الفصل 2
*قـصـص وروايـات عـالـمـيـة💙📚📖*
*بإدارة* *يـامـن💙*
*❴📖❵↵* *حب.ساحر.tt* 💙🖇️
*❴🔢❵☟الـــبـــــــــــ❴2️⃣❵ــــــــــــارت☟*
➖➖➖➖➖➖➖➖➖
*
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h```
➖➖➖➖➖➖➖➖➖
"حب ساحر"
"الجزء الثاني"
بقلمي مرام
"كنت عم جهز حالي غصب عني،،، ماني مرتاحة،،، والدموع مستعدين ينزلو بأيا لحظة ،،،كانت لما عم تحطلي لمسات مكياج ناعمة،، مع اني مو حابة اتمكيج،، بس هنن مصرين مابقدر اعمل شي بينما ريم عم تنقي شال انيق يلبق للفستان الجديد ....مو متقبلة فكرة احكي عالجوال بالشوفة الشرعية،،، كنت بتمنى بيتنا يتعبا ويجيب العريس جاها كبيرة مشاني اما هيك ...حتى مو حاسة بالبهجة ...وكأني العروس التعيسة ...وهلق بابا عم يناديلنا كرمال الاتصال اجا وقتو ....يعرب حسب مافهمت حدا دقيق كتير بمواعيدو ...
طلعت لبرا وبلشت امي زلاغيط،،، وقت سمعتا كنت مشتهية ابكي،،، عم اتطلع الكل مبسوط،،، عكسي تمام كلو عم يصير وانا مو مبسوطة ،،،،
قعدت قريب من ابي اللي كان قاعد قدام شاشة اللابتوب وعم يستنى الاتصال،،،، اتطلع فيي وهو مبتسم ابتسامتو الحنونة،،، ويالله شو تمنيت احكيلو عن وجع قلبي عغياب اغيد ،،،،بدو يزوجني حدا مابحبو غير كأخ،،،
بلشت المكالمة بالسؤال عالاحوال والاوضاع ،،،عمي وبابا سردو بالاحاديث وهلق اجا دوري نادالي بابا اعد حدو كرمال شوفو ويشوفني...."
رفيف: السلام عليكم .."
يعرب : وعليكم السلام ورحمه الله وبركاته ،،،كيفك بنت عمي شو احوالك.."
رفيف بغصة : الحمدلله منيحة ....وانت كيفك ،،"
يعرب : انا الحمدلله بفضل الله بخير ،،،
انا سئلت الوالد الله يخليلك ياه عن كلشي بخصك،،، انتي شو حابة تعرفي عني تفضلي سئليني ،،،"
(رفيف)
"صفنت فيه شو بدي اسئلو،،، قلو انو مو قدرانة كفي كلام معو ....قلو اني مابعدو غير اخ الي ....قلو اني مجبورة عالزواج كرمال اهلي ....شو احكيلو قلو انو ماعندي فضول اعرف عنو شي ....
حازم : يا ابني يا يعرب انا حكيتلا لرفيف لمحة عنك،،،، وبكرا بس تخطبو رح تتعرفو على بعض اكتر
يعرب : عمي مشان الخطبة انا مو حابب تكون طويلة،،، انت بتعرف اموري جاهزة وشغلي تمام ،،،ف مافي داعي للتأخير ،،،"
رفيف : بس انا مو جاهزة هلق ،،،وبدي وقت لحتى نتعرف على بعض ،،،"
يعرب :" بس انا جاهز،،، ومو حابب اتأخر ،،،"
حازم : "هلق خلونا نجيب الشيخ ،،،ونكتب الكتاب والعرس منحكي فيه بعدين ،،،انت يا ابني عجبتك العروس ..."
يعرب : "والله ياعمي جوهرة ،،،مابقدر احكي اكتر من هيك .."
حازم:" لكن منقول الف مبروك وسمعونا الفاتحة على نية التوفيق ،،"
(رفيف)
"قرأنا الفاتحة ورجعت اسمع زلاغيط امي ،،،،حددو موعد بكرا كتب الكتاب،، لانو بابا بدو يسافر ونهو المكالمة ..."
رفيف :" انا تعبانة رح روح ارتاح بغرفتي عن اذنكن ..."
