الفصل 4
*قـصـص وروايـات عـالـمـيـة💙📚📖*
*بإدارة* *يـامـن💙*
*❴📖❵↵* *حب.ساحر.tt* 💙🖇️
*❴🔢❵☟الـــبـــــــــــ❴4️⃣❵ــــــــــــارت☟*
➖➖➖➖➖➖➖➖➖
*
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h```
➖➖➖➖➖➖➖➖➖
"حب ساحر"
" الجزء الرابع"
بقلمي مرام
ماعم اقدر ركز بالقرائة قاعدة قريب من باب البرندا ودوبي اسمع ايا كلمة ...عاملة حالي عم اقرأ بينما ريم حدي عم تنطوط بدها تطلع وماعم خليها قد ماكان نحنا بنات محترمين ولو طلعت هلق رح يعرفو انها مقصودة
نادتلي ماما ورحت لشوفها
رفيف:نعم ماما
لينا: جوالك عم يرن
رفيف : طلعت عالجوال كان يعرب متل كل يوم بنفس الوقت بدق رديت عليه وفكري مشغول
حكينا شوي وبعدين قلتلو :يعرب خلينا نحكي بكرا انا كتير تعبانة
يعرب بملل : ماشي
رجعت لعند ريم لساها عم تحاول تتسمع عليهن
رفيف: خلص ريم عيب هالحركات
ريم : هفففف شو انك مدمرة للسعادة رايحة على غرفتي ادرس
لينا : رفيف نزلي جيبيلي متة عالسريع مالقيت عندي
رفيف: طيب ماما
لبست الجاكيت فوق البجامة ونزلت جبتلا ..وانا طالعة عالدرج طلعلي اغيد زورنا بعض واجينا لنمشي روح شمال يروح شمال روح يمين يروح يمين عصبت منو
رفيف: ايييي وبعدين معك
اغيد :وبعدين معك انتي لسا وين مابروح بتطلعيلي
رفيف: شو مفكرني قاتلة حالي على شوفتك
اغيد : لا يا على شو شايفة حالك مابعرف
رفيف: طبعاً بدي شوف حالي ولا بتحب اتشردق عليك استاذ طاووس
اغيد : ننننعم شو تفضلتي ....انااا طاووووس؟؟؟
رفيف: اي نعم طاووس ومغرور وشايف حالك وعلى شو مابعرف اي ابن جيرانا الاسود احلى منك
اغيد: ازا انا بشع انتي شو ...لك اتطلعي على حالك ...لك مابتشبهي البنات بشي لابسة بجامة ولادية وطالعة عالشارع ....هاد غير لبسك عالشغل بحس زلمة عم يمشي مو انثى ضربة رجلك بتهد الارض الله يعين خطيبك عليكي ...جاية تتواقحي عليي بدال ماتتشكريني اني ساعدتك اليوم فعلاً اعمل خير وكب بالبحر
ماردت عليي فتلت وشا وطلعت وانا كفيت طريقي ركبت بسيارتي وعالبيت
ــــــــــــــــــــــــــــــــــــــــــــــــــــــــ
عطيت المتة لماما وفتلت لروح على غرفتي
لينا: تعي شربي معي رح ساويلك كاسة
ضليت ماشية كرمال ماتشوف دموعي : مو جاية على بالي بدي نام
فتت على غرفتي دغري ...قفلت الباب ولحشت حالي على تختي ...كتمت شهقاتي بالمخدة كرمال ماحدا يسمع ...ليش هيك حكاني ...ليش هيك كسر خاطري .... كلامو تقيل عليي ....مابتحمل
يالله قلبي مكسور ...عم اتعذب على حبو .... ياربي اديش بدي اتحمل لسا ....اليوم وبعد ماعرفت نظرتو الي ورأيو فيني لازم طالعو من قلبي .....بدي طريقة لحتى ماا فكر فيه والطريقة الوحيدة (((زواجي)))
نمت من كتر البكا وماعاد حسيت على شي
ــــــــــــــــــــــــــــــــــــــــــــ
(اغيد)
كل الطريق مزعوج ...بحياتي ماكسرت بخاطر حدا ....ليش هالبنت بالذات ...قهرتا كتير ....مالي حق علق عليها وعلى لبسها ...صح غريب بس الناس اذواق ...وقت وصلت كانت نور نايمة ....صليت وحطيت راسي ونمت
ــــــــــــــــــــــــــــــــــــــــــــــــ
كنت ماشية بطريق طويل معتم لابسة طرحة فوق حجابي وحاملة باقة ورد دبلانة... تحت عيوني اسود... وفستاني اسود ....وكانو دموعي عم ينزلو .....على يميني بابا ساحبني وعلى شمالي ماما
حازم: متأكدة من هالخطوة يارفيف
رفيف: متأكدة
كنا كل مامشينا خطوة يسوء وضعي اكتر وكل مازدنا خطواتنا اكتر تنزل دموعي اكتر لوصلت لعند مرت عمي...امو ليعرب ...كنت بدي سلم عليها ،،،مسكتني من كتافي وهزتني بقوة وهية عم تبكي وتقول : لا تعملي هيك رفيف ...لا تقهري حالك وتقهري ابني ....ابني قلبو نضيف ....لاتحولي قلبو الابيض للاسود.....بترجاكي رفيف ...بترجاكي ....
