الفصل 3
*قـصـص وروايـات عـالـمـيـة💙📚📖*
*بإدارة* *يـامـن💙*
*❴📖❵↵* *حب.ساحر.tt* 💙🖇️
*❴🔢❵☟الـــبـــــــــــ❴3️⃣❵ــــــــــــارت☟*
➖➖➖➖➖➖➖➖➖
*
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h```
➖➖➖➖➖➖➖➖➖
"حب ساحر"
"الجزء الثالث"
بقلمي مرام
(رفيف)
عم نودع بابا اليوم موعد سفرتو كان زعلان مني مشان يعرب ...صرلنا يومين ماحكينا مع بعض من وقت اخر مكالمة دارت بيننا ....وبابا واقع بيننا مابدو يزعلني وبنفس الوقت يعرب ابن اخوه ومابدو يزعلو ...بس هاد قراري انا مارح اترك شغلي لحتى حقق حلمي ....
تيسر بابا وانا مشيت على شغلي رغم انو الاكتئاب دابحني بس شو بدي اعمل ....بوقت الغدا اجا اغيد كالعادة جايب معو الاكل ...حاولت مااطلع فيه ...لازم يطلع من قلبي
....حبي الو حرام...حتى لو مابحبو ليعرب ...انا هلق على ذمتو ولازم صونو
ــــــــــــــــــــــــــــــــــــــــــــــــــــ
(اغيد)
وديت الغدا ومريت على ابي شفتو شوي ورحت على بيتي فتحت وفتت
اغيد: نوارتي انا اجيت
نور ...يانور ...شميت ريحة حريق ركدت عالمطبخ كان طنجرة الرز محترقة طفيت الغاز ورحت دور على نور ...لاقيتا نايمة بالصالون ومو حاسة على شي ..قربت صحيها : نور حبيبتي ..نور
نور: اغيد انت اجيت
اغيد: اي يا روحي اجيت ليش نايمة هون
نور: حطيت الطبخة عالغاز واجيت ارتاح شوي ...صحيح لازم قوم شوف الطبخة
اغيد: خليكي قاعدة الطبخة تعيشي انتي
نور: شو يعني
اغيد: يعني مو شامة
ضربت نور على راسها : ييي حترقت الطبخة شو رح نعمل هلق شو بدي اطبخ شي سريع مشان نلحق موعد الدكتورة
اغيد: خلص خلينا نروح عالدكتورة وبعدين باخدك ومنتغدا
نور: يخليلي ياك حبيبي
اغيد: ويخليلي ياكي ياروحي
ــــــــــــــــــــــــــــــــــــــــــــــــــــ
لبسنا ورحنا عالدكتورة كان في قدامنا طابور سجلنا اسم وقعدنا نستنا ليجي دورنا
بعد ساعة حكت السكرتيرة :نور الاحمد
نور: انا
السكرتيرة : دورك هلق
فتنا عالدكتورة
نور: السلام عليكم كيفك دكتورة
الدكتورة : وعليكم السلام شو عنكن
نور: حامل جديد
الدكتورة: تضلي على كرسي المعاينة
قعدت نور عالكرسي وبلشت الدكتورة تفحص
الدكتورة : عمر البيبي شهر ونص ...وهلق لح نسمع دقات قلبو ...بلشت الصوت يعلا
نور اتطلعت ب أغيد كانوو عيونو مدمعين وعم يطلع بالشاشة
اغيد: دكتورة فيني صور
الدكتورة : اكيد تفضل
صور فيديو وقعد حد نور ومسكلا ايدا
اغيد : رح يصير عنا بنوتة بتشبهك يا روحي
نور : مين قلك لسا مابين شو معي...وانا بكل الاحوال حابة يجيني صبي ويشبهك
اغيد: دكتورة ماببين معك شو جنس الجنين
الدكتورة : ليش مستعجلين ما ببين للشهر الرابع
اغيد : مو مهم يلي بيجي من الله يا محلاه
نور: اي والله والنعم بالله
الدكتورة: رح اكتبلكن على تحاليل بتعملوهن وبترجعو لعندي بعد اسبوع ...نور حبيبتي فيكي تطلعي تستني برا لبين ماخلص مشان ريحة المعقم ماتدايقك
نور : ماشي اغيد انا برا (طلعت وهية عم تفكر كيف حامل شهر ونص وانا مالي زمان موقفة الدوا)
طلعت وسكرت الباب
الدكتورة: اغيد بيك انا ماحبيت احكي قدام نور هالكلام اعملو التحاليل ورجعو لعندي عالتصوير مبين في خطر عالبيبي بس مابقدر اتأكد لتعمل التحاليل
