الفصل 5
*قـصـص وروايـات عـالـمـيـة💙📚📖*
*بإدارة* *يـامـن💙*
*❴📖❵↵* *عذاب.بلا.نهاية.tt* 🖤🖇️
*❴🔢❵☟الـــبـــــــــــ❴5️⃣❵ــــــــــــارت☟*
➖➖➖➖➖➖➖➖➖
*
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h```
➖➖➖➖➖➖➖➖➖*قـصـص وروايـات عـالـمـيـة💙📚📖*
*بإدارة* *يـامـن💙*
*❴📖❵↵* *عذاب.بلا.نهاية.tt* 💙🖇️
*❴🔢❵☟الـــبـــــــــــ❴5️⃣❵ــــــــــــارت☟*
➖➖➖➖➖➖➖➖➖
*
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h```
➖➖➖➖➖➖➖➖➖
رأيت في عيناي حزنا عميقا..وفي ضحكتي آلام دفينة..رأيت في قلبي نبضات ضعيفة...
وفي احلامي شوقا وحنينا الى اهلي...
مرق كم يوم عليي وانا حانه وبدي اهلي
اشتقتلون مشتاقه لأمي لطبخه من طبخاتا...
ماعد حدا فيون حكا معي ولاحدا مبين كأني مقطوعه من شجرة..
قررت اطلع لعند الجيران بالحاره التانيه.. وعن طريقون بركي بشوف حدا من اهلي...
اتصلت بمحمد وسألتو اذا فيني اطلع قلي ماعندي مشكلة روحي وطلعي...
وانا وطالعه كنت خايفه حدا يشوفني يخبر ابي أو يهيني بشي كلمه صرت انهان من أي حدا واسمع كلام لأن صارت قصتي بلسان الناس...
وبالصدفه أجتمعت بوحدة رفيقتي كانت معي بالتاسع سلمنا على بعض بلهفه وكتير فرحت فيا كتير وخاصه ماعد عندي رفقه...
قالتلي تعالي لعندي اشربي قهوة قلتلا لحظه لأسال زوجي اتصلت بمحمد وقلي روحي
هي البنت بيتا تماااما مقابيل بيت محمد يلي عايشه فيه مرتو...بناية مقابل بناية...
فتت لعندا قلتلا خلينا نقعد عالبرندا قالت اي وقعدنا وكل الوقت شافتني عيوني عالبنايه التانيه سألتني شبك حكيتلا عن حياتي كلا وكيف تجوزت محمد ودليتا على بيتو يلي مقابيل بيتا وحتى شباك بيتو مبين ف كانت مارح قول الصدمة.. لأ
وصلني يلي ريحني عنجد ..
قالتلي هي مرتو يلي عيونا لونن كذا وجسما كذا وطولا كذا قلتلا اي صار عم بعايرني فيا
فقالتلي مستحيل
هي بتكون مصاحبه رفيق أخي بياع الشاورما يلي على الزاوية...
انا بكون كذابه اذا مابقول اني فرحت بهاد الحكي
بس هيك صار
وقعدنا وحكتلي كلشي وشو بتعرف ومع إثباتات واخدت رقما ومشيت
رجعت عالبيت ومتل العاده ونمت..
فقت الصبح لقيت محمد نايم عالكنبايه...
قلتلو معلش روح عند أهلك اليوم قال اي وراح
لبست وطلعت وانا كل الوقت محرقصه في حكي بتمي وعمي حاسس عليي...
سألني شو في قلتلو معلش عمو نحكي بالغرفه لحالنا قال اي بنتي طبعا
فتنا عالغرفه حكيتلو عن معامله محمد الي وعن معايرتو الي وجكرو الي بمرتو وانو ماعم يجي عالبيت كتير ..
سكت فقلتلو عمي انا مو هاد يلي بدي الك يا
قال لكن عمي شوفي احكي قلتلو لحظه
طالعت موبايلي من جيبتي واتصلت برفيقتي قلتلا رنيم بدي اسألك عن شغله قال سألي حبيبتي قلتلا هلأ (فلانه)رفيق اخوكي كيف بيعرف انو محمد مو بالبيت وبينزل لعندا طيب كيف هيك
محمد من نوع مابيحكي اذا جايه أو لأ بطب فجأه...
