الفصل 3
*قـصـص وروايـات عـالـمـيـة💙📚📖*
*بإدارة* *يـامـن💙*
*❴📖❵↵* *عذاب.بلا.نهاية.tt* 🖤🖇️
*❴🔢❵☟الـــبـــــــــــ❴3️⃣❵ــــــــــــارت☟*
➖➖➖➖➖➖➖➖➖
*
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h```
➖➖➖➖➖➖➖➖➖
عبرة جميع الطرق المظلمه وحدي..انتظرة كثيرا يد غريبه تمسك يدي وتسحب بي الى الأعلى...حيث اجد نفسي من جديد على جدران الأمل...فكلما سحبت نفسي لوحدي وجدت نفسي اغرق اكثر واكثر...عابرون وليس لنا احد...
قعدت ببيت عمي وبلشت اسمع حكي وإهاناات وتلمحيات وسخه...
وماحدا حاكاني على اساس اني متزوجه أو هو زوجي...
صارت تحكي البنت يلي بعرف عنا كل تخبيصاتا وياما مسترة عليها...
وصارت تحكي يلي ماكان إلها تم تحكي في..
وصار يحكي يلي غلطو مغسلو...
وصارو الكل أولياء الله الصالحين.. وانا العاهره يلي جابتلون العار ووطت راسون...
صارو يحكو انو مالقيتي غير هالواطي ياواطيه
وصارو يحكو عليه كتير...
هلأ انا ماعم دافع عنو بنوب بس ليش كنتو مستقبلينو... طيب ليش كنتو عاملينو كلشي بالبيت وكأنو كلشي الو وملكو بس لانو عم يصرف...
كانو يتخانئو عليه
يتخانئو مين بدو يعزمو ووين بدو ينام وعند مين بدو يضل..
هلأ صار هيك
طيب بتخيل لازم تفرحو ولا خلص خلصو مصرياتو
اول ما اجا لعنا وقبل ما أعجب في
حكيت كلمه قلتلون لأهلي..
قلتلون طيب غريب ليش لنخدمو ونفتحلو البيت كأنو بيتو ونحكي كلشي ادامو..بهدلوني
شرشحوني وخانئوني وخرسوني
بعد ما تقرب مني وورجاني انو هوه معي اول كلمه قلي ياها انتي الصح...وكلشي مفروض عليكي غلط...
اكيد ماعم برر لحالي
بس ليش هالتناقض
محمد كتير تخانئ معون منشاني حتى مرة هجم على ماما على كتر ماضربتني قلا مدي ايدك عليها وشوفي... طيب هي شو معناتا.. ليش هيك طيب..
كنا اذا بدنا نروح مشوار لحظه لنشوف محمد
اذا بدنا نطبخ طبخه بركي مابحبا محمد
اذا جايينا حدا لنعرفو ع محمد
محمد فات بالعيله مزبوط ماضل حدا ماعرفو محمد وماعرف مين محمد..
كانو يتباهو في وبوجودو وبمعرفتو...
ومرة مسكت مرتو قلتلا كيف هاين عليكي زوجك واحد منيح خديه وروحو على بيتكون وولادكون ابدا بهي المصاري
كان وقتا محمد بايع سيارتو وعم يصرف حقا عنا
قلتلا مو عندكون بيت قالتلي مبلا بس هو محمد هيك بحب العالم بيقعد عندون يا بياخدون لعندو مابحب يعيش لحالو
لما سمعت امي هددتني تحكي لأبي اذا بعيد هالحكي فخرست
وحتى قبل ما يخلص رمضان لما نزلنا نشتري تياب العيد بابا ما كان عم يشتغل محمد كسانا كلنا وجبلنا كلنا
الغريب اني لما حكيت هالحكي ببيت عمي منين يجيني الخبط مابعرف وكلو نكر وحتى قالو محمد اجا لعندون لانو متدايق مامعو مصاري
..!
