الفصل 13
*قـصـص وروايـات عـالـمـيـة💙📚📖*
*بإدارة* *يـامـن💙*
*❴📖❵↵* *حب.ساحر.tt* 💙🖇️
*❴🔢❵☟الـــبـــــــــــ❴3️⃣1️⃣والاخير❵ــــــــــــارت☟*
➖➖➖➖➖➖➖➖➖
*
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h```
➖➖➖➖➖➖➖➖➖
"حب ساحر"
بقلمي مرام 🫀
الجزء الثالث عشر والاخير
كنت عم اركد من مكان لمكان ،،، عم جهز حالي كرمال المسابقة ،،، متوترة كتير وخايفة ،،،، جهزت حالي وطلعنا ،،، وصلنا كلنا،،، وانا رحت لمكان المصممين ،،، والباقي راحو عند الجمهور،،،
كان اليوم يلي بحلم فيه من سنين. بعد كل التعب،،،، والسهر، ،،والتصاميم يلي رسمتها على أوراق قديمة،،، وقصيتها بإيديي،،،، إجا وقت الجد هلق....
ــــــــــــــــــــــــــــــــــــــــــــــــــــــــــــ
كان طلال جايب اغيد من المطار ،،، بدون مايحكيلو سبب ،،، قلو انو في واحد بعازة محامي وكتير وضعو حرج ،،، رجع بحالة انسانية ،،،كان لازم يرتاح اليوم ويرجع بكرا ،،، بس انسانيتو رجعتو،،،،
ــــــــــــــــــــــــــــــــــــــــــــــــــــــــــــ
،"مسابقة المصممين الجدد"، أكبر فرصة ممكن توصلها بنت متلها،،،، بلا اسم كبير،،،، ولا ماركة عالمية،،،، بس بقلبها شغف،،،، وبراسها أفكار ما حدا بيعرفها،،،،.
،"من وقت ما سمعت بالمسابقة لأول مرة، صار عندها هدف واحد بس: تشارك بـ "خيط أنثوي".
المسابقة يلي ما بتصير إلا كل سنتين، والكل بيحكي عنها كأنها بوابة الشهرة.
وقفت ورا الكواليس، وعم تراقب العارضات وهنّن عم يلبسوا تصاميمها،،،، إيديها عم يرجفوا،،،، وقلبها عم يدق أسرع من أي مرة،،،.
المذيعة طلعت عالمسرح،،،،، وبهاللحظة كل شي وقف.....
،الأضوية بتنزل عالمنصة، المذيعة بتبتسم وبتبلش تحكي بصوت واضح:
،"مساء الخير لكل الحضور… متل ما تعودنا، كل سنتين بنجتمع بهالمكان لنشهد واحدة من أرقى الفعاليات بعالم الموضة.... مسابقة خيط أنثوي مو مجرد عرض أزياء،،،،، هي مساحة للمصممين والمصممات الجداد لحتى يورجوا شغلهم،،،، ويثبتوا إنو الأناقة فينا نلاقيها بالاحتشام،،، متل ما منلاقيها بأي ستايل تاني.
اليوم رح نشوف تصاميم جديدة،،،، أفكار مبتكرة،،،، ورسائل طالعة من قلب كل مصمم.... ورح يكون معنا لجنة من الخبراء،، حتى يختاروا مين رح ياخد لقب هالموسم… وجمهور متل حضرتكن،،،، رح يكون شاهد على لحظة ولادة أسماء جديدة بعالم الأزياء."،،،، والليلة رح نشوف مواهب بتستاهل توصل للعالمية،،!"
الأضوية اشتعلت،،، الموسيقى بلشت،،،،،والتصفيق عالي،،،، وأول عارضة مشيت عالمسرح... وكانت لابسة تصميم من تصاميمها.
رفيف(لنفسها):"يا بيطلع اسمي الليلة،،،، يا بروح تعب السنين… بس أنا جاهزة."
العارضة الأولى بتدخل ماشية بفستان طويل محتشم،،،،، ألوانه ترابية دافية،،،، مع حجاب ملفوف ببساطة راقية.... الجمهور بيلتفت فورًا،،،،، لأنه التصميم مو بس محتشم… فيه أناقة ما شافوها قبل هيك...
