الفصل 1
*قـصـص وروايـات عـالـمـيـة💙📚📖*
*بإدارة* *يـامـن💙*
*❴📖❵↵* *حب.ساحر.tt* 💙🖇️
*❴🔢❵☟الـــبـــــــــــ❴1️⃣❵ــــــــــــارت☟*
➖➖➖➖➖➖➖➖➖
*
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h```
➖➖➖➖➖➖➖➖➖
"حب ساحر"
"الجزء الاول"
بقلمي مرام
لما تحبي شخص من طرف واحد وهالشخص يكون خاطب ويتجوز ياترى شو رح تعملي ..
وقت يتقدملك ابن عمك واهلك يجبروكي توافقي ياترى رح تتجوزيه ولا النصيب الو رأي تاني
لما تكون بتحب مرتك بجنون وفجأة يجي شي يخطفها منك كيف رح تتأقلم على هالوضع ....زواج اجباري وعذاب شو رح تكون نهايتو
(رفيف)
"كنا واقفين تحت الشمس عم نشتغل تعبت كتير وجعت كتير عم فكر شو رح تطبخ امي المسا ياترى ملوخية يمي يمي ولا مندي كمان اطيب واطيب....قطع سلسلة افكاري وهو عم ينادينا عالغدا كان جايب معو فلافل للعمال ....مشيت ودقات قلبي طبول بشوفتو رغم انو مابيطلع فيني ابداً...
ويمكن حتى مابيعرف بوجودي بهالحياة... وبرغم انو خاطب بس مابعرف ليش تعلقت فيه....تركلنا الغدا وراح لعند ابوه عمو حسام صاحب هالحقل،،، بعزو كتير وبعدو بمقام ابي،،،، حنون كتير عالموظفين وبحسسنا كأنو اولادو ،،،
قطع سلسلة افكاري رفيقتي لما ،،
لما: شبك صافنة وعم تتبسمي،،، كلي رح تخلص الاستراحة.."
رفيف:" اي اي رح اكل اصلاً جوعانة كتير .."
لما: "تعبانة ومو مسدقة نرجع عالبيت نحميت اليوم .."
رفيف : "اي قومي عالشغل لسا بقيان ٣ ساعات وبتكوني ببيتك .."
رجعنا نكمل شغل،،، وانا كل شوية اسرق نظرة لغرفة عمو حسام ،،،كرمال المحو لو لمحة ،،،بس شفت نور اخدتلن قهوة وراحت تاعد معهن ...نور خطيبتو ل أغيد حلوة كتير وانيقة حتى عالشغل بتجي دائماً بكامل اناقتها،،، شقرا وعيونها خضر ،،،بتلف شال ناعم بزيدها نعومة مابتتمكيج ابداً،،، واغيد طاير عقلو فيها ..
"وقت بشوفهن سوا قلبي بيوجعني،،، بس بتذكر انو هي خطيبتو،،،، وانا مابكون الو ايا شي .."
ــــــــــــــــــــــــــــــــــــــــــــــــــــــــــــــــــــــــــــــــــ
"خلص الدوام وراجعين عالبيت،،،، كنا بالباص عم نسمع لفيروز( انا لحبيبي وحبيبي الي )وانا حلمت باللحظة اللي كون فيها مع اغيد،،، وعم نرقص سوا بليلة عرسنا ...فجأة تزكرت اني بالباص وقت شحط الشوفير فرام وزمرلنا انو وصلنا ،،
لما : "شكلا امك عاملة ملوخية شمي الريحة انا مابتوه عن طبخاتها.."
رفيف: "ركدي لكن بدلي تيابك لابعتلك حصتك .."
فتت عالبيت وركدت على ماما
رفيف : مامي ريحة الملوخية معبية البناية وانا جوعانة ..."
لينا :" اهلين رفيف بدلي تيابك ياعمري لاسكب الاكل ورح ودي ل لما لبين ماتجي..."
رفيف: "يسلمهن يا احلا ام بالدنيا .."