"لحقتني رفيقتي لما وشكلا حست عليي ،،،قعدت حدي عالتخت وانا عم فك الشال،،، وامسح المكياج وانا نفسيتي محطمة،،، عم استنا الفرصة لكون لحالي وابكي وارتاح البكي بريح كتير،،، انا هيك مخنوقة ،،،"
لما:" رفروف حبيبتي ليش حاسستك زعلانة ،،،الوحدة بهيك حالة بتكون مبسوطة كتير ،،،"
رفيف :" لا ابداً ،،،،مو زعلانة بس متوترة شوي بسبب العجلة يمكن "
لما :اي لازم تكوني فرحانة ،،،بعدين تعي حكيلي،، حلو العريس كيف شكلو ،،،"
رفيف: "شب عادي متلو متل غيرو اشقر ونحيف ،،،،ومابعرف مادققت بملامحو ،،،"
لما بضحكة: اي عادي بكرا بس تصيرو تحكو كل دقيقة بتحفظي تفاصيلو ...هي امي عم تدقلي ولازم روح بدك شي يا روحي"
رفيف: سلامتك وشكراً الك عذبتك "
ــــــــــــــــــــــــــــــــــــــــــــــــــــــــــــــــــــ
"عند اغيد كانو سهرانين عالبرندا ،،،حاطين البوشار وعم يحضرو عالجوال ،،،،وقت طلع مشهد حمل وكيف الزوج كان معصب من زوجتو تطلعت فيه نور وسئلتو،،،
نور: اغيدي انت بتحب الولاد "
اغيد : ياروحي وفيه حدا مابحب الولاد ،،،هاد تمثيل ياروحي وقت الرجال يعرف رح يصير اب،،، من كتر الفرحة ما بتوسعو الدنيا ،،"
شردت نور (اممم معناها ازا كنت حامل هالشهر ،،،رح اعملو مفاجأة وصورها للذكرة ،،،"
اغيد: نوارتي وين شردتي"
نور : اا ولا شي بس نعسانة وبردت شوي ،،،"
اغيد : اي يا روحي فوتي رتاحي انا رح ضب هون والحقك "
نور: ماشي عم استناك "
ــــــــــــــــــــــــــــــــــــــــــــــــــــــــــــــــ
"فقنا الصبح بكير اليوم،،، عندي قضية مهمة ولازم اطلع بكير،،، فطرت بسرعة وطلعت تركت نور عم تضب السفرة ،،،"
(نور)
اليوم لازم اتأكد من الحمل ....متأكدة رح تكون احلى مفاجأة ل أغيد رح خلي سارة تساعدني بهالموضوع ..
نزلت لبيت عمي وصبحت عليهن
نور: صباح الخير
سما: يسعدلي صباحك نوارة لحقتي القهوة سخنة هاتي فنجان يا سارة
نور: لا مرت عمو انا بجيب"
(نور)
فتت عالمطبخ كانت سارة عم تجلي
نور: سوسو فيني اطلب منك طلب "
سارة: ولو نوارة تفضلي"
نور: بس خلي هالشي بيننا لحتى اتأكد "
ــــــــــــــــــــــــــــــــــــــــــــــــ
عند رفيف كانت اصواتهن طالعة
رفيف: عم قلكن كتب الكتاب المسا بكون رجعت من الشغل "
لينا : رح تاخدي اذن اليوم مهم بحياتك وانتي رايحة عالشغل "
حازم : رفيف اسمعي كلمة امك شو بدها تحكي علينا العالم شو انا مو معبي عينك ما بصرف عليكن لحتى عم تشتغلي"
رفيف: ابي انا مابصرف عالبيت والكل بيعرف هالشي انا عم اشتغل لحتى اسس مشروعي الخاص "
لينا: اي اليوم عندك تسلاية غير شكل مافي داعي للشغل ،،"
رفيف: خلص بروح وبرجع باكر ما بكفي دوامي .... مابحب اخد اذن هيك بروح بشتغل نص دوام وبرجع
لينا: حازم انت تفاهم مع بنتك انا رايحة راسا ايبس من الحيط
