الفصل 8
*قـصـص وروايـات عـالـمـيـة💙📚📖*
*بإدارة* *يـامـن💙*
*❴📖❵↵* *عذاب.بلا.نهاية.tt* 🖤🖇️
*❴🔢❵☟الـــبـــــــــــ❴8️⃣❵ــــــــــــارت☟*
➖➖➖➖➖➖➖➖➖
*
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h```
➖➖➖➖➖➖➖➖➖
ليتني استطيع ان اقول لك كم احبك كم اعشقك..
ليت ما اشعر به استطيع ان ابوح لك به...
ليت تلك الكلمات التى تخرج بكل ألم مني رافضه قربك لم تخرج ولم اتفوه بها...فكلما حاولت ان ابتعد اجد نفسي معلقه بك مقيده مكبله في سجون حبك...
كل الليل كنت سهرانه وعم فكر وغفيت شوي...
أول ما صارت الساعه 9وعرفتو صار بمحلو دقيتلو وقلتلو اني موافقه ع الزواج..
وفرحتو وصلت لقلبي متل ما هيه لا زايده ولاناقصه...
شو انبسط وفرح وصار يتباهى والله...ويقلي نزلي لعندي لنفطر ونشوف ايمتى كتب الكتاب ونجيب المحبس واحتار شو بدو يقول..
يلي كان يشوفو كان يشوفني بعيونو ابدا ماعم بالغ ...
قلتلو طول بالك بدي شوف شو بدي اعمل منشان بابا ولسه ماني حاكيه شي مع أهلي
بهي الفتره لما زارونا خالاتي سألوني عنو قالولي مين هاد الشب يلي بيهتم فيكي وبجبلك كلشي ونازل فيكي دلال بس ارضي عني..
حكيتلون انو طالبني بس انا يلي موقفني ومغصصني انو متزوج
ف كانو كلون عم يقنعوني وحتى وحده منون حكت مع بابا وبلشت تقنعو وتحاكيه وتقلو منيح اني رغبانتو وحاببتو ويمكن هاد نصيبي..
باباعصب كتير وقلا لك هاد بلا اخلاق لسانو طويل مابدا هيك واحد...
هاد بلاء مونصيب وقطع عليها الطريق حتى ما ترجع تفتح الموضوع وخانئني الي كمان وقتا وبهدل...
بعد كل هالأحداث صارت حتى امي تئلي هاد الشب بحبك كتير لاتتركيه...
خالاتي رفقاتي الكل
إلا بابا ماعندو علم بشي
وهيك قررت حط الكل كل يلي قنعوني فيه وخليون هنن يتواسطو عند بابا منشاني...
وخانئ كتير وعصب وبهدل كتير بس انا كنت مصره وكنت على طول جبلو ناس تحاكيه ليوافق
ف آخر شي قال بابا انا مابدي تفكريني عم بقطع بنصيبك لأ بس بوكرا اذا اخدتيه انا واثق انك رح تندمي وتشوفي انو بلا اخلاق وتفهمي شو اصدي
بس مع هيك بابا اذا مصره نزلي كتبي كتابك انتي بالغة راشدة انا مابنزل معك...
وشو بدك عملي انا بدعي الله يسرلك ويكتبلك كل خير...
بس لاتستني مني الك مبروك...
وهيك من اولا بلشت فرحتي ناقصه...
ومابعرف ليش هيك حظي ما بكملوها معي لازم حس اني طالعه مقلعه مو متل كل عروس طالعه بكرامتها..
حكيت مع الشب عالتلفون وبلشنا نتفق لما وصلنا للمهر قلي بكتبلك 100 ب100 متل مو كاتب لمرتي وهون اختلفنا من أولا وقلتلو اي خلص لكن انا بقلب ماعد بدي
انت اخدت مرتك بوقت ووقتنا هاد وقت
ال100 كانت منيحه من 8 سنين بس هلأ شو..
وتركتو يومين مارد عليه وبالفعل كنت ناويه اذا ماحب يكتب شي يناسب وقتنا هاد الله معو
رجع دقلي قال حاكيني لنتفاهم...
وضلينا نحكي ونتجادل لما شافني مصره على 500ب500وافق....