(رفيف)
انا عايشة انا وامي واختي بالبيت ،،،،بابا منشوفو كل اربع شهور شهرين ،،،،بضل مسافر ،،،شغلو كتير،،، واختي بتدرس جامعة طب بشري،،،، وانا مافلحت بالدراسة جبت البكلوريا ادبي بمعدل قليل وتركت،،،،، وبلشت شغل بالحقل بعد اصرار كبير انو بدي اشتغل ،،،،عالرغم من انو اهلي مو موافقين عالشغل ،،،لانو متعب بس انا اكدتلهن اني رح كون مبسوطة هيك .."
ــــــــــــــــــــــــــــــــــــــــــــــــــــــــــــــــــــــــ
"الايام عم تمشي ورا بعضا بنفس الروتين ،،،،
"راجعين بالباص وعم اتطلع عالدعوة يلي بإيدي،،،، وقعدت اتزكر كيف كانو ماسكين ايدين بعض،،،، وعم يوزعو كروت عرسهن عالعمال،،، الدمعة علقانة بطرف عيني وانا عم اتذكر كيف اعطوني الدعوة وهنن مبتسمين لبعض ،،،،انا متأكدة انو ماطلع فيني.... ماحفظ ملامحي...دايب عالاخير وعشقانها .... تزكرت منظري لابسة قميص واسع ،،،وبنطلون جينز واسع،،، وحاطة حجاب عادي ،،،،ولابسة بوط ...مارح يطلع فيني وحدو انثى عم تشع انوثة بكل معنى الكلمة،،، الكعب العالي اللي ازا لبستو متأكدة مارح اقدر وقف،،،، وفستانها الحرير الزهري ،،والشال الابيض الناعم ،،،كانت طالعة اميرة ...وحدها الامير ..خلص صار اميرها ...الها ...كيف رح اتحمل عذاب قلبي بزواجهن
لما: رفيف عم تبكي
رفيف : اا شردت شوي اليوم بابا بدو يوصل ومشتاقتلو كتير .."
لما:"اي ازا هيك يالله وصلنا ،،ركدي "
(رفيف)
طلعت عالدرج ركيد نسيت "
اغيد،، وصرت بس بدي شوف بابا دقيت الباب،،، ومافي ثواني كانت ماما فاتحتلي،،، وهية مبينة فرحانة سلمت عليها ودخلت ركدت لشوف بابا.... كانت ريم قاعدة حدو وهو عم يحكيلا عن سفرتو،،، ركدت ورميت حالي بحضنو وبكيت .......ماعاد اعرف ليش عم ابكي ؟.... لاني مشتاقة لبابا ،،،ولا لانو مقهورة اغيد عم يتجوز "
حازم:" ياروحي يا رفيف لا تبكي هي انا اجيت .."
رفيف :" شتقتلك كتير بابا .."
حازم :" وانا مشتقلك يا نور عيوني.."
ريم بغيرة: نعم نعم العز للرز والبرغل شنق حالو،،، لكن ياعمي الدلال كلو لرفيف خانم لانو على اسم تيتة.."
حازم: وانتي كمان نور عيوني تعي لحضني انتي التانية .."
لينا : ازا الموضوع هيك كمان انا غرت احضان عائلية بدوني .."
فتحنالها ايدينا ونحنا عم نضحك ،،،غمرتنا وهية مبسوطة،،، كيف مابدها تنبسط ،،،وزوجها رجع اليوم تركناهن وفتنا لغرفنا خليهن ياخدو راحتهن بالحكي .."
ــــــــــــــــــــــــــــــــــــــــــــــــــــ
(رفيف )
"رميت حالي عالتخت ورجعت فكر بأغيد،،، كيف لازم شيلو من قلبي .... وقت بطلع فيه بحس فراشات عم ترقص جواتي ......... وقت بشوفو مع نور بغار اي اي بغار هية حلالو بس انا بغار كيف بدي احضر عرسهن وكون هادية ..اصلا مابحقلي اعمل شي،،، احسن شي ما روح ...