كنت عم اطلع على يعرب ...كان عم يستناني بآخر الطريق وهو مبسوط ...صرت امشي شوي وانا عم ابكي واطلع لورا شوف مرت عمي عم تبكي لوصلت لنص الطريق نهرت قعدت بالارض وقلتلن ماعاد فيني .....عم اختنق ....
(رفيف)
صحيت من النوم على صوت الاذان ..اتعوذت من الشيطان الرجيم ٣ مرات وقعدت لتهدى ضربات قلبي
رفيف: وبعدين مع هالمنامات ...لازم شوف حدا يفسرلي منامي
قمت توضيت وصليت وقعدت اقرأ بالقرآن لطلع الضو ....قمت حطيت الفطور وفتت جهز حالي للشغل ...وقفت قدام خزانتي اتطلع بتيابي ...ايمتا بدي ارجع انثى ...انا تعبت من الدور الرجولي ...انا نكسر قلبي بسبب عقدة فيني ..... كيف رح شوفو اليوم ....كيف رح اتطلع فيه بعد حكيو معي ....رجعت اتذكر كلامو وانقهر بزيادة ...طالعت قميص أزرق وبنطلون جينز فاتح واسع ولبست حجابي وطلعت صحيهن مشان نفطر ... افطرنا وتيسرت
ــــــــــــــــــــــــــــــــــــــــــــــــ
(اغيد )
صحينا صلينا الصبح وفطرنا وطلعت على شغلي..... فتت على مكتبي ومسكت ملف قضية وقعدت دقق فيه ... ماركزت منيح فكري بشغول بتحاليل نور....عم استنا بفارغ الصبر تطلع النتائج ... دقيت لطلال اتسلى معو
طلال: شو بلاقيك عم تدايقني من الصبح
اغيد: ليكون عندك مرضى بسكر
طلال: لا عادي عم نستنا الصورة لحتى تطلع ...اييي شو ذكرك فينا ياقطة
اغيد: تضرب انت واللي بيحكيك شو سئيل ...قلت لشوفك شو عم تعمل
طلال : عالساعة ٥ عندي وقت فراغ مر عليي عالعيادة
اغيد: مزالك بتخلص عال٥ ليش لشوفك بالعيادة
طلال : عندي مريضة عالساعة ٦ مشان هيك مارح اطلع وارجع
اغيد : وانت بدك ياني اجي سليك مشان ما تمل
طلال: انت لاحظت انو انت اللي تصلت فيني ...يعني انت اللي بدك مين يسليك بدك فضلة فوق مو فاتح عيادتي لاستقبلك
اغيد : خلص خلص بس تنبحت بتبطل تسكت عال٥ بكون عندك
طلال: يالله سكر بدي كفي المعاينة طلعت الصورة
ــــــــــــــــــــــــــــــــــــــــــــــــــــ
بإستراحة الغدا مااجا اغيد وهاد الشي ريحني كتير ....ماني حابة شوف نظراتو الي ....هلق صرت فسرهن منيح ... نظراتو قرف مني ....كيف فيه يكون بكل هالقساوة ....كيف ماشاف الحب اللي بقلبي الو
......ليش ماقرأ شوفي بعيوني
ونحنا عم نتغدا اتصلت فيني ماما
رفيف: اهلين ماما
لينا : رفيف حبيبتي اختك عندا موعد دكتور لعيونها حابة تروح تطمن على نظرها،،، واخدت موعد على وقت رجعتك من الشغل،،، الله يرضا عليكي روحي معها ...بتعرفيني وقت فوت عيادات بمرض ،،،
رفيف : طيب ماما ولا يهمك بروح معها "
سكرت ودقيت لريم وطولت لردت