وراها بتجي عارضة تانية بعباية مفتوحة مع تنورة واسعة،،،، الأقمشة تقيلة والقصّات عصرية.... كل خطوة عم تثبت إنو رفيف مو جايبة "تصاميم عادية"،،،، جايبة رؤية جديدة للموضة المحتشمة....
واحدة من عضوات لجنة التحكيم بتميل لقدام، وبتقول بصوت منخفض:
،"هاد مو مجرد عرض… هي رسالة،،، هيك ممكن الموضة تكون محتشمة وأنيقة بنفس الوقت...."
المذيعة:واضح إنو خيط أنثوي الليلة عم يقدّم فرصة حقيقية لكل بنت تحلم تلاقي حالها بالأزياء."
الجمهور، خصوصي البنات المحجبات، وجوههن عم تلمع من الانبهار. وحدة منهم بتهمس لصاحبتها:عنجد حسّيت متل كأنها تصممت كرمالنا."
رفيف بالكواليس، عيونها عالمدرج، دموعها عالحدّ.... بتحس إنو حلمها ما عاد بس لإلها… صار لإلهن كلن....
ومع كل قطعة بتنزل، التصفيق بيعلى، واللجنة ملامحها عم تتغير من دهشة لإعجاب صريح.
ــــــــــــــــــــــــــــــــــــــــــــــــــــــــــــ
اغيد: طلال انا مو فهمان ليش جايبني لهون ،،، وليش اهلي هون ،،، وبيت عمي كمان ،،،
طلال:" فكر شوي اغيد ،،، ليش نحنا هون،،،
،"كان عم يفكر ووقت شاف ابنو بحضن حماتو،،، ورفيف موقاعدة فهم الموضوع ،،،"
أغيد:" رفيف مشاركة بالمسابقة ،،،
طلال:" شايف بتلقطها عالطاير ،،،،
،"قعد يتفرج عالتصاميم ،،،، بس من جواتو مقهور ،،، ليش ماحكتلو ،،، ليش ما خبرتو،،، كان وقف معها بهيك يوم،،،،
ــــــــــــــــــــــــــــــــــــــــــــــــــــــــــــ
خلص العرض ،،،،الموسيقى بتخفّ، والأضوية كلها بتنصب عالمنصة.... المذيعة واقفة ومعها ظرف ذهبي،،،، وبتقول بصوت واضح ومتحمس:
،"وصلنا للحظة اللي كلنا ناطرينها… إعلان الفائزين بمسابقة خيط أنثوي لهالسنة."
الجمهور بيسكت فجأة، الكل حابس نفسه.
المذيعة بتفتح الظرف وبتبدأ:المرتبة التالتة… بتروح للمصمم كريم ال...، عن مجموعته اللي دمج فيها التراث مع اللمسة العصرية."
تصفيق حار، كريم بيطلع عالمنصة وبيستلم جائزته.
المذيعة:أما المرتبة التانية… فبتروح للمصممة اللي قدرت تخلق أسلوب جديد للموضة المحتشمة،،،،، وصار كل عرضها رسالة لكل بنت بتحلم بالأناقة… المصممة رفيــف حازم عبد القادر!"
القاعة كلها بتنفجر تصفيق،،،،، البنات المحجبات واقفين يصفقوا بحماس،،،، ورفيف بتتقدم للمنصة ودموعها بتنزل من التأثر،،،،، وهي ماسكة درعها بإيد ترتجف....
المذيعة بتكمل:وأخيرًا… المرتبة الأولى،،، واللي بتتوج بطلة خيط أنثوي هالسنة،،،، هي المصممة سحر ....، اللي أبهرت اللجنة بجرأتها بالتفاصيل وإبداعها بخطوط جديدة...."
سحر بتطلع عالمنصة مبتسمة،،،، بتاخد جائزتها وسط التصفيق....
رفيف واقفة حدها،،،، بتحس قلبها عم يرقص رغم إنها مو الأولى… لأن عيون الناس عليها،،،، والتصفيق لسه عم يتكرر بإدنها.... حست إنو المرتبة التانية مو مجرد جائزة… هي اعتراف بحلمها اللي صار حقيقة.
،،بعض الأصوات من الصفوف الأولى بتقول:
"رفيف كانت تستاهل الأولى!"