اغيد: شو هالكلام دكتورة شو يعني خطر عالبيبي شو شفتي عالتصوير
الدكتورة : رجاءً خليك هادي لتقوي المدام ما بيمشي الحال هيك ....مارح احكي شي وخوفك هلق بس طلعت التحاليل رجعو لعندي
(اغيد)
طلعت مو شايف قدامي ياربي لا تضرلي ابني يارب التحاليل تكون سليمة
نور: حبيبي فيك شي
بتسملا اغيد: لا حبيبتي بس تعبان شوي
نور: شفت ابني شو حلو
اغيد بتسم بوجع: اكيد حلو طالع لاحلى بنت بالعالم
نور: شو رح تطعمينا انا وياه كتير جوعانين
اغيد: يلي جاية عبالكن انتو طلبو وانا بنفذ
حطت ايدا على بطنا: ابني الحلو شو حابب تاكل اليوم ...اممم عيد ما سمعت ....اي ماشي رح خبر البابا ...حبيبي ابني جاية عبالو شاورما
ابتسم اغيد على حركاتا : تكرم عيونك وعيونو
ــــــــــــــــــــــــــــــــــــــــــــــــــــ
فتنا على المطعم وطلبنا اكل ضلينا نحكي ونتفرج عالعالم من ورا الازاز لحتى وصل الاكل
نور: وأخيراً وصل الاكل مابتسدق يا اغيد اديش جوعانة
ضحك اغيد: يالله بلشي صحة وهنا ...صار يتفرج عليها كيف عم تاكل وشرد بكلام الدكتورة ماقدر يكفي اكلو الغصة علقت بحلقو ....كيف لو طلعت شكوك الدكتورة صحيحة ......كيف رح يتخلى عن ابنو ....مابيتحمل فكرة يصرلو شي ...صحاه من شرودو نور: حبيبي ليش ماعم تاكل
اغيد: مابعرف بس حسيت حالي شبعت
نور: بس انت مااكلت منيح ...هنن لقمتين وعم تقول شبعت هلق ببطل اكل انا مشان ماتقول عني فجعانة
اغيد: لا كلي صحة وهنا ...لازم تاكلي ازا مو مشانك مشان ابننا
نور: طيب صارحني انت زعلت لانو الطبخة حترقت
ضحك على تفكيرها اغيد: لا تفكري بولدنة معقول ازعل مشان هيك
نور: قصدك انا مولدنة
اغيد: اكيد تفعلت الهرمونات عندك كلي حبيبتي كلي والتهي بالاكل لا تلتهي فيني
نور: قصدك التهي بالاكل مشان مانكد عليك ....يعني قصدك انا نكدة
ضحك اغيد من قلبو على ولدنتها
اغيد: يا روحو لاغيد انتي معقول قصدي انتي نكدة ....ابداً
ــــــــــــــــــــــــــــــــــــــــــــــــــــ
(رفيف)
خلصنا شغل ورجعنا على بيوتنا فتت سلمت على امي واختي ورحت بدلت تيابي
رفيف: شو عاملتيلنا غدا ماما
لينا: ماعملت شي فوتي سخني اكل مبارح وكلي
رفيف: شبك امي مو رايقة شو اول مرة بسافر
لينا : لو بسافر كل يوم بضل اسمو سفر ٤ شهور مو قلال يا رفيف
قعدت حدا وحضنتا : رح يجي يوم ويبطل يسافر سدقيني الله رح يعوضك عن غيابو
لينا : ان شاء الله....ياريت يرضى يضل بيننا احسن من السفر ...مابيجي منو غير الهم
رفيف ممازحة: لكن كيف بدك تفرطي فيني وتخليني سافر
لينا: اااخ مفكرة مبسوطة انك رح تسافري بس هي حال الدنيا هيك اجا نصيبك ...بعدين ولييي مابدك تحكي خطيبك لايمتا بدكن تضلو متخانقين
رفيف: شو بدي اعمل مثلاً .....دقلو وقلو انا اسفة ..انا ماغلطت هو غلط معي وسكر بوجي ....وماعاد حكاني ولا عاد اعتذر بقا كيف بدك ياني احكي معو
لينا: يا بنتي الشغلة مو عناد وتكبير راس الحياة تنازل ....مرة بتتنازلي انتي ومرة بيتنازل هو ...ازا بدكن تضلو تعاندو مارح تمشي حياتكن ورح تكونو سم لبعض مارح تكونو الدوا
رفيف: لو بابا غلط بحقك وبهدلك وسكر الخط بوجك بتتصلي فيه بتعتذري