رح اتحجج بأبي وما روح هاد احسن شي بعملو .."
ــــــــــــــــــــــــــــــــــــــــــــ
"كنا عم نشتغل ونحكي ،،،وكل حكي البنات عن تجهيزات العرس والصالة،،، وهنن مبهورين بكلشي ومبسوطين لرفيقتنا نور،،، اللي لاقت نصيبها لشب ابن عيلة ومرفه ....كانو عم يحكو لبعض عن فساتينهن يلي رح يلبسوها لحتى وصل الدور لعندي ...
رفيف : انا مارح اقدر احضر بدي ارجع شوف بابا بتعرفو انتو مامنلحق نشوفو بيرجع بسافر "
لما:" ليش مارح تروحي،،، رح تتركيني روح لحالي .."
رفيف: انا عنجد اسفة بس مارح اقدر روح ..."
"ضلت لما تنق فوق راسي لحتى رجعنا وفتت على بيتي لريح راسي منها ،،،رجعت تتصل وتترجاني روح معها،،، بس انا مارضيت ....مارح اقدر شوفو ماسك ايديها وعم يرقصو ،،،هالشي رح يعذبني كتير .."
ــــــــــــــــــــــــ
"تاني يوم فقت مرضانة ،،،حرارتي طالعة وبردية،،، كنت عم هلوس فيهن،،، بس ماحدا فهمان عليي شي ،،،،جابلي بابا الدكتور وقلي ضربة شمس ارتاح كم يوم بلبيت ،،،،
رجعت لما بعد الشغل لعندي تطمن عني ،،،،
لما: "ياعمري رفروف سلامتك .."
رفيف :"الله يسلمك ياروحي ،،،كيف كان الشغل .."
لما :" والله كان اليوم كتيرر متعب ،،،،خصوصاً انو مبارح كان عرس اغيد بيك ونور ،،وتأخرنا لرجعنا .."
رفيف: "كيف كان العرس .."
لما: "كان بجنن،،، كتير كانو حلوين ،،،متل عصافير الحب،، ورقصهن كتير متناسق،،، كان لازم تشوفيهن اديش حلوين مع بعض .....تمنيت يجيني شخص متل السيد اغيد ،،كان كتير لطيف وصحيح سئل عنك عمو حسام .."
رفيف : "بس اتحسن بمر عليه وبباركلو .."
ــــــــــــــــــــــــــــــــــــــــــــــــ
"كنت عم جهز حالي للشغل،،، وامي عم تقنعني ماروح .."
رفيف:" ياامي صرلي ٣ ايام قاعدة بالفرشة ،،،مليت بعدين شوفيني مااحلاني،،، صحيت ومافيني شي .."
لينا: قلك الدكتور ريحي اسبوع .."
رفيف : ماعاد اقدر مليت .."
"صارت تطلع على تيابي وهية مو عاجبها.."
لينا: ايمتا بدك تلبسي متل البنات.."
رفيف: امي انا هيك عاجبني..."
لينا : طيب الشباب كيف بدها تدق بابك،، وهنن شايفينك متل الشباب .."
رفيف: امي انا ماعم استنا حدا يدق بابي ومو مفكرة حالياً بالزواج ..."
لينا :اكيد مارح تضلي هون وتعنسي .."
اجا بابا على صواتنا وريحني من الجدال هاد،،، هنن مابيعرفو اني قفلت على قلبي بعد حب ٣ سنين من طرف واحد .."
حازم :شبكن صواتكن طالعة.."
" اجا الباص ولما عالباب "
رفيف: اي ابي طالعة عالشغل.."
حازم : رفيف بنتي،، بما انك تحسنتي في موضوع بدي حاكيكي فيه بس ترجعي .."
رفيف:" اوكي بابي .."
ــــــــــــــــــــــــــــــــــــ
"وصلنا عالحقل ونتشرو العمال عالشغل،،، ورحت لشوف عمو حسام "
رفيف: صباح الخير عمو..."
