الفصل 11
*قـصـص وروايـات عـالـمـيـة💙📚📖*
*بإدارة* *يـامـن💙*
*❴📖❵↵* *حب.ساحر.tt*
*❴🔢❵☟الـــبـــــــــــ❴1️⃣1️⃣❵ــــــــــــارت☟*
➖➖➖➖➖➖➖➖➖
*
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h```
➖➖➖➖➖➖➖➖➖
"حب ساحر "
"بقلمي مرام"
الجزء الحادي عشر
صحيت تاني يوم متأخرة ،،، ماكان اغيد موجود ،،،دورت بغرفتو كمان مالقيتو ،،،قعدت بالصالون حزينة،،،
رفيف :" شو كنتي مفكرة لك رفيف،،، رح يرجعلك،،، خلص بقا،،، فيقي من هالاوهام،،، اصحي،،
دق الباب وقمت فتحت،،كان اغيد
رفيف(باستغراب): انت هون
أغيد:" نزلت شفت اهلي ،،، وين بدي كون،،،،
رفيف:" فكرتك رحت ،،،،
أغيد:" لا مارح روح ،،،بدي اطلع زبط المكتب وارجع اشتغل بالضيعة ،،،
رفيف:" اممم تتوفق بشغلك ،،
أغيد:" امين ،،اخي امجد بدو يجي بعد كم يوم من السفر ،،،
رفيف:" اي منيح ،،،
دخل اغيد لغرفتو وانا رجعت على غرفتي ،،، بدي جهز حالي واطلع لشغلي ،،، مابدي اهملو ،،،لازم لحق كرمال المسابقة،،
،"طلعنا سوا وكنا جاهزين ،،،
أغيد:" خليني وصلك رفيف ،،، ومنو بعرف وين مكان شغلك ،،،
رفيف:" مافي داعي تتعذب ،،،ببعتلك الموقع برسالة،،،
أغيد:رفيف انا زوجك ،،،ماني غريب ،،،يالله خلينا نمشي ،،،
طلعنا سوا ودليتو عالعنوان ،،،
رفيف:" هون وصلنا ،،،شكراً،،
أغيد:" ايمتا بترجعي عالبيت ،،،
رفيف:"عالمغرب،،،
أغيد:" طيب بجي باخدك لا ترجعي لحالك ،،،
رفيف:" تمام،،
دخلت عالمحل وتأكدت انو راح،،، شعور حلو انو وصلني على شغلي ،،،بس جواتي غصة ،،، ليش مابتكون علاقتنا طبيعية ،،،متل ايا تنين متزوجين ،،، يمكن ولا بحياتي بتصير حياتنا طبيعية ،،،دائماً اكشن ودراما ،،، مكسور خاطري منو ،،،، كان عم يبينلي اديش ندمان بتقربو مني ،،، بدو نتطلق،،، لهالدرجة مو قبلاني بحياتو ،،،، معقول يتزوج غيري ازا انفصلنا،،، لا ياربي ،،،بموت ازا تزوج ،،،
كنت عم شوف التصاميم ،،،،كانو كتير حلوين ،،،،يارب لحق المسابقة ،،،، لازم قبل الولادة كلو يكون جاهز،،، مابقدر بعد الولادة اشتغل ،،،،،
ــــــــــــــــــــــــــــــــــــــــــــــــــــــــــــ
،(اغيد)
هادية ،،، وجها خالي من ايا تعبير ،،، ماعم اقدر حدد مشاعرها ،،، احيانا بشوف بعيونها كلام كتير،،، بتطلع فيي بعيون حزينة ،،، بس مابعرف ليش هالحزن ،،، حكيتا مشان الطلاق لحتى افهم شو بدا ،،، عم تحيرني نظراتها ،،، شو اعمل ،،، يارب دلني عالطريق الصح ،،،،
،"طلعت زور قبر نور ،،، هي اول مرة بجي عليه ،،بعد ماعرفت الحقيقة،،، وقفت جنب القبر وقرأتلا الفاتحة ،،، ، بإيده وردة بيضة، ملامحو شاحبة. حنا راسو شوي، وحكا بصوت عم يرجف وكأنو عم يحكي روحها:
أغيد (بصوت مكسور):
– تأخرت… أربع شهور وما إجيت… كنت خايف، خايف شوف اسمك محفور بالحجر… خايف واجهك حتى وانتي ما عاد فيكي تردي علي.
