الفصل 12
*قـصـص وروايـات عـالـمـيـة💙📚📖*
*بإدارة* *يـامـن💙*
*❴📖❵↵* *حب.ساحر.tt* 💙🖇️
*❴🔢❵☟الـــبـــــــــــ❴2️⃣1️⃣❵ــــــــــــارت☟*
➖➖➖➖➖➖➖➖➖
*
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h```
➖➖➖➖➖➖➖➖➖
"حب ساحر"
بقلمي مرام🫀
الجزء الثاني عشر
تاني يوم البيت مليان حركة. بالونات زرق وزهري مرمية عالأرض قبل النفخ. سارة قاعدة عالكنباية وعم تنفخ بالونات بسرعة، وجنبا مضخة صغيرة.سما واقفة عالطاولة عم ترتب صحون حلو ومعجنات. ولينا عم تساعدها، تحط صحون الموالح والشيبسات عالطاولة وريم كانت بالمطبخ عم تحضر العصاير ،،،
سما ( لسارة):يلا يا بنتي… نفخي البالونات منيح، لا ينفقعوا علينا قبل ما تبلش الحفلة،،،
سارة (تضحك): امي، إذا بدي ضل انفخ لحالي رح صير متل البالون! خلّي أغيد يساعدني.
أغيد دخل حامل كيس فيه ورد طبيعي وبوكس الكيكة. حط الكيكة عالطاولة ومسح جبينه: يا عيني عالهمة… والله البيت صار متل الصالة.
سما(مبسوطة):وين الكيكة؟ ورجيني ياها،،،
أغيد فتح البوكس، طلع كيكة كبيرة مغطاية بالكريمة البيضا، مكتوب عليها: "Boy or Girl?". صارو يصفقوا بحماس.
لينا: الله يبارك فيك يا ابني… شكلها بيفتح النفس،،،، هلق رفيف بطير عقلا فيها،،.
أغيد:" نشالله تحبا ،،خلونا نخلص دوبنا نلحق قبل ماتوصل،،
بلش يعلّق البالونات عالحيطان ويحط الورد حوالين الطاولة. سارة تركض وتجيب شريط أبيض وتربطه عالمدخل.
سارة (تضحك): يا جماعة، بدنا نخليها تتفاجأ وتضل طول عمرها تتذكر هاليوم!
سما (قربت منو، وحطت إيدها عكتفو وهمستلو):الله يرضى عليك يا ابني… ان شاء الله اليوم رفيف رح تحس قديش بتحبا....
أغيد سكت لحظة، نزل عيونه وتبسم بخفة، كأنو عم يخبي مشاعرو.،،،، الزينة صارت عم تلمع، الصحون جاهزة، وكل شي صار مرتب ليستقبلوا رفيف ،،،،الكيكة بالنص، البالونات الزرق والزهري معلقة، والورد مزين الطاولة. سارة وسما ولينا قاعدين عالكنباية متحمسين، كلهم ناطرين لحظة دخول رفيف،،،. أغيد واقف عالباب الداخلي،، عم يسمع صوت رفيف عم تفتح الباب وتفوت بخطوات عادية،. فجأة، الكل صرخ:مفاجــــــــــأة!!
رفيف وقفت مصدومة، فتحت عيونها وغطت تمها بإيدها. تلفتت حواليها وهية عم تشوف البالونات والكيكة.
رفيف (بدهشة): ياااا شو عاملين… شو هاد؟!
سارة (بصوت عالي): حفلة تحديد جنس البيبي,،،،،،،
رفيف طلعت بخجل عأغيد، اللي واقف مبتسم .
رفيف (بنبرة متأثرة):ليش ما قلتلي؟! عنجد ما كنت متوقعة…
أغيد (بصوت هادي): لو قلتلك، ما كانت مفاجأة… بدنا نفرّحك ونشوف البسمة عوجك.
سما تسحب رفيف وتقعدها عالكنباية: يلا يا بنتي، قطعي الكيكة… خلينا نعرف صبي ولا بنت.
