الفصل 2
*قـصـص وروايـات عـالـمـيـة💙📚📖*
*بإدارة* *يـامـن💙*
*❴📖❵↵* *عذاب.بلا.نهاية.tt* 🖤
🖇️*❴🔢❵☟الـــبـــــــــــ❴2️⃣❵ــــــــــــارت☟*
➖➖➖➖➖➖➖➖➖
*
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h```
➖➖➖➖➖➖➖➖➖
#ياسمينة_الشام_الزهور
#الجزء_الثاني
حلمت ان اجلس اتأمل السماء تحت ضوء القمر..
حلمت ان احمل شهادة واتباها بها بين الأمم...
حلمت ان اصنع شيئ لنفسي...واصرخ بوجه الجميع لما (انا)...
اجا تاني نهار وكان وقفة العيد الصغير...
وبلشت امي تلفونات والناس عم تباركلا وضحكا معبي البيت وانا رجل الكرسي كنت فعليا لاحدا شايفني ولاحدا سائل انا شو بدي...
عم اتطلع على امي كيف عم ترتب غراضا بالشناتي وتضب البيت ف سألتني انتي ضبيتي غراضك قلتلا لأ أيمه ضبون...
طلعت على غرفتي وعيوني مدمعه اخدت أكبر شنتايه للسفر وضبيت فيا كلشي بالبيت بخصني وبدي ياه...
طبعا هون محمد باعتلي رساله بشو عم تفكري قليلي اذا نويتي على شي..
انا شو كان يخطر ببالي
انو صح انا بحب محمد كتير بس مابعرفو لدرجة اني امن ألو واوثق في فكنت خاف على طول وما احكيلو انا بشو عم فكر يعني مايجي ببالي غير انو هاد بجوز يضحك عليي...
بعد ماضبيت هالشنتا الكبيره فكرة اني اهروب من البيت اذا بقلكون وقتا انو كيف حملتا مابعرف سدئوني..
فتحت الباب الرئيسي للبيت وحطيتا من برا وسكرت ورجليي ترجف تحتي خوفي حدا يطلع أو حدا يجي...
وانا هون حاكيت بنت رفيقتي كانت بالصف اسما دعاء...
هي دعاء كانت عايشه هيه وأما المطلقه واخوها الصغير وستها بالبيت.. وبس عرفت كلشي قالتلي تعالي لعندي...
لبست عبايه ونقاب والكل ملتهيين وفتحت الباب وطلعت...
لما طلعت حملت الشنتا عم جرا بصعوبة ورايي لاحدا يسمع صوت دواليبا ف بيجي بوشي ابن الجيران..
بيعرف من منظري اني هربانه لاني كنت رافعه عن وشي حتى شوف الطريق ادامي...
ف بوقف ادامي بقلي اذا مابتقليلي وين رايحه وبتخليني اجي شوفك لاطلع احكي لأهلك خليون يدبحوكي..
هون انا خفت وكانت الحاره طويله وخفت انفضح لأن الكل بيعرفنا... بس بوقتها انضرب ضو البلديه من حظي...
ماعد اعرف شو بدي قلو لهاد بس صرت اترجاه وقلتلو رايحه عند رفيقتي فقال هاتي العنوان قلتلو لك مشان الله بلا ماحدا يمسكني هلأ...
قال شو مابتفهمي هاتي العنوان قلتلو مارح اعرف دلك ..
طيب خود هالرقم وحفظو..
طبعا نقلتو رقم لا على التعيين من مخي
وقلتلو هي عطيتك الرقم تركني امشي...
قال اذا دقيت انتي بتردي عليي قلتلو اي انا
الله يخليك بس خليني امشي ...
قال استني جبلك شي سياره بلا مايشوفك أهل الحارة وبلحظتا اجت سياره.. أمنّي فيا وحطلي الشنتا ونزلت لعند دعاء
طبعا بين بيتي وبيت دعاء مافي عشر دقايق
فتحتلي دعاء قلتلا انا تركت البيت...
كنا متفقين قبل انا وياها على انو شو ماصار معي اجي لعندا...
فتنا لجوا مافي غير هيه وستها...
قالتلي رايحه عالمطبخ اعمل قهوة قلتلا ماشي
وطلعت الموبايل من جيبتي لقيت محمد عم يتصل فصلتلو مارديت عليه...
ف اجتني رسالة من رقم غريب مكتوب فيا انا محمد طلعي من عند رفيقتك لانو اتصلت بأهلك قالتلون انتي عندا...
ليش ماخبرتيني انو بدك تطلعي يامجنونه...
انا هون عرفت انو دعاء راحت حاكت اهلي من المطبخ واذا انمسكت الله بيعلم شو رح يصير فيني مشيت على روس اصابيعي وفتحت باب بيت دعاء وهربت واركض وابكي وانا مو عرفانه وين بدي روح بحالي...
وحتى مصاري مامعي وتركت الشنتا عندا..
يعني طلعت بالسرقه
ونزلت وانا أركض وابكي..
دقلي محمد قال وين صرتي قلتلو لك شوبعرفني لامعي مصاري ولا حتى بعرف انا بالطرقات..
