الفصل 7
*قـصـص وروايـات عـالـمـيـة💙📚📖*
*بإدارة* *يـامـن💙*
*❴📖❵↵* *حب.ساحر.tt* 💙🖇️
*❴🔢❵☟الـــبـــــــــــ❴7️⃣❵ــــــــــــارت☟*
➖➖➖➖➖➖➖➖➖
*
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h```
➖➖➖➖➖➖➖➖➖
حب ساحر
(الجزء السابع)
بقلمي مرام
خلصت شغل ورجعت عالبيت ...امي عم تجهز ضيافة وريم سبقتني اليوم وعم تروق الصالون والمضافة ...
لينا: اهلا وسهلا رفيف فوتي تعشي نحنا اكلنا ولا تطولي قبل ما يجو الجماعة
رفيف: تمام ماما رح جهز حالي اصلاً مو جوعانة
فتت عملت دوش سريع ولبست فستان منزلي ناعم وفردت شعري مع روج كان الباب عم يندق اجا طلال استقبلو بابا بالمضافة وانا قلبي عم يدق هي اول مرة رح يزورنا اغيد مشاعري متناقضة
قاعدة عالكنباية، عم اسمع أصوات الصحون بالمطبخ وأمي عم تجهز الضيافة. قلبي عم يقرع متل طبلة العرس. بعيوني لمعة فرح، وابتسامة صغيرة مو قادرة خبيها.
"يا ربي… أخيراً رح يجي… رح يشوف بابا، رح يدخل بيتنا. من أول ما طلبوني إلو وأنا قلبي طاير، بس ما بقدر قول ولا كلمة. هو مفكرني مجبورة، ويمكن مفكر إني ما بدي… ما بيعرف قديش أنا مبسوطة إنو جاي، ولا بيعرف قديش بحبه.
أنا عايشة بين شعورين… مبسوطة
من جوّا متل طفلة لابسة فستان جديد، وحزينة لأنو شايف القصة إنو إكراه. بس يا ريت يعرف… يا ريت يحس بنظراتي… إنو أنا ما عم أضحك مجاملة، لأ… أنا عن جد فرحانة فيه.
ـــــــــــــــــــــــــــــــــــــــــــــــــــــــــــــ
(اغيد)
ماشي بخطوات متردده.... صدرو ضايق.... وكأنو شايل جبل..... غريبة الدنيا ... لسا ما نشفت دموعي على مرتي.... وهلا عم يجروني على خطبه جديده ..زواج جديد....رفيف...مابحبها ...مابتقبلها ...رح اكتب كتابي عليها ....وانا جواتي كلو اعتراض..... كأني عم خون وحدتي وذكريات مرتي.....عم خون الوفا اللي وعدتها فيه ...
بس شو فيني اعمل ....لازم وقف قدام عمي وكأني مقتنع وفرحان؛؛؛ بس الحقيقة ؟؟... انا مجروح...ومابدي غير ارجع لذكرياتي.... هلق انا تايه ..بين الماضي والحاضر
وصلنا ..صفيت السيارة ونزلنا سوا
وقف أغيد عند الباب، إيده مدت تتحرك لتدق، بس أصابعه تجمّدت لحظة. نفسو صار متقطّع، قلبه عم يدق بسرعة، مو من فرحة… من وجع.
فتح الباب، ريحة القهوة وريحة البيت الغريب ضربت بوشّه. حس حاله غريب، غريب بين جدران مو إلو.
بمجرد ما مد رجله جوّا، شبح نور مرّ بخياله. صور ضحكتها، صوتها، ريحة عطرها… كلها رجعت مرة وحدة. غصّة كبيرة وقفت بحلقه.
حكى مع نفسه:
"يا الله… كأني عم خونها… كأني عم أدفنها بإيدي للمرة التانية. هي ما راحت من قلبي، ولسا ذكراها معلقة بكل تفصيلة بحياتي. واليوم؟! أنا واقف ببيت عروس جديدة، مفروض بلّش معها صفحة، وأنا جوّاتي الكتاب
القديم ما تسكّر لسا ."
قعد على الكنباية قدام عمّه، بس عيونه ما عرفِت تركز. كان يشوف قدامه بس يحس قلبه واقف وراه، مربوط بماضيه. كل كلمة بتنقال حواليه، كل ضحكة، كل مجاملة… عم توجّعو أكتر. كأن الزمن عم يجبرو يضحك وهو جوّاه عم يبكي.
