الفصل 6
*قـصـص وروايـات عـالـمـيـة💙📚📖*
*بإدارة* *يـامـن💙*
*❴📖❵↵* *أحببت.مسلمة.tt* 🧕🏻🤍. *. الموسم الثاني*
*❴🔢❵☟الـــبـــــــــــ❴2️⃣1️⃣+3️⃣1️⃣❵ــــــــــــارت☟*
➖➖➖➖➖➖➖➖➖
*
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h```
➖➖➖➖➖➖➖➖➖
الموسم الثاني
فورا بعتلو العنوان وطار بسيارتو وصل علمشفى ونزل بسرعة دخل لجوا وشاف مراد واقف مع دكتور
سراج:كيفو
الدكتور:منيح كان عم يجبر حالو مايشرب وبتعرف الادمان صعب ومستحيل يقدر لهيك تعب وبرجع بقلكن خليه يروح ع مصح خاص لهل شي لان العلاج بلبيت نسبتو قليلة كتير وانتبهو عليه
سراج:شكرا دكتور
راح ومراد واقف وهوي مزعوج
مراد:ليش ماراح ع مشفى خاصة لهل شي
سراج:قال مابدو يبعد عن عائشة ويخوفا
مراد:ازا بدو يطيب بسرعة لازم يبعد عنا ..وانت شو قلتلو
سراج:ماسمع مني خلص رح حاكي الدكتور يخليه يتعالج وغصب عنو
مراد:منيح
سراج:..بدي اسالك كيف مات الامير
مراد بتنهيدة:طعنة سكين
سراج:ممم
مراد:سالي عرفت بهل شي
سراج:مابعرف بس اكيد لانها راحت علفيلا رح يقلولا
مراد:دير بالك عحالك وعليها. انا لازم روح
سراج:ماشي وانا رايح جيب اكل علبيت عائش ما اكلت
ابتسملو مراد ومشيو كل واحد عسيارتو وراحو فيها
ــــٓــــــٓــــــٓــ.
كانت ماشية وهي بتفكر وجنيا يزن بيمشي
يزن:مابعرف شو بحكيلك بس خلص انتي حاولي تنسي وتكفي حياتك كلنا رح نموت
سالي بحزن:بعرف بس بحياتي مافكرتو يبعد عني
يزن:طولي بالك
وصلو جنب البيت وهي وقفت ومسحت دموعا
سالي:اكيد سراج هلق بكون بلبيت رح ينبسط بشوفتك
يزن :انا بقول مانا زابطة اني فوت.. ليكي بكرا بشوفو شو رايك
سالي:لك فوت سدقني رح ينبسط
يزن:لا ..بكرا بشوفو هلق تاخرت عشغلي
راح يمشي وهي بتطلع فيه ودخلت لجوا من بعيد كان براقب كلشي عم يصير وعينو علشب يلي ماقدر يشوفو
سراج بهمس:مين هاد وليش واقف مع سالي.. معقول عندا رفقات شباب
دخل وهوي ماسك كياس وعم يفكر بموضوعا
سراج:سااالي وينك
سالي:اي اخي شوفي
سراج بهدوء:جبت هدول حطي لعائشة وتصرفي فيهن كلشي صار موجود
سالي:تمام. مابتاكل معنا
هز راسو بلنفي وطلع وهوي بفكر اخد نظرة حولين البيت وعلشارع ماكان في حدا. مشي وهوي بفكر ومو حاسس عحالو لوصل قدام جامع دخل وصلى ركعتين وطلع يمشي
سراج:انا بمكان ماعاد اعرف اتصرف.. سالي ومحمد وعائشة ومراد وسيف.. كلن لازم اتصرف معن مراد وسكوتو وكزبو عليي يلي كاشفو وماعم يعترف.. وسيف وطيبتو يلي. نخلقت فجأة ومحمد وارضو يلي رح تجنني وعائش
لا ارادي ابتسم وهوي بفكر فيها
سراج بابتسامة:عائش بخليا للاخير.. داما مرتاحة وعم تتحسن خليني خلص مشاكلي وبعدين بلتفت عليها بكل راحة ااااه ياعائش
ضل ماشي بلشارع لوقف قدام بيت كبير فكر شوي وفات
-شو بدك
سراج:السيد جوزيف موجود
