الفصل 2
*قـصـص وروايـات عـالـمـيـة💙📚📖*
*بإدارة* *يـامـن💙*
*❴📖❵↵** *ضحية.المئة.ليلة.tt* 🔪🖤
*❴🔢❵☟الـــبـــــــــــ❴2️⃣❵ــــــــــــارت☟*
➖➖➖➖➖➖➖➖➖
*
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h```
➖➖➖➖➖➖➖➖➖
ضحية المئة ليلة
الجزء الثاني
لوتس ..
بعد شهر كانت أيلول راجعة عالبيت وبمجرد ما دخلت عرفت أنو البيت فارغ تماماً..
غريب ...مو بالعادة أمها تطلع بوقت رجعتها عالبيت... أيلول لنفسها: اها...أحسن شي اطلع اتدوش ونام...
وفعلاً طلعت ع غرفتا تدوشت ولبست بجامتها ونامت ..بعد مدة قصيرة صحيت ع صوت أمها يلي بمجرد دخولها عالبيت كانت عم تنده باسمها ..التقت فيها عالدرج
أيلول : ماما وين كنت كل هالوقت...
علا : نطري حط هالغراض من ايدي وارجعلك ..
أيلول باستغراب: طيب
علا : يلا لحقيني لتحت...
أيلول : ماما يلا انتفخ قلبي فهميني ح طق لاعرف شو صاير
علا : طيب ليكي ..صار شي بس أوعك تتفاجئي ..مبارح المسا اجا اتصال..طلعت مرا بدها تجي هيي وعيلتها .. تشوفك لتخطبك لابنها ..لانو الشب بيعرفك وبدو يطلبك
أيلول : من وين بيعرفني..بس أنا ما بعرف حدا غريب
علا : مابعرف لك بنتي بجوز شايفك بالشغل بجوز أنتِ ما بتعرفيه وهو بيعرفك
والأهم أنهن عيلة معروفة ومحترمة...
بيت الراجي..صاحب أكبر معرض سيارات وعندو عدة شركات بمختلف المجالات ؛ سمعانة فيهن ؟
ضيقت عيونا أيلول وهيي عم تتذكر الاسم وفعلاً تذكرت أحمد بس ما خبرت أمها عالحديث يلي دار بيناتهن
أيلول : ما ...ما بعرف حدا ب هالاسم ..أو بجوز نسيانة
بس الأهم من كل هاد أنك بتعرفي أنو الزواج مو طموحي ..ماما انا ما بدي اتزوج وكون عيلة وولاد حالياً...لسا بكير أمي
علا بانفعال: شو هوي يلي بعد بكير...هي صار عمرك ٢٤سنة عمرك مناسب للزواج وانا عم اعتذر كنت لتخلصي دراسة وهي إلك سنتين متخرجة بكفي
عالأقل شوفي الشب وبعدا حكمي
أما هلئ لا تناقشيني لأنو الجماعة أخدو موعد ومشي الحال...
أيلول : اوف ماما .. اوف
متل ما بدك المهم ما تزعلي حالك أنتِ
بمكان آخر ...وبفيلا كتير حلوة بمنطقة جبلية رائعة وهادية
إيمار: لك أنا مليت منك..من حياتي معك... ومن كلشي بخصك... خلص تركني وطلاع من حياتي أنا مابدي ياك ..
لفت لتمشي بس مسكها من ايدها وشد عليها لدرجة وجعها...
عمار : ليش كل هاد ..بس فهميني نقطة وحدة...شو الغلط يلي عملتو بحقك... لك كل شي بتطلبي بيصير عندك بثواني...
طلعات فوتات رفقات دراسة وخدامة عندك وطباخة وجو خصوصي لكتاباتك الرائعة... وعدا عن كل هاد الحب يلي عم امنحك ياه.. طيب بالمقابل أنتِ شو عم تعملي...
عم تزيدي غل وكره إلي
فهميني ايمت وجهتلك إهانة أو كلمة تجرحك
قرب منها بهدوء وعيونو عم يتطاير منهن الغضب بس رغم هيك كان بيعشقها ...عشقه إلها فوق الوصف...
كيف لأ وهيي حب طفولتو ومراهقتو وكل أيامو
قربت منو أكتر بدورها
ولفت ايديها ع رقبتو لتحكي بنبرة كلها استفزاز... : مستحيل حبك... تمام ...لو ح تفرشلي الارض دهب ما رح حبك ولو ح تنيمني عالريش وتلبسني حرير ..ما رح...ح ب ك
فهمتا هيك؟..