قالتلي اي صح بس هيه أغلب الوقت مفهمه محمد انو بتكون عند أهلا كونو مابيحكي معون بعد ماحبسا وآخر قصه صارت معون...
قلتلا طيب ماشي بحاكيكي بعدين باي...
سمعتو كلشي لعمي
قلتلو لو قلتلك الحكي فجأه ما كنت سدقت يمكن ف سكت...
قلتلو عمي انا بدي محمد يعرف شو هيه ويعرفني شو انا حاجه يهتني فيا
قلي عمو محمد مارح يسدء رح يعتبرك ألفتي هيك شي عليها من غيرتك...
وتنهد. ..وسكت قلتلو عمي شبك..
قلي أنا مو متل ابوكي قلتلو والله واعز وبتعرف قيمتك عندي ...
قلي ولانك متل بنتي لازم الك هاد الحكي قلتلو تفضل...
قلي عمو هي المرا مين ماا كانت وشو مااا كانت وشو ماااعملت وتصرفت رب العالمين ساترا وساتر عليها...
إذا الله من فوق ستر انتي بالأرض بدك تفضحي..
انا بطلب منك ماتحكي لمحمد في الها رب بحاسبا..
ومشي على غرفتو وسكر الباب..
رجعت عالبيت ادرس وفكر وادرس وفكر
وماكنت بدراستي منيحه بس ماشي حالي وصار عندي رفيقه كتييييير اريبه مني صارت اسما ملك...
صرت روح واجي على المعهد وعالنادي وبشوف عالم بس من رفقه مرحبا ومع السلامه من بعيد
ماحدا قريب مني وعايشه هلروتين...
قاعده بالبيت بيندق الباب..فتحت..
فات محمد قالب خلقتو وعم بسمع حكي ومبين جايه يتفشش ومدري شبو مقهور...
وانا طنشتو منشان مايصير مشاكل والكتاب بأيدي ف بقلي مرتي اول مابفوت بتعملي هيك وبتساويلي هيك قلتلو انت وهيك من فوتك عم بتخانئ قال واضرب من هيك ...
قلتلو ماشي حطلك أكل قال لا اكلت انا وياها
فهمت انو عم يستفزني بس ما فهمت ليش فتت عالغرفه وسكرت الباب لحقني فتحو وقلي لو كان مابدي شي.. لما بجي الكتاب بينخفى مابينفتح ادامي اتطلعت في وانا مو عرفانه شو رد عليه وضل يقول مرتي ومرتي ومرتي ومدري شو قلتلو محمد ندمان شي انك تزوجتني قلي لأ بس انتي طفله صغيره غشيمة ولساتك بغو مو فهمانه شي بهالدنيه دمعت عيوني ونزلو دموعي غصب عني...
محمد: ليكي شو بتموتي غيره منا..
ريماس:طيب بس يلي بتعملو تتشبهلي اني ارضى اعملو...
سماع محمدصح هيه ادك ورفيقتك ومن جيلك بس انا صنتك وحفظتك حتى بغيابك هيه لابوجودك ولا بغيابك...
هون عيونو عم يقدحو شرار قال شو اصدك احكي...
حكيتلو كلشي وهو ماسكني من شعريقلي انا رح اطلع فجأه ورح اسأل ابني ورح اتأكد
ابنو الكبير كان عمرو 5سنين والصغير سنتين وشوي..
بس اذا بتطلعي عم تكذبي موتك على ايدي اليوم قلتلو ماشي وطلع
وانا كل الوقت عم ارجف ايدي على قلبي
بعد ساعتين اندق الباب فتحت ولا محمد
فتحت وانا عم ارجف رجف ومابعرف شو اعمل عيونو حمر متل الدم ع كتر مو بكيان وفات يبكي ويدعي على النسوان ويقلي الله لايوفقك انتي وياها وطيتو راسي ويبكي ويضرب حالو متل المجنون انا رحت عالغرفه التانيه ما استرجيت افتح تمي..
وتاني يوم حمل حالو وراح غاب نص نهار ورجع قلي اناطلقتا ورايح جبلك ولادي تربيون انتي هاد بيت ابوون..