حسام مبتسم بحنية: يسعد صباحك،،، اهلين عمو ،،ليش اجيتي عالشغل خليكي بلبيت لحتى تتحسني.."
رفيف:" شكراً عمو انا بخير وصرت منيحة (كملت بغصة)وحبيت اجي هنيك بزواجة اغيد بيك،،،واتمنالهن السعادة .."
حسام : شكراً عمو هاد من زوقك "
رفيف: انا رح اطلع بلش شغل عن اذنك .."
حسام :اذنك معك"
(رفيف)
"طلعت مسرعة قبل ما يشوف دموعي عند ذكر اغيد ....مقهورة كتير اني ما رح شوفو وحتى ازا شفتو قلبي رح يحترق وانا شايفتو مع نور ...ماحسيت غير خبطت بشي صلب ووقعت بالارض ....
(اغيد)
السعادة عندي بتختصر بكلمة وحدة وهية (نور) من وقت تعرفت عليها اخدة كل عقلي ...وقلبي
مابقدر ابعد عنها ولا دقيقة حاسس وكأني خلقت من جديد،،، وقت تزوجت انسانة متلها ....قمة بالجمال ،،والنعومة،، والرقي .....كل مابطلع فيها بحس اني بغرق فيها اكتر واكتر ،،،
هاد اول مشوار الي بعد العرس،،، طلعت عالحقل لشوف ابي ......كنت ماسك ايد نور وماشي بسرعة،،، مشتاق لاهلي ومشتاق لشوفهن ،،،،ماحسيت غير شي خبط فيني ووقع عالارض،،، تطلعت فيها كانت دموعا على خدها،،، وايدا مجروحة.."
اغيد : فيكي شي يا انسة،،، خليني اخدك عالدكتور يشوف الجرح .....
"كانت عم تطلع فيني ،،وبعيونا في قصة حزينة حسيتا وكأنها عم تعاتبني .......نظرتها وكأني مذنب .."
اغيد : يا انسة عم تسمعيني .."
رفيف : اااا اي ماصرلي شي شكراً الك
"ساعدتها نور لتوقف،،، وراحت معها عالمستوصف لتشوف الجرح .."
(رفيف)
"حسيت قلبي طار وقت شفتو،،، كانت عيوني عم تعاتبو .....ليش ماشافني اول ....ليش ماحبني الي .....ليش انا ماني متل هالبنات اللي بنظرة عيونها بتسحر الف شب .....صار عمري هالعمر وانا مسكرة قلبي كرمالو ......
كان الدكتور عم يقطبلي ايدي وانا صافنة مو حاسة بوجع ايدي بس عم اتذكر لهفتو وخوفو عليي .....ونظرات عيونو .... اول مرة بيتطلع فيني هيك....اول مرة بحس بوجودي وكأني انسان قدامو .....بعيونو مافي غير نور
تطلعت فيها انسانة طيوبة بكل معنى الكلمة كانت قاعدة جنبي وعم تستفسر ازا موجوعة ....جاوبتا بإبتسامة مع هزة راس اني بخير
ــــــــــــــــــــــــــــــــ
(اغيد)
"سلمت على ابي وحضنتو ..
اغيد : شتقتلكن كتير طمني عنك يابي "
حسام : ازا انتو بخير ومبسوطين،، انا بخير ومبسوط ،،،"
اغيد : يابي بدي اسئلك؟؟،، مين هالصبية اللي ضربت فيني ؟.."
حسام: هي رفيف بتشتغل عنا بالحقل،،، وكانت هون عم تباركلي بزواجتك ،،،صرلا اسبوع مريضة وهلق رجعت ....هي اجو تعي عمو شلون صرتي
رفيف: الحمدلله عمو بس مارح اقدر اشتغل هالاسبوع بالحقل،،، بس اكيد مارح ارجع اخد اذن تقلت عليك كتير،،،
حسام : اهم الشي راحة الموظف عنا ،،،روحي رتاحي وبترجعي بس تشفي.."
