الفصل 2
*قـصـص وروايـات عـالـمـيـة💙📚📖*
*بإدارة* *يـامـن💙*
*❴📖❵↵* *أحببت.مسلمة.tt* 🧕🏻🤍. *الموسم الثاني*
*❴🔢❵☟الـــبـــــــــــ❴3️⃣+4️⃣❵ــــــــــــارت☟*
➖➖➖➖➖➖➖➖➖
*
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h```
➖➖➖➖➖➖➖➖➖
الموسم الثاني
عائشة:شبك
زينب:ملييت من القعدة وينو ابي
عائشة:اكيد راح عل اراضي مع الزلم
زينب:لك صحي اخوكي محمد وينو عجب ماشفتو من اجينا
عائشة وهي قايمة:علحدود محمد بس يجونا بنات بروح هنيك مابيجي
زينب باستغراب:ليش بس نحنا بنات عمو عادي
عائشة: مابعرف هوي هيك طبعو
زينب:ممم طيب خالتك رفيف ما اجت
عائشة:لا
زينب:وبعديين بدي اطلع برا ☹️
عائشة:قولي لامك خليها تاخدكن مشوار
زينب:عوين دخيلك مافي اماكن بتسلي ..صحي
عائشة وهي بتشلح الحجاب:شو
زينب:حكيلي عن هداك المسيحي
تغيرو ملامح وشا لتسكت وزينب بتطلع فيها
زينب بترجي:بترجااااكي حكيلي طيب هنن كيف بعاملو الناس بيختلفو عنا بشو حكيلي
عائشة بتفكير:بكلشي نحنا شي وهنن شي تاني
زينب:كيف يعني
عائشة:يعني كل شخص والو حياتو وعاداتو ومابعرف الله يهديهن
زينب:بلمدينة يلي كنا فيها بحياتي ماشفت غير المسلمين لهيك عم اسالك بدي طور زاتي 😁
عائشة:تلفونك بايدك طوري زاتك عليه فيه كلشي
زينب:لك صحي انتي ليش ماعندك تلفون
عائشة بملل:لاني مابحبو. كان عند محمد واحد بضل اخدو وانكسر وعفكرة مللتيني قومي نعمل شي شغلة
زينب:لك شو نعمل ولو
عائشة بتفكير:امي نايمة وامك طلعت ومافي غيرنا هون ...ممم خلينا ننضف البيت
زينب:🙂🙂
عائشة:شبك. 😑
زينب:انا ماسدقت ايمتا صارت عطلة واجينا لهون لريح راسي من الدراسة بدك تشغليني قومي نلعب😒
عائشة:ههههه مجنونة
طلعو لبرا وزينب شلحت الكنزة لطويلة تبعا وزتت الحجاب وضلت بلشلحة
زينب:رح علمك الفنون القتالية
عملت حركة بايدا بشكل سريع وعائشة صافنة فيها بصدمة
عائشة:انا بدي اتعلم هي الحركة
قلدتا بطريقة بتضحك لتفرط زينب من الضحك وعائشة بتضحك عليها
زينب:اخ بطني😹😹شكلك بموت ضحك رح علمك شوية حركات بلكي شي يوم حدا هجم عليكي بتكوني تقدري تدافعي عن حالك
عائشة:هاتي نورينا
ــــٓــــــٓــــــٓــــــٓــ.
كان بيطلع وراه ليكون حدا لاحقو خبا وشو منيح وركد بسرعة علضيعة التانية لوصل عطرف الضيعة وشاف فراس ناطرو
عبود:فراس
فراس:في خطة ببالي وبدي مساعدتك
عبود:شو بستفيد ليكا رجعت اختو لمحمد وكان شيئا لم يكن
فراس بضحكة:وهلق رح نخلص منها
عبود:ممم وشو المقابل
فراس وهوي بشغل سيكارة:الارض تبعنا يلي باسم محمد ..رح نرجعا النا
عبود:بدي المقابل مابهمني شو بدك تعمل
فراس:اطلب يلي بدك ياه وكلشي مجاب الك
عبود بمكر:اححاا 😈
ضحك عليه باستهزاء وعبود بفكر وبخطط
عبود:بدي عشر ملايين كاملين
فراس بعدم اهتمام:الك هلطلب لكن بدك تسمع طلبي
عبود بابتسامة جانبية:اامر
فراس:اختو لمحمد بـدي ياها باي طريقة ممكنة
عبود بتفكير:اختو. بس هيي مابتطلع. من بيتا بنوب
فراس:لازم تطلع باي طريقة متل ماعملت بهديك المسيحية اتصرف بهي
عبو:مابظن المسيحية متل اختو لمحمد هي زكية كتير وكل الناس بتحكي فيها وبحشمتا وطلعة مابتطلع
فراس بعصبية:بدك تتصرف بهل موضوع وبدي ياها ضل راقبا وشوفا ايمتا بتطلع
عبود بقلبو:محمد عرف بيلي عملتو من قبل وماتركني لموتني من الضرب لازم جيب مصاري لسافر من هلضيعة الجربانة واتركها وفراس يلي رح يساعدني واختو لهل كلب محمد بتصرف معا
فراس:شو قلت
عبود:موافق
ــــٓــــــٓــــــٓــــــٓــــــٓــ.
سراج:خلص بدي هي وانتو حملوهن علبيت وبدي كلشي يكون جاهز
-تمام يلا بلشو
حملو الغرف والكنبايات عسيارة وراحو وسراج قدامن ماشي وصلو عبيت سراج لجديد ونزل فتح الباب وبلشو نقل
سراج:التخت بهي الغرفة ..هي هنيك ...لك مو هيك
زبطو تركيب كل الغرفة الفخمة بلون. اسود وكنبة عطرفو وكل الغراض بمحلن طلعو الشباب بعد ماحاسبن ووقف وعينو علحيط راح عغرفة تانية وجاب الصورة وبلش يعلقا خلص ووقف وهوي بيطلع بلصورة وعينو ع ضحكة عائشة
سراج بقلبو:عم اشتقلك...بكل ثانية وبكل لحظة ..رح ننهي كلشي ورح رجعك لعندي رح نعيش سوا
سكر غرفتو منيح وطلع لاقا مراد داخل وهوي بيطلع علبيت
مراد:بلشت تزبيط
سراج بهدوء:اي رايح جيب وحدي من الخدم من الفيلا وبتفق معا بتجي تنضف يوميا وبجيب كم غرض
مراد:...