بس انا في شي جواتي بعد طلاقي من زوجي الأولاني صار يخليني خايفه من كلشي ومترددة بكلشي ومافي شي عم يظبط معي...
نزلنا عالمحكمه فتنا لعند القاضي نحنا وعم نكتب الكتاب سأل القاضي يابنتي موافقه على هالشب فلان ابن فلانه على مهر قدره كذا
ضليت ساكته والله العظيم مابعرف شو صرلي ال اي ماعد طلعت معي وكأنو انربط لساني
قال شو ضليت ساكته قال خلص روحو اتفقو وبعدين ارجعو..
طلعنا لبرا يقلي لك شبك وانا ابكي..
لك ابكي ابكي ابكي وما افهم ليش كأنو ميتلي حدا...
انقهر مني وترجيتو يأجل الكتاب لبوكرا...
وافق بس انقهر وكأنو خاف..
تاني يوم نزلنا نحنا وعم من عمومي فتنا عالمحكمه قبل ما نفوت لعند القاضي قلتلو بدك تزدلي مهري لل800 مليون قال اي لأ ماحذرتي
قلو لك انا مو مرتاحه ماعم بفهم شو عم بصير عم بختنئ كل ما فتنا نكتب الكتاب...
قال اذا بدك نفذ طلبك اليوم منكتب على مهر 500 ب500 وبكرا بعدلك متل ما بدك ...
قلتلو لأ مابدي قال انتي مابتحبيني..
وزعل عمي عصب وصار يبهدل ويخانئ ابكي وقلو منشان الله فهمو عليي عم غص وارتعب كل ما فتنا عالمحكمه بحس مات الي شي حدا...كل الماضي عم يرجع لاذاكراتي يلي عشتو مو قليل...
في شي موصح في شي غريب...بحبو بس بخاف كل مابدي اكتب كتابي...
ومع هيك فتت كتبت كتابي بس غيمة سودة وقعدت على البي عم احكي بكل صراحه...
تاني يوم طنش عن تعديل المهر وضليت نق عليه لبعد 5 تيام عدلي مهري لل800 ومليون...
وطلعنا وانا ماني فرحانة في شي عاصص على البي كنت عم حاول افرح بس كان مبين عليي...
طلعنا نجيب المحبس مابعرف على شو تجادلنا
رجعنا بعدا نجيب حابس كمان تجادلنا...
وعلى اتفه شي مني ومنو ولاتفه الأسباب نتنائر...
بعدين تعودنا على بعض ومرئت هالقصص...
وتعلقت فيه اكتر واكتر واخدنا بيت اجار واتفقنا على موعد العرس وحددنا موعد وعزمنا العالم..
بهي الفتره صار يمنعني حتى سلم على ابن عمي
وابن عمتي كل 5دقايق صار يدقلي ويسمع مين ادامي صار اذا انطفى تلفوني وخالص شحن يقلب الدنيه...
وكتير يدقق حتى إذا طولت بالحمام يدق لأمي
وضليت بمعهدي وبالنسبة لشغلي بمكتب المحامي..
فجأه اتصل فيي قلي لاعد تداومي...المحامي بعد فتره حكالي خطيبي رامز يلي هو هلأ زوجي انو بهدلو وهددو ليدقلي يقلي لاعد تداومي...
بقيت بس على المعهد واذا تأخرت يا بلاقيه عالباب يا واصل مابعرف كيف لرقم شي آنسه من الأنسات أو متصل لعند السكرتيره وعم يسأل عني...
انا كنت حب هاد الحب وأحيانا اختنق منو..
ولما خلص من المعهد عل5 مايخليني اطلع عالبيت يخليني مصموده ادامو عالكرسي بين ما يخلص شغلو ونطلع سوا وكتير جن وطئ ومايرد عليي يترجاني ويسايرني اسكت...
واجا يوم نزلنا فيه جهزنا البدلات للعرس كان عرسنا تاني يوم...
ونحنا وطالعين عالبيت بالبدلات اتصل بابن عمي عمرو15ينزل ياخدني لانو حطو حاجز عنا بالحاره ف قلو ابن عمي عندي رفيقي ولحالنا بالبيت كيف بدي اتركو...