ايمت ح تمل وتيأس بقا..؟
عمار بابتسامتو الهادية والرايقة : مستحيل توب عن حبك ...لو بدو يكون أكبر ذنب بحياتي ..أنا مجنون فيكِ أساساً..
مستحيل اقدر شيلك من قلبي ومستحيل أيأس مهما عملتي ...
رفع ايدو ليبعد غرتها عن وجهها وايدو ع خصرها النحيل وهيي بعدها ع نفس وضعيتها ما حركت ساكن ...ليكمل : مو عمار يلي بمل يا روحي.. بس أنتِ يلي تعبتي وتعبتيني معك...معقول لهلئ ما بتعرفي زوجك...
إيمار: معقول... ماعندك كرامة ولا حتى ذرة إحساس...ما انجرحت ولا تأثرت بكل كلامي... لك أنت شو
لو إنك جبل كان اهتز..
عمار : وحياتك عندي أقوى... والأيام الجاية ح تثبتلك..
وقرب منها ليبوسها بس كانت أسرع منو دفعتو بقوة وضربتو كف رن بارجاء البيت
إيمار بانفعال : كم مرة قلتلك لا تقرب مني كم مرة قلتلك لا تتجرأ تلمسني لأنك حتندم... لنشوف آخرتها معك يا دكتور عمار...
بضحكة ساخرة: يا زوجي العزيز
وتركتو وراها ايدو مكان الكف ومشيت ليصدح صوت كعب كندرتها بأجزاء الفيلا ...لتخفي دمعتها يلي تسللت لجفونها.
عمار...طبيب جراح عمرو ٣٢متزوج من إيمار من تلت سنين..بس زواجهن بالاسم .. لأنو هيي لا حبتو ولا تقبلت وجودو بحياتها...
ما توفر فرصة لتهينو وتجرحو بكلامها...
بداية علاقتهن اعتقد أنو قدر يملك قلبها بس الواقع كان عكس هيك...
إيمار طفلة عاشت كل طفولتها ومراهقتا ببيت مشتت ماعرفت معنى العيلة... أمها وابوها كانو على خلاف دائم...
لأجا يوم وتركوو بعضهن كان عمرها ٣سنين ..
والسبب أنو أبوها حدا نسونجي..وأمها حدا كرامتو فوق الكل...
خياناتو تكررت وحقدها عليه بكل خيانة يزيد .. لأجا نهار تركتو وتركت بنتا الصغيرة عم تبكي وراها ومشيت...
أبوها من فرحتو ما سدق..ليتزوج بعد بيومين...
وهالطفلة الصغيرة لاقت أشد انواع العذاب عايد خالتها سلمى..يلي كانت دائماً تضربها .. لأنها ما تعرف تغسل تيابها وكل مرة تطلب منها سندويشة لتسند جوعها كانت تحبسها بغرفتا ... وممنوع تطلع من غرفتا بعد ما يجي ابوها عالبيت وإلا ح تشتكي عليها ويبلش يفرد عضلاتو ع طفلتو الصغيرة ...
وبعد ما صار عمرها ١٢سنة ..بلشت سلمى بمسرحية الدراسة...صار بدها تمنعا من المدرسة لتقعد خدامة الها ولبنتا وعملت يلي براسها..
////فلاش باك////
سلمى : وينك يا بنت الحيوانة...
تعي يلا كفي الجلي..ورجعي خدي الزبالة كبيها برا.. ال دراسة ال ...ناقص اصرف ع دراستك
إيمار : خالتي.. أنا جوعانة خليني أكل مع أسيل وبعدها بقوم بعمل لبدك ياه والله معد بدي مدرسة بس بدي اكل
سلمى: تاكلي السم ...شقفة مفجوعة..قومي ع شغلك وليك...
الله ياخدك ويخلصني منك...
إيمار مشيت لتنفذ يلي طلبتو خالتها ودموعها ع عرض خدودها..عم تدعي ع حالها وع أبوها وع أمها يلي وصلوها لهالحال...
بعد ما خلصت كل الشغل يلي طلبتو منها...
عادل (أبو إيمار) : ..سلمى..يا سلمى..
تعي لهون
سلمى: أهلين حبيبي....