سراج:شبك
مراد:مافي شي رح روح
هز براسو وطلع لبرا علفيلا وصل وفورا نادة لساندرا اجت ركد ووقفت قدامو
ساندرا:تفضل سيد سراج بدك شي
سراج:من اليوم رح تروحي يوميا عبيتي يلي شتريتو رح بلش فيه شغل وانتي تنضفيه تمام
ساندرا:حاضر
سراج:رح اعطيكي العنوان هلق لاني ماني فاضي وروحي
عطاها العنوان وطلع لبرا بوشو علسوق وهوي بيشتري غراض
تاني يوم/////
شرب كاسة العصير وطلع ومراد كمل فطورو
مراد بصوت عالي:جهزت البيت
سراج:قربت خلص
سكر الباب وراح عبيتو يلي بصير جنب بيت مراد فتح الباب ودخل عغرفتو شافا بتلمع اطلع عصورة بللون الاسود معلقة جنب الباب وحروف كبار S. A. كل واحد عطرف جنب صورة سراج وعائشة اطلع بلتخت يلي لون فرشو ابيض. وشاشة كبيرة اتنهد بصمت ليدخل علحمام اخد شور سريع وطلع لبس بنطلون جينز وقميص اسود وطاقية وجاكيت حط اديه بجيابو وطلع يمشي دق تلفونو ليشوف المتصل ووقف
سراج:الو...وين راح...خليك بمكانك جاي
سكر واسرع بلمشي. ضل ربع ساعة يمشي لوقف جنب شب وهوي بحاول مايبين حالو عم يحكيه
سراج:وينو
-بهاد البيت يلي قدامك
سراج وهوي بشغل سيكارة:تمام روح رح اتصرف
راح الشب وسراج قعد علرصيف وعينو عبيت حاتم انتبهلو وهوي طالع متخفي وراح يركد استناه لبعد عنو وراح دق الباب وهوي بخبي وشو
-ميين
سراج:انااا
فتحت الباب نفس المرا يلي عطتو الرقم وسراج بيطلع فيها
-هلق طلع حاتم عم تجي باوقات مو مناسبة
سراج: ماكنت بعرف ..ممكن تعطيني كاسة مي لروح
اطلعت فيه بانزعاج ودخلت لجوا فتح الباب شوي شوي وفات وقف بلكردور وطلع مسدس من جيبتو. اجت المرا لتشوف المسدس وسراج رفعو بوشا
سراج بتحذير:اي صوت بنهي حياتك
-شو بدك
سراج:وينن ولادك
-بلمدرسة سدقني ماعملتلك شي
سراج:لا تخافي مارح اازيكي. امشي قدامي ورح جبلك ولادك
-ب بب بدي البس بس
سراج:يلا
مشاها وهي بتطلع عليه بخوف فتحت خزانتا ولبست جاكيت طويل ومشيت
سراج:عسريع
-اجيت
طلعت من البيت وسراج حاطط المسدس بضهرا وهي فارطة من الخوف
سراج بهمس:رح نمشي شي نص ساعة لا تعملي اي حركة غلط فهمتي
-اي
ضل ماشي لوصل قدام بيتو وفوتا وهوي بيطلع حوليه بعد الطاقية وهي بتطلع بلبيت بخوف
-بترجاك ماتازيني في عندي ولاد
سراج بهدوء:هداك المطبخ وهي غرفة لتضلي فيها انتي وبعد شوي بجبلك ولادك
استغربت من تعاملو وهوي راح قفل غرفتو واجا ليطلع وقفو صوتا وهي بتحكي
-مين انت
سراج بدون ما يلتفت:شخص بدو ياخد حقو هلشي غلط؟
-لا ..انا شو دخلني
سراج:بكفي انك قريبة لهداك الحقير بس لا تهربي انا مابازي حدا تمام رايح جيب لولاد
طلع وترك الباب مفتوح وهي واقفة مصدومة منو
ــــٓــــــٓــــــٓــــــٓــــــٓــ.
كانت بتصلي الضحى لخلصت وقامت شالت السجادة لتشوف ام زينب وراها واقفة
عائشة بابتسامة:شبك مرت عمو بدك شي.
ام زينب:لا مابدي
ضلت بتطلع فيها وعائشة بتلملم بلغرفة لوقفا صوتا
ام زينب:انتي لساعتك بنت صح؟
سكتت وهي بتحاول تستوعب كلمتا واطلعت فيها
عائشة:...
ام زينب:شكلو احساسي صح مانك بنت.. انتي تزوجتي واحد مسيحي ويعتبر زواجك باطل ...يعني زانية
عائشة:لا مرت عمو ماني زانية ولساعتني بنت انا حافظت عحالي وربي بعد عني ولاد الحرام
ام زينب بمسخرا:بدك تقنعيني هداك المسيحي ماحاول يقرب منك مابسدق
عائشة:مرت عمو بدك شي معين
اطلعت فيها نظرة قرف وراحت وعائشة بتراقبا
عائشة بهمس:بعرفك وبعرف افكارك مستحيل خبرك عن شي لتروحي تلفقيلي شي مصيبة. حسبي الله ونعم الوكيل
كملت تنضيف وزينة وزينب بغرفة مع امن
ام زينب:هلوقحة بترد الكلمة ولا بتستحي
زينة:لتفكري تاني مرا تزوجيا لاخي
ام زينب:والله مابتحلم انا عم احكي هيك مشان حقنا تضرب منا لاما ع اساس برضى فيها كنة
زينب:يعني والله عائشة حبابة ليش هيك بتحكو عنا
ام زينب بعصبية:هي حبابة اي خرسي احسلك انا بعرفن ولا هي رهف الكلبة صارت ارملة وزوجا مات وبكل عين بتدافع عن بنتا الوسخة
زينة:لو مو جايين لهون بس
ام زينب:ما اجينا علفاضي ابوكي لازم ياخد حقو من الاراضي صرلنا سنين بلمدينة وهلق صار لازم ناخد الارض ونبيعا ونرجع
زينة باستغراب:بس امي ابي اتنازل عن الاراضي لعمو مرتضى
ام زينب بتوتر:وهاد يلي قاتلني انو ابوكي تنازل عن كلشي لاخوه ..يعني نحنا صفينا بولا شي. .الله يصلحو ليش عمل هيك
زينب:يا امي وضعنا ممتاز وعايشين بلمدينة براحة ليش عم تعملي هيك هنن هون ماضلن حدا وعمو مرتضى مات ومرت عمو بدا تدير. بالا عولادا لحالا فكري فيهن حرام
ام زينب:ياحيوانة عم ساوي هلشي مشانك انتي واختك واخوكي فكري لقدام ازا اعتزتو شي اخوكي بكرا بيتجوز ويبطل يصرف وابوكي كبر لعمر
زينب:لا حول ولا قوة الا بالله
قامت لبرا الغرفة وزينة ع تلفونا واما قاعدة بتفكر وهي بتحسب كل الخطط والكلام ليجي زوجا
ــــٓــــــٓــــــٓــــــٓــــــٓــ.
سراج:فوتو امكن جوا
دخلو بنت وولد وضمو امن يلي بتطلع بسراج وهي مستغربة
-فوتو علغرفة هلق بجي
-مين هاد ماما
-بعدين قلبي فوتي يلا
سكرت الباب وسراج واقف براقبن بصمت
-ليش هيك عم تساوي
سراج:شغلة يومين بس وبتطلعو عبيتكن بس لاعاد تبعتيهن علمدرسة
-...
حمل تلفونو واشرلا انو تسكت وبعد ثواني رد عليه
حاتم:الو
سراج:كيف بنت عمك
استغرب حاتم من الصوت الخشن وباينتو معدل عليه ليحط تلفونو ع ادنو وبيحكي بحذر
حاتم:مين معي
سراج بهدوء:بدك ترجعلك بنت عمك بتلاقيني بشارع ال**** الساعة 4 العصر
حاتم بعصبية:عم بحكي مين ومنوين بتعرفا لمرام
سراج:بلاقيك هنيك باي
سكر ومرام بتراقبو بصمت
مرام:هاد حاتم
سراج:اي.. هوي حرمني من شخص كنت بحبو.. وبدي اخد حقي وبظن انك بتوقفي مع الحق
مرام:انا مع الحق بس ليش متاكد اني بوقف ضد ابن عمي كرمالك
سراج:مشان ولادك بتعملي كلشي وسمعت انك حقانية ولا شو رايك
شغل سيكارة ومرام بتطلع بعيونو ببتمعن ونظرة البرود مرسومة عوشو
سراج بهدوء:علساعة 4 العصر رايح ورح تتاكدي من كلامي. وقتا خدي هاد
رمالا تلفون زغير ووقف
سراج:بس بتصل عليكي ردي وشوفي ابن عمك ووقتا بنشوف ازا حقانية او مجرد حكي
سكر الباب وطلع وهي قاعدة
مرام بهمس:معقول حاتم هيك...مين هاد ليش حاسة اني شايفتو بشي مكان
تنهدت بصمت وقامت عولادا
ــــٓــــــٓــــــٓــــــٓــــــٓــ.
الساعة 4 العصر///
كان واقف بين الشجر وهوي بيطلع علطريق للمحو جاي يمشي وهوي ملتم دق اتصال ووقف براقبو
حاتم بصوت عالي:اجييت انا وينككك
اطلع حوليه. وسراج بين الشجر بيطلع عليه بحقد
حاتم:ياحقير طلاع واجهني وينا مرام
ضل ربع ساعة واقف لزفر بعصبية ولف ليروح
سراج:ليش مستعجل
التفت قدامو ليشوف سراج واقف وهوي ملتم ولابس اسود باسود
حاتم:اها وطلعت قدامي لحالك كمان
سراج:شايفني جبان متلك لجيب شباب يحرسوني
سكت حاتم وسراج براقبو باستهزاء
سراج صوت عالي:طلعو طلعو بعرف انكن موجودين
حاتم بعصبية:وينا مرام احكي احسلك 😠
طلعو خمس شباب وهنن ماسكين اسلحة وسراج واقف ببرود
سراج:قول لكلابك ينقلعو لورا
حاتم:..