-اي ستنئ لحاكيه ازا فاضي
سراج:اوكي قلو سراج الامير بدو يشوفك
راح الحارس وسراج مبتسم وهوي بفكر لرجع الحارس لعندو
-امشي
مشيو لجوا لوصل علصالة وشاف جوزيف جاي يمشي باتجاهو
جوزيف بابتسامة:اهلا نورت
سراج:السلام عليكم
جوزيف باستغراب:اهلين تفضل
سلم عليه وقعدو وجوزيف بيطلع بسراج المبتسم
سراج:كيفك
جوزيف:تمام ..شبك مبتسم
سراج بضحكة:ولا شي ..ڪنت ماشي وماشفت حالي الا قدام بيتك قلت بسلم عليك
جوزيف:اي منيح تزكرت عندك خال
سراج:هههه
جوزيف:سمعت خبر وفاتو لامير.. كيف صار هلشي
سراج:..مابعرف
جوزيف:كيفا سالي
سراج:منيحة
سكتو لتجي خدامة وتضيفن قهوة
سراج:الله يجزيكي الخير
استغرب جوزيف من كلامو وسراج بيشرب قهوتو بصمت
جوزيف:شو هاد
سراج:شو
جوزيف باستغراب:شو هي السلام عليكم والله يجزيكي الخير.. من ايمتا بتحكي هييك
سراج:من زمان ليش
جوزيف:بظن بس المسلمين بيحكو هيك. صح
سراج: انا اسلمت
جوزيف بدهشة:عنجد.. لييش
سراج بابتسامة:مابعرف.. بسبب وحدة مسلمة جننتني
ابتسم جوزيف وريح قعدتو وسراج بيطلع فيه
جوزيف:ومشانا اسلمت
سراج:اي
جوزيف:اي منيح مبروك
سراج:ممم بدي اسالك
جوزيف:تفضل
سراج:زادك الله من فضله.. انت بحياتك حبيت
سكت جوزيف وسراج براقبو بصمت
جوزيف بتفكير:مافي حدا ماحب.. ليش هلسؤال
سراج بضحكة:ولا شي بدي دورلك ع عروس
جوزيف:هههههه
ضحكو تنيناتن ليجي الحارس ويقرب من جوزيف همسلو بادنو لتتغير ملامح جوزيف ووقف
جوزيف:وهلق هيي برا
-اي سيدي
سراج باستغراب:شوفي مين يلي برا
ركد لبرا وسراج قام وهوي مستغرب طلع ليشوف جوزيف ماشي باتجاه الباب وفي شخص واقف
سراج:مين هي
تقدم وهوي شايف جوزيف بيحكي معا. قرب منن لوصل ورا جوزيف
سراج:شو صار
التفت عليه ليشوف المرا يلي واقفة وهي منقبة ولابسة لباس شرعي
جوزيف:هلق بجي فوت لجوا
اخد نظرة علمرا يلي بدورا بتطلع فيه
جوزيف:كلشي عملتو مشان تجي لهون وبحاول صلح يلي نكسر ماقصدي ازعجك
-..
اطلع فيهن سراج وعينو علمرا ليمشي. وجوزيف وقف قدامو راح لورا السيارة وهوي بيتسمع عليهن
جوزيف:سدقيني مابدي ضل ازعجك. سامحيني بترجاكي
-بكفي..قصتي معك منتهية وانت يلي نهيتا ..مافيني ضل ارجع والطلاق رح يصير ..ومحاولاتك فاشلة فهمان
جوزيف:ليش هيك عم تعملي
-لان انت بدك هيك
جوزيف:طيب فوتي لنحكي
-مافي حكي بيناتنا..وهاد الشب شو بيقربك
جوزيف:ابن اختي بلتبني
-تمام
لفت وراحت وجوزيف ركد وراها وسراج براقبن بتمعن
سراج بهمس:متاكد اني بعرفا ليش حاسس حالي سمعان هلصوت..بس ويين
اطلع بلمرا يلي مشيت ليرجع جوزيف رجع سراج لورا لوصل علباب واجا يمشي
سراج:مين هي
جوزيف بهدوء:محدا رايح
سراج:اي لازم روح سلام