نزل عركبته، حط الوردة عالقبر. ومرر إيدو عالحجر كأنه عم يلمسها.
أغيد (بحزن وعتاب):
– ليش ما قلتيلي نور؟! ليش خبيتي عني…؟ كنتي عم تاخدي حبوب منع الحمل ،،، طيب ليش ،،، ليش ماعطيتيني حق مشاركتك هالقرار ،،، ماكنتي شايفتيني قد المسؤولية ،،، كيف بتاخدي هيك شي ،،،وإنتي ما بتعرفي إنو في روح صغيرة جواتك ،،،ليش مافحصتي حالك اول… وليش خبّيتي عني؟!
عض شفايفه، ودموعو عم تنزل غصب عنو،،،
أغيد (يصرخ بالهدا):
– بتعرفي شو عملتِ فيني؟ تركتيني مع ذنب ما بيروح… ابنّنا، بيبي كان ممكن يعيش! يمكن ما كان كامل… يمكن كان مريض… بس كان لازم يكون بيناتنا!
سكت لحظة، ودفن وجهو بإيديه، وصوته يتقطع:
أغيد (بهمس):
– غبت عنك أربعة شهور… يمكن كرمال أهرب من هالحقيقة… بس صدقيني، كل يوم كنت عم موت ،،.
رفع راسه عالقبر، عيونه حمرا حكى كأنو بده منها جواب:
أغيد:
– بتحسّي فيني؟! بتعرفي قديش عم عاني؟! تركتيني مع وجع أكبر من قدرتي… وحتى وأنا متجوز اليوم… قلبي لساتو هون، واقف عند هالحجر.
سند جبينه عالقبر، غمض عيونو،
أغيد (بهمس): سامحيني… سامحيني نور ،، انا قررت ابدأ حياة جديدة ،،، يمكن ماحبها قد ماحبيتك ،،،، بس بقلبي رح يكون الها مكان خاص ،،،،
برغم انها ما بتحبني ،،،، لما حملت مني مانزلت الولد ،،،، ضلت محتفظة فيه ،،، وهية كانت قادرة ببساطة تنزلو وتخبي،،، بس ماعملتها ،،
رح افتح معها صفحة جديدة ،،،لا تفكري الموضوع خيانة،،، هية زوجتي وقريباً أم ابني،،، وازا رضيت نبدا من جديد ،،، انا رح امحي اثرك من البيت ،،، لاتزعلي بس هاد واجبي ،،،، لو كنتي مكانها مابتعيشي مع غراض زوجة تانية ،،،،
انا ماني حاقد عليكي ،،، عم ادعيلك كل يوم ،،،وبكل صلاة ،،، الله يرحمك يا نور،،،
وقف ونفض تيابو ومشي ،،، وكأنو انسان تاني ،،،، ماكان عارف انو الفضفضة رح تريحو هالقد ،،، ركب سيارتو وانطلق عالمكتب ،،،
ــــــــــــــــــــــــــــــــــــــــــــــــــــــــــــ
،(رفيف)
مر عليي هالاسبوع من احلى ايام حياتي ،،، كان اغيد يوصلني الصبح ويرجع ياخدني المسا ،،،، حتى انو الخياطين عندي كلهن يحسدوني عليه ،،، هه مابيعرفو هنن نحنا كيف عايشين ،،، العالم بتشوف الظاهر بس،،، وماخفي كان اعظم ،،،
اليوم راجع سلفي من السفر ،،، ماطلعت عالشغل كرمال ساعدهن بالتجهيز ،،، كنا عم نزبط المقبلات والمعجنات ،،، وبعدين زيننا البيت احتفالاً برجعتو بالسلامة،،،، اغيد وعمي راحو يستقبلوه بالمطار،،، وحماتي كانت كل الوقت متوترة وعم تطل عالشباك كل شوي ،،
سما:" كأنو طولو مو،،،
رفيف:" ماصرلن زمان رايحين،،، هلق ان شاء الله مابطولو ،،،، شوي تانية مابتلاقيهن غير وصلو،،،
سما:" ان شاء الله ،،"
ــــــــــــــــــــــــــــــــــــــــــــــــــــــــــــــــــــــ
القاعة مليانة مسافرين وناس عم يستقبلوا أحبابهم. أغيد واقف جنب أبوه، إيديه بجياب بنطلونه، ملامحو جدية بس قلبه عم يدق من الشوق. فجأة، طل أمجد من بوابة الوصول، لابس تياب سفر بسيطة، وحامل شنتة عكتفه. أول ما بشوفهن، بيرفع إيده ويبتسم.
