الفصل 8
*قـصـص وروايـات عـالـمـيـة💙📚📖*
*بإدارة* *يـامـن💙*
*❴📖❵↵* *حب.ساحر.tt* 💙🖇️
*❴🔢❵☟الـــبـــــــــــ❴8️⃣❵ــــــــــــارت☟*
➖➖➖➖➖➖➖➖➖
*
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h```
➖➖➖➖➖➖➖➖➖
"حب ساحر"
"الجزء الثامن"
بقلمي مرام
(رفيف)
"تحدد عرسي انا وريم بنفس اليوم وامي عم تجهز وتركد ماعم تلحق ...نحنا التنتين طالعين بنفس اليوم من البيت...وهاد الشي صعب عالاهل طبعاً....ريم رح تضل .جارتهن ...بس انا رح ابعد عنهن مشوار ربع ساعة..
طالعين هلق عالمحكمة لنثبت كتابنا
.." المحكمة الشرعية، غرفة القاضي بسيطة، فيها مكتب خشب كبير، أوراق ودفاتر، وكرسيين قدام المكتب. أغيد واقف مع أبوه، ورفيف داخلة مع أبوها وأمها، عيونها بالأرض وخجل واضح على ملامحها.)
القاضي يرفع نظره من الورق، يتأملهم بهدوء:
القاضي: "تفضلوا اقعدوا. اليوم رح نثبت عقد الزواج رسمي."
قعدت رفيف بخجل جنب أمها، إيدها تمسك طرف فستانها بتوتر. أغيد قعد عالكرسي التاني، مستقيم، بس عيونو واضح عليها التعب.
القاضي (لتفت لحازم): "أنت وكيل العروس، وبتشهد إنو زوجت بنتك رفيف لأغيد، على المهر المتفق عليه؟"
حازم (بثقة): "نعم يا شيخ، زوجته."
القاضي يلتفت لأغيد: "وأنت يا أغيد، قبلت الزواج من رفيف، على المهر المذكور، وعلى سنة الله ورسوله؟"
أغيد (بصوت ثابت): "قبلت، يا شيخ."
رفيف حمرت خدودها، عيونها بالأرض، قلبها عم يدق بسرعة.
وهلق سئلها القاضي
القاضي: "وأنتِ يا رفيف… بتشهديني إنك قبلتي الزواج من أغيد، على المهر المذكور؟"
رفيف (بصوت واطي، بخجل): "إي… قبلت."
القاضي يكتب بخط واضح، يختم الورقة بالختم الأحمر:
القاضي: "مبروك… صار الزواج مسجل رسمي."
لينا تدمع وتبتسم، مسكت إيد بنتها وهمست:
لينا: "الله يتمم بخير يا روحي."
حسام يربّت عكتف ابنه.
أغيد رد بابتسامة خفيفة مصطنعة، يخفي وجعو، بينما رفيف عيونها تلمع بخجل وفرحة.
طلعو من المحكمة وعم يتحدثو الرجال ماشيين ...ووراهن اغيد... وراهن رفيف وامها....
حسام:"من بعد اذنك ابو رفيف ..حابب الولاد يطلعو يتغدو سوا ازا ما بتمانع ...ومنو بيتعرفو على بعض ..متل مابتعرف لهلق ماحكو براحتهن ...بسبب شغل اغيد الدائم .."
حازم:" ماعندي مشكلة ..يطلعو سوا.."
كان اغيد عم يسمع كلامهن وهو مزعوج ...عم يحاول يخفي تعابير وجهو ..
حازم:" لكن نحنا اسمحولنا رح نمشي ...(لتفت على رفيف) بنتي رفيف روحي مع خطيبك.."
رفيف:" حاضر بابا."
حازم:" مابدي وصيك فيها اغيد ...."
اغيد:"لا تاكل هم عمي ...بالحفظ والصون..'
"...طلعو سوا بالسيارة ...كانت رفيف متوترة كتير ...بينما اغيد ماحكا ايا كلمة ...مشو شوي بعدين سئلها...بدون مايطلع فيها ..."
اغيد:'وين بتحبي نتغدا...؟
رفيف(بهدوء):"وين مابدك مابتفرق معي.."
اخدها على مطعم للعائلات وحجز طاولة بعيدة عن العيون ....اجا الكرسون ...
الكرسون:"اهلا وسهلا تفضلو المنيو شوفو شو بتحبو تطلبو.."
اغيد:" شكراً الك ...منختار وبأشرلك .."
راح الكرسون واغيد مد المنيو لرفيف..