قلي بتطلعي بتكسي بتقليلو على الميدان كذا كذا وهنيك بتلاقي شخص واقف بحاسب وبياخدك معو...
قلتلو شو صاير عندك مع اهلي...قلي اوعك تدقيلي عملي متل ما قلتلك انا على اساس عم دور عليكي مع اهلك ولاتدقي حتى انا دقلك وسكر...
عملت متل ما قلي اخدت تكسي للمكان يلي قلي عليه وبالفعل هنيك كان في شخص حاسب الشوفير وطلعت معو بالسياره وانا مومسترجيه اتطلع في ومو عرفانه انا شو آخرتي...
قلي شبك خايفه انا بكون أخو لمحمد لاتخافي رح آخدك هلأ على بيت وحده حطك عندا ساكنه بس هيه وبنتا كانت تشتغل عند خالي بالمعمل...
هون ارتحت وبالفعل طلعنا فورا لبيت مرا كبيره عايشه لحالا ببيت هيه وبنتا فتت قعدت معون وورجتني البيت وكتير فرحت انو لحالون مافي زلمه وبنتا طيوبه ومن جيلي...
صرنا نلعب سوا ونسهر ونطبخ ونخبص ونحكي بس انا كل ما اندق الباب ارجف رجف واسأل حالي وين محمد وشو صاير صرلي هون15يوم...هيك حتى رن موبايلي رقم غريب رديت..
ريماس:الو
محمد: كيفك ريماس..
ريماس: وينك قلي...
محمد: كنت محبوس اهلك شكو فيي وشتكو عليي...
ريماس: يالله...
محمد: ليكي ريماس اذا ما اجيت اليوم بجي بوكرا...
مالحقت رد كان مسكر الخط...
وتاني يوم بالفعل اجا اول ما عرفت انو هوه فتحت الباب وانا حاطه على راسي منو...
اطلعت فيني المرا يلي انا عندا سألتو ادامي قالتلو مو قلتلي هي مرتك كيف اتغطت منك محمد انت عم تكذب عليي..
واتطلع فيي ورد..
محمد: هيه بس حطتو فكرت أخي معي..
ريماس: اي صح ليش مانو جايه معك...
ريماس: لا مارح يجي...وشلت الحجاب فورا لاحتى ماتشك المره ويصير مشاكل كنت مضطره اعمل هيك...
سحبني محمد وقلي تعي معي عالغرفه بدي احكيلك شغله...دخلنا على الغرفه وقعدنا جنب بعض...
محمد: ليكي انا لازم اتفق معك على شي ...
ريماس:ماشي...
محمد: انتي ليش هربتي من بيت أهلك..
ريماس: منشان ما اتزوج على كيفون وبالغصب وواحد ختيار ...
محمد: طيب انتي مو بتحبيني انا حاسس وبعرف...
ريماس: اي بس انا بدي كمل دراسة وانت متزوج..
محمد: بس شفتي كيف عايشين انا ومرتي بعيونك وسمعتي بأدنك
وغير هيك انا كل العمر رح احميكي... لك انا شاريكي ريماس وبدي تكوني مرتي ورح تكملي دراستك عندي بس مافيني دافع عنك اذا ما كنتي مرتي اهلك حبسوني لانو شكو فيني..وبيقدرو لأنك قاصر وصغيرة ياخدوكي مني ويحبسوني انا وياكي...
ريماس:طيب شو نعمل انا خايفة..
محمد: انتي وافقي تتزوجيني وبعدين بفهمك..
وانا عم اتطلع في
قال شو تزوجيني ريماس..
بهديك الحظه بين نظرتو بعيوني وبين اعلي يلي بدون يظلموني ومارح يكفولي دراسه وبدون اتزوج ختيار حسيت لازم وافق لأن اذا برجع بندبح وكنت اصغر من اني فكر..اطلعت فيه وقلتلو..
ريماس: اي انا موافقه..
محمد: هي المرا بوكرا رح تطلع على شغلا بالمعمل وبنتا بالمدرسة..
وبهاد الوقت رح نجي انا ومحامي نظبط كلشي وبفهمك...
ريماس: ماشي اتفقنا...
حمل حالو وراح محمد وانا ضليت فكر بيني وبين حالي شو يعني زواج..حسيت مجرد صفقه وموافقه وانو كلشي رح يكون منيح ورح كمل دراسه ومحمد بكون جنبي..غفيت واسئله كتير عم دور بعقلي...
اجا تاني يوم وصار متل ما قال محمد وجاب محامي وبعد ماراح قعد محمد جنبي ومعو هويه...
محمد: هي ألك..
ريماس: بس هي مو الي مو هويتي...
محمد: بعرف بس انتي قاصر ومافيكي تتزوجي إلا إذا كان موجود ابوكي وموافق..
ريماس: شو يعني ماعم افهم..
محمد: بدك تحملي هي الهويه وتعتبريا الك وتعتبري يلي فيا انتي ورح اضلي بالعبايه والنقاب يلي طلعتي فيون لانو أهلك عملو عليكي إذاعة وبحث حتى مانتبهدل ساوي متل ما قلتلك...