الأب (بحماس):أمجـــد! ابني، نورت!
مشي بسرعة لعندو، وحضنه بقوة. أمجد ضحك وحط راسه عكتف أبوه: الله يخليك يابي… والله اشتقت لشوفك،،.
أغيد قرب منهن، وقف لحظة يتأمل أخوه، وحضنو: نورت البلد يا اخي… الحمدلله رجعتلنا بالسلامة...
أمجد (مبتسم وعم يضرب على كتفه): البلد منور بوجودكن.
مشيو سوا عالسيارة، جوّ مليان حنين، وأصوات مسافرين عم تودّع وتستقبل.
ــــــــــــــــــــــــــــــــــــــــــــــــــــــــــــ
المطبخ والصالون بحالة حركة. أم أغيد واقفة على نار ،،،رفيف وسارة عم يصفوا الصحون عالسفرة،،،
سارة (بحماس):والله رجعة أمجد بدها عزيمة تضل بالذاكرة!
رفيف:" ان شاء الله بيوصل بالسلامة…وتكون رجعة خير.
سما(وهي تمسح إيدها بالمريول):يا بنات، بدّي السفرة عم تلمع لمعة… اليوم رجعلي روحي من بعد غربة سنين.
رفيف هزت راسها وساعدتها،،، والجو كله فرح وترقّب.
وقفت السيارة قدام البيت. الأم والبنات طلّوا من الشباك، بعيونهم لهفة. فتح الباب، ونزلو حسام وأغيد، وبعدين طلع أمجد. النسوان يركضوا عالباب، أم أغيد أول وحدة.
أم أغيد (دموعها نازلة):امجد،،، يا غالي… رجعتلي!
حضنتو بقوة، وأمجد عم يضحك وهو يحاول يطمنها: لا تبكي يامو… خلص أنا هون.
سارة تحضنه بفرح،،،،
سارة :"اخي ،،،يا الله ماعم سدق ،،، انت عنجد رجعت ،،،
امجد:" لك سوسو كبرانة ،،، ماعم اعرفك،،،
ورفيف واقفة مبتسمة بخجل، حطت إيدها ع صدرها:“الحمد لله عالسلامة”
امجد(مستغرب منها):" الله يسلمك،،
أغيد:" هي رفيف ،،، مرتي،،،
أمجد:" تشرفنا،،،
دخلوا لجوا، السفرة مجهزة،والكل قاعدين حواليها: الأب بالصدر، جنبه أمجد، وأغيد مقابله. أم أغيد قاعدة قريبة من أولادها، ورفيف وسارة عالطرف،،
حسام: الحمد لله عالسلامة يا ابني… رجعتلنا بخير وسلامة. إن شاء الله هالرجعة بداية جديدة إلك والنا كلنا.
أمجد (بابتسامة وعيونه لامعين):الله يخليلي ياك يابي… ما بتتخيل اديش كنت محتاج أرجع لهاللمة.
سما حطتلو قطعة كبة بصحنه وهي عم تبكي من الفرح: كول يا قلبي، كول… سنين الغربة ما رح ترجع، بس اليوم رجعتلي، والحمد لله.
سارة (بمرح): يعني اليوم مسامحينك إذا بتاكل كل السفرة لحالك.
ضحكو الكل، وأغيد، عم يطلع بأخوه نظرة شوق.
أغيد (بهدوء): والله البيت كان ناقصك يااخي… الله يخلّيك إلنا.
سما(مبتسمة): الله يجمعكم دائمًا وما يفرّق بيناتكم.
رفيف ساكتة،، بس قلبها عم يراقب علاقة الأخين، والدفا اللي راجع عالبيت برجعة أمجد.