رفيف مسكت السكين، إيدها عم ترجف من الحماس. قطعت الكيكة شوي شوي… فجأة طلعت الحشوة لون أزرق. الكل: صبييييي!
رفيف ضحكت ودمعتها نزلت من الفرحة. سما بلشت تزغرد، سارة تصفق،،،،
لينا (بحنية): مبروك يا روحي… رح يجي يملالكن البيت فرحة،،،
رفيف:" الله يبارك فيكي ماما،،،
طلعت على اغيد، لاقت عيونو معلقة فيها، بنظرة فيها دفى ومسؤولية. هو بتسم بخفة وهزلا راسو، كأنو عم يوعدها من غير كلام.
ــــــــــــــــــــــــــــــــــــــــــــــــــــــــــــ
البيت هدوء،،،،. البالونات متناثرة عالأرض،،،، والكيكة ناقصة نصها ،،،. رفيف قاعدة عأرض الصالون،،،، مسندة ضهرها عالكنباية،،،،، وعم تطالع حواليا كأنها مو مصدقة شو صار اليوم،،. إيديها مشبوكين ببعض، وعيونها سرحانة. أغيد طالع من الغرفة حامل بطانية.
أغيد: الجو صار بارد… غطّي حالك.
حط البطانية جنبها عالأرض،،،، وقعد بعيد شوي. شرب مي من الكاسة، وعيونه عالفراغ،،،، بس كل شوي يطلع عليها بطرف عينه،،،.
رفيف (بصوت هادي): ليش عملت كل هاد؟
أغيد (بابتسامة صغيرة): لأنك أم ابني… وما بدي يمرق يوم متل هاد من غير ما تفرحي.
رفيف سكتت، نزلت عيونها عإيديها،،،. حاولت تخفي دمعة نزلت من عيونها.، شدت البطانية عحالا كأنها عم تبني حيط بينها وبينه.
رفيف (بهمس): نحنا مافي بيننا غير هالطفل ،،، انت بنيت حاجز بيننا ،،،صعب ينهدم،،.
أغيد ضل ساكت لحظة، تنهد، طلع فيها نظرة وجع وصدق:
أغيد: ما بوعدك إنو كل شي رح يكون مثالي… بس بوعدك إني ما رح أسمح ينكسر قلبك بسببي مرّة تانية.
رفعت راسها بسرعة، تنظرلو بعيون عم ترجف،،، وما بترد،،،. بتقوم ببطء وبتتجه لغرفتها. قبل ما تفوت،طلعت عليه للحظة،،،، كأنها حابة تصدق كلامه،،،، بس الخوف مسيطر عليها،،،بتدخل الغرفة وبتسكر الباب ،،،
أغيد بقي لحاله بالصالون، مرر إيده عوجهو، وهمس لنفسه:
أغيد (بصوت مبحوح):اخ يا رفيف… شو صعب اوصل لقلبك،،.
ــــــــــــــــــــــــــــــــــــــــــــــــــــــــــــ
الشمس داخلة من الشباك، صوت عصافير برا. رفيف قاعدة عالطاولة، ، عم تحرّك الشاي بالمعلقة بهدوء.، عيونها عم تسرح بعيد،،،.
فات أغيد ، لابس بدلتو، واضح إنه ناوي يروح عالشغل.
أغيد (بصوت هادي): صباح الخير،،.
رفيف بدون ما ترفع عيونها، همست بسرعة: صباح النور.
أغيد لاحظ البرود، قرب شوي، يحاول يخفف الجو:
أغيد: بدك تشربي الشاي ولا بدك قهوة؟
رفيف (من غير ما تطلّع فيه): شاي… شكراً.
أغيد فتح البراد يجيب مي، وحاول يفتح موضوع بسيط:
أغيد:"كنت مفكر اليوم آخدك نجيب غراض للبيبي،،،، شو رأيك ،،،
رفيف (ببرود):"بروح مع أمي.
أغيد سكت لحظة، حاول يخبي الخيبة بابتسامة خفيفة، وقعد عالكرسي قدامها:
أغيد (بنبرة جديّة): ما في داعي تبعديني عن كل شي… أنا كمان بدي كون موجود معك،،، حابب نتشارك بهالفرحة،،.