سراج:هه خايف تطمن ماني مسلح
عقد حواجبو لياشر للشباب وهنن تراجعو لورا وضلو حاتم وسراج
حاتم:شو بدك
سراج:شو اسمو
حاتم باستغراب:مين؟
سراج وهوي بيمشي قدامو:الشخص يلي بتشتغل عندو
سكت وهوي بيطلع بعيونو يلي بيبرقو علشمس يلي رح تغيب بعد شوي
حاتم بقلبو:قصدو علمعلم.. شو بدو منو هاد
سراج:شكلو حياتا لبنت العم مابتهمك
حمل تلفونو ليصرخ حاتم والعرق بصب من جبينو
حاتم:وقففف ليش بدك تعرفو
سراج:بدون سبب بدي اشتغل عندو هه
حاتم:اطلب مصاري شقد مابدك بس رجعا لمرام هي مادخلا بشي
سراج:اسمو او خبر موتا
حاتم:اسمو سعد مبسوط يلا بسرعة قلي وينا
سراج:الو.. خلص عليها
حاتم بصريخ:ياحقير وقف قلتلك ع اسمو
سراج:وبدك مني سدقك يعني معك عشر دقايق مابتحكي شو اسمو ووينو هلق رح خلص عليها
حاتم بغضب:رح تندم رح تندممم
رفع مسدس عسراج يلي واقف براقبو ببرود
سراج بعدم اهتمام:انت اجبن من انك تقوصني ..ولا كيف بدك تلاقي بنت العم المهم لبكرا ما اجوني معلومات عنو لهل شخص ووينو رح تندم
راح وحاتم بيطلع فيه بقهر وحقد
حاتم:هلكلببب حقير حقير شو بدي ساوي كيف اخدا هلواطي
ــــٓــــــٓــــــٓــــــٓــ.
دق الباب ليدخل وهي ساكتة سكرت وفاتت
مرام بهدوء:شو عمل معك لحتى بدك تنتقم
سراج:قلتلك حرمني من شخص بحبو ...وهوي السبب بكلشي
مرام:اسفة
سراج:هلق في جوا اكل مبارح جبت سندويشات دبري حالك فيهن وكلشي بتحتاجيه دقيلي عرقمي بهاد التلفون مسجل عندك...وازا ببدك ترجعي لبيتك ياريت ماتعملي ضجة في رفيقي ساكن جنبك مابدي يشوفك ويعمل قصة ..انا رايح
طلع واجا ليسكر الباب ليوقفو صوت مرام
مرام:رح ساعدك
سراج:..
مرام:رح ضل بهاد البيت لتخلص كلشي وتحاسبو عغلطو.. بس لا تقتلو
سراج:ماني قاتل
سكر وراح وهي صافنة بلباب
مرام بهمس:ليش هيك ساويت مابكفي جريمتك هديك لتعمل غيرا...لك بس ببدي اعرف وين شايفتك انا
ــــٓــــــٓــــــٓــــــٓــــــٓــ.
مراد باستغراب:سراج شوفي
سراج:بدي نام عندك
مراد:اي تفضل
دخل بوشو علغرفة ومراد بيطلع فيه قعد علكنبة وفتح التلفون وهوي بيسمع حكي حاتم
حاتم:لك وين اخدا هلحقير لو بعرف مين هوي بس
-لو قوصناه احسن ماتركتو يروح
حاتم:عندو مرام مافيني اتصرف بتهور ..بس بموت واعرف شو بدو باسم المعلم معقول عمل هلشي كلو ليوصلو عن طريقي
-معقول
حاتم:اي كلشي معقول.. لو بعرفو بس
سكر التلفون وهوي بيطلع عباب غرفة سراج
مراد بهمس:معقول عم تساوي شي من ورا ضهري.. طيب ليش ماحكيت بتشوف ياسراج ازا عنجد هلحكي
ــــٓــــــٓــــــٓــــــٓــــــٓــ.
زينب:لك عائشة ماخلصتي
عائشة:يلا قربت خلص عطيني هداك الصحن
زينب:خدي
عائشة:بقولو تفضلي
زينب بملل:خدي تفضلي هاكي
عائشة:ههههه هبلة
زينب بابتسامة:دخيل ضحكتك يلي ببتجنن
عائشة ببخجل:يعمري...صحي اجا عمو مصطفى
زينب:اي هلق عم يتعشى وبدو يروح
عائشة:لعند المختار ما
زينب:اي
عائشة:وهي خلصت هاتي احكي شو بدك
زينب:مممم عشعووشتي
عائشة:بلا لف ودوران شو بدك
زينب بخجل:بدي تعطيني من تيابك شي قطعة البسا
عائشة بابتسامة:وليش هيك خجلانة كل تيابي عحسابك
زينب:ياعمريي🥺 بس مابدي ياهن كلهن بس بدي اتصور وهيك
عائشة:ممم اي روحي خدي يلي بدك ياه
زينب بفرح:شكرااااااا
ركدت ع غرفة عائشة يلي زبطت حجابا وراحت عغرفة يلي قاعدين فيها وقفت بس سمعت صوت عما وهوي بعيط
مصطفى:سكري علموضوع. وماتحلمي اني احكي بهل شي
ام زينب:لك مشان ولادنا تخيل بكرا بصير معنا شي وبنعتاز مصاري منوين نجيب
مصطفى:وقت بصير شي بجي لعند محمد ووهوي بيعطيني ياها بوش ابيض وبدون كلام كازب ..انا تنازلت عن الارض وكل الاراضي ..ام محمد وحيدة ماعندا غير اختا ومافيها تعينا وعندا ولدين بدا تهتم فيهن نحنا وضعنا مستور والحمد لله
ام زينب:لك بس سمعن..
مصطفى بعصبية:قلتلك سكري علموضوع اخرتي امشي ورا كلام مرا
طلع وسكر الباب لينتبه ع عائشة واقفة وساكتة ابتسم بحنان وقرب لعندا
مصطفى:بعرفك واعية رغم صغر سنك.. انا مارح اظلمكن هل اسبوع راجعين علمدينة ماتخافي من كلاما مارح ياثر فيني
عائشة بابتسامة:الله يرزقك ويوفقك بحياتك ويخليك لولادك يااررب
مصطفى بابتسامة:الله يرضى عليكي يلا انا رايح
عائشة:الله معك
راح وعائشة واقفة مبتسمة لتنزل دمعة من عينا ومسحتا فورا
عائشة:بعمري ماتوقعت توصل معك لهون...عم تحرضي عمي لياخد الاراضي.. حسبي الله ونعم الوكيل
دخلت علصالة لتشوف عمتا قاعدة وباين عليها الانزعاج سكرت الباب وقعدت. بهدوء اجت لتقوم لوقفا صوت عائشة
عائشة:مرت عمو انني ليش بتكرهينا
ام زينب:شو عم تخبصي
عائشة:ليش بتكرهينا نحنا عملنالك شي
ام زينب:😒😒
عائشة:انتي عندك ابنك ما شاء الله عنو بيشتغل وبيتعب ليأمنلكن كلشي وعمو مصطفى مشتغل كمان ووضعكن بجنن ليش عم تحرضي عمو علينا
ام زينب بعصبية:خرسي.. هاد يلي ضل ناقص فصعونة بتجي تحكي معي.. وبعدين مين قلك اني بكرهكن.. انتي لو عندك ولاد مابتحاولي تامنيلن مستقبل منيح ومستور
عائشة بهدوء:مبلا وانا معك بهل شي بس نحنا صرنا وحيدين.. مالنا حدا محمد. علحدود ليل ونهار ليحرس هلضيعة يلي الف واحد حاطين عيونن عليها والاراضي مزروعة والله رازقنا وعم يحاول يلحق يحصد ليرجع يزرع ماعم ينام ماعم ياكل منيح.. وانتي وقت بدك شي سدقيني محمد مابردك ولا امي بترفض ..نحنا معك ولا تخافي حتى لو عمو تنازل عن حصتو بل ااراضي محمد مو قبلان ورح يعطيكن اجرة الزراعة
ام زينب:...
