الفصل 10
*قـصـص وروايـات عـالـمـيـة💙📚📖*
*بإدارة* *يـامـن💙*
*❴📖❵↵* *حب.ساحر.tt* 💙🖇️
*❴🔢❵☟الـــبـــــــــــ❴0️⃣1️⃣❵ــــــــــــارت☟*
➖➖➖➖➖➖➖➖➖
*
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h```
➖➖➖➖➖➖➖➖➖
حب ساحر
(الجزء العاشر)
"بقلمي مرام
رح يصرلنا قريب الشهرين متزوجين ،،،اغيد نادراً لشوفو،، كان يجي اخر الليل ،،ويطلع تاني نهار بكير ،،،كان الموضوع صعب عليي ،،،بس انا خترت هالحياة،،،
انا استأجرت محل وبلشت بالتصاميم،،،اخترت اشطر الخياطين ،،وكنت اطلع عالشغل من بكير اشرف عالتصميم بنفسي وهنن يزبطو الخياطة والتطريز ،،،
مابقيان كتير وقت للمسابقة ،،،لازم كون جاهزة قبل وقت كرمال التصوير والعارضات،،،
،"كنت راجعة اليوم بكير عالبيت،،،كان بدي رتب الصالون جاييني ضيوف المسا،،،كان بابا بدو يسافر يخلص امور شغلو،،، هي آخر سفرة وبدو يستقر هون بعدين،،،كنت عازمتهن عالسهرة توديعة لبابا،،،وصلت عالبيت روقتو ونادتلي سارة عالقهوة،،،
كتبت رسالة ل اغيد كرمال يجي بكير ونزلت لبيت عمي ،،،
رفيف: السلام عليكم ،،"
سما_سارة:"وعليكم السلام ورحمه الله
سارة:"تفضلي فنجانك رح يبرد،،"
رفيف:"يسلمهن ،،"
،"كنا قاعدين عم ندردش سوا ونضحك ،،،واجت سيرة الاولاد،،"
سارة:،،"لو تعرفي شو بحب الولاد ،،،بطير عقلي بس شوف بيبي صغير،،"
رفيف:،،"وانا بحب الولاد،،،بتفرج عالصور وبيغرفو قلبي،،،لو شوف بيبي عالحقيقة باكلو،،"
سارة:"ليش مابتشوفي عالحقيقة،،"
رفيف:"نادراً لشوف بيبي ،،،،عيلتنا كلهن كبار ،،،لهيك مابشوف،،"
سما:"ان شاء الله بكرا بتجيبي انتي وبتشبعي الولاد،،"
رفيف:"ان شاء الله ،،"
سما:"بتحبي منروح عالدكتورة بتفحصي وبتطمني،،"
رفيف (بلبكة):اي بروح بس هلق مو مستعجلين،،"
(شكت سما بشي)
سما:"سارة قومي اجلي الجليات ،،،ماتخلي الجلي يتراكم ،،"
سارة:،،"حاضر ،،"
(الله يبعت سارة لكل الامهات🤲😂)
"راحت سارة وقربت سما جنب رفيف"
سما:،،"رفيف ،،،لا تقولي عم اتدخل بخصوصياتكن ،،،بس قلبي حاسسني انكن ماتزوجتو،،"
(رفيف)
"تبلكمت ماعاد عرفت جاوب"
سما:"يعني مزبوط،،انتو كل واحد بغرفتو ،،"
(نزلت راسي ووجهي احمر ومو قادرة رد عليها بشي)
سما:،"طيب لايمتا رفيف،،،هو فهمنا حزين على مرتو،،،بس انتي شو،،،ليش ساكتة لهلق ،،، زبطي الوضع من عندك،،،بادري،،"
رفيف:"مابقدر بادر ،،، في حاجز بيننا ،،،انا مابقدر اتخطاه،،"
سما:"انتي عاجبك وضعك هيك ،،"
رفيف:"شو اعمل،،،"
سما:"طالبي بحقوقك ،،،لفتي نظرو بأي طريقة،،،كوني عفوية ،،،سدقيني رح تجذبيه بالعفوية تبعك،،"
رفيف:"انا اصلاً ما عم شوفو ،،،وقت بيجي مابيطلع من غرفتو غير للضرورة،،"
سما:"انتي اليوم تزيني عالخفيف وكوني عفوية ،،،وانا رح شوف شغلي ،،"
رفيف:"اغيد لو عرف اني قلتلك رح يعصب،،"
سما:"اتطمني مارح خبرو "
رفيف:"طيب ،،،انا رح اطلع مابقا وقت ليجو اهلي "
سما:"متل ماوصيتك ها،،،مع السلامة ،،"