رفيف: بوجودك أو بلاك… رح جيب كلشي ،،،،. انت هلق صار بدك تكون معي بكلشي ،،،،ما عم بنسى كيف تركتني.
أغيد تنهد، اطلع نظرة حزينة،: معك حق… وأنا غلطت.،،، بس صدقيني… ما عاد تتكرر ،،، ماعاد اتركك هيك رفيف،،،.
رفيف حاولت تخفي رجفة صغيرة بإيدها. حملت الكاسة وطلعت عالصالون من غير ما تقول كلمة زيادة.
أغيد ضل لحاله بالمطبخ، مرر إيده عجبينه، وهمس: بدي وقت… وبدي صبر.
ــــــــــــــــــــــــــــــــــــــــــــــــــــــــــــ
المسا
رفيف قاعدة عالكنباية، ماسكة كتاب صغير بإيدها، شكلها مشغولة بالقراءة لتلهي حالها. وقت رجع أغيد من الشغل كان حامل كيس أنيق بإيده، فيه علبة فستان.
أغيد (وقف قدامها ): رفيف… جبتلك شي.
رفيف( تفاجأت بالكيس):شو هاد؟
أغيد (حط الكيس عالطاولة قدامها): فستان… قلت لازم تطلعي احلى وحدة بخطبة أمجد.
(حطت الكتاب عالطاولة)
رفيف:"أنا بعرف أختار تيابي لحالي،،
أغيد: بعرف… بس حبيت يكون شي يليق فيكي بهاليوم. انتي السلفة الكبيرة… ولازم تطلعي أحلى من الكل.
رفيف سحبت الكيس بخجل، فتحتو وشافت الفستان السماوي الأنيق. عيونها تلمع لحظة بس بتحاول تخفي انبهارها، وترد ببرود: ما كان في داعي.
أغيد (بتسم بخفة): حبيت تلبسي هالمرة على زوقي،،، بتحبي تقيسيه.
ردت بسرعة: طيب… شكراً. بخليه لبكرا بقيسو،،،،.
أغيد وقف: المهم تلبسيه… لأني حابب شوفك فيه ،،،
رفيف حست قلبها عم يدق بسرعة، نزلت عيونها عالفستان بإيدها، حاولت تسيطر عحالها وما تبين مشاعرها. فتلت لعندو لاقتو راح عالغرفة. ضلت لحالها، مررت إيدها عالقماش بخفة، وهمست لحالها: ليش عم تعمل هيك أغيد…؟
ــــــــــــــــــــــــــــــــــــــــــــــــــــــــــــ
يوم الخطبة،،
رفيف واقفة قدام المراية، عم تحاول تسكّر العقد لوحدها. إيدها عم ترجف من التوتر، والعقد ما عم يرضى يتسكر. فجأة بيقرب أغيد من وراها، بصوت هادي:
أغيد: استني… خليني ساعدك.
رفيف تجمدت لحظة،،، تطلع بالمراية عليه، وحكت بخجل: ما في داعي… بقدر.
أغيد (بابتسامة خفيفة): شايف… من عشر دقايق عم تحاولي. خلص، خليني حطلك يا.
مد إيديه وربط العقد بهدوء ،،، عيونه مركزة عالشغل مو عليها، حتى ما يحرجها. لما خلص،، قال: هيك… صار محلو،،،.
رفيف حاولت تخفي ارتجافها، ترمش بسرعة،،، ونفسها بطيء. بتحمل الأسوارة بإيدها التانية وبتمدها بسرعة: طيب… ساعدني بهي كمان.
أغيد بتسم بخفة، اخد الأسوارة ولبسها ياها،،، صوته هادي: ولا شغلة ناقصة… كل شي مكمل بعضه،،،، لابقلك كتير،،،.
رفيف سحبت إيدها بسرعة، وحاولت تسيطر عوجهها اللي احمر شوي، وقالت: يلا… خلينا نلحق. اتأخرنا.