ريماس: ماشي...
وحملت الهويه وانكتب كتابي ب اسم مو اسم وكنيه مو كنيتي وعمر مو عمري ولاشي مني أو بينطبق عليي...
وطبعا الهويه اكتشفت انها لمرتو نفسها وماسألتو انا أي شي عنا
وانكتب الكتاب على هالأساس...
وضليت عند المرا ومحمد يجي من وقت للتاني لحتى صارت هي المرا تدخل كتير وتدقق كتير وتسأل عن اهلي وعمري وانا عمري 14 تسألني شو عمرك قلا24 ف تقلي مستحيل وطلبت تشوف الهوية بس مشان الصورة خفيتا...
لوقت ماحسيناها بلشت بدا تعمل مشاكل طلعنا من عندا استأجرنا بيت
بالتضامن...
هون بلشت حياتنا الزوجيه على أساس
محمد بيطلع من الصبح لآخر الليل بيقفل الباب عليي وانا لاطلعه ولافوته ولاشي ولا أي شي غير انو باكل وبنام وبفيق بهالغرفه ومابعرف غير ضب وظبط شكلي...
شوي شوي بلشت حس بحركات على محمد وشغلات غريبه..متل انو لما اقعد ادامو يخبي تلفونو...يطلع يحكي برا
يحط رمز للجوال...
أو يبعتني عالمطبخ بحجة أي شي حتى ماشوفو شو عم يعمل..
وانا فضولي دبحني وضل الموضوع ببالي وحطيت براسي شوف تلفونو واعرف الرمز وشو مخبي بحكم انو محمد زوجي..
لحد ما انتزع الديجيتال وطلع ع السطح ليشوف العطل والإبره ف مسكت موبايلو وانا هون نصدمت لقيت شغلات مابتتسدء
عم يحكي هو ووحده كويتيه نازله من الكويت ع الشام آخدلا بيت وسيارة وعم يبسطا ويدور فيا وطبعا مشان فلوسها ومصاريها...
انا هون حسيت حالي اكتر من حماره انعمى على البي وماعرفت شو اعمل وابكي وقول ياربي انا ليش هيك عم بصير معي انا شو عملت بحالي وناديتلو بملات صوتي نزل قال شبك شو في
وجوالو بإيدي قلتلو شو هاد محمد شو هاد...
لك الله لايوفقك انا شو عملت بحالي شو عامله معك لتعمل فيني هيك ليش تخوني ومسكني من شعري وبلش فيني ضرب وين ماتجي تجي ضل يضربني يضربني يضربني بكل قوة يلي الله حطا فيه...
محمد: مادخلك وليه حمارة اذا ايدك بتنمد على جوالي بكسرا عم تفهمي...
على كتر ما ضربني ونهنهني ضرب قلتلو اي مشان الله تركني متل ما بدك والله آسفه ويضل عم يضرب لحتى انا داب البي وهو عرق وتعب وهو يخبط فيني ويدجني على ضهري وبطني..
وابكي ابكي دموعي ماوقفو حتى نام هو بس انا كان مستحيل تغمضلي عين..
هيييك لسمعت التدكير وبلش أدان الفجر...
اتطلعت عليه لقيتو نايم وغرقان بنومو...
ماكان هديان بالي كان وجع البي اكتر من وجع جسدي وختلطو الوجعين لادرجة ماعد حسيت بشي...
كان معو جوال تاني مالو رمز اخدتو حطيتو صامت وفتحتو يلي شفتو شي ماااابينشاف شي لأول مرة بحياتي بشوفو...
ماوقفت على مسجات ومكالمات ولاحتى صور شفت افلام فيديوهات كامله الو ولمعارفو من لما يفوت من الباب للما يصير هو والصبيه عالتخت للما يطلع...ومو صبيه وصبيتين لأ
ومو ببيت وبيتين كمان لأ
الطويله القصيره السمرا البيضا الحنطيه الشقرا وحتى في منون بلهجات مختلفه وعنجد في منون نوريات وفي حتى من العراق والخليج
وعامل لكل وحده ملف خاص...
انا وعم شوف وعم قلب التلفون كلو معبا رجلي تقصف تحتي ما احسن هدي واديي ماعد عرفت هدي فيون وامسك التلفون منيح
ودموعي تشر ورح جن
وماعم افهم شي هي اول مره بشوف هيك شغلات كانت وساخه جماعيه وقرف...لادرجة حسيت بدي اتقيئ بعد كل يلي شفتو...
اتطلعت في يمكن أول شي خطر ببالي اني اوم عالمطبخ احمل سكينه شكا ببطنو بس كنت اجبن من هيك...
لهيك فتحت الباب وهربت بطلوع الضو...
طلعت على هالطريق ابكي مو شايفه طريقي ادامي وعم ابكي عم اجعر جعر يعني صوتي مسموع ومعبي الطريق ومافي الدومري...
وفجأه طلعت بوشي شاحنه كبيره في اداما تنين رجال...