رفيف: شو ما الك عين تردي
ريم : رفيف حبيبتي انا اختك الصغيرة
رفيف: بلا اختي بلا بطيخ انتي عم تدرسي هلق لاحقة على هدول الشغلات ،"
ريم : بوعدك هي الخطوة الوحيدة اللي بتقدمها ورح وقف لحتى شوف ازا كان مناسب
رفيف: ريم بلالك وجع القلب انتي لسا صغيرة مابتعرفي الحب اديش عذاب
ريم: طيب انتي حكيلي مين معذبك بحبو لروح دقو قتلة ربيه فيها ...مين اعمى القلب اللي زعلك رفيفو
رفيف: شيليني من البياخة انا عالخمسة ونص بمر باخدك من البيت
ريم: ماشي ،،،وشكراً يا احلى اخت بالدنيا ،،"
ــــــــــــــــــــــــــــــــــــــــــــــــــــ
الساعة رح تصير ٥ طلعت ورحت لعند طلال ومن حديث لحديث حكيتلو شو صاير فيني بالنسبة للبيبي
طلال: وكل الله يا رجل ان شاء الله الله مابضركن فيه
اغيد: مارح اهدا لتطلع نتيجة التحاليل
طلال: مابصير الا اللي الله كاتبو
اغيد :ونعم بالله
ــــــــــــــــــــــــــــــــــــــــــــــــــــ
رجعت عالبيت بدلت تيابي وتغديت وطلعت انا وريم كنت لابسة ترانشكوت للركبة باللون البيج وتحتو جينز اسود ناعم وبوط رياضة ... وطبعاً كالعادة مابحب اطلع بالمكياج ...مابحب الشباب تشوفني ممكيجة
رحنا تمشاية للعيادة كان معنا وقت ووصلنا عالموعد
السكرتيرة : دكتور وصلت المريضة ريم عبد القادر
طلال : تمام فوتيها
اغيد: انا رح امشي مارح عطلك
طلال: لا ستناني لخلص بعدين القهوة لسا سخنة وانت ماشربت فنجانك
فاتو من الباب وسلمو ...وقفو الشباب مصدومين وصدمتهن مابتقل عن صدمة رفيف بإنها شافت اغيد قالت بقلبا (كل ماقررت ابعد بلاقيه قدامي وكأنو القدر عم يجمعنا ليحترق قلبي دائماً )
طلال : تفضلو مين فيكن ريم
ريم بإبتسامة خجل :انا
طلال: اي تفضلي خليني افحصلك عيونك .... من شو بتشكي
ريم: ااا فحص روتيني
طلال: فاحصة قبل بمرة
ريم : اي فحصت من شهرين وكان نظري سليم
طلال: وانتي كل اديش بتعملي فحص روتيني
ريم : كل سنة
طلال: وليش هالمرة بس شهرين
تلبكت ريم من سؤالو وحست انو كاشفها : مممابعرف انا بدرس مشان هيك
ابتسم طلال: فهمت عليكي ....شو بتدرسي حضرتك
ريم: طب بشري
طلال: حلو كتير ...
فتل لورا لاقا رفيف واقفة ومستندة للحيط واغيد قاعد وعم يتزاورو بعض
طلال: اغيد ضيف الانسة قهوة تفضلي حضرتك مابعرف شو اسمك بس تفضلي عدي لا تضلي واقفة
رفيف: شكراً الك ...اسمي رفيف
طلال: تشرفنا...
(رفيف )
قعدت مقابيلو ومتمنية الارض تنشق وتبلعني نظراتو بعثرت كلشي فيني ...تطلعت بحالي ومابعرف كيف طالعة ... حسيت لو لبست احلى الشي بالدنيا رح ضل سخيفة بنظرو ......ووومسترجلة ...