عائشة:هُوَ الَّذِي يُرِيكُمْ آيَاتِهِ وَيُنَزِّلُ لَكُمْ مِنَ السَّمَاءِ رِزْقًا وَمَا يَتَذَكَّرُ إِلَّا مَنْ يُنِيبُ ..تصبحي عخير
قامت عغرفتا تاركة ام زينب بتفكر بكلاما
ام زينب بهمس:لا تفكري بكلام بنت مابتفهم.. لا تنسي انو زوجك كان بحب هلمرا واووعك تتعاطفي معن.. بنشوف يامحمد ازا بتدفع اجرة للارض
سكرت الباب وهي شايفة زينب عم تتصور بتلفونا اتخطتا وقعدت وهي بتلبس جراباتا
زينب:شوفيلي هي الصورة كيف
عائشة باعجاب:بتجنن
زينب:تعي نتصور سوا
زبطت حجابا لتبلش زينب تتصور معا صور منوعة وعائشة بتضحك
عائشة:ليكي بحلفك بالله لا تفرجيهن لحدا خبيهن او حزفيهن
زينب بزورة:شو شايفتني لفرجيهن لحدا😒😒هلق بحفظن بلخزنة وبحطن ع بصمة اصبعتي
عائشة:يعمررريي يلا خلينا ننام تعبنا
زينب:فرشتك بتجنن 😁
عائشة:بعديلي ياسمينة
زينب بزعل:ماني سمينة ☹️
عائشة بضحكة:اي صح بس شوي
زينب:معليش☹️
تاني يوم//////
كان عم يفطر ومراد بيطلع فيه وساكت
سراج ببرود:حاج تطلع فيني
مراد:شو عم تساوي
سراج اطلع فيه:عم اكل مو شايف يعني
مراد بغضب مكتوم:سراج انت بتعرفني شو عم اقصد انت شفتو لحاتم؟
سراج:مابعرف بمكن لا
مراد بعصبية:لا تكزب عليي سراج احكي لاعرف ساعدك
سراج وهوي بياكل:ماشفتو ولاول مرا واخر مرا بتقلي كزاب
مراد:انت خاطف بنت عمو صح
اطلع فيه بصمت ومراد براقبو
مراد:وينا
سراج:جنبك
سكت وهوي بيطلع فيه لفهم الموضوع وانصدم
مراد بصدمة:هووون ببييتكك😳
سراج ببرود:اي
مراد بعصبية:لك ليش ماقلتلي ليش عم تساوي من راسك
سراج:مراد ...انا مابدي دخلك لهيك دخلات.. انت ضابط معروف ومافي احسن من سمعتك.. مابدي عرضك للخطر بس مشاني.. انا ماعدت سراج الامير
مراد:..
وقف قدامو واطلع فيه وهوي بيحكي
سراج:انا صرت بلنسبة للعالم مجرد مسيحي حب مسلمة وفقد عقلو وصار بلشوارع ..مفكر الناس لما تشوفني حاليا ترتعب او تنبسط او هيك..لك لما حدا بيطلع بوشي بقول ليكو هداك المجنون راكب سيارة
مراد:هلحكي مو ص ..
سراج بهدوء:كلو صح ..حكين صحيح وانا بدي خليه عهل اساس انا عم اوهم حالي انها عايشة💔
تعبو عيونو دموع ومراد ساكت وبيطلع فيه
سراج:عم قول عايشة لاقدر كفي شهر او شهرين وبعدين رح روح لعندا ...مفكرني مبسوط اني عم خبي عليك.. لك مراااد انت رفيقي من سنين
ضربو عصدرو ليتراجع لورا وهوي ساكت
سراج وهوي بحاول يكتم دموعو:انا عم خبي لاني مابدي اخسرك ..مابدي يصيبك شي انا انتهيت مرااد انا انتهيييت
نزلو دموعو عخدو ومراد سمعانو بحزن وعينو بل اارض
سراج وهوي باشر ع قلبو:هاد مات من تركتني وراحت ...انا بعترف اني مجنون اييي انا مجنون بحبا لهديك المسلمة
مسح دموعو ومراد عينو ل ارض وهوي حزين
سراج:ماعشت معا حتى ...ماقلتلا بحبك وماقلتلا اني اسلمت مشانا. ماقلتلا اني صرت من مسجد لمسجد بس مشان يلي تعبدو يخليها الي .. هي بتآمن بالرب وبلرسول وبل اسلام بتآمن بكلشي فيه
مراد:..
سراج بصوت عالي:وانا آمنت بربااااا
مراد بحزن:خل...
سراج ببكى:امنت بهداك يلي ااخدا مني لك نهار اني بلشت صلي متل الخلق وصرت متل مابدا ياني راحت خلص مااااضل عائشة 💔
مراد:..
سراج:بدك ياني قلك عن خططي ما. انا عم خطط اقتل الكل.. حاتم وهداك يلي فرقني عنا.. عم خطط اقتلا لبنت عمو لحاتم وولادا عم فكر اقتل كل الناس يلي بتقول عني مجنون انا خططي كبيرة ومابدي اخسرك انت لانك الوحيد يلي ضل معي
مراد بعيون مدمعة:خلص سراج انا اسف اهدا
سراج:انا كنت يتيم ولهلق يتيم كنية الامير مو الي.. انا اصلي مو معروف.. ربيت بميتم وكنت اسمع من الكل الحكي قال امي رمتني بلحاويات وامي تركتني وامي وامي لك حتى مابعرف مين امي ..حتى الشخص يلي اجا تبناني لان ماصرلو ولاد ما اهتم فيني. اجت سالي ونورت حياتي وليكا هلق كبرت وراحت ..انا تعباااان
حكا هلكلمة لتنزل متل النار عقلبو ومراد بيطلع فيه بحزن
سراج بتعب:انا تعبان ...تعبان عفراقا لان هي الوحيدة يلي كانت حقيقة بحياتي كلن كزبو عليي وكلن بدن ياني لشي وهاد لمصلحة وهاد لشي معين.. هي يلي ظلمتا وبنفس الوقت حبيتا
مراد:سرا..
تراجع لورا وضرب عصدرو وهوي بهز راسو بلنفي
سراج:قلبي مو قبلان يينساها ..ورح كفي بانتقامي لحالي.. مراد لاعاد تدخل بهل موضوع مابدي اخسر. شخص من عيلتي
طلع لبرا ومراد صافن بل ارض ليضرب الطاولة وعيونو مدمعة
مراد بصريخ:رح دمرن كلن ياسرااج..رح لاقيلك يلي ععمل هيك لانك مابتستاهل هل وجع.. رح دمرك ياحاتم🔥
(الجزء الرابع)
~
مراد بصريخ:رح دمرن كلن ياسرااج..رح لاقيلك يلي ععمل هيك لانك مابتستاهل هل وجع.. رح دمرك ياحاتم🔥
طلع وهوي معصب ركب سيارتو وطار علمخفر
ــــٓــــــٓــــــٓــــــٓــــــٓــ.
وقف سيارتو بنفس المكان يلي شاف فيه حاتم ونزل رفع تلفونو وفتحو لتجي بوشو صورتو هوي وعائشة خلفية شرد بضحكتا وبوشا لدخل عل اتصال ودق عحاتم
سراج بغضب مكتوم:نص ساعة مابتكون بلمكان يلي شفتك فيه مبارح رح تندم
سكر تلفونو ووقف وهوي بيطلع بل سما والغيوم والشجر صفن بلغيوم ليسمع صوت من ورا
-سراج
اطلع وعقد حواجبو ليقوم يمسك ايدا بعصبية ويدخلا علسيارة وهوي بيتلفت حوليه
سالي بوجع:لك سرااج تروك ايدي شبك
سراج بعصبية:ليش اجيتي طلعي بلسيارة فورا
سالي بعيون مدمعة:هلق هيك
سراج وهوي بيطلع حوليه:طلعي سالي مو وقتك فوتي وتخبي اوووعك تطلعي
سالي:بس لي..