"صحيح، بس سحر عندها شعبية كبيرة."
واقفة على المنصة،،،، بتبتسم رغم دموعها،،،، وبتهمس لنفسها:
"حتى لو ما كنت الأولى… أنا اليوم وصلت.... واللي وصلتلو كان حلم بعيد… وصار حقيقة."
المذيعة بتختم:هيك منكون ختمنا خيط أنثوي لهالسنة… والليلة شهدنا لحظة ولادة أسماء جديدة رح تكمل مسيرتها بعالم الأزياء..."
الأضوية بتنزل شوي، والتصفيق بعده مليان حرارة،،، ورفيف بتنزل من المنصة وهي رافعة راسها وفخورة باللي حققته.
ــــــــــــــــــــــــــــــــــــــــــــــــــــــــــــ
لما شافها واقفة عالمنصة قدام مئات الناس،،،، والتصفيق عم يملأ القاعة،،،،انصدم.
أغيد( مع نفسه):مستحيل… رفيف… هون؟ وهيك؟"
رفيف بتشوفه،،،، بتتجمد لحظة،،، وبعدين بترفع راسها وتكمل مشيها بثقة.... بتمر من قدامه،،،، بتوقف وبتقول بهدوء:ما كنت متوقع تشوفني بهالمكان،،، صح؟"
أغيد ضل ساكت، عيونه معلقة بدرعها وبالناس اللي بعدها عم تصفق إلها، وبصوت متردد:عنجد… ما كنت متخيل… إنك تقدري توصلي لهون."
رفيف بتبتسم ابتسامة صغيرة، نصها فخر ونصها تحدي:وهي بس البداية."
أغيد ضل واقف مبهور، وهو لأول مرة بيشوفها مش "الزوجة المفروضة عليه"،،،، بل امرأة عندها حلم وقدرة تغيّر نظرة الكل إلها… حتى هو.
كانو كلهن عم يباركولا ،،، واخدولا صور مع البيبي ومع اغيد ،،،وصورة جماعية مع العيلتين،،،
،"اغيد سحب طلال على جنب،،،
اغيد:" طلال،، مو عرفان شلون اتشكرك،،،،
طلال:"مافي داعي ،،، انا حبيت تكون حاضر هالمناسبة،،،، بتمنى اموركن تنحل ،،،
اغيد:" انا مرة هزأتها على هالموضوع،،، وتكبرت عليها ،،، يمكن كرمال هيك ماحكتلي،،،
طلال:" صلح وضعك اغيد ،،،، سدقني مارح تلاقي متلا،،، وهية صارت ام ابنك ،،، افتحو صفحة جديدة ،،، وحاولو من جديد ،،،
اغيد:" ان شاء الله ،،،
،"قرب لعندن ،،،
اغيد:" رفيف ازا بتحبي منضل بالمدينة اليوم،،، منرجع بكرا ،،، انا تعبان ماني قدران كفي للضيعة،،،
رفيف (بتوتر):" ما بعرف ،،، يلي بدك ياه ،،،،
سما:" خليكن رتاحو اليوم ،،، نحنا رح نرجع ،،، احتفلو سوا وقضو وقت حلو بالمدينة ،،، لاحقين عالضيعة ،،،
اغيد:"لكن خلينا نمشي ،،،
ــــــــــــــــــــــــــــــــــــــــــــــــــــــــــــ
طلعو سوا من باب القاعة،،،، شايلة البيبي حسام بين ايديها، تعبانة من الوقفة والجو.:
اغيد (بابتسامة خفيفة):استني هون شوية،،،، رح بجيب السيارة واجي دغري..."
هزت رفيف راسها موافقة،،،، ووقفت عطرف الطريق تستنى....
بعد دقايق،،، مرقو شبّين كانوا طالعين من نفس المكان،،،، واحد منهم وقف ونظراته على رفيف بطريقة مزعجة،،،، التاني ضحك وهمسلو.
الشب (بوقاحة):ييي، شو هالأميرة؟ ليك حتى وهي شايلة الولد بتضل قمر...بتحبي نوصلك ياحلوة."
رفيف اتلبكت،،، حضنت ابنها بقوة وقلبها صار يدق بسرعة.... حاولت تتحرك لتبعد،،،، بس الشب الأول قرّب شوي كأنو بدو يوقف طريقها....