ماحكينا مع بعض وحتى نظراتنا ماتوجهت لبعض انا عم اطلع بالارض وهو حمل موبايلو .....اجاني اتصال من يعرب وفصلتلو مافي دقيقة رجع اتصل بابا فيني رديت عليه
رفيف: الو
حازم : كيفك بنتي رفيف
رفيف: الحمدلله انا مشتاقتلك انت كيفك
حازم : وانا مشتقلكن يا روحي ....هي يعرب حدي وعم نحكي بموضوعكن اتصل ليحكيلك انو نحنا اتفقنا على موعد العرس بس مارديتي
انفعلت وقت سمعت حكيو وقفت ناح الشباك ورديت بهمس : كيف يعني اتفقتو شو انا مالي رأي ...انا قلتلو يتركني على راحتي
حازم: رفيف حبيبتي مافي داعي للتأخير ابن عمك انا بعرفو وانتي بس تتزوجي رح تعرفي انو منيح
رفيف: بابا انا برا البيت بس ارجع بحكي معو وبنتفق لا يتصرف بدون شوري
اخد الجوال يعرب : رفيف انا ماعاد بدي استنا انا بدي اتزوج ورح احجزلك تكت الطيارة
رفيف: يعرب انا مو بالبيت ......معصبة ومتوترة كتير مابدي نزعج بعض هلق خليني لروق بحاكيك
يعرب : انتي وين
رفيف: ليش عم تسئل
يعرب : عم استفسر بصفتي خطيبك حابب اعرف وينك ...لازم تكوني بلبيت
رفيف: عم جاوبك لانو بدي سكر انا بالدكتور مع ريم وهلق سلام
سكرت الخط واخدت نفس ورجعت قعدت تحت نظرات اغيد
اغيد : خير صاير شي
جاوبتو بحدة : شو دخلك
حسيت ريم والدكتور نصدمو وطلعو فيني (طبعاً هنن مابيعرفو انو منعرف بعض)
طلال: في شي مشكلة انسة رفيف ..ازعجك رفيقي بشي
رفيف: اكيد لا ...ليش مين هو رفيقك ليزعجني
اغيد: احترمي حالك رفيف ولا تخليني ارجع اغلط بحقك
رفيف: ليش لسا عندك شي تحكي ...ماانت ماشاء الله ماتركت شي مبارح ماحكيتو
طلال_ريم : ليش انتو بتعرفو بعض
جاوبنا سوا : اييي
طلال: كيف بتعرفو بعض
رفيف: انا بشتغل بالحقل عند عمو حسام
طلال: اممم هيك لكن ...وانتو في بينكن عداوة
رفيف: اكيد لا ...رجعت ضهري لورا بغرور : ليش مين هو ..انا اصلاً مو شايفتو
ريم: طيب دكتور شلون كان الفحص
طلال ولسا عينو عليهن شلون عم يتزاورو بعض : كلو تمام انسة ريم نظرك صحيح
ريم: طيب شكراً الك خلينا نمشي رفيف
رفيف : اي منمشي لانو داق نفسي ..العيادة هون مافيها اوكسجين ... شكراً الك دكتور عذبناك
طلال :لا ولو مافي عذاب
طلعو وسكرو الباب
طلال: شو اغيد هلق بدك تحكيلي شو صاير
اغيد : ماصاير شي شقفة عاملة عند ابي عم تتنطوط مفكرة حالها انجلينا جولي وهية شبه كوع الصوبيا
طلال: لا يارجل ماشفتا اسم الله عليهن تنتين بقولو للقمر زيح لناعد محلك
اغيد: انت زوقك بقرف صراحة ....بجوز اختا حلوة اي بس هية...اعوذ بالله
طلال: اولاً لاتمدح جمال ريم قدامي
اغيد: هوب هوب كأنك طابس ولااك
طلال: مادخلك وتانياً لاتحكي على بنت حماي المستقبلية
اغيد: انت عم تحكي جد
طلال: وجد الجد كمان حاجتي عزوبية ...طقت روحي يا رجل ....رح اتوحد على شوي
اغيد: مع اني ماحابب تقرب من هالعيلة وتصير نسيبها لأم غرور بس سيدي الله يقدملك يلي فيه الخير
طلال: العيلة مافي منها انا سئلت عنهن ونشالله قريباً بس تجي امي فوراً رح خليها تخطبلي ياها
اغيد: الله يوفق لنسفق .....بتوصينا بشي
طلال: خليك متونسين فيك
اغيد : لا بدي ارجع عالبيت تعبان وبدي ارتاح
طلال : مع السلامة
ــــــــــــــــــــــــــــــــــــــــــــــــــــ
طلعنا من عند الدكتور وريم منرفزة وعم تتزاورني ...