ــــــــــــــــــــــــــــــــــــــــــــــــــــــــــــ
رفيف قاعدة بالمطبخ، سامعة وقع خطوات الرجال، صوت السلام، ودقات قلبها عم تدق كأنها بدها تسبق الأحداث. ما بتجرؤ تطل، لأنو لسا ما صار كتب الكتاب.
دخلت أم أغيد… رفيف ركضت بخطوات صغيرة، ملامحها مورّدة من الخجل والفرح. مدّت إيدها وسلّمت بحرارة، وحاولت تحافظ على صوتها ثابت:"أهلا وسهلا خالتي، البيت بيتك
بس من جوّا؟! قلبها كان طاير
"يا الله… هو ورا الباب! هو قاعد بالمضافة مع بابا… وأنا حتى ما بقدر شوف عيونو. بس ريحته، وجوده حوالينا، كافي يخلي كل جسمي يرجف. بحس حالي بدي أضحك وأبكي بوقت واحد."
كانت عم تجهّز القهوة بإيدها، وكل حركة إلها معنى.عم تحاول تخبي ارتباكها، بس هي جوّاها مبسوطة إنو اجا، صار قريب، صار إلو مكان ببيتهم. ومع هيك…ضلت حزينة، لأنو الزواج إجباري وهو ما بيعرف قديش هي بتحبّه.
ــــــــــــــــــــــــــــــــــــــــــــــــــــــــــــ
حازم: اهلا وسهلا اخي ابو اغيد نورتو البيت
حسام: منور بوجودك والحمدلله على سلامتك
حازم: الله يسلمك
حسام: مشان مانطول بالموضوع نحنا مو حابين نعمل خطبة بما انو الزواج قريب
حازم : مافي مشكلة متل مابدكن
حسام: ومشان كتب الكتاب فينا بكرا نكتبو مشان العرسان يتعرفو على بعض براحتهن
حازم: اي بكون احسن
حسام: شو بتحبو تطلبو المهر
حازم: ابو اغيد البنت بنتك بتكتبلا متل مابدك
حسام: والنعم منك رح نكتبلا متل اختها لكن
حازم: ماعنا مشكلة ...شو اغيد شلون شغلك
اغيد: الحمدلله ماشي
حازم: ورح تضل مستقر هون ولا بدك تنتقل للمدينة كرمال الشغل
اغيد: لا مرتاح هون مو مفكر انتقل
حازم: بتعمل عين العقل اللي بيطلع برا بلدو للشغل مابعود يرجع بصير صعب عليه
حسام: مانك ناوي تستقر هون
حازم: عم زبط اموري فوق وبعدين بإذن الله راجع استقر يعني بدك تقول اخر سفرة بزبط اموري وبرجع
كان طلال عم ينكشو لاغيد بهدوء بدون مايحس عليه عمو
طلال: فردها اغيد عيب عمك قدامك
اغيد: ماني قدران رح اختنق بس بدي امشي
طلال: عيب يازلمة بعمر ابوك قاعد مبوزم قدامو هلق بقول جاية غصب عنو
اغيد: ليش مو هي الحقيقة
طلال: ولو كان هي القهوة اجت يعني خلصت القعدة فردها شوي
اغيد: عم حاول
وقف طلال اخد صينية القهوة
طلال: عنك عمي انا بضيف
حازم :الله يرضى عليك
ــــــــــــــــــــــــــــــــــــــــــــــــــــــــــــ
لينا: يا مية اهلين وسهلين اختي ام اغيد نور البيت بوجودكن
سما: البيت منور بصحابو ..والله فرحتنا وحدة والبيت مابيحلا غير ب لمة الفرح فيه
ريم عم تغمز لرفيف: شو رفيف وجهك احمر وقلبك عم يدق بسرعة
ابتسمت رفيف وتوردت اكتر
لينا: اي الحمدلله الله يديم الفرح يارب وان شاء الله كلشي جاية يكون حلو
سما: اي والله فرحتنا وحدة وان شاء الله ايامكن الجاية كلها حلوة متل رفيف
خجلت بزيادة : شكراً خالتو تسلمي
سما: شو هي خالتو ناديلي مرت عمي
رفيف: متل مابدك مرت عمي
سما: والله يا لينا بنتك دابت بقلبي متل السكرة
لينا: الله يخليلك اللي عندك والله سمعتكن وسمعة اغيد مافي منها بالبلد
سما:اي والله يااختي اغيد اخلاقو جداً عالية بس هو بطبعو كتوم ومابحب يبين مشاعرو لحدا
