الفصل 6
*قـصـص وروايـات عـالـمـيـة💙📚📖*
*بإدارة* *يـامـن💙*
*❴📖❵↵* *عذاب.بلا.نهاية.tt* 🖤🖇️
*❴🔢❵☟الـــبـــــــــــ❴6️⃣❵ــــــــــــارت☟*
➖➖➖➖➖➖➖➖➖
*
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h```
➖➖➖➖➖➖➖➖➖
الى الله فيما نابنا نرفع الشكوى..ففي يده كشف البلوى والمضرة..لملمت نفسي مكورة في الزاويه...لم اعد اسمع رنين أبرة...لقد عبرة جميع الطرق المظلمه وحدي..ما البس ان اخرج قدمي من القاع حتى أرى نفسي مازالت بداخله...عابرون وليس لنا احد...
اجا أخي اخدني ومو شايفه شي ادامي..
فتت على بيت اهلي عم يدعو عليي وانا مو حاسه بشي من صدمة.. قرفت الدنيه كلا قرفت حالي فكرة انتحر بس مخافة الله بقلبي ماخلتني اعملها...(وبشر الصابرون)..
ضليت 7شهور على ابر ومهدءات وسيرومات بس لا باكل ولابحكي بس دموعي بتضل تنزل وحمل بيحملوني عالحمام صار منظري شي بأسي كأنو عمري50سنة..
بهي الفترة لما شافوني هيك تركوني ماعد دققو عليي وانا ابعت لمحمد مشان الله رجاع رجعني
شو مابدك ساوي وعميل بس خليني جيب ولد وحطني بهالبيت انا مابحسن عيش ببيت اهلي...
ترجيتو رجا قسما بالله العظيم لو جبل انهز ومحمد مارد...
وحتى تيابي يلي من اهلي اخدا...
بعد فتره اتصلت بجارتي حكيت معا وسلمت عليها فقالتلي عم تتردد وحده لعندك عالبيت مع جوزك سمعتو عم يناديلا ملك..عرفت وقتها انو ملك نفسها يلي كانت معي بالمعهد ويمكن ضحكان عليها..
ولما خلصت هالفتره وقعدت بالعده عند اهلي رجعو متل ماكانو..ومحتارين لمين يزوجوني ولسه لاااااحقين الماديات...
لما اطلب منون 100 ليره ماحدا يعطيني آخر شي بابا عصب مني..
قلي جوزك كان معو بس نحنا مامعنا نصرف عليكي بدك مصاري طلعي اشتغلي...
قامت قالتلو امي لك شو هي طلعي اشتغلي مابكفي بنتك هربت وتجوزت هلأ مطلقه شو ماعملت ماببين عليها شو بدك الناس تحكي علينا
وضلت تحكي هيك وانا اتطلع فيا ومابعرف شو عم قول بقلبي من قهري...
بس ضليت ساير ابي حتى سمحلي اشتغل بشرط حط راتبي بالبيت وما اطلب منون ليره ووافقت واشتغلت شي سكرتيره شي بالألبسه..
بعد سنه ونص أو يمكن سنتين من طلاقي اجتمعت بشب أصغر مني ب3سنين لما طلبني وافقت لانو من هريبتي والحكي عليي ماعد تخيلت حدا ياخدني
كان حنون وطيب بيشتغل بمحل كافي نت هنيك تعرفت عليه طلبني كتير وكان مستحيل آخدو أو ارضى بس رضيت لما رضيو اهلي وكان رأيون انو هو هلأ بألمانيا بوكرا اذا مابدك ياه هنيك بتتركيه بتعيشي حياتك وبتأسسي حالك وافقت على هاد الأساس
باختصار ضليت سنه خطيبتو مافكرت أمو تزورني كونو وحيدا آخد مطلقه وأكبر منو ومابتحبني..
وهديه منو ماوصلني وطلع كذاب كبير شي يمرض شي يستقبل رسايلي مايرد آخر شي قلي انو نتيجة فحوصاتون الشاملة الو اول ماوصل لألمانيا تبين انو معو سرطان دم لما صورلي واكدلي وتحاليل وكلو كتير تعاطفت معو وسدقت...
بعد فتره صار يشتغل سألتو شو طبيعه شغلك قلي انو يتابع الحالات المرضية للاجئين ويكتب تقارير عنون ويصور من ضمن الصور يلي ورجاني ياها صورو يلي على اساس تحاليلو وبعتلي ياها ع اساس انو الو طلعت لطفل مريض ولما تأكدت تركتو وامي صارت تدعي عليي كانت متأمله سافر قال هلأ مين بدو ياخدني...