وبعد يوم كان محمد لا حياة لمن تنادي مابعرف عنو شي ولاحتى بسترجي اذكر اسمو أو حتى اسأل عنو
عرف أو ماعرف وين انا وشو صار فيني مابعرف
انا كل ما يجي ادامي تلفون أو موبايل حاول اجي دق منو مالحق فورا انمسك وآخر مره لانو كتير هددوني ومارديت ومسكو معي جوال ابن عمي ف انحبست بغرفه أسبوع لافوته ولاطلعه منا إلا ع الحمام واذا طولت بطلع بلاقيهن واقفين عالباب عم يسمعو بركي عم حاكي حدا
وصلت فيون انو منعو حدا يقرب عليي عمومي مايخلو بناتون يقعدو معي أو حتى جنبي
عمي يقول لبنتو بعدي عنا لاتفسدك وتنزع اخلاقك هي هربت بلا تربايه وطت راسنا نحنا بناتنا مابيعملو هيك
وعمتي تزورني تقول لبناتا عيبو عليها بزئو عليها هي بلاشرف
صرت بالمختصر وحده منبوذة من قبل الكل
لا محب لا قريب ولا حتى رفيق
ولاااااااحدا
كأني بغابه لحالي
صرت اسأل ع محمد لوبدي آكل قتل ماعد فرقت معي
ع كتر ماجرحوني بالحكي ويهينوني بشي بخص غرفة النوم والنوم ورضيتي معو وشو عملتي معو وكيف كان معك وكنتي معو وبالمشرمحي
وهاد غير انو تجي هي تقول كان بدو ياها وتجي هي تقلي لمحلا وطلعت ولا وحده عنا بالعيله سالمه منو مع اني بعيوني شفت العكس...
ضليت اسأل عنو شو ماعملو فيني ويضغطو عليي ويقلولي انو الشرطة بدا ياني ولازم لما يسألني القاضي قلو خطفني واغتصبني وكان مخبيني ويضل يضربني ويهددني
يمكن أكلت قتل وضرب على عدد شعر راسي ومارد على حدا وقلون هاد جوزي وعاند الكل
لحتى طلعو بفنة جديدة وهيه انو انا مسحورة وابصر شو مطعميني ومشربني...
وبلشو بقى على شيخه رايحه وشيخه راجعه
وحتى هنن يروحو سفر لعند مشايخ شي حماة شي درعا
شي يجيبولي مي ملونة يشربوني ياها بالصرمايه شي بيض مكتوب عليه كتابات صغيره بالأحمر يدحشون بتمي غصب يا برضاتي ببلعا يا من شعري..
وجابو مشايخ عملولي بسملة ألفية
رجعو آخر شي سمعو بشيخ شاطر بالشاغور بفك السحر عن المسحور
والله اخدوني لعندو هالشيخ ببيت عربي بيزحف زحف لانو رجليه مقطوعين
شي بخوف
قسما بالله جننوني
احتارو شو يعملو هاد الشيخ هلك سمايي ضل ساعتين حاطت ايدو على راسي متل المخباط نازل قراية
وانا بقلبي عم بقرا المعوذات وكل ما خلصت عيدا مع سورة الكرسي خاف يكونو عم يعملولي شي...
وهيك بقى اد ماهلكوني مشايخ قررت اجي على هواهن واعمل حالي مشي حال المشايخ معي جاب نتيجة قررت قلون مابدي محمد بركي بيفتحولي مجال أتنفس وبرجع بهرب..لما طلعو اهلي عالبيت اتصلو بعمي تلفون ف طلع لبرا يحكي معون وتهامسو وعمي فات
لما فات اتطلعت في لقيتو عم يتطلع فيني بنظرة غريبه مافهمت
وكل شوي اسأل حالي هلأ شو رح يصير فيني كمان شو ناويين يعملو فيني كمان
قلي بوكرا جايين اهلك ياخدوكي ع الساعه 8 المسا قلتلو لوين قلي مابعرف بوكرا ابوكي بيحكيلك
قلتلو ماشي وماعد فرقت معي عنجد لوين وشو ماصار
تاني يوم بيجو بفوتو عند عمي على غرفة من الغرف بسكرو الباب عليهن وامي عم تتطلع مدري كيف
عم يتطلعو فيني كأني رح موت وانا مارح اسأل حدا لانو ما في حدا يسدق معي
قالولي لبسي وجهزي حالك لبست
اتطلعت على اختي الاصغر مني لقيتا عم تتطلع فيني وتشهق وتبكي وضمتني
قالولي بابا وماما بس امشي
وطلعنا من بيت عمي