اطلعت لبيتي وقعدت فكر ،،،هية معها حق ،،لازم بادر ،،،بس كيف لو رفضني ،،،
"وصل اغيد عالبيت"
اغيد:"السلام عليكم"
رفيف:"وعليكم السلام"
اغيد:" انا رح بدل تيابي قبل مايجو ،،، بدك ساعدك بشي،،،"
رفيف:"لا شكراً ،،جهزت كلشي،،"
(اغيد)
صرلي شهرين متزوج ،،،فكرت الموضوع رح يكون اسهل من هيك،،،فكرت وقت اتزوج رفيف رح كون مبسوط،،،نحنا متفقين زواج عالورق ،،،بس قلبي كان الو رأي تاني،،،مابعرف كيف كنت عم انجذب الها ،،، قللت وقتي بالبيت ،،،بركي بيهدى قلبي شوي،،،عم حاول اقنع حالي اني بحب نور وبس ،،،بس المشكلة وقت شوفها قلبي مابتهدى دقاتو،،،فتت عالبيت كانت قاعدة بالمطبخ وشاردة،،،مابعرف وين كان مخبى عالجمال ،،،كنت شوفها مسترجلة ومافيها ذرة انوثة ،،،بس هلق متأكد اني كنت غلطان ،،،دخلت لغرفتي بسرعة كرمال نظراتي ماتفضحني،،،،هية مجبورة عليي ،،،ياترى معقول حبت خطيبها الاول ،،،، لحتى تزوجت هيك زواج ،،،ماكان بدها تتزوج زواج حقيقي،،،،انا مستحيل بادر ابداً
وصلو بيت عمي وطلعت سلمت عليهن وقعدت معهن نتبادل الاحاديث ،،،،
حازم:"شو اغيد شلون رضاك عن رفيف،،،"
(رفيف: حط ايدو على كتفي وحسيت كهربا مشيت فيني)
أغيد:"مافي منها رفيف ،،،جوهرة،،،"
حازم:"الله يهنيكن ويسعدكن ،،"
اغيد:"اديش رح تغيب هالسفرة،،"
حازم: مو مبين بس مو اقل من ٣ شهور،،،بتعرف اوراق وشغل بدو وقت،،
اغيد:"الله ييسرلك ،،،وانا هون بزبطلك اوراق الشغل ،،،عندي معارف كتير ،،"
حازم:"ما بدي غلبك،،"
اغيد:"لا ولو ،،،مافيها غلبة ،،،"
حازم:"الله يرضى عليك ،،"
،"وبعد ماراحو نادت مرت عمي لاغيد،"
ــــــــــــــــــــــــــــــــــــــــــــــــــــــــــــ
سما:"اغيد بدي اسئلك ،،
اغيد(باهتمام):"اي يامو تفضلي"
سما:"كيف علاقتك برفيف"
اغيد:"الحمد لله منيحة"
سما:"لكن ليش ماعم تاعد بلبيت"
اغيد:"ليكني بالبيت من ساعتين "
سما:"عم تسلبها عليي،،،الاعمى بشوف انك ما عم تلفي على بيتك لنص الليل ،،،بنت الناس مو لعبة عندك ،،،لايمتا بدها تتحمل تطنيشك الها،،"
أغيد:"امي نحنا مبسوطين ،،،لا تاكلي همنا ،،،سدقيني نحنا مرتاحين،،،
سما:"لا مو شايفة هيك،،،انتو مو رايقين ،،، ليش هيك عم تعمل ،،،كرمال شو ،،"
أغيد:"خلص امي بترجاكي خلص،،،تركيني دير اموري ،،،
سما:"طيب اشرب كاسة هالعصير وطلاع لبيتك ،،"
،(سما لنفسها:يارب تسامحني ،،،كل هاد لمصلحة ابني ،،،لازم يكسر الحاجز بينو وبين رفيف )
بعتت لرفيف عالواتس: متل ماقلتلك اليوم حاولي تتقربي منو،،،
ــــــــــــــــــــــــــــــــــــــــــــــــــــــــــــ
،(رفيف)
كنت قاعدة بالمطبخ ،،ضبضبت الضيافة ورجعت على غرفتي ،،،شفت رسالة مرت عمي،،،شو بدي اعمل ،،،صعب عليي اتقرب منو ،،،سمعت صوت الباب ،،،رجع اغيد من عندا ،،،
البيت هادي، الضو خافت،. أغيد دق الباب
رفيف :تفضل "
دخل بهدوء، عيونه شاردة، وكأنه لأول مرة عم يشوفها بدون أي ضغط.