اغيد:"نقي شو بتحبي تطلبي .."
رفيف:"باخد بيتزا."
اغيد شاور للكرسون واجا لعندو
اغيد:" نزلي مقبلات...وسلطة.. وبيتزا وسط.."
الكرسون:"تكرم.."
شرد اغيد بالشباك قدامو
رفيف:"بدك تضل ساكت."
اتطلع فيها اغيد:" شو متوقعة مني اعمل ...نحنا متفقين على كلشي شو بدنا نحكي."
رفيف:"ازا مارح نكون زوجين... عالاقل نكون رفقات ...مارح نتعامل مع بعض متل الغربة .."
اغيد:"لا تتأملي مني شي رفيف...انا سكرت باب قلبي من زمان ..."
رفيف:" بس نحنا لازم نتعرف على بعض ...مارح نضل منجهل بعض صح ...بالنهاية نحن رح نعيش تحت سقف واحد..."
اغيد:" معك حق "
رفيف:" اول شي وبما انك حطيت شروط الك... رح حط شروطي انا .."
اغيد:"وشو هنن شروطك ."
رفيف:"اولاً طول ما انا زوجتك ..ممنوع تحب وتعمل علاقة برا ...
اغيد:" ومين قلك اني ممكن فكر حب غير نور."
رفيف:" انت حطيتلي شرط مماثل.."
اغيد:" طيب ...من هالناحية خليكي متطمنة.... اصلاً لو بدي فكر بغير نور ..الاولا فكر فيكي... بس مو ببالي حب حدا ...انا رح ابقا عايش على ذكراها .."
رفيف:"وشرطي التاني ...مابدي حدا يعرف انو غرفة نور ...وغراضها.... لسا موجودين..."
اغيد:"ليش.."
رفيف:" كأي انثى.. وقت بتشوف نظرة العالم إلها على انها بديل ....رح تكون مزعجة صح..."
اغيد:"تكرمي.. .حقك ...الغرفة مفتاحها رح يضل معي...وماحدا رح يعرف فيها.."
وصل الطلب بهالوقت ونحنا عم نحكي ...
اغيد:"تفضلي...بتحبي تشربي شي مع الاكل.."
رفيف:" لا شكراً."
اغيد:" في لسا عندك شروط ."
رفيف:" مافيك تعتبرو شرط ....يعني هالشي بخصني ...بس لازم يكون عندك علم في...."
اغيد:"شو هو."
رفيف:"انا عم اشتغل على مشروع تصميم ازياء .."
اغيد:" انتي "
رفيف:" اي انا ."
اغيد:" شلون هيك مو انتي بتشتغلي بالحقل ."
رفيف:" اي انا كنت عم اشتغل لحتى افتح مشروعي الخاص."
اغيد:"ودارسة تصميم."
رفيف:"لا"
اغيد:"لكن شلون بدك تفتحي مشروع بدون ماتكوني مختصة بهالشي ."
رفيف:"فيك تقول عندي موهبة ."
اغيد:"وشو رح تعملي بالتصاميم ."
رفيف:"رح اعرضهن بمسابقة."
اغيد:" شوفي رفيف مابدي زعلك...بس وقت الانسان بدو يفتح مشروع متل هيك.... لازم يكون دارس تصميم ازياء... و بيعرف بهالامور...انتي عم تقولي مو دارسة...وحتى ماعندك خبرة ...انتي هلق رح تنحسبي عليي ...انا محامي مشهور ...وقت العالم بدها تتمسخر على شي ...رح يقولو هي مرت المحامي..
رفيف(تركت المعلقة من ايدها وعيونها دمعت):"ومين اللي حكا العالم رح تتمسخر عليي...ضروري بنظرك كون المرأة المثالية لحتى انجح..."
اغيد:" قلتلك رفيف...الشغلة بدها خبرة....وازا مافي خبرة أقل الشي يكون في فّن...يلي بشوف طريقة لبسك القديمة بيعرف شو رح يصير...المشروع رح يفشل...رح تصير سمعتي مسخرة قدام العالم.."
رفيف:" كل هالقد شايفني مابليق بإسمك ...شو شايف حالك انت واو ...والعالم الباقية ما بتسوى.."
اغيد:"اكيد ما قصدت هيك...كل الناس خير وبركة .."
رفيف:" معناها شايفني بس انا مابسوى... انت منيح... والعالم منيحة ....بس انا نكرة بهالمجتمع ..."