وكمان بعدو ب3سنين تقدملي شب من حياتي يلي بتهوي وافقت لمجرد انو يلي معي بالشغل رفقاتو مدحو في وقالو بخاف الله..
حكيت عنو لأهلي وقلتلون اني خايفه لاني مابعرفو خايفه ماحبو
قال طيب عطي فرصه مانك خسرانه حبيتيه كملو ماحبيتيه اتركيه وقلتلو هاد شرطي ورأي اهلي حبيتك منكفي ماحبيتك كل واحد فينا بطريق ووافق...
كانت خطبتنا3شهور متل السم حسو شيطان صرت شوفو قرد ادامي ومافي بيني وبينه مسكت ايد وصار بدو يجبرني ع شغلات ويتمادى معي ولما حكيت لأهلي اني ماحبيتو ومو متقبلتو بنوب بدي اتركو قالو لا ماحزرتي مو على كيفك صارو يجبروني عليه وهو لما شاف هيك صار يقسى عليي ويعلمون عليي ويهددني فيون بكل شغله ف تركتو غصب عن الكل..
وقلبت حياتي ومعاملتون معي لجحيم وانحبست بالبيت وصرت اتعاااير بكلشي..
وكان عيبو انو بخيل بخيل بخيل بخل ماحدا بيتحملو ياخدني مشاوير التمشايه وبس يعبي رصيد على طول يطلع نسيان جزدانو وانا حاسب وولاا مره جبلي شي حتى سمعتو ولقمتو ياها كانت هداياه بهال3شهور
بزر ابيض
قطع كيك صغيره
كنزه ولحشه
ويوم يلي تركتو كان جايه وبالصدفه جايبلي معو قطعة لانجري وبيعرف اني كنت لحالي بالبيت قال لبسيلي ياها
لك وقطعة بتستحي تلبسا يلي جايبه من جوزا 5 ولاد..بقى كيف انا يلي بيني وبينه مافي شي
كان جايه لياخدني يشتريلي تياب للعيد ولما مارضيت البسا مسكني شد على ايدي قال ليكي وليه انتي مرتي بشرع الله باخد يلي بدي ياه منك غصب عنك ولما تهجم عليي صرخت واتصلت ببابا خبرتو ف بهدلو وقلعو وسبو وقلو ماعد عنا بنات للخطبه والجازه ولما اجت امي عرفت بكلشي مسكت بابا رجعتو لورا...انو انت مين مفكر ياخد بنتك الهربانه...شي مهندس ولاشي دكتور هون اجا بابا مسكني من شعري قال دقيلو غازليه وقليلو يجي لعنا عملت متل ما قلي بس لما تركني ورحت عالغرفه التانيه اتصلت من موبايلي قلتلو انا اذا بشوفك يا بقتلك يا بقتل حالي...انا مابطيقك قلي بدك تتطلقي عندي شرط قلتلو شو قال بتعطيني محابسي وكلشي هدايا قلتلو اعتبرون صارو عندك ورمى عليي اليمين وبسبب امي بس اسودت عيشتي اول شي كان بابا معي بعدين علمتو عليي...المهم خلصت من هالبني آدم...
بعد ما فسخت خطبتي من هالشب وانحسبت عليي خطبة تانيه ادام العالم بعد طلاق طبعا كانو الخطبتين كتاب شيخ... اول وحده سنة كاملة..
يلي بألمانيا ماعرف يعمل ورقة وحده مشان لم الشمل واساسا كتاب محكمه ما كان يكتب ويغط وعلى قولتو عم يشتغل بس انا ماشفت شي منو ومن شغلو غير الكذب ومرض وغيبوبات وشي عاش وشي مات ويبعتلي أخبار مع رفقاتو..
والخطيب التاني بخيل وجفص وهاد يلي بيرسم على الغيوم بمعنى منقولو ببيض كتير بس ما في شي من يلي بيحكيه وصار يعلم اهلي عليي...
هاد كان مختصر الخطبتين غير زواجي من محمد والقهر يلي شفتو...
بعد هي الفترة قعدت بالبيت شهر محرومه اطلع وفوت ولما يجينا حدا يسألني ليش تركتي..
اهلي يحتدو عليي ادام العالم ويقولو لاني مابفهم وكان الشب احسن مني ويشوهو صورتي قدام الكل...