الجو ضحك واحاديث. حسام عم يحكي قصص عن أيام الطفولة، وأمجد عم يشارك أخبار السفر، والكل عم يضحك ويتحمّس.،،
ــــــــــــــــــــــــــــــــــــــــــــــــــــــــــــ
وبالليل
عالسطح حاطين مفروش قديم، وبالنص طاولة صغيرة عليها ركوة قهوة وفنجانين. أصوات الليل خافتة، وفي ريحة ياسمين جاية من الحديقة. أغيد وأمجد قاعدين متقابلين، كل واحد ماسك فنجانو.
أمجد (ضحك بخفة وهو يمد رجليه): سبحان الله… ولا كأني غبت. كل شي متل ما تركتو. حتى هالمفرش نفسو.
أغيد (بنص ابتسامة): إييي… بس اللي تركتو مو متل اللي رجعتلو.
أمجد (يهز راسو): بعرف… كتير فاتني منكن. كنت قول لحالي: يا ترى أغيد شو صار فيه؟ سارة كبرت؟ أمي لسا بتعيط عالسفرة إذا كبينا نقطة مي؟،،،
أغيد ضحك بخفة، هز راسو كأنو تذكر: لسا هيي هيي… اليوم عالسفرة ما رضيت حدا يمد إيدو قبل ما تقول: "استنّوا… استنّوا صوّر السفرة".
ضحكو تنيناتن،،، لحظة صافية بتكسر كل البعد اللي كان بينهم.
أمجد (بنبرة حنونة): اشتقتلك يا اخَي. كنت مفكر… إذا رجعت بلاقيك متغيّر، بس إنت متل ماتركتك ،،، متغيّر من برا، بس من جوّا لا. عيونك نفسهن،،.
أغيد سكت لحظة، يتطلع ب أخوه، وبعدين يبعد نظرو،،
أغيد (بهدوء):الحياة بتغير… بتكسر شغلات جواتك، وبترجع بتبني شغلات غيرها.،،
أمجد (تنهد):كنت مفكر إني راجع لاقيك مرتاح بعد الزواج… لقيتك متقلّب أكتر. بتحبها؟
أغيد ما جاوب بسرعة. حرك الفنجان بإيديه، نظرة عيونو بتفضح شي بين الحيرة والميل.
أغيد (بصوت واطي): ما بعرف إذا بقدر قول "بحبها"… بس وجودها غيّر فيني. عم حس إني مو لحالي متل قبل… هيك في شي عم يدفّيني.
أمجد (يبتسم ويمد إيدو يضرب كتف أخوه): يعني قلبك عم يلين. منيح… كنت خايف يضل مسكر.
أغيد بتسم ابتسامة صغيرة، اتطلع بأمجد: إنت دايمًا بتفهمني قبل ما أحكي.
أمجد (بمزح):لأني كنت أقرألك أفكارك من زمان، من وقت ما كنتوا تسرقوا تفاح الجيران وتقول لبابا إنو أنا اللي عملتها.
أغيد (نفجر ضحك، ومال لورا): ولك لسا بتتذكر!؟ والله كنت ورطك لأنك الأصغر!
أمجد يضحك ويهز راسو: إي، أنا كنت آخد الضرب، وإنت كنت تهرب ورا أمي.
الضحك تحول لصمت حنون. أمجد يطلع على وجه أخوه، يشوف ملامح التعب.
أمجد (بجدية): أغيد… شو ما صار، أنا جنبك. إذا وقعت، بسندك. إذا تعبت، بسمعك. بس إنت لا تعيش مكسور.
أغيد طلع فيه نظرة طويلة، عيونو فيها امتنان صامت.
أغيد (بهدوء): إنت رجعت بالسلامة ،،، وهاد اللي بهمني هلق،،،، وهلق قوم رتاح ،،،لاحقين نسهر كل يوم هون،،،،
ــــــــــــــــــــــــــــــــــــــــــــــــــــــــــــ
المطبخ مليان حركة: ريحة قهوة وفطور ،، أم أغيد واقفة عالطاولة عم تجهز الصحون، وسارة عم تساعدها وهي فرحانة. رفيف طلعت على شغلا.،،،
أمجد (بصوت عالي): يا صباح الخير عالدنيا كلها!
سارة (تركض عليه): صباح الورد! فايق بكير كالعادة.
أمجد (مزح وهو يرفع إيديه): والله الغربة علمتني انو الصبح إلو طعم غير… خصوصي إذا في مناقيش عالطاولة!