راح يمشي وهوي بفكر بصوت المرا يلي سامعو منيح لرجع علبيت دخل وهوي شايف الاضوية مطفية شغلن وفات لجوا اطلع بغرفتو. ليتقدم وفتحا شوي شوي دخل وهوي بيطلع علتخت الفاضي ووناسة شاغلة
سراج باستغراب:وينا
-صدق الله العظيم
اطلع عيسارو ليشوفا وقفت شغل الاضوية وهي غمضت عيونا من شدة الضو
عائشة:شوفي
سراج:ليش مانمتي
عائشة:كنت عم صلي ..وينو محمد
سراج بهدوء:محمد رجع علضيعة
عائشة بصدمة:شووو😳ليش
سراج:مشان يجيب شوية غراض وبدو احم.. بدو يبيع من الزرع وهيك
عائشة براحة:اي منيح س غريبة ماقلنا
سراج:خبرني اني وصللكن ويمكن يطول لهيك ماتشغلي بالك
عائشة:.اي...صحي بدي اسالك
سراج بابتسامة خفيفة:تفضلي
عائشة:زادك الله من فضله انا وسالي ليش اجينا علمدينة ومحمد ليش اجا شو صار
سراج:مشان يلي صار معك اخر شي.. حياتك معرضة للخطر وهنن بحاولو يرجعو ياخدوكي لهيك جينا لهون
عائشة:عنجد.. طيب ومحمد مافي خطر عليه
سراج:لا بنوب اسبوع اسبوعين بيرجع
هزت راسا وهي بتفكر بمحمد وسراج براقبا بابتسامة كبيرة انتبهت عليه لتضحك بخجل وهي مو عارفة شو تحكي
سراج بابتسامة:كيف كتفك
عائشة.بخجل:تمام الحمد لله عم يتحسن
قرب وهوي راسم ابتسامة عريضة عشفافو لوقف قداما رجع اديه لورا وعيونو بيلمعو وهي بتراقبو
سراج بابتسامة:بعازة شي جبلك ياه
عائشة:لا مابدي 😊
سراج:ممم طيب
وقف منيح وعائشة بتفرك اديها بتوتر
سراج:هلق انتي نامي وارتاحي تمام
قرب وباسا من راسا. بكل قوتو ولا ارادي ضما عليه
عائشة بتوتر:تص تصبح عخير
سراج بهمس:وانتي من اهلي♥
شد عليها وهي مغمضة عيونا وكان كل الدفى مجتمع بحضنو. رفعت اديها وضمتو وهوي ضحك بفرح
سراج بضحكة:بتخليني نام عندك
عائشة بانزعاج:تركني
دفشتو عنا وهوي فارط من الضحك.
سراج بضحكة:اااه يا عائش ضحكتيني ههههه
عائشة.بخجل:روح نام يلا
سراج بابتسامة:امرك مولاتي
حنى راسو وهوي مبتسم وهيي بتضحك عليه وقف علباب وهوي بيطلع بعيونا سند راسو علباب وسراج براقبا بشوق وحب
عائشة:روح يلا
سراج بلا وعي:شكرا الك
عائشة باستغراب:عشو؟
سراج بحب:شكرا الك. ع يلي عم بطلع عليه
ابتسمت بخجل وهي شايفتو طالع ليسكر الباب وهي مبتسمة
عائشة بهمس:أَنِ الشْكُرْ لِلَّهِ♥
تاني يوم/////
كانت ماشية. وهي مبتسمة لوصلت جنب الجامعة اخدت نظرة عليها وع تيابا وعبايتا وتقدمت دخلت من بين الشباب والبنات والكل عينو عليها
-لعما مو هي سالي الامير
-غريبة ليش لابسة هيك
-هي جنت اكيد
ضلت ماشية وهي مطنشة كلام الكل لوصلت ع مقعد وفي بنت قاعدة عليه
سالي:كيفك عهودي
عهد بابتسامة:اهل..
تلاشت ابتسامتا وهي بتطلع بسالي كيف لابسة فتحت تما وسالي بتضحك
سالي بضحكة:لك شببككك ولو
عهد بصدمة:انتي سالي😳
سالي:لا خيالا 🙂
قربت لعندا وهي بتفتل حوليها وعينا علعباية لوقفت مواجهتا وهيي مو قادرة تستوعب
عهد:كيف وليش وايمتا.. لك لك انتي وه...
