الفصل 1
*قـصـص وروايـات عـالـمـيـة💙📚📖*
*بإدارة* *يـامـن💙*
*❴📖❵↵** *ضحية.المئة.ليلة.tt* 🔪🖤
*❴🔢❵☟الـــبـــــــــــ❴1️⃣❵ــــــــــــارت☟*
➖➖➖➖➖➖➖➖➖
*
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h```
➖➖➖➖➖➖➖➖➖
ضحية المئة ليلة......💛💛💛
بقلم لوتس ..... 🤍🤍🤍
مقدمة...
بيوم من أيام أيلول كانت بطلة روايتي أيلول اعدة بحديقة بيتها...البيت يلي ما حست بالانتماء إلا فيه ..كانت اعدة بمرجوحتها ومقابل المرجوحة كان في الكتير من أنواع الزريعة والورود...وأغلبها كان زهور النرجس المحببة لقلبها...كانت حاملة بأيد فنجان قهوة ...وبأيدها التانية كانت حاملة كتابها يلي عم تقراه من عدة أيام...
ليدخل زوجا من الباب يلي وراها ويضمها ويسند دقنو ع كتفها ..
أيلول: حبيبي.. وأخيراً جيت... مليت وانا اعدة لحالي
باسها من كتفا وكمل: ليش أنا فيي أتأخر عنك ..أنا ما صدقت رجعتيلي وكنتِ معي مرة تانية ..أي خبريني شو عم تقرأي قرب وقعد جنبها....
أيلول: عم أقرأ قصتنا... بتتذكر القصة يلي كتبتها إيمار... من تلت ايام طبعتها.. والنسخة الأولى من نصيبي طبعاً...
: ورجيني العنوان ..
أغلقت الكتاب ليقرأ الاسم
ردد وهوي رافع حاجبو باستغراب
: ضحية المئة ليلة ،ليش الاسم هيك والله قصتنا حلووة...
ليش الاسم كتير حزين...
ابتسمت بوجهو وحطت ايدها ع دقنو : تعا نقرأها من البداية أنا وياك..وح تفهم السبب
وبعدت عنو ولوت شفافها بطفولية
مع أنو لازم تكون بتعرف السبب بس معليه أنا مقدرة أنو ذاكرتك ذاكرة سمكة
بانزعاج: هاد يلي طلع معك مدام أيلول..طيب هاتي فنجان قهوة وتعي لنبلش...قامت من حدو واتوجهت للمطبخ وهوي عم يلاحقها بعيونو بإعجاب ...شعرها الخرنوبي السبل يلي واصل لآخر ضهرها.. وجسمها الممشوق كان وسط ولا نحيفة ولا سمينة..لا طويلة ولا قصيرة ..
أما عيونها حكاية تانية...مو معروف لونهن.. لا عسلي ولا خضر
يوم عن يوم كان يزيد حب وعشق إلها...رجعت وهوي بعدو ع نفس الوضع اعدت بحضنو وحطت الشال ع كتافهن سوا
وبلشت بالرواية من الصفحة الاولى..
الجزء الأول.....
منذ البداية ظننت بك خيراً..
وكان هذا أعظم اخطائي..لا ليس خطأ.. بل ذنب.. أثم كبير...لعنة أصابتني... لا تتركني حتى تقضي علي أو أقضي عليها
/لوتس/
أيلول البنت يلي عاشت طفولتها ومراهقتها بعيلة مدللتها... عطتها الحب والدعم ...سندوها بوقت كانت فيه بأمس الحاجة إلهن..هالعيلة المقيمة بدمشق القديمة..مدينة الحب...مدينة الياسمين... كان بيتهن تفوح منه ريحة الحب العتيق الخالد بهالبيت من سنين طويلة..من داخلو كان طابقين مسور بشجر الليمون وزهر الياسمين وبتتوسطه بحرة دايرها مزروع زهر النرجس بكترة... اي حدا يفوت عالبيت يعجب فيه...وريحتو تغلغل لجوا روح اي حدا يشوفو
أما غرف النوم كانو فوق ..