سراج بصريخ:لك فوتي بسرعة
دخلت وهي بتطلع فيه ونزلت جوا الكرسي التفت ورا ليشوف حاتم جاي بسيارة ووقفا ومشي وهوي بيطلع فيه ترك السيارة وراح لنص الطريق
حاتم:هاد انت
سراج:اي ماتوقعت انو انا
حاتم:لا فكرت شخص اهم بس طلع مجنون ناطرني
سراج:اي لا تستخف بهل مجنون ممكن باتصال ينهي حياتك وحياة احبابك
حاتم:موافق احكي كلشي
سراج:بلش
حاتم:...
سكت وهوي بيطلع بعيونو. وسراج براقبو بصمت
حاتم:اسمو سيف
سراج:..
حاتم:سيف الاكبر رجل مافيا. وبنفس الوقت رجل اعمال بيشتغل بلخفي مهرب اسلحة ومخدرات وتاجر اعضاء ساكن بفيلا بشارع **** رقم البيت 33 معروف بعالم المافيا باسم المنتقم وهاد كلشي
سراج:وشو يلي بيسبتلي انو هلحكي صح
حاتم:مافي سبب يخليني كزب وبنت عمي معك
سراج:...
تراجع لورا وركب سيارتو وراح فيها وحاتم براقبو وابتسامة جانبية ع تمو رن تلفونو ليرد وهوي بيضحك
حاتم:تم معلم.. اي حكيتلو. ماحكا شي بس يمكن مابيعرفك.. طيب ليش خليتني احكي عن كنيتك .....مابعرف رح اجي باي
ــــٓــــــٓــــــٓــــــٓــ.
سراج:مجد بدي معلومات عن شخص اسمو سيف الاكبر جاييك بدي ياهن فورااا سمعان
سكر تلفونو والتفت ع سالي
سراج:بتروحي للعند رفيقة الك لا تجي علفيلا ولاعاد تطلعي من الجامعة للبيت. فهمانة
سالي:لا ماني فهمانة وبدك تقلي مين سيف الاكبر وليش عم تسال عليه
سراج بعصبية:لك سالي فهمي عليي ووقت بحكي كلام نفذيه
سالي بعيون مدمعة:بعمرك ماحكيتني بهل طريقة
اطلع فيها وضل ماشي لوصل قدام الفيلا تبع امير
سراج بهدوء:جيبي غراضك لوصلك ع شي رفيقة ضلي عندا هلفترا
سالي:..
نزلت وهوي قاعد بلسيارة بفكر
سراج:سيف الاكبر...سمعان بهل اسم بس وين
مرق نص ساعة لاجت سالي وبايدي شنتة نزل حطا بلكرسي يلي من ورا وراح بلسيارة
سراج:سالي طلعة هيك وهيك مابدي شوف من جامعتك علبيت رح حط حدا يراقبك مشان مايصرلك شي
سالي:لك فهمني ليش هلخوف لييش. مافي شي خطير ليش بدك تحط حدا يراقبني
سراج بعصبية:لانك مراقبة يافهيمة لك في ناس عم يحاولو يقتلوكي ..فهمييي
سكتت وهي مو مستوعبة وعم تطلع فيه وقلبا بدق ببسرعة
سالي:كيف ومين وشلون عرفت
سراج:ما انتبهتي للشخص يلي كان بيلحقك ..لما قلتلك ركبي بلسيارة.. كان في وراكي حدا بس انتي مابتفهمي ليش لتجي ع اماكن متل هي
سالي:قالتلي رفيقتي انو نلتقى هون مابعرف💔
وقف قدام بيت رفيقتا وهي صافنة بل ارض وعيونا مدمعة اطلع فيها وزاح نظرو
سراج:لا تنسي ابرا الانسولين كل يوم.. وانتبهي عحالك شو مابصير معك اتصلي فيني ..وكلشي رح يجيكي للبيت و. انتبهي اي
اطلعت فيه لتقرب تضمو وعيونا مدمعة
سالي بحزن:لا تضلك هيك💔
سراج:روحي رح ضل اطمن عليكي
نزلت وهوي نزلا شنتتا وطلع بلسيارة
سالي بصوت عالي:ضلك حاكيني
سراج:اي..
راح وهوي بيطلع بسالي من المراية كمل طريقو لعند مجد لوقف ونزل بسرعة ودخل عليه
سراج:شو طلع معك
مجد:رجل اعمال سابق توفى من زمان كتير ليش عم تسال عليه
سراج:كان عندو ولاد او قرايب شي
مجد:اي عندو ولدين وقرايب مم اي في اخ وحيد بس
سراج بهمس:سيف الاكبر.. الاكبر؟
سكت ولاح ببالو شخص لينصدم ويبلع ريقو واطلع بمجد
سراج:شو اسم اخوه؟
ــــٓــــــٓــــــٓــــــٓــ.
سلمت ورفعت اديها وقرأت سورة الكرسي وسكتت وهي بتفكر فيه
عائشة بهمس:ياترا كيفك.. شو عم تعمل وينك شو صاير معك. سرااااج انا حاسة بلوحدة.. ليش علقت حالي بوهم ليش فكرت فيك وحبيتك..ياربي هاد الكلام يلي قلتو المتحابون في جلالي لهم منابر من نور، يغبطهم النبيون والشهداء معقول حبي الو حلال..مابعرف ازا رح التقي فيك بس بتمنى اعرف اخبارك
-بتحبيه
اطلعت وراها لتشوف زينب بتطلع فيها فتلت عنا وهي بتطلع بل سجادة
زينب:هوي المسيحي ما
عائشة:..
قعدت جنبا ومسكت ايدا وهي بتطلع فيها
زينب بابتسامة:سمعت واحد من الشيوخ حكا إن الحب والكراهية وسائر المشاعر يفعلها الإنسان دون قصد منه كنبض القلب ولا يقدر أحد على صدها أو وقفها
عائشة:..
زينب:من ايمتا
عائشة:من ايام كنت عندو
زينب:ليكي انا مابعرف بلحب بس ازا كنتي بتحبيه رح تكوني معو لو شو مابصير ..لو بعدتكن الضروف والناس والمسافات رح تنجمعو باذن الله بس بدك تصبري
عائشة:بعرف هلحكي.. بس عم فكر بكل الناحيات ماضل مكان نشوف بعضنا فيه هوي بلمدينة مابعرف كيفو او وينو او شو بيعمل
زينب:ادعي لربك وَهُوَ عَلَىٰ جَمْعِهِمْ إِذَا يَشَآءُ قَدِيرٌ
عائشة بابتسامة لطيفة:شكرا لانك منيحة معي
زينب:وشكرا لانك بتعامليني منيح وامي سيئة معكن
عائشة:لا تحكي هلحكي.. امك متل امي والله وشو ماحكت بتضلا مرا كبيرة ولازم نسايرا
زينب:ههه. اي صح
قامت عن السجادة ولمتا وزينب واقفة بتراقب وشا
عائشة بحرج:شبك بتطلعي فيني هيك في شي
زينب بلا وعي:بجمالك هاد وحنيتك وطيبتك شو عملتي بهداك الشب اكيد اسرتيه بحبك
ضحكت عكلاما لتقرب زينب ضمتا بفرح وعائشة مبتسمة
عائشة بقلبا:ازا كان بحبني عنجد ماكان تركني وراح معقول كان بدو يساعدني طيب سالي شو اخدا لهنيك.. في شي مابعرفو يا اما فهمانتو غلط
ــــٓــــــٓــــــٓــــــٓــــــٓــ.
