الفصل 1
*قـصـص وروايـات عـالـمـيـة💙📚📖*
*بإدارة* *يـامـن💙*
*❴📖❵↵* *عذاب.بلا.نهاية.tt* 🖤🖇️
*❴🔢❵☟الـــبـــــــــــ❴1️⃣❵ــــــــــــارت☟*
➖➖➖➖➖➖➖➖➖
*
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h```
➖➖➖➖➖➖➖➖➖
بالبداية عرفكون بحالي اسمي ريماس عمري هلق(29) بنت بيضه عيون خضر طويله وجسمي نحيف ورشيق ملفته للنظر وكلي انوثه...
بترجع قصتي من لما كان عمري(14)سنة كنت بنت صف تاسع من الأوائل على مدرستي وطبعا من انا وصف سابع اهلي بيتباهو فيني وبيحتارو لمين يزوجوني ومافي غير عم يجيني بهالعرسان وكلو لسفر وماديات اكتر من ممتازه وانا كنت عاند وارفض هيك لحد ما اخدت شهادة التاسع..
بوقتها اهلي مافرحو كان عادي الموضوع بالنسبة الون اجا بابا قلي مابدي تدرسي عاشر وحادي عشر اقعدي بالبيت سنتين وبعدا بكون جمعت مبلغ للمعهد بحطك في بكالوريا فورا..
رديت وقعدت بالبيت بس يلي صار بوقتا انو امي نزل قرايبا من ألمانيا كبير بالعمر عمرو53سنه بس
ملياردير عندو شركات وسيارات...
اجا لعنا قعد عنا فتره وكل الوقت ضحك ومزح وانا شوف اهلي عم يوتوتو معو ويتهامسو لحد ما اجا التسجيل بالمعاهد وهو عنا فقلي ابي ماعد في دراسه انتي بنت على وشك ضو ومابدي أهل الحاره يشوفو بنتي طالعه نازله واسمع حكي واتخانئ معاهن انا وصرت ابكي وجنيت ونقهرت واساسا غير هيك مو طالع بأيدي اعمل شي حسيت رح يدمرو حياتي بهاد القرار...
وبنفس هي الفتره ذاتا كان عم يجي لعنا عمي(علي) الصغير ومعو رفيقو(محمد)..
كان عمي الصغير علي شبه مقيم عنا وبيوم من هالأيام اندق الباب اجا عمي لاعنا فتحتلو الباب وانا عم ابكي وكان معو رفيقو محمد..سألني عمي شوفي والدمعه بعيني ماعرفت شو بدي قلو ورفيقو عم يتطلع فيي بحزن انو موهاين عليه وفضولو مبين عليه وع شوي حسيتو هو رح يسألني شبك...
نحنا عايشين بمنطقة جدا شعبيه وحارة ماحدا بيتمنى يعيش فيا ساكنين ببناية 3طوابق عايش فيا 3اخوة هنن (ابي)(صالح) و(عمي)الصغير(علي) وعمي الكبير(مؤيد)
طبعا لما سألني عمي الصغير شبك وكان رفيقو معو قلتلو انو بابا مابدو كمل دراستي ورحت جبتلو شهادتي ورجيتو علاماتي ف اتطلع فيني رفيقو محمد وقلي محلولة انشالله كلو بينحل لاتبكي...
طبعا رفيق عمي هاد اسمو محمد عمرو 27سنه متزوج وعندو صبي وبنت وهو مو بس رفيق عمي الصغير كمان رفيق عمومي كلون.. بما انو خالو لامحمد عندو معمل وعمومي بيشتغلو معو عند خالو...
وكان لما يجي لعنا مع عمي علي يجي بس مو على اساس على بيتنا
يجو ويطلعو فورا لعند عمي الكبير مؤيد كونو ساكن لحالو مزوج كل ولادو ومطلق مرتو...
بعد يومين اجا محمد مع مرتو وبطنا اداما وفي صبي صغير معا قالو جايين بزيارة لفتره ببيت عمي المطلق بالطابق التالت...
وبالفعل ضلو ونامو عندو
ونادالنا عمي طلعنا انا واهلي على الفطور ف محمد قال لبابا..