وراح جاب الأولاد وتركت المعهد وضليت بالبيت عم ربي فيون...
وكل جمعه منروح على العباسيين لتشوف ولادا وبيررجعو كرهانيني ومعاهن رسايل منا وعلى هالموال..
هون محمد حلف ماعد يقرب على النسوان وانو خلص حياة جديده بس هيك واحد النسوان بدمو مستحيل يتسدء...
صار عنجد كل الوقت موبايلو ادامي وبلا رمز حتى ويحكي ادامي وكلشي ادامي كنت موت قهر ومو طالع بأيدي شي اذا بحكب رح انضرب وجسمي مابقى يتحمل...
اجا ابنو الصغير قعد جنبي قلي عم نطلع مشاوير مع ماما لما بابا يقلك رايحين يفتلنا بالسياره...وسألتني أمي اذا انتي حامل قلتلا لأ بس على طول بتروح عند الدكتورة وبتقلنا دعولي جبلكون شي اخ أو اخت...
قلتلو اي يالله حبيبي روح نام...
قلي معلش قلك كمان شو قالتلي ماما..
قلتلو شو.. قلي قالتلي امي انشالله مابتشوفي لا بنات ولاصبيان..
وقف ادامي ورفع اديه للسما حسب ماعلمتو أمو بس طفل مو فهمان شي شو بدي قلو...
وقلي تصبحي على خير وراح نام...
عشت عنجد محروق البي على ولد بدي ولد الي انا مني انا...
رجعت رحت عند دكتورتي وكانت موصله لمرحلة انو فيني قول عنا رفيقتي..
علمتني على طريقه حلل فيا لمحمد على غفلة بدون علمو
ولما عملت متل ما قالت كانت نتيجة التحليل انو محمد عم ياخد ابر منع هي بتستعملا الرجال بس
رجعت عالبيت ع اساس مامعي خبر بشي وضل محمد يقول مني كل ما قلتلو مشتهيه ولد
اجا الصيف وحماتي اخدت الأولاد لعندا زياره مشانون ومشاني...
بهي الفتره محمد صار ألو حركات جديدة شي يقلي اومي افتحي الباب عم يندق...افتح ما لاقي حدا
شي يقلي دوري على الريموت شوفي وين عقلك لاقي بالبراد.. شي فرشاية سناني بخزانتي
ويقلي انتي مدري شبك وعم تحكي انتي ونايمه وبتقومي بتفتحي الباب
صرت راقب حالي قسما بالله اعرف انو كذاب هي كلا فصولو كان بدو جن مابعرف ليش.. صرت اتجاهلو وطنشو واجا يوم جمعه ف كانت امي مبلشه تتصل فيني من وقت للتاني تتطمن وتسأل وتسكر كنت افرح كتير لما حاكيها...
اتصلت امي..قلي محمد تعالي ردي هي امك..
رديت قالتلي كيفك ماما خدي ابوكي بدو يحاكيكي اخد بابا فورا وقلي كيفك بابا لاتكذبي عليي سمعنا انك متنازله لمحمد عن كلشي هالحكي مزبوط سكتت... قال مزبوط... قلتلو مزبوط.. صار يدعي عليي وسكر بوشي...
رجعت اتصلت امي قالتلي خليكي عايشه عندو ببلاش وهو هلأ وينو مع مرتو بالعباسيين وانتي خدامه للاولاد مو
سكتت... وكمان سكرت بوشي...
محمد كان جنبي وسمع كلشي قلي انتي اذا بتموتي اهلك مو سائلين غير عن المصاري
وحملني حطني بحضنو وانا عم ابكي...
محمد: خلص لاتزعلي تعالي خلينا نتفق على شي...
ريماس: شو هوه..
محمد: اهلك مو بدون مصاري وعلى أساس خايفين على مهرك وهاد حقك وهنن ال100 الف تبع ملبوس البدن مارضيو يعطوكي منا 100 ليرة..
ريماس: اي..
محمد: ليكي انتي بتعرفي اني انا بكره فوتات وطلعات المحاكم والقصص هي...
ريماس: اي شو يعني فهمني...