سالي:اهدي وقعدي لفهمك
قعدت وهي بتدور بشنتتا لطلعت قرآن زغير استغربت عهد وحط اجر ع اجر
عهد:كناب شو هاد
سالي بابتسامة:القران الكريم
باستو وعهد بتطلع فيها
عهد بتشويش:ماعاد افهم شي لك كيف. هاد مابيقروه الا المسلمين
سالي:صرتي تفهمي🙂
عهد بصدمة:اسلمتيييي😳
بلشت تحكيلا كلشي صار معا ورفيقتا مصعوقة. من كلاما
عهد:ولبسك هاد لك متل الشحادة
سالي بانزعاج:عهد ماتغلطي
عهد:يااا سالي الامير صاحبة اكبر النفوذ والسلطة بنت الاميير ماغيرو اسلمت ماني مسدقة
سالي بابتسامة:انتي لو بتعرفي عن الاسلام متل ماعرفت سدقيني رح تسلمي فورا
عهد:مابهم هلق شو شو جاية تعملي
سالي:اجيت لشوفك
عهد:ممم يعني مابدك ترجعي علجامعة
سالي:اييه مليت منا بدي عيش حياتي ولا كلو دراسة دراسة
عهد:صح كلامك🙂
سالي:انا هلق رح اطلع انتي ايمتا بينتهي دوامك
عهد:مممم ال4 العصر
سالي:لكن اتصلي فيني بس تخلصي بنلتقى تمام حبي
عهد بابتسامة:ماشي عنوني
راحت سالي وكل البنات بيطلعو فيها
-ليكو مين رجع
وقفت وفتلت وراها لتشوف اربع بنات واقفين جنب بعض ووحدة بلنص بتراقبا بمسخرا
سالي:كيفك منى
منى:اهليييين بزميلتي اهلين
قربت وشدتا عليها والبنات براقبو بصمت
منى بضحكة:وين الغيبة سوسو
سالي بابتسامة:بهل دنيا بدك شي
منى:لا يوه شو بدي يعني.. لك صحي سمعت انو ابوكي طلع حرامي وسارق ملكية اخوه كلا صحي هلحكي
سالي باستغراب:شو عم تخبصي
منى بمكر:يابناااات ياشبااااب تعو سمعو اخر اخبار بنت الامير تعو قال ابوها يلي كل عمرا شايفة حالها فيه سمعنا انو ناصب ع اخوه وكل املاكو سرقة
-عنجد هلحكي
-لا مستحيل سدق
-منى شو عم تحكي ازا كزب هلحكي رح تتعاقبي عليه
منى:ياعمي يلي مو مسدق يفتح تلفونو ع اخبار عيلة الامير هه مقتل امير في سجن الشام بعد اكتشاف الحقيقة عن جميع املاكه وسرقته اثبتت التهمة على الامير بجريمة النصب والخيانة وسجنه لمدة 10 سنين بوووم عنوان بجنن
انصدمو كلن وسالي بتطلع بمنى وابتسامة مافارقت وشا عكس يلي بقلبا تماما
منى:هاتي حكيلنا عنجد هلحكي
سالي بابتسامة:اي طبعا هلحكي صح وكلشي قلتيه مافيه غلط بس بدي اسالك سؤال
منى بضحكة:شو
سالي بمكر:انتي ليش عم تراقبي اخبار الامير كل هلقد حاقدة علينا😉
عقدت حواجبا وسالي مبتسمة وهي كتمت قهرا منا
منى:هه مفكرتيني بهتم لهل مسخرا بس شفتو علفيس
سالي بضحكة:هههه فعلا كتييييير كيووت
قربت ومسكت خدودا وهي بتشدن ومنى بعدتا بعصبية
منى بغضب:ماتلمسيني
سالي بضحكة:واو الميك اب صار باديي
مسحت اديها وعينا ع منى يلي رح تموت من غيظا
سالي بابتسامة:لسا رح يكون في خير تاني عن عيلة الامير بتحبي تعرفي شو هوي
منى:..
فتلت عكل الطلاب كيف عم يراقبوها
سالي بصوت عالي:سيداتي سادتي.. في هذا اليوم او في هذه الساعة تم اعلان عن خبر عاجل لعائلة الامير العائلة المرموقة الشهيرة اعلن اليوم ان ابنة الامير وابن الامير يدخلون في دين الاسلام بكل سعادة وسرور بووووووم عنوان بجنن
انصدمو كلن ومن بينن منى وسالي مبتسمة باستفزاز
سالي بابتسامة:ابقي لاقي احسن من هلخبر لتنشريه وصحي
منى:..