لينا : ليش لا ...وقت يشوفني متنازلة لحتى احكي معو رح اكبر بعينو ....مو ايا خلاف تافه ممكن يمحي علاقة متينة ومبنية على مدار سنين ....لازم نكون اوعى لحتى نعرف نمشي حياتنا بدون نكد ....وبنفس الوقت كرامة الانسان اغلى الشي بيملكو وقت يشوف قلة تقدير الطرف التاني بحاول يصلح الموضوع
رفيف: وازا ماتصلح
لينا : ازا ماتصلح معناها في غلط بالعلاقة من الطرفين ازا الزوجين ماقدمو تنازل معناها هنن قادرين يستغنو عن بعض هون بتكون العلاقة سامة وبدها بتر
رفيف: ونحنا
لينا: انتو لسا ببداية طريقكن بس حطي ببالك تكونو سوا عالحلوة والمرة وتكوني زوجة صالحة إلو وتصونيه بحضورو وبغيابو
رفيف:طيب رح قوم اطمن على بابا اول وبحكي يعرب
قمت سخنت اكل وحكيت بابا
رفيف: طمني نشالله مروق
حازم: منشكر الله شلون بدي كون بدي ارتاح من تعب السفر وروح سلم على عمك لسا ماشفتو
رفيف: الله يقويك
حازم : يعرب حاكاني وقلي في موضوع بدو يحاكيني فيه
رفيف: اييي شو في
حازم: ما بعرف ماخبرني
رفيف : طيب بكل الاحوال انا رح حاكيه هلق
حازم: الله يرضى عليكي يا رفيف رح يقدر هالحركة منك ....بس لا ترجعو تتقاتلو
رفيف: مابعرف انا رح اتنازل هالمرة ومابعرف شو رح يصير
حازم: هاد الصح انتي بتعملي اللي عليكي والباقي على الله وازا بتعرفي تسايريه رح يحطك بعيونو
رفيف : ان شاء الله
نهيت المكالمة ودقيت ليعرب عالرنة التانية رد
يعرب: اهلين بنت عمي ..شو زكرك فيني
رفيف: السلام عليكم
يعرب: وعليكم السلام
رفيف: كيفك
يعرب : منيح الحمدلله
رفيف:
يعرب: كيفك انتي
رفيف : الحمدلله بنشكر الله
يعرب:رح افتح فيديو متل مابقولو العين مغرفة الكلام
رفيف: طيب
قمت لبست حجابي وفتحت
يعرب: اي رفيف ماقلتيلي شو خطرلك تحاكيني
رفيف : مابصير نضل متخاصمين صح
يعرب: وبرأيك شلون منتصالح
رفيف: ما بعرف
يعرب: بتركك للشغل
رفيف : معناها مارح نتصالح
يعرب: خبريني شو اللي معلقك بهيك شغل ....لو انو شغل عليه القيمة كنت قلت خسارة ترك الشغل....بس حقل وتقطيف .....ماعم شوف شي بينزعل عليه الصراحة
رفيف: بس الشغل شغل حتى لو الانسان بيشتغل عامل نظافة ...المهم شغلو نضيف وعم يجيب مصاري بالحلال
يعرب: بس عمي مو مقصر
رفيف: مو ضروري يكون مقصر لحتى اشتغل ....انا بحب هالشغل ورح ضل فيه
يعرب : ولايمتى
رفيف: مافي وقت محدد براسي
يعرب: وسمعتي شو بدك العالم يقولو بخيل وتارك خطيبتو تشتغل
رفيف: انا مابهمني حكي العالم
يعرب: طيب شو رأيك براس كل شهر ببعتلك قد راتبك على مرتين
رفيف: شو شايفني قدامك مادية ولا بتغريني المصاري ...شايفني عم اشحد
يعرب : انا ماقلت هيك
رفيف: بس كلامك مابينفهم غير هيك
يعرب : طيب رفيف شو رأيك نغير الحديث كرمال مايصير متل المرات الماضية
رفيف: بكون تحسن
يعرب: ايمتا بدك تفرجيني شعراتك (قال بمزح) لتكوني صلعة رفيف وعم تخبي
بتسمت مجاملة: معلش مو مستعجلين وانا هيك مرتاحة
يعرب: رفيف انا رح حاكي عمي ونحدد موعد للعرس
تفاجئت رفيف: بس انا مابدي نتزوج بسرعة ...نحنا لسا ماتعرفنا على بعض
يعرب: انا بيتي جاهز واموري تمام وانتي مابظن عندك شي لحتى نأجل وبالنسبة للتعارف منتعرف بس نتزوج ...الحياة قدامنا طويلة