كان. واقف وهوي بيتفرج عل ارض والزرع وفي شب جنبو
محمد:لازم نحصدو بلش الحصاد ولازم نخلص
-معك حق ازا ضل اسبوع يمكن يهر كلو
محمد بتنهيدة:لهلق محدا جاب حصادة لنحصد.. ليك عماد انا لازم روح علمدينة
عماد:مشان الحصادة
محمد:اي بدك تنتبه علزرع كلو وتحط عينك علخضرة
عماد:ايمتا رح تروح
محمد:مابعرف يابكرا يا بعدو دير بالك علزرع
مشي وهوي بيطلع بل اراضي لوصل ع ارض مانا مزروعة اخد نظرة عليها وهوي صافن
محمد بهمس:لازم اتصرف بموضوعا لهي.. ازا ضلت هيك بلا زراعة رح نجيب الشك لالنا.. كيف كنت داير بالك عليها يا ابي.. حمل تقييل تقيل كتير
مشي وهوي بفكر لوصل علضيعة ضل يمشي لوقف قدام بيتو اخد نظرة حوليه ليلمح شخص من بين الحيطان بيطلع فورا اختفى ومحمد عقد حواجبو ودق الباب
ام محمد:مين
محمد:انااا
فتحت الباب ليلقي السلام وهوي واقف
محمد:كيفك امي كيف صحتك
ام محمد بابتسامة:بخير الحمد لله فوت ليش واقف هون
محمد:لا بدي ارجع علحدود بس اجيت لشوف ازا ناقصكن شي
ام محمد:لا يعمري مابدنا شي برضايي عليك فوت ارتاح وكول لقمة ليك كيف نحفان
محمد بابتسامة:امرك ياست الكل
دخل وهوي عينو بل ارض وام محمد بتنادي
ام محمد:غطو شعركن بنات اجا محمد
طلعت عائشة للتشوف محمد داخل عل بيت
عائشة:محمد
محمد بابتسامة:السلام عليكم
عائشة:وعليكم السلام كيفك اخي
قربت ضمتو وباسا من راسا بحنان
محمد:مشتقلك ياروح اخوكي تعي
دخلو عغرفة لضيوف وقعدو
محمد:ليك الدبة سمنانة
ام محمد:ههه
عائشة:عنجد
محمد:اي خدودك معبايين
قرصا من خدا وهي بتضحك وام محمد بتراقبن
محمد بحب:يخليلي ياكي وينو عمي ومرت عمي والبنات كانو مافي حدا
عائشة:زينة وزينب بلغرفة وعمي عند المختار مع الزلم ومرت عمو طلعت علجارات
محمد:ايواا اي منيح
ام محمد:بنتي الله يوفقك حطي لاخوكي لقمة ياكلا ليكي كيف وشو نحفان وتعبان
محمد:استعجلي شوي بدي روح
عائشة:من عيوني
محمد بابتسامة:الله يخليلي عيونك
بعد شوي قام وباس راس امو وعائشة جنبو
محمد:ديري بالك عحالك وادعيلي
ام محمد بحب:الله يحميك
طلع وعائشة جنبو لتسحبو عغرفتا وام محمد عم تاكل
محمد باستغراب:شبك
عائشة:بدي حاكيك بموضوع
محمد:احكي شوفي
عائشة:مشان الارض ..وعمي
محمد:..قصدك ع اجرة الارض
عائشة:اي من يومين سمعت مرت عمو بتحكي عنا و. وهي بتحرض عمي علينا مشان الارض ليرجع ياخدا وقلتلا محمد رح يعطيكن اجرة الارض يعني ماتحكي شي وهيك ف قلت بخبرك
محمد:انا كنت ناوي اعطيهن نص الحصاد اصلا ليش بتحرض عمي يعني
عائشة:مابعرف ماحبيت احكي قدام امي مشان ماتنزعج
محمد بابتسامة:خير ماعملتي بكرا انا رايح جيب حصادة من المدينة
اطلعت فيه وهوي براقبا فركت اديها بتوتر ليقرب يضما بحنان
محمد:بجبلك شي معي
عائشة:سلامتك اخي انت روح وتعا ومابدي شي
محمد:الله يرضى عليكي يلا انا رايح
باسا من راسا وراح وهي واقفة وصافنة بل ارض
ــــٓــــــٓــــــٓــــــٓــــــٓــ.
كان جاي والغضب بيطاير من عيونو لضرب الباب ودخل
امير بعصبية:مين سمحلك تدخل هيك ولا
سراج:بدي حاكيك بموضوع ياريت تطلعو
قامو اربع زلم لبرا وسراج بيطلع ب امير
امير بغضب مكتوم:احكي بسرعة قبل ما ارميك برا الشركة
سراج:سيف الاكبر
اصفر وشو ل امير وسراج براقبو بعصبية
سراج من بين سنانو:ولا بحب قلك ابن اخوك سيف الاكبر
امير بتوتر:منوين تعرف هل اسم
قرب لعندو سراج وقعد جنبو وهوي بيطلع بعيونو
سراج:اخوك الاكبر.. كان مالك كل شركات الامير وببساطة اخوه الازغر نصب عليه واخد كلشي بيملكو ولا انا غلطان
سكت والعرق بيتصبب من جبينو وسراج براقبو بنظرات نارية
سراج من بين سنانو:بتعرف انو ابنو لاخوك بدو ينتقم منك ومني ومن بنتك ومن كل العيلة
امير بتوتر:شو هلتخبيص سراج ومنوين عرفت هلحكي
سراج:مو مهم منوين المهم انو استعد لموتك امير بيك
امير:انت مابتعرف شي لهيك خراس فهمان
سراج بصريخ:لك فهمني كيف مابعرف لك انا عرفت كل تاريخك القديم.. كيف بتنصب ع اخوك كييف لك عقلي مانو عم يستوعب كييييف 😠
ضرب الطاولة وامير ساكت وبراقبو
امير:وانت شو حشر انفك بتضلك ولد متبنى ومادخلك بهل عيلة
سراج بغضب:الولد المتبنى عانى اكتر منك ...خسرت حياتي من ورا اعمالك.. وكل عمرك عامل فيها رجل الاعمال واب منيح وانت شو مجرد نصاب فاشل
امير:...
سراج بتحذير:ازا مابقتلو لابن اخوك مابكون سراج...بتشوف سيد امير
طلع وطبش الباب وامير فك كرافتو بخوف
امير بهمس:كيف عرف بهل موضوع لازم اتصرف فورا
كان طالع معصب ليركب بسيارتو وطار علبيت فتحو ودخل بعصبية
مرام بقلق:شوفي
سراج:بسرعة طلعييي عبيييتككك
صرخ فيها صوت لتبلع ريقا وتنسحب علغرفة طلعت هي وولادا ووقفت قدامو
مرام:مابعرف شو بدي احكي بس شكرا ع تعاملك لمنيح لو كنت مكانك مابتصرف هيك
سراج:..
مرام:حاتم بيستاهل اكتر وازا بدك تشتكي عليه انا معك
طلعت بهدوء وسراج واقف وعيونو مجمرين
سراج بهمس:ماني مسدق كيف قدر يكون هلقد كزاب ومنافق
حمل تلفونو ليتصل بمراد وتراجع
سراج:هي مشاكلي مالازم دخلو فيها..اسف مراد بس مستحيل دخلك بهل موضوع
فتح غرفتو لتجي عينو ع صورتو مع عائشة وقعد علتخت وهوي بيطلع فيها مرق شوية وقت لقام علحمام اخد شور سريع ليطفي النار يلي بقلبو وطلع لبس بيجامة وشلحة ووقف علشباك وهوي بدخن
سراج:لكن عم اتعامل مع سيف الاكبر بتشوف ياحقير.. بتشوف
شد عسيكارتو بعصبية ليزتا وراح تصطح وعينو ع صورة عائشة ضل صافن بوشا وبضحكتا وهي لابسة اللباس الشرعي وهوي ماسكا من خصرا
سراج بهمس:لهل لحظة وقلبي مو قادر يستوعب انك ماعدتي موجودة.. رح خلص عليه.. ورح اجيكي رح الحقك انا بهل دنيا ولا شي بدونك.. اجيتي نورتي حياتي ورحتي.. اااااه ياعائش
غمض عيونو وهوي سامع صوتا بادانو ليغفى بعد تفكير طويل
تاني يوم////
مراد:ليش مارديت ع اتصالاتي
سراج:...