محمد: ليكي منشان ما نروح ونجي ونروح ونجي.. انتي صح تنازلتي عن كلشي بس حبيبتي التنازل متلو متل الزواج والطلاق في الو توابع..
ريماس: شو يعني اعمل...
محمد: لسه في تثبيت للتنازل وانتي مو مثبته..
ريماس: يعني لسه بدك تنزلني عالمحكمه مشان هيك قلي لا قررت اكتبلك مهر جديد سكر في تم اهلك وحاجه امك تلعب بعقلك وتقلك قاعده ببلاش عندو على اساس هيه قاعده عند ابوكي بمصاري...
انا اتطلعت في وابتسمت قلتلو عنجد قلي اي والله مسحي دموعك..
قلتلو طيب ايمتى وكيف قلي مشان ما ننزل مشان التثبيت ويقول القاضي روحو وتعو وجلسه بتاريخ كذا وجلسه بتاريخ كذا وانا بكون بشغلي
مننزل عالمحكمه ونحنا واقفين منعمل ورقه مخالعه عند قاضي وفورا منفوت عند قاضي بعدو منعمل عقد زواج بمهر جديد من أول وجديد واذا سألك القاضي ليش بدك تتطلقي بتقليلو لانو بدي ولد وهو مابجيب
واتفقنا على هالشي..
بعد يومين من الصبح نزلنا عالمحكمه وهيك صار بالتفصيل..عملنا عقد المخالعه طلعنا وانا عم اتطلع انو قاضي تاني بدنا نفوت لعندو مشان كتب الكتاب...سألت محمد وين القاضي التاني يلي بدنا نكتب الكتاب عندو اتطلع بمحاميه يلي كان واقف على جنب وصارو يتهامسو قرب لعندي المحامي وقال لازم تروحو عالبيت تقضي أيام العده ببيتو وبعد تاريخ العده منكتب الكتاب هيك قال القاضي غير هيك ممنوع...
قلتلو طيب اذا طلقني كيف بدي ارجع معو عالبيت ف قلي انتي مرتو لتخلص أيام العده وهي مشان تسدقي...
نادا لتنين وبادلنا الألفاظ ادامون على أساس انون شهود...
رجعنا عالبيت ومحمد رجع يغط وانا اهلي تركوني ماعد بيعرفوني وميته عايشه نفس الشي ابدا مابتفرق...
وقعدت عد بأيام هالعده باليوم والساعة.. استنى الدقيقة حتى تمر كل يوم بقوم بتطلع على التاريخ وبشيل ورقة الروزنامة بضب بطبخ وبقعد جنب التلفزيون وهيك على هلروتين بيجي محمد بيتحمم بياكل وبنام وطبعا حياة زوجية عادية بالنسبة الو..
بالنسبة الي كل يوم ابكي وادعي وقول يارب انا شو آخرتي.. وكتير كنت خايفه..خايفه من كلشي حوليي من الماضي والمستقبل من محمد ومن اهلي ومني حتى عم خاف من كلشي ماكان البي مرتاح...
وهيييك حتى كان باقي لتمضى أيام هالعده 5 تيام بس صرت انا البس ورتب حالي واتمكيج..ومحمد صار يسمعني حكي انو انتي عم تستني هالكم يوم على نار مو ويبتسم ويضحك ويسكت..
انا ابلعا واتطلع واسكت
ويلي بعدو كمان يجي يسمع حكي وينام ويلي بعدو اجا معصب قال لاتحكي بنوب ها بدي نام..
بعدو كان بقيان يومين تمام وبتخلص العده بس محمد يفوت عالبيت كأنو في قنابل معو ماحدا بيسترجي يقرب عليه
وفورا يقول لاتحكي بدي نام ويحسسني انو جاهز يضربني بأي وقت اذا فتحت تمي..
وانا اسكت وغص واجي لموت مافي شي اعملو
ومو طالع بايدي شي...
تاني يوم فيقت محمد والقهوة ادامو وصرت سايرو قلتلو انا بدي الك شي قال قولي قلتلو انا خلصت أيام العده وانت بتعرف..