اغيد:" اهدي رفيف..ماحكيت هيك انا "
رفيف:"شوف اغيد انا هاد حلمي ...مارح اتخلى عنو ...انا ماعم اخد اذنك ...عم اعطيك فكرة عن الشي يلي بدي اعملو ...ماحبيت تعرف من غيري ...وهلق ازا بتسمح انا تأخرت وبدي ارجع عالبيت..."
طلعت لبرا بين ماحاسب واجا....فتح السيارة وطلعنا بدون مانحكي مع بعض...وصلنا عالبيت وقبل ماانزل حكا...
أغيد:" رفيف مشان موضوع لبسك...انا بعتذر ازا جرحتك بكلامي..."
رفيف:"هي مو اول مره اغيد ....انت دائماً عم تزعجني بكلامك..."
أغيد:" ازا عم تنزعجي من كلامي ...ليش لكن وافقتي تتزوجيني...ببساطة كان فيكي تتزوجي ايا حدا غيري.."
رفيف:"خليني اقلب السؤال الك...ازا مابليق بإسمك ليش بدك تتزوجني.."
أغيد:"مارح تطالبي تكوني زوجة...لهيك متطمن...مصالح مشتركة.."
رفيف:"وانا وافقت لنفس السبب....مصالح مشتركة.."
"نزلت من السيارة وطلعت عالبيت ...كنت مقهورة كتير من كلامو...بس بدي اتحمل....ما رضيت امشي بهالطريق لحتى استسلم دغري....رح يجي اليوم اللي تركد ورايي فيه...والايام بيننا ....فتت عالبيت ورسمت ابتسامة مزيفة على وجهي .... مابدي حدا يحس على شي..."
رفيف:"السلام عليكم."
لينا:"وعليكم السلام...شو رجعتي...ماطولتي."
رفيف:" اي اغيد مشغول ...تغدينا ورجعني عالبيت.."
لينا:"صحتين....حكتني حماتك...بكرا بدنا ننزل نجيب البدلة البيضة.."
رفيف:'معنا وقت لسا."
لينا:"لا يوه ..شو معنا وقت...بقيان ١٠ ايام دوبنا نلحق.."
رفيف:"مابعرف...خلص منروح منجيب.."
ريم:وانا قلي طلال اليوم بتوصل مرت عمي..خلصو تحضيرات هنن... بس بدهن يجو كرمالي.."
لينا:"شلون بدي اتحمل طلعتكن من البيت سوا .."
رفيف (حضنتها):"يا روحي مارح نقطعك...مابتلاقينا غير عندك.."
ريم(حضنتهن كمان):" انا مارح تحسي بغيابي ابداً...ليكنا الباب عالباب.."
لينا:"الله يتمملكن على خير ويهنيكن يا روحي."
رفيف_ريم:ويخليلنا ياكي."
لينا:"يالله كل وحدة على غرفتها...حطيتلكن الشناتي..ضبو الغراض اللي قاعدين عالتخت ..هلكت وانا رتب الغراض..وضل تضبوهن بس.."
رفيف:"حاضر."
لينا:"ضبو بترتيب لا تلحشو لحش..."
(ضحكو التنتين وراحو يضبو)
ـــــــــــــــــــــــــــــــــــــــــــــــــــــــــــــ
(اغيد)
رجعت عالبيت وبلشت اجمع غراض نور بغرفتها كرمال ماحدا يشوفهن ..ماتركت شي غير ضبيتو ..حتى الكنادر خبيتا بالغرفة ...بس خلصت عملت قهوة وطلعت عالبرندا اشربها...كان ابي راجع من الشغل ...شاورلي انزل لعندو.... (اخدت ركوة القهوة ونزلت)
اغيد: "اي ابي ناديتلي"
حسام:" من زمان ماتعشيت معنا"
اغيد:"مالي نفس هلق...وعم اشرب قهوة."
حسام:"اي منشرب سوا ...وبعدين منتعشا.."
اغيد:"طيب رح جيب فناجين."
(صب القهوة وضيفهن)
سما:"يسلمهن ....اطيب قهوة من تحت ايديك .."
أغيد:"صحتين."
حسام:"اي اغيد... بيت عمك هاليومين بيجو مشان غراض رفيف ...بدهن يحطوهن بالبيت... لازم تشيل غراض نور ...مو حلوة يجو يلاقوهن صح..."
أغيد:" غراض نور رح يبقو بغرفتها ."
سما:"ورفيف وين رح تحط غراضها.."
أغيد:"رح جيب غرفة نوم لرفيف...في غرفة فاضية فوق بحطا فيها.."