رفيف: معلش انا حابة نأجل مو بهالسرعة ...انا لسا ماتعودت على الخطبة
يعرب: رفيف احكيني من الآخر انتي ما بدك تتزوجي
رفيف: في بنت مابتحلم تتزوج
يعرب: معناها شبك ...ليش هيك عم تعامليني ..انا زوجك عم تعامليني متل الغريب
رفيف : لا بقا تضغط عليي انا وقت لاقي حالي جاهزة بنتزوج
يعرب: طيب انا تعبان وبدي سكر تصبحي على خير
رفيف :وانت من اهلو
سكرت الخط وتسطحت مافي ثواني كنت غفلانة من التعب
ــــــــــــــــــــــــــــــــــــــــــــــــ
نور نامت وانا سهران لحالي عالبرندا عم فكر ومقهور... ماني حاسس بالبرد اللي عم ينخر بعضمي عم ادعي تكون الدكتورة غلطانة يالله انا مابتحمل خسارة ابني ....عشت كل عمري بحلم باليوم اللي صير اب دخلت لجوا توضيت وصليت وقعدت ادعي ربي يحميلي مرتي وابني اللي لسا ماشفتو ومابعرف كيف سهيت عني ونمت مكاني بالارض
ــــــــــــــــــــــــــــــــــــــــــــــــــــ
(رفيف)
كانت امي عم تشتغل بالصوف شال ملون واتا عم اتفرج عليها وقالبة وجي ماني حاببتو ولا حابة الوانو
رفيف: امي غيريلي اللون مابدي ياه
ليحكي بابا وهو مزعوج حازم: انا نقيتلك هاللون ليكون زوقي ماعجبك
رفيف: يا بابا انا مابحب هاللون انا بحب اللون الهادي
حازم : بس اللون الهادي في وحدة اخدتو قبلي
رفيف: بس انا بدعي الله يعطيني هاللون الهادي
حازم : بدك انتي تفرحي باللون تبعك وغيرك ينقهر
رفيف : لا بابا انا مابرضى حدا يزعل
لينا: تعي جربي خلصتو
قربت حملتو وحاولت جربو على رقبتي ماقدرت وقت حطيتو حسيت بخنقة شلتو دغري لاقيت لونو تغير ل اللون الهادي ...ابتسمت : ماما بابا شوفو تغير اللون انا هاد اللون اللي بحبو حطيتو على رقبتي وفرجيتن ياه
لينا -حازم: ازا انتي حبيتي هاللون اكيد رح نحبو
صحيت من نومي على آذان الفجر قمت توضيت وصليت وقعدت فكر بالمنام اللي شفتو شو المعنى مافهمت شي قمت حضرت الفطور وقدت استنا ماما وريم لنفطر سوا
ــــــــــــــــــــــــــــــــــــــــــــ
(اغيد)
(كانت نور لابسة فستان ابيض وشعرا الطويل مفرود وبطنا كبير كان الحمل واضح وكأنها بشهرا التاسع كانت عم تمشي لبعيد اتطلعت فيني وابتسمتلي مشيت لوصل لعندا فجأة وقبل ماامسكها بعدت عني وراحت لبعيد صرت اركد لحتى امسكها وماقدرت نور تبخرت ماعاد الها اثر):نور نور
نور: اغيد حبيبي اصحا قوم انا هون جنبك
فتحت عيوني والعرق عم يتصبب من جبيني طلعت حولي كان حلم
اغيد: اعوذ بالله من الشيطان الرجيم...اعوذ بالله من الشيطان الرجيم.....اعوذ بالله من الشيطان الرجيم
نور: حبيبي شايف كابوس
اغيد: اي كابوس بشع
نور: ليش نايم هون
اغيد: كنت عم صلي ماحسيت على حالي
نور : طيب خلينا نصلي الفجر قبل ماتشرق الشمس
اغيد: يالله
صلينا جماعة وراحت نور تجهز حالها مشان نطلع عالمركز تعمل التحاليل
نور من الغرفة: حبيبي افطر انت لبين ماجهز حالي
اغيد: لا بعد التحاليل منروح منفطر
رجعت عالصالون وهية عم تتمختر : اغيدو حبيبي ازا بدك تضل تدللني هيك مابعود بعمل شي ها
اغيد : انتي كوني منيحة وبصحة عالية وتدللي ياروحي
نور وهية راجعة عالغرفة: لاتخاف هية تحاليل روتينية
اغيد: ان شاء الله
ــــــــــــــــــــــــــــــــــــــــــــــــــــ