أم يمان (علا): والدة ايلول عمرها ٤٤سنة.
أب يمان (يوسف) والدها..عمرو ٥٥سنة.
يمان ويامن توأم اخوات ايلول عمرهن ٢٧سنة،
يمان دارس هندسة معمارية .. ومتوظف بشركة
أما يامن دارس اقتصاد...وكمان موظف بشركة
أيلول عمرها ٢٤سنة ... متخرجة من كلية ادب الإنكليزي وعم تشتغل بمكتب
وليد عمرو ١٧سنة بكالوريا.
بأحد الأيام كانت غيوم السما متلاصقة وحاجبة أشعة الشمس
ونسمات باردة خفيفة حاملة معها ريحة المطر ريلي بتنعشش القلب
نزلت أيلول عالدرج من غرفتها..وابتسامتها ع وجها... لابسة قميص أبيض مع بنطال بيج..بأيدها شنتة بيج
ولابسة كعب أسود ومكملة أناقتها بحجاب أبيض لاففتو بطريقة حلوة ،لقت أمها أعدة بأرض الديار عم تشرب قهوتها وصوت فيروز عم يصدح بأرجاء البيت...
وهيي عم تغني
بعدك على بالي
يا قمر الحلوين
يا زهرة تشرين
يا دهب الغالي
بعدك على بالي ... يا حلو يا مغرور
أيلول : هالله هالله علوشة يسعدلي هالصباح الرايق يارب ..
علا: وصباحك يا أمي يلا تعي شربي قهوتك
أيلول: والله يا ماما ما بقدر أنا أساساً متأخرة على رؤى ؛ حرام بتكون لوحدها بالمكتب هلئ بتمل ..أنتِ بتعرفي إنها مو مجرد موظفة..هي رفيقة روحي
علا: يسعدلي ياهاا أم قلب طيب ..طيب أمي روحي الله ييسرلك طريقك ويبعتلك ابن الحلال ويفرحني فيكي يارب
أيلول ضحكت ع كلام أمها
وقطع ضحكتها صوت صراخ يمان ويامن المعتاد
أيلول: بلشنا أنا ح أهرب تشاااو
يمان: والله والله اذا ما هلئ بتنقلع من الغرفة لأرتكب فيك جريمةة
يامن: لك ليش جانن ..صحيح إنك جاهل وتافه..
فوق ما عم فيقك ع صوتي الرايق
يمان: يلي بيسمعك بفكرك جورج وسوف... ينزعو صباااحك
علا دخلت الغرفة معصبة
علا: وبعدين معكن..كل واحد صار فيكن طول الحيييط ما بدكن تزوقو ع دمكن انت وياه ...
يامن: الحق ع ابنك عم يقمعلي مواهبييمان: اعدم هيك مواهب يارب
علا بصراخ: خلااااص
أيلول طلعت ركبت تاكسي.. وصلت ع
مكتبها الكائن بأحد ضواحي الشام
بيتها التاني والمكان يلي بتقضي فيه معظم أوقاتها
هيي حدا بيعشق الطموح ... بتحب الشغل والدراسة ، وبتحب ترتقي بتعبها من مرتبة لأعلى ووقت يلي تخرجت كان هالمكتب هدية أبوها إلها..لتكون شغلها الخاص...
أيلول : صباحو رؤى
رؤى حطت أيدها ع خصرها ومطت شفايفها بانزعاج : يسعد صباحك ايلول خانم ..شمستك عالية تأخري شوي كمان مالك حق..
أيلول: انو بس بدي افهم أنا المديرة ولا أنتِ ..فظيعة يابنت
رؤى : طولي بالك عم امزح بس نشغل بالي عليكِ
أيلول : لا روحي مو صاير شي كل القصة طلعلي واحد غبي بالشارع نزع مزاجي...