آم انتتر وقف وقال اتأخر على شغلو لبس ومشي بلمح البصر
اتصلت في قبل الوقت يلي بيجي في سألتو مشتهي اطبخلك شي
قلي اي ملوخية مشان اسمعك واسهر معك..اذا طبختيا على اصولا وكانت طيبه..وهو كان بيعرف اني هي الاكله انا مابعرف اطبخا وبحياتي ماجربت اطبخا..
قلتلو ماشي وسكرت
دقيت الباب يلي مقابيلي عالجاره مع اني بحياتي ما قلتلا مرحبا
وطلبت منا تعلمني كيف بتصير الملوخية وسجلت على الورقه واخدت رقما احتياط سجلتو عندي
ومتل ماعلمتني وطلعت طبخه.. وطلعت بتجنن وطاولة الأكل جاهزة والبيت وانا على آخر طرز وكلو من أحلى مايكون
فات محمد قال شووووهاد والله كنت عرفان رح تدبري راسك بس انا تعبان وبدي نام مو جوعان..
لما حكا هيك انا بلعت ريقي بدي اضربو بدي سبو بدي جن بس بلعتا
قلتلو طيب الله يخليك الله يوفقك خلينا بس نشرب شاي أو إذا بدك بيبسي بس اسمعني مابتخسر ضليت اترجاه وافق..
رحت عالمطبخ حطيت كولا وقعدنا...
ريماس: يا محمد مشان الله إذا انت متت اندعست بشي سياره انا شو بكنلك انا ولاشي..
محمد: موتيني..
ريماس: شو بدو يصير فيني اذا عرفو اهلي
مشان الله خلينا ننزل بوكرا نكتب الكتاب...
محمد: بعدين اجليا شوي..
ريماس: طيب لايمتى..
محمد: لا الله يفرجا..
ريماس: طيب ليش مشان الله قلي ليش..
محمد: هيك...
ريماس: لك بس ريحني قلي ليش..
محمد: لانو بوكرا انا وأبي نازلين على سوق السيارات نشتري سياره..
ريماس: بس يامحمد ابن جيرانا بيشتغل هنيك وسوق السيارات بيفتح من1لل6 طيب مننزل سوا منكتب الكتاب وبرجع لحالي مشان الله يامحمد..
قال حبيبتي قلك ياها ومن الأخير انااااطلقتك لك طلقتك حلي عن ربي انتي واهلك مابدي ياكي..
لما حكا هيك يشهد الله بس بوقتا على حالتي وشو حسيت انشلو رجليي وماعد حسنت وقف قلتلو عنجد عم تحكي يعني دق لأهلي قال دقي لأبوكي أو مين مابدك يجي ياخدك
وانا موووومسدقه شي من اللي عم بصير..حملت موبايلي قلتلو محمد رح دق لبابا قال يالله دقيلو وفات عالغرفه وسكر..
اتصلت ببابا وكنت رح سكر قبل ما سكر قال الو اي بابا خير انشالله شو عاملك هالمرة كمان...
ريماس: بابا محمد طلقني..
ابي: كيف يعني..
ريماس: اضحك عليي من فتره وطلقني بالمحكمه..
بلش ابي يدعي يدعي يدعي عليي ..
وانا ماعد سمعتو شو عم يحكي وقعت بالأرض
على حسب ماانخبطت طلع محمد حملني وزتني عالباب برا البيت بالبجامه الشيفون وكب فوقي انينة مي وسكر الباب لما فتحت عيوني..كل رجليي مو حاسه فيون...
وانا دق بأديي واترجاه يامحمد بس خليني فوت البس ام فتح الباب زتلي شنتايتي فاضيه وعشر ليرات واخد مني موبايلي وجزداني قلي انتي هيك اجيتي لعندي وهيك بترجعي وزتلي بعدا جاكيت ولحشه وسكر واتصل باخي قلو بدك اختك بتجي بتاخدا من عالباب لانو اذا بتقربو على بيتي انا يلي رح جبلكون الشرطة هالمرة...
وانا ضليت على الدرج منهارة ومو حسنانه وقف..
*يـــــــــ͢ـོ͓ـــتبــــــــــــــོـ͓ـــ͢ــ؏*
➖➖➖➖➖➖➖➖➖
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h```