لينا: اي والله كلو حكا عنو بالخير ..نحنا شو بدنا اكتر من رجال يصون بنتنا ويسعدها
سما: نشالله بنتك مابتنهان عنا ومنحطا على عينا وراسنا والله هية صارت بنتنا وغالية علينا
لينا: الله يسعدكن ويهنيكن فيها ..شوفي رفيف بيت عمك طيبين وبينحبو
رفيف محمرة من الخجل: الله يسلمك مرت عمي ...هالشي من طيب اصلكن
ريم بضحكة: يمى ..شو رفيف شايفة ..اليوم كلو مبسوط فيكي وفرحانلك ..شكلك رح تتزوجي قبلي وتاخدي الاضواء
سما: هلق بشكل عام لانو صارت النا رح تاخد الاضواء
ريم: ايوا وانا اقعد على جنب
سما: لا ولو الله يتمملكن على خير انتو التنتين ويبعتلكن ايام حلوة متلكن
ريم_ رفيف: الله يسلمك
اجانا خبر من بابا انو بدهن يمشو
لينا: والله مبسوطين فيكن خليكن كمان شوي
سما: والله وانا نبسطت كتير بزيارتكن بس لازم نمشي بدي شوف على شو اتفقو ونجهز حالنا قدامنا شغل كتير
لينا: عيديها طيب
سما: نشالله ...معقول مااجي والله حبيتكن من قلبي
سلمت عليهن وبوست رفيف وغمرتها
سما: نشالله عن قريب بشوفك عم تتفتلي ببيتك وتزينيه
رفيف: تسلميلي
سما: بخاطركن يا جماعة
ردو: مع السلامة
ــــــــــــــــــــــــــــــــــــــــــــــــــــــــــــ
طول الطريق امو عم تمدح برفيف وبجمالها وهو عقلو مو معهن شارد وحزين....بكرا كتب كتابو على رفيف....بس شو مشان نور ....معقول ...ماصرلا غير اربع شهور ميتة ....كيف فيه يجيب غيرها لبيتو ....وتدخل حياتو كزوجة تانية غير نور .....
وصلو عالبيت وطلع لشقتو دغري ...ماقدر ينام طلع للبرندا وشرد لبعيد
سند راسو عالحيط، يطلع
بالدخان اللي عم يطلع قدام عيونه، ويغرق بأفكارو:
أغيد (بهمس لنفسه): "بكرا… بكرا بكتب كتابي… وأنا قلبي مو راكب عهالفرحة. كل الناس مبسوطين غيري."
يسكت شوي، يعض شفايفه، يذكر مرته الأولى.
أغيد (يغمض عيونه): "الله يرحم روحك… كأني عم خونك إذا بمشي بخطوة جديدة. ما عم بقدر أتخيل حدا تاني جنبي… لا بضحكة، ولا بكلمة."
يتنهد بعمق، يضرب السيجارة بالمطفاية، يطلع للسقف.
أغيد: "رفيف… بنت طيبة، ما إلها ذنب… بس أنا؟ أنا ماني جاهز. قلبي لسا معلق بالماضي… يمكن بكرا أمشي كأني طبيعي، بس من جوّا… موجوع."
سند كفّه عوجهه، تنهد، حاول يقنع حاله:
أغيد: "يمكن الأيام تغيّرني… يمكن هي تستاهل فرصة… بس بكرا رح يكون يوم تقيل عليّ. يا ريت فيني أهرب… بس ما بدي أجرح حدا."
بغمض عيونه، يترك حاله يغرق بين الحنين والخوف، والليل بطوّل فوق راسو
ــــــــــــــــــــــــــــــــــــــــــــــــــــــــــــ
ضو القمر داخل من الشباك، والفستان الزهري معلّق عالكرسي قدامها، كأنو عم يناديها.... قاعدة عالتخت، ضامة مخدتها، وعيونها عم تلمع.)
عم تتنفس ببطء، تضحك بخجل لحالها:
رفيف (بهمس): "بكرا… بكرا بكتب كتابي… يا الله، ما كنت أتخيّل هاليوم يجي هيك بسرعة. قلبي ما عم يهدى، كأنو بدو يطير من مكانو."
تمد إيدها وتلمس الفستان المعلّق، أصابعها ترتجف بخفة.
رفيف (تبتسم): "كأني طفلة صغيرة عم تلعب بعروس جديدة… بس هي المرة العروس أنا."
عيونها تروح لصور صغيرة عالحيط، ذكريات طفولتها، وتتنهد.