طبعا ضليت مكفيه طريقي وأنا عم ابكي
حتى لحقني واحد فيون وقلي طولي بالك يا اختي شبكي شو صاير معك
قلتلو انا مالي حدا ومافي حدا روح لعندو...
قلي وحدي الله يا اختي انا عندي مرتي وبنتين ادك هداك البيت ادام الشاحنة فوتي انتي وحده من بناتي ضليت واقفه خايفه عم اتطلع ومابعرف وماني عرفانه شي
اتطلعت ع التاني يلي كان واقف معو قلي فوتي اختي فوتي
بس كانت نظراتو الي وانا بالنقاب حتى
نظرات واحد شيطان نظرات بتخوف
قلتلو شكرا عمو مابدي خلص انا بعرف وين روح اجا يحكي قلتلو معلش لوسمحت تركني روح ومشيت قال عمو الله يستر عليكي ويحميكي وضليت امشي وابكي بهالطريق حتى قعدت على درجه وانا اتطلع حتى اني وين صرت وبأي مكان انا مابعرف
قعدت على الدرجة ابكي وقول يالله الي انا هلأ شو ساوي ووين روح....
وفي ظلام الليل...وجدت نفسي..تائهة...خائفة...ليس لدي احد...عابرة طرق مظلمه ليس لها نهاية...لا اعلم من انا وما مصيري...عابرون وليس لنا احد...كل من حولي اضعفني...لقد جعلوني طفلة يتيمه ضائعه....
رن جوالي وكانت صارت الساعه7...
محمد طبعا رديت عليه وانا عم ابكي وادعي عليه بينما هو..
وينك حبيبتي مشان الله رجعي لاحدا يمسكك من اهلك والله بتدهورينا مشان الله رجعي انتي بتعرفي مالي غيرك ومالك غيري..
قلتلو انا شفت كلشي بجوالك الافلام والبنات والوساخه والتخبيص وكلشي...
يخربيتك شو مقرف لك كيف بتقدر هيك
قال وحياة ولادي قدما انتي بس تعالي شوفي التاريخ وحاسبيني
والله العظيم قدما
قليلي وين انتي لاجي آخدك..
مشان الله وين انتي
قلتلو حليف بالقرآن الكريم ايدك مابتمدا عليي وبتضربني..
قال وحياة القرآن الكريم لابضربك ولابمد ايدي عليكي خلصيني وين انتي..
لك اهلك عاملين عليكي إذاعة بحث اذا انمسكتي تبهدلنا...
قلتلو مابعرف انا بالطريق في ادامي آرمة صيدلية اسما كذا وفي فرن اسمو كذا..
قال اي عرفت خليكي عندك جايه آخدك
وبالفعل 5دقايق كان عندي..
ولسه ما طلعت بالسيارة وشفتو كيف صار يشحط ويسرع عرفت انو ناوي يموتني بالبيت وحاولت زت حالي من السيارة واهرب مسكني ضربني واد ماصرخت ماكان في حدا نهائي..
طلعت عالبيت فتت وسكرت انا وعم اقفل.. دفش الباب بأديه ورجليه وفات نزل عليي غضب الله بصحن السيكاره بالمكوايه بفيش التلفزيون يجيب شو مايطلع ادام عينو يضربني..وقاعد فوقي بكل حيلو..
ما قام من فوقي حتى غميت والدم من أنفي وتمي عبا الأرض قلي اومي غسلي شحطني شحط ورجع يكمل عليي بعصاية النشافه...
لحتى شاف انو حيموتني وهد حيلي هون انا شبه ميته مافي قوة تخليني احسن وقف.. وماعد حسيت على شي غير أني منهنهة تعبانه فارطه
ماعد لاشفت شي ولاسمعت شو عم بقول صرت بعالم تاني وغبت عن الوعي...
بعد كم ساعة فقت وانا على الارض دورة بالبيت مالقيت محمد مسكت موبايلي فورا واتصلت بعمة من عماتي كنت كتير حبا ترجيتا تجي تاخدني
وهيه تسألني وينك ومع مين بس قلا انا بالتضامن بشارع في بياع برادي حتى اني مابعرف دلا على المكان أو العنوان...
قالتلي يالله حبيبتي جايه آخدك..
وقعدت ضميت ركبي لبطني وابكي من الوجع والقهر واستنى... واسأل حالي وهلأ كمان انا شو بدو يصير فيني..
لحد ما رن تلفوني رقم غريب..
رديت فورا ف كان ابن عمتي قلي لك اهربي ياجدبه يامجنونه ليش دليتي امي على مكانك امي خبرت ابوكي ورح يجي لعندك معو سكين وحالف يدبحك روحي اهربي بلا ماتموتي يامجنونه...
انا هون ماعد استوعبت وبلش جسمي يرجوف..
فورا دقيت لمحمد قلتلو انا اتصلت بعمتي وهيك صار...
قلي الله لايوفقك قلتيلا انتي وين ومع مين قلتلو انا قلتلا في بياع برادي بس والله العظيم ماقلتلا مع مين..
