ويبقى الأثر - الفصل 6 - مكتملة | روايتك

*قـصـص وروايـات عـالـمـيـة💙📚📖* *بإدارة* *يـامـن💙* *❴📖❵↵* *يبقى.الأثر.tt* ♥ *❴🔢❵☟الـــبـــــــــــ❴6️⃣والأخير❵ــــــــــــارت☟* ➖➖➖➖➖➖➖➖➖ *‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ *❴📖❵↵*تنسيق مشرفين مجموعة:* *❴📚❵↵*قصص وروايات عالمية📚💙* *❴💙❵↵*ننشر جميع انواع القصص والروايات العالمية* حـب💙. حـزن💙. اكشن💙. رعب💙. *❴👑❵↵*أن كنت من عشاق ومدمني القصص مكانك عندنا💙* *❴💙❵↵*رابط المجموعة للاشتراك:* ```https://whatsapp.com/channel/0029VaQogP17YSdATvOUwa1h``` ➖➖➖➖➖➖➖➖➖ *رفعت ايدي وضربت ياسمين كف... رضوان : اخرسيييي مايا : رضوان لااا رضوان : بتنقلعي على غرفتك ما بتطلعي منها واذا بسمع انك زعجتي مرتي بحرف ما تلومي غير حالك ام رضوان : حرام عليك يا ابني رضوان : الحرام يلي هي عم تعملو ، فهمنا انها زعلانة على وفاة يحيى بس هالشي ما بيعني انها تجرح غيرها بالحكي *رجعت على غرفتي وقفلت الباب .. حضنت صورة يحيى و بكيت لحتى غفيت... ام رضوان : الله يهديكن ويهدي بالكن ، تصبحو على خير رضوان : وانتي بخير امي مايا : رح ضب الاكل رضوان : اتركي من ايدك وتعالي لعندي مايا : حاضر *ضميت مايا ولأول مرة بحسها ضعيفة و وحيدة ومافي حدا جنبها ولا في الها سند من بعد الله غيري... رضوان : انا اسف انك سمعتي كلام جرحك من اختي مايا : لا تتأسف ، انا غلطت انو حكيت عليهن ، وياسمين نفسيتها تعبانة لهيك ما بينعتب عليها رضوان : من يوم ورايح ما عاد تدقي الباب على حدا ، يلي بيجوع بيطلع بياكل لحالو ، بتهتمي فيني انا وبس مايا : حاضر. *تطلعت بعيون مايا و مسحتلها دموعها.... رضوان : ما عاد بدي شوف هالعيون الحلوة عم تبكي مايا : ان شاء الله رضوان : تعالي خلينا نتعشى ، انا بحب طبخاتك كتير و ما بقدر قاومهن مايا : صحة ومية هنا يا رب ____________ #بقلم_فتاة_من_ورق_بسمه_السباعي ام وليد : شبك سمر بشو شاردة؟ سمر : في وحدة من المعلمات طلبت تخطبني لأخوها ام وليد : كيف شو قالتلك؟ سمر : هي بتعرف كلشي عني واليوم قالتلي انو طلبت من اخوها يوصلها مشان يشوفني وانا رايحة على المدرسة و هو شافني و قلها اخطبيها ام وليد : طيب هو شو وضعو؟ سمر : خبرتني انو كان متزوج وطلعت مرتو عندها مشاكل ما فيها تحمل و طلبت منو الطلاق مشان يتزوج ام وليد : شو بيشتغل؟ سمر : هو كمان استاذ بمدرسة ام وليد : شو قلتيلها انتي؟ سمر : قلتلها بخبر امي و ابي و بردلك خبر ام وليد : وانتي شو رأيك؟ سمر : انا مو رافضة الفكرة و اذا انتي و البابا موافقين انا حابة انو يجي و اتعرف عليه ام وليد : وبلكي كمال اخد نور اذا تزوجتي سمر : بتفق معو انها تضل معي لحتى تكبر شوي ولما تكبر بتصير بتمضي ايام عندو وايام عندي ام وليد : توقعتك تتمسكي ببنتك اكتر من هيك ، من وين جايبة هالقسوة؟ سمر : الحياة قستني ابو وليد : خليهن يتفضلو ايمتى ما بتحبي سمر : بابا ابو وليد : انا سمعت كلشي و موافق ، وانتي ام وليد؟ ام وليد : القرار الاول والاخير لسمر وطالما هي موافقة انا موافقة سمر : الله لا يحرمني منكن ____________ #بقلم_فتاة_من_ورق_بسمه_السباعي أمل : بدك تتعشى؟ وليد : لا أمل : رجعت متل اول ، اكلك قليل و ما بتحكي ، و ما بتطلع فيني حتى وليد : وفاة اخي كسرت ضهري أمل : وذكرتك بوفاة زينب؟ وليد : لا أمل : لا تنكر انا شايفة هالشي بعيونك وليد : أمل روحي نامي ما الي نفس احكي أمل : طلقني وليد : شو عم تخبصي انتي أمل : ما عم خبص ، طلقني وليد : مستحيل طلقك ، ما عاد بدي اسمع منك هالحكي ، تصبحي على خير أمل : والله كرهتك وكرهت حياتي معك ، يا ربي تخلصني من هالعيشة و تريحني *دخلت على غرفة ميرنا.... ميرنا : ماما أمل : انتي ما نمتي ميرنا : لا أمل : هاتي التلفون ميرنا : تفضلي أمل : اليوم رح نام جنبك و احكيلك حكاية ميرنا : رح جيب حكاية من المكتبة تقرأيلي ياها أمل : بسرعة ميرنا : حاضر أمل : انتي الوحيدة يلي مصبرتيني على هالعيشة يا بنتي ، ان شاء الله بشوفك احلى عروس و بتعيشي حياة احلى من حياتي بكتير. ____________ #بقلم_فتاة_من_ورق_بسمه_السباعي *تركت مايا نايمة و طلعت على شغلي.... رضوان : صباح الخير طارق : صباح النور معلم ، رح جهزلك الشاي رضوان : مافي داعي ، تعال بدي احكي معك طارق : أمرني معلم رضوان : انت ليش لهلأ ما تزوجت؟ طارق : امي و ابي عطوك عمرهن من زمان و ما الي حدا يخطبلي رضوان : عندك بيت؟ طارق : اي رضوان : انا قررت زوجك يا طارق طارق : الله يخليلي ياك معلم رضوان : رح زوجك اختي الأرملة ياسمين هي من عمرك ، وما رح لاقي صهر احسن منك ولا رح أمن على اختي الا معك طارق : انا بتشرف ناسبكن يا معلم ، الله يخليلنا ياك وما يحرمنا منك رضوان : من يوم ورايح انا ماعاد معلمك ، انا وياك شراكة بالمحل و صير ناديلي رضوان او ابو الروض طارق : على عيني ابو الروض رضوان : انا رايح ساعة و برجع طارق : خد راحتك ابو الروض ____________ #بقلم_فتاة_من_ورق_بسمه_السباعي *فتحت عيوني بست صورة يحيى و حطيتا جنبي و طلعت من غرفتي...ياسمين : صباح الخير ام رضوان : صباح النور ياسمين : وينها الحية؟ ام رضوان : مشان الله اسكتي لا تسمعك ياسمين : تسمعني شو بدو يصير؟ بدها تحكي لرضوان و يضربني؟ ما عاد يهمني ام رضوان : لا حول ولا قوة الا بالله ، يا بنتي انا ما بدي الشي يلي صار مبارح يتكرر خليكي هادية ولا تسمعيها حكي ، بعدين والله هالبنت عاقلة شوفي الكناين القوايا شو بيعملو ياسمين : خلت اخي يضربني وبتقولي عاقلة ام رضوان : انا وانتي منعرف منيح انها ما خلتو يضربك ، انتي يلي غلطتي بحقها لحتى استفزيتي اخوكي و ضربك ، متل ما كان يحيى غالي عليكي هي مرتو و غالية عليه ياسمين : انا رايحة لعند أمل بعد ساعة ام رضوان : اي روحي بتغيري جو *فتحت باب البيت و دخلت... رضوان : صباح الخير ام رضوان : صباح النور ياسمين : انا رايحة على غرفتي رضوان : تعالي ياسمين ، جايب مناقيش وحابب افطر معكن ، ممكن تساويلنا كاسة شاي ام رضوان : ساويلنا شاي حبيبتي ياسمين ياسمين : حاضر ماما رضوان : وين مايا؟ ام رضوان : لساتها نايمة رضوان : غريب بالعادة هي بتفيقني كل يوم هي اول مرة بتتأخر لهلأ ام رضوان : بتحب نفيقها؟ رضوان : هلأ حابب اقعد معكن لحالنا ، قبل ما ارجع على شغلي بفيقها ام رضوان : متل ما بدك ياسمين : تفضلو الشاي رضوان : يسلم ايديكي ياسمين : وايديك رضوان : امي ام رضوان : نعم حبيبي رضوان : انا قررت زوج ياسمين من شب مافي منو ياسمين : شو رضوان : متل ما سمعتي ، والرفض ممنوع ياسمين : مبارح بتضربني واليوم بتزوجني رضوان : لساتك صبية بأول عمرك ما شفتي من هالدنيا يوم حلو ، و طارق شب مافي منو ، شهامة و اخلاق و بينحلف بحياتو ياسمين : بس انا مو موافقة رضوان : ليش ؟ مشان تضلي عم تبكي على صورة انسان مات وما رح يرجع بعمرو؟ بدك تضيعي شبابك هون بيناتنا عم تخانقي مرتي وتسمعيها حكي؟ حطي ببالك انا عطيتو الموافقة للشب وما رح اتراجع الا بحالة وحدة اذا بتموتي ياسمين : الله لا يسامحك *ركضت على غرفتي عم ابكي .. حسيت بضعف و قهر بعمري ما حسيتو .. يا ريتني متت معك يا يحيى وما عشت هالشعور.... رضوان : بتفهميها انها رح تتزوج طارق اذا مو برضاها غصب عنها ام رضوان : اتركها على راحتها رضوان : ما رح اتركها تدبل وتدوب وتطالع جنانها علينا ، انا راجع على الشغل هلأ ، و رح حدد مع طارق موعد كتب الكتاب ، و لما ارجع عالبيت بدها تكون موافقة غصب عنها يا اما رح هد البيت فوق راسها ، سلام ام رضوان : لا حول ولا قوة الا بالله #يتبع #بقلم_فتاة_من_ورق_بسمه_السباعي#ويبقى_الأثر #الجزء_الثاني_عشر_الأخير #بقلم_فتاة_من_ورق_بسمه_السباعي *تطلعت بعيون يحيى بالصورة و الدموع بعيوني... ياسمين : يحيى .. بدن يزوجوني .. بدن عيش مع حدا غيرك .. بدن يحرقو قلبي اكتر .. ارجعلي يحيى .. ارجعلي او خدني لعندك .. ما فيني اتحمل الحياة بدونك. *دقيت الباب على ياسمين و قلبي محروق عليها... ام رضوان : ياسمين ممكن تفتحيلي؟ *فتحت الباب و ضميت امي... ياسمين : ساعديني بترجاكي ماما ، ما بدي اتزوج. ام رضوان : اهدي حبيبتي ، بيكفي بكي ياسمين : ما فيني عيش مع ايا انسان غير يحيى والله ما فيني ام رضوان : انا فهمانتك منيح و حاسة فيكي بس اخوكي ما رح يتركك بحالك و رح يضل يجبلك عرسان لحتى تقبلي و تتزوجي و يطالعك من هالبيت ، ولنفرض انا وقفت جنبك ورفضت زوجك لأيا شخص بيتقدملك رح يجي يوم وتفقديني وقتا رح تشوفي من اخوكي عذاب يخليكي تتمني لو انك قبلتي بالزواج و طلعتي من هون. ياسمين : يعني شو ؟ اتزوج و لسا تراب يحيى ما نشف ؟ ام رضوان : اطلعي من هالبيت لانك ما رح تدوقي طعم الراحة طول ما انتي هون. ياسمين : يا ريت الله ياخد روحي وقتها برتاح ام رضوان : بعيد الشر عن قلبك حبيبتي ، رح اتركك تفكري على مهلك و فكري بكلامي كتير منيح ياسمين : الله لا يسامحك يا رضوان ____________ #بقلم_فتاة_من_ورق_بسمه_السباعي *قعدت بالكفتيريا طلبت فنجان قهوة و اتصلت بكمال... ===================================== كمال : الو سمر : كيفك كمال كمال : الحمدلله منيح سمر : انا بالكفتيريا يلي كنا نقعد فيها دائما فيني شوفك هلأ؟ كمال : خير؟ نور فيها شي؟ سمر : لا الحمدلله بس في موضوع لازم نحكي فيه. كمال : عشر دقايق و بكون عندك. سمر : ناطرتك. ===================================== جهينة : خير شو في؟ شو بدها؟ كمال : ما بعرف قالت بدها تشوفني بالكفتيريا في موضوع بدها تحاكيني فيه جهينة : بيخص نور؟ كمال : لا جهينة : بدا ترجعلك؟ كمال : ما بتوقع لانو سمر مستحيل تنزل من كرامتها جهينة : وبلكي طلبت ترجعلك شو رح تقول؟ كمال : اكيد لا ، مستحيل اسمح لشي يخرب حياتنا يا عمري جهينة : بتمنى كمال : انا رايح ، انتبهي على حالك وعلى ابننا جهينة : لا تتأخر كمال : حاضر يا عيوني ، سلام جهينة : الله معك ____________ #بقلم_فتاة_من_ورق_بسمه_السباعي*صفيت السيارة عند بيت اهلي... وليد : انزلو أمل : ما بدك تنزل معنا تشوف مرت عمو؟ وليد : لا ، سلميلي عليها أمل : وين بدك تروح؟ وليد : أمل بدك تقلبيها تحقيق؟ أمل : لا ، عن اذنك وليد : الله معك ميرنا : باي بابا وليد : باي حبيبتي *دقيت الباب و تطلعت لفوق على بيت ياسمين و يحيى... أمل : الله يرحمك يا يحيى ام وليد : اهلا و سهلا تفضلو أمل : كيفك مرت عمو ام وليد : بشوفتكن صرت بخير ميرنا : انا اشتقتلك كتير تيتا ام وليد : و انا اكتر يا عمري ، وينو وليد؟ أمل : ما بعرف وين راح بس قلي سلم عليكي ام وليد : الله يسلمو من زمان ما شفتو أمل : شو بدي احكيلك لإحكيلك يا مرت عمو ام وليد : ميرنا حبيبتي روحي شوفي نور اذا فاقت ميرنا : حاضر تيتا ام وليد : احكيلي شبك حبيبتي أمل : نفسيتي تعبانة كتير من وليد ، كل هالسنين و انا عم حاول غيرو للأحسن بس عم افشل ام وليد : الله يهديه و يهدي بالو أمل : والله تعبت معو يا مرت عمو ما خليت طريقة لحتى اكسب قلبو بس مافي امل ام وليد : لا عاد تتعبي حالك ، انتي ما قصرتي والله أمل : طلبت الطلاق بس رفض ام وليد : كيف تطلبي هالطلب ؟ اذا هو بدو يطلقك انا ما بسمحلو ، ما بيلاقي احسن منك بالعالم أمل : والله تعبت ام وليد : طنشيه ولا عاد تتعبي حالك اهتمي بحالك وببنتك وبس أمل : ان شاء الله ____________ #بقلم_فتاة_من_ورق_بسمه_السباعي كمال : مرحبا سمر : اهلين كمال : فكرت نور معك سمر : لا بالبيت كمال : خير شو الموضوع؟ انشغل بالي سمر : في عريس متقدملي كمال : ههههه ، عنجد شو الموضوع؟ سمر : عم احكي جد ، في عريس متقدملي و بدي اقبل فيه كمال : انتي شو عم تخبصي؟ سمر : ما عم خبص ابدا ، ولا محلل الك و محرم عليي؟ كمال : و نور؟ سمر : نور بتضل معي لتكبر شوي بصير ببعتها لعندك كل فترة كمال : معقول انتي سمر سمر : اي انا سمر يلي ترجتك ما تتزوج عليها وما تتركها ، انا سمر يلي كسرت قلبها و مشيت بدون ما يرفلك جفن ، انا سمر يلي قررت تجبر كسرها و تعتمد على حالها و تقوى ، و هلأ انا ما عم اخد اذنك انا عم خبرك لحتى ما تسمع الخبر من غريب و تنصدم كمال : قدرتي تنسيني ؟ سمر : اي قدرت انساك متل ما انت نسيتني و تزوجت ويمكن رح يصير عندك ولد عن قريب كمان كمال : يعني عم تنتقمي مني؟ سمر : لا ابدا ما فكرت فيك ، انا قررت بلش حياتي من جديد و بتمنى هالحياة تكون احلى من الحياة يلي عشتا معك. *طالعت مصاري من جزداني و حطيتهن جنب فنجان القهوة... سمر : عن اذنك كمال : الله معك *طلعت من الكفتيريا عم ابتسم .. ما حسيت بالانتصار ولا حسيت بالحزن لانو ما كان هدفي اقهر كمال .. حسيت براحة نفسية لانو اول مرة بحياتي بعمل شي كرمالي انا ، كرمال سعادتي و فرحي انا .. انا و بس. ____________ #بقلم_فتاة_من_ورق_بسمه_السباعي (((بعد مرور عدة أيام))) الشيخ : ياسمين يا بنتي بتقبلي الزواج من طارق؟ *سكتت و تجمد الدمع بعيوني .. حسيت بالنار عم تنهش قلبي و روحي... الشيخ : يا بنتي اذا عم تسمعيني جاوبيني ، بتقبلي الزواج من طارق؟ *تطلعت بأمي هزت براسها بمعنى اي .. سكرت عيوني بقوة و حكيت بصوت مخنوق... ياسمين : بقبل الشيخ : علي صوتك يا بنتي. ياسمين : بقبل الشيخ : على بركة الله *رجعت على غرفتي و قفلت الباب...حملت صورة يحيى لآخر مرة و تطلعت بعيونو.... ياسمين : سامحني يا روحي والله غصب عني .. من اليوم انا صرت جسد بدون روح .. و قلبي اخدتو معك يا يحيى لما رحت و تركتني اتعذب بهالدنيا لحالي... *غطيت صورة يحيى بشال اسود و خبيتها بالدرج مع كل رسائلنا و ذكرياتنا و حطيت رسالة على الوجه... (((ستبقى دائمًا هُنا ، في عيوني وبين رموشي وعلى أطراف أصابعي وعلى ملامحي وأكثر عمقًا في قلبي أتظن أن الفراق يغلبني ؟ أنت الذي يقَالُ عَنْ رَحِيله مَرَّ وَبَقِيَ الأَثَر...))) *قفلت الدرج و خبيت المفتاح بجزداني .. مسحت دموعي و حملت شنتتي و طلعت من غرفتي.... ام رضوان : الله يسعدك ويهنيكي يا بنتي *بست ايد امي و ضميتا... ياسمين : انتبهي على حالك ام رضوان : وانتي كمان يا روحي رضوان : مبروك اختي ياسمين : الله يبارك فيك مايا : مبروك ياسمين ياسمين : الله يبارك فيكي و يقومك بالسلامة مايا : الله يسلمك رضوان : طارق ناطرك بالسيارة رح وديلو شنتايتك لا تتاخري اختي ياسمين : لاحقتك ام رضوان : حاولي تبلشي بداية جديدة يا بنتي ، اعطي لحالك فرصة تعيشي بسعادة ياسمين : السعادة راحت مع يحيى يا امي ، عن اذنكن مايا : اذنك معك ام رضوان : الله معك يا روحي الله يحميكي و يسعدك *طلعت من بيت اهلي على قبري مو على بيت زوجي .. و الطقم الابيض يلي لابستو هو كفني مو طقم عرسي .. بدعي ربي ياخد روحي لحتى ارتاح من هالعذاب يلي عم عيشو.... ____________ #بقلم_فتاة_من_ورق_بسمه_السباعي*تأكدت انو ميرنا نامت .. طفيت الضو و طلعت من الغرفة .. شفت ضو متل ضو النار بالصالون .. حطيت ايدي على قلبي و ركضت ... أمل : وليد ! وليد شو هاد ! وليد : حبيت فاجئك و فرحك و بلش معك بداية جديدة *كان مزين الصالون بالورد و الشموع .. شغل موسيقى هادية و طالع من جيبتو علبة .. قعد على ركبتو و فتح العلبة.... وليد : أمل بتقبلي تبدي معي حياة جديدة كلها حب و سعادة وهالخاتم يكون رمز لبداية حبنا؟ *دمعو عيوني من الفرح... أمل : ههههه اي بقبل بقبلللل *قرب مني وليد وحط ايدو على خدي و صار يضرب خدي ضربات خفيفة .. فتحت عيوني شفت ميرنا فوق راسي..... أمل : ميرنا ميرنا : غفيتي جنبي وانتي عم تحكيلي حكاية و هلأ صرتي تبكي و انتي نايمة حاولت فيقك بس ما فقتي الا لما ضربتك على خدك ، انا اسفة ماما أمل : يعني كل هاد كان مجرد حلم ميرنا : شو قلتي ماما؟ أمل : مافي شي حبيبتي قلت يمكن عم احلم حلم بيخوف ميرنا : علمتيني قول اعوذ بالله من الشيطان الرجيم اذا شفت حلم بيخوف أمل : اي والله اعوذ بالله من الشيطان الرجيم ميرنا : لا تخافي ماما انا جنبك أمل : هههه يا روحي انتي ، شو مفيقك لهلأ؟ ميرنا : لعبت باللعبة شوي لانو مو جايني نوم أمل : ابوكي اجا؟ ميرنا : لا أمل : طيب هاتي التلفون و غمضي عيونك عندك مدرسة بكرا ميرنا : طيب أمل : تصبحي على خير يا روحي ميرنا : تصبحي على خير ماما ____________ #بقلم_فتاة_من_ورق_بسمه_السباعي طارق : تفضلي يا عروس *دخلت على البيت .. كان بسيط و مرتب و مزين بالورد .. قعدت على الكنباية و انا حاسة حالي غريبة بمكان مو مكاني... طارق : معك حق تكوني مستغربة بالبداية بس مع الايام بتتعودي ان شاء الله ياسمين : طارق طارق : أمريني ياسمين : بدي احكيلك شي و بتمنى تتفهمني طارق : احكي عم اسمعك ياسمين : بعتذر على الكلام يلي بدي احكيه بس انا مغصوبة على الزواج منك ، اخي جبرني اتزوجك مشان اطلع من البيت ، يا ريت كان فيني ارفضك وما اظلمك ولا اظلم حالي معك طارق : خبرني اخوكي انك ارملة ياسمين : صحيح ، يمكن لو عرفتك بغير ظروف يمكن كنت اسعد انسانة هلأ لاني معك ، بس الدنيا ظلمتني و قسيت عليي كتير لهيك يلي قدامك مو ياسمين يلي كانت قبل ، يلي قدامك هلأ جسد بدون روح طارق : بتفهم كل كلامك ، بس بوعدك ردلك الروح و تعيشي معي احلى ايام و تنسي الماضي و كلشي بشع عشتيه ياسمين : ان شاء الله طارق : هي غرفة ابي و امي الله يرحمهم و هي غرفتي ، اختاري الغرفة يلي بتعجبك و انا رح اخد الغرفة التانية ، بوعدك ما ازعجك و اعطيكي وقتك لحتى تتعودي عليي و تتقبليني ياسمين : شكرا طارق : لا تتشكريني ، الزواج قائم على المودة و الرحمة و اذا ما عاملتك على هالمبدأ بكون ما بستاهل الزواج ولا بستاهلك ياسمين : انا يلي ما بستاهلك ، سامحني لأنك عرفتني بأصعب ظروفي. طارق : مسامحك ، من يوم ورايح هالبيت بيتك ، بترتبيه على كيفك و بتعملي فيه كلشي بيسعدك و أيا شي بتحتاجيه بس اطلبي و انا بعيوني بجبلك ياه ، بوعدك ما ينقصك شي طول ما انا عايش ياسمين : الله يطول بعمرك يا رب طارق : انا جايب عشا شو رأيك نتعشى؟ ياسمين : اي طارق : تكرم عيونك *لطافة طارق معي حسستني بشوية امان .. دعيت ربي يقويني لحتى اقدر ابدأ من جديد... ____________ #بقلم_فتاة_من_ورق_بسمه_السباعي (((بعد مرور ٣ سنوات))) يا أحلى عمري اللي جاية...بدي احكيلك حكاية.. قلك فيها إنك إنتا حبي و نصيبي.. حبيبي .. يا حبيبي.. *مشيت بخطوات هادية و طفيت المسجلة... أمل : وهي اطيب فنجان قهوة للست ياسمين. ياسمين : يسلمو ايديكي. أمل : ليش طفيتيها ؟ ياسمين : لانك بتعرفي ما فيني اسمع هالغنية. أمل : لساتك بتحبيه ؟ ياسمين : اي .. لساتني بحبو و ما عم اقدر انساه. أمل : ما رح تقدري تنسيه لانو انتي ما بدك تنسيه. ياسمين : والله عم حاول انساه بس ذكرياتنا بكل مكان انتي متخيلة العذاب يلي انا عم عيشو؟ أمل : بس انتي مرة متزوجة ما بيجوز تضلي تفكري هيك ياسمين : من يوم عرسي دعيت ربي يقويني لحتى ابدأ من جديد بس يمكن هالعذاب يضل مرافقني لحتى موت أمل : قصتنا انا و وليد عم تنعاد قدام عيوني مع غير اشخاص .. انتي وليد و زوجك أمل ياسمين : يا ريت افقد ذاكرتي و اقدر بلش مع طارق بداية تعوضو عن كل هالسنين يلي انظلم فيها معي. أمل : ما رح تقدري تحبيه مهما حاولتي و دعيتي و تمنيتي ، هيك حياتنا ، انا عايشة مع انسان بحبو بس هو ما بيحبني و انتي عايشة مع انسان بيحبك بس انتي ما بتحبيه ، يمكن لانو الحياة مو عادلة. ياسمين : لا تفكري بهالطريقة انا متأكدة رح يجي يوم و وليد يحبك و رح يجي يوم و اقدر حب طارق ، هلأ شيلينا من هالقصص المعته ميرنا كيفا؟أمل : الحمدلله بالمدرسة ، اصلا انا عايشة مشانها والله يا ياسمين ياسمين : الله يخليلك ياها يا رب و تفرحي فيها ، بس بدي اطلب منك طلب أمل : تفضلي ياسمين : لا تخليها تضل ماسكة التلفون ، الدنيا بتخوف و بنتك متعلقة كتير بتلفونها لما كنتو عندي ما رفعت راسها وهي عم تلعب بالتلفون حتى عقلها مو معها. أمل : كتير بحكيها وكتير بخلي ابوها يعصب عليها بتقلي عم نلعب لعبة انا ورفقاتي وما بدي يسبقوني بالمرحلة بقول حرام خليها تتسلى و تجاريهن ياسمين : بس امانة ضلي منتبهة عليها أمل : ان شاء الله ____________ #بقلم_فتاة_من_ورق_بسمه_السباعي سمر : يا ربي دخيلك شو اعمل والله رح تجننوني يا امي حاج تبكو .. نور اعطيني تلفوني حبيبتي نور : تفضلي ماما *تركت ولادي بالغرفة عم يبكو و طلعت... ===================================== أنس : الو سمر : حبيبي وينك؟ أنس : بالمدرسة يا روحي سمر : أمير و أمين حرارتهن مرتفعة و عم يبكو والله جننوني تعال خدنا على المشفى أنس : طيب لبسيهن رح اخد اذنك من المدير و اطلع سمر : لا تتأخر أنس : مسافة الطريق ===================================== سمر : بيكفي بكي يا ماما انا هون جنبكن .. الله يحميكن و يساعد كل وحدة عندها توأم بتكون متلي جانة و محتارة مين تسكت. ____________ #بقلم_فتاة_من_ورق_بسمه_السباعي ميرنا : يا بنات اطلعو باب السطح مفتوح سارة : جايين ميرنا *طلعنا على سطح المدرسة انا و رفقاتي و وقفنا على الحافة... ميرنا : كلنا وصلنا للمرحلة الاخيرة باللعبة سارة : اي بس انا بخاف مستحيل ساوي التحدي الاخير لونا : و انا بخاف شهد : انا ما بخاف رح ساوي التحدي مين معها تلفونها تصورني مشان لما ارجع ابعت الفيديو عاللعبة؟ سارة : انا معي تلفوني شهد : يلا صوريني *طلعت شهد و مشيت على حرف السطح خطوتين و نزلت... شهد : هههه خفت كتير ، صورتيني سارة؟ سارة : اي صورتك لونا : هلأ دور ميرنا ميرنا : حاسة قلبي عم يرجف هههه شهد : معناها انا يلي رح اختم اللعبة و اخد الجائزة ميرنا : لا ، قطعنا كل هالمراحل سوا و بالاخر انتي تاخدي الجائزة؟ انا رح ساوي التحدي و بخطوات اكتر من عدد خطواتك ، صوريني سارة سارة : يلا لونا : برافو ميرنااا ، هلأ صار التحدي بين ميرنا و شهد مين بتتوقعي تمشي خطوات اكتر؟ سارة : انا بتوقع ميرنا شهد : و انا بتوقع ميرنا تربح عليي. *طلعت و وقفت على الحرف رفعت راسي و بلشت امشي ببطئ خطوة خطوة .. سارة : برافو ميرناااا لونا : برافووووو شهد : رح تربح عليي متل ما توقعت صارت ماشية خمس خطوات *تطلعت على يميني و شفت البعد بين حرف السطح و الارض .. تسارعت دقات قلبي و حسيت بخوف كبير... ميرنا : انا خايفة بدي انزل لونا : اول حدا باللعبة قدر يمشي ٧ خطوات لازم تمشي ٨ و تصيري الاولى. شهد : كملي باقيلك ٣ خطوات و بتربحي سارة : يلا ميرنا يلااا *حسيت بدوخة قوية من الخوف و ما عاد اقدر سيطر على توازني.... لونا : ميرنا ميرنااا خطواتك مو متوازنة انزلي شهد : ميرنا انتبهي رح توقعي سارة : ميرنااااااا ____________ #بقلم_فتاة_من_ورق_بسمه_السباعي ام رضوان : صباح الخير مايا : صباح الورد مرت عمو الفطور جاهز ام رضوان : الله يسلم ايديكي و يرضى عليكي يا مرضية يا حنونة انتي مايا : الله يخليلنا ياكي يا رب ام رضوان : وينو حفيدي؟ مايا : لساتو نايم ام رضوان : رحتي الصبح على الدكتورة انتي و رضوان؟ مايا : اي رحنا ام رضوان : شو قالت؟ مايا : قالتلي صحة البنوته منيحة كتير و ولادتي خلال اسبوع بالكتير ام رضوان : الله يقومك بالسلامة و يرزق ياسمين ولد عن قريب يا رب مايا : آمين يا رب ____________ #بقلم_فتاة_من_ورق_بسمه_السباعي أيلا : بابا بابا باباااا جهينة : بس يا ماما اتركي البابا نايم كمال : ههههه اتركيها انا بحب اعمل حالي نايم مشان تفيقني هيك جهينة : وانا بحب بعدها لاني عم غااار حاسستها اخدت مكاني بقلبك كمال : ما حدا بياخد مكانك يا ست قلبي انتي جهينة : الله يخليلي ياك يا روحي ، بدك تجيب نور لعنا اليوم؟ كمال : اي طبعا اشتقتلها كتير جهينة : والله و انا اشتقتلها هالبنت بتشبهك كتير بالشكل و بالهضامة ربي يحميها و يحميلنا لولو ويفرحنا فيهم يا رب كمال : ويحميلي ياكي يا سعادتي و فرحة قلبي و عمري انتي جهينة : بحبك أيلا : باباا بابااا كمال : ههههه يا روحو للبابا انتي جهينة : هههههه ____________ #بقلم_فتاة_من_ورق_بسمه_السباعي ياسمين : أمل تلفونك عم يرن أمل : مين؟ ياسمين : مكتوب مديرة ميرنا أمل : يا رب خير ابصر شو عاملة هالمشاغبة اليوم===================================== أمل : الو المديرة : يعطيكي العافية أمل : الله يعافيكي المديرة : ممكن تتفضلي لعنا على المدرسة هلأ؟ أمل : خير شوفي؟ صاير شي مع ميرنا؟ المديرة : تعالي وبتعرفي ، نحن ناطرينك أمل : يلا جاية ===================================== ياسمين : شوفي؟ أمل : المديرة بدها ياني روح عالمدرسة هلأ بس ما بعرف ليش قمطني قلبي ياسمين : اتصلي بوليد خبريه أمل : عم اتصل ما عم يرد ياسمين : طيب جهزي حالك نروح سوا أمل : ثواني و بكون جاهزة خليكي عم تحاولي تتصلي بوليد *اخدت تلفون أمل و عم اتصل بوليد بس ما عم يرد... أمل : يلا انا جاهزة ، سيارتك معك صح؟ ياسمين : اي رح انزل شغل السيارة اقفلي الباب و لحقيني أمل : يا رب خير. *وصلنا على المدرسة شفنا الاسعاف و سيارة الشرطة على الباب.... أمل : شوفي ياسمين : ما بعرف خلينا نفوت لعند المديرة أمل : حاسة رجليي ما عم يحملوني ياسمين : روقي اكيد مافي شي بيخوف بجوز بنتك متخانقة مع شي بنت وعم يخوفوهن أمل : يا رب خير يا رب خير *نزلت من السيارة و فتت على غرفة المديرة ... شفت ٣ بنات قاعدين جنب بعض عم يبكو ... التفتت على اليسار شفت وليد... أمل : وليد شوفي انت كيف اجيت لهون ، وين ميرنا؟ *ضمني وليد بقوة.... وليد : اهدي .. اهدي أمل : وليد عم تخوفني وين ميرنااااااا وليد : بنتنا أمل : شبها بنتنااااا احكي وليد : ماتت ياسمين : شو المديرة : غافلونا و طلعت على سطح المدرسة هي و رفقاتا و وقعت أمل : لا مستحيل مستحييييل *طلعت عم اركض .. وصلت عند سيارة الاسعاف و تطلعت شفت شرشف كلو دم و شعر ميرنا طالع من الشرشف و الربطة يلي ربطتها بايدي كانت لساتها على نهاية جدلة شعرها.... أمل : هي بنتي؟ هي ميرنا؟ وليد : لا تشوفيها أمل أمل : بدي شوفها وليد بدي شوفها بنتي ما ماتت وليد : عم قلك لا تشوفيهااااااااا *شدني وليد من ايدي بقوة و هو عم يبكي.... أمل : اتركني بدي شوف بنتييييي وليد : ما فيكي تشوفيها بنتنا مشوهة *ما تخيلت يجي يوم و اسمع عن بنتي وحيدتي هيك جملة...قعدت بالشارع مصدومة .. ما نزلتلي ولا دمعة.... ياسمين : أمل أمل : عم يكذبو عليي ياسمين ، عم يقولو بنتي ماتت و متشوهة بس انا اليوم الصبح كنت عم احكي معها .. اتفقنا نروح على المول سوا و نتغدى سوا .. ليش عم يفاولو على بنتي هيك ياسمين؟ ياسمين : يا ربي دخيلك وليد : أمل خلينا نروح على البيت أمل : اترك ايدي انت ، عن ايا بيت عم تحكيييي ماعاد في بيت ماعاد في بيييييييت ، البيت كان ميرنا وهلأ عم يقولو راحت ميرنا .. راحت ميرنا و راح البيت و راحت روحي معهاااا *بهاللحظة ما عاد حسيت على شي.... ياسمين : أمل .. أمل شو صرلك وليد : رح احملها للسيارة ياسمين : خلينا ناخدها على المشفى وليد وليد : لا رح اخدها على البيت .. البيت احسنلها. ياسمين : اطلعو بسيارتي ما فيك تسوق وانت بهالحالة وليد : اوك *ما بعرف من وين اجتنا هالقوة انا و وليد .. برغم الوجع و القهر يلي شفناه وعشناه .. وصلنا على البيت .. حطينا أمل بتختها و غطيناها... وليد : انا لازم ارجع .. لازم افهم شو صار مع بنتي .. ممكن تعطيني مفاتيح سيارتك؟ ياسمين : وليد انت ما فيك تسوق شوف عيونك كيف ، روح بتكسي وليد : سلام ياسمين : يا ربي دخيلك .. يا رب يكون يلي عم نمر فيه كابوس أمل : بنتي وينا بنتي ميرنا ياسمين : أمل أمل : بدي بنتي ياسمين : أمل مشان الله اهدي *قمت من تختي و رحت على غرفة ميرنا...شفت لعبتها على تختها...حملتا و ضميتا لقلبي... أمل : ميرنا يا روح الماما ، انتي خايفة مو؟ لا تخافي يا روحي انتي هلأ بحضني و ما حدا رح ياخدك مني ولا حدا رح يقول انك ميته ياسمين : أمل ليش عم تعملي هيك أمل : هسسس وطي صوتك ميرنا نامت .. هههههه نامت ما ماتت هههههههه هههههههههه بنتي نامت كتير ما ماتت هههههه *حطيت ايدي على تمي و فهمت انو أمل ماعاد طبيعية...نزلو دموعي بحرقة على أمل وعلى بنتها يلي تركتها فجأة بدون ما حدا يتوقع هالشي.... ____________ #بقلم_فتاة_من_ورق_بسمه_السباعي (((بعد مرور شهر))) *طلعنا انا و طارق و وليد من المشفى بعد ما زرنا أمل... وليد : حاسس حالي خسرت كلشي دفعة وحدة .. بنتي ماتت و مرتي جنت و صارت بالمشفى. ياسمين : ما تخيلت يجي يوم و شوف أمل بهالحالة. طارق : وكل امرك لله اخي وليد ، الله بيختبر صبر الانسان لفترة و بعدين بيعوضو و بيجبر كسرو وليد : والنعم بالله طارق : بتحب نوصلك على البيت؟ وليد : ماعاد عندي بيت ، متل ما قالت أمل .. البيت هو ميرنا .. و بالنسبة الي البيت هو أمل و ميرنا و التنتين راحو. ياسمين : يعني وين بدك تروح؟ وليد : رح ارجع عيش مع ابي و امي لانو ماعاد فيني شوف البيت ابدا ياسمين : بفهمك كتير وليد : عن اذنكن طارق : الله معك *مشينا انا و طارق باتجاه سيارتنا...طارق : الله يجبر قلبو و خاطرو .. يلي صار معو جبال ما بتحملو ياسمين : برغم قسوة يلي صار معهن بس يلي بيشوف مصيبة غيرو بتهون عليه مصيبتو طارق : شو قصدك؟ ياسمين : رب العالمين خلاني عيش هالتفاصيل معهن لحتى اعرف انو مصيبتي اهون بكتير من مصيبتهن و انو هالدنيا على قد ما فيها وجع على قد ما فيها جبر ، و انت الجبر لقلبي يلي صبر على ظلمي يلي مو مقصود. طارق : جملة " انت الجبر لقلبي " خلتني انسى كلشي مرينا فيه ياسمين : بتقبل نبدأ بداية جديدة؟ طارق : انا عشت كل هالسنين ناطر هالجملة منك و بتسأليني اذا بقبل ! انا بدفع عمري لحتى اسعدك و نسيكي كل وجعك ياسمين : و انا بوعدك زينلك أيامك بالورد و الفرح و الحب طارق : قلتي الحب؟ ياسمين : هههه اي طارق : يعني بلش قلبك ينبض الي؟ *شبكت ايدي بإيد طارق و ابتسمتلو... ياسمين : يمكن. طارق : و قلبي بيعشقك يا رفيقة دربي. ((ليس بالضروة أن تنتهي كل الحكايات بالوصل فالحرمان يكتب البعض منها لتكون الأصدق...)) مع كل كسر في جبر ... و مع كل مصيبة في سكينة ... و مع كل قهر في فرح ... و مع كل شدة في رخاء ... جميعنا راحلون و يبقى الأثر... *الـــــــــ͢ـོ͓ـــنهـــــــايـــــــོـ͓ـــ͢ــة* ➖➖➖➖➖➖➖➖➖ *❴📖❵↵*تنسيق مشرفين مجموعة:* *❴📚❵↵*قصص وروايات عالمية📚💙* *❴💙❵↵*ننشر جميع انواع القصص والروايات العالمية* حـب💙. حـزن💙. اكشن💙. رعب💙. *❴👑❵↵*أن كنت من عشاق ومدمني القصص مكانك عندنا💙* *❴💙❵↵*رابط المجموعة للاشتراك:* ```https://whatsapp.com/channel/0029VaQogP17YSdATvOUwa1h