رفيف: "من وأنا صغيرة كنت أتخيّل هاليوم… بس دايمًا كنت شوفو بعيد. هلأ صار بكرا… وبكرا يعني حقيقة."
ترجع تسند راسها عالترس، تذكر لحظة دخول أغيد عالبيت، صمته وهدوءه.
رفيف (تفكر بصوت واطي): "هو غريب… عيونو فيها شي ما بينحكى. في حزن… بس بنفس الوقت في طيبة. يمكن الأيام تعلّمني أسرارو."
حطت إيدها عصدرها، قلبها يدق أسرع.
رفيف: "أنا مبسوطة، إي… بس جوّا قلبي في خوف. شو إذا ما فهمني؟ شو إذا بقي بعيد؟"
تبتسم بخجل، دمعة صغيرة تنزل عخدها، بس دمعة فرح مو وجع.
رفيف (بهمس): "يا رب… ساعدني… خلي هاليوم بداية لشي حلو. يمكن يكون صعب شوي، بس أنا بحس إنو قلبي ماشي عالطريق الصح."
تتلفت حواليها، الغرفة هادية، عقارب الساعة عم تمشي ببطء، وكأنو الليل أطول من المعتاد. غمضت عيونها، ضمت مخدتها بقوة.
رفيف (بصوت واطي): "يا الله… بكرا رح كون عروس… فرحانة… وخايفة… بس أكتر شي… مبسوطة."
تبتسم لحالها، وتترك حالها تغرق بين أحلامها والليل الطويل
ــــــــــــــــــــــــــــــــــــــــــــــــــــــــــــ
صحيت من النوم على صوت الاذان...كنت متكسر تكسير من النومة عالارض ...مابعرف كيف غفيت عالبرندا من كتر التفكير ....توضيت وصليت وطلعت من البيت قبل ماحدا يشوفني ويستلمني ...مو ناقصني كمان ...شعور الخيانة صعب ....صعب كتير ....كان بلش يطلع الضو ...وبطريقي للمقبرة....
واقف قدام قبر مرته، لابس بدلة عادية، بإيده وردة بيضة قطفها من الشتلة عالبرندا كانت تحبها نور)
سند ركبته عالأرض، حط الوردة فوق القبر، صوته مبحوح:
أغيد (بهمس): "صباح الخير يا روح… إجا اليوم اللي ما كنت متخيل إني عيشو بلاكي."
يمد إيده يمسح التراب بلطف، كأنو عم يلمسها:
أغيد: "اليوم… كتب كتابي. بس مو قادر أفرح… قلبي كل ما يتذكر اسمك بينكسر. حاسس بخيانة… كأني عم أخذلك إذا ابتسمت لغيرك."
تنهد، رفع عيونه للسماء:
أغياد: "سامحيني… والله ما كان بإيدي. الدنيا أخدتني عالطريق هاد. يمكن الله كاتبلي أبلش من جديد… بس صدقيني، إنتي بعدِك بقلبي."
سكت شوي، صوته ضعف:
أغياد: "رفيف… بنت طيبة، ما إلها ذنب. يمكن تكون بداية جديدة… بس أنا؟ أنا ما بعرف إذا بقدر أنسى. رح ضل أحملك معي، وين ما رحت."
وقف ببطء قدام القبر، ضرب كفّه عصدره بخفة، وعيونو تدمع:
أغياد (بصوت مكسور): "الله يرحم روحك… وادعيلي من فوق… يمكن بكرا ألاقي حالي، ويمكن لأ."