قلي لبسي فورا
لبست بظرف 5دقايق كان عندي وكنا تاركين البيت ورحنا دورنا على بيت ولقينا بغير منطقة فورا وقعدنا...
هون كان مافي مجال ليرجع يمد ايدو عليي لانو منظري من الضرب بأسي ومافي مكان اصلا لضربة زيادة...قعدنا بهالبيت ساعه بعدا قلي محمد بدي الك شغله
قلتلو شو قلي بدي جيب مرتي تقعد معك بلشت تشك تعمل قصص وخايف تعمل مشاكل ومنو حتى ماتملي لحالك طول الوقت قلتلو اي ماشي قلي انا مخبرا اني متزوجك وإنك معي
قلتلو شو قالتلك..
قلي عادي مافي مشكلة عندا..
قالت انتي احسن من غيرك..
اتطلعت في هيك
يعني ماعد عندي شي قولو..
انا وين عايشه وكيف العالم يالله بتفكر
ويمكن انا الغلط ماعد فهمت شي..
ما كذب خبر المسا كان جايبا وجايه وكلشي عادي وأقل..وانا المستغربه بالموضوع...
قعدت مرتو عم تتبسم وهو راح...
قالتلي مبروك الزواج قلتلا الله يبارك فيكي من ايمتى بتعرفي..
قالتلي من أول يوم اجيت في على بيت أهلك
تزوجك بموافقتي
قلتلا طيب انتي كيف هيك...رضيانه قال عادي متعوده..
انتي اصلا كنتي معجبة في بس خايفه منو لهيك انا كتير مدحتلك في وقلتلك العطل والمشكلة فيني انا لانو بعرف بدو ياكي وحاكيلي بس كنا خايفين من اهلك يعملو مشاكل..
انا هون كتير صرت خاف
منا ومنو ومن كلشي حوليي...
شافتني صفنت قالتلي انتي لساتك صغيره ومابتعرفي بهالدنيه شي
بوكرا معك معك بتكبري وبتتعلمي
كان البيت يلي اخدينو غرفتين وصالون
تعشينا واجا وقت النوم
كلنا بالبيت تسطحت بدي نام قالتلو لمحمد بنبرة حده روح ننام انا وياك بالغرفة التانيه بدي ياك اليوم وخلي الأولاد ينامو عندا..
قالتلي نيميون منيح وديري بالك عليهن وضحكت وسحبت محمد وراحت عالغرفه التانيه هيه ومحمد وبلشت صواتون وهمساتون الحاره لعندي ...
ضليت سهرانه مانمت ولاحكيت ولافتحت تمي ولا باديت بأي حركه
اتطلعت لقيت ادامي باكيت مسكتو يمكن أول مرة بحياتي بعرف شو الدخان.. وشربتو كلو تقريبا..
ألقيت بحزني على رمال الشاطئ...انتظر امواج البحار لتأخذ ألمي..فأدركت بعدها انها جرفتني لأغوص في اعماقها طالبة النجاة...
في الصباح فاقو وهيه عم تتبسم وتضحك وحركات جكر واضحه مع انو هيه عمرا 26 أصغر منو بسنه وانا14..
واتطلعت عليه لقيتو عيونو بالأرض مالو عين يتطلع فيي وكأنو بس بدو يبرر..ضليت غاصه وكل شوي فوت على الحمام مسح دموعي وغسل واطلع مابدي حدا يحس عليي..صرت ألهي حالي بشغل البيت والشطف والمسح ومع الأولاد ومع هيك ضلت تستفزني وتسمعني حكي
حتى تطلب مني أنا ظبطا وسشورلا شعراتها ومكيجا..
وانا حاول كون طبيعيه وحتى كأني ضيفه بيناتون..
قعدت جنبي قالتلي بوكرا بتعرفي بوكرا عرس بنت خالتي ولازم اعجب محمد واطلع أحلى وحده
قلتلا طيب خليني اسألك سؤال
قال تفضلي قلتلا مو قلتيلي نحنا تجوزنا بموافقتك ومحمد ما اخدني لحتى وافقتي انتي وبرضاتك انتي قالتلي اي
قلتلا طيب قليلي ليش هيك عم تعملي معي قالتلي أحيانا بكون عندك غرض شالفتيه على جنب متل قميص كنزة باكيت دخان اي غرض قلتلا اي
قالتلي بتكوني زاتتيه وموشايفتيه بس يحملو أو يقرب عليه حدا غيرك بيحلا بعينك وانا هيك صار معي فجأه حسيت محمد يلي كنت شوف حالي عليه واعتبرو أخي حسيتو هاد شي الي لحالي مالازم حدا ياخدو مني أو يقربلي عليه
قلتلا بس انا ما اخدتو منك..
قالتلي لو ضالين على وضعنا كان عادي بس انتي فتي عالخط وصرتي بدك تاخديه وانا جربتا لقيت حالي مابتحمل وبتعرفي شغله انا حليتو بعينك كتير لما كنت ببيتكون وحليتك بعينو حتى وماحكيتلك اديشو بصاحب ونسونجي ومعزايه مابتسلم منو
انا غصيت وفتت ع الحمام ابكي...