(رفيف)
"كنت خجلانة كتير نور قعدت جنب اغيد ....زوجها ...صار لازم اتعود على هالكلمة هو هلق زوجها ...كان حاطت ايدو على كتفها بتملك وشو تمنيت كون بدالها ....ويكون حلالي
اصريت ضل بالشغل،،، وصرت اشتغل عالخفيف وبرجع بشتغل شغلي بس تصح ايدي ،،،
نور تركت الشغل من وقت تزوجت ،،،وماعدنا شفناها إلا نادراً وقت تجي تزور عمو حسام بالشغل ..."
ــــــــــــــــــــــــــــــــــــــــــــ
(اغيد)
"طلعنا من الحقل على بيتنا،،، كنا عم نتمشى وايدينا بإيدين بعض ،،،والبسمة على وجوهنا .."
اغيد: نوارتي شو جاية على بالك نتغدا ،،،قلت لامي ماتطبخ لانو رح اخدلكن جاهز.."
نور بدلع: حبيبي انت اختار وانا بوثق بذوقك ..."
اغيد: لاتتغنجي عليي هلق بالطريق بعمل حادث يابيبي..."
نور بضحكة : لا يووه بعيد الشر بدنا نوصل سالمين ..."
اغيد : يالله تفضلي نوارة"
"نزل الشناتي من السيارة،،، وطلعو ماسكين ايدين بعض ،،،بيتن عبارة عن شقتين فوق بعض،،، الطابق تحت لاهلو وهو الطابق التاني،،، وفي طابق فوقو لاخوه امجد ...وصلو على باب شقة اهلو دق الباب فتحتلو اختوو..
سارة : لك اهلا وسهلا ،،،يامو تعي شوفي وصلو العرسان،،، تفضلو تفضلو .."
نور : كيفك سوسو .."
سارة : مشتاقتلكن يا احلى عرسان "
(بوصول الام)
سما: اهلا وسهلا يا ولاد نورتو.."
بعد السلام والكلام
اغيد: امي نحنا رح نطلع نرتاح لوقت يجي ابي .."
ــــــــــــــــــــــــــــــــــــــــــــــــ
(رفيف)
"رجعت عالبيت تحممت وطلعت تغديت مع اهلي،،، وبابا هلق بدو يحكيني بالموضوع ..."
حازم : بنتي رفيف حابب احكي معك بموضوع مهم ،،،وبتمنى ماحدا يقاطعني لكمل كلامي.."
رفيف: اكيد بابا تفضل..."
حازم:" متل مابتعرفي مرت عمك توفت السنة الماضية ،،،وعمك وابنو ضلو لحالهن بالغربة،،، وبعد ماعمك تجوز،،، يعرب نتقل لشقة لحالو وماقبل يسكن مع مرت ابوه ،،،،وقبل ماانزل بفترة حكا معي بموضوعك ،،،،،هو حابب يتجوز ولقى بنت عمو ابدا من الغريب،،،، وطلب ايدك مني وانا قلتلو ماعندي مانع ،،،،بشوف رفيف وبردلك خبر ،،"
رفيف:" ابي انا حالياً مو مفكرة بالزواج..."
لينا : نعم نعم،،، ليش لمتا مفكرة تضلي بدون زواج،،، بكرا مابعود حدا يدق بابك ..."
..وحمدي ربك اجاكي متل يعرب ورضي بعمرك ..."
رفيف: امي اولاً انا مو كبيرة انا عمري ٢٥ سنة بس،،،، وتانياً مابدي اتزوج وسافر،،،، انا بدي ضل هون ،،،وتالتاً يعرب متل اخي..."
حازم : يعرب رجال مافي منو،،، وهو ابن عمك مو اخوكي،،، وهو احسن من الغريب ماعندك حجة لترفضي ،،،والسفر رح تكوني قريبة مني مارح تكوني لحالك ،،،ويعرب اكبر منك بسنتين وهاد عمر مناسب الك ،،،
نسيتي انو اخر مرة واحد دق بابك كان عمر ٣٧ وعندو ولدين ،،.......اجاكي نصيب بتحلم فيه كل البنات،،، بقا ليش الرفض ..."