قعدت بالبيت سيريلانكية تمام مابفرء شي عن أي خدامه حطي سفرة شيلي سفرة طبخي مسحي وليش لهلا البيت مو خالص..
مع انو توقيتنا المعتاد انو امي بتنام 5الصبح بتفيق 2بتضل عم تشرب القهوة وعالموبايل للساعة 5 ببلش الفطور أو عل6ووجبتين باليوم
ومابتذكر امي كانت تفيق معي مشان مدرستي أو تمشطلي شعري
وخرجية لمدرستي كان هاد شي نادر كتير
وعلى طول مشاكل هيه وبابا وكتر سفرو مشان هلروتين يلي مافي قوة بالدنيه تغيرو حتى لو كان الطلاق...
اختي تزوجت لما صار عمرا 20 من واحد لبناني اول ماوصلت لعندو عاشو 6 شهور واتطلقو وبعد العدة فورا كانت مخطوبة وامورا مو تمام بس الحمدالله ماشي الحال
أخي الاصغر مني بسنتين هاد الوحيد مابيسترجي حدا ينتقدو بكلمة أو يعطي عليه..
هاد خلق للدلال لانو وحيد أمو...
صار هالوحيد يتمقطع فيي كتير بعد مافسخت خطبتي...وصار يناديني بالبيت تعي وهاتي وجيبي وحطي يامطلقه ولما تمادى وامي صارت تضحكلو وتقول تؤبرني زلمة البيت وحيد أمو
مو هاين عليه اتطلقتي وصرتي فاسخه خطبه مرتين العالم اكلونا بالحكي...
لما كتر حكيو عليي واهانتي واجا بدو يمد ايدو عليي ادام العالم ماحملني عقلي وانا كمان خلصت حالي وضربتو
اجا بابا من الشغل قال شو يا تعلمتي من زوجك الكلب اللي كنتي عندو
قلة الترباي...
هاد اخوكي شو ماعمل فيكي بكسر ايدك اذا بتنمد عليه..انا بطبعي عنيدة ومابسكت لحدا
وعنجد بعد كلشي صار معي ومالقيت مين من طرفي يسندني أو يكون حنون أو يوقف معي
صار عندي كلشي إلا اني انهان ومابسكت لحدا مين ما كان...
بعد ما كترت المشاكل بيني وبين اخي بسبب امي يلي تعلمو عليي وتتباهى في وتفرح انو عم يهيني ويضربني هون صرت ساير بابا
حطيتو وقعدت حاكيه وقلو يا بابا مشان الله اسمحلي اشتغل
وحتى أخي لازم يشتغل وانت اخرتا تقاعد بعد فترة ترتاح خليني ضب كم ليرة اشتري قطعة دهب اعمل شي بحياتي يوقفني على رجليي والله صغرت كتير بين الناس وماعد في سيرة وماعد في عايبة وواطية غيري
طبعا انا حاكيه من جهة..
وامي تعطي عليي من جهة وتذكرو اني مطلقة وفاسخه لازم انضب بالبيت العالم اكلونا وشغل البيت أولى... وانو اذا حابه اشتغل هي المطبخ وهي البيت وانا أصلا اذا بطلع العالم اكتر واكتر رح يقولو عني فلتانه وماعد في مين ياخدني لانو كل العالم بتعرف انو المطلقه شوووماعملت ماببين عليها...
انا لما سمعت هالحكي قلتلو لبابا معاها حق خليني اطلع اشتغل مشان يشوفني شي حدا بركي بلاقي مين ياخدني
ومابضل بوشكون
وشو ما اجاني لو شو ماصار انا بس بدي الستر واقعد ببيت عندي شقفت ولد ومارح عيدا واتطلق...
اتخانئ ابي مع امي واقتنع وخلاني اطلع اشتغل وطلعت اول شي حطيتو براسي اني انا لاازم اعمل شي بحياتي
لازم أمن حالي انا بين اهلي وناسي بس فعليا مالي حدا... لازم يكون بايدي شي شهادة شي مصلحه شي صنعه
انا غير شهادة التاسع مامعي والبكالوريا لا كفيتا ولا اخدتا..قدمت على وظيفة بشركة مقاولات وبأثناء المقابلة الحمدلله تمت الموافقه عليي وتعينت سكرتارية فورا
كنا بنتين وانا وشب والاستاذ يلي لليوم بدعيلو الله يجمعني في ويسر طريقو ويحمي وين ما كان..