لتفت ليمشي، ظهره محمّل، خطواته تقيلة، كأنو ماشي على وجع .....راح لشغلو .....بلكي يقدر يخفف شوي من وجع خيانتو لنور
ـــــــــــــــــــــــــــــــــــــــــــــــــــــــــ
صحيت من الصبح متنشطة ...وبما انو اليوم الجمعة ماعندي شغل ... يعني متفرغة لتجهيز حالي .....سدقت حالي العرووس....يالله شو كان صار لو اغيد عنجد بدو يتزوجني ...ما يكون مجبور عليي ...برغم التجهيزات ....والفرحة....هاد كلو مالو معنى ....اغيد بدو يتزوجني شكليات ليرضي اهلو ...عالورق ....يالله اديش شعور صعب وقت اتزكر هالشي
فتت عالمطبخ كانو بابا وماما عم يشربو القهوة سوا
رفيف: صباح الخير
حازم_لينا :صباح النور
لينا: جيبي فنجان وتعي شربي القهوة معنا
رفيف: شكلي قطعتلكن القعدة الصباحية
لينا: تعي بلا جدبة
حازم: رح تتجوزي وانتي لسا متل الولاد شو هالبجامة ...مايشوفك اغيد ليهرب فوراً
رفيف: ييه يصحلو اصلاً ...وحدة متل رفيف وتيابها وبجامة ارنوب كمان
لينا: ماهو لو ماحسنتي لبسك ماكان خطبك ...كنتي متل الصبيان
رفيف: بالله...وهلق شلون
لينا: صار لبسك احسن من وقت طلبوكي
رفيف: وهو المطلوب ..رفيف الانثى لازم ترجع للساحة ... بتعرفي قريباً رح بلش بالتصميم ولازم كون انيقة
لينا: الله يوفقك يارب
بعد ماصحيت ريم فطرنا وماقدرت اكل غير كم لقمة وقمت رتب البيت مشان الحق زبط حالي قبل موعد الكتاب
ــــــــــــــــــــــــــــــــــــــــــــــــــــــــــــ
بعد الضهر رجع اغيد عالبيت بعد الف اتصال من امو
سما: ليش طالع بكير من البيت
اغيد: حبيت اطلع بكير وخلص شغلي باكر ...متل مابتعرفي يومي حافل
سما: عالاقل كنت حكيتني خفت تكون...
اغيد: شو...خفتي كون هربت ...ماحسبتو هالحساب وقت فكرتو تزوجوني غصب عني
سما: كلو لمصلحتك
اغيد: اييي....بكل الاحوال انا مستحيل اعمل هيك فيكن واترككن بنص الطريق
سما: الله يرضى عليك يا اغيد وافرح فيك وشوفك سعيد بحياتك ....وهلق بدك تحلق وتجهز حالك عنا مشوار عالصاغة وبدنا نلحق نجيب الحلو ...الوقت عم يركد بسرعة ...مو حلوة نتأخر عالجماعة
اغيد: ماشي متل ما بدك
طلعت على بيتي وفتت على غرفة النوم ...وقفت اتأمل صورة عرسي انا ونور .....مابعرف كم دقيقة مرت وانا عم اتأملها .....دموعي لحالها عم تنزل ....قربت من الصورة وحملتا
اغيد:"بوعدك يانور هالقلب مايسكنو حدا غيرك....وهالغرفة مارح ينام فيها غيري ....انا مستحيل خونك ولو بالتفكير ....ماقدرت امنع هالزواج ...ورفيف مجبورة كمان ....وهاد الشي لصالحي ...هية مارح تطالبني تكون زوجة ابداً .....زواجنا لمصلحتنا نحن التنين ....
تركت الصورة ورحت حلقت وتحممت وطلعت لبست طقم رسمي باللون الاسود وقميص رمادي ..بدقة الباب ...فتحت
سما: خلصت
اغيد: اي تقريباً جاهز
سما: رح اسبقك عالسيارة خلص دغري ولحقني
اغيد: ماشي جاية
طلعنا عالصاغة ونقت امي التلبيسة وانا واقف على جنب مو قدران حتى نقي معها....تذكرت وقت اجيت انا وياها مع نور....كانت خجلانة تنقي ....كنت عم نقيلا وخيرها ...كنت مبسوط فيها وطاير عقلي ....سامحيني نور ....مو قدران اعمل شي .....
طلعنا على محل الورد واختارت امي موديل الباقة على ذوقها
اتصل ابي هلق
سما: اي حسام قلي
حسام: وين صرتو رح نتأخر
سما: لسا بقيان نجيب الحلو ومنخلص
حسام: عم استناكن لا تطولو
سما: ماشي...اغيد بدنا نجيب الحلو ونستعجل كرمال ما نتأخر
اغيد: تفضلي
شترينا الحلو وبطريقنا لعند ابي اخدناه ورجعنا عالبيت نجيب سارة ....كانت فرحانة رح تتعرف على رفيف اليوم ....كلن فرحانين ...وانا الغصة رح تدبحني ...موقدران اعمل شي....سامحيني نور
ــــــــــــــــــــــــــــــــــــــــــــــــــــــــــــ
ريم واقفة وراها عم تسرّح شعرها بخفة، وأمها ماسكة فنجان قهوة وعم تطلع عليها بابتسامة واسعة.
لينا (بحنية): "الله يرضى عليكي يا بنتي… اليوم فرحتنا فيكي. قلبي ما عم يصدق إنك صرتي عروس."