لك أنا فقت متأخرة وطلعت ركض من البيت..
////فلاش باك/////
كانت التكسي ماشية وأيلول عم تراجع بعض الأوراق..
بنفس اللحظة وقفت التكسي عالإشارة وبعد ثواني صارت الإشارة خضرا
ومع هيك السيارة يلي قدامهن ما كانت تمشي
وبعد مدة نزلت أيلول من السيارة بغضب ووقفت مقابل السيارة ودقت عالبلور
أيلول : يا استاذ حضرتك مو سامعناا
خلصنا امشي واقف ومسكر الطريق علينا وحضرتك مو منتبه للإشارة
رفع نظاراتوو عن عيونو ببرود ليبينو عيونو البنيات الحادين : وأنتِ شو زاعجك
أيلول: لك عم قلك عندي شغل عندي شغل هففف
: طيب... بس بتعرفي شو الحق مو عليكي..الحق ع يلي سامحلك تطلعي برات المطبخ أصلاً من يوم يلي بلشت المرا شغل خربتو الدنيا ..وقفت مصدومة من وقاحة كلامو معها
أيلول: عفواً أنا ما غلطت معك بس أنت مصر تزعجني...امشي بسرعة أحسن ما اشتكي عليك يلا
: تمام ماشي...سلام وغطا عيونو بالنظارات مرة تانية وانطلق بسيارتو بسرعة تاركها وراها عم تسبو وتلعنو
/////باااك//////////////
وهيك صار ولهيك تأخرت
رؤى : طيب شو يلي خلاه يوقف بنص الشارع هيك ..؟
أيلول: ما بعرف بس زعجني .. انا ألد أعدائي يلي بيزعجني وبيحكي عن المرا وأنو مكانها الطبخ والنفخ والولاد
أنا أنثى إلي مكاني بالمجتمع ودوري مهم بالحياة محدا فيه يسلبه مني
رؤى: طولي بالك وروقي واحد معتوه ... فوتي ع مكتبك وأنا ح أعمل قهوة ولاحقتك وفي شغلات مهمة بدنا نتناقش فيهن
أيلول: تمام ..سابقتك اوعك تتأخري ها
رؤى حاضر انت بتؤمري مديرتنا
رؤى صديقة أيلول المقربة والوحيدة...
تعرفت عليها من أيام الجامعة..طبعاً رؤى ما كانت عم تدرس نفس الفرع
قبل ٥سنوات ....
كان اليوم الأول ل أيلول بالجامعة...
وما بتعرف حدا... لأنو بطبيعتها ما بتعرف تكون صداقات بشكل سريع...
كانت اعدة بالبوفيه وواضح عليها التوتر ...
بيجي شب وبيقعد عالكرسي المواجه إلها..
: هاي..انا باسل...
عرفينا عليكي يا حلوة ...
أيلول: عفواً ...فيك تقوم من هون....
: شبك عصبتي....شفتك اعدة لوحدك قلت بجي ومنتسلا سوا شوي وغمزها..
بتقوم أيلول بتاخد غراضها وبدا تمشي بس بيمسكها من ايدها...
: تعي لهووون لسا ما حكينا وين رايحة...
وفجأة بدون سابق إنذار بياكل خبطة ع راسو بصينية التقديم ...
: يا حيوان يا حقير ...من زمان قلبي مليان منك ...خود هي وهي كمان...
لتوقف أيلول مصدومة بالبنت يلي مبلشة خبط ولبط بالشب و بضربة وحدة عراسو أعد بالأرض....
والطلاب حواليهن عم يتفرجو ع هالمشهد الكوميدي..كيف بنت بحجم القطة فجأة تحولت لذئبة مفترسة..
: قوم انقلع..مع انو ما شفيت قلبي منك ...بس سماح هالمرة...وقفت زبطت تيابا ... و اتطلعت بأيلول وابتسامتها ع وجها..