رفيف: شبك
ريم : شو صاير مين هاد وكيف هيك عم تحكو مع بعض
رفيف: قلتلك انو هاد ابن عمو حسام
ريم: واللي صار جوا شو ...على شو متخانقين
رفيف : مافي شي مهم شغلة ناكتة
ريم: لاااا حبيبتي في شي مهم وبدك تحكي
رفيف: ريم انا كتير تعبانة دقي لتكسي تجي تاخدنا
وقفنا قدام العيادة نستنا التكسي
ريم : اي رفيف خانم احكيلي
رفيف: مافي شي ينحكا ...شغلة تافهة
ريم : رفيف حبيبتي لازم تفضفضي ....وانا اختك ومابغدر فيكي ..احكيلي
رفيف: شعو الطاووس طلع ...خلصت زيارتو عند رفيقو ...لازم يطلع بوجي وين مارحت
ركب بسيارتو. ووقف قدامنا ونزل الشباك
اغيد : شو يا رفيف عم تستنيني تعتذري مني
رفيف: كأنك زودتها ها ...مين انت لاعتذر منك ...لكون انا اللي غلطت بحقك ....لازم انت اللي تعتزر مني فهمت
اغيد: لا تسدقي حالك زيادة...قال اعتذر قال
تركتو عم يحكي ورحنا ركبنا بالتكسي وقت وصلت
رفيف: قليل زوق
ريم : خلص رفيف روقي
ــــــــــــــــــــــــــــــــــــــــــــــــ
وصلنا عالبيت سلمت على امي وفتت دغري على غرفتي ودقيت ليعرب
يعرب:الو
رفيف: انت شو مفكر حالك عم تعمل
يعرب: شو عم اعمل
رفيف: شلون بتتفق مع ابي عالعرس ...انا قلتلك اني مو جاهزة ...مفكر تحطني تحت الامر الواقع
يعرب: انا بدي اتزوج ...ما نطرت لهالعمر مشان انطر كمان ..انا مستعجل ورح بلش من بكرا بالوراق مشان طالعك لعندي
رفيف: لا تشتغل عالفاضي انا ازا ما لاقيت حالي جاهزة مارح اتزوج
يعرب: انتي في بحياتك حدا
رفيف : شو هالحكي ....لك انت سامع حالك شو عم تحكي ...انا اهلي ما بشكوو فيني ...بيعرفو شو مربيين ...مين انت لتجي تشكك بأخلاقي ....لو في بحياتي حدا برضى فيك ...شو شايفني رخيصة
يعرب : تصرفاتك بتوحيلي هيك ...رجعي لعقلك رفيف وجهزي حالك للسفر ...او شكوكي رح تتأكد ...
سكر الخط بوجي وانا قعدت بالارض لحتى اهدى ..كنت معصبة كتير ...معصبة من حالي ...من يعرب....من اهلي ....او يمكن من اغيد
ــــــــــــــــــــــــــــــــــــــــــــــــــــ
مر اسبوع على الموضوع حددو لعرس بعد شهر وانا مو قادرة وقف شي عجزت ...كل يوم بفيق بليل صلي وادعي ربي ييسر لي الخير لانو تعبت ....قلبي عم يوجعني على حبي ....ضيعان هالحب عالفاضي بس تعذبت انا
طلعت على شغلي بملل هاد آخر اسبوع بالشغل بعدين منوقف ليرجع الصيف بس شكلي ماعاد شوف هالحقل ...لازم ودع كلشي هون
ــــــــــــــــــــــــــــــــــــ
(اغيد)
فطرنا بكير وطلعت..اليوم بتطلع نتائج التحاليل اخدتهن وبوجي عالعيادة وقعدت استنا دوري (وبعد ساعة )
السكرتيرة : تفضل الدكتورة عم تنتظرك
دخلت..: السلام عليكم دكتورة
الدكتورة : وعليكم السلام تفضل
اغيد: جبت التحاليل تفضلي
الدكتورة: تفضل ارتاح
عطيتا التحاليل وقعدت
بلشت تشوف الاوراق وملامح وجها ما بتتفسر
شالت نضارتها ومسحت وجها بتعب
الدكتورة: كنت بتمنى لو اني طلعت مخطأة بالتشخيص ....بس مع الاسف ....الطفل عنكن فيه تشوه ولازم تنزلوه ...في خطر على حياة الام ازا بتكفي هالحمل
اغيد: شششو عم تحكي دكتورة ...كيف بصير هيك ؟؟... مو ممكن تكون التحاليل مو صحيحة