رفيف (خايفة وبصوت مبحوح):لو سمحتوا… بعدوا عني."
ضحك الشب، ومدلا إيدو وكأنو بدو يسحبها...
رفيف ارتجفت، وصارت دموعها تنزل وهي عم تهمس:
رفيف:يا رب… اغيد يلحقني بسرعة."
بهاللحظة، بيبين ضو سيارة اغيد وهو عم يركن قدام الباب.... لمحتو رفيف ودموعها على وجهها... ركضت دغري باتجاه السيارة قبل ما الشب يمد إيدو أكتر...
طلعت جوّا السيارة بسرعة وهي شايلة ابنها،،،، وأول ما قعدت،،،، انفجرت بالبكا....
اغيد (تفاجئ):رفيف،،، شبك! شو صاير؟ ليش عم تبكي؟"
رفيف كانت ماسكة ابنها بقوة،،، صوتها متقطع:كان في شباب… كانوا بدهن يضايقوني… خفت… كتير خفت."
اغيد عيونه لمعت غضب وهو عم يطلع بالمراية ليتأكد مين ،،، بس أولويته كانت يهديها...
مد إيدو مسك إيدها وهو سايق:
اغيد (بحزم وحنان):خلص،،،، ما عاد يصرلك شي طول ما أنا جنبك… ما بخلي حدا يقرب صوبك أبداً."
رفيف، لسا دموعها عخدودها،،،، غمضت عيونا وحضنت البيبي أكتر،،،، بس لأول مرة حسّت بأمان حقيقي مع كلماته....
ــــــــــــــــــــــــــــــــــــــــــــــــــــــــــــ
أغيد فتح باب البيت،،،، رفيف دخلت قبله، ملامحها لسا متوترة من الموقف.... بتروح دغري عالأوضة،،،، بتحط ابنها على التخت،،، وبتضل واقفة جنبه،،،، عيونها محمرة من البكا....
أغيد (واقف عالباب، صوته هادي):رفيف… حكي معي،،،، لا تضلّي ساكتة هيك."
رفيف ما بترد،،، بتمسح دموعها وهي عم ترتب غطا البيبي.... أغيد بيقرب منها شوي،،، وقف وراها).
أغيد (بحنان):بعرف إنك خفتي… وأنا الحق علي تركتك لحالك،،، ماكان لازم اتركك حتى دقيقة.... سامحيني."
رفيف بتلف عليه، صوتها مكسور:
أنا ما عاد بقدر… كل مرة بوقف برا بقول يمكن يصير شي… وأنا لحالي… لو ما لحقتني كنت متت من الخوف...."
أغيد بيتنهد، بيقرب منها أكتر، وبيمسك إيدها بخفة، بس ما بيضغط عليها:رفيف… ما عاد بدي تحسي حالك لحالك. من اليوم وطالع، إنتي وحسام أمانة برقبتـي. والله ما بخلي حدا يكسر قلبك أو يخوّفك."
رفيف غمضت عيونها، ما بتقدر تواجه نظرته،،،، بس دموعها بتنزل بغزارة.... بتحاول تسحب إيدها،،، بيمسكها برفق وبيخليها ترتاح بين كفوفه....
أغيد (بهمس):لا تبكي… إنتي قوية، وأنا رح كون سندك. خلص… خلص يا رفيف."
رفيف بتنهار أكتر، بتحط راسها عكتفه من غير ما تنتبه.... لحظة صمت طويلة،،،، بس ملامح أغيد عم تعكس مزيج بين وجع داخلي عليها ،،،وإحساس لأول مرة إنو هالعيلة صارت ملجأ إلو....ربت على ضهرها بخفة، وطلع بابنه اللي نايم عالتخت… نظرة عيونه كلها إصرار إنو يحميهن مهما صار....
ــــــــــــــــــــــــــــــــــــــــــــــــــــــــــــ
رفيف قاعدة عالتخت، لابسة بيجامة من تبعوت اغيد، شعرها مفكوك ،،،وعيونها بعدها محمرة من البكي.... البيبي حسام نايم جنبها.... أغيد واقف عالشباك،،،، شارد.....
رفيف (بصوت خافت):ليش واقف بعيد؟"
أغيد بيلتفت،،،، بيقرب ببطء وبيقعد عالكرسي قدامها...