قربت منو وهيي عم تتمايل وتطق بالعلكة...باست خدو : يعطيك العافية ياعمري
عادل : ليش إيمار هيي يلي عم تكب الزبالة .. ما فهمتك ألف مرة هي بنت وما بصير تطلع عالشارع لحالها والدنيا صارت مسا...
سلمى: حبيبي طول بالك..ليكا ما إحلاها...بعدين هيي يلي طلبت مني تاخدهن... ال خايفة ع تعبك..
مع أنو فهمتا أنك بتعصب بس هيي ما سمعت مني..
عادل : يعني أنتِ قلتيلا ما تطلع وهيي راحت
سلمى : اي والله يا قلبي.. بس حرام طفلة تركها بتتعلم لحالا..
عادل : والله لكسر راسها لهالحيوانة..شاح حزامو وهوي راكض ع الغرفة..ليضرب طفلتو البريئة أشد الضرب...ويشمتها بابشع الكلام
عادل: يا حيوانة..يا بنت الحرام والله لأقبرك...لكن ما بدك تسمعي الكلاااام ...
إيمار( ببكا) : يا بابا والله مو أنا..يا بابا والله سمعت كلام خالتو مشان الله بس
عادل : لمين ح تطلعي غير لأمك فاجرة وبلا تربايةةةة...بس انا رح ربيكِ ع طريقتي ....
وما زالت إهانات أبوها إلها مستمرة...
كان مهما قالت زوجتو صح ويضرب بنتو و يشتم أمها بأبشع الكلمات..
وبس كبرت البنوتة..وصارت وردة مفتحة ..انتبهت سلمى لجمال إيمار الفريد بعيونها الخضر ...وشعرها الطويل ووخدودها الحلوين وغمازتها يلي زادت جمالها جمال...
وهون بدأت مرحلة تدبير العريس يلي لازم يكون عم يطبع المصاري ليسد جشع سلمى..
صارت تلبسها أحلى اللبس لتاخدها معها عند رفقاتا وأصحابا بلكي بتزبط معها
سلمى : يلا إيمار..يلا حبيبتي...ورجيني لشوف
طلت إيمار من غرفتا بالتياب الجديدة يلي جابتهن سلمى خصوصي إلها..وهيي مبسوطة فيهن...
سلمى : ممتاز..كتير حلوو..هيك بتوقع تمشي الخطة..بس روحي حطة شوية مكياج...
إيمار: خالتي بس بابا بيعصب...
سلمى بصراخ : لا تردي جواب وليك...قلتلك حطي مكياج يعني بتسمعي وبتنفذي...
شو حةتبقي كل العمر بوجهي ؟؟
فاتت ع الغرفة واعدت جنب المراية ودموعها عم تنهمر بدون ما توقف
إيمار : لايمت..لايمت ياربي ح اتحمل...لايمت هالدموع ح تضل مرافقتني...
..بس للأسف محاولات سلمى فشلت تماماً لأنو بأمكان اي حدا كان ينتبه لطمعها..
وبعمر ال٢٤ تقدملها عمار... يلي تزوجتو بناء على رغبة سلمى يلي اعتبرتو دجاجتها الذهبية..
سلمى: والله وانفتحت النا طاقة القدر يا بنت...
بتعرفي هاد دكتور ....وأخوه عايش ب أمريكا...عندو فيلا...وسيارة..بكرى بغرقنا بمصاريه..
إيمار: وأنتِ..شو ح يطولك من كل هالثروة ما فهمت
سلمى : شو يلي ما فهمتيه.... ااه...
مفكرة بدي زوجك واحد غني حتى تتهني أنتِ؟
حبيبتي..
غصب عنك ح تصرفي عليي وع أختك ...
أبوكي سافر وتركنا وراه....وزتك بوجهي... وعم يبعتلنا من الجمل أدنو
لهيك يا بتقبلي بالدكتور عمار..بشروطي ..يا بتبقي تحت رحمتي انا....
إيمار ببرود : شو شروطك..
سلمى: ببساطة...كل اسبوع بدك تمديلي مبلغ معين...بس ..
إيمار : موافقة...
سلمى : شاطرة..
بس يلي صدمها
..عمار يلي عرف كلشي مرت فيه إيمار بسبب سلمى...
عمار: كل هالظلم مريتي فيه
وتحملتي من طفولتك وساكتة..
إيمار : شو بدي اعمل....مافي حدا تاني روح لعندو...