محمد:مبروك نجاح بنتك هلأ فتح التسجيل بالمعاهد ايمتى بدك تسجلا...
بابا: يبارك فيك خلص حاجتا دراسة وصار على وشا ضو ومن هلق عم تنطلب لأحسن وارقا انا مامعي حطلا لمعاهد خمسين وميات وهداك الرقم دوبني معيشون...
محمد: طيب اذا بدك انا بسجلا على حسابي ومابدي ياهن اعتبرون هدية نجاحا....
هون انا انتفضت ولمعو عيوني اتطلعت بمحمد وابتسمت...
أما بابا عبئ وشو واحمر وقلو لمحمد معلش سيد محمد لاتتدخل انا وياها متفقين ودراسة ماعد في..
واتطلع فيني بابا وقلي انزلي عالبيت وعيونو فيون نظرة عصبيه
نزلت عم ابكي والبي رح يوقف بس مو طالع شي بأيدي...
وكل الوقت عم فكر بس بدون جدوى وبلا نتيجه
وبعد بيوم بشوف اهلي منهمكين ومحتارين شو بدون يطبخو وكأن جايينا شي ضيف مهم..
ما اخدت وعطيت بس اندق الباب لقيت ابن خال امي(سعيد) فتحتلو وفات عم يبتسم
قعدنا تغدينا وحكينا وتعشينا وسهرنا وتأخر الوقت وبلشت اتاوب وهو عنا...
فسألت امي ايمتى هاد بدو يروح قالتلي زاير عنا كم يوم ..
قلتلا خير انشالله ورحت نمت...
تاني يوم قالتلي امي ضبي البيت وليفي البراد ونضفي منيح... وهنن دخلو جوا عم يتناقشو ويحكو بشي موضوع
ف فات ابي لعندي على لمطبخ قلي بابا شو رأيك بفلان (عن ابن خال امي)قلتلو شبو قال حباب مو قلتلو اي ماشي حالو قلي بابا رح نكتب كتابك عليه وهلأ كنا عم نقرا الفاتحه..
قلتلو انو فاتحه على هاد يلي اد جدي انا14 وهو53 انا مابدي يا ليش ما سألتوني فكان رد بابا انو انتي صغيره ومادخلك نحنا ادرا بمصلحتك..ويا بابا هاد عندو شركة سيارات بألمانيا بوكرا بعيشك ملكه وبتطالعينا لعندك لك بابا اناتعبت كتير منشانكون حاجتي حقي تريحوني شوي..
بالنسبة الي كانت عيوني عم يقدحو شرار وماني عم سدء شي وبالعتا غصب عني...
نزلت لعنا مرت عمي الصغير (نجوى)قلتلا سمعي منشان الله قال بدون يزوجوني لهاد الختيار المهرتك قرايبك لانو كمان هيه بتكون مرت عمي وبنفس الوقت اخت امي يعني أخوات وسلايف قالتلي بكونو عم يمزحو هاد كبير ونحنا عم نحكي انا وياها بالمطبخ فات بابا زورني وزورا وقلي اذا بدي اسمع كلمه بدي هر سنانك وماحدا دخلواتطلعت على امي..
أمي كانت فرحانة فرح كأنو استلمت الرئاسة
ماعم تتحكا وكانو عنجد صارت هيه يلي بألمانيا وصاحبة أموال ونفوذ
عشت حياة الله بيعلم شو هيه...
وصرت اتذكر امي وقت امتحاني بالتاسع كيف تجن لما تلاقي الكتاب بأيدي وتعلم بابا يضربني لاني مو ضابه البيت...
طلعنا عالغدا لبيت عمي وانا غاصه والدمعه بعيني
سألني محمد شبك ما استرجيت احكي..ف اطلع فيون محمد وكلون سكتو وماحكو اكلنا وانا نزلت
طبعا بعد ما نزلت لحقتني مرتو تسأل شبني وقالتلي محمد بعتني اسألك شوفي وافهم شو صاير
حكيتلا كلشي
بس طبعا محمد بيعرف انو مافي مجال يتدخل نهائي..
بعد بيوم بيندق الباب وكونو نحنا ساكنين بالأرضي ف نحنا يلي منفتح..