أغيد (بهمس):لأنّي خايف… خايف من كلماتي، من مشاعري… ومن ردة فعلك."
رفيف (مستغربة، بتطلّع فيه):شو قصدك؟"
أغيد بياخد نفس طويل، عيونه بتلمع بشي لأول مرة صادق وحقيقي:
أغيد:رفيف… يمكن طول هالوقت كنت أهرب… أهرب من قلبي، من فكرة إني ممكن إرجع حب بعد ما خسرت نور.... بس الليلة… لما شفتك خايفة وعم ترجفي… حسّيت إنو حياتي مربوطة فيكي إنتي وهاد الصغير.... ما عاد فيني أنكر… أنا بحبك،،،، رفيف."
رفيف بتتجمد بمكانها،،،، دموعها بتنزل بسرعة،،، بتغطي وجهها بإيدها... بيقرب أغيد بشيل إيدها لتشوفه.
رفيف (مترجفة):بتعرف شو أصعب شي علي...؟ إني كنت حبك من زمان… من قبل ما تتجوّز نور.... كنت خبّي مشاعري،،،، قول لحالي مستحيل نصير لبعض.... ولما صار النصيب… حسّيت الدنيا عم تضحكلي بس بنفس الوقت قلبي عم يتعذب لأنك كنت بعيد… كنت ملكها."
أغيد بينصدم، عيونه مفتوحة عالاخر:
عنجد… كنتي بتحبيني من قبل؟"
رفيف (بهمس ودموعها نازلة):إي… من وقت كنت شوفك بالحقل ،،،، انت ماكنت تطلع فيني..... بس أنا… ما كان إلي مكان بقلبك،،،، واليوم… إنت عم تقلي بتحبني."
أغيد بيقرب أكتر، بيمسك وجهها بين إيديه، صوته مبحوح:سامحيني إذا ظلمتك كل هالوقت… بس صدقيني،،، هلأ بس،،، هلأ عرفت إنك بتحبيني،،، كنت كل هالفترة بعيد عنك ،،، خفت يكون في حدا بقلبك ،،، ماكان بدي اكسرك ،،،، رفيف… إنتي حياتي."
رفيف بتبكي وبتبتسم بنفس الوقت،،، بتمسك إيديه وبتحطها عخدها:وأنا… ما بدي شي غيرك،،،، كنت وما زلت بحبك."
اغيد:" ماعاد بدي شوف بعيونك دموع،،، وانتي عم تبكي اليوم كان قلبي عم يتقطع،،، مابحب شوفك عم تبكي،،،
رفيف:" بكيت بسبب حادثة قديمة بتشبه اللي صار اليوم،،،
اغيد(باهتمام):" شو صاير معك،،،
رفيف:" كنت عم ادرس بكالوريا ،،، وبيوم وانا راجعة عالبيت طلعلي شلة زعران ،،، كانو عم يلطشوني حكي ،،، وعملو دائرة حواليي كرمال مااقدر ابعد ،،،، الله ستر يومها اجو جماعة قلعوهن ،،، ومن يومها تركت الدراسة ،،،
اغيد:" وماحكيتي لحدا،،،
رفيف:" لا بس الك ،،، ومن يومها صرت البس واسع وشبابي ،،، كنت خاف حدا يرجع يلطشني ،،،، ووقت لطشوني هالشباب تذكرت الموقف ،،، خفت كتير ،،،
اغيد (مسكلا ايديها وشد عليهن): بوعدك رفيف هالموقف ماعاد يتكرر ،،، رح احميكي برموش عيوني ،،، مارح اسمح لحدا يأذيكي،،، حكيلي شو كان بدك تدرسي،،،
رفيف:"كنت حابة سجل تصميم ازياء بالجامعة،،، بس بسبب اللي صار بطلت ،،،
اغيد:" الحمدلله الله عوضك اليوم ،، لو شفتي حالك عالمسرح ،،، كنتي بتاخدي العقل ،،، هالتصاميم مستحيل اشهر المصممين يصمموها ،،،
رفيف(ضحكت):" لا تبالغ ،،،مو لهدرجة ،،،
اغيد:" لهدرجة واكتر ،،، تدوم هالضحكة على وجهك ،،
ــــــــــــــــــــــــــــــــــــــــــــــــــــــــــــ
والصبح ضو الشمس دخل من الشباك،،،، والجو هادي. البيبي نايم بهدوء... رفيف متسطحة جنبو ،،،شعرها مفكوك وعيونها لسا متورمة شوي من بكا مبارح،،، بس ابتسامتها على وجها.... ماسكة إيد البيبي وعم تتأمله... حست بحركة اغيد ،،،
أغيد (بابتسامة ناعمة):صباح الخير… أحلى أم بالدنيا."