ريم (تضحك وتغمز): "لا سدقي… لا عم تنام ولا عم تاكل من امبارح… شكلك رح تطيري من الفرحة."
رفيف (بتخجل، تخفض عيونها): "والله قلبي عم يدق… ما عم بقدر أستوعب إنو اليوم كتب كتابي.".
لينا: "شو ما صار… أهم شي تكوني مرتاحة ومبسوطة. الله يبعتلك الخير وين مارحتي....."
ريم (تضحك): "إي ماما، وإذا ما راح تكون مبسوطة… أنا بضل حدها بنكد عليها شوي."
رفيف (تضحك بخجل): "ولك سكتي ريم… الله يسترني منك."
حطت لينا إيدها عإيد رفيف، وصوتها مليان محبة:
لينا: "إنتي فرحتنا الاولى… وكلشي بهالبيت منوّر فيكي."
رفيف دمعت من الفرحة، مسحت دموعها بسرعة وتبسمت
رفيف (بهمس): "الله يخليلي ياكن… اليوم أحلى يوم بحياتي."
بعد ماطلعت ماما من الغرفة قربت ريم لعندي واطلعت بعيوني
ريم: "رفيف انتي متأكدة من هالخطوة
رفيف مسكتلا ايدا: "لا تخافي عليي ...سدقيني انا مبسوطة."
ريم:"بس اغيد مفكرك مجبورة عالزواج متلو .."
رفيف:" اكيد مارح نبقى لآخر حياتنا مجبورين صح... بالنهاية حزنو رح ينتهي ورح يشوفني بعينو زوجة تليق فيه .."
ريم:" مع هيك خيفانة عليكي تنقهري خايفة يجرحك بعد الزواج ....والانثى بس تنجرح من يلي بتحبو صعب يترمم هالجرح ..."
رفيف:"بعرف...بس قلبي هيك بدو ...انا مرضت وقت تزوج نور ...ما ممكن ارجع جرب نفس الشعور مرة تانية....مع الوقت رح ينحل كلشي....هو هلق بدو مرأة لينسى نور ..."
ريم:"وانتي بتقبلي تكوني البديل .."
رفيف:" فترة مؤقتة ورح صير اساس بحياتو ..."
دق الباب معلن وصول الضيوف ومع الدقة رجع قلبي يدق اكتر من الاول
ــــــــــــــــــــــــــــــــــــــــــــــــــــــــــــ
دخلو الرجال عالمضافة واصوات السلام والتحيات مسموع للنسوان
بينما السلام كان عند النسوان حافل وتعارف
سارة:"كيفك ياعروس ."
رفيف:"الحمدلله بخير."
سارة:" انا سارة اختو لاغيد."
رفيف:" اهلا وسهلا تشرفت فيكي ."
رفيف:'حبيبة قلبي."
ــــــــــــــــــــــــــــــــــــــــــــــــــــــــــــ
رفيف قاعدة على كرسيها جنب أمها، ريم واقفة وعم تلمس إيدها بخفة، عيون رفيف بتلمع بدموع فرح صغيرة.
لينا (تبتسم بحنية): "الله يخليكي يا بنتي… اليوم يومك، يا رب يكون كله خير وفرح."
ريم (تغمز وتضحك): "شايفة رفيف؟ عم تسمعي كل كلمة… قلبي عم يرقص من فرحة."
رفيف (بهمس بخجل، عيونها للأسفل): "إي… قلبي عم يدق بسرعة… كلشي جديد علي."
النساء حواليها يحكوا ويضحكوا مع بعض، يحكوا عن أغيد وأخلاقه:
سما: "أغيد شب مرتب… وهادي… وقلبه طيب."
ريم (تهمس لرفيف): "شايفة؟ كل الكلام منيح… بس قلبك عم يرقص؟"
رفيف (بتتنهد بخجل، دمعة فرح صغيرة): "إي… حاسة إنو اليوم كلو حلو… حتى لو اغيد مو شايفني."
(داخل المضافة – أغيد مع الرجال)
أغيد واقف جنب الكاتب والمأذون، عم يحاول يبتسم، يرد التحيات، بس قلبه تقيل وعيونه فيها حزن وحنين للماضي.
أغيد (لنفسه، وهمس): "لازم كون هادي… اليوم الكل مبسوط… وأنا جوّاتي عم يحترق… قلبي لسا مع الماضي."