فات محمد لقاني بكيانه سألني شبك قالتلو مافيا شي اشتاقت لأهلا ف سكت
تاني يوم قالتلي اومي نفطر لانو انا ومحمد بدنا نطلع على بيتنا حتى نجيب فستاني الكحلي مشان عرس بنت خالتي اليوم قلتلا ماشي
فطرنا وطلعت جابت الفستان وقعدت
قال معلش تظبطيني قلتلا اي من عيوني
وظبطتا ومكيجتا وسشورتلا وكلشي
أدن المغرب سألتا ايمتى العرس انو ساعه قال بوكرا عال7
قلتلا بس قلتيلي اليوم وخليتيني ظبطك
يعني نسيتي ولاشو
قالتلي لأ بس حابه اليوم اسهر انا ومحمد وانتي زكاتك بدك تنيميلي الأولاد..
انا اتطلعت فيا والي نفس اقتلا موتا..
بس قبل ما افتح تمي بحرف اندفش باب الغرفة فجأه وفات محمد قلا انا سمعت حديثكون من أولو وحكيتيلا اديش مصاحب وقالتلك ليش ما خبرتيني من قبل وقلتيلا ماخطرلي انك لازم تعرفي وانو اليوم لازم نسهر وتنيملك الاولاد انتي وحده مابتفهمي بنت حرام انا لما كنت عايش معك ببيت واحد ماتخليني قرب عليكي ولامن سنين شفتك مزبطتيلي حالك
بعدين ليش هيك لابسه ادام البنت كأنك مو لابسه شي مابتستحي اومي غيري
وحمل حالو وسكر الباب ومابعرف وين راح..
قامت دقتلو ادامي قالتلو اذا مابتجي اليوم لنسهر سوا وبكون كلشي متل ما بدي انا رح اتصل بأهل البنت خبرون إنا معك واعملك بلا.. اجا بعد نص ساعه حامل غراض كولا وشيبس وموالح وهيك قلا انا عندي شرط اذا بدك تسهري معي قالتلو شو
قلا منسهر ببيتنا هلأ منطلع عليه قالتلو موافقه
وغمزني على تلفوني انو حمليه حطي صامت
حملتو..وفتت عالحمام اجتني رساله منو كاتبلي انا رح آخدا على اساس سهره وشي مشوار وانتي ضبي غراضك بيجي أخي بياخدك لبيت غير هاد
هي بدا توجعلنا راسنا...
وكتبي ورقه بخط ايدك انو تركتلك ياه هاد جوزك انا معو هيك بس لانو مافي مكان رحلو
بس اختنقت ومابحسن كفي معكون سلام...
عملت متل ما قلي
واداما على أساس اني هربت لانو صارت بدا توجعلنا راسنا
وصلني أخوه على بيت جديد وقعدت في شبه لحالي محمد يجي يوم بالأسبوع اويومين ويسهر ويمشي ماينام
والسبب انو اهلي كانو شاكين فيون هو ومرتو وعم يلاحقوون ويجو لعندون... لهيك غطات وغيبات محمد زادت وانا عشت شبه لحالي هالكم أسبوع.. حتى انو محمد نسيني بلا اكل أسبوعين تمام ماكان لايجي ولايبين والبيت يلي حاطتني في مستودع بحارة كلا مهجورة ماحدا ساكنا غيري انا وبيت ببناية تالت طابق بآخر هالحاره
هاد المستودع كان الو بابين وبنصو في سقف خشب قاسمو بالنص عاملين في متل سقيفة شالفين عليها كراكيب وغراض قديمه كتير وجرايد وغبرا وشي مقرف وبخوف...
اتطلعت بزاوية هي السقيفة في قطرميز مربى مشمش مشرش مابعرف اديش عمرو من الغبرا يلي آكلتو...بسرعه نزلتو اضطريت آكل منو بأصبعتي لاني قسما بالله رح موت من الجوع صرلي أسبوع بلا اكل وعنجد هاد هو يلي بقولو عنو بيبكي ع اللقمة لاني والله العظيم عنجد صرت ابكي بدي آكل وماعد اتحمل..
وبهاد البيت غير انو في الو بابين واحد رئيسي وواحد بالصدر في الو شباكين اد نص الحيط واحد من اليمين وواحد من اليسار غطيتون ببرادي لانو بطلو لبرا...
وفي من اليسار درج نازل للجيران ف حاطين مغسلة وطبعا مافي حمام في هيك جورة صغيره تحت الدرج... ومكان عنجد بخوف اذا انربط فيه حمار بيهرب انا مابعرف كيف هيك الله خلاني اتحمل...
سألت نفسي...مابك ايها العابر...لما تشكو...لما تبكي...ارتجف قلبي خوفا...تنهد صدري قليلا...واجبت نفسي...عابرون وليس لنا أحد...عابرون في ظلام الدنيا...ننتظر نهاية لهذا الطريق لنبصر بأرواحنا التي باتت جثه هامده تنتظر من يدفنها...