حازم قعد جنب بنتو ومسحلا عشعراتا وهو مبتسم : يانور عيوني انتي اللي خليتيني صير اب بفضل الله ...مابتعرفي غلاوتك عندي ...بكرا بس تتزوجي يعرب رح تعرفي ليش خترتلك ياه....انا واثق فيه رح يسعدك
رفيف: ان شاء الله بابا
حازم : فيكي تطلعي بس رح ترجعي باكر صح
رفيف : حاضر رح اشتغل نص دوام وهلق عن اذنك لانو تأخرت وراح عليي الباص"
ــــــــــــــــــــــــــــــــــــــــــــ
وصلت عالحقل وصرت دور بعيوني على لما شفتا وقربت من وراها ورعبتا
رفيف: بعععع
نطت لما ورتعبت وصوت ضحك رفيف عبا الدنيا
لما بنرفزة : رفيف ليش هيك عملتي
رفيف: بتستاهلي لكن تتركيني بلبيت وتروحو
لما: خالتي لينا قالت مارح تروحي ...بعدين اليوم كتب كتابك كيف جاية "
(اغيد)
كان ناقصني ملف ضروري نسيتو بالحقل وقت اجيت عند ابي وهلق رحت لشوفو لقيت نفس البنت اللي ضربت فيني من فترة،،،، ضليت واقف لشوف شو عم تعمل كانت مبينة عم تتخبا من حدا....وقت رعبت رفيقتها ضحكت على ولدنتهن وفتلت لامشي بس ستوقفني الحديث .... اليوم كتب كتابها ...رجعت طلعت فيها مستغرب وقفتها ومشيتها وحتى لبسها متل الشباب مين اللي اعجب فيها لحتى خطبها ...مابتوقع بيوم اني انعجب بوحدة متلها ... الحمدلله الله بعتلي نور يربط اسمها بأسمي بتليق ك زوجة المحامي اغيد نور الدين ......كفيت طريقي لعند ابي
ــــــــــــــــــــــــــــــــــــــــــــ
رفيف: خلصي محاضرتك لما لانو عنجد مالي خلق "
لما: لا بدك تسمعي المحاضرة هلق لازم تكوني عم تجهزي بحالك مشان كتب كتابك "
رفيف: هففففف مااغلظك انا رايحة شوف عمو حسام ماني فاضيتلك
دقيت الباب واجاني الرد فتحت الباب وفتت وانا عم صبح عليه
رفيف: صباح الخير عمو حسام (تفاجئت كان اغيد عندو وتلبكت) صباح الخير استاذ اغيد
حسام - اغيد : صباح النور
حسام: اهلين رفيف متأخرة اليوم
تلبكت من نظرات اغيد كانت عم تتفحصني من فوق لتحت دبت وانا عم شوف نظراتو كانت استغراب بس ليش "
رفيف: عمو بدي اعتذر اني تأخرت راح عليي الباص"
حسام : اكيد مافي مشكلة
رفيف: وبدي اخد اذن فيني اليوم داوم بس نص دوام "
حسام: خير رفيف في شي كتران غيابك عن الشغل "
رفيف: عمو اليوم كتب كتابي مشان هيك بدي الاذن
حسام: اي هي الاخبار اللي بتفرح مبارك بنتي رفيف مافي داعي تشتغلي اليوم "
رفيف: لا عمو انا رح اشتغل نص نهار وفيك تخصملي من الباقي "
حسام : يابنتي اليوم فرحتك فيكي تروحي ترتاحي وتتجهزي
رفيف : طيب شكراً كتير الك وهلق عن اذنكن "
(رفيف)
"طلعت من عندهن ورجعت تمشاية ،،،وانا راجعة قعدت اتفرج عالمحلات شي مكياج ،،،شي فساتين،،، سحرتني واجهة فيها فستان زهري حرير،،، خطرلي ليش ما بشتري هيك انا ....ليش مابلبس متل البنات ....ليش مابعيش حياة الانثى ...ليش كاتبة على حالي ضل متل الشباب ....لحتى تزكرت هداك اليوم الاسود ...كنت لابسة فيها تياب انثى وكنت بكامل اناقتي ...كنت بالبكلوريا يعني كنت بفترة المراهقة،،، وقت صار معي هالحادث ...