رفيف: يا ابي بترجاك،،، انا مابدي يعرب،،، ومابدي سافر ،،،انا بدي ضل هون مع امي واختي،،، ووقت اتجوز كمان بدي ضل قريبة منهن ..."
حازم : رفيف انا واثق فيكي،،، بس رح ريح قلبي واتطمن قولي في حدا بحياتك .."
رفيف : ابداً سدقني مافي حدا بحياتي،،، بس انا مابدي اتجوز،،، وقت قرر اتجوز مارح يكون يعرب .."
حازم بحدة : لا تتسرعي بقرارك هلق،،، انا بعد شهر مسافر بدي لاقي جواب يرضيني قبل ماسافر،،، وانسي الحجج اللي حطيتيها،،، انا طالع عالقهوة بخاطركن ..."
رفيف: "امي بترجاكي وقفي معي،،، انا مابدي ابن عمي .."
لينا : ابداً .......رفيف انتي مو صغيرة ،،،وابن عمك شب مابعيبو شي .."
رفيف : ازا كتير مصرين فيكن تجوزوه ريم..."
ريم : لا حبيبتي ،،،انا حالياً مو مفكرة غير بدراستي ،،، وبعدين انتي الكبيرة ونحنا حابين نفرح فيكي .."
قامت رفيف على غرفتها وهية منرفزة وعم تقول: نننن انتي الكبيرة اللي بيسمعكن بفكرني معنسة وماحدا قبلان فيني،،، اصلا صحلكن بجمالي
(رفيف)
"فتت على غرفتي وقعدت اطلع بالمراية،،، انا بشرتي بين الابيض والحنطي،، وعيوني بنية والي غمازة بخدي مو قصيرة وبنفس الوقت مو كتير طويلة،،، شعري ويفي لنص ضهري،،، ومو سمينة معباية ووزني ٦٠،،، برغم اني مابسمع مدح لجمالي ،،بس بحس بحالي،، انا بعرف انو الجمال مو بالشكل،، بس انا مافيني شي بشع،،، متناسقة كلي على بعضي ،،،مابقول ملكة جمال،،، بس هي الحقيقة ،،،"
"قعدت على تختي،، والدمعة علقانة بطرف عيني،،، وانا عم اتزكر كمية المشاعر اللي حسيتا وانا عم اطلع فيه،،، هي اول مرة بكون قريبة منو هيك ،،،عيونو البنية سحرتني،،، كيف بدي ارضى اتجوز حدا غيرو وقلبي معلق فيه،،، انا مابقدر خون ايا شخص،، كيف رح خون زوجي بالتفكير بغيرو ،،،انا مابرضى مارح كون معو زوجة متل مابيتمنى وهي ازا ماقرأ عيوني،،، وشاف كمية حبي ل اغيد ....ياترى رح تصير معجزة تخليني انجمع معو بالحلال....طيب ونور......"
ــــــــــــــــــــــــــــــــــــــــ
"عم نشتغل ونحكي ونضحك،،، احلا الشي بالحياة هية الرفقة،، بشيلو الهم عن القلب برغم اني متدايقة كتير،،، باقي على سفر بابا اسبوع ،،وعم يضغط عليي بموضوع الزواج،،،
كيف بدي احكيلو في بقلبي شخص تاني،،، شخص متجوز ،،،شخص مابيطلع فيني ولا بيعرف بمشاعري ،،،انا مافيني اخرب بينو وبين نور،،، انا ماني خرابة بيوت،،، بس ازا فهم بابا من نظراتي انو في حدا بقلبي،،، رح تكون نهايتي وخيمة .."