أغيد طلع فيها نظرة طويلة بالمراية، فيها إعجاب واضح، بس ما حكى غير كلمة قصيرة: إيه… يلا.
رفيف راحت اخدت شنطتها بسرعة، بينما أغيد ضل واقف لحظة، عيونه ما بتتركها، ابتسامة صغيرة باينة عشفايفه،،، كان متمني يحكيلا اديش طالعة بتجنن ،،، بس ماكان عندو الجرأة،،،، كان متمني من رفيف تخطي خطوة اتجاهو،،، ليعرف مشاعرها،،، بس رفيف كانت باردة دائماً،،،.
ــــــــــــــــــــــــــــــــــــــــــــــــــــــــــــ
خلصنا من اجواء الخطبة وامجد تزوج ،،، كانت الشهور عم تمر بسرعة ،،،، انا صرت بنص التاسع ،،،، كنت عم اشتغل ساعات طويلة ،،،بدون راحة،،، بدي لحق المسابقة بعد شهرين ،،، من الصبح حاسة بتقلصات ،،، كانت عم تروح وتجي،،، مع هيك كملت شغل ،،، كان عندي عدة تصاميم لسا مو مبلشة فيهن ،،،، وبياخدو وقت ،،،، تجاهلت وجعي قد مابقدر ،،،، بس هلق ،،، ماعاد اتحمل ،،، كان الوجع مستمر ،،، لدرجة اني ماعاد قادرة ركز بالخياطة،،،، تركت من ايدي ودقيت للدكتورة ،،، وحكتلي روح عالمشفى ،،،، فوراً دقيت لاغيد،،،
أغيد:" اهلين رفيف،،
رفيف(بوجع):" اغيد تعال لعندي ،،، انا عم اولد ،،،،
اغيد(تفاجئ):" عم تحكي جد رفيف ،،، انتي موجوعة،،،
رفيف:" ماعاد فيني اتحمل ،، تعال بسرعة رح اولد ،،،،
كان سايق مسرع وخايف على رفيف ،،، وعم يدعي كرمال ابنو،،،،(يارب ...مرتي وابني يقومو بالسلامة. ...يارب ماالي غيرك ،، لا تضرني فيهن يارب،،، رب لا تذرني فردا وانت خير الوارثين)
وصل لعند رفيف كانت واقفة برا عم تستناه ،،،،نزل دغري وساعدها تطلع بالسيارة،،،،
اغيد:" شلون حاسة حالك رفيف ،،،،
رفيف(ببكي):" موجوعة كتير ،،،، حاسة روحي رح تطلع ،،، رح موت من الوجع،،،،
أغيد:"بعيد الشر عنك،،، نشالله رح تقومي بالسلامة انتي وابننا ،،،
رفيف:" كرمال الله اسرع ،،، خلينا نوصل عالمشفى ،،،،
كان ماشي بسرعة وخايف عليها تتوجع عالمطبات يهدي،،،، لحتى وصلو للمشفى ،،، كانت الدكتورة عم تستناها ودغري فوتتها للمخاض ،،،
كان اغيد رايح جاية بالممر ،،، بدو حدا يطلع يطمنو عالوضع،،،لحتى طالعوها ،،، كان وجها شاحب وتعبانة ،،،
اغيد:" رفيف انتي منيحة،،، شو صار ،،،
الدكتورة :" هي منيحة ،،، والولادة قريبة ،،، ساعتين بالكتير بتكون ولدانة،،، هلق رح نطالعها لغرفتها ترتاح لحتى يقوى الطلق معها منرجعها عالولادة،،،،
كانو ساحبينها عالكرسي للغرفة ،،،لابسة مريول المشفى،،،والطاقية،،،
ساعدها اغيد تتسطح عالتخت ،،،واتصل بإمو،،
سما:"الو،،
أغيد:"كيفك امي،،
سما:" الحمدلله كيفك انت ليش صوتك تعبان،،،
أغيد:" امي نحنا بالمشفى ،،، رفيف عم تولد،،،
سما:" نشالله بتقوم بالسلامة بإيا مشفى،،،
أغيد:" مشفى ال،،،، جيبي معك شنتة البيبي ،،، اجينا على عجلة ونسيناها،،،
سما:" ماتاكل هم هلق بجيبا وبجي ،،، مسافة الطريق بكون عنكن،،،
أغيد:" وحاكي مرت عمي خبريها،،،
سما:" ماشي حبيبي سكر ،،،رح دقلا
ــــــــــــــــــــــــــــــــــــــــــــــــــــــــــــ
رفيف متسطحة عالتخت، جهاز المراقبة موصل فيها ،،،، عيونها مغمضة،،،،وعم تتنفس بعمق، ووجهها مشحون بالألم. أغيد واقف جنب التخت،،، ماسك ايدها برفق،،،، عيونه مركّزة عليها بكل اهتمام.