طلعت من شرودي على صوت زمور قوي كان رح يدعسني ،،،هديت شوي وطلعت عالشوفير ،،،،وشفت عيونو المعصبة ،،،"
اغيد: ما بتطلعي قدامك ...لو دعستك هلق كنتي رح تبليني فيكي ،،،"
(رفيف)
"نزلو دموعي من اهانتو الي قدام العالم ،،،ركدت وركدت لوصلت لبيتي مسحت دموعي وطلعت فتحت بمفتاحي وفتت
لينا : اهلين رفيف منيح رجعتي ،،،دغري فوتي شوفي اختك بدها تشوف الفستان ازا بيجي من قياسك ،،
فتت على غرفتي وشفت ريم عم تجهزلي شو بدي البس ،،،"
رفيف: مافي داعي للفستان خلص مبارح لبست كرمالكن،،، اليوم مو حابة ....بكل التحوال نحنا نفسنا مافي حدا غريب،،،"
ريم : شلون مابدك تلبسي فستان حبيبتي،،، اليوم كتب كتابك لازم تكوني بكامل اناقتك ،،،بعدين رح تحكي عريس الهنا(مع غمزة) لازم يطير عقلو اليوم ،،،"
(ابتسمت على تفكيرها هية مفكرتني مبسوطة اني نخطبت ماحدا بيعرف شوفي بقلبي )
رفيف: طيب ريم هلق تركيني نام شوية تعبانة ،،،"
ريم: نامي وارتاحي لازم تكوني اليوم مرتاحة ورايقة (وطلعت)"
"تسطحت على تختي وصرت فكر باللي صار اليوم،، والاهانة اللي هانني فيها بنص الشارع ...صح الحق عليي كنت ماشية وشاردة،،، بس هاد الشي مابيعطي الحق يبهدلني ،،،"
ــــــــــــــــــــــــــــــــــــــــــــ
(اغيد)
،"عم اشتغل بالقضية وماني قدران ركز،،، عم اتزكر اللي صار وانزعج من حالي كيف بهدلتا ...بس كانت لحظة غضب ...كانت رح تخليني اعمل حادث ....كيف بتتصرف هالبنت ...تصرفاتها بتأكدلي انها انسانة طايشة ماعندها مسؤلية ...الله يعين خطيبها ....الحمدلله الله بعتلي نور راكزة وعلى مزاجي ....لدق اطمن عنها ،،"
اغيد: حبيبي نوارة شتقتلك "
نور: اهلين حبيبي وانا شتقتلك كتير "
اغيد: شو عم تعملي،،"
نور: عم نطبخ انا ومرت عمو وسوسو ،،،"
اغيد: سلمي عليهن...حبيت اسمع صوتك لاقدر ركز بالقضية لانو تفكيري مشتت ،،"
نور: خير حبيبي فيك شي ،،،"
اغيد: لا ابداً يالله بتوصيني شي ،،"
نور : لا حبيبي سلامتك،،،"
سما : فيه شي،،،"
نور: لا مرت عمو عم يشتغل بقضية جديدة بس حب يتطمن،،"
سما: الله يخليكن لبعض يا حبايب قلبي،،، ونشالله بشوف ولادكن مزينين البيت ،،"
ابتسمت نور: شكراً مرت عمو ويخليلنا ياكي ،،،"
ندق الباب
سارة : هي اكيد صاحب التوصيل،،، انا طالبة غراض ،،،"
وبالفعل كانت الغراض اللي موصية عليهن سارة لنور ،،،"
وبعد ماخلصو طلعو سوا مشان نور تحلل ،،،"
(نور)
،"حللت وطلعت ماسكة التحليل بإيدي،،، ومو مبين معي شي حطيتو عالطاولة وانا مزعوجة انو مو مبين منو شي ابداً ،،،"
سارة : خلص نوارة بجبلك غيرو لا تزعلي ،،،"
نور: كنت متحمسة كتير لاعرف .....بتعرفي كنت عم خطط كيف فاجئو لأغيد ،،،"
سارة(بفرح) : لك نور شوفي صارو خطين يعني حامل ،،،"
نور: كيف هيك فكرت التحليل مو زابط ،،،"
سارة حضنتها : لك زابط زابط وانتي حامل ياروحي الف الف مبروك
نور بدموع : الله يبارك فيكي ياروحي،،،"
ــــــــــــــــــــــــــــــــــــــــــــــــــــــــ
(رفيف)
،"امي ماخلتني نام وهية تفوت تعطيني تعليمات وتطلع ،،،بدها ياني بلش اتجهز من هلق لانو عزمو القرايب ....مع اني كنت حابة كلشي يكون بهدوء مابدي يكون معنا حدا بس هيك امي بدها تشوف حالها بصهرا الجديد ...... قمت عالمرايا وقت اجت لما ماخليتا تحطلي مكياج تقيل خليت كلشي ناعم وبسيط ولبست شال سكري مع الفستان،،، بالرغم من انو نزعجو كان بدهن افرد شعري بس انا اصريت اني مافرجي شعري ل يعرب للعرس هيك بكون مرتاحة،،، صار المغرب وبلشو معازيمنا يجو وبابا راح يجيب الشيخ ،،،"
ــــــــــــــــــــــــــــــــــــــــــــــــ
(اغيد)