حسام:" بدك تترك غراض مرتك القديمة ادام مرتك الجديدة ...شو رح تحكي العالم "
أغيد:"انا ورفيف اتفقنا تضل غرفة نور مسكرة"
سما:"وهية وافقت ."
أغيد:"اي موافقة."
سما:"بتكون عم تسايرك ...مافي وحدة بالكون بتقبل تشوف غراض زوجة زوجها بالبيت."
أغيد:"مو مهم ...هي موافقة ...وهالحكي رح يضل بيننا ...ماحدا رح يعرف انو في غرفة لنور فوق .."
حسام:"خلص يا مرأة تركيه براحتو....ونحنا مارح نحكي لحدا."
سما:"ماشي الحال ...بكرا نازلين نجيب البدلة البيضة."
أغيد:"اي شو اعمل انا ....اكيد مارح تجبريني روح معكن.."
سما:"لا هالمرة مارح اخدك ...بس وقت نخلص رح دقلك تجي تاخد الغراض والبدلة.."
أغيد:"اي ازا هيك بسيطة."
سما:"وبدنا نشتريلك بدلة العرس."
أغيد:"مافي داعي ..انا مارح انزل عالصالة.."
سما:"يووه شلون مارح تنزل والعروس مين بدو يطالعها .."
أغيد:"انا من الاساس قلتلكن بلا العرس ...انتو اصريتو."
سما:"هي فرحة رفيف الاولى ...مارح احرمها ياها"
حسام:خلص ام اغيد ...اتركيه على راحتو ...ما بدو ينزل عالصالة ..لا ينزل.... خلونا نتعشى هلق ...وبكرا بتحكو بالباقي."
ــــــــــــــــــــــــــــــــــــــــــــــــــــــــــــ
وتاني يوم صحينا بكير دوبنا نلحق....
كل وحدة فينا عم تعمل شي ...وبالاخر فطرنا ...ولبسنا..وطلعنا ...نزلنا سوا عالسوق كلنا انا وامي وريم وحماتها وحماتي وسارة ...نحنا الخمسة بدنا نشتري...والمحظوظة اللي بتلاقي طلبها اول شي
ــــــــــــــــــــــــــــــــــــــــــــــــــــــــــــ
رفيف واقفة قدام المراية، لابسة فستان أبيض منفوش كتير.
ريم (ضحكت): "ولك رفيف، ما شاء الله… الفستان أكبر منك بمرتين!"
رفيف (تشد الفستان بخجل): "والله حاسة حالي قد الدب، خليني جرّب غيرو."
لينا: "لااا حبيبتي، طالعة متل الملاك… بس جرّبي كمان، نشوف غير موديل."
رفيف تفوت عغرفة القياس وترجع بفستان أبيض تاني، ناعم وبسيط.
سما (بإعجاب): "إي هاد! ناعم وبيلبقلك، بيبيّن جمالك الطبيعي."
ريم (تهز راسها): "حلوو…وهلق خليني جرّب أنا."
ريم طلعت لابسة فستان عرس ضيق مع شوية شغل فضة.
ام طلال (تصفق مبسوطة): "يا عيني عليكي… هاد اللي بيجنن!"
رفيف (تضحك): "لك ولييي ريم، رح تكسرينا!"
ريم (تتمايل بخفة): "ايييه، خلي الصبايا يغاروا منا."
(جنب تاني من المحل – النسوان عم يختاروا فساتين سهرة.)
لينا ماسكة فستان توتي غامق:
لينا: "لك شوفوا هاد… بيصرخ أناقة، رح ألبسو بعرس بناتي."
سما ماسكة فستان دهبي: "وهـاد شو رأيكن فيه؟ دهبي عالدهب، بيلمع متل الشمس!"
ام طلال (متحمسة): "أنا عاجبني هاد الكحلي المطرّز… يخلي الوحدة ملكة."
النسوان يضحكوا سوا، وكل وحدة تتخيل حالها بالسهرة.
سارة بتصرخ فجأة:"
سارة (بفرح): "ماماا! لقيتووو!"
بتركض حاملة فستان زهري.. كله لمعة وبحركة باربي.
سارة (تلف الفستان قدام المراية)"هاد هو… فستان باربي ناعم!"
سما: "إي نشالله عقبال شوفك عروس."
ـــــــــــــــــــــــــــــــــــــــــــــــــــــــــــــ
"بعد ماخلصنا ...حماتي دقت لاغيد ...وريم دقت ل طلال... كرمال يجو ياخدو الغراض...وقت وصلو حمّلو الغراض بالسيارات ...واخدونا نتغدا...