قلو بتشيلو البدله معاها نزلو ومتل ما حكا اخدو منو البدله وطلعنا بسيارة تكسي تبع رفيقو..
وسلمنا على بعض ومشينا..ونحنا وطالعين لسه مااامشينا دقلي ف يلي صار انو رفيق ابن عمي شوفير التكسي مشغل المسجله ومعلي الصوت على الآخر
قلي صوت الاغاني من عندكون قلتلو اي...
قلي انتي وحده فلتانه عم بتدوري مع شوفيرية التكاسي وسكر بوشي...
دقيتلو سبيتو وتخانئنا وقلتلو انت مو مربى مابتفكر بالناس إلا انو عم يعملو العاطل...
وطلعت عالبيت عيوني حمر وابكي وعيط
كانت امي بالمطبخ قال لك شوفي قلتلا..
وابن عمي دقلو بهدلو قلو شو صار..
وفجأة اتصل بابا وسمع صوتي قال شوفي حكيتلو...
قال عرس ماعد في
وانا كان عرسي نقطة ضعفي...
قال بوكرا مابتروحي عم تفهمي.. خلص كتبتي كتاب اتطلقي..
واتصل بابا بكل العيله هو وامي وكل المعازيم قلولن لغينا العرس...
ويدقلي مارد عليه وما اعرف شو بدي اعمل
تاني يوم دقلي عم يبكي قال شو بدكون بعمل بس حرام تروحو العرس هيك كان قبل بليلة بعد الخناء عرفان من العالم انو ابي اعتذر من العالم وقلون لغينا العرس..
ف كان باعتلي رساله لاتجي بجيب غيرك بس هاتي البدله...
صرت ابكي واحترت بس هي الفرحة يلي كنت كل عمري احلم فيا واستناها
ف قررت روح ونزلت لعند الكوافيره ومن اهلي قررو ماحدا ينزل غير خالاتي 2 وامي حتى مو جايه ولما صار الوقت كنا عازمين 130شخص فتت عالصاله لقيت ال30بس...
وبنص العرس بحطو غنيه زفه وبتفوت امي وكلنا منبكي والجمهور تأثر
وفرحنا وانبسطنا شوي مو كتير...بعرف مالي نصيب بالفرح...
وخلص هالعرس المشؤوم أو الفرحه يلي ما كملت...
وطلع العريس جايب افخم عراضه بالشام وحاجزلي بافخم فندق بالشام وكل الناس يلي بالطريق اجو التمو حولينا قلي هي ناس لاتزعلي...
بالنسبه لبيت حمايي اجو طلبوني رسمي ومشيو شغله نص ساعه.. بس حماتي قالتلي انا مو رايده ابني يتجوز مرا تانيه لو كان مو مرتاح بس انتو فيني وبلايي مقررين...
ولما حكينالا انو حددنا موعد العرس اتصلت فيني سبتني وسكرت وقالتلي مابدا ياني...
عمي كان يحبني بس بخاف من مرتو اداما شي تاني..غير هيك من اهلياتو ماحدا اجا وحتى مابعرفون ولابهمني...
كان يوم مشؤم بنسبه الي ماحسيت بشي ولافرحة متل الكل...
بعدها قعدنا يومين بالفندق بعدا رحنا عالبيت المستأجرينو..
وعشنا مبسوطين اول أسبوع..
وبعدا طلعت زياره لعند اهلي..وانا طالعه اجتمعت برفيق زوجي هو شخص كفو وكتيرمحترم كنت مجتمعه في كذا مره
رفيقو هاد ساكن بلزء بيت حماتو لزوجي أم مرتو التانيه..
وقفني سلم عليي وقلي بدي الك شي بس خايف منك تروحي تحكي لزوجك ويصير مشاكل بيني وبينه..
لهيك رح حلفك وحلفني يلي بدو يقلي يا مايعرف في زوجي وانو اذا ما سدقتو رح يجي يوم شوف بعيوني وسدق لحالي..
حلفتلو ووعدتو..
ف قلي من كم يوم كونو بيتي على حيط بيت حماتو لزوجك والصوت بينسمع سمعتون عم يستدلو على شيخ وحاكوه واخدو موعد وحلفو يضلو يروحو لعندو ليطلقك ويفضحك ويذلك وتكوني لعبة بين اديه..