،"رجعت على البيت البناية هدوء وكأنو الكل برا ،،،"
،"فتت على بيتي كانت الاضوية مطفية والدنيا عتم ،،"
اغيد: نور حبيبي ،،،،يانور"
،"حسيت في موسيقى ناعمة بغرفة النوم ،،،فتت لاقيت طاولة مزينة بالورد وشموع وكيك وعلبة هدايا ،،،قربت وفتحت العلبة لاقيت جرابات صغيرة لون ابيض ....ضليت صافن ثواني لحتى فهمت ....عيوني دمعو وحسيت على نور غمرتني من ورا ....فتلت لعندا وشلتا وصرتو دور فيها ،،،"
ضحكت نور : نزلنييي رح دوخ
نزلتا وضليت غامرها ماعم سدق انا طاير من الفرحة ،،،"
اغيد: انتي متأكدة نور انتي حامل
نور بدموع: اي ياروحي متأكدة "
مسحلا دموعا اغيد: من اليوم ماعاد في بكا لازم تضلي عم تضحكي ،،مابسوالك البكي يا روحي ....بعدين شو هالاناقة ياحلو فتلي خليني شوف هالجمال ،،،"
كانت لابسة فستان طويل باللون الاحمر وشعرا الاشقر الناعم مفرود لاخر ضهرا وماكانت بتحتاج مكياج غير الروج الاحمر اللي طير عقلو ل اغيد ،،،"
ــــــــــــــــــــــــــــــــــــــــــــــــــــــــــ
،"وصل بابا وجايب الشيخ وانا وقفت اعمل القهوة،،، لانو على قولة امي هي العادة كانو ريم ولما عم يجهزو الصواني والحلو وهلق اجت ماما ،،"
لينا : قرأو الفاتحة يابنات "
قرأناها وبلشت الزغاريد وريم ولما حضنوني وصارو يبكو،،،"
رفيف: شبكن لسا مارحت قاعدة على قلبكن ،،"
لما: يي شو غليظة "
شفت ماما واقفة والدموع بعيونا قربت لعندا وحضنتا وهلق بكينا سوا كانت الغصة كبيرة ....انا مابقدر بعد عن اهلي ،،"
لينا : يالله مابصير تضلي هون خدي القهوة وفوتي وانتو بنات لحقوها بالضيافة ،،،"
(رفيف)
فتت ضيفت القهوة وانا دايبة من الخجل،،، مو متعودة على هيك شي كان كل وقتي دراسة او شغل لهيك مابتذكر اني كنت بجمعة متل هي ،،،قعدت جنب امي وصرت استقبل التهاني والمباركات ورد بهدوء عكس الضجيج اللي جواتي ،،"
نادالي بابا وعطاني جوالو،، وقلي سلم على عمي و خطيبي،،،"
رفيف: السلام عليكم"
عمي - يعرب: وعليكم السلام ورحمه الله وبركاته ،،"
عمي :كيفك يابنتي،،،"
رفيف: الحمدلله ،،"
عمي: نشالله الف مبروك ونشالله بتتهنو ،،،"
رفيف: الله يبارك فيك عمي ،،،"
عمي: حكو مع بعض انا رح اطلع كرمال تاخدو راحتكن ،،،،"
(رفيف )
،"ماكنت مستوعبة انو هلق خلص صار خطيبي وصرت مجبرة احكي معو لحالي لحتى سمعت صوتو "
يعرب: مبروك ياعروس"
رفيف: الله يبارك فيك"
يعرب: ما شاء الله يا ارض احفظي ماعليكي ،،،طالعة بتاخدي العقل،،"
رفيف: شكراً "
يعرب: شو خجلانة مني "
استغربت كيف بيسئلني ازا خجلانة ...اكيد بدي كون خجلانة وانا عم احكي معو لحالي....اصلاً مو قادرة اطلع فيه،،"
رفيف: يعني نحنا لسا ما منعرف بعض ،،،"
يعرب: وايمتا رح تفرجيني هالشعرات الحلوين،،،"
رفيف: هلق عنا ضيوف ومشغولة لازم ارجع اقعد معهن،،، بتعرف جايين مشاني،،،"
يعرب: طيب ماشي بس سؤال قاعدة مع الرجال هيك ،،،"
رفيف: اكيد لا نحنا مابناعد مختلط
يعرب: طمنتي قلبي وهلق عرفت اني خترت صح ومارح اندم ان شاء الله ،،،بدي احكيكي قبل ماتنامي،،،"
رفيف: ماشي ان شاء الله ،،،"
يعرب: سلام،،،"
ــــــــــــــــــــــــــــــــــــــــــــــــــــ
(اغيد)
،"سمعت صوت سيارة بابا ونزلت لحتى بشرهن ،،"
،"وانا نازل عالدرج شفتهن "
اغيد: شو وين كنتو ،،"
حسام: كنا عند بيت عمك ،"
سما: شو حبيبي مبسوط شوفي"
سارة : ماحدا بيعرف غيري اصلاً دريت قبلك (وطالعتلو لسانها)
حسام - سما : لك شوفي خبرونا
اغيد : رح تصيرو تيتة وجدو "
سما حضنتو : عنجد عم تحكي يا روحي الف مبروك "
اغيد :الله يبارك فيكي امي ،،"
بعد عن امو وباس راسا وراح لعند ابوه يلي مدمع وباس ايدو وحضنو