رفيف لتفتتلو، قلبها عم يخفق بسرعة، وحست بشي غريب : ،
.
أغيد قرب منها ببطء، ونبرة صوته هادية:
"رفيف… خلينا نكون هون لحظة… لحالنا."
رفيف تجمدت للحظة، :
الخطوة الأولى،،، والهدوء سيد الموقف،، وكل شعور قديم بالغصب صار بعيد.،،،،
ــــــــــــــــــــــــــــــــــــــــــــــــــــــــــــ
صحي أغيد الصبح، عيونه مليانة صدمة، طلع حواليه… اكتشف إنه نايم جنب رفيف، وكل شي صار الليلة الماضية واضح قدام عيونو فجأة. شعوره متناقض:مو عارف شو بدو ،،،،يكفي مع رفيف ،،،يلي مابيعرف قلبها مع مين،،،،،ولا ينسحب من هالزواج كرمال روح نور،،،،
وقف بسرعة وطلع من البيت قبل ما تصحى رفيف...
ــــــــــــــــــــــــــــــــــــــــــــــــــــــــــــ
(رفيف)
صحيت الساعة ٩ مابعرف شلون راحت عليي نومة ،،، ماكان اغيد موجود بالبيت ،،،،رفيف (بهمس لنفسها):
– راح؟! لوين؟! نزلت دمعة غصب عنها.
:
– كنت متوقعة أصحى وألاقيه جنبي… كلمة، نظرة، أي شي. بس لقيت حالي لحالي. يمكن ما رح ينسى مرتو… يمكن أنا رح ضل غريبة بقلبه.
تنهدت، ومسحت دموعها ، .
وقفت عالشباك، تطلع عالشمس،بعيونها حزينة(لازم كفي طريقي،،،مارح وقف هون واحزن،،،،عندي مسابقة بدي حضرلا )،،
ــــــــــــــــــــــــــــــــــــــــــــــــــــــــــــ
جهزت حالها وطلعت عالشغل ،،، كانت كل النهار عم تفكر ،،،ماعم تركز بشغلها من التفكير،،،، مارجعت عالبيت للمغرب ،،،،توقعت اغيد يكون بالبيت ،،،بس كالعادة ،،،،مارح يرجع لنص الليل ،،،
وانا طالعة عالدرج شفت مرت عمي ،،
سما:"اهلين رفيف،،،تأخرتي نشغل بالي ،،،
رفيف:"بتعرفي المسابقة قربت ولازم نلحق نجهز،،"
سما:"طلعي رتاحي وانا بالسهرة طالعة شوفك ونحكي،،،
رفيف:"اهلا وسهلا ،،،"
ــــــــــــــــــــــــــــــــــــــــــــــــــــــــــــ
طول اغيد برا البيت ،،،،عالساعة ١٠ طلعت مرت عمي ،،،
سما:"عملتي متل ماقلتلك مبارح ،،"
رفيف:"مابعرف شو قلك ،،،كان اغيد غريب مبارح ،،،،كانت تصرفاتو غريبة،،"
سما:"يعنييي،،،
بهالوقت اجا اغيد وماحسو عليه ،،،وقت سمعهن عم يحكو بالموضوع وقف يسمع،،،
رفيف (بدموع):"ما بعرف شو صار ،،،،وقت اجا كان عم يتقرب مني ،،،،بس وقت فقت ومالاقيتو حسيتو ندم،،،،ماكان لازم يترك البيت ويطلع ،،، مشاعري مو لعبة عندو،،، ازا لسا بدو يبقى على ذكرى مرتو لا يتقرب مني،،،،
سما:"انا عطيتو دوا ،،،بخليه يتصرف بدون مايفكر،،،
رفيف:"ليش ،،،
سما:"لانو مالازم تضلو هيك ،،،،الك حقوق عندو،،،،،،،،"في شي اغيد مابيعرفو ،،،مابعرف ازا لازم قلو ،،،حقو يعرف مين السبب بموت ابنو ،،،، يمكن يصير الكن فرصة مع بعض
رفيف(مسحت دموعا وحكت باهتمام):ليش مو قضاء وقدر،،،
سما:"هلق طبعاً مالو نصيب يجي عهالدنيا،،،بس السبب كان نور،،،
رفيف:"كيف"
سما:"ماكانت بتعرف انها حامل واخدت حبوب مانع للحمل،،، صار عند الجنين تشوه وصار خطر عحياتها تجيبو ،،،
رفيف:" ماكان بدها ولاد؟"
سما:"كانت خايفة من المسؤولية ،،،،واخدت الحبوب بدون ماتخبر اغيد،،،