المأذون يرفع صوته بهدوء:
المأذون: "بسم الله الرحمن الرحيم… يا جماعة الخير، اليوم جينا نكتب كتاب الشاب أغيد ابن حسام نور الدين، على الآنسة رفيف بنت حازم عبد القادر، على سنة الله ورسوله. بتوكلنا على الله"
الرجال يردّوا بصوت واحد:
الرجال: "توكلنا على الله."
المأذون يلتفت لأبو رفيف:
المأذون: "يا عمّ، بتوكّلني أزوج كريمتك رفيف، على مهر مقبوض ومعجّل ومؤخّر متفق عليهم؟"
حازم (بثقة وصوت عالي): "وكّلتك يا شيخ."
المأذون يلتفت لأغيد، يمد إيده لإيد حازم، وأغيد يمد إيده بتردد، يقبض عليها بخفة. قلبه مثقل، بس شكله هادي.
المأذون: "قول وراي يا أغيد… قبلت الزواج من رفيف بنت حازم عبد القادر، على سنة الله ورسوله، وعلى الصداق المسمّى بيننا."
أغياد (بصوت واطي، مبحوح بس ثابت): "قبلت الزواج من رفيف بنت حازم عبد القادر، على سنة الله ورسوله، وعلى الصداق المسمّى بيننا."
المأذون يبتسم، يلتفت لحازم مرة تانية:
المأذون: "وإنت قول: زوّجتك ابنتي رفيف على ما ذُكر."
حازم (بحزم واعتزاز): "زوّجتك ابنتي رفيف على ما ذُكر."
المأذون يسجّل بخطو على الدفتر،
المأذون:"منقرأ الفاتحة على نية التوفيق."
الرجال حواليهم بلشو يردّدوا: "بارك الله لكما وبارك عليكما وجمع بينكما بخير."
أغيد سحب إيده ببطء، طأطأ راسه، حاول يخفي وجع كبير جوّا صدره، قرأ الفاتحة ومسح وجهو
بينما حازم خلص قرائة وتبسم فخور قدام الرجال.
وقف طلال حضن اغيد وباركلو ."
طلال:" مبارك يارفيقي ونشالله زواجة الدهر ."
اغيد:"الله يبارك فيك."
واحد من الكبار قام وصافح أغيد:
الرجل: "مبروك يا أغيد… الله يجعلها ساعة مباركة."
بلشو الرجال يتوافدوا عليه، واحد يسلم، واحد يربّت عكتفه.
رجال تاني: "الله يهنيك ويهدي بالك… هيك صرت عريس."
أبو أغيد مبتسم، مفتخر بابنه قدام الكل.
حسام: "الله يرضى عليك يا ابني… إن شاء الله أيامك كلها سعادة."
أغيد يحاول يبتسم ويرد:
أغيد (بصوت مبحوح): "الله يبارك فيكن… جزاكم الله خير."
بينما عيونو ضلت هاربة عالأرض، قلبه تقيل، وابتسامته ما بتوصل لعيونو."
بالصالون –
النسوان يصفقوا بفرحة، الأصوات ترتفع، الجو مليان فرح.
وحدة من النسوان: "مبروك يا رفيف! عقبال الفرح الكبير."
رفيف(مبتسمة بخجل):"الله يبارك فيكي خالتو:
ريم (بمزاح وحب): "يا عروس! ولك صرتي ست متجوزة… ما بقى فيكي تدلعي عليي."
رفيف بخجل، عيونها عم تدمع، تحاول تخبي دمعتها بابتسامة:
رفيف (بهمس): "الحمدلله… الله يفرّح قلوبكن متل ما عم فرّحتوني."
سما قربت، حضنت رفيف بحنية
سما: "مبروك يا بنتي… إنتي صرتي بنتي التانية، بيتنا مفتوح إلك متل بيتك."
رفيف نزلت راسها بخجل، ردت بصوت واطي:
رفيف: "الله يخليكي… ويقدّرني
أكون عند حسن ظنكن ."
صار وقت تلبيس المحابس نادو لاغيد وبلشت النسوان تلبس على راسها
رفيف خدودها مورّدة. وريم عم تضحك وتغمزها:
ريم (بهمس): "يلا يا عروس… حضري حالك."
لينا واقفة تستقبلو،"
لينا: "تفضّل يا ابني… الف مبارك ؛الله يتمملكن على خير."
اغيد:"الله يبارك فيكي
قرب اغيد ببطء، عيونو على رفيف لحظة صغيرة وبعدين يبعدها. قلبه تقيل، بس لازم يكمل الطقس قدام الكل. سلم عليها وصافحها
اغيد:" الف مبروك ."