انا كنت الصغيره بالبنات
كان الأستاذ ما يعاملنا إلا على اساس انو نحنا أهل وأخوه...كانت هالشركة بيتي التاني يلي عنجد ماسدء ايمتى تخلص العطله وانزل على الدوام كان يعطيني راتب مقبول شي بكفيني بس مايزيد
ومرة حطنا وصار يحكي معنا...
لما عرف بوضعي زدلي الراتب ضعف.. صار يعطيني متل ما بتاخد صبية من الصبايا...ولما عرفت الصبيه واعترضت.. قلا انا يلي بقرر مو عاجبك امشي
اعترضت كوني انا مجرد سكرتيره بس هيه دارسة ومعا شهادات وكانت مترجمة وتشتغل على الكومبيوتر والبرامج
بس كانت طيوبه هيه والتانيه معي وكانو متل اخواتي ماشفت شي سيئ منون...
الاستاذ حب يساعدني اني اعمل شي الي..وأبداً مو من أي باب لا حب ولا غاية ولا إعجاب
بالمختصر هو اخلاقو هيك طبيعتو هيك كان يساعد الكل وطيب وشهم مع الكل مو بس انا...
وعنجد كان أخونا الكبير
ضليت بهالشركة سنه وشهرين...
بهالفترة بعت الشب يلي معنا وصاه يجبلي كتب البكالوريا لكفي دراستي كان يقلي حرام تضلي هيك..
جبلي الكتب بس الصراحه ماعد طلع بأيدي ادرس
جربت بس ما اقدر
ف عطانا خبر الأستاذ انو مسافر وانو عم بخبرنا قبل بفترة كرمال نأمن حالنا بشي وظيفة تانيه ومانضل بلا شغل...
صرت دور ودور وعبث
حتى فجأه دلتني وحده من البنات على شغل مطلوب سكرتيرة بالجريدة..
اتصلت فورا وطلبو مقابله ألي... وطبيعة الشغل كمان سكرتيره بمكتب محامين
كمان رحت على المقابلة وكان يلي عم يعمل المقابلات زلمه كبير بالسن بكون شوفير المحامي...
عملت المقابلة ومشيت
كان الدوام المطلوب من الساعه 3 للساعه8...
وانا شغلي يلي كنت لوقتا عم اشتغلو بين ما يسافر الاستاذ بشركة المقاولات
كان دوامو من 9لل2
وهيك انا بكون كيفت واهلي ماعندون مشكلة بهيك دوام...
وكمان بنفس اليوم اجاني تلفون اني انقبلت واذا حابه بلش من بوكرا
الفرحة حملتني مو بس غمرتني...
وحكيت لرفقاتي والاستاذ وفرحولي وبلشت دوامين
بخلص من هون بروح لهون وهيك حتى سكر المكتب الأول وسافر الاستاذ وبقيت بس عالتاني...
ف كتير مليت وداء خلقي
كونو بفوت على هالمكتب مابعمل شي الا شغل بس اول نص ساعه وباقي الوقت بقعد بتفرج عالتفزيون هيك ليجي الاستاذ..
بهي الفتره كان الحظ معي من الناحية المادية
صار معي مصاري من محبس خطيبي الأولاني وشغلين بالمكاتب بحدود ال400الف صار معي..
نزلت اشتريت فيون دهب سنسال وجنزير وخاتم
وصرت اقرا مجلات بدي لاقي شي شغل تاني بعد ما صفيت على واحد
أو لاقيلي شي قصة
ف لفت نظري إعلان بالجريدة عن معهد يعلن تسجيلو للبدء بتعليم فن الحلاقة والمكياج
اخدت إذن ورحت استفسرت ولقيت انو عندي امكانية لهيك شي لانو اهلي مستحيل اطلب منون...
حكيت مع المحامي وعن وضعي وطلبت منو يعطيني الأذن لسجل بهالمعهد وبس خلص دوام فيه بجي بخلص شغلي بالمكتب بدون أي تقصير
وافق وشجعني كتير
وماكذبت خبر رحت سجلت فورا..
كان دوام المعهد مقسم في من الصبح لل12 ومن 12 ل2 ومن ال2 لل5
انا أي وقت من هدول بناسبني
صرت انزل على دوام ال12 ل2 ..وارجع عالمكتب...
صار عندي معارف ورفقه وكل مين بجتمع في من الصبايا بحبني ومنصير صحبه وكترو معارفي بهالمعهد من الصبايا والآنسات...