اول ماطلع الضو طلعنا عالمخبر لنعمل التحاليل قعدت بالاستراحة لبين ماتخلص نور وقعدت ادعي وادعي يارب لاتضرني فيهن يارب حميلي مرتي وابني يارب
طلعت بعد نص ساعة وقفت اسندها
اغيد: فيكي شي حبيبتي ...موجوعة شي ...دايخة
نور: حبيبي مافيني شي
اغيد: متأكدة
نور: والله ازا بدنا نضل واقفين هون رح موت من الجوع
اغيد: طيب تعي خلينا نمشي
ــــــــــــــــــــــــــــــــــــــــــــــــــــ
(رفيف)
مسكت رواية وقعدت اقرأ فيها لوقت يفيقو ريم وامي ...انا مو من البنات المهووسة بالقرائة .... بس وقت لاقي وقت فاضي ومافي شي يشغلني بقرأ شوي
وقت طلع الضو فاقت امي
رفيف: صباح الخير ماما
لينا: صبح النور رفيف شو محضرتيلنا فطور
رفيف: اي وعم استناكن تفيقو
لينا :رح ساوي قهوة لبين ماتفيق ريم
رفيف: انا بساويها عنك
لينا: لا مافي داعي انا بعملها
رجعت كفي قرائة لوقت خلصت امي وقعدنا نشرب قهوة عالبرندا ....الجو بارد بس كتير حلو ...انا بحب الشتا ....لهيك هي الاجواء المفضلة عندي
لينا: شو صار معك مبارح
رفيف: بشو
لينا: حكيتي انتي ويعرب
رفيف: اي حكينا وبلش يضغط عليي بموضوع الزواج ...نحنا ماصرلنا ١٠ ايام خاطبين ..مالحقنا نتعرف على بعض لسا
لينا: اي عادي بتتعرفي عليه بعد الزواج وبعدين ابوكي بيعرفو لو انو مو مناسب الك ماكان رضي فيه
رفيف: بعرف هالحكي بس انا ماتعودت عليه لسا ومو حابة اتزوج دغري ....نحنا لسا تفاهم ماعم نتفاهم ....كل واحد فينا افكارو مختلفة عن التاني ...ماعم حس بالتطابق
لينا: انتي مفكرة انو كل الازواج تفكيرهن واحد ...بالعكس ..الله بيبعتلنا شخص مختلف عنا كرمال نكمل بعض ....والمشاكل ملح الحياة ...ماتفكري انك رح تتزوجي يعني حياتك رح تكون بتجنن وبدون مشاكل ....مافي حياة بدون مشاكل
رفيف: ماني مستعدة للسفر هلق ...تركوني على راحتي قرر ايمتا اتزوج
فاقت ريم وقمنا عالفطور وبعدا طلعت عالشغل
ــــــــــــــــــــــــــــــــــــــــــــــــ
(اغيد)
فطرنا ووديت نور عالشغل وطلعت على شغلي ...بالي مشغول ومارح اهدا لتطلع نتائج التحاليل ....فتت على مكتبي وبلشت راجع القضايا اللي عندي بوقت اجاني اتصال من رفيقي
اغيد: الو
طلال : وينك يا رجل مابتقول عندي رفيق احكي معو
اغيد: اااخ بتعرف مشاغل الحياة
طلال: قصدك تجوزت وماعاد خلتك المدام تسهر معنا
ضحك اغيد: انا المحامي اغيد ولاااك مابتحكمني مراة
طلال : اي اي سدقتك ليك ولااه المسا جايين الشباب لعندي بمناسبة انتقالي عالبيت الجديد بتجي ها رح ابعتلك الموقع
اغيد: والله البال مو فاضي للسهر خليها ل الله
طلال: ازا مااجيت معناها المراة مابتخليك
اغيد: خلص بحاول تكرم
طلال : لا مو بتحاول بتجي
اغيد: خلص عين خير كم طلال عنا ولوو
طلال: واحد مافي غيرو الله يخليلكن ياني
اغيد: وهلق شو رأيك تنقلع لأنو الشغل لفوق راسي
طلال: ماشي زحلق عم استناك
اشتغلت على كم قضية لوقت الغدا وطلعت اخدتهن ورحت عالحقل
شيكت عالشغل شكلو الموسم هالسنة رح يخلص على بكير والشتا عالبواب ....بعشق اجواء الشتا ... بعكس نور اللي بتحب الصيف وبتكتئب بأجواء الشتا ...تمشيت بالحقل شوي لحتى سمعت صوت صريخ.....