سما( تضحك):لا تاكل هم… عاملة مناقيش بإيدي مشانك.
أغيد دخل بنفس اللحظة، عيونو بعدها ما فارقت التعب، بس أول ما يشوف أخوه بيبتسم رغم حالو.
أغيد : صباح الخير.
أمجد (يقوم لعندو ويضرب كتفو):
صباح النور يا اخَي… قوم فطر معنا، بدنا نرجع نفتح حكي متل زمان.
الكل بيقعد عالسفرة. أمجد مد إيدو عالخبز، بس سارة بتسبقو وتاخدو من تحت إيدو.
سارة (تضحك): لأ لأ… أنا بوزع الخبز اليوم، انت ضيف.
أمجد (مثل الزعل): ضيف؟! أنا الضيف الدائم هالمرة،،،.
الأب (طلع عأمجد ):يا ابني… البيت رجع يضحك من يوم ما دخلت. الله يوفقك، لا تفكر تتركنا مرة تانية.
أمجد (بحماس): ولا بعمري… خلص، هالمرة رجعنا لاخر العمر.
حسام (طلع بأمجد بابتسامة) :أمجد… بدنا رأيك. إحنا كعيلة منحب تكون كل خطوة فيها رضاك. بدنا نخطبلك ليان بنت عمّك، وقلنا قبل ما نطلب رسمياً نسألك إذا بتوافق.
أمجد نزل عيونو شوي، مسك إيده، يحاول يرد لكن صوته واطي: والله… الصراحة… ما بعرف شو قول. ما بدي أجرح حدا ،،، مابعرف شكلا ،،،
سما (تمسح إيدو بحنية): يا حبيبي… نحنا هون عشان نسمع رأيك. ما فيك تقول اي او لا بدون ما تكون مرتاح.
أمجد :" بدي شوفها بعدين بقرر،،،،
حسام:" مابصير هالحكي ،،،، بس نطلب ازا وافقو بتشوفو بعض وبتقررو،،،"
أمجد: يعني… بصراحة،،، اللي منعرفو احسن من اللي منتعرف عليه
حسام بتسم ومد إيدو صوب أمجد:
هيك منحب نسمع. بس أهم شي رضاك، وما فينا نفرض شي.
أمجد (ابتسم):تمام… يعني أنا موافق… بس لازم شوفها،،،و لازم نتعرف.
سما ( بارتياح):الحمد لله… اليوم قلبي ارتاح ،،، كنا خايفين ترفض،،.
امجد:" لا ازا عجبتني البنت ليش الرفض،،، بلعكس القريب ابدا من الغريب،،،
حسام :" لكن رح احكي اخي واخد موعد منو،،،
ــــــــــــــــــــــــــــــــــــــــــــــــــــــــــــــــــــــ
،(رفيف)
رحنا بالليل كرمال طلبة امجد ،،، كنا قاعدين بالصالون،،، والعروس على شوي رح تدوب من كتر الخجل لما عرفت سبب الزيارة،،، كانو عم يتبادلو الاحاديث وعند الرجال كانو عم يطلبو,،،،
ــــــــــــــــــــــــــــــــــــــــــــــــــــــــــــ
حسام: اي اخي متل مابتعرف ابني امجد مسافر من ٦ سنين،،، وهلق راجع وبدنا نخطبلو ونزوجو ،،،
ابو ليان :" نشالله بيتوفق ببنت الحلال ،،
حسام:" نحنا مشان هيك جايين لعنكن وقاصدينكن،،، بدنا نطلب ايد بنتك ليان لابني امجد ،،، على سنة الله ورسوله ،،،
ابو ليان:" والله منتشرف ،،، والنعم منكن ومن امجد،،،، بس امهلوني يومين لحتى شاور ليان واعرف رأيها ،،،
حسام:" عم نستنا منكن خبر،،،
ــــــــــــــــــــــــــــــــــــــــــــــــــــــــــــ
بعد كم يوم ردو الموافقة ،،،راحو حماتي وامجد كرمال يشوف العروس ،،، وازا تم النصيب رح تصير الخطبة بهالاسبوع،،،
كنا سهرانين انا وسارة عالاسطوح ،،، حاطين المتة والنقاريش وعم ندردش،،،
سارة (بضحكة):" هلق اخي بكون وجهو احمر متل البندورة،،"