أغيد (بهدوء): خذي نفس عميق… شوي شوي… كل شي رح يكون تمام.
رفيف تهز راسها بصعوبة، تتنفس بسرعة، وبصوت ضعيف: ما عم بقدر… الألم كتير.
الممرضة: ركزي على النفس يامدام… رح نساعدك، كل شي تمام.
أغيد: أنا هون… خليكي قوية ،،، متل مابعرفك،،.
الممرضة :" استاذ فيك تطلع لبرا ،،، ممنوع تضل اثناء الولادة،،،
اغيد:" خليني وقف معها ،،، بخاف يصير معها شي،،،
الممرضة :" انت مانك دكتور ،،،ازا صار شي مارح تقدر تساعد ،،،بالعكس رح تلبكنا ،،، رجاءً طلاع لبرا ،،، لا تعطلنا عن شغلنا ،،،
أغيد:"ماشي،،
طلع لبرا وكانت العيلة واصلة،،،
سما:" شو طمني ولدت،،
أغيد (بتعب):" لسا ،،، هلق دخلوها للولادة ،،،وماخلوني ابقى معها،،
سما:" نشالله بتقوم بالسلامة ،،، انت لا تخاف ،، بس دعيلهن الله يقومهن بالسلامة،،،
اغيد(عيونو مدمعة):امين امين
كان خايف يعيش وجع تاني ،،، مانو حمل خسارة تانية ،،، قعد عالارض وسند ضهرو للحيط ،،،وصار يدعيلهن وعيونو مدمعين ،،، صوت رفيف عم يهزو هز،، خيفان عليها وبنفس الوقت زعلان لانها عم تتوجع ،،،
اغيد:" يارب تقومي بالسلامة يارفيف انتي وابني،،،
،"وجوا"
رفيف غمضت عيونها،عم تحاول تركز على التنفس،،،، وتحافظ على هدوءها.،،،
بعد دقايق من الضغط والتنفس العميق، صوت بكاء طفل صغير عبا الغرفة.
الممرضة (مبتسمة): مبروك… صبي! كل شي تمام.
رفيف فتحت عيونها بصعوبة، طلعت عالولد،،،، وعيونها مليانة دموع فرح وتعب.
الممرضة ترفع الطفل لتقربه من رفيف، وهو عم يبكي بصوت ضعيف. الجو كله مليان فرحة، تعب، وارتياح.
غمضت عيونها ونامت بعد التعب ،،،
ــــــــــــــــــــــــــــــــــــــــــــــــــــــــــــ
الدكتورة :" الف مبروك اجاكن صبي متل القمر،،
وقف اغيد بسرعة:" ورفيف
الدكتورة :" هية بخير ،،، دقيقتين وبتطلع لغرفتها،،،
اغيد(بلهفة):" طيب والبيبي ايمتا بدنا نشوفو،،،
الدكتورة:" اخدتو الممرضة تحممو عشر دقايق بكون بالغرفة ،،، رجاءً الكل للغرفة لاتعملو زحمة هون،،،
طلعو الكل الا اغيد ،،، ضل واقف يستناهن،،،
كان واقف بالممر لحالو، ساند ضهرو بالحيط، إيديه مشبوكين قدام صدره وعيونه معلقة بباب الغرفة،،،. ملامحه متوترة،،،،،و قلبه عم يدق بسرعة،،،، والوقت كأنه واقف... أصوات الضجة حواليه ،،،،بس ما عم يسمع غير دقات قلبه....