ردت رفيف(بخجل):"الله يبارك فيك."
فتح العلبة بإيديه المرتجفين، طلع منها طقم دهب لامع.
سما: "يلا يا أغيد، حطّو بإيد العروس… خلّي نفرح."
أغيد مد إيده المرتبكة، مسك إيدها الناعمة المرتجفة. رفيف خجلت أكتر، عيونها بالأرض، بس ابتسامة صغيرة عم تطلع غصب عنها.
حط الخاتم بإصبعها، بعدين الإسورة. أصابعه عم ترجف وهو يلبسها، قلبه مليان تناقض: من برّا عريس قدام الناس، ومن جوّا لسا غرقان بذكرى مرته.
رفيف رفعت راسها للحظة، لتقت عيونا بعيونو بسرعة. ابتسامة خجولة على وشها، أما هو فعيونو حزينة، بس بيحاول يرد بابتسامة صغيرة باهتة.
بلشت النسوان يزغردو ويضحكوا:
النسوان: "مبارك… يتهنوا ببعض."
ريم (بحماس): "يا الله ما أحلاهن سوا!"
رفيف سحبت إيدها بلطف،وردت المباركات، تلمع عيونها دموع فرح وخجل. أغيد رد السلام عالنسوان، وعيونو تعلقت لحظة سريعة على رفيف قبل ما يبعد.
ــــــــــــــــــــــــــــــــــــــــــــــــــــــــــــ
بلشت الضيوف تمشي وماضل غير اهل اغيد عنا
سما:"حابة اغيد يضل يتعرفو على بعض بس عندو شغل كتير الصبح ....لا تزعلي يا عروس ان شاء الله رح يعوضلك ياها."
رفيف:"مافي مشكلة."
لينا:"ايمت مابيجي اهلا وسهلا يعتبر البيت بيتو ."
سما:"يسلم البيت وصحابو ."
.."راحو من عندن وبلشت حملة التنضيف..."
ـــــــــــــــــــــــــــــــــــــــــــــــــــــــــــــ
سما:"والله كنت حاببتك تسهر عندن ...ليش مارضيت..... هيك العروس بتكون زعلت."
اغيد:" انا على عيوني الجية كلها كمان بدي اسهر."
سما:"هي صارت خطيبتك ...كتبتو كتابكن اليوم....لازم تبلش من جديد ...وتنسا الماضي...لا تكسر بخاطر رفيف ...انت لسا ما بتعرفها... بس تتعرف عليها رح تعرف انو اختيارنا صح."
اغيد:" اي ان شاء الله."
وصلو عالبيت وطلع اغيد لشقتو
ــــــــــــــــــــــــــــــــــــــــــــــــــــــــــــ
اخر الليل
رفيف قاعدة قدام المراية، ماسكة إيدها اللي لابسا المحبس. مبتسمة بخجل،عم تتلمس الخاتم كأنها عم تتحسس الحلم.
رفيف (بهمس، مبتسمة): "يا الله… صرت عروس لاغيد عنجد... اسمي صار مربوط باسمو.".
"عيونو كانت حزينة…. ايديه كانت عم ترجف ....كان مبتسم مسايرة ...ماحب يحرجني قدام الضيوف ....يمكن الأيام تفتحلي قلبو. يمكن أنا كون السبب اللي يرجّع البسمة لوجهو."
تسطحت على تختا وحضنت مخدتها
رفيف: "الحمدلله… اليوم أسعد يوم بحياتي."
ــــــــــــــــــــــــــــــــــــــــــــــــــــــــــــ
أغيد قاعد عالكرسي، مع سيجارة مطفية قدامه وكاسة شاي ما شربها..
أغياد (بهمس لنفسه): "كنت عريس قدام الكل… بس جوّا؟ كنت غريب."
مسك صورة عرسو ، لمسها بإيديه المرتجفة.
أغيد: "سامحيني… اليوم لبّست غيرك محبس الزواج…قلبي ما كان موجود. كان لازم ابتسم غصب عني…سدقيني جواتي كان عم يحترق ."
سند راسو عالحيط، تنهيدة طويلة طلعت من صدرو، غمض عيونه:
أغيد: "يمكن الزمن يداوي… يمكن لأ. بس الليلة… الليلة وجعي أكبر من اي وقت تاني."
*يـــــــــ͢ـོ͓ـــتبــــــــــــــོـ͓ـــ͢ــ؏*
➖➖➖➖➖➖➖➖➖
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h```