ما بقيلي أمل بأي شخص بالحياة غيرك...عمار انت أملي. ...وشمسي ... سندي..أنت كل عيلتي
عمار قرب وشدها لتقعد بحضنو وصار يلعب بشعرها : بوعدك احميكِ منها بوعدك مهما كان ما تأذي شعرة منك لو بدي قدملك حياتي لتكونِ سعيدة ما رح اتردد للحظة
إيمار لفت ايدها ع رقبتو: بحبك..
عمار : وأنا بعشقك...
بس كمان إيمار فاجأتو أكتر يوم عرسهن انقلبت بهداك اليوم ١٨٠درجة...مو نفسها البنت يلي كانت تقعد تحكيلو كلشي عنها وتنطر منو يخفف عنها ..هالمرة هيي حدا ملامحو جامدة تماماً مجردة من أي مشاعر...
بيوم العرس..
رجعو للبيت وبمجرد دخولهن للصالون. ضمها من وراها
عمار: نورتي بيتك يا قلبي... نورتي حياتي قبل هالبيت..
اما هيي كانت ساكتة وما ردت ولا بحرف..عمار مسكا وقوقف مقابيلها : أنتِ منيحة حبيبتي...
إيمار : منيحة...
عمار : طيب..شوفي...مانك طبيعية
..قومي طلعي ع غرفتك بدلي فستانك..لكون حضرت العشا لنتعشا سوا...
إيمار : أنا مو جوعانة...تعبانة وبدي نام
عمار : إيمار...؟ فيكِ شي...
قرب واعد حدا مسك ايديها
عمار: ليه زعلانة..مو كنتِ ناطرة هااليوم بحماس شو صار ..
إيمار : كنت عم اكذب عليك..
عمار : شو هالكلام هاد...
إيمار بجمود : أي ..انا كذابة..تزوجتك كرمال اخلص من سلمى ومصايبها...بس ما بدي ياك...
تركني بحالي....واوعك تفكر إني بيوم كون مرتك
وتركتو وطلعت ع غرفتا وهوي عم ينده ..
إيمار ردي عم احكي معك وين رايحةة..
طيب سمعيني...
كان اعد جنب باب الغرفة ومصدوم رفضت تحكي معو أو تشوفو
عمار : معقول...معقول كنتِ عم تكذبي..
كل هاد الحب كذبة...
مستحيل صدق هالشي...أنتيِ ما بتخدعيني...
أنتِ مانك هيك
طيب سمعي..بعرف إنك اعدة جنب الباب
بتتذكري يوم التقينا أول مرة...
كنت اعدة جنب الباب وخايفة تفوتي عبيتكن حتى ما تضربك سلمى ..
بتتذكري يومها كيف خبرت ماما تخبيكِ عنا...
وكيف أكلت قتلة من أبوكِ لأنو اخدتك ع بيتنا بدون إذن
.. من يومها وأنا كل ليلة بتعذب ...
بخاف تكونِ عم تتعرضي للضرب . للأذى...للإهانة..وأنا نايم ب تختي ومرتاح
بوقتا تعهدت كون معك عطول لأنو يلي بحب مجبور يتحمل كلشي مع حبيبو...
كانت اعدة عالطرف التاني من الباب ودموعها السودا عم تنزل بغزارة ع فستانها الأبيض...
عاشو مع بعض تلت سنين وكأنهن أغراب...حس وكأنه مشاعر حبيبتو ماتت..والشعور الوحيد الحي ..شعور الكره.....
عودة الى الحاضر ...
منزل أيلول...
تاني يوم قضتو هي وأمها عم ترتب وتطبخ وتعمل حلويات
عدا عن دروس المدام علا .. يلي بلشت بكيف تحكي وكيف تقعد وكيف تتصرف ووأيلول عم تنفخ ومو عاجبها الموضوع أبداً
الزواج ما بهمها ولا ببالها واخدت الموضوع مسايرة لأمها حتى ما تزعل منها..
صار المسا اجتمعو أهلها وأخواتها جنب البحرة..
يمان: ماما بتعرفي شو...لو أنو العرس عرسي ما بتعملي وبترتبي كل هاد..
علا : ليش حدا قال إني عفشة لا سمح الله
يمان: أعوذ بالله علوشة بس ليش الخيار والفقوس
علا : يمان...يكون بعلمك إذا ما بتمضي هاليوم على خير...غير بهالحفاية مو صاييتك
يامن: يا لطيف كل هاد مشان العريس..