رفيف:" بس لازم اغيد يعرف،،،
سمعنا صوت طبشة الباب قوية ،،،نقزنا،،،،وقفت شوف ازا اجا اغيد ،،،،بس شميت ريحة عطرو عند الباب،،، وقت سمعت صوت سيارتو عرفت انو سمعنا ،،،،رجعت للغرفة،،
رفيف:"يمكن اغيد سمع حكينا سوا ،،،
سما (بخوف):" وين بدو يكون راح بهالليل ،،،
رفيف:"مابعرف ،،،رح دقلو ،،،
حاولنا كتير ندقلو بس ماكان في رد،،،نزلت مرت عمي تحكي لعمو حسام يدور عليه،،،،
ــــــــــــــــــــــــــــــــــــــــــــــــــــــــــــــــــــــ
(اغيد)
كنت راجع على بيتي ،،،لازم احكي مع رفيف،،،من الصبح عم حاول رتب افكاري ومشاعري،،،، لازم اعرف مشاعرها تجاهي،،، ماكان لازم اتصرف بأنانية ،،،، وقت وصلت كان هدوء بالبناية فدخلت بهدوء كرمال ما ازعجهن ،،،بس ستوقفني الحديث اللي كان داير بينن،،، شكلا رفيف مزعوجة مني ،،،حقها ،،،نحن متفقين ،،،كنت رح فوت للصالون بس وقت سمعت السر،،، جمدت ،،، وكأنو حدا لطشني بالكف ،،،، ماعرفت كيف طلعت من البيت ،،،،ركبت بالسيارة ومشيت ،،،مابعرف لوين رايح،،،،بس بدي انسى اللي سمعتو،،،،شاشة الجوال
كانت عم تضوي كل الوقت ،،،،بس انا مو قادر رد،،،شو بدي قلن ،،، ليش خبيتو عليي هالموضوع،،،،شو بدو ينفع العتاب،،،
ــــــــــــــــــــــــــــــــــــــــــــــــــــــــــــــــــــــ
كان الكل مستنفر كرمال اغيد،،،،عمي راح عالقل يدور،،،،وطلال راح عالمكتب ،،،، ورجعو دورو عند قبر نور ،،،،مالو اثر،،،، وماعم يرد علينا،،،،،
بعد ما يئسنا نعرف وينو بعت رسالة مختصرة (انا بالمدينة تركوني ريح راسي)
ــــــــــــــــــــــــــــــــــــــــــــــــــــــــــــــــــــــ
مر ٤ شهور ،،،،مارجع اغيد،،،استقر بالمدينة ،،،شافو عمي مرة وحدة من وقتها،،،،طلب منو يتركو براحتو ،،،،لحتى يستجمع افكارو ويرجع ،،،، حكيت لاهلي انو مسافر كرمال الشغل،،،،
كنت عم حاول خلص اكبر عدد من التصاميم ،،،بطني بلش يكبر ،،،وبكرا عالولادة رح وقف شغل فترة ،،،بدي كون ملحقة،،،،،اغيد مابيعرف اني حامل لسا ،،،،ما حبيت يعرف من حدا ،،،،وتركوني على راحتي،،،،كنت عم استنا يرجع ،،،،او عالاقل يحكيني ،،،،مو يتركني هيك بدون تفسير لتصرفو،،، لهالدرجة مو قدران يتقبلني بحياتو ،،،، كنت راجعة من شغلي تعبانة ،،،فتت عالبناية وندهتلي حماتي،،،
سما:"رفيف طلعي بدلي تيابك ونزلي تعشي هون"
رفيف:"مافي داعي ،،،لا تتغلبي،،"
سما:"متل ماقلتلك ،،،مافي غلبة ولا شي،،
رفيف:"ماشي "
طلعت بدلت تيابي وغسلت ونزلت،،،بالرغم من انو بحب اليبرق بس ماقدرت اكل كتير ،،،دوبي اكلت كم ورقة وشبعت،،،
سما:" كلي منيح رفيف ،،لتكوني ماحبيتيهن،، بدك تاكلي ازا مو كرمالك كرمال البيبي،،"
رفيف:"طيبين كتير يسلم ايديكي ،،،بس ماعم اقدر اكل،،،دغري معدتي بتوجعني،،،
سما:"يلي بشوفك مابقول حامل،،، كل مالك عم تنحفي،،،شلون بدو يتغذى البيبي ،،،
رفيف:" عم اجبر حالي عالاكل ،،،ماعم اشتهي اكل شي ،،
سما:" النفسية بتلعب دور ،،،ازا رجع اغيد رح تتحسن نفسيتك ،،، لازم اغيد يعرف انك حامل،،،لايمتا رح تضلي مخبية،،، بكرا بس تولدي منقلو تعا شوف صار عندك ولد،،،