رفيف بتلتفت بخجل، بتغمض عيونها لحظة وبترجع تطلّع فيه:صباح الخير… ما نمت منيح؟"
أغيد:نمت،،،، كنت مرتاح كتير ،،، انتي ماشبعتي نوم ،،يمكن لأنو البيبي كل شوي يفيق…"
رفيف:" اي هو دائماً هيك ،،،
رفيف بتنزل راسها بخجل، أصابعها بتلعب ببطانية البيبي.
رفيف (بصوت واطي):كنت خايفة… تندم عاللي قلتو."
أغيد ضحك بخفة، مسك إيدها وباسها):إذا في شي ندمان عليه… هو إني أخدت وقت طويل لحتى قلك إني بحبك.... كل يوم مرق وأنا ساكت… كان ظلم إلك."
رفيف بتلمع عيونها، بتبتسم وبتهمس):وأنا كل يوم كنت حبك أكتر… حتى وإنت بعيد."
البيبي بيعمل حركة صغيرة وكأنو قطع اللحظة... بيضحكو الاتنين سوا.... أغيد بياخد البيبي بحضنو وبيطلع فيه بعيون مليانة فخر):شايفة هالصغير..؟ رح يكبر ويعرف إنو أمّو وأبوه… بحبّو بعض من قلبهن..."
رفيف بتحط راسها عكتف أغيد، وبتتأمل ابنها معه.... الجو كله راحة وأمان لأول مرة من وقت زواجهن...
اغيد:" البيت عم يصفر ،،،شو رأيك نفطر برا،،،
رفيف:" اي منطلع ،،،
اغيد: لكن قومي جهزي حالك خلينا نطلع،،
ــــــــــــــــــــــــــــــــــــــــــــــــــــــــــــ
أغيد عم يسوق السيارة، رفيف قاعدة جنبو ،،، والبيبي بكرسيّه ورا... الجو مشمس بس هوا خفيف،،، كانت عجقة المدينة حلوة بالنسبة لرفيف...
رفيف ( تطلّع من الشباك):من زمان ما طلعت هيك… كان ضغط الشغل مانعني،،، حسيت إني محبوسة بين أربع حيطان."
أغيد (بنظرة لطيفة إلها):من اليوم خلص… كل ما بدك تطلعي،،، أنا معك،،،،."
،(رفيف تبتسم، وما بترد، بس عيونها بتلمع).
يوصلوا عالمطعم، يقعدوا بطاولة عالزاوية،،، أغيد شايل البيبي بحضنو وهو عم يعمل أصوات... واغيد فرحان فيه..... رفيف عم تضحك عليهم وعم تصوّر بالجوال،،،
رفيف (بضحك):والله شكلكن أخوات مو أب وابنو ،،، وانت عم تحكيه كانو فهمان عليك!"
أغيد (بيضحك):هيك أحلى… بدي إبني يكون رفيقي قبل أي شي،،، وبحكي معو كرمال يتعلم يحكيني اسرع،،"
الجرسون بيجي،،، بيطلب أغيد فطور خفيف إلهن... ورفيف بتضل تراقب أغيد كيف عم يهتم بالبيبي،،،، عيونا بتلمع بحب وامتنان).
رفيف:ما كنت متخيلة بيوم من الأيام شوفك بهالصورة."
أغيد (بيطّلع فيها بعيون دافية):ولا أنا… بس وجودك غيرني. إنتي وحسام… عطيتوني سبب إرجع عيش..."
،،رفيف بتتأثر،،، بتحط إيدها عإيده بخجل... لحظة صمت صغيرة بس مليانة حب،،، وبعدين بيجي الأكل وبيكسروا الجو...