بس حدا قريب ورفيقه قريبه مافي هيك شي...
لأنو بوقتنا هاد الأغلب من البنات عم تطلع تغيير جو مو اكتر وهربانه من البيت...
ماعم عمم بس الأغلبية هيك..
صرت ارجع من المعهد عالمكتب كفي تعليمي من اليوتيوب وخلص شغل المكتب ويجي المحامي يلاقي كلشي جاهز
ومافي تقصير بأي شي ويشجعني ويمدحني اكتر واكتر ..
وهيك حتى حبوني آنسات المعهد كتير
وصارو يطلبو داوم من الصبح..
وطلبو ناوب عن وحده فيون وانا علم البنات واعطيون الدرس اذا تأخرت أو غابت وحده منون...
وصرت اكتر من شاطرة ومعروفة بالمعهد متلي متل اي آنسه
صرت داوم بالمعهد من الصبح لل5 ومن ال5لل8 بمكتب المحامي
بهالوقت صار يجيني عرسان اي بس كيف كان الوضع ...
انو تشوفني أم شي واحد تعجب فيني تعرف اني مطلقة تكش
كمان يشوفني شخص بالطريق يبعت اهلو أو ياخد الرقم ويطلبني وكمان لما يعرف الوضع يا هو ماعد يبين مايعجبو الوضع أو اهلو وخاصه الأم ماتقبل لو كان هو بدو...
ف صار انو كترت هي المواقف وصرت حس حالي عنجد ناقصه
صرت انخزا واخجل بحالي...
ف الشب يلي ماتقبل أمو يجي يطلبني بالسر أو لعلاقة بيني وبينه ويقلي كلمة امي...
انو المطلقه ماببين عليها
تعبت من الشغل واسأل حالي لايمتى بدي ضل اشتغل...
يالله شو مشتاقه يكون عندي حدا حبو يحبني
يخاف عليي يدللني
يالله مشتاقه اشتاق لحدا
حدا يشتقلي.. كنت كتير وحيده ونسوان هالعيلة مافي غير صارو يجيبولي هنن وامي وخالاتي وحتى زواج خالاتي وعمومي صارو يجيبولي عرسان كبار..ويقلولي يلي متلك لاتتوقع تاخد شب
مارح ياخدا إلا متزوج وحصرا كبير بالسن أو شي واحد ياخدني لربي ولادو
يئست عنجد..
وامي تجبرني على واحد جبلي ياه زوج خالتي بالكويت..
انو لو عمرو50 مرتو مريضه وبكرا بدللني انا اد ولادو بوكرا بسحب اهلي وبعينون بالمصاري
أو إذا ضليت هيك رح عنس وما لاقي مين ياخدني ...
صرت انزل على المعهد وروح كفي شغل بالمكتب بس ما بكذب اذا قلت اني انا نفسي ماعد عندي قيمة لحالي....انا جربت اشتغل وصار معي مصاري واذا بتكوني معك ملايين وعم تشتغلي بس بوضعي عم تحسي حالك بين قوسين ضمن وضع خاص مو مين ما كان بيرضاه رح تحسي بالنقص يلي حسيت فيه
بعدين صرلي سنين عم اشتغل مصاري وصار معي ودهب ولبست وكلشي بشتهيه جبتو وانبسطت ومشاوير وتياب بس لحالي ..
وانا بطبيعتي ماني من هدول البنات يلي كل همي لبس وقعدت مطعم وانبسط لأعندي شغلات أكبر وأهم من هيك ومابوقف هون صرت ازعل على حالي عنجد
انا لايمتى بدي اشتغل طيب لايمتى بدي ضل انا يلي عم أمن غراضي لحالي...
اذا يجي عيد ميلادي اهلي بس بقلولي كل عام وانتي بخير بس كنت أنا يلي عامله الطاولة وعازمه العيله ومحضرة بكلشي
يعني انا ماعندي حدا يسألني شبك...شو مشتهيه بدك شي لازمك شي أو حتى عم يوجعك شي...
قرفت عيشتي عنجد
مع انو بتشوفوا من برا بتقولو يا نيالا
شغل ومعهد ومصاري وطلعه وفوته
بس ....الله بيعرف شو في بالقلب وشو داخل النفس وشو حامله ألم مابينحمل لابنت من عمري وعم تكبر بهي الطريقه...
*يـــــــــ͢ـོ͓ـــتبــــــــــــــོـ͓ـــ͢ــ؏*
➖➖➖➖➖➖➖➖➖
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h```