رفيف:" لازم يتصل يسئل عني اول،،،، بدكن خبرو وهو راح بدون مايحكي شي،،،، الذنب ذنب نور ،،،انا مو ذنبي انو خسر ابنو ،،، بس هو راح وماطلع وراه ،،،ماقال هي مرتي ،،،،مسؤوليتي،،، (دمعو عيونها)صرلو ٤ شهور غايب ،،،،ما فكر يتصل فيني ،،،،او حتى يبعت رسالة صغيرة يتطمن عن احوالي،،،
حسام:" لا تلوميه يا بنتي ،،،،صح تصوفو غلط،،،، بس كمان الشي اللي عرفو مو قليل،،،، بدو وقت كرمال يسترجع افكارو ويرجع يبدا من جديد،،،،
رفيف:" ٤ شهور ماكفوه يسترجع افكارو،،،
حسام:" هو بعتلك ظرف الصبح ،،،مابعرف شوفيه،،،بس بظن بلش يرجع اغيد اللي بعرفو،،،،
،(عطاني الظرف كان حجمو متوسط ،،،ومو مبين شوفيه،،،كان مغلف بطريقة مرتبة ،،،وكأنو هدية،،،)
اخدت الظرف وطلعت على بيتي لارتاح ،،،كنت عم اتطلع بالظرف ومو قادرة افتحو،،،، ياترى شو باعتلي،،،فتحتو شوي شوي ،،،،وهون كانت الصدمة ،،،،باعتلي مصاري ،،،،دورت على ورقة ،،،او شي رسالة،،،،بس مالقيت شي ،،،، هي اول مرة بيبعت شي من اربع شهور،،،، شو شايفني بعازة للمصاري بس ،،،،مو محتاجة شي غير مصاري،،،،كانو دموعي عم ينزلو بصمت ،،،،،حتى مو قادرة ابكي ،،،،،انا خترت عيش هيك ،،،،كنت بعرف انو الحياة رح تكون صعبة ازا تزوجتو ،،،،،بس كانت اصعب من ما توقعت ،،،
ــــــــــــــــــــــــــــــــــــــــــــــــــــــــــــــــــــــ
ستنيت لحتى طلع الصبح ،،،ونزلت احكي مع عمي،،،،كان طالع على شغلو،،،
رفيف:"صباح الخير عمو ،،"
حسام:"صباح النور،،،مبكرة اليوم عالشغل،،،
رفيف:" مو طالعة عالشغل ،،،بدي منك عنوان اغيد،،،،
حسام:" خليني احكي معو يجي ،،،، مارح امن ابعتك لحالك عالمدينة ،،،
رفيف:" انا حابة روح لعندو ،،،وبدون مايعرف،،،، حابة نحكي شوي ،،،،
حسام:" طيب خليني وديكي انا،،"
رفيف:"عمو انا واعية مو صغيرة،،،،حابة روح لحالي ،،،،في موضوع لازم نحكي فيه،،،
حسام:" طيب ،،"
ــــــــــــــــــــــــــــــــــــــــــــــــــــــــــــــــــــــ
،(رفيف)
كنت راكبة بالمكرو ورايحة للمدينة،،،،ماعرفت نام منيح بسبب التفكير،،،،كان القهر معبي قلبي ،،،،بس بدي وصل،،، عم رتب الكلمات براسي،،،شو رح قلو ،،،، لازم هو يجي لعندي،،، هو تركني مو انا ،،،،
وصلت للمدينة وبلشت اتنقل من مكان لمكان ،،،لحتى وأخيراً لاقيت البناية ،،،كانت البناية فخمة والشارع كان حلو ،،،،الشجر محاوط كل بناية من الجهتين،،،،كان تنسيق البنايات حلو،،، وقفت اتطلع عالبناية من برا،،،،وجواتي تردد ،،،كمل لجوا،،، ولا ارجع من مكان مااجيت،،، هو عايش حياتو ومو مفكر فيني،،، ليش لحتى اجي انا لعندو ،،،، قطعلي افكاري صوت،،،
أغيد:"رفيف...؟"
فتلت لعندو وشفتو ،،، كنت ساكتة ،،،مو عارفة شو احكي،،
أغيد:"شو عم تعملي هون لحالك،،
رفيف:" اجيت شوفك،،"
اغيد(مستغرب): اهلا وسهلا ،،،خلينا نطلع منحكي فوق ،،،