فتحت الباب وإذ بمحمد وحامل خبز اتطلع لورايي شاف مافي حدا زتلي ورقه صغيره..
سكرت الباب واخدت الورقه فورا...
لقيت مكتوب عليها اليوم ع الأكيد انا يلي رح اعزم اهلك لفوق ع الفطور بتطلعي بتلاقي موبايل تحت البراد ببيت عمك بالمطبخ بتاخدي بتخبي بتخفي اوعك حدا يشوفو
طبعا الدنيه رمضان طلعنا كلنا لفوق وصار متل ما قلي محمد ..
ولقيت الموبايل واخدتو
صار محمد يدقلي بآخر الليل وحكيتلو كلشي وإني مخنوقة وخدامه بالبيت وقلتلو مشان الله بس ساعدني كفي دراستي..
كنت بعرف انو محمد صار الو كلمه عنا بالبيت كونو عم يصرف ويتبهنك عالكل ف ماحدا رح يرفضلو طلب..
طلعنا رجعنا ع السحور طبعا محمد ومرتو كل الوقت خناء ونقار وبيضلو يحكو على بعض ادام الكل..
هو بينتقدا وهيه بتنتقدو وصار يقول عم حسا متل اختي وهيه تقول والله وانت متل أخي ليش من ايمتى مافي شي بيني وبينك حتى يلي ببطني غلطه...
هاد الحكي كان ادامنا كلنا وطبعا انا ك سن وك عمر مابفكر أو باخد بهيك حكي بس دائما قول بقلبي هدول مو متزوجين طيب يالله محمد كتير منيح وحنون كيف هيك بيحكو هو ومرتو..
فتنا على المطبخ عم نجلي فسألتا لا مرتو(حنان) كيف هيك بتحكو على بعض..
ونحنا منضل عالم غربا فقالتلي صح هاد جوزي بس صرت عم حسو متل أخي وحتى بيطلع مع رفقاتو البنات ادامي وعادي كتير نحنا عايشين مع بعض هيك رفع عتب مافي محبه فيكي تقولي أخوه فيكي تقولي رفقه يلي هو..
سألتا طب ماتزوجتو عن حب قالتلي مبلا بس الحب بروح وبتصفى المصلحه...
كانت مرا كتير غريبه وغامضة بالنسبة الي
وحتى انو استهتارا مابيعجبني..
خلصنا جلي وطلعنا من المطبخ ع ديار ف سأل محمد شو مشاريعكون بعد رمضان على العيد كل عام وانتو بخير..
ف جاوبت امي والفرحة بعيونا انو بدنا نطلع على حماة لعند الأهل لبيت خالا مشان موضوعي انا وابن خالها ليقررو زواجي...
انا اتطلعت فيا وسمعت
وعملت حالي ماسمعت بس انا من جوا رح انفجر البي كان عم يتمزق على البطيئ ماحد بيحسن يتخيل الشعور يلي حسيتو...كنت مربطه وخايفه كان حلمي كمل دراسه متل كل البنات لك حتى انا مابفهم شو زواج وشو يقرب منك شخص وفوقها عمرو(53)سنه وانا(14)هي كانت جريمه بنسبه ألي...
نزلنا عالبيت وانا ولامبين عليي اي شي..
بس حاطه ببالي فكرة انو بهج بهروب بموت بنتحر ولايصير متل ما بدون..
وطبعا قبل ما نوصل لهون العيله كلا كان عندا خبر بالعريس الختيار يلي جابتلي ياه أمي وابي طاير عقلو في...
بس بابا حط حد للكل انو ماحدا يفتح تمو وبيتدخل بحياتي وانو هوه الأمر الناهي بالبيت...
وطبعا مابخفي عنكون بهي الفتره ماكان حدا يجبلي شي ويحن عليي ويسأل انا شبني غير محمد...
ف تعلقت في وصار بالنسبة الي القشه يلي ممكن اتعلق فيا وتساعدني لأتحرر من كلشي قيود فرضت عليي من قبل أهلي...
*يـــــــــ͢ـོ͓ـــتبــــــــــــــོـ͓ـــ͢ــ؏*
➖➖➖➖➖➖➖➖➖
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h```