"بابا مابحب نختلط بالرجال،،، ومابحب نرتبط لانو الارتباط بدون عقد شرعي حرام ،،،ونحنا حملنا امانتو وماممكن نخون هالامانة ،،،قلبي مابقدر اتحكم فيه غلبني وتعلق بحدا يمكن ولا بحياتو يكون الو ،،،"
ــــــــــــــــــــــــــــــــــــــــــــــــ
(اغيد)
رجعت من شغلي وعالطريق لقيت وحدة عم تبيع ورد،،، اخدت باقة ورحت لعند حبيبتي نور،،، فتحت الباب بالمفتاح ودخلت كانت بالمطبخ عم تتفتل متل الفراشة ،،،بالبجامة الريش ،،،كانت عم تجهز الطاولة استعداداً لوصولي،،، وقت دارت وشافتني تبسمت،،، و اه من ابتسامتها شو بتعمل بقلبي بتصير دقاتو سريعة،،، ركدت لعندي وعانقتني .."
نور: حبيبي شتقتلك كتير .."
اغيد: ياعيون حبيبك،، وانا شتقتلك كتير يا فراشتي ،،وهي الورد لاحلى وردة بهالدنيا ..."
نور:" ياروحي شو مزوق،، شكراً كتير ،،،يالله بدل تيابك الغدا جاهز .."
اغيد : "رح بدل واجيكي عالسريع ريحة المحاشي دوبتني...."
ــــــــــــــــــــــــــــــــــــــــ
"المسا نادالي بابا،،، شكلو اليوم مارح يعدي على خير،،، صار وقت المواجهة .....هلق رح اتطر اعطيهن قراري النهائي .."
رفيف : "مسا الخير ،،"
ردو كلهن :" مسا النور .."
حازم : "عدي رفيف ...ريم عمليلنا قهوة .."
ريم : حاضر بابا..."
حازم : اي يا رفيف،، نحنا حكينا بموضوعك انتي وابن عمك وتركتك تفكري على راحتك،،، وهلق حابب اعرف قرارك ..."
رفيف: "بابا مابعرف شو بدي قلك بس ...
لينا: بس شو رفيف فكري بأبوكي وفكري فينا،،، ابوكي عطا كلمة لابن عمك ،،،لا تخلي ابوكي ينقهر .."
رفيف :" انا ماقدرت اتقبل الفكرة ،،،مابدي ابن عمي ولا سافر ......انا هلق موجاهزة للزواج ...انا مو قادرة افتح بيت ،،،"
لينا : "تزوجت بعمر ١٨ وجبتك انتي واختك ورا بعض ،،،والله راد اني مااعود جيب ولاد،،، لولا هيك كان بيتي هلق معبى ،،،انتي عمرك ٢٥ ايمتا مفكرة تتزوجي ،،،وايمتا مفكرة تجيبي ولاد ،،،،،بدك تربي ولادك وانتي عالعكازة ..."
رفيف: بابا وماما انا بعتذر بس انا مو موافقة وهاد قراري..."
حازم بعصبية : انا عطيت كلمة لابن اخي،،، بدك ياني اتراجع فيها مشان افكار سخيفة ،،،ابن عمك نصيبك ،،،وازا ماوافقتي مارح تتجوزي ابداً ..ماعاد يجيكي عريس متلو مارح يجيكي غير الارامل والمطلقين والاربعينية ،،،بدل ماتتجوزي وتخلفي ولاد،،، رح تتجوزي وتربي ولاد مو ولادك ،،،انا عم فكر بمصلحتك ...
هدي شوي : انا ولا ممكن ارميكن لازواج مابتخاف الله فيكن،،، ابن عمك انا بشهدلو انو انسان تقي ،،،وصاحب دين ورح يصونك ،،،ويعزك،،، انتي عم تضيعي من حالك فرصة الزواج منو،،، وانا مابدي هالشي ..."
رفيف بعد ما مسحت دموعها : " بابا انت ادرى بمصلحتي ،،،انا مارح احكي شي ،،،وانت ازا شايف يعرب مناسب الي خلص ...كملت بغصة ...انا موافقة
*يـــــــــ͢ـོ͓ـــتبــــــــــــــོـ͓ـــ͢ــ؏*
➖➖➖➖➖➖➖➖➖
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h```