: أنتِ منيحة؟
وكأنو ما هيي يلي قومت الدنيا وما قعدتها من شوي ؛ أما أيلول كانت عم تطلع فيها بصدمة وهيي فاتحة تمها.. : م منيحة.. منيحة.. شكراً ألك
: العفو..أنا رؤى... وأنتِ شو اسمك ؟
أيلول : وأنا أيلول...
أحد طلاب الجامعة: ..عضلنجي الجامعة... جاكيشان.. عميد الجامعة بذات نفسو طالبك لعندو
أنت والصبية يلي معك
أيلول: ولي يا ربي والله أنو أول يوم مو حابة انفصل فيه ياربي
رؤى: شبك شدي حالك... يلا تعي نشوف ....
أيلول: دقي الباب أنتِ..
رؤى: طيب شو رأيك تفوتي قبلي...
أيلول: رجليي معد حملوني..أكيد رح اتقلع اليوم أكيد...
رؤى: هفف يلي بدو يصير يصير فوتي...
عميد الكلية : شو هاد..فاتحين حلبة مصارعة بالبوفيه...ولا عنا طلاب مدرسة....
أيلول أنت طالبة جديدة..بعدك باليوم الأول وتسببتي بمشكلة...
وأنتِ رؤى... عم تشتغلي بالبوفيه ليش لتتدخلي بالطلاب...
رؤى: بعد إذنك لوضحلك كم شغلة..
هاد اللوح يلي واقف ع جنب وعم يموت من كم ضربة...كان عم يضايق الصبية...والصبية رفيقتي وبتخصني... وهيي مافيي تدافع عن حالا..لهيك أنا ساعدتا..وهي مو أول مرة ...
لأنو....
باسل: كذابة شقفة متمردة...متوحشة...
أما أيلول واقفة بالنص والدمعة بعينها..مو عرفانة شو تعمل وكيف تنفد من هالورطةالعميد بصراخ: احترمو حالكن أنت وياهاااااا
سكتوا التنين
ليكمل العميد : أيلول...بما أنك جديدة مو حلوة بحقك تنفصلي من أول يوم بس هالموضوع مابدي يتكررر..أما الست رؤى ..مفصولة من شغلك..
تغيرت ملامح رؤى للحزن
رؤى: لا بترجاك لا...
وأنت باسل... انقلع لبرا وما اسمع أي شي عنك مرة تانية ح تنفصل..هاد آخر تنبيه...
...فيكن تتفضلوا
طلعو من المكتب ورؤى ساكتة وحزينة وأيلول واقفة حدا
رؤى: شو أعمل هلئ..شو رح اشتغل...
أيلول: معلش نقعد برا ونحكي انا وأنتِ
رؤى: امشي أصلا تقلعت ومشي الحال...
أيلول : عازمتك ع فنجان قهوة..
رؤى : وافقت...
/بالكافيه/
أيلول : أنو كيف تجرأتي وضربتيه هيك
رؤى: بيستاهل...ما مخلي بنت من شرو..لعما ما أوقحو
أيلول : خوفتيني... وأنتِ عم تنطي عليه وتضربي ...لك الصينية انطعجت براسو للشب...ما سمعتي شو قال الطالب..جاكيشان...
🤣🤣🤣
رؤى: أيلول..عم تنكتي هلئ...دبريلي شغل أحسن برأيي....
أيلول: طيب ...شو بتعرفي تعملي
رؤى: اي شي...المهم طلع مصروفي وأجرة الغرفة يلي ساكنة فيها...
ترددت أيلول لبرهة: معلش اسأل شي ..
رؤى: قولي..
أيلول: أنتِ عايشة لحالك...
رؤى: اي...
قصة طويلة..إلك مزاج تمسعيني...
أيلول : بسمعك....شو ورانا
رؤى : هاد يا ستي...انا كان عمري ١٥سنة ...
ماما وبابا سافرو يعملو عمرة ....