،(كنت راجع بكير اليوم ،،،هون ما إلي اسم كبير متل بالضيعة،،، لسا ماعندي قضايا كتيرة ،،، مو معروف كتير،،،، صفيت سيارتي بمكان المصف ونزلت ،،، شفت وحدة بتشبه رفيف،،، كانت عم تتلفت عالبنايات،،،وقت قربت اكتر حسيت بالهالة تبعتها وناديتلا ،،،وقت فتلت لعندي ،،،،حسيت الكون جمد قدامي،،،كانت نظراتها إلي حزينة ،،،، وكأنها عم تعاتبني بدون ماتحكي شي ،،، طلعنا سوا بالمصعد وكان الصمت سيد الموقف ،،،، وصلنا للشقة ودخلنا،،،
أغيد:" تفضلي ،،،
دخلتا للصالون ورحت جبلا مي ،،،اكيد بتكون عطشانة بعد طريق طويل،،،
،(رفيف)
كنت عم اتفرج عالشقة ،،، كانت صغيرة بس حلوة ،،،،ومرتبة،،،
أغيد:" رح اطلب اكل ،،، شو بتحبي اطلبلك،،
رفيف:" مو جوعانة ،،،
أغيد:" قطعتي مسافة طويلة واكيد بتكوني جعتي،،،
رفيف: اكلت عالطريق ،،،
أغيد:" طيب متل ما بدك ،،، ليش اجيتي لهون ،،
رفيف(طالعت الظرف من الشنتة وحطتو عالطاولة جنبا):"اجيت كرمال احطيك هدول،،
اغيد(متفاجئ):" بس هدول مصروف الك،،، مشان ازا احتجتي شي ،،
رفيف: هلق،،،، بعد اربع شهور تزكرت اني ممكن احتاج شي ،،،
أغيد:" انا بعتزر رفيف،،، بس ماخطرلي ابعت قبل هلق،،،،
رفيف:" اي خليهن الك،،، بتعتازهن،، انا مو بعازة هالمصاري،،،
،(سكتو شوي بعدين نطقت)
رفيف(بهدوء):" انا حامل،،"
،"ضل ثواني يفكر بكلامها لحتى استوعب،،،
أغيد (تفاجئ):" شوو،،،، انتيييي ،،،حامل،،، متأكدة،،
رفيف:اي ،،، حامل بالشهر الرابع،،
أغيد:" ليش ما خبرتيني ،،،حقي اعرف اني رح صير اب،،
رفيف:" وكيف بتحب خبرك ،،،، وانت حتى اتصال مااتصلت فيني،،، لك رسالة صغيرة مابعتتلي ،،،وهلق بدك تحاسبني اني ماخبرتك،،،
أغيد:" يعني لو مابعتلك المصاري ونزعجتي ماكنت عرفت بحملك للولادة،،،
رفيف:" يعني كنت ناوي تضل مستقر هون ،،،ماكنت ناوي ترجع ،،
أغيد:" اكيد لا،،، بس كنت عم ريح راسي من الضغط،،،"
رفيف:" كنت موجعتلك راسك،،، كان جاييك ضغط من ناحيتي،،،
أغيد:"انا ماقلت منك،،،"
رفيف:" بس تصرفاتك هيك بتقول،،، كنت تتواصل مع عيلتك ،،،،يعني البعد كان بس عني،،،
أغيد:"انتي كنتي مشغولة ،،"
ضحكت بتهزيئ : هي حجة ،،، بكل الاحوال متل ماقلت ،،،انا مشغولة،،،مارح عطلك اكتر من هيك،،،
أغيد:" مارح خليكي ترجعي هالطريق لحالك،، بخاف عليكي الضيعة بعيدة ،،،
رفيف:"ما بتفرق معي ،،،متل مااجيت برجع،،، مافي داعي توديني ،،،
،"وقفت لتروح مسكلا ايدا اغيد "
اغيد: رفيف ،،، لا تعاندي قلتلك رح وديكي،،، انطريني شوي لجهز حالي ،،
رجعت قعدت تستناه لحتى يجهز حالو ,,،،،ضبضب الوراق المهمة والقضايا وطلعو من البيت،،،
،"اخدها على مطعم راقي "
رفيف:"ليش جبتني لهون ،،،اناةمو جوعانة "
اغيد:" لازم تتغذي رفيف ،،،،كرمال البيبي،،، يالله كرمالي نزلي،،
،""نزلت مسايرة،،،مع اني بلا اكل من ساعات ،،،بس مو حاسة بجوع ،،،كنت غاصة كتير،،،وكأنو وجع الكون مجمع بحلقي،،،
قعدو على طاولة على طرف. طلب اغيد الأكل ووصل: مشاوي،،،تبولة،،، بطاطا،،،
أغيد طلع بعيون مليانة ذنب، ترك الشوكة، وحط إيديه عالطاولة:
– رفيف… أنا قصرت كتير. تركتك لحالك بهالشهور… وهلق جاية أتصرف طبيعي. أنا بعرف إني جرحتك.