كنت عم أتأمل الشارع كأني اول مرة بشوفو قلتلو لبابا لوين رايحين قلي انتي جوعانه مو قلتلو اي مافطرت قلي رايحين ناكل بمحل فول وحمص
ومشينا اخدنا تكسي حتى ماسمعت لوين بابا قلو للشوفير لانو كلو همس
مشيت التكسي فينا ونزلنا بدوار باب مصلى وامي وأبي يتطلعو ببعض ويرجعو يتطلعو فيني
انا عم بتطلع لورايي كان في محل فول وحمص بوقتا حاطت برا طاولات وكراسي قلتلون طيب يالله نفوت آم اتطلع فيني بابا قال انتي بدك محمد مو
قلتلو محمد جوزي قال يعني بدك ياه
انا سكتت
آم سحبني من ايدي فوتني ع الأمن الجنائي
وهاد يلي ماكان بالحسبان
هنيك فتنا على مكتب واحد مابعرف شو رتبتو بس كان بخوف وكلو عم يضربلو تحيه
قلو لبابا خير شو القصه قلو هي بنتي كنا هون بالأمن الجنائي رافعين فيا بطاقة بحث
قلو طيب وين لقيتوا
وين كانت قلو مع واحد رفيق النا بس طلع (حاميا حراميا)
وفهملي ياها بمعرفتك انو مابدا ياه لانو ماعم بترد علينا
قلو الضابط خلص هلأ بس تنزل عالنظارة وتاكل قتل وضرب تحت لحالا بتفهم انو الزلمه اذا راح بيجي الف ومليون بدالو
أما إذا الأب راح يا غبية منين بدك تجيبي بدالو
وسألو لبابا اديش صرلا مختفيه قلو سنه وسبع شهور
قلو والله لرجعلك ياها مرباية من أول وجديد خلص انت روح
انا فكرت كلو حكي
وتهديد بس عنجد دارو ضهرون ومشيو وسكرو الباب..
انا فكرت اني رح اسمع كم كلمه بعدين بطلع بلاقيهن برا..
بس لا هاد الضابط قلي لنشوف هلأ شو بدنا نعمل معك وانتي كابة ابوكي وراكده ورا واحد..وفي ادامو جرس رنو آم فات واحد من الباب وقلو خدا لتحت ..
قلي نزلي مع الحاجب عالنظارة ..ونزلت فتت بمدخل بعدين درج كأنك نازله منو على سرداب
وعتمه..
هيك لوصلنا لشبك عريض فتحو وفتنا هون كان في متل المكتب ورجال وشباب بيحكو وبيتغامزو وبيضحكو وبسبو وشي أبشع من مابتتخيلو هاد هو المطعم يلي اهلي عزموني عليه لاني ماكنت آكله فوتوني لهون لأكل هوا ع المزبوط الصراحه لما فتت انا كان في قبلي بنات ورجال وشباب ونسوان ومن مختلف الأعمار بس ما كان في حدا ممكن ترتاحولو حتى من نظرة كلون أشكالون متل الأشرار وقتالين القتلا وقطاعين الطرق وكلو يتطلع فيني والسيئ اني أصغر وحده موجوده وكلو يتطلع فيني ويسألني انتي شو عامله وشو ممكن تعملي ف بنط واحد بقول أكيد عامله شي شغله على ادا وسارقتلا شي جوال كترانه هي القصص هالايام وكل واحد ووحده يحكو ويتباهو وماشفت جوا حدا زعلان لأ كانو يحكو ويتبادلو القصص ويضحكو وكأنو بشي رحله
وصل الدور لعندي ف بيجي يلي قاعد ورا المكتب بقلي طالعي شو معك قلتلو بس انا مامعي شي قال لأ مافهمتي يمكن..
طالعي كلشي معك حديد وهاتي لحشتك خليكي حاطه القمطه بس وفكي شواطات البوط وهاتي الجرابات...
ومابتخلي معك لاجوال ولا مصاري ولا أي دبوس أو قطعه معدنيه..
عملت متل ما حكى وتسجلو غراضي بالامانات يلي كانو عبارة عن قشاط وشواطات البوط والجرابات والدبابيس واللحشه...
قلي بصمي بصمت وقلو للي جنبو خدا انا وماشيه برن تلفون أرضي على المكتب...بسمع عم بقلو اي سيدي ليكا أجهزة تروح ع زنزانتا ماشي بأمرك سيدي..
بقلو ع الزنزانة يلي بالصدر..
طلعت البنت مدعومة ولازم نحطا لحالها...