وبقيت أنا ببيت عمي بينما يرجعو ولما وصلو عالشام كانت الدنيا ليل ؛ راح ابن عمي يجيبهن وهنن راجعين عالطريق... ابن عمي..فجأة طلعت بوجهو شاحنة حاول يتفادااها
بس للأسف ما قدر..
سكتت شوي..وأردفت: صار حادث..توفى بابا وابن عمي فوراً...
أما ماما...بقيت بغيبوبة شهر...وبعدا توفت...
نزلت دمعة رؤى مسحتا بسرعة...
أيلول: آسفة.. اسفة بعتذر والله مو قصدي ذكرك بوجعك...
رؤى : ياريت وجعي انتهى هون وبس...
للحديث بقيةة...
بعد وفاة أهلي..انصدمت صدمة كبيرة...بقيت وحيدة..
مالي غير بيت عمي هون
أهل ماما كلهن متغربين
اعدت ببيت عمي لوقت صار عمري ١٨سنة...بس طبعاً كل يوم اسمع الإهانات بأدني...
مرت عمي تقول أهلي السبب بموت ابنها..ومن يومها وهيي بتكرهني.....
وعمي...يصرف عليي وما يوفر فرصة ليفهمني أنو حضرتو مفضل عليي...
بس بعدين تعبت...زهقت...انفجرت...
ماعد تحملت أسمع وحدة سطحية ماعندا إيمان بالقضاء والقدر عم تشتم أهلي...وتتحسر ع ابنها...وكأنو هنن يلي قتلوه...ولا أتحمل نظرات عمي إلي...
لهيك...عملت مشكلة وقلعوني..
أيلول: لا تقولي ضربتي حدا..
رؤى: هنن جابوها لحالهن...
بنت عمي نتفتها تنتيف..ما خليتلها شعرة براسها...
لكن أنا تقول عني خدامة عندها...
أيلول: مو طبيعية أنتي ها...طيب. وبعدا ما سكنتي ببيت أهلك
رؤى: لاء ..لأنو عمي المصون بصمني ع ورقة وأنا نايمة وهالورقة لتنازلي عن البيت إلو..
وبكل وقاحة..بيقلي هي تعبتي عليكي من سنين لهلئ..
أيلول : معقول في أخ بهالدنائة...
رؤى : في...في...ما بيخلى..
ومن سنة لهلئ وأنا عايشة بغرفة وضليت دور ع شغل لاشتغلت بالجامعة...واليوم أنا تقلعت شوفة عينك... شو اعمل ما بعرف..
أيلول: قومي معي لقلك..خطرتلي فكرة..
رؤى : شو هيي... لقيتيلي شغل
أيلول : هيك شي..قومي يلا
بعدا أيلول عن طريق معارف أبوها
لقت شغل سكريترة عند دكتور...
ويوم عن يوم علاقة أيلول برؤى تتعمق لصارو أقرب من الأخوات....
عودة للوقت الحاضر..
بداخل غرفة كبيرة..فيها طاولة وكرسي باللون الموف.. بتتوسط الطاولة باقة. من زهر النرجس مع طلاء أبيض عالحيطان ..تأملت مكتبها ووقفت مقابل الواجهة الازاز
استندت وعم تتأمل قطرات المطر وهي عم ترتطم بالارض، كانت مستمتعة بالمشهد ومستغرقة بأفكارها لأبعد حد..
بتفتح رؤى الباب وبتدخل : هي القهوة صارت جاهزة
أيلول : اجت بوقتا
رؤى رفعت أصبعها بوجه أيلول وحكت بتهديد : بس بسرعة هاا عنا شغل كتير مو وقت قعداتنا
أيلول : اكيد اكيد أنتِ بس تركيني استمتع بفنجان القهوة وبعدا منبلش..