انا قلتلو ماشي..لا اخدة ولاعطيت..قلت في الله...
وكملت حياتي طبيعي
كأني ماسمعت شي
بعد يومين بيجي جوزي من شغلو معصب وعم يتفشش..
قلي بوكرا لازم اطلع نام ببيتي ..
قلتلو اي ماشي..
قلي وانتي مابتضلي هون انا ما بأمن...
قلتلو كيف يعني
قال هيك قلتلو كيف تزوجتني اذا ما بتأمن سكت...
قلتلو طيب انت متزوج مرتك ساكنه مع اهلك لو ما كانو اهلك كنت ما بتأمن كمان..
قلي مرتي أشرف منك
وسكت..
اتطلعت في قلتلو شو قلت..
لك انت طلعت واحد ندل مابتخاف الله..
عم ضب تيابي لحقني ضربني وما خلاني اطلع
وحرئلي البي...
رجعت لانفس العذاب والأهانات والضرب رجعت حياتي سيئه...
ضلينا هيك 3ايام
بعدين اجا صالحني واعتذر...
ضليناهيك شهر روتين وحياة عادية...
يجي يحط راسو وينام وانا طئ ويديق خلقي...
وبيوم اجا وانا عم حطلو الأكل رجعت لقيتو نايم عم قلو مشان الله اوم سهار شوي معي...
آم قلي روحي انتي طالق
جمدت بمكاني انا وعم اتطلع في...
قمت عالغرفه التانيه أم وقعت بالأرض مالحقت..
حملني كب على وشي مي بارده انقطع نفسي وآخدني عالمشفى طلع معي انهيار عصبي...خلص وصلت لامرحله ماعد تتحمل اعصابي لا أهلي ولازوجي ولاشغل ولاحد عم اتمنى انتحر بكل ثانيه او الله ياخود روحي..تعبت بربي تعبت...
ضل يبكي فوق راسي ويبوس اديي ويقلي مابيعرف كيف هيك صار وحلف تكون آخر مره وطلب مني ما احكي لأهلي ابدا مصيبه اذا دريو...
وبالفعل ماحكيت حرف
ورجعنا عند شيخ ورجعنا لابعض بس كان كل الوقت متوتر...
اجا يوم عيد ميلادي فاء زوجي بوسني وراح ع الشغل وبعتلي غراض جهزت طاوله وعزمت أهلي...انا وبالمطبخ يزيغ نظري كل الوقت...
بعتت اختي بالسر تجبلي كاشف حمل..
وفورا طلع خطين وعرفت اني حامل بس حبيت اتأكد من دكتور قبل ما احكي...
كان زوجي يسمعني حكي حلو بهالخصوص عطول يقلي عم شوف بعيونك انك حامل..ووشك متغير انا اضحك بس طلع مزبوط...
مرق الوقت صار يسألني شو مشتهيه ويجيب كلشي لحالو بلا ما اطلب..
الحامض الحلو والمالح..
ويلي مو موجود واطلبو يوصي عليه..
وهيك صرت حامل شهر ونص كلو يباركلي..طبعا كنا عايشين يومين بيومين عند اهلو أو 3ب 3...
اجا عالبيت بعد 3ايام ابدا مو رايئ..وحتى انو كل الوقت عم يستفزني ويسمعني حكي..طنشتو مع اني عبئت..فات نام وانا لحقتو بعد شي ساعه كان غفلان وبسابع نومه..
حطيت راسي ونمت...
بنص الليل فقت على صوتو عم يصرخ ويقول بعدي عني فتحت عيوني وبعدت عنو لقيتو نايم غفلان بس كأنو مكوبس أو شي قريت قرآن على راسو وسميت بالله وفيقتو يشرب مي..
قال شبك شو بدك ليش عم تفيقيني قلتلو كنت عم تصرخ قلي لا... قلتلو شو عم بلعب معك
كنت عم تصرخ شراب ونام...
شرب ونام...
وتاني يوم نفس الموال..وتالت يوم واسبوع على هل حال..يتخبط بالفرشه ويتمتم وانا ما اعرف نام...