رفيف ترفع راسها، عيونها مدمعين،
أغيد حط إيده عإيدها بحذر شديد، أول لمسة بعد شهور. صوته عم يرجف:– سامحيني… رفيف
رفيف:" على شو بدي سامحك ،،،
أغيد:" على كلشي عملتو هداك اليوم،،،،، نحنا اتفقنا يكون زواجنا عالورق،،، وانا تخطيت حدودي،،، بعتذر،،، سدقيني ماعاد قرب منك ،،، رح كون جنبك كرمال ابننا ،،،، ووقت تحبي تنفصلي مارح وقف ضدك،،،
رفيف:" انت بدك ننفصل،،،
أغيد:" انا بتهمني راحتك هلق ،،، واللي بدك ياه بصير،،،
رفيف:" انا شبعت فينا نقوم،،،
أغيد:" مااكلتي منيح،،
رفيف: رجاءً لا تضغط عليي،،،
حاسب اغيد وطلعنا ،،،كانت الشمس عم تغرب ،،،طلعنا بالسيارة ومشينا بطريق الضيعة ،،،كنت عم اتفرج عالشارع ،،وعالعالم ،،،اجواء المدينة كتير حلوة ،،، برغم جمال الجو ،،،بس كنت حزينة ،،، معقول مابدو نكفي بالزواج ،،،، كل هالقد مابدو ياني ،،
ــــــــــــــــــــــــــــــــــــــــــــــــــــــــــــ
،(اغيد)
كانت قاعدة عم تطلع عالشباك،،، ساكتة، إيدها عبطنها كأنها تحمي حالها، ما عم تبادر تحكي. كنت اطلع فيها بين الحين والتاني، قلبي عم ينبض وانا شايفها هيك ،،،، كان الحمل لابقلا كتير ،،،بالرغم انو ماكان ظاهر عليها كتير،،
أغيد (بصوت مبحوح): رفيف احكي شي لا تضلك ساكتة ،،،"
رفيف(بهدوء): شو بدي احكي،،، مافي شي احكي فيه،،،
أغيد:" انا ماكان بدي اتركك هيك،،، ماكان قصدي زعلك ،،، سدقيني كانت مشاعري مخربطة ،،،
رفيف (وبعيونها دموع بصوت واطي ومكسور): أربع شهور، أغيد… أربع شهور،،، ماسألت إذا عايشة أو ميتة. واليوم جاية تقلّي ما كان قصدك؟...
مد إيده كان بدو يمسك إيدها، بس تراجع. ضل ساكت لحظة، بعدين همس: ما عندي حجة… بس صدقيني، كل يوم كنت عايش مع ذنبي.
رفيف لفت وجهها عليه، وعيونها حمرا، حكت بوجع مكتوم:الذنب ما بيرجع الأيام اللي ضيّعتني فيها. ولا بيرجعني أنا… متل ما كنت قبل.
صمت طويل بالسيارة. بس صوت المحرك مسموع. اتطلع فيها نظرة حزينة،،،، حس إنو مهما حكى ما رح يمحي اللي صار.
رفيف سندت راسها عالشباك، سكرت عيونها، وخلت دمعة تنزل أخيراً.