الدكتورة: مع الاسف هي الحقيقة
اغيد: مارح اتسرع دغري رح نعيد التحاليل
الدكتورة : بتقدر تعيدهن وبتقدر تروح عند دكتور تاني وبتمنى كون مخطأة ...بس هي الحقيقة وكل ماتأخرتو اكتر رح يكون خطر عالام
طلعت من عندا مو شايف بعيوني ...قعدت بالسيارة ونهرت ....لازم كون اقوى ...لازم مااضعف كرمال نور.....كيف رح خبرها هيك خبر
رحت عالحقل لعند ابي ...رح يهديني ويقلي شو اعمل ...انا ضايع وتايه ومو عرفان شو ساوي
مشيت بدون مااطلع حواليي فتت لعند ابي ونهرت بس شفتو
حسام: خير نشالله ابني شوفي شو صاير معك
ماقدرت احكي كنت حاطت ايديي على وجهي ومقهور ...عم ابكي فكرة اتخلى عن ابني دبحتني
حسام: رح اطلبلك قهوة
فتح الباب ولاقى رفيف قريبة
حسام: رفيف بنتي ساويلنا قهوة
رفيف: حاضر عمو
كنت واقفة بالحقل وقت اجا اغيد كان مو شايف الطريق وماطلع فيني حتى كفيت شغل لوقت نادالي عمو حسام ساويلهن القهوة
فتت عالمطبخ ساويها وانا عم فكر شو الشي يلي زاعج اغيد هيك ....هي اول مرة بشوفو مزعوج هيك
اخدت القهوة ودقيت الباب
حسام : تفضل
رفيف: جبتلكن القهوة
ضيفت عمو حسام وقربت اعطي اغيد
رفيف: تفضل
طلع فيني بعيونو الحمر : حطيها وطلعي لبرا
احرجت كتير منهن حطني بموقف بشع كتير وما بحقلو هالشي تركت الصينية قدامو وطلعت بسرعة بدون مااحكي شي
حسام : ليش هيك حكيت معها...كسرت خاطرها واحرجتا
اغيد: انت مابتعرف شو صاير فيني
حسام: حكيلي شو فيه لساعدك ....شو هالحالة اللي انت فيها ... ليش منهار
اغيد: انا عملت تحاليل لنور على طلب الدكتورة
حسام : اي وشو صار
اغيد: طلعت التحاليل اليوم ....اخدتن ورحت عالدكتورة (غص بالحكي )،،،بتحكيلي الجنين مشوه ....لازم نور تنزل الولد لانو في خطر على حياتها (حط ايدو على وجهو ورجع نهار من اول وجديد)
حسام : شو هالحكي انت متأكد
هزلو براسو
حسام : بكرا بتنزل على احسن المخابر وبتعيد التحاليل ... يمكن يكون في خربطة ...وغيرو الدكتورة ....خلينا مانستعجل بهالموضوع
اغيد: كيف بدي احكيلا لنور تنزل الجنين ....مارح ترضى ...هية كانت فرحانة كتير فيه ....مابقدر احكيلا
حسام: لازم نحكيهن بهدوء ...اكيد هالشي صعب بس لازم نتأكد من هالموضوع ...خلينا نرجع عالبيت وانا بحكي معها
طلعنا وصرف ابي العمال بكير اليوم ..رجعنا عالبيت وفتت لعند اهلي
حسام: سارة طلعي نادي لنور
سما : شو صاير،، خير شوفي ليش وجوهكن مابتتفسر
حسام: هلق بس تنزل نور كلكن بتعرفو
قعدت حد اغيد: شبك حبيبي تعبان فيك شي ليش هيك عيونك حمر
اغيد: مافيني شي امي هلق بتنزل نور وبتعرفو كلكن
نزلو وفاتو ونور مستغربة وجدوهن بهالوقت
نور: السلام عليكم
الكل: وعليكم السلام ورحمه الله وبركاته
حسام: عدي عمو في موضوع بدنا نحكي فيه معكن
نور: تفضل
حسام : متل مابتعرفو الموت حق علينا ومتل ما الله اعطانا هالروح بياخدها منا..... ولازم نكون مؤمنين انو الله مخبيلنا الاحسن دائماً
الله بعتلكن هالبيبي الصغير هدية الكن وفرحة للعيلة ....بس الله ماكاتبلو عمر يجي
نتيجة التحاليل بتقول انو الجنين مشوه وخطر على حياتك يانور ازا بتكفي بهالحمل ...