ماكنت عرفانه اني مدعومة هيك بهالطريقه هي..بس مابعرف مني من محمد من اهلي ولا هاد يلي بقولو عنو الله كاتبو
وعنجد مابعرف اذا انا يلي عملت فيون وبحالي ولا شي وصار فيني...
فتت ع الزنزانة هي يلي مافيا إلا شبك عريض كلو من فوق لتحت وتركولي الباب مفتوح وبرا خلو حاجب ادام الباب اذا بدي روح ع الحمامات لانو مافي حمام وموصى فيني اني ما انحط مع عالم أو بنات ولا حدا يفوت لعندي وهيك قعدت اتطلع حواليي وضميت ركبي لصدري كانت الدنيه شتي والجو كتير بارد
هي الزنزانة كانت غرفه كبيره مافيا غيري انا والحيطان وباب السجن العريض يلي كلنا منشوفو بالتلفزيون غير هيك مااافيا شي ولا أي شيبقعد ف بسمع صوت همس...
بتطلع بلاقي الحاجب عم بأشرلي..قلتلو شو ماسمعت بقلي هسسس لاتخلي حدا يسمع اني عم حاكيكي مابصير بخانئونا
قلتلو اي...شو قلت قلي انا طالع شوي وراجعلك بس بدي نبهك هون كلون كلون كلون وسخين اصحك تحكي مع حدا أو تفكري تطلعي لانو باب زنزانتك مفتوح بيعتبروكي بدك تهربي وبتصيري بتسمعي حكي وسخ قلتلو ماشي وطلع باتجاه المكتب المسؤول عن فتح الباب الرئيسي
وفتحولو وطلع...
رجع بعد 10 دقايق جايبلي حرامين ومخده وبايدو سندويشه...
قلي خدي حطيون واحد عالارض نامي عليه وواحد تغطي في وهي المخده والله نضاف هدول الي..
قلتلو طيب وانت..
قال خلص خدي لاتحكي كتير ممنوع..
اخدتون وبدي اشكرو مالحقت لانو اجا واحد صرخ عليي قال انتي لهلا فايقه ماتنامي..
قلو للحاجب طفيلا ضو زنزانتا..
اتطلعت في قال شو وليه ماعجبك قلو يالله طفيلا الضو..
والحاجب طفى الضو ضلت السندويشه بايدي
مع اني كنت ميته من الجوع بس ما حسنت آكلا كل ما بتذكر انو جابوني لهون بحجة انو عازميني على مطعم البي من جوا بيحترق...
عطيتو السندويشه للحاجب لانو اذا بتضل عندي وبشوفوا ببهدلوه لانو لافي مكان خبيا ولافي مكان كبا..
وكل شوي اسأل اديش الساعه جوا ماببين الوقت لا اذا ليل ولا إذا نهار
واصفن...
هيك لوقت بظن انو كانت الساعه 12 وورا فاتو عالم رجال ونسوان جايبينون بتياب داخليه عم يضربوون ويهينوون كل الوقت بعدين فهمت انو هدول جايين دعارة
مع انون كلون كبار بالسن الرجال بس يلي صدمني انو البنات كل وحده فيون كانت مع واحد اد ابوا
انا بس عم اسمع صوت التحقيق والضرب واللسخ والاهانات والمسبات الكبيره..بس كان صوت الضرب شي ماابينوصف
وصوت الرجال كيف عم تبكي وتترجى انا قول بقلبي يارب اذا هدول رجال هيك عم ياكلو ضرب ويبكو وعم يترجو انا شو رح يصير فيني
واسمع كلمة البساط والكهربا والدالوب شيل هاد من ع البساط.. حط هي ع الدالوب خليا تعترف..
كهربلي هاد بالكهربا بركي بيحكي الحقيقه وببطل يكذب...
طبعا على الصوت بس هنن عم ياكلو الضرب والتعذيب وانا قاعده من الصوت عم ابكي من رعبتي رح يوقف قلبي
وماغفيتلي عين..وبربي عم احكي بجوز بعضكون يفتكر عم بالغ بس هاد يلي صار معي بالحرف واي بنت لو كانت مكاني مابعرف كيف كان شعورها ربي لايوقع بنت بهيك أبتلاء...
*يـــــــــ͢ـོ͓ـــتبــــــــــــــོـ͓ـــ͢ــ؏*
➖➖➖➖➖➖➖➖➖
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h```