رفيف:" مابظن ،،، العريس مابيخجل قد العروس،،،
سارة:" اغيد وقت شافك ماخجل؟،،
رفيف:" نحنا شفنا بعض بمكان عام ،،، هاد غير اني من الاساس بشوفو كل يوم لاغيد ،،، ف كان الموضوع عادي،،،
سارة:" شو كان شعورك وقت طلبك اغيد،،،
،(هون وصل اغيد لعندن ووقف يسمع شو بدها ترد)
رفيف:" عادي متل ايا صبية اجاها عريس ،،،
سارة :" يعني كنتي مبسوطة؟،،
رفيف (مبتسمة بخجل):" اييي شعور حلو اجاني وقتا ،،،، وخاصةً انو اغيد حلو وجذاب ومناسب الي ،،،
سارة:" اعترفي اعترفي ،،، عم تقولي عن اخي حلو،،،"
ضحكت رفيف: وانتي شو رأيك ،،"
سارة:" والله اخي حلو وانتي كمان بتجنني،،"
رفيف:" تسلميلي ،،،احلى بنت احما بالعالم والله،،،"
سارة(بغرور):" اييي عرفو قيمتي،،،
رفيف:" ييي نفشت ريشاتا ،،،،
اغيد:"احم احم،،، انتو هون،،
سارة:" اي اخي تعا مافي حدا ،،،، انا بدي انزل صلي ماصليت ،،،،باي،،
تركتنا لحالنا ونزلت ،، قرب اغيد وقعد مقابيلي ،،،
أغيد:" بلاقيكن متفقين انتو التنتين،،،
رفيف:" اي حبابة سارة مافي منها ،،،
أغيد:" وانا شو،،"
رفيف:" انت شو،،"
أغيد:"ماني حباب،،
رفيف:" انت ادرى مابعرف،،،
اغيد :" بتعرفي سارة ومابتعرفيني،،،
رفيف:" لا،،، ماتعرفت عليك لسا،،،
أغيد:" راح عليكي كتير لكن ،،،
رفيف:" كانك راجع تنفش ريشاتك قدامي،،،،
اغيد(بضحكة): هاد مو نفش ،،، هي ثقة بالنفس،،،
رفيف:" اممم قلتلي،،،
ــــــــــــــــــــــــــــــــــــــــــــــــــــــــــــــــــــــ
رجعو عالبيت وامجد طاير عقلو ب ليان ،،،
سما:" شو امي شلون لاقيت العروس ،،،
امجد:" وين كانت مخباية هي ،،، لك مو حلوة وبس ،،، ايي بتجنن،،
حسام:" يعني نقول مبروك،،،
امجد:" اي اي باركولي ،،، والله من جهتي موافق وببصملكن بالعشرة ،،،،
سارة:" ولك لولولولولييييش ،،، اخي عريس ياناس ،،،
امجد(بضحكة): " اي كتريلي منها ،،، بدي حس بالفرحة ،،،
سما:" تقبرني نشالله ،،، والله ماتوقعت توافق بهالسرعة،،،،
امجد:" بعيد الشر عن قلبك ،،،الله يخليلنا ياكي ويطول بعمرك ،،،
حسام:" معناها بكرا منروح منكتب كتاب شيخ ومنتفق عالمهر،،،"
سما:" معناتو عنا شغل كتير بكرا،،،
حسام:" اي قومو عالنوم مشان تفيقو بكير،،،"
ــــــــــــــــــــــــــــــــــــــــــــــــــــــــــــــــــــــ
تاني يوم كانت التجهيزات حافلة امجد وامو من الصبح بالسوق ،،، جابو الحلو والورد والشوكلا ،،،، ورجع امجد راح عالحلاق وبعدين راح عالبيت يلبس ويزبط حالو ،،،
رفيف واغيد رجعو عالبيت بكير كمان ،،، جهزو حالهن وراحو كلهن على بيت العروس،،،
ــــــــــــــــــــــــــــــــــــــــــــــــــــــــــــــــــــــ
الرجال كتبو الكتاب والنسوان زلاغيط ومباركات ،،، وبعد كتب الكتاب راحو الضيوف وماضل غير امجد وامو وسارة ،،،دخل امجد لعندن بما انو نكتب كتابهن،،،. سارة تطلع على أمجد وتضحك:يا سلام… أخي صار عريس رسمي!