اجا محمد فجأه وفتح الباب وفات انا اتطلعت في أول جمله قلتلو ياها انا جوعانه وصرت ابكي شاف منظري وفتح البراد مالقا في ولاااااااشي
قال يااااااااااااااا وضرب على جبينو بأيدو
قال أنا تاركك بلا أكل
طبعا بهي الفتره منبهني مادقلو ليدق هو منشان اهلي والشرطة مراقبتو
وصار يدعي على حالو وطلع فورا جاب اكل حطون ادامي وقعد يتفرج عليي كيف عم باكل ويدعي على حالو ويضمني... اجينا لنام قام اندق الباب..الباب نصو بلور شفاف محجر والنص التحتاني حديد
كمان عليه بردايه لانو بيكشف لبرا.. اتطلعت بمحمد قلي حطي راسك ونامي لاتردي بكون هاد صاحب البيت
انا قلتلو طيب بوكرا بقلعنا كيف صاحب البيت ومابدك تفتحلو الضو مبين لبرا واكيد لو عنا حدا نروح لعندو ماكنا سكنا بهيك غرفه
قلي سكتي مابدي افتح خلص نامي...
اتطلعت في عنجد لقيتو غمض ونام ضليت فكر انو صاحب البيت اكيد ماظبطت معي طيب مين ومحمد ليش ماعم يفتح
ضليت فكر حتى نمت
تاني يوم حمل حالو وراح
وهيك روتينية شي شهرين يروح ويرجع وغموض ومشاكل وبلش يحكي ويعايرني ويناديلي آفة الهم ويعايرني بهريبتي معو قلو طيب انت كيف فيك تعمل فيني هيك مو انت هيك بدك مو عشت عنا ببيتنا كذا شهر وصار بينك وبين اهلي خبز وملح هلأ صرت تحكي علينا وعلى اهلي وعلى بيتنا واكلنا
هي غرفه معيشني فيا
كل ما قلو هيك يقلي شفنا بيتكون قصر يلدز واهلك لو مو جوعانين ما استقبلوني وعملوني الرب بس لاني عم اصرف
وكل يوم مهتات وحكي واستفزاز وحرء أعصاب شي بيحرء القلب
تاني يوم متل العاده حمل حالو وراح ع الساعه 5 ونص الصبح اول طلوع الضو
سكر الباب وطلع
انا وعم شيل فناجين القهوة وضب البيت بظرف كم دقيقه رجع اندق الباب قلت هاد شو نسي
لما رفعت البردايه كونو شباك الباب محجر شفاف ف بيكشف خيالات
اتطلعت لقيت ايد محطوطه عالبلور بدون مبالغة أد ايد العملاق بتخوف ايد ضخمه وسمينه وكبيرة
انا صرت ارجف وركبي تقصفت تحتي مسكت موبايلي دق لمحمد مايرد دق دق دق دق ماااافي حدا هون
وكل مالو دق الباب يزيد والباب كل ما ندق دقة اقوا يفرق وحسيت بدفشة صغيره يلي عم بدق بيحسن يفوت لعندي كنت كتير خايفة...
احساسي بوقتا مابيعلم في إلا الله
في طاقه مدورة لبوري صوبيا فوق الباب
من الحاره لعنا دغري
انا حسيت في شي انشلف لعندي لقدام رجلي من هي الطاقه اتطلعت لقيت ورقه صغيره مدعبله فتحتا
مكتوب فيا بخط مفشكل
انا بعرف انك لحالك وانتي بتعرفي انو هاد المكان مهجور اذا بتعيطي للصبح مافي مين يسمعك
رجع زت ورقه بعدا بنفس الطريقة وهو عم بدق الباب والباب رح ينشال من محلوكمان فتحتا وانا رجليي عم تقصف ماعم تهدا
مكتوب فيا انا مابدي منك لا مصاري ولا دهب فتحي الباب احسن مااخلعو انا بدي ياكي انتي
وبدي انبسط معك
رجع زت ورقه تالته مكتوب فيا اذا مابتفتحي ورا هي الغرفه في نهر بفوت بخلع الباب بقطعك بمنشار الكهربا وبزتك في ماحدا بيدرى فيكي
وضل يدق وانا قلبي قسما بالله رح يوقف اذا بوصف رعبتي بوقتا اذا بكتب للصبح مارح اقدر اوصف
هو ضل يدق وانا ابكي وعم ارجف ودق لمحمد ماعم برد وحتى اني كل ما اتطلع شوف الباب عم يفرق حس روحي عم تطلع حتى انو موبايلي ماعد عرفت امسكو لدق منو ماعد هدي بايدي ومن خوفي ورعبتي ماعد حسنت اخفي صوت نفسي ولهتي..
شعور عنجد مابينوصف مستحيل الله لايمرء حدا بهيك موقف يارب
ماعد حسنت وقف زحفت زحف لعند المغسله في فوقا مشكلة معالق وسكاكين حملت السكينة الكبيرة وحطيت ببالي انو إذا بيندفش هالباب انا خلص رح اقتل حالي لاني مستحيل احسن اقتل حدا بهاد الحجم اذا شكل ايدو هيك...