،"السيارة كمّلت طريقها، بين رجل عم يحاول يلاقي مخرج من ذنبه، وامرأة انكسرت وما عاد في شي يداويها بسهولة..."
ــــــــــــــــــــــــــــــــــــــــــــــــــــــــــــ
حل الليل ،،،كانت السيارة ماشيه بالهدوء، أضوية الشارع مضوية طريقهن. رفيف ساكتة، تعبانة من كل الكلام والوجع،ساندة راسها عالشباك، وبعد دقايق خف تنفسها وغفيت. ملامحها باينة متعبة، الدموع ناشفة عخدودها.
أغيد لمحها، عيونه تعلقت فيها. لانت ملامحو لأول مرة من وقت ما بلش الطريق. ترك الدركسيون بإيد وحدة، والتانية حطها عالكرسي كأنو عم يقرب منها من غير ما يقصد.
أغيد (بصوت داخلي):
– يا الله… ادّيش انكسرتي… وأنا السبب. تركتك لوحدك، ومع هيك إنتي اللي إجيتِ لعندي.… بس والله ما بعرف ليش، كل ما بشوفك هيك… قلبي عم ينجذب إلك أكتر ،،، مالازم اظهرلك مشاعري ،،، انت عندك قلب واكيد في حدا جواتو،،، مافيني اظلمك معي اكتر ،،
ضل يتأمل ملامحها: رموشها النازلة، نفسَها المنتظم، وإيدها اللي ماسكة بطنها بحماية. غصة خنقته، عيونه تدمع بخفة. يهمس من غير ما تصحى:
أغيد:
– سامحيني… بترجاكي سامحيني. يمكن ما بعرف حبك متل ما بتستاهلي… بس والله قلبي عم يروح لعندك غصب عني.
وقف السيارة قدا البيت . رفيف لسا نايمة، راسها مسند عالشباك، نفسَها هادي.ضل قاعد لحظة، يتأملها. مد إيدو بخفة، مسحلا عخدها، بس بسرعة سحب إيده كأنه خاف يصحيها.
أغيد (لنفسه): ما بعرف شو عم يصير فيني. كنت مفكر هالزواج رح يكسرني، بس هلق… وجودك عم يغيّرني شوي شوي،،،
أغيد (بصوت هادي): رفيف… وصلنا.
رفيف فتحت عيونها بنعس، ملامحها تعبانة ،،نزلت من السيارة ببطء.،،نزل ومشي جنبها، كان حابب يساعدها بس خايف ترفض.،، ضل يراقبها وهي داخلة وعيونه فيها خليط من ذنب وحماية،،،، وكأنه لأول مرة حاسس إنه مسؤول عنها فعلاً،،،
أغيد:" انا شوي وبلحقك ،،،رح شوف اهلي ،،"
ماردت عليه بشي ،،،هزتلو راسها وضلت مكملة لفوق،،،
دق الباب اغيد،،فتحتلو سارة،،،
سارة (بفرحة): اغيد،،،انت اجيت،،
غمرها والدموع بعيونو ،،، كان مشتاق لاهلو كتير،،، البعد صعب ،،، كان قريب ومو قادر يجي ،،،دخل للبيت ووقت شافتو امو صارت تبكي،،، قرب اغيد عليها وباس ايدها وغمرها،،،
أغيد: رضاكي عليي يامو،،، سامحيني بعدت عنك،،،
سما(بدموع):" طولت الغيبة ياروحي،،،شتقنالك كتير،،،
أغيد:"سامحيني ماعاد بعد عنكن ابداً،،،
سما:"الله يرضى عليك ويخليلي ياك،،
سلم على ابوه وباس ايدو،،
حسام: وأخيراً رجعت اغيد،،،نورت الضيعة ،،
اغيد:منورة فيكن،،،انا تعبان طالع ارتاح ،،،بس حبيت شوفكن قبل مانام ،،،
سما:" اي ياروحي طلاع رتاح ببيتك،،،
اغيد: تصبحو على خير ،،،
ردو :وانت من اهل الخير ،،
طلع عالبيت كانت الاضوية مطفية والبيت هادي ،،دق بهدوء باب غرفتها ماكان في رد ،،،فتح الباب وفات ،،لاقاها نايمة ،،سكر بهدوء وراح لغرفتو،،، تمدد ومن التعب غفي فوراً
*يـــــــــ͢ـོ͓ـــتبــــــــــــــོـ͓ـــ͢ــ؏*
➖➖➖➖➖➖➖➖➖
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h```