سالي بهمس:راقبيني واحترقي بهدوء
مشيت سالي ومنى بتراقبا بغضب والكل بيطلع فيها
-عنجد اسلمو ولا عم تضحك علينا
-ياويلي ماني مسدقة سراج الامير وسالي الامير اسلمو كييف
-ازا عنجد صح هلحكي بكون اكبر صاعقة لكل الناس
منى بهمس:حقيرة
كانت بتمشي وهي بتفكر وملامحا المستفزة تغيرو والحزن باين عوشا
سالي بهمس:مستحيل سدق هلحكي.. معقول. بس سراج ليش ماحكالي
ضلت ماشية وهي بتفكر ودمعة حزن بطرف عينا
-سالي
اطلعت وراها لتشوف يزن جاي باتجاها ولابس طاقية وحاطط اديه بجيبو
سالي:اهلين يزن
يزن:كيفك شو عم تعملي
سالي:ولا شي كنت عم شوف رفيقتي بلجامعة واجيت
يزن:اي منيح بتفطري معي
سالي بابتسامة مزيفة:لا مافيني فطرت الصبح بدي روح عندي شغل كتير
راحت ويزن براقبا بهدوء
ــــٓــــــٓــــــٓــ.
دخلت علغرفة وهي شايفتو بسابع نومة تنهدت بصمت وعينا عليه كيف نايم برات الفرشة ووشو علمخدة واجريه رافعن لفوق قربت لعندو وهي بتنكشو بطرف اصبعتا
عائشة:سراج.. سراج فيق.. سراااج
سراج بانزعاج:لك شوفييي
قلب عضهرو وحط المخدة عوشو ونام
عائشة:ياربي كيف فيه ينام هيك. لك سراج فيق صارت 10 الصبح
سراج بنعس:يلا شوي وبفيق
عائشة:قوووم بكفي نووم
فتح عينو وهوي بيطلع فيها ولا ارادي ابتسم
سراج:صباحوو عائش
عائشة بضحكة:يسعد صباحك قوم يلا
سراج:هئ تركيني شوي وبقوم
حط الشرشف عليه وعائشة بتضحك كيف بيتصرف
عائشة:انا جوعانة وناطرتك تفيق لنفطر سوا
فورا قعد بمكانو وشعرو منكوش وعائشة فرطت من الضحك
سراج:عنجد
عائشة:هههههههه اااه بطني
عقـ حواجبو ورجع تسطح وغمض
عائشة:ههه قوم خلص لازم تصلي الضحى
سراج:قمت قمت
قعد وهوي بيفرك عيونو وعائشة وقفت
عائشة:رايحة جهزلك الاكل غسل وتعا
سراج بابتسامة:امرك مولاتي
طلعت وهوي براقبا لضم المخدة وعينو علباب
سراج بابتسامة:إنّي رُزقت حُبّها♥
قام بسرعة غسل وشو. وتوضى وصلى الضحى وطلع وشعرو منكوش وحتى مامشطو شافا واقفة علمجلى بتحط فطور لقرب وقعد علمجلى وهوي براقبا
سراج:شو بدك تفطريني
عائشة:في جبنة وزيت وزعتر ومربى وحلاوة و ..
سراج:انتي الحلاوة سدقيني
خجلت منو وسكتت وهي بتحط الشاي علطاولة
عائشة:تعا
قام وقعد علكرسي وقرب منو كرسي بمعنى قعدي جنبي قعدت وهي خجلانة وبلش ياكل
سراج:من ايمتا الحلاوة طيبة هيك
عائشة:هيي طيبة من زمان
سراج وهوي بياكل:لا مابظن اليوم صارت احلى
عائشة باستغراب:ليش شو السبب
سراج:لانك حطيتيا
عضت عشفتا بخجل وهوي بياكل ومبتسم
عائشة:بسم الله
اطلع فيها وهي بلشت تاكل ليتزكر انو ماسمى
سراج بهمس:بسم الله
عائشة بابتسامة:عن اوله واخره
ابتسم وكفو فطورن سوا
ــــٓــــــٓــــــٓــ.