حسام: الف مبروك يا ابني الله يرضى عليكن انت واخواتك بدي تعبولي هالبناية احفاد ،،،"
اغيد : عين خير ابو اغيد وهي اول حفيد جاية عالطريق ،،،"
سما : نشالله بيرجع امجد عن قريب ومنفرح فيه ومنشفلو متلك كمان ،،"
الكل: امين
حسام: نشالله بيرجع وبحط عقلو براسو ويخطب بنت عمو ،،"
سما : ازا رضي فوراً لاخطبلو ياها بس ابنك وبتعرفو،،،"
سارة : ياجماعة بدنا نضل واقفين خلونا نفوت ،،،"
اغيد: انا راجع على بيتي مارح اترك نور لحالها ،،،"
طلعت على بيتي لاقيت نور نايمة ...هههه بلشت علامات الحمل تبين ياحبيبي من اولتا نوم ،،،"
قعدت اتأملها وهية نايمة فجأة تزكرت هديك البنت،،، هلق بتكون طاير عقلها لقت حدا يقبل فيها ...... استغفر الله شو عم فكر انا ليش عم احكي عليها.....لازم اعتذر منها .....لازم"
ــــــــــــــــــــــــــــــــــــــــــــــــــــ
عند رفيف
،"راحو الضيوف وبلشنا ترتيب بالبيت،،، ولما وامها ماتركونا لحتى خلصنا وبعدين راحو ،،،فتت على غرفتي وقعدت عالكرسي قدام المراية،،، بس عم اطلع بحالي ماعم فكر بشي بس صافنة ...حسيت على رسالة فتحت الجوال لشوف رقم غريب ومن برا المدينة ......
باعتلي مسا الخير
رفيف: مسا النور مين معي
مجهول : شو يا حلوة مين مابعتلك بتردي "
رفيف: مين معي"
مجهول: معجب "
رفيف: ازا مابعتت مين خلال ثواني رح احظر "
يعرب : انا يعرب وقت قلتلك معجب عنجد انا معجب "
رفيف: اهلين"
يعرب: رح اتصل فيديو حابب شوفك
فتحت الفيديو وضليت ساكتة
يعرب : كنت عم اختبرك لشوف بتردي على ارقام غريبة
رفيف: ليش شو فيها بالنهاية يلي عم يبعتلك اكيد رح يكون بدو ياك بشي
يعرب : مهما كان تاني مرة ماعاد تردي على ارقام غريبة
يلي بدو منك شي يبعتلك خبر مع اهلك
(رفيف)
ضليت ساكتة ومزعوجة وبنفس الوقت مستغربة انو اليوم كتب كتابنا وبلش يتحكم فيني
يعرب : شو رفيف سكتي
رفيف: شو بدي احكي انت صدمتني
يعرب: طيب منغير الموضوع انا حابب شوف شعرك فيكي تشيلي الشال
رفيف: فينا هالفترة نحكي هيك انا مابفرجي شعري لحدا لهيك مو متعودة بس اتعود بتلاقيني لحالك فرجيتك
يعرب: بس انا طالب شوفو بالحلال وانتي حلالي
رفيف: لا تضغط عليي انا هيك مرتاحة
انزعج يعرب بس ماحكاها شي ضلو ساكتين فترة
رفيف: ازا مافي عندك شي انا لازم سكر تعبت كتير اليوم وعندي شغل الصبح
يعرب: رفيف انا مو حابك تشتغل روحي بكرا قدمي استقالتك انتي صرتي مرتي
رفيف: انا هلق مو حابة اترك الشغل بس اتزوج بفكر بالموضوع
يعرب : رفيف انتي صرتي مرتي والي حق امنعك من الشغل
رفيف: اولاً انا حالياً خطيبتك يعني مابحقلك تفرض عليي شي مابدي ياه تانياً قلتلك وقت نتزوج بفكر ازا رح اترك شغلي
يعرب: رفيف انا زوجك بالقانون
رفيف: بعرف بس نحنا حالياً بفترة خطبة
يعرب : انا قلت اللي عندي بكرا بتروحي وبتتركي الشغل وهلق تصبحي على خير
سكر وهو مزعوج شو مفكر حالو هاد رح رد عليه بس لانو كتب كتابو عليي لو انو سايرني شوي يمكن لين بس عم يفرض عليي فرض وكأنو تزوجت وصرت ببيتو
قمت توضيت لصلي العشاء ووقت السجود نزلو دموعي صرت ابكي انا مو مرتاحة انا قلبي عم يوجعني انا مابدي ياه يالله ريح قلبي،،،
ــــــــــــــــــــــــــــــــــــــــــــــــــــــــــــ
فقت بكير أساساً ماعرفت نام كل الليل نام وفيق..... لبست وطلعت فطرت مع اهلي ورحت عالشغل متناسية تماماً شو حكينا مبارح
وصلت وبلشنا بالشغل شفت عم حسام وباركلي والكل باركولي ......بعد الضهر اجا اغيد جايب معو الغدا ...يالله شو انو انسان راقي برغم انو محامي إلا انو يومياً بجيب الاكل بنفسو وبمر بزور ابوه ....هاد الانسان اللي بحلم فيه .....