نفتح باب الغرفة ،،،وطلعو ساحبين تخت رفيف،،، قرب منها ومسكلا ايدا ومسح على راسها ،،،
اغيد:" الحمدلله عالسلامة رفيف،،،
كانت عم تتمتم وهية مغمضة كلام مو مفهوم،،،
الممرضة: هلق هي شبه نايمة من التعب،،، مارح ترد عليك منيح،،، خلينا ناخدها لغرفتها تنام وترتاح،،،طالعوها للغرفة ورجع اغيد لتحت يستنا البيبي وبعد شوي ،،،،باب الغرفة بينفتح،،،، والممرضة بتطلع وهي حاملة البيبي ملفوف بحرام أزرق صغير. بتبتسم لأغيد:
الممرضة: مبروك يا أستاذ… صار عندك صبي،،!
أغيد تجمد للحظة،،، و عيونه عم تلمع، قرب بخطوات مترددة، مدّ إيديه بخوف.
أغيد (بصوت مبحوح):بقدر احملو،،،!!
الممرضة حطت البيبي بين ايديه. أول ما يحضنه،،، بيحس إنو عم يمسك الدنيا كلها،،،. طلع بوجه البيبي، ،،، لمس أصابعه الصغيرة بإبهامه،،،، وصوت نفسه مخربط من التأثر،،،.ادنلو بأول اذن واقام الصلاة بالاذن التانية ،،،
أغيد (يهمس):انت اسمك حسام،،، يا الله… ادّيش صغير… وادّيش أنا خايف إني ما أقدر أحميك،،،.
دمعة بتنزل من عينه وهو مبتسم ابتسامة مرتبكة.... شد عليه شوي،، وكأنه بده يطمن رفيف حتى لو ما شايفها:
أغيد (بصوت منخفض):وعد… وعد رح كون أب وأم إلك… ورح كون سند لرفيف.
اخدو وطلع فيه لغرفة رفيف،،
كانت ممددة عالتخت، وجهها شاحب من التعب، عيونها نصّها مغمضة،،. فتح الباب،،، وأغيد بيفوت حامل البيبي بين إيديه، ملامحه لسه متوترة من رهبة اللحظة.
رفيف رفعت راسها،،،، تحاول تركز عاللي قدامها. أول ما تشوف البيبي بين حضن أغيد، دموعها بتنزل لحالها.
رفيف (بصوت مبحوح وتعبان): أغيد… هاد ابني؟
أغيد قرب منها بخطوات بطيئة، وقف جنب التخت، وهو ماسك البيبي بخوف: إي… هاد هو… ابنك… ابننا.
رفيف بتمد إيديها المرتجفة، أغيد نحنى شوي وحط الطفل بحضنها. رفيف حضنتو وبكت،،،، تمسح خدّه بإيدها.
رفيف (تبتسم رغم الدموع): يا الله… متل الحلم.
أغيد طلع فيها للحظة طويلة، عيونه فيها خليط من الذنب والفرح. قعد عالكرسي جنبها، يلمس أصابع البيبي بخفة.
أغيد (بهمس): ما بعرف شو لازم قول… بس وعد… ما رح قصّر لا معك ولا معه.
رفيف ترفع عيونها عليه، التعب مغطي وجهها، بس ابتسامتها صغيرة: وجودك هلق هون… بيكفي.