كان متخفي وهوي بيطلع بلمخزن وحوليه اكتر من شخص متخفين اشرلن وهوي راح ركد ورا الكراتين وسمع صوت بكى سكت وهوي بحاول يعرف مصدرو ضل ماشي لوقف وهوي سامع صوات غريبة
-بسرعة جيبا وطلعن
-لك سبتي ياكلبة
-مااابدييييي ماماااااااا
-خدرا هلحيوانة
رفع نظرو وهوي شايف بنت بعمر ال14 عم يحاولو يسطحوها عتخت وجنبا شي خمس بنات ضربوها ابرا بعد معاناة والزلمتين مسكو مشرط وجرحولا بطنا ببرودة اعصاب كز عسنانو بعصبية ليقوصن بسرعة وطلع
مراد وهوي بيحكي عل لاسلكي:هجمو بسرعة
دخلو رجالو وبلش القواص ومراد شد علبنت قماشة وحملا
مراد بعصبية:جيبو كل البنات بسرعة
طلع لبرا وحطا بسيارتو وطار فيها علمشفى. اخدوها وهوي واقف ومسك تلفونو
مراد:فتشو المنطقى شبر شبر.. ضل حدا عايش منن...جيب البنات علفرع جاييكن
سكر وطلع بسرعة والعقدة بين عيونو
ــــٓــــــٓــــــٓــ.
كان عم يمشط شعرو لتدخل عائشة وهي ماسكة بايدا جرة زغيري انتبه عليها وابتسم
سراج:شبك
عائشة بخجل:جبتلك هي
اطلع بلجرة وقرب عليها
سراج:شو هي
عائشة:هاد عطر من الورد بنساويه بلضيعة وعندي جرة زغيري. قلت بعطيك ياها لتحط منا ريحتا بتجنن
سراج بابتسامة:هاتي لشوف
اخدا وفتح الجرة وحطا ع انفو
سراج:واااو فعلا بتجنن
رش عليه منا وهوي بيطلع فيها فتلا عليه ورش عليها
عائشة:لاا مابحط عطر انا
سراج بابتسامة:مبلا هاد الي والك كل مابحط منو بدي حطلك
عائشة:ليش
سراج بحب:مشان ضل شم ريحتي عليكي واعرف انك الي للابد
خجلت منو وهوي بيضحك عليها
سراج:دخيلو الخجول يلا انا لازم اطلع وخلص كم شغلة اليوم بدي بلش اشتغل واعتمد عحالي
عائشة بفرح:عنجد
سراج:اي ان شاء الله
رفعت اديها وهي بتدعيلو وسراج براقبا
عائشة :اللَّهم إنِّي أسألك باسم الأعظم، ووجهك الكريم، أن ترزقه من حيث لا يحتسب، وتصبَّ عليه الرزق صبَّاً
ابتسم عكلاما وقرب ضما بكل حب وشوق
سراج:بحبك بجنون عائش♥
عائشة بخجل:يلا روح
ضل ضاما خمس دقايق وهوي حاسس بشعور غريب وحلو ليبوسا من خدا بكل قوتو
عائشة:سرااج
اطلع فيها وهوي ماسكا وعيونو بعيونا
عائشة بابتسامة:يلا روح
سراج بحب:بحبك
خجلت وهوي براقبا لقرصا من خدا بشقاوة
سراج:قليلي بحبك وبروح
عائشة بتوتر:خلص بقا روح رح تتاخر
سراج بابتسامة:انا قلتلك رايح دور شغل يعني ماني متاخر عشي ولسا الساعة 12 عندي نهار كامل. يلا
عائشة بخجل:مشان الله ماتحرجني وروح. خلص بقا
سراج بضحكة:قليلي بحبك ووعد اني رح روح
عائشة:سرااج خلص
سراج:والله مابروح لتقليلي بحبك
اطلعت فيه لتتنهد بصمت وهوي بيضحك عليها
سراج:ههه يلا
اطلعت بعيونو ليشرد فيها وبنظراتا وعائشة صفنت بوشو
عائشة بلا وعي:انا
سراج بهمس:اي
عائشة:ب
سراج:بسرعة
سكتت وهوي ناطرا تحكي بلهفة وضحكتو عتمو
عائشة بهمس:بحبك
دق قلبو بسرعة كبيرة وهي خجلت وبعدتو عنا
عائشة:خلص روح
سراج بلا وعي:عيديها مرا تانية
عائشة بخجل:لا روح يلااا
دفشتو باتجاه الباب وهوي براقبا بحب
سراج بعشق:بموت فيكي عائش
عائشة:مجنوون
سكرت باب الغرفة وهي حاطة ايدا عتما بخجل
سراج بصوت عالي:سكري الباب المسا بشوفك مجنونتي
عائشة بخجل:لك رووح 😊
سراج بحب:رايح
طلع وهوي مبتسم ومو عاطي فرحتو لحدا مشي بلشارع وعينو علناس وابتسامة كبيرة. عتمو
-بحبك
سراح بصوت عالي:وانااااااااااا بحبكككككككككك عاااااائششش
صرخ بكل قوتو وعائشة بلبيت بتضحك عليه ركد بلشارع وهوي بيضحك من قلبو لدق تلفونو ورد بسرعة ببدون مايشوف
سراج بضحكة:اهلين مراد
مراد باستغراب:لسا هلق اتصلت عليك بهل سرعة رديت وكيف عرفتني مابتلحق تق..