تذكرت شو صار مبارح وكيف اهانني نقهرت كتير وفتلت وجهي سمعتو عم يحكي مع العمال
اغيد: جبتلكن حلوان وحابب شارككن فرحتي بهالخبر انا رح صير اب
(رفيف) وقت سمعت هيك حسيت حدا ضربني كف .....نصدمت وماتوقعت ......هه رفيف الغبية شو متوقعة هنن متزوجين رح يضلو كل حياتهن بدون ولاد
مااقدرت اكل غير لقمتين ...الغصة بحلقي عم توجعني كتير ....دخلت عالحمام وبكيت شوي لحتى اهدى شوي وغسلت وجهي بمي باردة لحتى يروق
وانا طالعة لاقيت اغيد برا واقف ومرتكي على جدار صغير قريب من من باب الحمامات تلبكت خفت يكون سمعني وانا عم ابكي
اغيد: انا اسف اني واقف عم استناكي هون بس مالقيت مكان مناسب احكيكي فيه بدون ماحدا يشك بشي
رفيف : ليش نحنا شوفي بيناتنا لحتى حدا يشك فينا
هالكلام نرفزو لاغيد حس وكأنو هو لاحقها وهية عم تتكبر عليه
اغيد: اتطمني اساساً انتي مو ستايلي بس كان بدي اعتزر منك مشان مبارح
رفيف: طيب وهلق في شي تاني قبل ماامشي
اغيد : لا
(اغيد)
شفتا راحت عالحمامات قلت هي انسب فرصة لحتى اعتذرلا على انفراد لانو مافي ولا حجة لحتا ناديلا على عيون الموظفين واحكيها انا عندي اخت وبخاف على سمعتها ومارح ضر بنت العالم وخلي يطلع عليها حكي وقفت استناها قريب من الحمامات بس الغريب اني سمعت شهقات بكا مااتوقعت تكون منها وقت طلعت كان وجا احمر وقتا عرفت انها كانت عم تبكي ...بس ليش ... معقول ماكملت خطبتها ايدا مافيها محبس معناها العريس هرب قبل لا يتورط .....وطلعت وقحة كمان ومكبرة وحتى مااعتذرت انو الحق كان عليها حسستني وكأني بالفعل انا الغلطان هه بنات اخر زمن
ــــــــــــــــــــــــــــــــــــــــــــــــــــ
(رفيف)
قلبي عم يدق بسرعة نسيت حزني ونسيت كلشي ...هو ستناني الي ....ليحكي معي انا ....ويالله شو كنت فرحانة عم اشتغل وطايرة ومسرعة بدي ارجع عالبيت احضن دبدوبي واحلم فيه .....رن جوالي وكان المتصل بابا
رفيف : الو السلام عليكم
حازم : وعليكم السلام ....رفيف انتي ليش لهلق مارجعتي
رفيف: بابا انا بشغلي ولسا في ٣ ساعات دوام شبك نسيان
حازم : خطيبك شو قلك ...اه ماقلك بتروحي بتتركي الشغل
،"وقتا تزكرت اني مخطوبة وانا هلق على ذمة رجال وعم فكر بغيرو وهي تعتبر خيانة ،،
رفيف : بابا فينا نحكي وقت ارجع
حازم : ماشي الحال "
قعدت بالارض وانا مقهورة يالله كيف عم فكر ب اغيد انا بخاف الله وبعرف ديني هي تعتبر خيانة
يالله شو بدي اعمل ماني قدرانة اتقبل حدا بعقلي وبقلبي غير اغيد ياربي دلني عالطريق الصحيح
ــــــــــــــــــــــــــــــــــــ
رجعت عالبيت لاقيت بابا قاعد بالصالون وعم يحضر اخبار
رفيف: السلام عليكم
حازم بدون ما يطلع فيها :وعليكم السلام تعي قعدي قدامي بدنا نحكي
رفيف: تفضل بابا
حازم: يعرب حاكاني وكان كتير مزعوج
رفيف: اي شو اعمل
حازم: ليش ماتركتي الشغل متل ماقلك
رفيف: ابي نحنا لسا مبارح خطبنا بدو اقطع علاقتي بالعالم الخارجي وضل هون بالبيت وغير هيك عم يأمرني أمر اترك الشغل انا تعذبت كتير لحتى اقنعكن بالشغل وهلق ماعاد عندي طاقة اتجادل معوو بهالموضوع قلتلو بس نتزوج رح اترك