(بالمطعم)
قعدنا على طاولتين ....طاولة للنسوان ...وطاولة للرجال...
سما: "يا جماعة ماحدا بيستحي ...كنا بالسوق ...تعبنا وجعنا كمان.... يالله سمو بالله ومدو ايدكن.."
لينا:"نشالله عقبال فرحتك بالباقي ام اغيد.."
سما:"نشالله بوجودكن معنا."
(عالطاولة التانية)
طلال:"يعني مانك ناوي تاكل."
أغيد:"عم اكل."
طلال:"كول متل العالم والخلق...لسا عم تنئنئ متل الولاد ."
أغيد:"مالي نفس لشي."
طلال:"يا زلمة تحضيرات عرسك...لازم تكون آخر رواق.."
أغيد:" يلي بيسمعك بقول ما بتعرف انو هالزواج غصب عني .."
طلال:"بدك ترضى بالامر الواقع....كم يوم وبتكون صارت ببيتك ...شو بدك تقلا ...والله متزوجك غصب.."
أغيد (شرد فيها):"هية بتعرف."
طلال(اختنق والاكل كان رح يطلع من تمو):'شو عم تقول.....قلتلا متزوجها غصب عنك.."
أغيد:"ليك طلال ...هالحكي يلي رح قولو رح يضل سر بيننا.....انا ورفيف رح نتزوج عالورق ...هيك اتفقنا...بالاصل الزواج لمصلحتنا ...انا مشان اخلص من النق...مارح يهدو اهلي ليزوجوني ...بتزوج رفيف عالورق اهون ماتجي وحدة تطالبني كون معها زوج.."
طلال:"طيب هية كيف بترضى...شو مصلحتها من هالزواج.."
أغيد:"مابعرف ....حكت انو هالزواج لمصلحتها كمان ...بس مابعرف شو مصلحتها منو.."
طلال:"لا تكسر البيت يا رفيقي ...الانثى ازا نجرحت مستحيل ترجع متل ماكانت... يمكن مع الايام تحبها وتتقبلها ك زوجة...لا تتسرعو بالحكم على علاقتكن .."
أغيد:"ماحكيتلك لتحكيلي هالحكي... انت اكتر انسان شفت عذابي على مرتي...مرتي راحت من بين ايديي ...هية ماتحملت تبعد عن ابنها...بينما انا شوف وين ...عم اخطب ورح اتزوج بكل برود ...لسا مفكر اني رح عيش حياتي وانسا..."
طلال:"مابصير هالحكي.... ابنك مانكتبلو عمر يجي عالحياة ....والله اخد امانتو ....ومرتك خلص عمرها .....ما بتنتهي الحياة هون ...مابصير الحزن اكتر من ٣ ايام ...لا تظلم حالك وتظلم رفيف معك..."
أغيد:" سكر عالسيرة مو حابب نحكي بالموضوع.."
طلال:"متل ما بدك"
بعد ماخلصنا غدا رجعنا على بيوتنا وبلشنا ترتيب بالاغراض
ــــــــــــــــــــــــــــــــــــــــــــــــــــــــــــ
تاني يوم كنا عم نرتب بيت ريم ...اخدنا غراضها ورحنا نرتبهن ..كان البيت فرشو هادي ...وغرفة النوم حلوة كتير ...كان جايبها جديد كرمال ريم...خلصنا ترتيب غراضها بسرعة لانو ام طلال منضفة الغرفة ومابدها غير تركين التياب ...
كان دوري بعد العصر ...بس طلال ماخلا ريم تجي معنا ...كان حابب يطلعو مشوار قبل العرس...
ــــــــــــــــــــــــــــــــــــــــــــــــــــــــــــ
داخلة مع أمي شايلة شناتي التياب... البيت هادي،... واسع...، وفيه رهبة غريبة. مرت عمي استقبلتني بحنية.)
سما (تتبسم): "أهلين وسهلين يا بنتي…نور البيت فيكي."
رفيف (خجلانة): "الله يخليكي مرت عمي…النور نورك."
سما دلتها عالغرفة المجهزة إلها.
سما:'هي غرفتك تفضلي ..."
فتت كانت الغرفة فخمة كتير ....تأملتا شوي وبعدين بلشت مسحها،وماما بلشت ترتب التياب. وام اغيد كانت عم تعلق تياب اغيد...اللي اخدتهن غصب عنو مشان تحطن بغرفة رفيف،،،
(رفيف)
تفتلت بالبيت وعيوني لمحت باب مقفول بنص الممر. وقفت لحظة، وبلش قلبي يدق بسرعة.