مراد بعصبية:عم حاكيك رد عليي 😠
سراج:قلتلك ماعاد تدخل بهل موضوع
مراد:انت بتعرفني مارح اتراجع عن هلقضية فهمان
سراج:مابهمني وقلتلك مابدي مساعدة
مراد:من قبل ماكنت تحكي هيك ...عكلن اجيت لخبرك شي عنو لهداك الحقير بس دام هيك الموضوع معليش
اجا ليطلع لوقفو صوت سراج كتم ابتسامتو وفتل. عليه
سراج:شو هوي
مراد:مممم يعني شراكة
سراج بزورة:احكي بتعرفني مابساوي شي بدونك
قعد وهوي بيطلع بسراج
مراد:عرفت انو اسمو سيف
اطلع فيه بانزعاج ومراد مبتسم وكان عامل انجاز
سراج:وبكون ابن اخوه للامير ما
اطلع فيه مراد وهوي مصدوم وسراج براقبو
مراد بصدمة:شو مين
شغل سيكارتو ليبلش يحكي لمراد كلشي
ــــٓــــــٓــــــٓــــــٓــــــٓــ
كان واقف بلمطبخ وهوي بيطلع قدام البيت ضل ربع ساعة لانتبه ع شخص واقف براقب اطلع بتمعن لشافو بوضوح
محمد بغضب:عبوود شكلك ماتربيت بعد هديك القتلة ستنى ياحقير ازا مابربيك
عائشة:محمد وينك
محمد:جاي
طلع لعندا وهي ماسكة جرة وبلشت ترش عتيابو
محمد:لك شو هاد
عائشة:ساويت عطر من الورد مشانك شمو
اخد الجرة وشما وابتسم
محمد:ما شاء الله بجنن دخيل قلبك
باسا من راسا وهيي ضاممتو ومبتسمة
محمد:انا رح اطلع انتبهي ع امي ها ولا تطلعي برا البيت ماشي
عائشة:ماشي يا قلبي الله يحميك
اخد جاكيتو ولبسو وعائشة وراه بترش عليه عطر
محمد:لك بكفي خنقتيني
عائشة:شوي بس
ام محمد:دير بالك عحالك اي قلبي
ام زينب:موفق يا ابني
محمد:يخليلي ياكن يلا السلام عليكم
طلع وعائشة واقفة بتبتسم لدخلت علمطبخ وهي بتدعيلو
ماهر:تاخرت
محمد بضحكة:هي اختي جننتني بترش علي من عطر ورد ومدري شو
ماهر:هههه مدعوم ياصاحبي لعما ريحتك بتجنن
محمد:خراس ولا
ماهر:😹😹
ــــٓــــــٓــــــٓــــــٓــــــٓــ.
مراد:عنجد
سراج:اي
مراد:صدمتني .. كيف بيقدر ينصب عليه
سراج بغضب مكتوم:هاد يلي دابحني. كيف قدر
مراد:وشو بدك تعمل هلق
سراج:ولا شي رح اطلع لعندو وخلص عليه
مراد:انت مجنون بجوز هوي عن قصد خلا حاتم بيحكيلك عنو مابتعرف هدول المجرمين كيف بفكرو
سراج:بعرف انو هوي يلي قلو.. بس ليش ياترا.. وليش سالي اجت بهديك اللحظة رح جن
مراد بتفكير:متاكد في شي عم يخططلو بس شو هوي
سراج:مابعرف
اندق الباب ليقوم سراج يفتح بلاقي بوشو ولد زغير
سراج:خير
-عمو في واحد قلي اعطيك هي خود
عطاه ورقة وراح يركد وسراج بيطلع بلورقة باينتا رسالة دخل وقعد علكنبة وفتحا
مراد:شو هي
سراج:..
فتحا ليطلع بلورقة الفاضية قلبا ورجع اطلع فيها ماكان فيها شي
مراد:فرجيني
سراج:فاضية
اطلع فيها وهوي مستغرب
مراد:مين بدو يبعتلك هل ورقة الفاضية شو قصدو من هلحركة
اخدا وهوي بيطلع فيها ورقة بيضة مافيا شي قلبا وعينو عليها ليقوم علشباك رفعا بجهة الشمس لتبان عليه حروف ومراد بيطلع فيه. مستغرب
مراد:شو لقيت
سراج:...
ضب الورقة بجيبتو وقعد
سراج:مافيا شي ورقة فاضية
مراد:سراج قلنا مارح نخبي شي عن بعض
سراج:......
ــــٓــــــٓــــــٓــــــٓــ.
وصلو علمدينة ونزلو من التكسي ودفعولو وراح
محمد:مرا ابي جاب سيرة الزلمة يلي عندو حصادة اسال عنو لنشوف وينو اسمو ابو سالم العبد
ماهر:يلا
دخل محمد ع خيمة لقى شب بعمر ال19 قاعد
محمد:لو سمحت ممكن تساعدني
-تفضل
محمد:عم دور ع ابو سالم العبد ازا بتعرفو
-هه اهلا وصلت
محمد باستغراب:انت هوي فكرتو زلمة كبير
مسح انفو وقام وهوي لابس شلحة وطلع
-انا ابنو سالم تفضل بشو اقدر اخدمك
محمد:نحنا متعاملين مع ابو سالم كل سنة بنحصد بلضيعة لهيك اجيت اسال ازا لسا بيشتغل بلحصاد
سالم:للاسف ابي سلمني كل شغلو بعد مامات
محمد:مات... الله يرحمو. يارب
سالم:الحقني
مشي ومحمد بيطلع فيه كيف مشلح جوا الشمس وركب الحصادة ومحمد واقف اجا ماهر وهوي بيطلع فيه
ماهر:لا تقولا
محمد:قلتا هاد يلي رح يحصدلنا
ماهر:لك هاد ولد بيعرف يشتغل
سالم بصوت عالي:ازا بدكن تغيرو رايكن بنزل
ماهر:استنى انزل لقلك
نزل سالم ووقف قدامن ببرود وهنن براقبوه بصمت
ماهر:بدنا نجيب غراض من المدينة انطرنا هون وبنجي نروح سوا
سالم:ماشي.
اتخطاهن ودخل ومحمد وماهر مشيو وهنن بيطلعو علخيمة
ماهر:متاكد
محمد:لا بس مجبور. مابنعرف غير ابوه وتوفى الله يرحمو شو نعمل.
ماهر:امرنا لالله خلينا نروح نشتري. سماد. للخضرة
محمد:امشي
ــــٓــــــٓـ بعد نص ساعة ـــــٓــــــٓــ.
كان ماشي بسيارتو وهوي بفكر ومو منتبه ع يلي قدامو ليسمع خبطة علسيارة انصدم وقت شاف شخص قدامو بل ارض وجنبو شب
محمد بصريخ:حيواان مابتشوف قدامك
ماهر بوجع:ماصار شي انا منيح
سراج:صرلك شي.
محمد بعصبية:يا...
سكت وقت شاف سراج قدامو وسراج بيطلع بمحمد والعقدة بين عيونو
ماهر:خلينا نمشي يلا
محمد:امشي
سراج:مو محمد؟
مشي محمد وماهر وسراج بيطلع فيه
سراج بصوت عالي:انت محمد ماني مخربط
محمد بكره:مبلا مخربط
ماهر بهمس:كاني شايفو مين هاد
محمد:محدا امشي
ضل سراج براقبو وهوي ساند ماهر وبايدو غراض ركب سيارتو وهوي بيمشي وراهن لا ارادي لشافن ركبو بحصادة ومشيو وهوي ملاحقن
انتبه عليه محمد وزفر بعصبية
محمد:وقف عندك
سالم:لييش
محمد بصريخ:عم قلك وقففف
نط من الحصادة وسالم وقف ونزل محمد بسرعة لعند سراج يلي براقبو بصمت
محمد بعصبية:خير
سراج:..
محمد:مابكفي يلي عملتو شو بدك احكي 😠
ضل براقبو كيف معصب وهوي ساكت
محمد:ليك ولا ازا بشوفك حوليي رح اقتلك فهمان
رجع علحصادة وسالم واقف بيطلع بسراج بتمعن
سالم بهمس:سراج؟؟
انتبهلو سراج ليرجع علحصادة وسراج براقبو
سراج:مو هاد سالم شو عم يساوي معو
دف تلفونو ليلف بسيارتو وراح وهوي مشوش
محمد بغضب مكتوم:امشي
سالم:...
ــــٓــــــٓــــــٓــــــٓــ.