نور: كككيف هيك شو هالحكي ...احكيلك كلمة اغيد ...قول هالحكي مو صحيح
نهارت وبلشت تصرخ .... مستحيل..عم تضحكو عليي ...ابني مافيو شي ورح يجي على هالدنيا ...اغيد قول شي ايا شي مشان الله ....قول هالحكي كذب ...مستحيل سدق هالكلام
قعد حدها اغيد وحضنها وصار يبكي معها كانو سما وسارة عم يبكو عالخبر وحسام واقف مقهور وعاجز الخبر كان شبه الموت بنسبة الو ...حفيدو اللي لسا مااجا عالدنيا ...وماشافو ...
حسام: اهدو ياجماعة نحنا مارح نعمل ايا شي لتنعاد التحاليل ....رح نعيدن مرة ومرتين وتلاتة ورح ناخدك يا بنتي على احسن الدكاترة ....ونشالله امورك تكون منيحة
نور : انا مستحيل فرط بإبني حتى لو طلعت النتائج نفسها ...
صرخت: انا مستحيل نزل ابني
طلعت على بيتا ولحقها اغيد يهديها بينما هنن قعدو مقهورين
ــــــــــــــــــــــــــــــــــــــــــــــــــــ
رجعت عالبيت وانا مستغربة شو صاير ......معقول في شي سيء ...كان منظرو حزين ....بس هاد مابيعطيه الحق يهينني
فتت عالبيت وبما انو راجعة بكير فتت نام شوي قبل تحضير الغدا
بعد نص ساعة فيقتني امي
لينا: قومي رفيف بدنا ننزل عالسوق بدنا نجهزك
رفيف: مابدي روح لمكان جيبي على زوقك
لينا: لا بدك تروحي مشان القياس
رفيف: امي مابديي
لينا: مافي نقاش رح البس وجهز حالي بدي لاقيكي مجهزة حالك عالسريع ...عرسك بعد شهر شو بدي لحق جهز لحالي
رفيف: مابحب هالشغلات
لينا : مو على كيفك بدك تحبي ،،،
،"طلعنا جبنا غراض كتير ...امي كل ما تشوف محل في قطع حلوة تفوت تنقيلي من عندو .....هلق للصراحة نقتلي تياب انوثية مو متل ستايلي حالياً ....رجعتني سنين لورا ...وقت كنت البس هيك شي وانا فرحانة ...مابعرف ازا رح اقدر البسهن واطلع فيهن عالطريق ...لسا هالعقدة مرافقتني
فتنا على محل لانجري وبلشت تنقي كنت رح دوب بأرضي وانا شايفة هالشغلات اللي عم تنقيها
لينا : شو رفيف تعي نقي وساعديني
صار وجهي احمر من الخجل : امي انا مارح البس هيك شي لا تاخدي شي
ضحكت امي وصاحبة المحل: انتي بتقولي هيك بكرا انتي بصير بدك تنزلي تشتري هيك شغلات
اخدت السوق امي بهالنزلة ووقت قلها هيك كتير تقلي مادخلك .. اكيد مارح تطلعي تاعدي بالبجامة
رجعنا عالبيت بعد المغرب كنت تعبانة ومو مسدقة ايمت ارتاح تعشيت ورحت على غرفتي لاقيت يعرب باعتلي وداققلي وقت شافني متصل الآن رجع دق
رفيف: الو
يعرب: وينك انتي اه ليش بدقلك مابتردي ...ليش مابتتصلي فيني ...شو عاملتيني اجر كرسي...مالي اي اهمية
رفيف: كنت مع امي بالسوق
يعرب: وليش ماقلتيلي انك مقبورة طالعة اه
رفيف: دير بالك على كلامك معي ...ما بسمحلك تحاكيني بهالطريقة
يعرب : لا رفيف خانم بدك تسمحيلي ....وقت تقللي زوق معي بدي احكيكي هيك
ضلينا عم نتقاتل لحتى بالاخر سكرنا ماكان الي خلق ازعل وابكي طنشت الموضوع وكأنو ماكان ...بدو ياني اخد شورو قبل مااطلع ...مابحقلوو هالشي نحنا لسا مخطوبين