رفيف (بهمس لحالها): "يا ترى… هي غرفتها؟"
شافتها امها قدام الباب
لينا (تحاول تبسّطها): "بنتي… بلا ما تفكري. خلص هاد باب مسكّر، وخلصت قصتو. المهم هلأ فرحتك."
رفيف (تهز راسها بخجل): "إي ماما ،،،حكيك صح…"
رجعت كمّل ترتيب التياب، بس عيوني كل شوي ترجع عالباب. فجأة بتفوت سما، جايبة معها صينية شاي صغيرة.
سما(ضحكت بخفة): "شو يابنتي، شايفتك سارحة؟ أول يوم الك بالبيت، بدنا بس الضحكة على وشك."
رفيف (بتتلبك): "لا والله مرت عمو ،،مافيني شي… بس يمكن تعبت شوي."
سما قرّبت منها، حطت الصينية عالطاولة، وقعدت حدها. مدت إيدها تطبطب عكتفها.
سما (بحنية): "سمعي يا رفيف… بعرف إنو ابني عاش تجربة تقيلة. الله يرحمها مرتو الأولى… كانت غالية علينا. بس صدقيني، الله ما بيعطي إلا الخير. ومع الأيام، رح ينسى وجعو، ورح يلاقي الراحة فيكي."
رفيف تنزل عيونها بالأرض، الدمع عم يلمع بعيونها من غير ما يبين.
رفيف (بصوت واطي): "الله يقدّرني وأسعد قلبه مرت عمي."
سما(تبسمت وربّتت على إيدها): "إنتي كلك خير… ورح تكوني البلسم لجراحه، وأنا متأكدة."
رفيف تبتسم ، عم تحاول تبين قوية، بس جواها في خليط من رهبة خوف،،، وفرح. الباب المسكّر لسا بعيونها، بس كلام أم أغيد عطاها دفشة أمل صغيرة.
ــــــــــــــــــــــــــــــــــــــــــــــــــــــــــــ
البيت ساكن وهادي، ما في غير صوت عقارب الساعة.مع ضو الغرفة الخافت.)
رفيف قاعدة عالتخت، لابسة البيجامة ،،،عيونها معلّقة عالسقف، وعم تتنهد،،..
(رفيف)"يا ربي… اليوم غراضي عندو وبكرا انا،،،، بس قلبي عم يركض، ما بعرف من الفرح ولا من الخوف."
تذكرت الباب المسكّر،،،، صورته بعدها ببالها. سندت راسها عالمخدة وغمضت عيونها، بس الدموع عم تنزل غصب عنها.
رفيف (بهمس): "يا الله… هو لسا قلبه عندها. يمكن ما يقدر ينسى… يمكن يضل يعتبرني غريبة."
بتتذكر كلام أم أغيد وهي عم تطبطب عليها:
صوتها عم يتردّد براسها: "مع الأيام رح ينسى وجعو، ورح يلاقي الراحة فيكي."
رفيف تمسح دمعتها، وتشد اللحاف عليها. حاولت تبتسم وهي عم تحكي لحالها:
رفيف: "إي… رح أصبر. يمكن الأيام تثبت إنو فيني عبي الفراغ اللي تركته ،،،،لازم نام بكرا عنا كتير شغل."
بتغمض عيونها أخيرًا، بس الغرفة المسكّرة ضلت معلقة ببالها، متل سر كبير ساكن بالبيت.
ــــــــــــــــــــــــــــــــــــــــــــــــــــــــــــ
دخل اغيد عالبيت كانت ريحة المعطر،،،والبخور،،، معبية البيت ،،،،
دخل عالمطبخ ،،،كان في غراض جديدة ،،،،مشي على غرفة نور،،،،فتح القفل ودخل ،،،كانت الغرفة كلها غراض وكركبة ،،،(اغيد لنفسو)هففف،،،شو بدي اعمل الغرفة صغيرة وغراض نور كتار،،،بدي ساعات ضبضبة،،،عمل قهوة وبلش ترتيب غراضها بطريقة منظمة ،،،ماخلص لنص الليل ،،،هي اول تنضيفة للغرفة بعد موت نور ،،،ماخلا حدا يفوت عليها وينضفها،،،،
(اغيد عم يحكي مع الصورة) ريحتك بالغرفة لسا،،، ماراحت ،،،ليش تركتيني نور ،،،،انا بدونك مافيني عيش،،،لاتلوميني اني عم اتزوج،،،،انتي تركتيني ورحتي،،،كلو عم يصير غصب عني،،، بس خليكي متطمنة ،،،،هالقلب مارح يسكنو غيرك ،،،بوعدك."