ــــــــــــــــــــــــــــــــــــــــــــــــــــــــــــــــــــــ
،،، فتلها اغيد بالاسواق ،،، وغداها بحديقة فخمة،،،، ومارجعو لليل،،
أغيد فتح الباب،،، رفيف داخلة ووراها أغيد شايل البيبي اللي غرقان بالنوم... رفيف عم تضحك بخفة،،،، .
رفيف (مبسوطة):شكلو البيبي خلص ما عاد ينام اليوم… كل الطريق نايم."
أغيد (بصوت واطي):نايم مو متعب حالو ،،، كرمال يسهرنا بالليل… أول مشوار عائلي إلو وضل نايم،،،"
دخلو عالأوضة، حط أغيد البيبي بتخته بهدوء وغطاه... رفيف واقفة عم تتفرج،،، نظرتها كلها امتنان... بعدين بتطلع عأغيد وبتهمس):
رفيف:عنجد شكراً… حسّيت حالي اليوم لأول مرة عندي عيلة عن جد."
،،أغيد بيقرب منها، عيونو جديّة وحنونة بنفس الوقت:وإنتي ما لازم تنسي… إنتي سبب إنو صرت أب،،، وصرت حس عنجد عندي عيلة بنتميلا،،، وبيت حلو اتحمس ارجعلو كل يوم...."
رفيف بتنزّل راسها بخجل،،، بس بتبتسم من قلبها.... أغيد بيمد إيده وبيمسك إيدها بخفة....
أغيد:رفيف… اليوم حسيت إنو في شي اتغيّر بيناتنا... يمكن هاد اللي كنا محتاجينو من زمان..."
رفيف (بصوت مبحوح):أنا كمان حسيت هيك… حسيت بالأمان."
لحظة صمت، بيضلوا عم يتطلعوا ببعض، بعدين قعدوا سوا عالكنباية ... رفيف بتحط راسها عكتفه بهدوء،،، وأغيد بيربت على إيدها... والبيبي نايم جوّا، والبيت لأول مرة حاسس بدفء بيت عيلة حقيقية.....
ــــــــــــــــــــــــــــــــــــــــــــــــــــــــــــــــــــــ
الشمس دافية،،،، الطيور فوقهن،،،،.والبيت وراه حديقة مليانة ورد.... البيبي حسام صار ولد صغير، عمره تقريبًا 5 سنين،،، واختو شمس 3سنين عم يلعب بالطابة.... رفيف واقفة عالطرف،،، عم تراقبه بابتسامة،،،،حاطة شال ناعم،، وتيابها مريحة.... أغيد واقف جنبها،،،، ماسك فنجان قهوة،،، وعم يراقبهم هو كمان....
رفيف (مبتسمة):بتتذكر لما كانو صغار ،،،وما كنا نعرف نعملن شي وقت يبكو؟"
أغيد (يضحك بخفة):إي… كانت أيام صعبة… بس أحلى أيام حياتي."
ركض حسام لعندن،،، وشمس وراه تقلدو،،،، ضحك ونط حوالين أغيد... رفيف ضحكت عليهن من قلبها،،، أغيد مسك إيد رفيف....
أغيد (بهمس):من زمان وانا عم قلك… انتي سبب حياتي،،، انتي سعادة البيت،،،، انتي الأمان،، من وقت حبيتك وانا مسحور فيكي ،،، شو هال حب الساحر اللي عندك...."
رفيف (بتبتسم، عيونها كلها فرح):وأنت… كنت حب حياتي قبل ما نتزوج، واليوم أكتر… حاسة مع الوقت كبر حبنا."
الولد بيقف جنبهم، بياخد إيديهم الاتنين،،، وبيضحك. وشمس قلدتو واخدت ايديهن التانية،،، رفيف وأغيد بينظروا لبعض،،،، لحظة صمت مليانة رضا وسلام داخلي.
أغيد: كل التعب، كل الجهد… كل شي بيستاهل هاللحظة."
رفيف (بهمس):وأنا كمان… كل شي صار معنا خلاني أدرك إنو الحب الحقيقي، والبيت الحقيقي… هو نحنا مع بعض."
*الـــــــــ͢ـོ͓ـــنهـــــــايـــــــོـ͓ـــ͢ــة*
➖➖➖➖➖➖➖➖➖
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h```