حازم: وهو مصر تتركي من هلق انتي خطيبتو وحقو يغار عليكي بدو تتركي الشغل اتركيه
رفيف : ابي انا مارح ضيع حلمي انا بقيانلي شوي وبفتح شغلي الخاص لا توقفو بطريقي
حازم: وازا خطيبك مارضي تفتحي قسم الازياء بعد ما تتزوجي
رفيف : هو مابدو اشتغل عند حدا مابتوقع يعارض فكرة شغلي لحالي
حازم: وازا قلك مابدو ابداً
قعدت حدو رفيف: بابا كيف مارح يوافق انا هاد حلمي رح يجي يوم وافتح فيه محل تصميم (دمعو عيوني ) ابي بترجاك وقف معي هاد حلمي من وقت كنت صغيرة
تنهد حازم: انا ماعم وقف بوج سعادتك بس عم اعطيكي فكرة يمكن مايرضى مهما كان ابن عمك مناسب الك من وجهة نظري يمكن في شغلات مابيقدر يتجاوزها ...حقو يغار على خطيبتو ومرتو وانا مابمنعو ازا تركتي الشغل رح تكبري بنظرو ووقت تفتحي مشروعك الخاص مارح يمنعك وازا عاندتي من هلق تأكدي تفاهمكن سوا رح يصير اصعب انا عم قلك هيك لاني بعرف تفكير الرجال
رفيف: ابي سدقني ماحابة عاندو وانت بتعرف رأيي باتجاه الشغل
حازم : بعرف ...قومي هلق احكي معو وتفاهمو ولا تنامو اليوم قبل ماتوصلو لحل انا مسافر بعد يومين بدي سافر وقلبي مرتاح يا رفيف مابدي يضل بالي عندك ...انا بعرفك واعية والرجال يلي يتزوجك رح يكون محظوظ
قربت عليه وغمرتو : يخليلي ياك يااحن اب بالدنيا
فتت على غرفتي بدلت تيابي وطلعت تعشيت مع اهلي وقعدت لارتاح فتحت جوالي لاقيت رسائل من يعرب
صباح الخير
شو حكيلي تركتي الشغل
ناطرك من الصبح لحتى تحكيني رفيف
هي هية البداية هيك عم تعامليني توقعت عيش احلى ايام حياتي هالفترة ....صفنت بشاشة الموبايل وانا مصدومة هية لساتنا بالبداية وهيك شكلو يعرب نقاق كتير بعتلو ودغري فتح
رفيف : مسا الخير
يعرب : اهلين مسا النور
رفيف: كيفك
يعرب : مابعرف رفيف شو رأيك كيفني انا ...منيح ياترى
رفيف : يعرب خلينا نتفق مشان هالموضوع انا مابدي اترك الشغل
مالقيتو غير اتصل فيديو قمت حطيت غطا الصلاة على راسي ورديت
يعرب: رفيف بدك نتفق بتتركي الشغل غير هيك رح نضل مزعوجين
رفيف: ليش التفاهم معك صعب انا عم اشتغل هالفترة وبعدين بدي افتح شغلي الخاص
يعرب: بالله شو وشو هو شغلك الخاص يلي رح تفتحيه يا خانم
رفيف: تصميم ازياء
فرط ضحك يعرب وكأني حكيتلو شي نكتة : رفيف بلا مزح
رفيف: ليش نحنا في بيننا مزح
وقف ضحك وطلع فيني كانت ملامحي جامدة : عمي قلي تاركة من البكلوريا يعني لو عندك موهبة التصميم كنتي ضليتي عم تدرسي وتفوتي بمجال التصميم صح ....كبري عقلك رفيف التصميم بدو موهبة مابدو وحدة فشلت بالبكلوريا وتركت الدراسة بكرى روحي وتركي الشغل ماشي
رفيف: وازا قلتلك شغلي مارح اتركو
يعرب : عم تعانديني يارفيف
رفيف: اعتبرو هيك
يعرب : منتواجه
نسميت سم من هالمكالمة فتت حطيت راسي ورحت نايمة
*يـــــــــ͢ـོ͓ـــتبــــــــــــــོـ͓ـــ͢ــ؏*
➖➖➖➖➖➖➖➖➖
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h```