ولما اجي فيقو يعصب ويقلي غفلان حتى منام مانو شايف ف تركتو ماعد فيقتو..
فاء الصبح راح على شغلو متل العاده اول ماراح قريت سورة البقرة بالبيت...
والمسا لما اجا كان ساكت ماعم يحكي شي قلتلو شبك قلي كتير جوعان وتعبان..
قلتلو طيب حطيتلو اكل ونام...
فتت نمت بعد ربع ساعة وانا ونايمه اجتني خبطه على بطني...
فتحت عيوني لقيتو قريب.. رجعت نمت..
بعدا بشوي يخبطني برجليه على بطني يوقعني من عالتخت يبكيني...
خلاني عيط من وجعي ولما فتح عيونو وشافني عم ابكي مسك القرآن وحلف ببنتو وعليه الطلاق انو ماعمل شي...
وضل على هالحاله كذا يوم حتى خفت على حملي تركت البيت هو وبشغلو وطلعت لعند اهلي...
وانا عند اهلي تذكرت حكي الشب رفيقو...
اتصل فيني رامز قلي ليش هيك عم تكذبي انا بدي اضربك على بطنك
عليي الطلاق ماعملت هيك مو مزبوط...
ليش لاعمل هيك
قلتلو وانا ليش كنت عم صرخ وابكي عم مثل يعني...
قلتلو انا تركت البيت قال طلعتي بلا اذني يا عاهرة يا شر....يا....
... وكل كلمه وسخه ممكن تكون موجودة بهالعالم قلي ياها...
يا رخيصة انا صرفت عليكي كل مصاريي
انتي بلا شرف مين وصلك عالبيت...
مع مين طلعتي..وهون كانت خليني قول بدايتا..
بلش جوزي يفضحني..يحكي بشرفي..
وطلع على بيتنا بلس يسب وقال لأنو اهلي ما بهدلوني اني طلعت بدون اذنو ومارجعوني من شعري لعندو ف اهلي كلاب وعيلتنا عيلة شر........
لما بهدلو ابي وقلو انت مو مربى صار يسب ابي وامي بكلشي بتتخيلوه بالشرف بالكرامة ماترك شي..
أقل كلمه يقولا لأبي يا جحش يابغل...
وانا بسببو اهلي ذلوني اكتر من قبل وكل شوي بقلولي انذلينا من وراكي جبتيلنا حشره وبابا ليومنا هاد بيضل يقلي انا قلتلك وانا نصحتك مارضيتي جوزك جازة متل العالم اخترتي تكوني بين الصرامي هيك احسن عم تنذلي وتنهاني بشرفك وانتي مرتو عرضو وشرفو..العيله كلا..
صارو اخواتي يدقولي يسبوني..
نقهرة كتير انا لاوين وصلت وشو هل حياة..
ولما يسمع اني انا واهلي عند شي حدا من العيله يدقلون يقلون كيف ياحمير مستقبلينون ويهين الكل وما كان يكن أو يزوء...حتى انزلت اشتكيت عليه..
وكل يوم وكل لحظه يتصل لعنا حدا من العيله يقلي هيك باعت وتعي شوفي شو حكا وخدي اسمعي وانا رح جن وموت والكل يبهدلني...
لما تبلغ وعرف مشتكيه عليه..جاب عالم لاسحب الشكوى واستفز بابا كتير حتى بابا يمد ايدو عليه ويطلع وحده بوحدة..
وكان شرطو للطلاق اني نزل الحمل..صار هو واهلي يضغطو عليي نزل الحمل واعمل اجهاض...
ومن طرفين ضغط وزل لاحتى صار معي نزيف..
ورحت عالمشفى بحالة مخاض باكر يعني ولاده مبكرة اكتر من مره...
بس مستحيل كان نزل انا عم استنى من زمان يصير عندي طفل لو شتغلت وعشت لحالي اقعود انا وهالطفل ومابهمني حد..صرت خاف يطعموني شي هوه او اهلي..ورحت قعدت يومين عند رفيقتي ..
*يـــــــــ͢ـོ͓ـــتبــــــــــــــོـ͓ـــ͢ــ؏*
➖➖➖➖➖➖➖➖➖
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h```