"طلع من الغرفة ومشي لغرفة رفيف،،، فتح الباب ودخل،،،،فتح الخزانة يدور على تيابو ،،،،كانت معلقة تيابها فساتين،،،،وطقومة ،،وقمصان نوم،،،(اغيد) ليش مطلعة هيك شغلات ،،،غبية ،،،فتح اخر باب لاقا تيابو،،، اخدهن وراح لغرفتو،،،
وبعد تعب حط راسو ونام
ــــــــــــــــــــــــــــــــــــــــــــــــــــــــــــ
تاني يوم فقنا بكير،،، كانت اصوات التحضيرات من المضافة جاية،،،،
فتت صبحت عليهن،،،،كانت ماما وخالتو سهام ولما،،،
رفيف: "صباح الخير "
ردو"صباح النور."
لما:"لك مو مسدقة رفيقتي صارت احلا عرووس."
رفيف(حضنتا):يا روحي عقبال عندك،،،شو ساعدكن."
سهام:"لا اليوم انتي مارح تساعدينا بشي.. عندك تجهزي حالك انتي وريم ،،،اليوم يومكن ،،،مالازم تكونو تعبانين ،،،"
لينا:"اي رفيف،،فيقي اختك مشان تقوم تجهزو حالكن."
رفيف:"ماشي ."
رحت على غرفة ريم :"ريم،،، ياريم،،، قومي،،. ماكنت تصحى معي ،،،،(رفيف بضحكة شريرة ) حملت كاسة مي ورشيتا فيها..."
ريم(بصريخ):"لك ايييي ،،،شو عملتي ."
رفيف (وهية فارطة): "ماعملت شي عم فيقك،،،انتي ماكنتي تصحي "
ريم (قامت تهجم عليها):"انا لربيكي يارفيف ستني.."
"هربت رفيف وريم عم تلحقها وتصرخ وفاتو للمضافة "
رفيف تخبت ورا امها
رفيف:" ماما خبيني هي ريم بدها تضربني.."
ريم:"عم ترشيني بالمي ومابدك اضربك."
لينا(بضجر):"بعد كم يوم بتصيرو كل وحدة ببيتها،،،،ايمتا بدكن تكبرو فهموووني؟؟.."
"هديت ريم وقت شافتهن مبلشين بالزينة ونسيت حالها"
ريم:" ياعيني شو هالزينة الحلوة يسلم ايديكن."
لينا:"اي منيح نتبهتي بعدين ،،،العالم جاية عالضهر ،،،دوبكن تلحقو تجهزو حالكن،،،"
ريم (راكدة عغرفتها ):"وين الكوافيرة ليش تأخرت."
سهام(عم تضحك):"دوبها مفتحة عيونها،،، وعم تحكي عالكوافيرة متأخرة .."
لينا:"شايفة ،،،ايمت بدهن يكَّبرو عقلهن،،،ماضل شي ليتزوجو،،"
رفيف:"انا عقلي كبير،،،بس هي ريم لازم تاخد دروس عندي ليكبر عقلها،،"
"اتطلعو فيها كلهن ببحلقة"
رفيف:"شبكن عم تطلعو هيك."
لينا:"ومين اللي كب المي على اختو،،،يا ام عقل كبير.. ليكي رفيف ختفي عالسريع قبل ما يطلع جناني،،،مافي وقت."
رفيف (ركدت):."حاضر حاضر.''
("اجت الكوافيرة وبلشنا نجهز حالنا ،،،ساوت لريم اول شي وبعدين انا والكوافيرة التانية عملت ل لما وماما وخالتو سهام،،،وام طلال ببيتها في كوافيرة،،،وبيت عمي كمان عملو ببيتهن،،،)
"لبسنا العبايات الشرقية باللون الخمري مع الطرحات التول الطويلة ووقفنا نتصور "
ــــــــــــــــــــــــــــــــــــــــــــــــــــــــــــإوحدة من النسوان (تزغرد): "لولولوليشش… عقبال ما نفرّح بالصبايا كلن!"
لينا (تضحك): "الله يسمع منّك يا خالتي، الليلة لرفيف وريم… ونشالله المرة الجاية بتكون عند باقي الصبايا."
كنت لابسة العباية الخمري مطرّزة بالدهبي، وريم لابسة عباية حمرا مزخرفة. قاعدين جنب بعض، رح ندوب من كتر الخجل،،،كل الانظار علينا بس مبسوطين من جو النسوان.