ــــــــــــــــــــــــــــــــــــــــــــــــــــــــــــ
اجو طلال وريم،،، وطلع اغيد لبرا كرمال النسوان ياخدو راحتهن،،،
ريم(بفرحة):" ياروحي حبيب خالتو شو حلو،،،
رفيف(بتعب وابتسامة):" نشالله منشفلك متلو ،،،
ريم(بمزح):" مع انو كنت ناوية لحتى خلص تخصص ،،، بس بعد ماشفت حسام الصغير شكلو رح غير رأيي،،،
لينا:" نشالله ياروحي الله يطعمكن متلو،،،
ريم:" نشالله،،،
وبرا المشفى كانو واقفين بالحديقة،،،
طلال:" الف مبارك ياصاحبي ،،، نشالله بتشوفو احلى شب ،،
أغيد:" الله يبارك فيك ،، عقبال يصير عندك متلو،،،
طلال:" نشالله ،،، شلون حاسس ،،،، كيف الشعور،،، صرت بابا ،،،
اغيد(لمعو عيونو):" مابقدر اوصفلك شعوري ،،، فرحان كتير ،،لا فيك تقول طاير من الفرح ،،، شعور كتير حلو ،،، مابتسدق اديش قضيت وقت صعب ،،،لحتى طلعو بالسلامة ،،،
طلال:" معك حق ،،، توتر ،،،
بجية ابو اغيد،،،
حسام:" السلام عليكم ،،،
ردو : وعليكم السلام
طلال:" الف مبروك عمي ،،، نشالله بيتربى بالعز والدلال،،،
حسام:" الله يبارك فيك يا ابني،،، نشالله عقبال عندك وتصير اب،، الف مبروك اغيد،،، وهي صرت ابو حسام،،،
قرب باس ايدو: الله يبارك فيك ابي،،، ويخليلنا ياك تاج فوق راسنا،،،
طلال:"شو اغيد مابدك تفرجينا الامير الصغير،،،
أغيد:" مبلا تفضلو ،،،
طلعو لفوق دق الباب وامو عطتو البيبي،، عطاه اول شي لابوه،،،
حسام:" بسم الله الرحمن الرحيم ،، الله يجعلو من الصالحين،،،، ادنلو بادنو وناولو لطلال,،،
طلال:" بسم الله وما شاء الله ،، الله يحميه وتشوفو احلى شب يارب،،،
وبهاللحظة اجا حازم،،،
حازم:" السلام عليكم ،،،
ردو:" وعليكم السلام ،،،
حازم: الف مبروك ابو اغيد وانت ابني الف مبروك وهي صرت اب ،،،
حسام:" الله يبارك فيك ،، وهي صرنا جداد،،،
اغيد ناول ابنو لعمو،،،
اغيد:" الله يبارك فيك عمي،،، تفضل هي حفيدك،،،
حملو بهدوء وعيونو مدمعين ،،،
حازم:" اهلا وسهلا فيك بعيلتنا ،،، نورت الدنيا بجيتك ،،،
ــــــــــــــــــــــــــــــــــــــــــــــــــــــــــــ
رجعو عالبيت ولينا وسما ضلو معهن كرمال يساعدو رفيف،،، كانت قاعدة على التخت، البيبي الصغير نايم بحضنها،،، ملفوف بحرام دافي،،. عيونها تعبانة بس مليانة فرح،،،. أغيد قاعد على طرف التخت،،،، عم يراقب كل حركة للطفل ورفيف، وايديه مشبوكتين مع بعض من التوتر والسعادة.
أغيد (بهمس منخفض): والله… ما توقعت شعور هيك…
رفيف ترفع عيونها عليه، تحاول تبتسم رغم التعب: هو صغير كتير،،، مو هيك،،.
أغيد نحنى شوية يشوف البيبي من زاوية أفضل، عيونه لمعة من الفرح والارتباك:صغير اي بس كتير حلو ،،، شكلو بيشبهك شوي… اخد جمالو منك،،،
رفيف ضحكت،،،: أهم شي يكون بصحة وعافية،،.
طلع برفيف والبيبي،،، وهمس: أول يوم لحسام معنا… قطعة منا زادت عالبيت ،،،.
رفيف مسكت ايد البيبي بخفة، تطلع فيه، بعدين تطلع بأغيد بنظرة مليانة امتنان: شكراً لأنك هون…اغيد.
أغيد سكت، وعيونه عم تعكس شعور الفخر والحب مع بعض، والجو مليان حنان، فرحة، ومسؤولية.