ليان مبتسمة، عملت نظرة لأمجد بخجل وفرح. وأمجد بتسملها، وحنا راسو بخفة،...
سما، تضحك، وتقول: الحمد لله… الله يديم فرحتنا يارب ويكملها معنا بالهنا،،،
، الجو مليان دفا، وأصوات الضحك والفرحة عمت البيت.،،،،
ــــــــــــــــــــــــــــــــــــــــــــــــــــــــــــ
كنت عم حاكي امي واطمن عنهن ،، ماعم يصحلي زورهن كتير بسبب الشغل والبيت ورجعة امجد ،،،،وقت نادالي اغيد سكرت ورحت شوفو ،، كان بالمطبخ عم يعمل قهوة ،،،،
رفيف:" ناديتلي،،،
اغيد:" عملت قهوة وحاسب حسابك،،،
رفيف(قعدت):" يسلمو،،
خلص وقعد مقابيلا عالطاولة ،،
اغيد:" كيف الحمل،،
رفيف:" الحمدلله منيح،،
اغيد:" وعم يتحرك ،،،
رفيف:"اي بيتحرك بس مو كتير ،،،
اغيد:" وايمتا منقدر نعرف شو معك،،
رفيف:" وقت روح عالدكتورة ببين ،،
اغيد:" فينا نروح بكرا،،، حابب كتير شوفو،،
رفيف:" طيب،،، بحجز موعد ومنروح ،،
أغيد:"شو بتتوقعي ،،صبي ولا بنت،،
رفيف : بتوقع صبي ،،وانت ،،
اغيد:" بتوقع بنت ،،، لانك حليانة ،،مو بقولو ام البنت بتحلا،،وانتي حليانة كتير،،،
رفيف: عم تجاملني هلق،،،.
اغيد:" ابدا هي الحقيقة،،
رفيف:" بس ماكان هيك رأيك فيني ،،، كنت بنظرك البنت المسترجلة ،،، اللي مابشبه الانثى بشيء،،
اغيد: اي ماكنت بشوف ،، كنت اعمى ،،،
رفيف: شو صاير معك اليوم،،
أغيد:" ماصاير شي ،،،طبيعي ،،
كنت متفاجئة من كلامو ،،، هي اول مرة بيحكيني بهالطريقة،،، بيمدح جمالي ،،، وبلاطفني بالكلام ،، ما كنت قدرانة سدق انو اللي قدامي هاد اغيد ،،، خايفة احكيلو عن مشاعري ويرجع يكسرني من جديد ،،، لسا لهلق مااسترجعت نفسيتي اللي دمرها ،،، ما بقدر سلمو قلبي بهالسهولة
ــــــــــــــــــــــــــــــــــــــــــــــــــــــــــــــــــــــ
تاني يوم اخدت موعد وكان العصر ،،، وداني اغيد عالشغل وراح على شغلو ،،،، كنت عم اشتغل لحتى صار وقت الدكتورة مر اغيد واخدني ،،،
،(اغيد)
كنت على اعصابي كل النهار ،،، الفرحة مو واسعتني ،،، عم فكر شو ممكن يكون معها رفيف ،،،ماسدقت صار الوقت كرمال نروح ،،،كنت كل الطريق وزع ابتسامات لحتى وصلنا وفتنا بدورنا،،،
كانت الدكتورة عم تفحص رفيف وانا متأثر ،،، صوت دقات قلبو هزلي مشاعري ،،، عيوني مدمعين من هااللحظة ،،،
الدكتورة :" بتحبو تعرفو شو جنس البيبي ،،،
رفيف(مدمعة):" ايي،،،
قربت للدكتورة واشرتلا انو ماتحكي وتتركها مفاجئة ،،،
بعد ما فحصت وعرفت حكت،،،
الدكتورة :" مابين معي ،،، بس تجي المرة الجاية ان شاء الله ببين شو معك،،، هلق رح اكتبلك هالتحاليل عمليهن وبتجيبيهن بالشهر السادس ،،
اغيد(بقلق): تحاليل شو دكتورة ،،، بين معك شي،،
الدكتورة:" تحاليل روتينية ،،، مافي شي،،، كل حامل منطلب منها تعملن ،،، كرمال نعرف شو نوع الولادة،،، وان شاء الله كل امورك طبيعية ،،،مابتحتاجي عملية،،،
رفيف:" ماشي دكتورة ،،يعني اعمل التحاليل وارجع بالشهر السادس ،،،
الدكتورة:ايي ،،، ديري بالك على حالك ،،، لا تبردي لاتنمغصي ،،، لا تتعبي ،،، وكلي اكل مفيد كرمال البيبي ،،، وبعدي عن الملح والسكر ،،، لاتكتري منهن مو مناح بالحمل،،،.