وارجف وابكي ماعد اعرف احمل الموبايل دق لمحمد ولا السكين وتضل عيني عالباب ف بآخر لحظه رد محمد...
حاكي بهمس وابكي يقلي شبك ماعم اسمعك
حاكي بهمس يقلي شبك شوفي ماعم اسمع
قلتلو لك واحد رح يدفش الباب عليي تعال بسرعه وضل معي عالخط ويقلي هدي ليكني عشر دقايق يالله ليكني 5دقايق يالله ها نزلت من السياره
والباب لسه حتى هو سمعانو عم بدق
قلي ليكني صرت بالحاره طولي بالك
والباب لسه عم يفرق ويندق
قلي محمد ليكني صرت بتم الحاره والمفروض انو اذا صار بتم الحاره والباب لسه عم يندق يشوف مين ف بذات اللحظة وقف الدق ومحمد فتح وفات
ومن سابع المستحيلات سدق انو محمد ماشاف مين عم بدق ومافي واحد مستأجر بيندق الباب بقول هاد المأجر ومابيفتحلو
فات محمد قال بكون شي واحد شافني لما طلعت وشايف هالحاره كيف مهجورة
وحط راسو ونام وكأن شيء لم يكن...
وانا لانمت ولانسيت ولا طالع بأيدي شي
بعدا صار ينحفر الحيط يلي بطل عالحاره ببسمار اوشي برغي أو سيخ وانا ارجف وجن وهستر وعيش على اعصابي ومحمد ينام ويعيش طبيعي كتير كانو مو صاير شي ولافي شي
وهيك
اجا بيوم من هالايام محمد قال بدي الك شغله قلتلو شو قلي
قال أنا بدي سافر على بيروت كم يوم بشغل
قلتلو وانا
قال أنا فكرت بشغله بدي قلك عليها حتى نخلص من قعدتك لحالك
قلتلو شو قال عمك الوسطاني رفيقي كتير وانا بوثق في كتير وبحترم مرتو لانو صاحبة دين وماعندا كذب
قلتلو اي شو يعني قلي انا عم فكر خبر عمك هاد هو ومرتو وبيضلو معك بغيابي وماعد بتحسي حالك لحالك
قلتلو شو بيضمنلك مايحكو وانا موت
قلي اول شغله رح حلفون عالمصحف مابجيبو سيرة لمخلوق
قلتلو انا ما بضمن حدا
قلي انا عم قلك واثق وضمنان كمان
قلتلو يلي بدك يا
ونحنا وقاعدين اتصل بعمي قلو كيفك عندك حدا
قلو عمي لأ
قلو أنا جايه لعندك
وراح لعندو قلي رح حلفون عالمصحف وجيبون فورا هو ومرتو لاني اليوم ناوي سافر قلتلو طيب
وراح وشغلة ساعه ساعتين كانو عندي عمي ومرتو يضموني ويقولو كيف صايره نحيفه ويتطلعو فيني بنظرات غريبه
اتفقنا على كلشي وحلفو طبعا ومحمد قال ادعولي انا لازم امشي
طلع وهو وطالع قلو عمي استنى انا طالع معك بدي جيب باكيت دخان وطلعو سوا
قمنا نحط عشا انا ومرت عمي ف اندق الباب وانا تحت الدرج عند المغسله يعني مابشوف مين... في حيط فاصل..
قالت مرت عمي ابصر شو نسيو وفتحت فورا
لما فتحت انا سمعت صوت شهقتا
هييييييييئ
لما سمعتا ماعرفت اطلع ولا لا
ضليت بأرضي
وكاااااانت الصدمة ......
سمعت صوت بابا عم يقول وينا .....
لك قليلي وينا
واجا لعندي هو وعمي الكبير
هداك عمي الكبير خاف ابي يعملي شي ف مسكو الو وانا وقعت على ركبي وتشدني مرت عمي تقلي قومي وقفي...
قلا وحياة القرآن ماعم بحسن يعيطو عليي يقلولي قومي وقفي بس ابدا ماحسنت
رجليي ماعادو الي
ماعد حسنت وقف ابدا
صارو يجروني جر لعند الباب لقيت تكسي واقفه برا وعمي الوسط يلي حلف كان واقف اداما
اتطلعت في بنظرة عتب قلي هاد أخي كان قلبو محروق عليكي والله ماحسنت ماحسنت
ودار وشو
حطوني بالتكسي واخدوني لبيت عمي الكبير لانو خافو عنجد ابي يعملي شي
فتت وياريت فتت على شي تابوت أو نزلت على شي قبر كان اشرفلي والله...
فتت مابعرف مين زورني ومين بزء عليي بوقتا
كانت امي صارت تبكي وستي وعمتي يدعو عليي وشي عم اسمعو وشي ماني سامعتو
لهون كان صرلي عايشه مع محمد سنة و7شهور...
*يـــــــــ͢ـོ͓ـــتبــــــــــــــོـ͓ـــ͢ــ؏*
➖➖➖➖➖➖➖➖➖
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h```