سراج بضحكة:مراااااد هليوم احلا يوم بحياتتيي كلااااا
مراد:ليش شوفي
سراج:هيك بدون سبب
مراد:شكلك جانن. عجب ماعم تجي لعندي ولا ملتهي مع مسلمتك
سراج بضحكة:دخيل ربا انا.. اليوم ع اساس روح دور عشغل ماعاااد بدي طز بلشغل رايح علسوق بتروح معي
مراد:لا ماعبالي
سراج:لكن طير.
سكر وهوي ماشي ومبتسم ضل ماشي لوصل ع وجهتو ودخل عمحل كبييير كلو البسة وفساتين اطلع وهوي بفكر وصورة عائشة براسو
-تفضل بشو اخدر اخدمك
سراج بابتسامة:بدي فستان يكون طويل وبلون حلو مميز
-في قسم خاص بل فساتين لطوال تفضل معي
مشي وهوي بيطلع لوقفت البنت وهوي بيطلع
-هون بتلاقي طلبك
سراج:ممم
اطلع فيهن واحد واحد. لعقد حواجبو وهز راسو بلنفي
سراج:مو هاد طلبي
-طيب لمين بدك تشتريه لاختك مرتك حبيبتك
سراج:لمرتي وحبيبتي يعني بدي شي يكون هيك شوي يعني مابفصل الجسم بكون مريح وبسيط
-قصدك بيتوتي
سراج:لك مو بيتوتي
اطلع فيهن وطلع لبرا وهوي بيتفرج
سراج:هداك جيبيه
-الزيتي ولا الازرق
سراج:لا هاد ولا هاد الزهري
نزلتلو فستان طويل للارض مع كاب قصير نص كم وكلو فراشات مرسومة عليهن وشكلو بجنن
سراج:ضيبيلي هاد
-تكرم عينك
راحت وهوي بيطلع بلتياب لوصل قدام كنزتين وحدة سودة ووحدة سمنية وعليها رسمة. كرتونية صفن فيها وسحبن لتنين ومشي
سراج:وهدول
-طيب
ضبتلو ياهن وحاسبا وطلع اطلع بلشارع ومشي وهوي بيطلع بلمحلات دخل عمحل وبعد ساعة طلع وهوي مبتسم وماسك بايدو علبة كبيرة مزينة بطريقة ببتجنن وعليها ورود دق تلفونو ليحملو ووقف
سراج:الو
مجد:كيفك
سراج:مجددد لك ويين كنت مختفي ليش مابترد عليي
مجد:ازا فيك تجي لعندي تعا في موضوع مهم
سراج:الساعة 3 هلق.عل خمسة بكون عندك
مجد:ناطرك
سكر ووقف تكسي وراح علبيت بسرعة فتح بلمفتاح وهوي سامع صوت القرآن ابتسم براحة وفات لجوا راح بوشو عغرفتو وسكر الباب
سراج:بحطن بخزانتي وبعدين بهديا ياهن
خباهن وطلع وهوي شامم ريحة بلبيت وصل علمطبخ وشافا واقفة جنب الغاز وعم تطبخ لا ارادي توسعت ابتسامتو وهي مو منتبهة عليه قرب عمهلو وضما وهي دفشتو بكل قوتا ليتراجع سراج ويخبط بلبراد😹
عائشة ببخوف:ميين
اطلعت لتشوف سراج مصدوم بضربتا
عائشة بتوتر:سرااج شو جابك ليش ماحكيت
سراج:...