يمان : توأمي أنا برأيي تسكت وتكسب حالك ..لنشوف اخرتها مع الجوكر يلي ح يشرف الليلة
علا: خراس يامن..
يمان :😂😂😂😂 صار الدور عليك ههههاي
علاة: وأنت كمان خراس
يوسف : أم يمان..طولي بالك شوي والله أنا مو مستعجل لاعطي بنتي لأي شب بكل بساطة وياخدها مني
يامن: حيوووووو ابو يمان ....
أيلول : ياعمري يا أبي الله لا يحرمني منك ويطولي بعمرك يارب
بابا : ولا يحرمني منك يا روحي
وليد: لكن..هي روحك وعمرك وانا من يهود بني قريضة محدا بيطلع فيي
يمان ويامن بصوت واحد : وأنت خراااس
ليطلعو الاولاد الأربعة ببعض وصاروا يضحكوا
ليقطع هالضحك والمناقرة صوت جرس الباب..
علا : يلا..يلا سكتوووا ..يا ربي شوو لازم اعمل..
ليك أنت وياه وياه..ما بدي تخبيص
يمان روح فتاح الباب وأنتِ أيلول روحي عالمطبخ لاندهلك بتجي
أيلول هزت براسها بمعنى أي
ومشيت كانت لابسة فستان نيلي ناعم بأكمام مزين بحبات لولو متناثرة عالاكتاف والخصر... وحاطة حجاب أبيض لاففتو بكل أناقة
دخلو أهل العريس ووراهن كان أحمد حامل باقة ورد أبيض مع علبة شوكولا وقدمهن ل علا
علا: نورتو..تفضلو...
كانو يمان ويامن واقفين عجنب وكاتمين ضحاتهن بالزور
يمان : توأمي إذا ما سكتت قابرك بمكانك ..معد فيني ح نتبهدل قدام الناااس بس فهمني ليش عم تضحك..وكأنو العريس إلك..
يامن : عم فكر ...معقول أختنا الراكزة سيدة المجتمع...المتحدثة عن حقوق المرأة وطموحاتا ..تاخد هالجوكر هاااد
لااااااع...هيك كتير
يمانو: والله محدا الجوكر غيرنا... برأيي انضب بلا ما تفضحنا ونصير عند أمي عديمي الذوق والإتيكيت...
يامن : أوك شرف لنقعد ونشوف آخرتها
مشي يامن قعد بجنب أبوه وبحدو اعد يمان...
رفع نظرو ليلاقي بنت اعدة بحد أحمد..
لين .. أخت عريس الهنا.
انتبه يمان أنو اخوه عم يبحلق بالبنت وصار ينكزو بأيدو وما كان يفهم ..انسطل كلياً
سحبو من ايدو ووقف
يمان عن اذنكن شوي يا جماعة
يامن تعال اخي عاوزك بكلمتين
وهداك متل الاهبل ملزق مكانو
يمان: يااااامن
يامن: اي..يلا..اجيت
سحبو معو و اخدو بعيد عنهن
يمان: ولاك ...الله لا يوفقك اكلتها للبنت بعيونك
يامن: انو بنت
يمان: لا تجدبها عليي..شايفني اهبل ولا ريالتي شاطة
يامن: محشوم ..بس ما فهمت
يمان: اي لا تفهم بس مابقي الا تبوسا قدامنا
أما أيلول كانت بالمطبخ مجهزة الضيافة وناطرة إشارة المديرة.. عفواً بقصد الست علا..
بعد كم ثانية
وصلتا اشارة الإذن 🤣
دخلت بكل ثقة بمشيتها الثابتة وراسها المرفوع..كانت مللمحها لحالها بتحكي عن رجاحة عقلها وطموحاتها الغير محدودة وسلمت عليهن والعيون عليها
وضيفت القهوة ...
بس يلي فاجأها جرأة احمدأحمد : شكراً
أيلول : عفواً
أحمد : بعدك معصبة مني
أيلول فتحت عيونها ع وسعهن
وبقيت ساكتة ويامن ويمان عم يطلعو ببعض بعدم فهم
أيلول : اه..لأ.. يعني ليش لعصب...شوفي بيني وبينك ل عصب منك...
رفع يمان حواجبو بعدم إعجاب.. وكانت أيلول ح تشرح بس سبقها أحمد
*يـــــــــ͢ـོ͓ـــتبــــــــــــــོـ͓ـــ͢ــ؏*
➖➖➖➖➖➖➖➖➖
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h```