،،،،،،،،،،،،،،،،،،،،،،،،،،،،،،،،
بشقة كبيرة ..فخمة بأحد ضواحي الشام..
رمت الموبايل من أيدها ع الطاولة :
مستحيل...لو بدو يبقى بعمري يوم واحد..ما ح أسمح أنك تعيشي مبسوطة...وبعمل المستحيل ليطلقك ويرميكي متل الحشرةةة
رجعت حملت الموبايل وفتحت عالستوري يلي خلاها تفقد أعصابها..
كانت الصورة ستوري لعمار..
شابك ايدو بأيد إيمار.. وكاتب اقتباس..
(صغيرتي...حبيبتي...ثم زوجتي...
عيناك أقتبست من جمال الجنة...وشفتاك قطفت من شجرة توتٍ حلوةٍ... أما شعرك المبعثر على وجهي في كل صباح..يشعرني وكأنه تعويذة عشق...تلقى عليَّ لأجن بكِ أكثر....)
سلمى : هيك لكن..أنا نبهتك...بس أنتِ ما فهمتي صح... براحتك..
هلئ صار وقتي أنا...
أنا يلي وصلتك للي أنتِ فيه
وأنا يلي برجعك لعند رجليي تبقى خدامة عندي وعند بنتي...
ولو ح يكلفني موتكن ما بترككن تتهنوا....
بعدها رنت رقم ونطرت الرد....
: يا أهلا بخالتي الغالية
سلمى : أنا خالتك الغالية..من هيك ما بشوفك ولا بتسأل..
: ها ..ال يعني أنتِ يلي بتسألي..من الآخر حارتنا ضيقة ومنعرف بعض..
شو بدك؟
سلمى بابتسامة ماكرة : بتفهمها عالطاير يا روحي... ذكي لخالتك هههههه
مر عليي المسا لنحكي وتعرف شو بدي
: ماشي..إذا فضيت بمر عليكي..
سلمى : بدك تفضي حالك أحمد... وإلا بتعرف شو بعمل...
وسكرت الخط بوجهو...
بغرفة كبيرة ؛
فيها غرفة نوم باللون الأسود كانت راقية لدرجة كبيرة
مع دهان باللون الابيض
كانت ساندة ضهرا إيمار عالباب رافضة تفتح لأي حدا
ومستحيل تحكي شو السبب أو الشي يلي عم تمر فيه ....
تاني يوم الصبح...
عمار : سالي تعالي شوي
سالي: تفضل سيد عمار
عمار : وينها ايمار
سالي: بغرفتا من وقت ما طلعت من البيت ما طلعت من غرفتا
حتى ما رضيت لا تتعشاا ولا تفتح الباب..
عمار : طيب روحي ع شغلك الله يعطيكِ العافية
سالي هزت راسا بابتسامة ومشيت
عمار : وبعدين معك ..إلا ما اعرف شو في وراكِ يا إيمار
....................قطع وعودة لعند ايلول
بعد حوالي الشهر كانت اعدة بالمكتب
علاقتها بأحمد كانت لطيفة وهادية نوعاً ما
رن موبايلها
حملتو وردت
: الو
أحمد : كيفك حبيبتي
أيلول : آهلا أحمد كيفك
أحمد : مشتقلك حبيبتي كتير وينك أنتِ
أيلول : بالمكتب
أحمد : جهزي حالك جاية لعندك لنطلع نتغدا برا
أيلول : طيب بس لخبر بابا أول
أحمد وهوي عمم يكتم غيظو : طيب
متل مابدك أنا شوي بخلص شغل وبطلع لعندك ...
سلام روحي ...
سكر الخط
أحمد: مابقي إلا أبوكي يتحكم فيي ماشي ...منتحاسب
.............................................
*يـــــــــ͢ـོ͓ـــتبــــــــــــــོـ͓ـــ͢ــ؏*
➖➖➖➖➖➖➖➖➖
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h```