دخل علبيت ليشوف حاتم واقف وناطرو
سيف:شو صار
حاتم:وصلتلو رسالتك بطريقة تخليه يجن هه
سيف:والبضاعة
حاتم:وصلت من شوي وحطيتا بلمستودع جوا الارض
سيف:منيح
مشي وحاتم وراه لقعد علكنبة وهوي بفكر
حاتم:معلم اتصل فيك هداك الشب
سيف:مين
حاتم:فراس
اطلع فيه وعقد حواجبو
سيف:شو بدو
حاتم:مابعرف مارديت عليه
شغل سيكارة وهوي بفكر وحاتم براقب بصمت
سيف بهمس:سراج رجع لمكانو.. وعرف مين انا.. وهلق رح يصير انتقامو اقوى ..قلتلك من قبل صار لازم فوت بهل لعبة
حاتم:اي معلم
سيف بهدوء:وبظن صار الوقت المناسب
حاتم:بصفتك مين معلم؟
سيف بضحكة جانبية:بصفتي ابن اخو الامير
ضحك حاتم وسيف بيطلع فيه بمكر
ــــٓــــــٓــــــٓــــــٓــــــٓــ.
وصلو علضيعة ونزلو ومحمد ساكت
ماهر:ايمتا بتبلش حصاد
سالم:لازم شوف الزرع ازا بينحصد
ماهر:محمد محمدد
محمد:شبك
ماهر:عم يقلك لازم يشوف الزرع ليبلش حصاد
محمد:امشي
مشيو وماهر راح عبيتو لوصل علزرع قرب وهوي بيطلع فيه بتمعن
سالم:بدو ضربة شمس قوية.. لساتو اخضر
محمد:..
اطلع فيه سالم لياخد نظرة عل اراضي وشاف ارض كبيرة مو مزروعة
سالم:هديك الارض لمين
اطلع محمد فيها وهوي بفكر
محمد:الي ليش
سالم:ترابا احمر.. هي للزراعة بتجنن عجب مانك زارعا
محمد:ماكان عندي حنطة بتكفي لهيك ضلت بلا زراعة
سالم بضحكة:قلتلي.. يعني مو شي تاني
اطلع بعيون محمد وسالم بينظرلو نظرات غريبة لمشي علحصادة ومحمد بيطلع فيه
محمد:شو قصدو هاد
وصل علحصادة فتح جاكيتو واخد ابرا شكا بايدو ورجع راسو لورا
سالم:اااه بدونك انا ولا شي ..بس هي لازم حطا ببراد كيف.
اجت عينو ع محمد وحمل كيس الابر وركد لعندو
سالم:لييك بدي اطلب منك طلب
محمد:تفضل
سالم:هدول ابر مسكن الام. لوجع الراس بضل اخدن وقت امرض وصرلي يومين تعبان ولازمن براد.. ف ازا بتقدر
محمد بهدوء:تكرم عينك رح حطلك ياهن بلبيت وبس بدك قلي
سالم:مشكور
راح محمد وسالم بيطلع فيه ووجه نظرو عل ارض
سالم:احساسي بقول انو هي نفسا الارض يلي حكا عنا مرتضى..لازم اكتشف السر بسرعة. ازا يلي سمعتو صحيح ف بكون شي نااهي
ابتسم بمكر وهوي بيطلع عل ارض ورجع علحصادة
عائشة:ميين
محمد:انا فتحي
فتحت الباب ودخل بعد ما القى السلام
محمد:ليكي هي ابر لرفيقي بضل ياخدن كل يوم ..لهيك حطيهن بلبراد مشان مايخربو
عائشة:ماشي اخي.. لقيت حصادة ما
محمد:اي وجبت سماد وشوية غراض ..عائشة
عائشة:شوفي
محمد:شفت شغلة اليوم شاغلة بالي
عائشة باستغراب:شو هيي
اطلع فيها وهي ناطرتو يحكي ليتنهد بصوت عالي
عائشة ببقلق:شبك شو صاير
محمد بهمس:شفت خالتي رفيف
عائشة ببفرح:عنجد رجعتت وينا ليش ما اجت
محمد:لك وطي صوتك.. مو بلضيعة
عائشة:لكن وين.
محمد:بلمدينة.. شفتا مع رجال
استغربت وهي بتطلع فيه كيف قلقان وبيمسح وشو بتعب
عائشة:كيف يعني مافهمت
محمد بصوت واطي:شفتا بلسوق مع رجال...ووضعن مو زابط
عائشة بقلق:كيف
محمد:كانت عم تبكي والزلمة بحاول يراضيا ومابعرف
فلاااش باااكك//
كان واقف هوي وماهر بيشترو سماد للمح مرا بتمشي اطلع فيها من فوق لتحت لشافا راحت بين بيوت ديقة وهوي بيطلع فيها رفعت النقاب ليشوف خالتو رفيف. بتتلفت حوليها بخوف ليجي قداما زلمة لابس بدلة رسمية وباينتو شغلة كبيرة
محمد بهمس:مين هاد
انتبه لرفيف وهي بتبكي والزلمة بيمسك اديها وهي بتبعد عنو لمشيت والزلمة لاحقا ومحمد بيطلع فيهن باستغراب
ماهر:محمددد وينكك
محمد:جاي
بااااككككك//
محمد:شو نعمل
عائشة:مابعرف.. بنستنى لترجع ونسالا عن هلشخص بس ليش كانت عم تبكي
محمد بتفكير:مابعرف انا لازم روح انتبهي عحالك وسلمي ع امي
عائشة:الله معك
طلع وسكرت الباب وهي بتفكر لدخلت ع اما وهي بتقلا انو محمد رجع
ــــٓــــــٓــــــٓــــــٓــ.
الساعة 9 م/
كان الكل موجود وهنن لابسين اجمل التياب وكلن بيضحكو مع بعض بمجاملات ونصن بيتناقشو بديكور الحفلة. والصحافة بتصور الكل ومن بينن امير واقف بيحكي مع زلمة وهنن مندمجين
امير:شكرا لحضورك الحفلة تفضل
-عنجد المشروع كتير ناجح بهنيك عهل فكرة
امير بمجاملة:شكرا الك لولا دعمكن ماقدرت ساوي شي
سمعو صوت بل مكرفون لشب عم يحكي وهوي ماسك كاسة
-بنشكر الامير عهل حفلة المتواضعة وبهنيك ع مشروعك الناجح بصحتككك
رفع كاستو وكلن شربو نخب النجاح يلي حققو وهوي بيطلع بلناس وهوي مبتسم
-بهل مناسبة المهمة بنطلب من السيد امير يسمعنا كم كلمة عن الميتم والنجاح يلي حققو بهل فترا
طلع علمنصة والكل واقف ونص الصحافة بتصور
امير:بحب اتشكر كل يلي لبو دعوتي واجو ليشاركوني بنجاحي والاساس من مشروعنا هوي العناية بل اطفال المشردين ..رح يكون هاد الميتم اكبر ميتم محافظ ع نضافتو والاهتمام فيه لنكبر.. وبتمنى الكل يدعمن ونحاول نكون الطف من غيرنا بمعاملة الاطفال كلن من عمر ال14 وجوا وشكرا الكن
صفقولو وهوي مبتسم لتجي عينو ع سراج وهوي داخل عقد حواجبو ونزل واتوجه لعندو
امير بهمس:شوو جااابكك
سراج:اجتني دعوة بحضور هي الحفلة
امير باستغراب:من مين
رفعلو كتافو بحيرة وهوي براقبو ببرود
-كيفك سيد امير
اطلع وراه ليشوف شب واقف وهوي مادد ايدو ليسلم عليه صفن بوشو والشب عينو بعين امير
امير باستغراب:اهلا يا...؟
-سيف سيف الاكبر
تغير وشو للون الاصفر وسراج بيطلع بسيف نظرات حقد
سيف بابتسامة جانبية:مابدك ترحب ب ابن اخوك او خليني هنيك ع نجاحك بطريقتي
اتخطاهن وسحب كاسة من الكرسون واخد المكرفون وهوي بيحكي
*يـــــــــ͢ـོ͓ـــتبــــــــــــــོـ͓ـــ͢ــ؏*
➖➖➖➖➖➖➖➖➖
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h```