ــــــــــــــــــــــــــــــــــــــــــــــــ
نور : متل ماعم قلك قالتلي شهر ونص
نهى: يعني كنتي عم تاخدي الدوا وانتي حامل
نور: هيك الظاهر
نهى: بس هالشي خطر عالجنين
نور: بس الدكتورة طمنتنا انو كلشي تمام
نهى: اختي بكل الاحوال اياكي تجيبي هالسيرة لحدا
نور: اكيد اصلاً حتى اغيد ماعرف بالموضوع ....نهى لازم سكر هلق بدي كمل الطبخة قبل مايوصل اغيد
نهى: مع السلامة حبيبتي ديري بالك على حالك
نور: ان شاء الله ..سلام
ــــــــــــــــــــــــــــــــــــــــــــــــ
(رفيف)
صار وقت الغدا وهلق اكيد بيجي اغيد فحبيت اخد زاوية بعيدة عن النظر ما حابة شوفو البعيد عن العين بعيد عن القلب
تمشيت بعيد عن الحقل شوي وفجأة لاقيت سرب كلاب كانو ضخام ومنظرهن بخوف وقت تطلعو فيني صرت ارجع لورا وانا خيفانة لوقت بلشو يركدو ....فتلت بسرعة وبلشت اركد وصرخ :ياناس ساعدوني ...ساعدونييي ....وقعت بالارض وحسيت خلص نهايتي اجت ....ماحسيت غير الكلاب بلشت تهرب
رفعت راسي لاقيت اغيد راكد وراهن وبإيدو عصاية كرمال يخوفهن ويبعدو ...لما بعدو رجع لعندي ضليت اتأملو لحتى وصل كانت الدموع متجمعة بعيوني ولما حاكاني ماعاد اقدر امسك حالي
اغيد: انتي منيحة
ماقدرت رد عليه اعصابي فارطة اجيت لحتى قوم ما قدرت وقف من الرعبة
مدلي اغيد ايدو: خليني ساعدك
رفيف : بقوم لحالي
رجعت حاول وقفت ومشيت خطوة ومابعرف شو صار بعدين
(اغيد)
شفتا وقفت بصعوبة ومع هيك ماخلتني ساعدها مشيت اول خطوة وكانت رح توقع لو ما مسكتها ...كانت غايبة عن الوعي حملتا وركدت فيها عالمستوصف
اغيد: شو دكتور طمني فيها شي
الدكتور : اتطمن زوجتك مافيها شي السكر عندها نزل على اثر الرعبة وهلق بتصحى
صفنت شوي وانا عم اتخيل تكون رفيف زوجتي (بإبتسامة صفرا ابتسم للدكتور) وحكا لنفسه(شو كل هالقد شايف زوقي بهوي)
بلشت رفيف تفيق
الدكتور: شلون حاسة حالك مدام
(رفيف)
فتحت عيوني لاقيت حالي بالمستوصف اللي حد الحقل طلعت بالجهة التانية كانو واقفين الدكتور واغيد
رفيف: شو صار
الدكتور: نزل عندك السكر وهاد طبيعي اثر الرعبة اللي اكلتيها ..كيف حاسة حالك هلق
رفيف : انا منيحة
الدكتور :بتقدري توقفي
قمت بصعوبة لسا حاسة بالدوخة
الدكتور: ساعد زوجتك كرمال تقدر تستعيد توازنها