ــــــــــــــــــــــــــــــــــــــــــــــــــــــــــــ
تاني يوم صحيت موجوعة وتعبانة،،، كانت الوقت قريب الضهر واصوات ضجة برا الغرفة،،، طلعت جنبي مالقيت البيبي حسام ،،، وقفت ببطء ومشيت لبرا ،،، كانو عم يزينو البيت وعم يحكو ويضحكو وقت شافوها فرحو فيها وسارة قربت تسلم عليها ،،
سارة:" الحمد لله عالسلامة رفيف ،،،
رفيف:" الله يسلمك،،، صرتي عمتو ،،
سارة:"اييي وأخيراً ،،، عمتو لاول مرة ،،، احلى شعور بالدنيا،،،
سما:" يالله رفيف تعي تسطحي عالكنباية،،،كرمال تفطري وترضعي البيبي ،،،
رفيف:" سكت بعدين ،،، ماقدرت نام كل الليل،،،
سما:" اي طبيعي هي اول ليلة الو ،،، بكون لسا مو متعود عالجو ،،،، هلق شوفي بس نحممو بنام وبيتهنى ،،،
واجواء الحمام كانت بتجنن ،،، كانو سارة وريم عم يحاولو يساعدو بالحمام،،، بس عبو الدنيا مي ،،،خلصو وعطوني ياه ،، ويالله ريحتو اديش كانت حلوة وبتجنن ،،،
ــــــــــــــــــــــــــــــــــــــــــــــــــــــــــــــــــــــ
خلصت اجواء الولادة والمباركة وبقيت لحالي بالبيت ،،، كنت اطلع انا وحسام عالشغل كل يوم ،،، كانو الصبايا اللي معي يساعدوني فيه ،، كرمال نلحق المسابقة كنا عم نشتغل كتير ،،، ووقت ارجع عالبيت كنا نتساعد انا واغيد عالبيبي ،،، كان اغيد يساعدني بالبيت كتير ،،، كان مفكر اني عم جهز للافتتاح ،،،، بس انا رح شارك بالمسابقة ،،، رح يشوف بعينو اني انسانة بليق بالمحامي،،، مارح اخسر ،،، انا حاطة بعيوني قوة تحدي ،،رح فوز بهالمسابقة ،،، وتصاميمي رح ياخدو حق تعبهن،،،
المسابقة مو بقيانلا غير اسبوع ،،، قدمت اسمي وعزمت قرايبي المهمين للحفلة ،،، كل اللي دعموني بمشروعي،،، ماما بابا وريم ،، وعمي وحماتي وسارة ،،، حتى اني عزمت ليان وامجد،،،كنت زعلانو انو اغيد مسافر ,،،، كنت حابة يكون حاضر ،،، بس اجتو سفرة شغل،،، مابيرجع لبعد المسابقة بيوم ،،،، لهيك ماحكيتلو شي ،،،،
كنت عم جهز فستاني كرمال المسابقة ،، اخترت فستان ساتان باللون الاسود مع الماس عالرقبة ،،، وشال ابيض سادة ناعم،،، مع الكعب الاسود،،، وهالاسبوع قضيتو عند اهلي ،،، اغيد مو بالبيت ،،، وبساعدوني بالبيبي حسام لوقت المسابقة ،،،،،
ــــــــــــــــــــــــــــــــــــــــــــــــــــــــــــــــــــــ
وعند ريم ،،،
ريم:" طلال شو رأيك نعمل مفاجأة لرفيف ،،،
طلال :" اي شو هية،،،
ريم:" اغيد بدو يرجع بعد المسابقة شو رأيك تحكي معو وتجيبو للمسابقة ،،،،بدون مايعرف انو رفيف مشاركة،،،،
طلال:" فكرة حلوة،،،، وازا ما رضي،،،
ريم:" منجرب ،،،
طلال:" طيب انا رح احكي معو،،،،
*يـــــــــ͢ـོ͓ـــتبــــــــــــــོـ͓ـــ͢ــ؏*
➖➖➖➖➖➖➖➖➖
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h```