عايشة بقلق:انت منيح
اطلع بلبراد ووقام وهوي ماسك ايدو وبحاول يخفي وجعو
سراج:منوين تعلمتيا 😳
عائشة بتوتر:يعني ماصابك شي
سراج:لا عسلامتك ماصار شي ببس كسرتيني
مسح ايدو بوجع وهي بتطلع فيه بلبكة
عائشة:اسفة والله ماقصدي فرجيني ايدك
قربت ورفعت كم كنزتو لتشوف ايدو حمرة من الضربة
عائشة باحراج:ماصرلا شي منيحة منيحة😅 كلو من زينب علمتني هي الحركة اسفة والله
سراج:مجنونة
نزل كمو وهوي براقبا بطرف عينو سحبا عليه وحط اديه لتنين عخصرا
سراج بحب:مشتقلك
عائشة بخجل:عم ساوي غدا سالي طلعت ولساعتك ما اكلت صح
سراج بابتسامة:صح
عائشة:لكن بعد عني خليني خلص
سراج:هئ
حطت اديها ع اديه وهي بتراقبو بابتسامة
عائشة:بعد اديك
مسكت اديه لتنين وهوي تخدر من لمستا وبعد
عائشة:بحطلك تاكل
سراج بلا وعي:ياريت
فتلت علطبخة وبلشت تسكبلو وهوي براقبا
سراح بقلبو:هي البنت رح تجنني.. هي من شو مصنوعة مستحيييل هل انسانة طبيعية.. ياربي فيا شي ..شي غرييب بس شوو
ضل براقبا كيف رايحة جاية وهوي قاعد علكرسي شارد بوشا
عائشة:تفضل كول
سراج:..
عائشة باستغراب:سرااج
سراج فاق من شرودو:ها اي شوفي
عائشة بضحكة:كول وعطيني رايك
مسك الملعقة وبلش ياكل رز وجنبو سلطة وشاكرية
عائشة:شو طيبة
سراج بحب:اي كتيير بجننو لسا هي شو هي بتجنن
عائشة:هي شاكرية في مواد ناقصين بس مشي حالا صح
سراج:اي كتير طيبة تعي قعدي معي
عائشة:ماني مشتهية اكل بس تجي سالي بناكل سوا
سراج:هل لقمة بس
طعماها وهوي مبتسم ليرجع ياكل وهي بتراقبو
عائشة بقلبا:الف الحمد لله هي اكبر نعمة اني مع الشخص يلي بحبو وبحبني ..بس مابعرف ليش حاسة في حاجز كبير بيناتنا..ليش احساسي ب انو رح يتركني ملازمني.. ياربي. بس خليه يضل جنبي ومعي ومابدي شي
سراج:الحمد لله انا رايح
عائشة:ادامك الله من الحامدين الشاكرين ..صحي شو صار بلشغل لقيت؟
سراج:لا مادورت ولا سالت كان عندي شغل مهم ورحت ساويه 😅
عائشة:ايوا يلا علخير لكن ..انتبه عحالك
سراج بحب:انتي ضلي منيحة وانا منيح
باسا من خدا وطلع وهي بتضحك بخجل
عائشة:الله يحفظك ويحميك
ــــٓــــــٓــــــٓــ.
وصل عبيت مجد ودق الباب لينفتح بسرعة
مجد بهدوء:تفضل
فات وسكر الباب. وقعدو واللابتوب علطاولة
مجد:مراد
سراج:شبو
مجد:مراد مخلص سيف من خمس قضايا بشيرو ع انو القاتل وماسكلو بضاعتين باسمو والموضوع تسكر بصمت
سراج بغضب مكتوم:لييش
مجد:مابتعرف ليش يعني
سراج:لازم حاكيه.. كيف بيقدر يكزب عليي ويخبي ويحميه هيك
مجد:مابعرف حتى انا نصدمت
سراج:عندك اسبات لهل موضوع
مجد:الملفات كلن عندي
سراج:منيح ..للحظة حسيت حالي ظالم سيف بس طلع حقير كزاب بس شو غايتو
مجد:مابعرف..انتبه منن سراج انت داخل بلعبة كبيرة ومابتعرف مين الشرير فيهن
سراج بهدوء:لا تخاف...انا رجعت حقو لسيف لاني حسيتو انظلم.. بس طلع كزاب.. مو مشكلة كلشي رح يبان والحقيقة رح تنكشف مجد بتساعدني
مجد:دائما
سراج:جهز حالك. *يـــــــــ͢ـོ͓ـــتبــــــــــــــོـ͓ـــ͢ــ؏*
➖➖➖➖➖➖➖➖➖
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h```