رفيف:"اي ماشي تمام،،،
ونحنا طالعين عطت اغيد ورقة التحاليل ،،
رفيف:" عطيني الورقة لشوف شو هنن التحاليل ،،،
أغيد:" هلق خليني وصلك عالبيت بعدين بعطيكي ياها،،،،
،" وصلنا عالبيت ونسيت الموضوع،،، كان بدي اعملا ياها مفاجأة ،، بدي عوضها عن الحزن تبعها،،، وبدي حاول اكسب قلبا ،،،
ــــــــــــــــــــــــــــــــــــــــــــــــــــــــــــــــــــــ
،(رفيف)
تاني يوم طلعت عالشغل مع أغيد ،،،، وكنت نسيانة موضوع التحاليل،،، اغيد حاسستو هالفترة عم يحاول يتقرب مني ،،، بس مابقدر سلمو قلبي،،، واحكيلو اديش انا بحبو ،،،، مستحيل،،، هو لسا بحب نور ،،، يمكن عم يتقرب مني لينسا شو عملت نور بدون علمو،،، عم يحاول يعاقبها هي وميتة،،،، وبس يصحا على حالو رح يتركني ويمشي،،، وقتا رح كون مكسورة اكتر من هلق ،،، انا ماسدقت غيرت نفسيتي عن الشي يلي عملو،،،،
ــــــــــــــــــــــــــــــــــــــــــــــــــــــــــــــــــــــ
كان اغيد عم ينسق مع امو كرمال المفاجأة ،،، ووصى عالكيك كرمال تاني يوم،،،،
سما قاعدة عالطاولة، عم تكتب لائحة الغراض. وأغيد قاعد قدامها، ماسك ورقة وقلم.
سما (بحماس):اسمع يا ابني، إذا بدنا نعملها مفاجأة لازم كل شي يكون جاهز ومخبى،، رفيف ما لازم تحس على شي.،،،
أغيد (هز راسو): معك حق … أنا رح اهتم بالكيكة والبالونات. بدي شي يفرّح قلبها.
سما: والكيكة؟ بدك تجيبها فيها لون من جوّا؟ أزرق ولا زهري؟
أغيد (بابتسامة صغيرة): حكيت مع الدكتورة… النتيجة واضحة،،،. رح خلي جوّا الكيكة حشوة باللون،، مارح قلك شو رح خليها مفاجئة للكل،،،
سما (ضحكت):" يا عيني! هيك صارت المفاجأة للكل…بس اهم الشي رفيف تنبسط فيها،،،،
أغيد:" نشالله ،،، كل هالحفلة كرمال فرحها والله،،،
أم أغيد (هزتلو براسها):لازم تعزم حماتك وريم… بس أهلها القريبين. الجو هيك بيضل رايق.
أغيد:" تمام. خلص، أنا رح أهتم بالزينة وبطلب الكيكة، إنتي عزمي الضيوف بلا ما تعرف رفيف.
سما (قربت من ابنها، ومسحت على كتفو بابتسامة حنونة): الله يرضى عليك يا ابني… بعرف قلبك مو سهل ينفتح، بس صدقني، هالحفلة رح تفرّح رفيف كتير وتقرّبكن من بعض،،،
أغيد سكت لحظة، اطلع بأمه بابتسامة خفيفة، كأنه عم يحاول يخبي مشاعره: إن شاء الله امي… إن شاء الله،،،.
*يـــــــــ͢ـོ͓ـــتبــــــــــــــོـ͓ـــ͢ــ؏*
➖➖➖➖➖➖➖➖➖
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h```