طلعت فيهن كانو واقفين عم يتطلعو عليي خجلت من نظرات اغيد ... كانت نظراتو تهزيء ووقت حكا هيك الدكتور حسيت الشرار طلع من عيونو
حكيتو بنترة : بس هاد مو زوجي.... وانا مو متزوجة اصلاً ...وبقدر وقف لحالي مابدي مساعدة ...اغيد بيك شكراً عذبتك بس فيك تمشي
(اغيد )
طلعت من المستوصف وانا معصب مين مفكرة حالها هي ...بدل ماتشكرني ساعدتا عم تتكبر عليي ..وكأني قاتل حالي عليها ....لو تعرف كيف بنظرلا لحتى ما تعود تفرجيني وجها كل حياتا
(رفيف )
رجعت عالبيت بعد ما اخدت اذن ...تعبانة كتير ومارح اقدر كفي بالشغل ...حاسة حالي لازم نام فوراً ...وقت وصلت عالبيت مالقيت حدا ...دقيت لماما كانت عند خالتو سهام (ام لما) وريم بدها ساعة لترجع من الجامعة دخلت عملت دوش وفتت بعدين عالمطبخ كانت ماما عاملة فطاير ...المنظر اغراني وانا بدون غدا ماقدرت استنا قعدت دغري وبلشت اكل،،
وبالشقة مقابل شقتنا طالعة اصوات الضجة وشكلو تكسير طليت من شباك المطبخ لشوف شو عم يصير ...كان شباك مطبخنا وشباك مطبخ جيراننا مقابل بعض (بتعرفو المنور تبع البنايات) كان شباك مطبخهن مفتوح على اخرو وفي شب جوا عم يجلي والجلي عم يوقع من ايدو ماتحملت هالمنظر وفرطت ضحك ..وقت فتل وجهو فوراً تخبيت ورا البرداية
الشب : شفتك عم تضحكي عليي
طليت من ورا البرداية : انا اسفة بس هي اول مرة بشوف شب عم يجلي
الشب : والله لما كون مجبور لازم اجلي انا عايش لحالي هون
حسيت الباب نفتح وفاتت ريم ...وريم معروووفة ام كرش فوراً بتركد عالمطبخ
ريم : امي جوووعانة شوووو طابخة
وقت شافتني عالشباك نصدمت وخاصةً وقت شافت جارنا واقف عالشباك المقابيلنا نربط لسانها
الشب فرط ضحك على ريم وقلا: ازا ماعنكن اكل براسي بجبلك جاهز ولا بتحبي اطبخلك حكيلي شو جاية عبالك
ريم بصوت نايص : لك رفيف مين هاد
رفعتلا بأكتافي وهزيت براسي اني مابعرف
الشب : ولو لا تتهامسو انا دكتور عيون اسمي طلال وعمري ٣٠ واعزب ...وانتو
رفيف سكرت الشباك بوجهو وانا عم احكي : نحنا مامنعرف على شباب
وسكرت البرداية كمان ورجعت قعدت كفي اكلي وريم مصدومة فيني ...قعدت حدي وسئلتني شو صاير ...حكيتلا اللي صار ...لاقيتا صافنة بالطاولة
ريم : رفيف احكيلك سر بضل بيننا
رفيف: اكيد تفضلي
ريم: رفيف انا وقعت
وقفت بسرعة وحضنتا وانا خايفة : حبيبتي وين وقعتي حكيلي شلون كيف
ريم: قصدي وقعت بالحب
دقيقتين لحتى استوعبت ...