ضبضبت التياب اللي جابتهن امي وصليت العشاء وحطيت راسي ونمت
ـــــــــــــــــــــــــــــــــــــــــــــــــــــــــــ
(اغيد)
كل الليل سهران وعم اقرأ قرآن وادعي ...يارب تحميلي مرتي وابني
ياربي مالي غيرك يارب ...انا مو قد هالشي يارب ....لا اعتراض على حكمك يارب مابعرف كيف غفيت للصبح
صحتني نور الصبح مشان ننزل عالمخبر
نزلنا حللت نور واخدتا على مكان رايق لتفطر كانت عم تتفرج عالنهر جنبنا وساكتة ...وانا ماقدران واسيها ...انا كمان بدي مين يواسيني ويطبطب عليي
اجا الفطور كنا عم نفطر بدون نفس .....وكيف بدو يكون فيه نفس ونحنا متوترين هيك ....يارب تكون التحاليل مو صحيحة....يارب تكون صحة الجنين بخير
اجاها اتصال لنور
اغيد: انا رح قوم غسل خدي راحتك
نهى: اي نور طمنيني عنك
نور: شو بدي احكيلك انا منهارة
نهى: خير شوفي شو صاير حكيلي
نور: الجنين مشوه ولازم نزلو
نهى: شو ...شو عم تحكي
نور: ازا مانزلتوو في خطر على حياتي
نهى: شو سبب التشوه ليكون من المانع اللي اخدتيه
نور : مابعرف ....والله مابعرف رح جن ...معقول كون انا السبب ...انا اذيت ابني
نهى: هدي وركزي معي ..بعرف ضميرك عم يأنبك بس اياكي تحكي شي ...ازا عرف اغيد مستحيل يسامحك ...
نور: مابعرف ...كنت رح خبرو مبارح ....ماكان عندي الجرئة لاعترف ...
نهى : اياكي تحكي شي ...ازا عرف احتمال يطلقك ...انتي مارح تتحملي خسارة اغيد وابنك سوا ...شو رح تعملو هلق
نور: مابعرف ...عدنا التحاليل ومنتأمل خير
نهى: نشالله حبيبتي بتطلع التحاليل منيحة..... انا صار لازم سكر مشان الولاد
نور: ماشي الله معك
رجعنا عالبيت ونحنا نفسيتنا بالارض
حطيت راسي ورجعت نمت بركي بغيب عن الواقع شوي
واغيد راح على شغلو مابيقدر يترك شغلو اكتر من هيك
ــــــــــــــــــــــــــــــــــــــــــــــــــــ
(رفيف)
كنت عم اشتغل وقت اجا عمو حسام لعندي
حسام: بنتي رفيف اجيت اعتذر منك مشان اللي صار مبارح
رفيف: مافي داعي تعتذر عمو انت ماغلطت
حسام : ولو كان،، ابني غلط وقت صرخ عليكي بس سدقيني هو مو بعقلو كان ....احتمال يخسر ابنو وهالشي كان مغيبو عن الدنيا
رفيف: كيف يعني يخسر ابنو
حسام : الطفل طلع مشوه هنن عادو التحاليل ومتأملين خير انو تطلع النتائج سليمة
رفيف: نشالله عمو الله لا يضرهن
راح عمو حسام على غرفتو وانا مصدومة بالخبر كنت رح اتصل اتطمن عنو بس بصفتي شو بدي واسيه ....خلص مالازم اتدخل ...الله يعينن شغلة صعبة
ضليت عم اشتغل وفكر فيهن لحتى خلص الدوام رجعت عالبيت وكالعادة اول ماوصلت اتصل يعرب حكينا شوي وكمان كالعادة تقاتلنا سكرت الخط بوجهو وقعدت ابكي ماعاد يطلع بإيدي شي ...موعد عرسي كل مالو عم يقرب
*يـــــــــ͢ـོ͓ـــتبــــــــــــــོـ͓ـــ͢ــ؏*
➖➖➖➖➖➖➖➖➖
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h```