بهالأثناء بيدخل رجال تلاتيني مربوع الطول عيونو بنيات ودقنو محددة ولابس رسمي عم يتأمل المكتب واللمسات الأنثوية المميزة يلي فيه
بهاللحظة بتطلع رؤى من المكتب بتلفت بعد ما تسكر الباب
رؤى : بسم الله بسم الله
أحمد رفع حاجبو باستغراب: خير يا آنسة
رؤى وهيي حاطة إيدها ع صدرها : خوفتني طيب قول احم ..قول يا ناس
أحمد: هه طولي بالك مابدا كل هاد بالنهاية هاد مكتب وطبيعي يفوت ناس عليه لا تبلشي تعملي دراما ووتدخلي بالجو وكأنو فايت عبيتك اسرقك لا سمح الله
فتحت عيونها ع وسعهم بصدمة من لسانو السليط ووقاحتو
ما توقعت هيك رد منو
اعد عالكرسي ولف رجل عرجل المهم بدي قابل الانسة أيلول
رؤى: طيب ثواني لخبرها ..غابت دقيقة وطلعت
رؤى تفضل ناطرتك
أحمد: كلك زوق
رؤى بهمس: لا حول ولا قوة الا بالله مو معروف جنتل ولا معتوه ...
وكأنو اليوم النهار العالمي للمعتوهين
ما أوقحو نزع مزاجي
دخل المكتب لتوقف أيلول وهيي عم تطالع بنظرات كلها غضب وصدمة : أنت....
أحمد: اي أنا استاذة أيلول... جاية اعتذر منك .. لهيك مافي داعي لكل هالغضب يلي بعيونك ..طولي بالك شوي ..واهدي لنحكي..
أيلول : تفضل
اعد أحمد: انا اسمي أحمد الراجي ..عندي معرض سيارات أكيد بتعرفي باسمو
ايلول مقاطعة : لا والله ما تواخذنا ما تعرفت لسا
أحمد بابتسامة : مو مشكلة ايمت ما جيتي تفضلي عالمعرض وبتتعرفي وأي سيارة ع حسابك ..المهم ...مو هاد حديثنا أنا أجيت اعتذر منك ع كلامي معك اليوم كنت معصب ومو عرفان شو عم احكي ولما طلعتي بوجهي حكيت يلي حكيتو بدون تفكير.. سامحيني
أيلول: يعني اعتذارك مقبول .. بس معقول كل ما شفت حدا بوجهك وكنت معصب تبهدلو... طيب معلش سؤال ؟
ليش كنت واقف بنص الطريق أصلاً رغم أنو الإشارة صارت خضرا والشوفير صرعك وصرعني لتمشي
أحمد ضحك بخفة: كنت شارد بشي غريب...أول مرة بشوف متلو
أيلول بعفوية: شو هوي لتكون أول مرة بتمشي بالشام
أحمد: لا.... وهوي عم يطلع بعيونها كمل : شي أحلى من الشام بكتير
أيلول ارتبكت من نظراتو: طيب أستاذ أحمد قصة ومضت واعتذارك مقبول وهلئ تفضل لنشرب القهوة ..
أحمد : لا..لا مافي داعي غير مرة
وقف ومد ايدو ليصافحا
تشرفت بمعرفتك ،
أيلول ابتسمت بحرج: وأنا بالأكتر بس بعتذر منك
ابتسملها بتفهم ...بالإذن منك
أيلول : الله معك
فتح الباب ليلاقي رؤى جنب الباب ولما انفتح ارتبكت وبعدت
تجاهلها وكفا لبرا المكتب ركب بسيارتو وقبل ما يمشي نظر ليسارو
وخاصة باسمها يلي فوق باب المكتب
طموحة..واثقة ..وجريئة بس متكبرة وهالناس بتزعجني .....
يا ترى مين احمد
شو حتكون علاقتو بأيلول
مين زوجها يلي حكينا عنو بالبداية...
كلو حنعرفو بالاجزاء الجاية
*يـــــــــ͢ـོ͓ـــتبــــــــــــــོـ͓ـــ͢ــ؏*
➖➖➖➖➖➖➖➖➖
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h```