ضربتا طيارة على رقبتها : وللييي حيوانة ايمتا لحقتي توقعي بالحب وما شفتي غير ثانية
ريم : هي مو اول مرة بشوفو ...شفتو وقت كان عم ينقل غراض بيتو
رفيف: وحكيتي معو
ريم : لا ابداً
رفيف: ريم حبيبتي انا اختك الكبيرة ولازم انصحك انتي هلق عم تدرسي لاتضيعي وقتك بالحب ..تخرجي وفتحي عيادتك الخاصة وبعدين لتفتي لهالامور
ريم: قلبي مابقدر اتحكم فيه
رفيف: قتلي مشاعرك قبل ما تكبر ....طالعيه من تفكيرك قبل ما تتعلقي فيه
ريم : حاسستك عم تحكي عن تجربة .....حكيلي رفيف فيه بحياتك حدا
رفيف: انا مخطوبة ازا بتتزكري
ريم: بعرف بس انا شاكة انك كنتي تحبي قبلو ....معارضتك عالخطبة ماكانت عن عبث
رفيف : انا تعبانة وحابة ارتاح شوي رجاءً لا تزعجيني
ريم : تصرفاتك عم تأكد كلامي
طنشتها وكفيت طريقي اخدت الرواية اللي بلشت فيها وطلعت عالبرندا قعدت بالارض وصرت اقرأ وقت نزلت امي من عند جارتنا فتت لشوفها ....عملنا قهوة وشربناها سوا
بس نظرات ريم اللي عم تتفحصني وترتني
لينا : شو اخبارك انتي ويعرب
رفيف: تمام مناح
لينا: كأنو مابتحكي معو كتير
رفيف: اي انا مابحب الحكي عالموبايل كتير
لينا: وفكرتي بالعرس
رفيف وهية عم تقوم : لا ماني جاهزة هلق ...انا طالعة عالبرندا اقرأ شوي
طلعت عالبرندا وانا معصبة من هالسؤال وعم احكي حالي وبربر : مابقينا نخلص من هالموضوع شو الشغلة كن فيكون بدي اتأنى شوي لحتى اتعود عليه هففففف ... شميت ريحة عطر مو غريبة عن قلبي بعرفها منيح تلفتت حواليي لاقيتن ساكتين ومتفاجئين فيني وبالشي اللي عم قولو وانا جمدت بأرضي ماتوقعت شوفو هون وبالبناية نفسا والبرندا بلزق البرندا صفنت فيهن دقيقة وبتجي نور من ورايي عم تبهدل
ريم : ليكي ريم مو معناها ازا انتي الكبيرة لازم تكوني اوعى مني ...فيكي تضحكي عالكل وعليي لاء هلق بدك تحكيلي ليش عم تأجلي العرس
اتطلعت فيها ورجعت اتطلعت فيهن....قربت ريم تشوف وين عم اتطلع ونصدمت ...وملامحها اللي كانت بتدل عالعصبية تحولت للخجلانة وماعاد طلع صوتها من الصدمة بينما عالبرندا التانية كانو اعدين اغيد وطلال ومعهن شبين كمان ولساهن مصدومين
طلال بضحكة : شو صبايا في مشكلة ..منساعدكن بحلها
ريم بهمس : ولييي على قلبي
حطيت ايدي على تمها وصرت مشيها لنفوت لجوا وانا عم احكي:لا شكراً مافي داعي
دخلتا لجوا وهية متل الصنم عم تتبسم وعيونها عشوي رح تصير قلوب،، رجعت طلعت عالبرندا كانت نظراتهن جمدانة على برندتنا
طلال: غيرتي رأيك
رفعتلو الكتاب : لا نسيت هاد هون
فتت وسكرت الباب وقعدت هدي ضربات قلبي ...ماحكاني كان بس عم يطلع فيني ...نصدم متل ما نصدمت ...لا حسيتو نصدم اكتر مني ...تبلكم عالآخر
(اغيد)
كنت عند رفيقي وقت سمعت وحدة معصبة وعم تبربر ماعطيت الموضوع أهمية لوقت دققت بصوتا فتلت وجهي واتطلعت لاقيتا نفسا ......رفيف...... وين ماعم روح عم تطلعلي لحتى طلعت وحدة تانية بتشبها يمكن اختا .....كمان التانية كانت عم تبربر متلا ضلو مصدومين فينا ونحنا مصدومين فيهن فاتو لجوا ومالحقت افتل كانت طالعة من جديد والصدمة الكبيرة طلعت بتقرأ روايات مو باين عليها مثقفة ابداً غريبة هالبنت كملنا سهرتنا عادي وطلال كل شوي يطلع على برندتهن وشكلو طابس بوحدة منهن
*يـــــــــ͢ـོ͓ـــتبــــــــــــــོـ͓ـــ͢ــ؏*
➖➖➖➖➖➖➖➖➖
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h```