سارة (تصفق وتتحمس): "ييلا يا صبايا، قوموا رقصولن للعرايس! الليلة غير شكل."
ريم (تضحك وتوشوش رفيف): "سارة لو ما بتسكت،،،حمستني،،، رح تخليني أرقص وأنا قاعده."
رفيف (بضحكة): "إي سكتي،،،بدك تكوني عاقلة اليوم."
خالتو سهام جابت صينية حنّة، عليها شمعة كبيرة وسطها، وبلشت تدور بين النسوان،،، والزغاريد عبت المضافة .
سما (ترفع إيدها وتضحك): "بسم الله، يلا يا رفيف مدي إيدك خلينا نحطلك الحنّة، الله يباركلك بزواجك."
رفيف (بخجل تمد إيدها): "الله يبارك فيكي مرت عمي."
سما: "إن شاء الله يا رفيف بتعيشي معي متل بنتي وأكتر."
رفيف:"ان شاء الله."
(قربت ام طلال)
ام طلال:"وهلق دور عروستنا."
ريم مدت إيدها بسرعة:
ريم (تضحك): "جاهزة!"
سارة تقرّب وتحط الحنّة بإيد رفيف هي كمان:
سارة (تمزح): "خلص أنا وكّلت حالي عن النسوان."
رفيف: "إي تفضلي، بس ديري بالك لا توسخي فستانك!"
بلشوا النسوان يغنوا ويضربوا دف:
غنوا: "عالحنة يا حنة… يا قطر الندى… عروسنا الحلوة، يا قمر بهالسما!"
النسوان كلن يصفقوا ويزغردوا: "لولولوليشششش!"
رفيف وريم عم يتمايلو بنعومة ، قربت سارة تمسك بإيد رفيف وتقومها:
سارة: "يلا قومي… العروس لازم تقوم ترقص، عيب تضل قاعدة!"
رفيف (تهز راسها): "لاااا… ما بقدر!"
ريم (تضحك): "خلص قوميني معها،،،،للتشجيع،،."
يقوموا التنتين مع سارة، يرقصوا شوي بين النسوان، والجو كله زغاريد وضحك وفرح."
بلشو ماما وخالتو سهام يضيفو عصائر وحلويات.
لينا (تمد صحن لرفيف وريم): "خدو، كلو حلو مشان تكون حياتكن كلها حلا."
رفيف (تبتسم وتاخد لقمة صغيرة): "الله يخليلنا ياكي ماما."
ريم: "بس ما بدي تروح رسمة الحنة، تعبت وأنا هادية مشان تنشف."
سارة (تمزح): "ماشي، الليلة بتنامي وأنتي رافعة إيدك لفوق متل المعلّقة عالحبل."
ضحكت ريم:"ييي عليكي شو مهضومة،،،تتهني يارفيف فيها.."
لينا (تصفق): "ييلا يا بنات، مو وقت القعدة، يلا خلونا نرقص."
النسوان رفعوا الدفوف وبلشوا يغنوا من جديد.
(عالداوودية يا بنات
جوا الحنا والفرح غنى
نرقص نغني للزفات
يا هلا باللي حضرنا)
(يا زريف الطول يا عالي الهامة
زفات الحنّة صارت له كلامة
نغني نفرح والدنيا حلوة
يا هلا باللي حضروا المسا)
النسوان(تزغرد): ""لولولوليشش"!"
رفيف وريم قاعدين جنب بعض، يتبادلوا نظرات فيها خليط من الفرح والخجل. رفيف تبتسم وتهمس:
رفيف (بسرها): "يا رب… تكون أيامنا كلها فرح متل هالليلة."
ــــــــــــــــــــــــــــــــــــــــــــــــــــــــــــ
وبالسهرة كان طلال سهران مع ريم واهلي بالمضافة،،،وانا لحالي بغرفتي،،،هالشي حازز بنفسي كتير،،،متل اي عروس بتتمنى تسهر مع خطيبها،،،وتفرجيه جمال بدلة الحنة عليها،،،،ياربي عوضني عن ايام حزني بفرح،،،،يارب آلف بين قلوبنا،،،اخدت كم صورة للذكرى وبدلت تيابي،،،مسحت المكياج وضبيت شعري،،، وتسطحت على تختي،،،،كان بدي احكي معو ،،،بس شو حجتي لاحكيه ،،،اصلاً
*يـــــــــ͢ـོ͓ـــتبــــــــــــــོـ͓ـــ͢ــ؏*
➖➖➖➖➖➖➖➖➖
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h```